Author: webrwanda

Yabitangaje kuri uyu wa Gatandatu tariki 20 Ukwakira 2023 mu kiganiro cyamuhuje n'itangazamakuru n'abandi mbere y'uko kuri uyu wa Gatandatu tariki 21 Ukwakira 2023 ayobora ibirori byo gutanga ibihembo bya Trace Awards muri BK Arena.

Ni ubwa mbere D’Banj aje mu Rwanda bitari mu rwego rw’ubuhanzi. Yavuze ko muri buri gihugu cyo muri Afurika afitemo izina bamwita, yaba muri Kenya, muri Liberia n’ahandi, asaba ko mbere y’uko ava mu Rwanda ‘Abanyarwanda bamushakira izina ry’ikinyarwanda azitwa’.

D’Banj yavuze ko n’ubwo abantu bamuzi cyane nk’umuhanzi ariko anagira uruhare mu kuyobora ibirori. Kuri we, avuga ko bimushimishije cyane kuba yarahawe kuyobora Trace Awards.

Yavuze ko buri wese uko agenda atera imbere, akwiye kureba icyo aha umwanya munini kurusha ikindi, ari nayo mpamvu muri iki gihe ari gukoresha ijwi rye mu kugira inama urubyiruko ‘kudakora amakosa nk’ayo twakoze’.

Uyu munyamuziki yavuze ko ashaka kwaguka muri we, agakora ibikorwa birenze kuba aririmba. Yavuze ko Afurika izatera imbere igihe abantu bazaba bashyize hamwe kandi bagakorana. Ati “Ugasanga uwo muri Cameroon akoranye na Nigeria cyangwa se uwo muri Kigali…”

D’Banj yavuze ko muri we yahoze asenga asaba Imana ko igihe kimwe umuziki uzahuza abantu bo mu bihugu bitandukanye. Avuga ko nta gushidikanya ko ubuhanzi ari cyo kintu cya mbere kinjiriza amafaranga ibihugu byinshi ‘muri iki gihe’.

Yavuze ko habayeho ibihe by’inkuru zitari nziza kuri afurika, ariko ko muri iki gihe abo muri Nigeria, muri Afurika y’Epfo n’ahandi bari gutwara ibikombe bya Grammy Awards, kandi bagakorana n’abahanzi bakomeye ku Isi.

D’Banj avuga ko uko abahanzi bakorana n’abandi, ari byo bifungura amarembo y’ubuzima bw’abo.

Atanga urugero kuri Musa Keys wo muri Afurika y’Epfo wakoranye indirimbo na Davido wo muri Nigeria bise ‘Unavailable’.

Uyu mugabo yabajijwe niba yiteguye kuba yakorana indirimbo n’abahanzi bo mu Rwanda, asubiza ko ashaka gukorana indirimbo n’umwe mu bahanzi bo mu Rwanda cyangwa se babiri.

Yavuze ko amaze igihe kinini yumva indirimbo z’abahanzi nyarwanda, kandi ko hari bamwe mu bo yavuganye n’abo n’ubwo atari benshi. Yavuze ko yavuganye na The Ben ndetse na Bruce Melodie.

D’Banj yavuze ko aba bahanzi ari abahanga, kandi ko bafite amajwi meza. Ati “Igihe cyose nakumva ibihangano byawe niteguye gukorana nawe.”

Yavuze ko umuziki ari urubuga ruhuza abantu benshi, ari nayo mpamvu atajya yishyuza umuhanzi ushaka ko bakorana indirimbo.

Ati “Ibyo nibyo bita guhuza. Kubera ko gukorana indirimbo ni kimwe, ikindi gice gikomeye ni ugutuma iyo ndirimbo imenyekana ku isi, aho niho amafaranga azira.”

D'banj uzayobora itangwa ry'ibi bihembo ni umunya-Nigera w'umuraperi usanzwe ukora ibiganiro bya Televiziyo. Niwe washinze inzu ifasha abahanzi mu bya muzika ya Mo'Hits afatanyije na Producer Don Jazzy, umunyemari wazamuye benshi mu muziki.

Mu rugendo rwe rw'umuziki yegukanye ibikombe birimo MTV Europe Music Awards mu 2007, mu 2009 yegukanye igikombe cy'umuhanzi w'umwaka muri MTV Africa Music Awards n'ibindi.

D'banj mu 2012 yasohoye indirimbo yise 'Oliver Twist' yabaye idarapo ry'umuziki we kugeza n'ubu. Mu 2021 yatangaje isohoka rya album ye yise 'Ikebe'.

D'Banj yavuze ko amaze igihe yumva indirimbo z'abahanzi bo mu Rwanda

D'Banj niwe uzayobora ibirori byo gutanga ibihembo bya Trace Awards&Festival

D'Banj yatangaje ko yifuza gukorana indirimbo na The Ben kubera ko ari umwe mu bahanzi b'abahanga bo mu Rwanda yumvise 

Bruce Melodie yagarutsweho na D'Banj avuga ko akeneye ko bakorana

D’Banj ari kumwe n’Umuyobozi wa Kiss Fm, Lee Ndayisaba wamubajije ibibazo binyuranye

KANDA HANO UREBE AMASHUSHO Y’INDIRIMBO ‘OLIVER TWIST’ YA D’BANJ

“>

Kanda hano urebe amafoto menshi yaranze ikiganiro D’Banj yahaye itangazamakuru

AMAFOTO: Jean Nshimiyimana-InyaRwanda.com

Yabigarutseho ku mugoroba wo kuri uyu wa Gatanu tariki 20 Ukwakira 2023, mu kiganiro yahuriyemo na Franck Kacou wo muri Universal Music, Ezegozie Eze Jr. wo muri Label ya Empire ireberera abahanzi barimo nka Burna Boy, Fireboy n'abandi ndetse na Tobi Van Zyl wo muri Bett'r

Muri iki kiganiro, Mr Eazi yavuze ko yakuze ari umwana ushakisha ubuzima, ku buryo muri we atari yarigeze yiyumvamo gukora umuziki. Avuga ko umuziki ‘wabaye nk’ubuhungiro’ kuri we.

Yavuze ko yinjira mu muziki nko mu 2015 yatangiye kwiga buri kimwe gisabwa kugirango abe umuhanzi ukenewe ku rwego Mpuzamahanga. Igihe kimwe yakira telefoni ya Rollen Hill wo muri Ghana watangiye kumufasha kuva icyo gihe.

Eazi yavuze ko yari amaze igihe yumva indirimbo za Rollen Hill, kandi ko muri 2016 ari bwo yiyemeje gukora umuziki mu buryo bw’umwuga, kugeza ubwo atangiye gukorera ibitaramo mu Bwongereza.

Nyuma y’imyaka ibiri, yahisemo gushinga ‘Label’ ayita Empawa Africa. Yavuze ko kuva icyo gihe yahise yiyemeza gukora umuziki w’abanyafurika gusa, kandi ashima uko abantu bamwakiriye.

 

Uyu mugabo yagaragaje ko mu rugendo rwe rw’umuziki yagiye aca uduhigo, kandi byamufashije kumurika ku ruhando rw’umuziki abahanzi barimo nka Joe Boy, Nandi wo muri Kenya, aba Producer benshi n’abandi.

Yavuze ko nta gushidikanya afite muri we, ko mu myaka itatu iri imbere umuziki wa Afurika uzaba wumvikana ku rwego rw’isi, kandi byaratangiye.

Abajijwe icyo yakoze cyamufashije gutuma aba umuhanzi ukomeye ku Isi, yavuze ko harimo kuba yaramenye uwo ari we, avuga ko ibi ari nabyo buri muhanzi yakabaye yubakiraho umuziki we.

Uyu muhanzi yavuze ko ubwo yari mu rugendo aza mu Rwanda, hari amashusho yarebye agaragaza Rema akinjira mu muziki, abona ko atigeze ahinduka mu miririmbire n’ibikorwa bye, ibintu avuga ko byagakwiye kuba biranga buri muhanzi wese uri mu muziki.

Ati “Rema yari azi uwo ari we. Ntiyigeze ahinduka. Yakomeje gukora indirimbo, kandi agenda azamura urwego rwe, none afite indirimbo zikomeye ku Isi.”

Icya kabiri yabwiye abahanzi ni ikipe y’abantu bakorana mu muziki. Yavuze ko umuhanzi akwiye kwita cyane ku kureba umujyanama bakorana n’abandi bagize ikipe ye.

Eazi yavuze ko iyo umuhanzi yiyegereje abantu basobanukiwe neza iby’umuziki, adashobora gukora amakosa arimo nko kubura mu gitaramo kandi yagitumiwemo.

Yavuze ko nta muhanzi wakabaye wemera ikintu hanyuma ngo ananirwe kugikora. Icya gatatu yavuze ko ni ukwiga. Eazi yavuze ko umuhanzi agomba kuba yarize, kandi afite ubumenyi ku muziki.

Eazi yavuze ko nta kintu na kimwe yari azi mu muziki kugeza ubwo yigeze gukora amakosa mu gusakaza indirimbo ze ku mbuga nkoranyambaga z’umuziki.

Yavuze ko ibi ari ubwa mbere abigarutseho imbere. Ati “Kwiga, kwiga, kumenya uwo uri we, kwigirira icyizere, no kumenya ikipe ngari mukorana.”

Coach Gael washinze 1:55 AM, yavuze uburyo umwaka ushize yahuye na Olivier washinze Trace Group baganira ku kuba ibihembo bya Trace Awards byatangirwa mu Rwanda. Avuga ko icyo gihe batiyumvishakaga ko bizashoboka, ariko hamwe n'umuhate no kwiyemeza, byarashobotse.

Uyu mugabo yagaragaje ko umuziki ukeneye abashoramari, ashima Guverinoma y'u Rwanda binyuze mu Ikigo cy'Igihugu cy'Iterambere ku bwo gushakira inzira abahanzi.

Mr Eazi yatangaje umuhanzi agomba gukora uko ashoboye akiga kandi akamenya uwo ariwe

Mr Eazi yaserutse yambaye umwambaro wa Skol- Asanzwe afitanye amasezerano n’ikipe ya Rayon Sports binyuze muri ChopLife

Uhereye ibumoso: Umuyobozi wa Trace Group, Olivier Laouchez, Umuyobozi muri Universal Music, Franck Kacou, Karomba Gael washinze 1:55 AM, Ezegozie Eze Jr. wo muri Empire, Tobi Van Zyl wo muri Bett'r ndetse n'umuhanzi Mr Eazi

Kanda hano urebe amafoto menshi yaranze ikiganiro Mr Eazi yahuriyemo n’abafite aho bahuriye n’umuziki

KANDA HANO UREBE AMASHUSHO Y’INDIRIMBO ‘LEG OVER’ YA MR EAZI

“>

AMAFOTO: Jean Nshimiyimana-InyaRwanda.com

Ni umukino Police FC yatangiye neza muri rusange byatumye ku munota wa 16 ibona na penaliti ku ikosa ryakorewe Bigirimana Abedi. 

Iyi penaliti yahise iterwa na Mugisha Didier atsindira Police FC igitego cya mbere, kiba igitego cya 3 muri iyi shampiyona. 

N’ubwo byari bimeze gutya ariko Kiyovu Sports nayo abakinnyi nka Richard Kilongozi na Nizeyimana Djuma bakinaga neza cyane bigatuma igera imbere y’izamu cyane. 

Ibi byatumye ku munota wa 31 ibona penaliti ku mupira wakozwe na myugariro wa Police FC Ndizeye Samuel maze Nizeyimana Djuma afasha Kiyovu Sports kwishyura igitego. 

Abakinnyi 11 Kiyovu Sports yabanje mukibuga 

Mbere y’uko igice cya mbere kirangira Police FC yabonye igitego cya kabiri ku mupira Mugenzi Bienvenue yahaye Hakizimana Muhadji agahita atsinda igitego mu gihe abakinnyi ba Kiyovu Sports bari bazi ko habayemo kurarira, iminota 45 irangira ari 2-1.

Kapiteni wa Kiyovu Sports Niyonzima Oliver Seif yagiye mu rwambariro nk’abandi ariko igice cya kabiri gitangiye ahita asimbuzwa adahari ahubwo ajyanwa n’imbangukiragutabara.

Ikipe ya Police FC yakomeje guhirwa n’umukino maze ku munota wa 61 Mugenzi Bienvenue atsinda igitego cyari icya gatatu ku ikipe ye.

Abakinnyi 11 Police FC yabanje mu kibuga 

Kiyovu Sports yakomeje gukora impinduka zitandukanye, abatoza bayo n’abakinnyi batanemera ibyemezo bimwe na bimwe byafatwaga n’umusifuzi Umutoni Aline ariko umukino urangira Police FC yegukanye intsinzi itsinze ibitego 3-1.

Police FC yahise ifata umwanya wa 4 n’amanota 13 Kiyovu Sports yari kuri uyu mwanya, ijya ku mwanya wa 5 n’amanota 12.

Mugisha Didier ni umwe mu bakinnyi bagoye cyane ikipe ya kiyovu Sports 

Hakizimana Muhadjiri yigaragaje cyane muri uyu mukino 

Mugisha Didier ubwo yajyaga gutera penariti 

Nzeyurwanda agerageza kuyikuramo, ariko biranga 

Nizeyimana Djuma watsinze igitego rukumbi cya Kiyovu Sports 

KANDA HANO UREBE AMAFOTO MENSHI

AMAFOTO: Ngabo Serge – InyaRwanda

Kuri uyu wa Gatanu ni bwo mu gihugu cya Tanzania hatangirijwe imikino ya African Football League iri gukinwa ku nshuro yayo ya mbere. Ni imikino ngarukamwaka izajya ihuza amakipe 8 akomeye yo ku mugabane w’Afurika. 

Mu birori byo gutangiza iyi mikino hari abayobozi batandukanye bo mu mupira w’amaguru barimo Perezida wa FIFA, Gianni Infatino, Arsene Wenger ushinzwe iterambere ry’umupira w’amaguru muri FIFA ndetse na Patrice Motsepe uyobora impuzamashyirahamwe y’umupira w’amaguru muri Afurika (CAF).

Umukino wahise ukinwa ku ikubitiro ni uwa Simba SC na Al Ahly wabaye saa kumi n’imwe zuzuye ubera ku kibuga Uwanja wa Mkapa.

Uko wagenze muri make

Mu minota 5 ya mbere y’umukino, Al Ahly niyo yari hejuru isatira cyane ariko nyuma yaho na Simba SC yatangiye kugera imbere y’izamu binyuze kuri rutahizamu wayo Miquissone.

Ku munota wa 12 S.Lim wa Al Ahly yashoboraga gutsinda igitego aho yazamukanye umupira yihuta yinjira mu rubuga rw’mahina ariko umuzamu wa Simba Ally Khatoro aratabara ashyira umupira muri koroneri.

Ikipe ya Al Ahly yakomeje kurata uburyo bwinshi bw’ibitego nk’aho Yasser Ibrahim yahinduye umupira mwiza usanga Muzi Tau ariko arekuye ishoti rinyura hejuru y’izamu gato cyane.

Ku munota wa 35 Al Ahly yashoboraga kubona penariti aho Mahmoud Kahraba yakorewe ikosa na myugariro wa Simba SC afite umupira mu rubuga rw’amahina ariko umusifuzi yitabaza VAR ntiyayitanga.

Igice cya mbere kigiye kurangira Reda Slim yatsinze igitego ku mupira mwiza yahawe na Mahmoud Kahraba bahita bajya kuruhuka Al Ahly iyoboye n’igitego 1-0.

Igice cya kabiri cyatangiye Simba SC ikora impinduka mu kibuga havamo Miquissone hinjiramo Jean Baleke. Nyuma y’iminota micye Simba SC yahise ibona igitego cyo kwishyura gitsinzwe na Kibu Denis ku mupira yahawe na Chama.

Simba SC nyuma yo kubona igitego cyo kwishyura yakomeje gukinana imbaraga isatira bituma ku munota wa 59 ibona igitego cya 2 gitsinzwe na Kanoute winjiye mu kibuga asimbuye ahawe umupira na Ntibazonkiza kuri koroneri.

Bidatinze Al Ahly nayo yahise itsinda igitego cya 2 gitsinzwe na Kahraba ku mupira wari uvuye kuri kufura. Ku munota wa 69 umuzamu wa Al Ahly yakoze akazi gakomeye akura umupira ku kirenge Baleke wari witeguye gutsinda igitego cya 3.

Mu minota ya nyuma y’umukino Simba SC yakomeje kwiharira umupira cyane inasatira ngo ishake igitego cya 3 ndetse n’umutoza, Robertinho akora impinduka mu kibuga hinjiramo abakinnyi barimo na Andre Onana wanyuze muri Rayon Sports, ariko kubona igitego biranga. Umukino warangiye amakipe yombi anganyije ibitego 2-2.

Nyuma yuko u Rwanda rugiranye ubufatanye na CAF itegura iyi mikino, muri sitade ya Uwanja wa Mkapa hari harimo Visit Rwanda ndetse no ku myenda y’abakinnyi biriho.

Simba SC yanganyirije imbere y’abafana bayo na Al Ahly ibitego 2-2

Bamwe mu bakoresha imbuga nkoranyambaga bakunze gukurikirana cyane Miss World, bagaragaje ko batiyumvisha uburyo abategura Miss World bakomeje kuyisubika uko bucyeye n'uko bwije bashingiye ku kuba no muri 2021 ryarasubitswe.

Icyo gihe ryari ryasubitswe bitewe n'ibihe bya Covid-19 n'izindi mpamvu abtegura iri rushanwa batari batangaje.

Abakobwa bo mu bihugu bitandukanye byo ku Isi barenga 90, bari bamaze igihe bitegura kujya mu Mujyi wa Delhi mu Buhinde guhatanira iri ikamba.

Ni ku nshuro ya 71 iri rushanwa ryari rigiye kuba. Umunya-Pologne Karolina Biewleska wegukanye ikamba rya Miss World 2022 yagaragaje ko iri rushanwa ryamaze gusubikwa, avuga ko rizaba ku wa 2 Werurwe 2024.

Miss World yasubitswe kubera impamvu y'amatora ateganyijwe mu Buhinde mu gihe kiri imbere.

Kuva mu ijoro ryo kuri uyu wa Kane tariki 19 Ukwakira 2023, abakobwa bari ku rutonde rw'abahatanye bakiriye ubutumwa bubabwira ko iri rushanwa ryasubitswe.

Irushanwa rya Miss World ryagombaga kuba muri uyu mwaka ku wa 16 Ukuboza 2023 mu Buhinde. Ni ku nshuro ya kabiri, iki gihugu cyari cyakiriye Miss World.

Ibirori byari kubera mu nyubako y'imyidagaduro ya India International Convention&Expo Centre mu Mujyi wa New Delhi.

Biteganyijwe ko Karolina Bielawska wo mu gihugu cya Poland azambika ikamba umukobwa uzamusimbura.

Ku nshuro ya mbere byari byatangajwe ko iri rushanwa rizabera muri Leta Zunze Ubumwe z'Abarabu, ariko ku wa 8 Kamena 2023 abategura iri rushanwa batangaje ko banzuye ko rizabera mu Buhinde aho kubera mu Mujyi wa Dubai.

Karolina Bielawska wabaye Nyampinga w'Isi 2022 ari kwitegura gutanga ikamba

Karolina Bielawska yatangaje ko irushanwa rya Miss World 2023 ryasubitswe rizakomeza mu 2024

Police FC yatsinze Kiyovu Sports ibitego 3-1 mu mukino w’umunsi wa 8 wa shampiyona y’icyiciro cya mbere mu Rwanda umwaka w’imikino 2023-24.

Police FC niyo yari yakiriye Kiyovu Sports kuri Kigali Pelé Stadium mu mukino ufungura indi y’umunsi wa 8 wa shampiyona.

Iyi kipe y’Abashinzwe umutekano mu gihugu yatangiye umukino ubona ari yo isatira cyane byaje no kuyiha igitego ku munota wa 18 kuri penaliti yatsinzwe na Mugisha Didier.

Kiyovu Sports yahise ikanguka irasatira cyane ndetse igenda inahusha uburyo butandukanye.

Nayo byaje kuyiha igitego cya penaliti cyatsinzwe na Nizeyimana Djuma, ni nyuma y’uko Ndizeye Samuel yakoreye umupira mu rubuga rw’amahina ku munota wa 30.

Nubwo Kiyovu Sports yari iri mu mukino neza, Police FC yaje kubatsinda igitego ku munota wa nyuma w’igice cya mbere, cyatsinzwe na Hakizimana Muhadjiri ku mupira mwiza yari ahawe na Mugenzi Bienvenue.

Kiyovu Sports yatangiye igice cya kabiri idafite kapiteni wayo, Niyonzima Olivier Seif wagize ikibazo cy’imvune aho yanatwawe kwa muganga na ‘Ambulance’.

Police FC yaje kubona igitego cya gatatu ku munota wa 61 cyatsinzwe na Mugenzi Bienvenue wahoze anakinira iyi kipe. Umukino warangiye ari 3-1.

Gahunda y’umunsi wa 8 wa shampiyona

Ku wa Gatanu tariki ya 20 Ukwakira 2023

Police FC 3-1 Kiyovu Sports

Ku wa Gatandatu tariki ya 21 Ukwakira 2023

Rayon Sports vs Sunrise FC
Mukura VS vs Bugesera FC
Marines FC vs Gasogi United
Muhazi United vs Musanze FC

Ku Cyumweru tariki ya 22 Ukwakira 2023

Etincelles FC vs APR FC
Etoile del’Est vs AS Kigali
Amagaju FC vs Gorilla FC

Egidson Ndu akorera umurimo w’Imana mu Itorero God’s Kingdom Fellowship ryo muri Afrika y’Epfo. Yavukiye mu muryango ukijijwe, akurira muri Sunday School aririmbira Imana, akaba ariyo mpamvu avuga ko byamugora kumenya igihe yatangiriye umuziki.

Indirimbo ye ya mbere yagiye kuri YouTube mu myaka 3 ishize kuko hari muri 2020. Ni indirimbo yise “The Son of the Living God”. Indirimbo nshya aheruka gushyira hanze ni “K’Umusozi” yageze hanze kuwa 01/06/2023, yakiranwa yombi dore ko imaze gutangwaho ibitekerezo 116.

Avuga ko umuziki we ushoye imizi mu 2 Abakorinto 4:5 havuga ngo “”Kuko tutabwiriza abantu ibyacu, ahubwo tubabwiriza ibya Kristo Yesu ko ari we Mwami, natwe tukaba abagaragu banyu ku bwa Yesu”. Avuga ko “Mu kwandika indirimbo zihimbaza Imana mpishura Kristo, nkerekana inyota mfite zo kubana nawe (Fellowship)”.

Mu kiganiro na inyaRwanda, Egidson Ndu umurundi utuye muri Afrika y’Epfo ku mpamvu z’amasomo ya Kaminuza, yikije ku ndirimbo ye nshya yise “K’umusozi”, avuga ko iri kumufasha cyane. Yavuze ko yayanditse yisunze Zaburi 24:3-4, ahanini bitewe n’uko babaza ikibazo bakanagisubiza.

Haranditse ngo: “Ni nde uzazamuka umusozi w’Uwiteka? Ni nde uzahagarara ahera he? Ni ufite amaboko atanduye n’umutima uboneye, utigeze kwerekeza umutima we ku bitagira umumaro, ntarahire ibinyoma”.

Egidson Ndu ati “Indirimbo “K’umusozi” ni isengesho ryanjye, rya buri munsi kuko nifuza kuguma mu murimo wo kuramya Imana cyangwa mu busabane nayo”.

Avuga ko amaze imyaka 5 ataba mu Burundi. Akomeza avuga ko bigoranye gukorera umuziki mu gihugu kitari cye, gusa hari izindi nyungu abikuramo. Aragira ati “Gukorera hanze biragora cyane, ariko hariho ibyiza byabyo n’ibibi byabyo”. 

Uyu muramyi wo guhangwa amaso mu muziki wa Gospel, avuga ko akunda cyane abaramyi nka Apotre Appolinaire Habonimana, David Nduwimana na Dudu. Mu Rwanda, akunda cyane Richard Ngendahayo, Alex Dusabe na Gaby Kamanzi. 

Abajijwe imishinga ikomeye yifuza gukora, yagize ati “Imigani 18:16 [Amaturo y’umuntu amuhesha inzira, akamugeza imbere y’abakomeye], Bibiliya iri clear, usomye iryo jambo ni ryo ryatumye muri njye havuka igitekerezo cy’uko nafungura Label yo gufasha abanyempano badafite ubushobozi”.

Yasobanuye ko ashavuzwa cyane no kubona urubyiruko rwinshi rubura gishyigikira mu mpano zabo. Ati “Kuko intsinzi ya mbere Imana iguha ni kiriya yagushyizemo. Mu by’ukuri hariho urubyiruko rwinshi rupfana impano, ubumenyi, n’ibindi. Byanezeza umutima wanjye ngize ico mbikozeko”.

Yatangaje ibyo yakora mu muziki wa Gospel aramutse abonye ububasha muri Leta, ati “Ngarutse kuri kiriya cyanditswe Imigani 18:16, hari byinshi nakora ku bw’icyo cyanditswe. Ibindi bibiri nakora, narema amahirwe ku bahanzi kandi nkashishikariza abaturage gushora imari mu muziki”. 

Egidson Ndu yasoje ikiganiro twagiranye avuga ko mu mwaka wa 2024 yifuza gukoramo ibikorwa bitandukanye birimo n’igitaramo byo gufata amashusho y’indirimbo ze. Ati “Imana ibidukundiye, mfite ibintu byinshi byo gukora 2024 birimo za ‘Live Reecordings’, Ibitaramo n’ibindi.

Egidson Ndu afite inzozi zo gushinga Label izazamura abanyempano batishoboye

“K’Umusozi” niyo ndirimbo ye nshya aheruka gukora, ikaba imaze amezi ane iri hanze

Egidson Ndu yavuze ko abonye ububasha muri Leta yashishikariza abaturage gushora imari mu muziki

REBA INDIRIMBO NSHYA “K’UMUSOZI” YA EGIDSON NDU

REBA INDIRIMBO YA MBERE YA EGIDSON NDU

Ni mu mashusho banyujije ku rukuta rwa Instagram ya Label abereye umuyobozi, WCB Wasafi. Amugaragaza ari kumwe n’umuryango we mu modoka nziza cyane mu muhanda baza mu Rwanda, barenzaho amagambo ‘Umurango wa Diamond Platnumz ugiye i Kigali muri Trace Awards’.

Mu minsi mike ishize, ni bwo ku mbuga nkoranyambaga hakwirakwiriye amashusho ya Diamond ari mu guhugu cya Afurika y’Epfo, ubwo yari yagiye gusura abana babiri yabyaranye na Zari Hassan (kuri ubu washatse undi mugabo witwa Shakib Lutaya).

Ni amashusho yateye benshi impuhwe, agaragaza abana banze kurekura Diamond ngo agende kuko bashakaga kugumana nawe cyane ko haba hashize igihe kitari gito batabonana. Muri ayo mashusho Diamond ababwira ko bitakunda ko bagumana ijoro ryose ahubwo akagira icyo abasezeranya.

Ababwira ko “Mwitegure neza imyambaro ndetse n’impapuro z’inzira, ejo tuzajyana gutembera muri Tanzania, hanyuma duhite tunajyana no mu Rwanda ahazabera ibihembo bya Trace Awards”.

Diamond Platnumz ashimirwa na benshi n’uburyo yita ku bana be kabone n’ubwo abagore babyaranye batakibana, ariko agerageza uko ashoboye akabitaho bose uko bikwiye.

Yaherukaga mu Rwanda tariki ya 13 Kanama 2023, mu gitaramo cyaherekeje iserukiramuco rya Giants of Africa ryahurije i Kigali urubyiruko rwo mu bihugu 16 byo muri Afurika mu rugendo rwo guteza imbere umukino wa Basketball.

Kuri iyi nshuro agarutse mu itangwa ry’ibihembo bya Trace Awards, aho ahatanye mu cyiciro gishya cyongewe mu bihembo bya Trace Awards cy'abahanzi bahiga abandi bakomoka muri Afurika y'Iburasirazuba, akaba ahatanye n’abarimo umuhanzi nyarwanda Bruce Melodie.

Kugeza ubu rutahizamu wa Rayon Sports amakuru avuga ko atari mu Rwanda kuva ku mukino batsinzemo Etoile del’Est.

Uyu mukino wabaye tariki ya 11 Ukwakira 2023, warangiye ari 2-1, ibitego byose bya Rayon Sports byatsinzwe na Musa Esenu.

Nyuma y’uyu mukino, Ojera Joackiam yagiriyemo imvune ari nabyo byatumye asaba uruhushya ahita ajya kwivuriza iwabo muri Uganda.

Ibi byatumye adakina umukino w’umunsi wa 7 Rayon Sports yatsinzwemo na Musanze FC 1-0 tariki ya 15 Ukwakira 2023.

Ndetse kuva kuri iyo tariki ntabwo arongera kugaragara mu myitozo ya Rayon Sports aho kugeza ejo hashize tariki ya 19 Ukwakira atakoze ndetse amakuru yizewe agera ku Kinyamakuru ISIMBI ni uko uyu rutahizamu ataragera mu Rwanda ndetse binagoranye ko yazakina umukino w’ejo wa Sunrise FC.

Iyo ubuyobozi bwa Rayon Sports bugerageje kumuvugisha, uyu rutahizamu avuga ko hari ibyangombwa arimo gushaka atarabona ariko yizeye ko mu mpera z’iki cyumweru azaba yageze mu Rwanda.

Ni ikintu gihangayikishine ubuyobozi bwa Rayon Sports kuko habura icyumweru kimwe bagakina na APR FC tariki ya 29 Ukwakira 2023, umukeba w’ibihe byose, bibaza uko byagenda mu gihe yatinda kugera mu Rwanda ngo afatanye n’abandi kwitegura uyu mukino.

Umuhanzi Gatsinzi Emery umaze imyaka igera kuri 17 ashikamye mu njyana ya Hip Hop, yaganirije urubyiruko rwari rwitabiriye igitaramo cy’urwenya cyan   Gen-Z Comedy, avuga ku rugendo rwe rwavuye mu mivugo rukerekeza mu muziki.

Riderman yatangaje ko mu mwaka wa 2006 yinjiye mu muziki mu buryo busa n'impanuka kuko yabanje kwandika imivugo, gusa yaje kuvumbura ko injyana ya Hip Hop aribwo buzima bwe.

 Ibi yabitangarije imbaga y'abafana be bari bamuhanze amaso bafite amatsiko yo kumenya byinshi byaranze urugendo rwe rw'umuziki. Umuraperi Riderman yashishikarije abantu guharanira inzozi zabo bakirengagiza ibibaca intege mu nzira biyemeje nk’uko nawe yabirenze akagera kure mu muziki.

Ubwo yagarukaga ku byamukomezaga mu muziki yatangaje ko ubwitange bwa bamwe barimo inshuti, itangazamakuru, Guverinoma, umuryango we n'abandi byatumye gucika intege bimuba kure.

Gukundwa kw'ibihangano bye byatumaga yishakamo imbaraga ndetse akumva akwiye gusohoza intego yari yarihaye yo gukabya inzozi.

Uyu muraperi yabajijwe ku ndirimbo yaba yarakoze nta mbaraga nyinshi ashyizemo ariko zigakundwa bidasanzwe nawe bikamutungura,Riderman yasubije avuga ko indirimbo ze zigaruka ku nzoga, inyinshi yazikoraga yishimisha ariko bikarangira zikunzwe cyane.

Yagize ati ' Nazikoze nshaka kwishimisha'. Umuhanzi Riderman yibukije abitabiriye Gen-Z  Comedy  barimo n'urubyiruko ko bakwiye kuzirikana gahunda yiswe ' Tunyweless' birinda kwishora mu nzoga.

Nubwo yageze kure mu muziki ariko yahuye n'ibisitaza byinshi birimo guhangana n'abahanzi bagenzi be, batumaga abura ibiraka bimwe na bimwe bitewe no kumuvugaho amagambo mabi.

Yatangaje ko Imana yakomeje kumurindira impano, ku gihe gikwiye agaterwa ishema n’ibihangano bye.

Umunyamuziki Riderman yatanze inama ikomeye ku bitabiriye iki gitaramo ,avuga ko kwiyizera no kwiremamo icyizere cy'ibyo bifuza kugeraho byabafasha kugera kure. Yeruye avuga ko inzozi z'umuntu zigerwaho kubera umuhati we.

Yagize ati “Nta muntu ushobora kumva inzozi zawe kurusha uko wowe uzumva”.

Nubwo yahindutse ikimenyabose ariko yakuranye inzozi zihabanye n’izo yifurizwaga n'ababyeyi. Nyuma yo kumaramaza mu muziki, ababyeyi bamufashije uko bashoboye ariko bamutoza inzira nzima, nka kimwe cyatumye yesa imihigo.

Riderman yavuze ko aramutse aretse umuziki, yakora akazi kajyanye n’ishoramari. Yabwiye urubyiruko kwiyizera, bakishingikiriza ku Mana ikababera umuyobozi mu byo bakora.

Yasabye abakunzi b'ibihangano bye gukomeza kumushyigikira kuko hari byinshi yabateguriye bazagezwaho mu minsi itarambiranye.

Riderman yasobanuye ko urugendo rw’imyaka 17 rutari rworoshye

Yandikiye ibaruwa Imana ayisaba kumurinda no kumufasha mu muziki bimuhindukira umugisha

Nubwo yakoze indirimbo zivuga ku nzoga, yibukije abitabiriye kuzirikana gahunda ya “TunyweLess”

Abitabiriye isekarusange batahanye  ibyishimo bivuye ku banyarwenya n’inama zivuye ku muhanzi Ruderman

Yahisemo kwiragiza Nyagasani akagenga ibikorwa bye byose dore ko avuka mu muryango ukijijwe