Author: webrwanda

Ni ubwa mbere uyu musore agiye gutaramira mu Mujyi wa Kigali. Yageze ku kibuga cy'indege Mpuzamahanga cya Kigali mu ijoro ryo kuri uyu wa Gatanu tariki 27 Ukwakira 2023, yizeza igitaramo gikomeye nyuma yo guca ibintu mu irushanwa ryamamaye ku Isi nka America's Got Talent.

Uyu munyarwenya yaramamaye muri ririya rushanwa, ku buryo abari bagize Akanama Nkemurampaka batunguwe n'umuhate yari afite mu guhatana ariko impano agaragaza zirimo gusoma ibitabo yihuta zishidikanwaho- bamwe barasetse birihika.

Josh2funny yifashishije konti ye ya Instagram ku wa Kane tariki 12 Ukwakira 2023 yagaragaje ko yiteguye gutaramira mu Rwanda ku nshuro ye ya mbere. Aherutse kongera guhatana ku nshuro ya kane muri America's Got Talent.

Yashyize integuza (Cover) ku mbuga ze agaragaza ko azahurira ku rubyiniro n'abandi banyarwenya bo mu Rwanda, Uganda na Nigeria mu gitaramo 'The Upcoming Diaspora Show'.

Mu bice bitatu byabanje, Josh2funny yahatanye yahinduye imyambaro inshuro eshatu, agaragaza impano mu gutera urwenya, umuraperi no gusoma ibitabo wihuta.

Abagize akanama nkemurampaka ntibigeze bemera impano ze, ndetse Simon Cowell yamuhaye ‘Yes’ enye abandi barabyanga.

Japhet Mazimpaka yabwiye InyaRwanda ko yamutumiye muri iki gitaramo ashingiye ku bushuti bafitanye no kuba ari umuhanga mu bijyanye no gusetsa abantu.

Cyo kimwe na Michael Sengazi uzagaragara muri iki gitaramo. Ati 'Bose ni abanyarwenya bafite byinshi byo kuganiriza abantu. Nizere ko abazaza muri iki gitaramo bazanogerwa.'

Muri Gicurasi 2023, Josh2funny yatangaje ko we n'umugore we Bina Alfred bibarutse imfura y'abo y'umuhungu. Yanditse kuri konti ye ya Instagram, asaba bantu gufatanya nawe kwishimira iyaguka ry'umuryango we, atangaza ko umwana w'abo bamwise Optununuan Eden Alfred.

Mu Ukuboza 2020, nibwo Josh2funny yarushize n'umukunzi we Bina mu birori byari binogeye ijisho byabereye mu Mujyi wa Lagos mu gihugu cya Nigeria. Bombi bari bamaze imyaka ibiri bacuditse mu rukundo rwagiye kwigaragaza ahantu hanyuranye babaga bahuriye.

Hari amakuru yagiye ahanze, avuga ko aba bombi bahuriye ku mbuga nkoranyambaga, umubano w’abo ugenda waguka kugeza barushinze nk'umugabo n'umugore.

Bina Alfred yagiye agaragara mu bitaramo binyuranye Josh2funny yagiye akorera ahantu hanyuranye mu rwego rwo kumushyigikira. 

Josh2funny yamaze kugera i Kigali aho yitabiriye igitaramo cy'urwenya 'Upcoming Diaspora Comedy Show' 

N’ubwo atabashije gukomeza muri America’s Got Talent, Josh2funny ashima Imana yamuteresheje intambwe akabasha kuhagera 

Josh Alfred [Josh2Funny] yavutse ku wa 18 Ukuboza 1990. Ubwo yari agejeje imyaka umunani we n’umuryango we bimukiye mu Mujyi wa Lagos 

Josh2funny yakiriwe n’abakobwa bo muri Kigali Protocol 

Iki gitaramo kizaba ku Cyumweru tariki 29 Ukwakira 2023 muri Camp Kigali

Japhet Mazimpaka wateguye iki gitaramo ari kumwe na Josh2funny

Kanda hano urebe amafoto menshi ubwo Josh2funny yageraga i Kigali

AMAFOTO: Ngabo Serge-InyaRwanda.com

Ku mugoroba wo kuri uyu wa Gatanu tariki 27 Ukwakira mu cyumba cy’inama cya Grand Legacy Hotel, FERWAFA yagiranye ikiganiro n’itangazamakuru ku iterambere ry’umupira w’amaguru mu Rwanda, aho abanyamakuru babajije ibibazo bitandukanye ndetse baza kugaruka no ku kibazo cy’irerero rya Bayern Munich kimaze iminsi kivugwa mu itangazamakuru.

Visi Perezida wa kabiri wa FERWAFA Richard wasobanuye iki kibazo, yavuze ko ko mu bana 30 babashije kujya mu ishuri rya Bayern Munich aribo bari bafite ibyangombwa byuzuye nk’uko Bayern Munich yari yabisabye.

Yakomeje avuga ko nyuma y’umwaka hazajya hakorwa irindi genzurwa, harebwe abakinnyi bagaragaje ubushobozi bucye basezererwe, ndetse nihagira undi umwana uboneka mu marushanwa atandukanye abe yakongerwamo.

FERWAFA kandi yagarutse ku masezerano iherutse kugirana n’uruganda rwa Masta, aho bemeje ko bagiranye amasezerano y’imyaka ine, ndetse ikazajya yambika amakipe yose y’igihugu mu mupira w’amaguru.

Ku bijyanye n’umutoza w’ikipe y’igihugu “Amavubi”, Munyantwali uyobora FERWAFA, yemeje ko bari mu biganiro bya nyuma, ndetse nibura mu ntangiriro z’ukwezi ku Ugushyingo azaba yamaze gutangazwa.

Kanda hano ukurikire ikiganiro FERWAFA yagiranye n’abanyamakuru

Munyantwali Alphonse uyoboye FERWAFA yanze kwerura ngo avuge igihe Amavubi azabonera umutoza 

Iyi ndirimbo ni imwe mu zigize Album ya Gatatu ya Clarisse Karasira yise “Bakundwa.” Ndetse, avuga ko amashusho ya zimwe mu ndirimbo zikubiye kuri iyi album yamaze kuyakoraho igisigaye ari ukugenda azishyira hanze.

Yabwiye InyaRwanda ko yahimbye iyi ndirimbo nyuma y’uko mu minsi ishize asuye umwe mu nshuti ze wafashwe n’uburwayi bukomeye bwamuhejeje mu bitaro.

Clarisse avuga ko iriya nshuti ye yamuganirije uko yafashwe n’uburwayi kugeza ubwo bumuzahaje. Uyu muhanzikazi avuga ko muri we yahise yiyumvamo gukora indirimbo ihumuriza abantu bose barwaye, ariko ko atari azi igihe izagira hanze.

Hari mu mpera z’umwaka wa 2022. Kuva icyo gihe atangira kwandika iyi ndirimbo ‘Gira Ubuzima’ kugeza ubwo yayishyize hanze ku gicamunsi cyo kuri uyu wa Gatanu tariki 27 Ukwakira 2023.

Ati “Ni indirimbo yankoze ku mutima nk’izindi mfite kuri album. Ariko cyane cyane atari n’uwo murwayi gusa, ahubwo no gutekereza n’abandi barwayi mbanarahuye nabo mu buzima butandukanye yaba mu Rwanda, abo mu muryango wacu n’abandi. Turi abantu, tuba tuzengurutswe n’abantu benshi.”

Clarisse avuga ko ahimba iyi ndirimbo yatekereje ko yafasha abantu barwaye n’abarwaje. Yavuze ko mu 2006 yigeze gufatwa nk’uburwayi bukomeye, kandi ko muri icyo gihe kimwe mu byamukomeje harimo kumva indirimbo z’abahanzi.

Ati “Cyera ndi umwana mutoya mu 2006 narwaye ariko hari indirimbo nakundaga kumva n’ubwo ntabaga nzi ibyo ari byo. Nifuza ko iyi ndirimbo yafasha abarwayi, abarembye, cyane n’abarwayi gahora ikabongera icyizere.”

Uyu muhanzikazi asobanura ko iyi ndirimbo ye idasanzwe yaba mu butumwa n’uburyo ihimbitse, anashingiye ku kuba ariyo ya mbere kuri album ye yise ‘Bakundwa’.

Yumvikanisha ko adakora umuziki ugamije ubucuruzi, ahubwo arajwe ishinga n’umuziki “w’inganzo y’imitima, womora imitima, wo gufasha abantu mu buryo bumwe cyangwa ubundi.”

Iyi album 'Bakundwa' ya Clarisse Karasira iriho indirimbo nka ‘Icyampa’, ‘Icyimbo’, ‘Imbere’, ‘Ibarabara’, ‘Gira ubuzima’, ‘RuhinyuzImana; ‘Mu nsi y’izuba’, ‘Uwo mwana’, ‘Roho’ ndetse na ‘Ntukababare’. Zitsa ku rukundo, icyizere, ubudaheranwa n'ibindi. Yubakiye ku muziki w'umurage wa Kinyafurika uhujwe n'umuziki ugezweho.

Clarisse avuga ko muri rusange iyi album igamije kwishimira ikiremwamuntu, ikibutsa ko buri muntu ari nk'undi, kandi ko umuziki ari ururimi rumwe.

Yumvikanisha ko ari album izumvikanisha imbaraga z'umuziki mu gukira ibikomere, gutera imbaraga abantu, guhuza imbaraga no gukorera hamwe.

Clarisse avuga ko indirimbo 10 ziri kuri iyi album nta wundi muhanzi bazikoranyeho, kandi muri iki gitaramo azafitanye n'abandi bahanzi basanzwe babarizwa muri Amerika bazamufasha mu kumurika iyi album.

Mu buryo bw'amajwi (Audio) iyi ndirimbo 'Gira Ubuzima' yakozwe na Jimmy Pro n'aho amashusho (Video) yakozwe na Kibonge Eric.

Dr. Utumatwishima avuga ko nk'abandi bose yakuze yumva ibihangano by'abarimo umuraperi Jay Polly, Tom Close, The Ben, Meddy, indirimbo z'ubukwe [z'abarimo Kagambage Alexandre] n'abandi yakunze cyane.

Ubwo yari mu kiganiro na Kiss Fm, kuri uyu wa Gatanu tariki 27 Ukwakira 2023, Utumatwishima yavuze ko muri iyi minsi akunze ibihangano by'abahanzi baherutse guhura barimo na Bwiza, Ish Kevin, Kivumbi King ndetse na Bruce Melodie. Avuga ko aba ari abahanzi bagezweho.

Uyu muyobozi yavuze ko n'ubwo ari umuyoboke w'Idini ya Islam ari umufana w'ibihangano bya Israel Mbonyi. Ati 'Numva Israel Mbonyi cyane kuruta abandi bahanzi! Ashobora kuba afite imiziki iruhura umutima. Rero nkunda Israel Mbonyi ku mwanya w'imbere abandi bagakurikiraho.'

Dr. Utumatwishima avuga ko asanzwe akora siporo, kandi ko mu buryo bushobora gusetsa buri wese ari umufana w'ikipe y'umupira w'amaguru y'uruganda rw'icyayi rwa Sorwathe. Ati 'Twari abafana bakomeye.' Anavuga ko kuva cyera ari umufana w'imbere w'ikipe ya Arsenal.

Yavuze ko n'ubwo ari umukunzi wa Arsenal ariko asangiye n'abandi ibyifuzo byo gutegereza, kuko iyi kipe idakunze gutsinda cyane. Ati 'Ntabwo ijya ikunda gutsinda kenshi. Kuko bisaba ko tubona ikinini cyo kwihangana igihe kimwe.'

Israel Mbonyi ari kwitegura gukora igitaramo cye bwite ku wa 25 Ukuboza 2023 muri BK Arena. Ni mu gihe kuri Pasika ya 2024 azataramira muri Uganda.

Umuhamagaro wa Israel Mbonyi

Israel Mbonyi yahamagawe n'Imana ubwo yigaga mu mashuri yisumbuye, kuva ubwo atangira kuyikorera mu mashyi no mu mudiho. Icyo gihe cyabaye intangiriro ye yo guhanga indirimbo zihimbaza kandi zigaha ikuzo Imana.

Uyu musore w'imyaka 31 y'amavuko, yari asanzwe ari umukinnyi wa Karate, kandi yabonaga ariho impano ye izerekeza ariko yaje kwegurira ubuzima bwe Kristu.

Israel Mbonyi asobanura 'umuhamagaro w'Imana' nk'ikintu Imana igushyira ku mutima' kandi waba utaragikora ukajya wumva ari nk'umutwaro wikoreye.

Yari asanzwe yandika indirimbo akaziha korali. Ariko akimara guhamagarwa n'Imana, yanamuhaye indirimbo yitwa 'Yankuyeho urubanza' ari nayo yabaye iya mbere yahereyeho.

Kuva yahamagarwa n'Imana yahise yumva urukundo rudasanzwe rw'umuziki no gucuranga muri we.

Icyo gihe yari umukinnyi wa Karate, ariko ibyo byose yabishyize ku ruhande. Ati 'Numva nsigaranye gusa umutima wo kuririmba.'

Israel Mbonyi avuga ko yakundaga gukina karate, ariko kuva yatangira kuririmbira Imana yabiburiye umwanya, igice kinini gitwarwa n'umuziki gusa.

Asobanura ko imbuga zicuririzwaho umuziki zabaye urubuga rwiza rwo gushyigikira umurimo w'Imana, kandi umuntu akabikora yibwirije.

Ati 'Numva ari uburyo bwiza Imana yadukoreye bwo gusangiza abantu ibihangano byacu, kandi natwe bikatugirira umumaro.'

Israel aherutse kubwira BBC ko hari inyungu ziva mu bihangano umuhanzi ashyira ku mbuga zinyuranye zicururizwaho umuziki, bityo bigafasha umuhanzi gukomeza gukora.

Aherutse gukorera ibitaramo ku Mugabane w'u Burayi:

Uyu muhanzi uzwi mu ndirimbo zirimo 'Umukunzi' aherutse gukorera ibitaramo ku Mugabane w'u Burayi. Yataramiye mu Bubiligi, mu Bufaransa, Denmark ndetse na Suède.

Avuga ko guhitamo ibihugu byo mu mahanga ajya gutaramiramo, ashingira ku bibarizwamo abantu bakomoka mu Karere k'Afurika y'Iburasirazuba, cyangwa se agashingira ku butumire aba yahawe n'insengero zinyuranye.

Nko mu Bubiligi yataramiye abantu barenga ibihumbi bitatu, mu Bufaransa ataramira abarenga 400, cyo kimwe no muri Denmark na Suède.

Israel Mbonyi asobanura umuziki nk'ururimi mpuzamahanga, kandi abitabira ibitaramo bye haba harimo abantu banyuranye bo mu madini anyuranye. Kuri we, intego ni ukuvuga ubutumwa bwiza bw'Imana bukagera mu nguni zose z'Isi.

Minisitiri Utumatwishima yatangaje ko Israel Mbonyi ari nimero ya mbere mu bahanzi akunda 

Utumatwishima yavuze ko abahanzi barimo Bruce Melodie na Bwiza bafite indirimbo ziganje kuri 'Playlist' y'izo yumva cyane

KANDA HANO UREBE AMASHUSHO Y'INDIRIMBO 'NINA SIRI' YA ISRAEL MBONYI IRI KU MWANYA WA MBERE MURI KENYA

“>

Ni itsinda rihenze kuritumira ariko kandi rikinjiriza abaritumiye kuko amatike ashira mbere. Urebye ibitaramo baheruka gukorera i Nairobi na Kampala amatike yari ahanitse ariko yarashize. 

I Nairobi itike yari ku $108 (Kshs15,000) ni 135,000 Frw muri Vip naho ahasanzwe itike yaguraga $58 (Kshs,8000) ni 73,000 Frws. I Kampala itike yari ku $79 muri Vip na $53 ahasanzwe. 

Abakunze gutumira iri tsinda baba bafite gahunda yo guha ibyishimo abari hejuru y'imyaka 35 kuko nibura nibo bavutse iri tsinda rimaze imyaka 3 rishinzwe. Bivuze ko bazi neza ibihangano byaho kuko byamamaye mu 1991, muri za 2000 gutyo.

Amatike ashira ku isoko kare

Igitaramo cy'imbaturamugabo kiri mu bihenze cyane mu Rwanda cya Boyz II Men giteganyijwe kubera muri BK Arena ku wa 28 Ukwakira 2023, amatike y'ibihumbi 100 Frw yamaze gushira ku isoko. 

Amatike yo kwinjira muri iki gitaramo cy'amateka yashyizwe mu byiciro bitatu, aho Silver ari ya make ku bihumbi 50 Frw mu gihe iya Gold igura ibihumbi 75 Frw naho iza Diamond z'ibihumbi 100 zikaba zarashize ku isoko.

Binyuze ku rubuga rwa X, BK Arena yatangaje ko kugeza ubu abifuza kugura amatike yo mu byiciro bibiri bisigaye, ni ukuvuga Gold na Silver, bakoresheje ikarita ya 'BK Arena Prepaid Card' bashyiriweho igabanyirizwa rya 30%.

Uwifuza kugura itike ya Gold akoresheje iyi karita, arishyura ibihumbi 52.5 Frw aho kuba ibihumbi 75 Frw, naho ugura itike ya Silver yishyure ibihumbi 35 Frw aho kuba ibihumbi 50 Frw.

Boys II Men, ni itsinda rikomoka muri Leta Zunze Ubumwe za Amerika, ryubatse ibigwi bihambaye muri muzika. Bamamaye mu ndirimbo nka 'End of the road', 'I will make love to you', 'On bended knee', 'A Song for Mama' n'izindi nyinshi ziri ku mizingo 15 bakoze mu myaka 38 bamaze mu muziki.

Iri tsinda rifite ibihembo bine bya Grammy Awards, birindwi bya Soul Train Music Awards, icumi bya American Music Awards n'ibindi byinshi. Bakigera I Kanombe ku kibuga cy'indege babwiye Inyarwanda ko: 'Twujeje abazaza igitaramo kiza kandi tuzabakumbuza bya bihe. Mugure amatike muzaze muri benshi ntabwo muzabihirwa'.

Iri tsinda ryaboneyeho umwanya wo kuvuga ko rizafata igihe gihagije rikiga amateka y’u Rwanda dore ko ari ubwa mbere bahageze. Ukurikije uburyo urubyiruko rukunda rwo mu Rwanda rutaka ubukene, inzara no kubura akazi biragoye ko bazigondera amatike yo kureba iri tsinda. 

Niba tujya tubona ibitaramo bisaba kwishyura 10,000 Frw bigorana kubona ababyitabira nta gushidikanya ko umukunzi w’iri tsinda usabwa kwigomwa 35,000 Frw bizamworohera kandi kwikora ku munwa bisanzwe bimugora. Iki ni igitaramo kizitabirwa n’abantu bakuze, bafite amafaranga menshi kandi babayeho mbere ya za 1991. 

Imibare yerekana ko abarenga miliyoni 9 mu Rwanda ari urubyiruko ruri mu nsi y’imyaka 30 kandi rudafite akazi. Imibare yo mu 2022 yakozwe n’ikigo cy’ibarurishamibare mu Rwanda yerekana ko urubyiruko ruri hagati y’imyaka 16 na 30 bafite ubushomeri ku kigero cya 29.7%.

Iri tsinda rirebwa n’abafite amafaranga atubutse

Mu 2012 bashyiriweho inyenyeri i Hollywood Walk of Fame nk’abanyabigwi mu mateka ya muzika. Iyi nyenyeri ishyirirwaho abanditse amateka

Bakiriwe na Mushyoma Joseph ‘Boubou’ n’inkumi za Kigali Protocal

Mu 1992 baririmbye muri Super Bowl Halftime show

Bamamaye benshi bariho mu Rwanda bataravuka. Indirimbo zabo zakoreshejwe muri filime zitandukanye zakunzwe

Igitaramo kizabera muri BK Arena kuri uyu wa Gatandatu tariki 28 Ukwakira 2023. Bafite indirimbo zikoreshwa cyane mu bihe bya Noheli

Amatike ya 100,000 Frw yarashize. Boyz II Men bafite igihembo cy’ikinyacumi bahawe na Billboard

Bazakumbuza abafana babo bya bihe, bagize uruhare mu guteza imbere R&B

Bageze mu Rwanda bwa mbere. Bafite abafana ku isi hose bakaba bararirimbye muri buri gitaramo gikomeye ku isi

REBA AMAFOTO:DOX VISUAL

VIDEO: FREDDY RWIGEMA

Perezida w’Ishyirahamwe ry’Umupira w’Amaguru (FERWAFA) yavuze ko byibuze mbere y’iminsi 10 ngo u Rwanda rukine na Zimbabwe bazaba bamaze gutangaza umutoza mushya w’Amavubi.

Amatsiko ni menshi ku bakunzi b’Ibikipe y’Igihugu Amavubi igihe umutoza azabonekera cyane ko izatangira ijonjora ry’Igikombe cy’Isi mu kwezi gutaha.

Mu kiganiro n’itangazamakuru cyabaye uyu munsi, perezida wa FERWAFA yavuze ko babizi ko bakererewe ariko byibuze mbere y’iminsi 10 ngo batangire iri jonjora azaba yabonetse.

Ati “Mumaze iminsi mubitwibutsa ko nta mutoza uhari, ko nta mikino ya gicuti, umutoza we azaba yabonetse kandi mu gihe gishoboka nk’iminsi nk’icumi azaba yabonetse, ariko imikino ya gicuti yo naba mbabeshye.”

Yakomeje avuga ko nubwo batinze ariko hari uwo bari mu biganiro ndetse bigenze neza yanatangazwa mbere y’igihe.

Ati” Ibintu byo kurambagiza ntibyoroshye, niyo umaze kumubona ntibyoroshye kuganira na we ngo muhuze, byaratinze biragaragara.”

“Hari uwo turimo tuganira, ntabwo bikiri mu kirere bigenze neza ni vuba n’iyo minsi twavugaga ishobora kutagera.”

Bivugwa ko Umudage, Torsten Frank Spittler ari we uri mu biganiro na FERWAFA ngo abe umutoza w’Amavubi ndetse bikanavugwa ko amaze igihe mu Rwanda.

U Rwanda ruzatangira ijonjora ryo gushaka itike y’Igikombe cy’Isi cya 2026 tariki ya 15 Ugushyingo 2023 izakira Zimbabwe n’aho tariki ya 21 Ugushyingo akakira Afurika y’Epfo.

Amavubi y’u Rwanda akaba nta mutoza afite kuva nyuma y’uko muri Kanama 2023 uwari umutoza mukuru, Carlos Alos yeguye maze hagashyirwaho umutoza w’agateganyo.

Hahise hashyirwaho Gerard Buschier usanzwe ari DTN wa FERWAFA nk’umutoza mukuru w’agateganyo yungirijwe na Jimmy Mulisa na Seninga Innocent bahabwa gutoza umukino umwe wasozaga itsinda L ryo gushaka itike y’Igikombe cy’Afurika cya 2023 aho banganyirije mu Rwanda 1-1.

Doctall Kingsley uri kubarizwa mu Rwanda aho yitabiriye igitaramo cy’urwenya yatumiwemo, ni umunyarwenya ukunzwe ku mbuga nkoranyambaga aho abakurikiranira hafi iby'urwenya bazi imvugo ye yamamaye igira iti: 'This life has no balance'. Ubu buzima ntabwo bungana.

Doctall Kingsley yasimbutse urupfu

Mu Ukwakira kwa 2022 yatewe n'abajura bitwaje intwaro. Yagiye kuri Instagram ye yifata amashusho asangiza abamukurikira ibyago yahuye nabyo. Yagize ati: 'Mu gicuku cy'ijoro ryakeye amabandi yitwaje intwaro yinjiye iwanjye. Babanje kureba neza inzu yanjye.

Bambwiye ngo mbahe umubare w'ibanga wa banki mbikamo amafaranga. Bahise bayiyoherereza yose, batwara ibintu byose naruhiye mu buzima bwanjye bwose. Icyakora basize imodoka nari mperutse kugura banasiga ikote nakoreshaga mu gutera urwenya.

Njyewe n'umugore wanjye twataye umutwe. Ariko ayo mabandi yambwiye ko bayohereje ngo anyice gusa birinze kumbwira uwabatumye. Njyewe ndi umunyamahoro nta muntu dufitanye ibibazo. Sinzi rero ushaka kunyica.'

Doctall Kingsley Ageze i Kigali yijeje igitaramo kiza

Uyu munyarwenya wageze I Kigali mu ma saa yine n'igice z'ijoro yabwiye InyaRwanda ko abantu bose bakunda urwenya rwe bazataha basetse imbavu zabariye. Yagize ati: 'Mubabwire bagure itike hakiri kare kuko ku Cyumweru muri Camp Kigali utazahaza azaba ahombye byinshi'.

Akigera i Kanombe ku kibuga mpuzamahanga cy'indege yakiriwe na Japhet Mazimpaka uri gutegura igitaramo yise'The Upcoming Diaspora' gitegerejwe kubera muri Camp Kigali.

Yahawe indabo n'abakobwa bo muri Kigali Protocal ndetse yanakiriwe na Muyoboke Alex wahirimbaniye iterambere ry'imyidagaduro mu Rwanda. Uyu munyarwenya yatwawe mu modoka ziriho ibirango bya Savvy Tours And Travel Agency.

Iki gitaramo cyo ku Cyumweru tariki 29 Ukwakira 2023 itike yo kwinjira ahasanzwe ni 10,000 Frw, ahisumbuye ni 20,000 Frw mu gihe imeza y'abantu 6 iri kugura 200,000 Frw.

Ni igitaramo kizahuriramo abanyarwenya nka Japhet Mazimpaka, MC Tricky, Michael Sengazi, Babo Joe, Joshua Comedian n'umunyarwenya wo muri Nigeria witwa Chibuike Josh Alfred [Josh2Funny] wamamaye muri America's Got Talent 2023.

Doctall Kingslay yakiriwe n’inkumi zo muri Kigali Protocal na Japhet Mazimpaka

Yageze i Kanombe mu ijoro ryakeye

Doctall Kingslay ageze mu Rwanda bwa mbere

Arakunzwe cyane muri Nigeria

Ajya atera urwenya ku mabuno y’abakobwa

Yijeje gusetsa abaturarwanda bazitabira iki gitaramo

Japhet Mazimpaka, inkumi za Kigali Protocal na Doctall Kingsley wo muri Nigeria

Yatwawe muri Range Rover ya Savvy Tours and Travel Agency

Yakiriwe mu cyubahiro nk’umunyarwenya ufite izina

Manager Muyoboke Alex

Sosiyete iri gutwara abanyarwenya bazasusurutsa abazitabira ‘The Upcoming Diaspora’

Japhet Mazimpaka amaze iminsi ategura ibitaramo by’urwenya

AMAFOTO: DOX VISUAL

Kuri uyu wa Kane tariki 26 Ukwakira 2023 ni bwo Visi Kapiteni w’ikipe y’igihugu ya Basketball Ndizeye Ndayisaba Dieudonne bakunze kwita Gaston usanzwe unakinira ikipe ya Patriots BBC, yasezeranye n’umukunzi we Karekezi Ruzindana Liliane imbere y’amategeko, mu muhango wabereye ku Murenge wa Kimihurura.

Kuya 20 Kanama uyu mwaka ni bwo uyu mukinnyi wa Patriots BBC yasabye umukunzi we Karekezi Ruzindana Liliane ko yamubera umufasha, atazuyaje uyu mwari yaje kubimwemerera.

Benshi mu bakurikira aba bombi bavuga ko uru kukundo rwabo ari urwa kera kuko bamaranye igihe ku buryo batatunguwe no kubona uyu mwari yemerera Gaston kumubera umufasha.

Ndizeye Ndayisaba Dieudonne ni umwe mu bakinnyi bamaze igihe mu kibuga ari ngenderwaho mu ikipe ye ya Patriots BBC ndetse n’ikipe y’igihugu ya Basketbal, aho afite umwihariko wo gutsinda amanota 3.

Ndayisaba ati ‘njye ndabyeme’

Karekezi Ruzindana nawe ati ‘ndabyemeye’ 

Basezeranye kubana nk’umugabo n’umugore mu buryo bwemewe n’amategeko

Kuri uyu wa Gatanu tariki 27 Ukwakira 2023, ni bwo ubuyobozi bw'iyi Banki bwashyize ku isoko ry'imari n'imigabane izi mpapuro mpeshamwenda mu muhango wabereye nyubako ya Kigali City Tower aho Ikigo cy’Imari n'Imigabane mu Rwanda (Rwanda Stock Exchange (RSE) gikorera.

Ni umuhango witabiriwe n'abayobozi banyuranye barimo Umuyobozi Mukuru wa Banki y'Igihugu Itsura Amajyambere (BRD), Kampeta Pitchette Sayinzoga; Umunyamabanga wa Leta ushinzwe Imari muri Minisiteri y'Imari n'Igenamigambi, Richard Tusabe;

Umuyobozi wa Banki ya Kigali, Dr. Diane Karusisi, abayobozi muri Banki y'Isi mu Rwanda; Umuyobozi Mukuru w’Ikigo cy’Imari n’Imigabane mu Rwanda (Rwanda Stock Exchange (RSE), Rwabukumba Pierre Célestin n'abandi.

BRD yatangiye gucuruza izi mpapuro mpeshamwenda nyuma y'uko ku wa 29 Nzeri 2023 bazishyize ku isiko zigatangira kugurishwa zikagurwa neza.

Bityo bakaba barasanze ari byiza ko bazishyira ku isoko ry'imibare n'imigabane (Rwanda Stock Exchange) aho umusaruro ukomeza kuva muri izi mpapuro mvunjafaranga uzakomeza gukoreshwa mu guha abakiriya bayo serivisi z'iterambere.

Imyaka 56 irashize BRD itangiye ibikorwa byayo mu Rwanda. Ni urugendo rwaherekejwe no gufata inguzanyo y'amafaranga ikoresha bayahabwa n'abafatanyabikorwa batandukanye barangajwe imbere na Banki y'Isi.

Ni inguzanyo bafataga mu madevize akaza mu gihugu. Mu myaka ishize nibwo bagize igitekerezo cy'abahanga cyo kureba uko nka Banki y'Iterambere bateza imbere abanyarwanda, bikarenga ku kuba basanzwe bizigamira muri Banki banafata inguzanyo zinyuranye cyangwa se binyuze ku isoko ry'imari n'imigabane.

Umuyobozi Mukuru wa Banki y'Igihugu Itsura Amajyambere (BRD), Kampeta Pitchette Sayinzoga, yumvikanishije ko izi mpapuro mpeshamwenda zashyizwe ku isoko hagamijwe kubona amafaranga azifashishwa mu bikorwa birimo gufasha ibigo bibungabunga ibidukikije, gufasha Abanyarwanda kubona inguzanyo byoroshye, kubafasha kubona inzu zihendutse; no guteza imbere imishinga y'abari n'abategarugori.

Iyo waguze izo mpapuro ku isoko ry'ibanze uba ufite uburenganzira bwo kuzigurisha nawe uciye ku isoko ryo ku rwego rwa kabiri riri ku isoko ry'imari n'imigabane ry'u Rwanda (RSE).

Uwari warashoye muri izo mpapuro yegera abahuza ku isoko ry'imigabane n'imigabane (brockers) akababwira umubare w'izo ashaka kugurisha, bakamufasha gushaka undi muntu wifuza kugura izo mpapuro.

Banki Nkuru y'Igihugu (BNR) isobanura ko ugurisha afata igiciro asanze ku isoko, iyo amaze kumvikana n'umuguzi babifashijwemo n'abahuza (RSE brokers), ahabwa ikiguzi cyazo hanyuma izo mpapuro zikandikwa ku waziguze.

Umuyobozi Ushinzwe kurebera intumbero za Banki ya BRD, Kamanzi Ferdinard yabwiye InyaRwanda ko aha ariho bahereye bafata icyemezo cyo gushyira ku isoko impapuro mpeshamwenda za Miliyari 30 Frw mu rwego rwo gufasha Abanyarwanda mu bikorwa by'iterambere n'ishoramari rirambye.

Ati 'Twaravuze tuti uwahindura tukaza no ku isoko ryacu tukaba twaza mu banyarwanda bakaduha amafaranga y'amanyarwanda ntibaduhe amafaranga y'amadevize, bakaduha amafaranga y'abanyarwanda, tukayashyira mu mishinga y'abanyarwanda, tugateza imbere n'igihugu cyacu. Niyo mpinduka! Twaje ku isoko dushyiraho impapuro mpeshwamwenda.'

Iyi gahunda y'imyaka irindwi batangiye yo gucuruza izi mpapuro mpeshamwenda ku isoko ry'Imari n'Imigabane zifite agaciro ka miliyari 30 Frw, bayitezeho kubageza kuri Miliyari 150 Frw.

Uwaguza izi mpapuro azahabwa inyungu ya 12,85% buri mwaka. Ni mu gihe ½ cy'inyungu azajya agihabwa buri mezi atandatu mu gihe cy'imyaka irindwi.

BRD igaragaza ko inyungu izava muri izi mpapuro mpeshamwenda izabafasha gukomeza gucuruza n'izindi mpapuro mpeshamwenda ku isoko ry'imari n'imigabane nyuma y'imyaka irindwi.

Iyi banki isanzwe ifite igipimo cya B+ cyerekana ko bizewe na Leta, bibaha uburenganzira bwo kuba bashobora imari mu bikorwa by'iterambere no kujya isoko ry'Imari n'Imigabane.

BRD yatangiye gucuruza izi mpapuro mpeshamwenda bigizwemo uruhare na Banki y'Isi yabahaye Miliyari 10 z'amadorali nk'ingwate kuri izi Miliyari 30 Frw bashyize ku isoko.

Kamanzi Ferdinard ati 'Kuri buri munyarwanda wese wamaze gushyira amafaranga ye muri izi mpapuro mpeshamwenda za Miliyari 30 Frw n'abazazigura ku isoko ry'Imari n'Imigabane nk'uko twazishyizeho uyu munsi bafite icyizere y'uko 33% y'aya mafaranga igihe BRD yazaba yagize ikibazo bazishyuza, Banki y'Isi izabishyigikira ibyishyure. Ni akandi kantu navuga k'icyizere kiyongeraho.'

Aya mafaranga Banki y'Isi yahaye BRD yanyujijwe muri iyi Banki, niyo igomba kuyafata nk'ingwatwe kugeza ubwo imyaka irindwi izaba irangiye.

Kamanzi Ferdinard yavuze ko izi mpapuro mpeshamwenda bashyize ku isoko zidasanzwe, kuko izi zita cyane ku mikorere myiza n'imibereho myiza y'abaturage.

BRD yiyemeje ko bazajya batanga inguzanyo bitaye cyane ku mishinga ikora ku bidukikije kandi biha ubuzima bwiza abanyarwanda.

43% by'inguzanyo iyi Banki yatanze zahawe ibigo by'Imari mu myaka ishize. Hamwe n'izi mpapuro mpeshamwenda barifuza ko inguzanyo zihabwa abari n'abategarugori zizamuka zikava kuri 15% zikagera kuri 33%.

Banafite gahunda yo gutanga inguzanyo zizagera ku bihumbi 13 muri 2028 zizahabwa abafatanyabikorwa bazashobora gutunga amacumbi aciriritse.

Igiciro cy'izi mpapuro mpeshamwenda gihindagurika bitewe n'abaguzi n'abacuruzi. Bagifungura iri soko, hahise hagurwa impapuro zifite agaciro ka Miliyoni 397 Frw zamaze kugurwa, hariho igiciro cy'amafaranga 100,7 Frw ku mugabane umwe.

BRD yaciye agahigo kuko ariyo Banki ya mbere ku Isi itsura amajyambere yabashize gushyira ku isoko ry'imari n'imigabane impapuro mpeshamwenda. Ni nabwo bwa mbere bikozwe kuri iri soko ryo mu Karere k'Afurika y'Iburasirazuba.

Kuri Kamanzi 'Ni ishema dufite nk'Abanyarwanda, ni ishema dufite ryo gukomeza guteza imbere ibikorwa n'imishinga y'abanyarwanda itera imbere.'

Kugeza ubu, iri soko ry'imari n'imigabane ripima Miliyari 3.8 z'amadorali y'Amerika. Ni mu gihe abamaze kugana iri soko bageze ku bihumbi 20.

Iri soko risanzwe ririho imigabane y’ibigo birimo nka KCB, MTN Rwanda, Equity Bank, Banki ya Kigali, CMR (Cimerwa Cement Limited), USL (Uchumi Supermarkets), CTL (Cyrstal Telecom Rwanda), IMR (I&M Bank Rwanda Limited), NMG (Itsinda ry’Igitangazamakuru ry’Igihugu) n’abandi.

Isoko ry'imigabane mu Rwanda ryasimbuye Rwanda Over the Counter Exchange kuva muri Mutarama 2008,

Impapuro mpeshamwenda ni impapuro zishyirwa ku isoko na Leta y'igihugu runaka cyangwa ibigo by'imari bishaka kugurizwa amafaranga, abashoramari babyifuza bakagura izo mpapuro, bityo bakaba bagurije Leta/ibigo by'imari, bakajya babona inyungu kugeza igihe izo mpapuro zizavira ku isoko.

Impapuro mpeshamwenda ni uburyo bwiza bwo kwizigamira no guteganyiriza ejo hazaza nk'amashuri y'abana, izabukuru, n'ibindi.

Ni ishoramari ryizewe kuko uryitabiriye aba yizeye guhabwa inyungu ku gihe, ndetse akazasubizwa amafaranga ye yashoye iyo igihe cyagenewe izo mpapuro mpeshamwenda kirangiye.

Izo mpapuro ubundi zinitwa 'Mvunjwafaranga' kuko uwazishoyemo aba ashobora kuzigurisha anyuze ku isoko ry'Imari n'Imigabane ry' u Rwanda (RSE) mu gihe ashatse amafaranga mbere y'igihe zateganyirijwe kuvira ku isoko.

Uwashoye muri izi mpapuro mpeshamwenda ashobora kuzitangaho ingwate akabona inguzanyo mu bigo by'imari.

Ushaka kugura impapuro mpeshamwenda asabwa kuba afite byibura amafranga y'u Rwanda ibihumbi ijana (100.000 Frw) kuri konti muri banki cyangwa ibihumbi bitanu (FRW 5,000) kuri telephone ngendanwa kuko ni cyo giciro fatizo cy'urupapuro rumwe.

Banki y'Igihugu Itsura Amajyambere (BRD) yashyize ku isoko ry'Imari n'imigabane impapuro mpeshamwenda zifite agaciro ka Miliyari 30 Frw
   

Umuyobozi Mukuru wa Banki y'Igihugu Itsura Amajyambere (BRD), Kampeta Pitchette Sayinzoga, yashimye Banki y'Isi yabateye inkunga bakabasha gushyira ku isoko impapuro mpeshamwenda za Miliyari 30 Frw, avuga ko babyitezeho guteza imbere Abanyarwanda

 

Umuyobozi w’Isoko ry’Imari mu Rwanda, Rwabukumba Pierre Celestin, yagaragaje ko uko iri soko ry'imari n'imigabane rigenda ryaguka ari nako n'umubare w'Abanyarwanda barigana wiyongera

Umunyamabanga wa Leta ushinzwe Imari muri Minisiteri y'Imari n'Igenamigambi, Richard Tusabe

Umuyobozi wa Banki ya Kigali, Dr. Diane Karusisi [Ubanza iburyo]

Umuyobozi Ushinzwe kurebera intumbero za Banki ya BRD, Kamanzi Ferdinard yavuze ko binyuze muri izi mpapuro mpeshamwenda bashaka kuzamura urwego rw'inguzanyo batangaga ku bari n'abategarugori n'indi mishinga y'iterambere rirambye

Abayobozi muri Banki y'Isi mu Rwanda bitabiriye uyu muhango 

Abamaze kugura impapuro mpeshamwenda za BRD bahawe rugari batangira kuzigurisha ku isoko ry'imari n'imigabane ry'u Rwanda

Kanda hano urebe amafoto menshi ubwo BRD yashyiraga ku isoko impapuro mpeshamwenda

AMAFOTO: Serge Ngabo-InyaRwanda.com