Author: webrwanda

Byatangiye ku mugoroba wo kuri iki Cyumweru tariki 29 Ukwakira 2023, saa kumi n'ebyiri n'iminota 2', Rumaga ashyira ku rubuga rwe rwa Twitter ifoto igaragaza Bahali Ruth witabiriye Miss Rwanda 2022 ameze nk'ukuriwe yitegura kwibaruka imfura ye.

Yakoresheje amagambo yatumye benshi babifuriza kubyara hungu na kobwa no kurushinga rugakomera. Ariko kandi hari abashidikanyije ku ivuka ry'uyu mwana. Rumaga we ati 'Iyo Amahitamo ari amwe, burya umwanzuro ntuba ukikugoye.'

Mu ijoro ryo kuri iki Cyumweru, Bahali Ruth nawe yasohoye ubutumwa bugaragaza ko yamaze kwibaruka, yumvikanisha ko bamaze kuba umuryango ugizwe n'abantu batatu ashima cyane Rumaga [Yakoresheje ijambo 'umugabo wanjye’].

Bahali yavuze ko batangiye urugendo batazi uko ruzarangira ariko 'Gihanga Imana y'i Rwanda izadukomeza.'

Ukoresha izina rya Qrista we yanditse kuri Instagram agaragaza ko yamaze kuba 'Aunt' w'umwana wa Bahali na Rumaga. Yavuze ko ari umuhamya w'urugendo rw'urukundo rw'aba bombi, kandi abifuriza ishya n'ihirwe mu rugendo rushya batangiye.

Ku wa 3 Nyakanga 2023, Bahali Ruth yisunze konti ye ya Instagram yandikiye Rumaga amubwira ko ari impano n'umugisha Imana yashyize mu buzima bwe, amwifuriza kuramba no guhirwa n'ubuzima.

Yavuze ati 'Uri icyifuzo, uri impano, uri umugisha, uri bazanjya yanjye, baho kandi ubeho neza rudahinyuka, ndagukunda birenze.'

Mu kumusubiza, Rumaga yumvikanishije ko yasaye mu nyanya y'urukundo kandi ko bombi urugendo batangiye rudateza gusubira inyuma.

Akomeza ati 'Rukundo! Nudahinyuka kunkunda uko ubikora, ngo ejo wumve ko wansindiye, ntagisibya wanyigaruriye, nanjye nzamenya urwo rukundo, nudahinyuka uri urwanjye, kandi nudahinyuka ndi uwawe.' Bahali yasubije Rumaga amubwira ko amukunda kandi ntadahinyuka bazabana.

Ku wa 24 Kanama 2021, Rumaga yasohoye igisigo yise 'Mawe' yakoranye na Bahali Ruth, kimaze kurebwa n'abantu barenga ibihumbi 574.

Bwari ubwa mbere aba bombi bahuriye mu gisigo, kandi cyarakunzwe bitewe n'ubutumwa bukubiyemo. Ni kimwe mu gisigo kizigize Album 'Mawe' Rumaga aherutse gushyira ku isoko.

Ubwo yashyiraga hanze kiriya gisigo, Rumaga yabwiye InyaRwanda ko yagikoze agamije guca umuco w'abasore biharaje kurya ubukwe mbere.

Ati 'Nanditse iki gisigo kugira ngo nce ibi bintu bya 'mbonja' byateye mu bahungu, bituma barya ubukwe hakiri kare. Nicyo kintu nyamukuru nashakaga gukora. Nashakaga kugarura umwimerere w'uko ubukwe bushingira ku kuko umuntu yarezwe. Urabona y'uko twari tugeze mu bihe byaho nyine 'mbonja' yari imaze gufata urundi rwego, kuryamana mbere y'ubukwe byarafashe indi ntera.'

Bahali Ruth yifashishije, ni umukobwa umenyerewe mu mikino myinshi ya Mashirika, akaba n'umusizi nawe ubusanzwe ukora mu rurimi rw'Icyongereza.

Muri iki gisigo, Rumaga yakoresheje amagambo aryoheye amatwi aba abwira Bahali Ruth, amusaba ko barya ubukwe.

INYARWANDA ifite amakuru yizewe avuga ko ariya mafoto yagiye hanze agaragaza Bahali ameze nk'ukuriwe yitegura kwibaruka ari bimwe mu bizagaragara mu gisigo gishya yakoranye na Rumaga bazashyira hanze mu minsi iri imbere.

Hari n'amafoto basohoye bari kumwe bafatiye mu Karere ka Musanze, biri mu bizagaragara muri aya mashusho y'iki gisigo bombi bagiye kongera guhuriramo.

Junior Rumaga wa Nsekanabo ni umwe mu basore bamaze kuba kimenyabose mu busizi Nyarwanda muri iki gihe bitewe n'uburyo budasanzwe akoramo ubusizi bwe akiri muto.

Ubuhanga bwe abugaragariza mu myandikire ye, ijwi rye riremereye rituma abamukunda batavayo, ndetse n'uburyo akoramo amashusho y'ibisigo nk'ikintu kitari cyimenyerewe mu buhanzi bw'ubusizi Nyarwanda bituma abantu bamukunda cyane, yewe hari n'abavuga ko bakunze ubusizi kubera we.

 

Rumaga yashyize abantu mu rujijo nyuma yo gusohora amafoto agaragaza Bahali Ruth ameze nk'ukuriwe

Rumaga na Bahali bamaze iminsi bafata amashusho y'igisigo bahuriyemo kizagaragaramo bimwe mu bice bifitanye isano n'aya mafoto basohoye 

Bahali aherutse kugira uruhare mu ikorwa ry'indirimbo 'Fou de Toi' yatwaye arenga Miliyoni 15 Frw 

Rumaga asanzwe ari inshuti y'igihe kirekire ya Bahali- Yamwamamaje cyane mu gihe cya Miss Rwanda ya 2022

 

Ubutumwa banyujije ku mbuga nkoranyambaga z'abo zatumye benshi babacyeka amababa

 

KANDA HANO UREBE IGISIGO 'AYABASORE' RUMAGA YAKORANYE NA BAHALI RUTH

Ibi ni ibinyoma 5 uru rubuga rwa Women Resources rwakusanyije abakobwa babeshywa mu gutwara inda: 

1. Ntiwatwara inda ukoze imibonano mpuzabitsina bwa mbere

Ni ikinyoma! Ntibisaba inshuro runaka kugira ngo umugore atwite. Inshuro ya mbere, iya 2,.. inshuro y'igihumbi, amahirwe arangana mu gihe mukoze imibonano mpuzabitsina idakingiye kandi uri mu myaka yo gutwita ni ukuvuga mu gihe wamaze kubona imihango ya mbere.

2. Ntiwatwara inda mu gihe uwo muryamanye yakwiyatse

Ni ikinyoma! Birashoboka. Kwiyakana bivuga ko umusore/umugabo akura igitsina cye mu cy'umugore mbere y'uko amasohoro aza. Bikorwa mu kwirinda ko ayo masohoro yinjira mu gitsina cy'umugore bityo akaba yatwara inda itateganyijwe. Kwiyakana ntibitanga icyizere 100% ko utasama. 

Amahirwe aba ari hagati ya 70-85% mu kwirinda gutera cyangwa guterwa inda. N'ubwo umusore/umugabo yakwiyaka umukobwa/umugore, amahirwe menshi ni ay'uko habaho gutwara inda ku mugore. 

Ibuka ko mu gutegurana, ururenda ruza ku gitsina cy'umugabo ruba rurimo amasohoro ashobora gutera inda. Gutekereza ko umugore azatwara inda ari uko umugabo yasohoye ni ukwibeshya.

3.Ntiwatwara inda mu gihe uhise wihanagura

Hari abantu bagifite iyi myumvire. Kumva ko mu gihe murangije imibobano mpuzabitsina umugore agahita yihanagura mu gitsina amasohoro cyangwa agahita akaraba byamurinda gutwara inda? Ni ukwibeshya! Igihe amara ashaka icyo yihanaguza, umwanya amara agana aho yiyuhagirira, intanga ngabo iba yinjiye kare.

Intangangabo ziriruka cyane ku muvuduko w'ibirometero 120 ku isaha (120km/h), ku buryo mukanya nk'ako guhumbya iba yageze kare ku ntangangore ngo bikore igi. Hari n'abakoresha Coca Cola cyangwa vinaigre mu rwego rwo kwica intangangabo. Ni ukwibeshya no kurushywa n'ubusa.

4. Ngo hari uburyo (pozisiyo) bushobora gutuma udatwara inda

Birazwi ko intangangabo ifite umuvuduko ukabije ku buryo pozisiyo yose mwaba muri gukoresha mu gihe cy'imibonano mpuzabitsina bitayibuza kwinjira. Uburyo ubwo ari bwo bwose mwakoresha umugore yatwara inda. Igitsina cy'umugabo gipfa kuba cyinjiye mu cy’umugore.

5.Ntushobora gutwara inda ari mu gihe cy'imihango?

Ibi nabyo abantu benshi babyibeshyaho. Mu gihe umukobwa/umugore afite ukwezi guhindagurika cyangwa kugufi cyane ashobora gusama igihe atabiteganyaga. Ikindi intangangabo ishobora kumara iminsi 3 itegereje intanga ngore. Bijya bibaho ko umugore yagira ikibazo mu mura akava amaraso bigahuza n’igihe cy'imihango akabyitiranya.

Ibi ni bimwe mu binyoma abakobwa cyangwa n'abagore babeshywa ku bijyanye no gutwara inda.

Mu kwezi kwa 07 muri uyu mwaka ni bwo hakinwaga igikombe cy’Isi cy’abagore cyaberaga muri New Zealand ndetse na Australia. Byarangiye cyegukanywe na Espagne batsinze ikipe y’igihugu y’u Bwongereza ku mukino wa nyuma.

Ubwo abakinnyi b’ikipe y’igihugu ya Espagne bahabwaga imidari, Perezida w’Ishyirahamwe ry’Umupira w’Amaguru muri Espagne, Luis Rubiales yaratunguranye aba asomye umukinnyi wari watsinze igitego cyabahesheje itsinzi ari we Jeni Hermoso.

Nyuma yuko iki gikorwa kibaye, Luis Rubiales yisobanuye avuga ko byari ibyishimo ndetse bakaba bari banabyumvikanyeho ariko umukinnyi we akabihakana avuga ko nta burenganzira yari yamuhaye.

Ishyirahamwe ry’Umupira w’Amaguru muri Espagne ryaje kumuhagarika ku nshingano maze Impuzamashyirahamwe y’Umupira w’Amaguru ku Isi, FIFA nayo ifata umwanzuro wo kuba ahagaritswe mu bikorwa bya ruhago mu gihe kingana n’iminsi 90 kugira ngo hakorwe iperereza.

Nyuma y’uko hakozwe iperereza, kuri uyu wa Mbere FIFA yafashe umwanzuro yuko imuhagaritse mu bikorwa bifite aho bihuriye n’umupira w’amaguru my gihe kingana n’imyaka 3. 

Mu itangazo bashyize hanze bagize bati “Komite ishinzwe imyitwarire muri FIFA yahagaritse Luis Rubiales wahoze ari Perezida w'ishyirahamwe ry'umupira w'amaguru muri Espagne (RFEF), imyaka itatu mu bikorwa byose bijyanye n'umupira wamaguru haba ku rwego rw’igihugu ndetse na mpuzamahanga nyuma yo kubona ko ibyo yakoze binyuranye n'ingingo ya 13 y'imyitwarire ya FIFA”.

Luis Rubiales afatiwe ibi bihano mu gihe abakinnyi bamwe b’ikipe y’igihugu ya Espagne y’Abagore bari baragiye bamusabira guhanwa ndetse hari n’abavuze ko batazongera kuyikinira.

Luis Rubiales yahagaritswe imyaka 3 mu bikorwa by’umupira w’amaguru azize gusomana 

FIFA yatangaje ko Luis Rubiales ahagaritswe imyaka 3 

Mu ijoro ryo kuri iki Cyumweru tariki 29 Ukwakira 2023, Japhet yakoreye igitaramo muri Kigali Conference and Exhibition Village ahazwi nka Camp Kigali yahuriyemo n'abanyarwenya barimo Doctall Kingsley, Michael Sengazi, Joshua, Babou Joe, Josh2funny, abanyeshuri batatu bo muri Kaminuza, Phronesis na Sundiata.

Yari amaze amezi arenga atatu yamamaza iki gitaramo, kandi yumvikanisha ko yaruhutse nyuma y'uko ashyize akadomo kuri iki gitaramo cyahuje imbaga.

Yabwiye InyaRwanda ati 'Ndishimye mu mutima wanjye! Ndumva meze nk'umuntu utuye umutwaro. Ndishimye kubera y'uko iyi 'Upcoming Diaspora' ni igitaramo nateguye igihe kinini kandi ngiha umwanya wanjye wose, rero ndishimye ko abantu baje. Mu by'ukuri ndishimye kubera ko haje abantu benshi ntatekerezaga.'

Hafi 80% by'abanyarwenya bitabiriye iki gitaramo bakoresheje ururimi rw'icyongereza, kandi buri munyarwenya wese watumiwe yahabontse. Ni igitaramo kitabiriwe n'abantu bo mu bihugu cyane cyane abo muri Nigeria, mu Bubiligi, mu Budage n'ahandi.

Japhet yavuze ko kuva yatangira gutera urwenya ni 'ubwa mbere mbonye abantu bitabiriye igitaramo bishimye kandi bavanze ku buryo buri wese yumva ibivugwa.'

Uyu munyarwenya yavuze ko urugendo aherutse gukorera mu Nigeria rwabaye imbarutso yo kuba yarabashije gutumira abanyarwenya bo muri kiriya gihugu.

Yavuze ko ibitekerezo yubakiyeho iki gitaramo yabikuye kuri aba banyarwenya. Ati 'Kujya muri Nigeria byampaye kwagura ibitekerezo ku kintu cyitwa 'Comedy'. Uyu munsi wanone nari nihanduje icumu, ariko byagenze neza.'

Japhet anumvisha ko bwa mbere agitangira gutekereza gukora iki gitaramo yumvaga ko azagikora ari wenyine, ariko ko uko iminsi yicumaga yagiye agira ibitekerezo aganira n'abandi bigeze ku gutumira n'abandi.

InyaRwanda igiye kugaruka ku bintu 5 byaranze iki gitaramo cya Japhet Mazimpaka

1.Abanyeshuri batatu bo muri Kaminuza bagaragaje impano

Kimwe mu byo Japhet Mazimpaka yashyizemo imbaraga mu gutegura igitaramo cye ni uguha umwanya abanyeshuri b'abanyarwenya biga mu mashami atandukanye ya Kaminuza y'u Rwanda.

Ni ubwa mbere aba banyeshuri bari bataramiye imbaga y'abantu benshi. Ni abasore babiri n'umukobwa umwe! Japhet yabahisemo ashingiye ku bitwaye neza mu bitaramo yagiye akorera mu mashuri makuru na za Kaminuza zitandukanye.

Aba basore babiri bitaye cyane ku rwenya rwagarutse ku buzima bw'abo, ni mu gihe Alice yitaye cyane ku kuvuga ukuntu umubyeyi we yamusengeye kugeza ubwo agarutse ku shuro eshatu yasibiye mu mwaka wa Gatatu w'amashuri abanza.

Bitewe n'uko bwari ubwa mbere, aba basore babiri bagaragaje kutoroherwa no gutera urwenya imbere y'abantu benshi cyo kimwe n'uyu mukobwa, ariko bavuye ku rubyiniro bavuga ko bize imbere byinshi bazifashisha mu rugendo rw'abo.

Mu kiganiro na InyaRwanda, Japhet Mazimpaka yavuze ko yahaye umwanya aba banyeshuri bo muri Kaminuza mu rwego rwo kurizikana uburyo nawe yaciriwe inzira muri 'Comedy'.

Yavuze ko yabahisemo ashingiye ku kuntu bigaragaje mu bitaramo bahuriyemo cyane cyane uwitwa Alice. Ati 'Nk'uriya mukobwa witwa Alice, ni umwana w'i Musanze uzi urwenya rwose, ndi umufana we, rero washyiraho bariya basore bandi, ni abana ubona ko baje neza. Rero ni itangiriro kuri bo nk'uko nanjye natangiriye muri Arthur Nation.'

2.Umunyarwenya Sundiata yemeje abanya-Kigali

Ni ubwa mbere uyu munyarwenya wabiciye bigacika mu gihugu cya Uganda yari ataramiye i Kigali- Ariko yagaragaje kwihagararaho kugeza ubwo avuye ku rubyiniro abantu batabishaka, bituma asezeranya kuzagaruka.

Uyu musore akigera ku rubyiniro, yavuze ko yiteguye gutembagaza abitabiriye iki gitaramo, kandi koko yabigezeho. Asanzwe akora ibitaramo bizenguruka ibice bitandukanye by'umujyi wa Uganda, mu bihe bitandukanye mu mwaka.

Yinjiriye mu ndirimbo arabyina karahava. Ati 'Nitwa Sundiata, ni ubwa mbere ngeze muri iki gihugu cyiza (u Rwanda) mukome amashyi, mwarakoze gukomeza gushyigikira uruganda rwo gutera urwenya.'

Sundiata yavuze ko mu 2020 ari bwo yatangiye gutera urwenya biturutse ku muhanzi Wizkid nyuma y'ibitaramo yari amaze kubona agenda ategura.

Yavuze ko Wizkid yateguye igitaramo agurisha amatike yose hashize iminota 10, arongera ategura ikindi gitaramo amatike ashira hashize iminota 20.

Sundiata avuga ko ashingiye ku byo yabonye byatumye nawe atekereza gutegura igitaramo cye bwite, ariko ko n'itike imwe yaguzwe hashize ukwezi nabwo iguzwe na Nyina utarabashije kwitabira igitaramo cye. Ati 'Mama ntiyaje yari yagiye mu gitaramo cya Fireboy. Ndasetsa, mwitegure ndabatembagaza.'

Uyu munyarwenya yavuze ko hari gahunda nyinshi zibera mu Rwanda ahora yifuza ko zagera no muri Uganda.

3.Joshua yisunze ibyavuzwe na Kigali Boss Babes abantu baraseka barihika

Umunyarwenya Joshua Kamilindi yongeye kugaragaza ko ibijyanye no gutera urwenya yisunze ingero z'abantu banyuranye ari ibye.

Uyu musore yavuze uburyo Diamond yafashe Kenny Sol na Okkama aziko ari abana be bahuriye mu gitaramo cyatangiwemo ibihembo bya Trace Awards.

Yatembagaje abantu ubwo yari ageze ku cyongereza cyavuzwe n'abagize Kigali Boss Babes ubwo bajyaga gutangaza umwe mu batsinze muri Trace Awards.

Yagiye asubiramo ijambo ku rindi, avuga ko aba bagore batahagarariye neza u Rwanda nk'uko byakagombwe, ariko ko baragerageje.

Joshua yavuze ko iyo azaba kuba ari Shaddyboo yari kugaragaza ko yisanzuye neza mu Cyongereza. Uyu munyarwenya yagiriye inama abahanzi ababwira ko ari byiza kwiga ururimi, kuko rubafasha mu buzima bwa buri munsi.

Joshua aherutse kubwira InyaRwanda ko igitaramo 'Diaspora Upcoming Comedy Show' ari cyo cya nyuma ateyemo urwenya kuko agiye kwerekeza muri Canada.

Ni umwe mu banyarwenya bigaragaje mu bitaramo bitandukanye yakoreye ahantu hanyuranye, yagiye ahuriramo n'abandi barwenya bagenzi be. 

4.Josh2funny yatunguwe n'uburyo yakiriwe

Mbere y'uko agera ku rubyiniro, abari bitabiriye iki gitaramo bazimije amatara mu rwego rwo kumwakira, nawe ageze ku rubyiniro ahamya uburyo yakiriwe neza.

Yavuze ko yakozwe ku mutima n'uburyo yakiriwe i Kigali, kandi avuga ko azi neza ko afite abantu bakunda ibyo akora.

Uyu musore wamamaye muri 'America's Got Talent' yagize ati 'Nanjye ndabakunda. Ni ubwa mbere ngeze i Kigali, nitwa Josh3funny, ni njye muraperi wa mbere ku Isi, ninjye muntu wa mbere uzi gusoma cyane nihuta, ni njye mutetsi wa mbere ku isi, mbese ndi uwa mbere muri byose.'

Josh2funny yavuze ko azi kubyina, ariko ko Japhet yamwishyuye kugirango atere urwenya gusa abanya-Kigali 'kubyina bitarimo'.

Yitaye ku gukoresha cyane indimi zo muri Nigeria, ndetse avuga ururimi akunze gukoresha rw'abantu bari mu cyiciro cy'abatunzi. Anagaruka ku ruganda rw'imyambaro ruzwi cyane muri kiriya gihugu rwambika abantu benshi.

Uyu musore yanavuze ukuntu aherutse kumva umunyarwenya Trevor Noah ari mu kiganiro avuga ukuntu ubukerarugendo bw'u Rwanda bwinjiza 25%.

Yahamije ko ashingiye kubyo yabonye, u Rwanda rwashyize imbere guteza imbere ubukerarugendo.

5.Doctall Kingsley, umunyarwenya w'umunsi

Ni umwe mu banyarwenya bari bamaze igihe bategerejwe n'abantu benshi ahanini biturutse ku kuba yaraciye ibintu ku rubuga rwa Tiktok rwazamuye izina rye.

Yaserutse mu myambaro asanzwe akoresha mu bihangano bye, ubundi abanza kuririmbira abitabiriye iki gitaramo yisunze indirimbo za bamwe mu bahanzi bo muri Kenya.

Doctall yahereye ku kuvuga ko telephone iPhone 16 igiye kujya ku isoko, abaza abakobwa igice cy'umubiri biteguye gutanga kugirango bazagurirwe iyi telefoni. Yamamaye cyane mu guherekeza ibihangano bye yifashishije ijambo 'This Life no Balance.'

Yumvikanishije ko ku nshuro ye ya mbere ataramiye i Kigali yahagiriye ibihe byiza, kandi yatunguwe n'uburyo ibihangano bye byacengeye bigera i Kigali.

 

Japhet yakomoje ku rugendo rwe yinjira muri RBA nyuma y’igitaramo cye cya mbere

 

Japhet Mazimpaka yatangaje ko umutima we unezerewe nyuma yo gukora iki gitaramo

Japhet imbere y’abitabiriye igitaramo cye muri Camp Kigali- Yitaye ku nkuru z’imibereho y’abanya-Nigeria n’abanya-Kenya

 

Japhet yavuze ko amezi arenze atanu yitegura iki gitaramo

Doctall Kingsley, umunyarenya wabiciye bigacika muri Kaminuza yataramiye i Kigali ku nshuro ya mbere 

Doctall wamamaye kuri Tiktok yashimye Japhet wamufashije gutaramira i Kigali nyuma yo guca ibintu ku mbuga nkoranyambaga

Umunyarwenya ‘Rufendeke’ wo muri Giti Business Group
 

Umuhanzikazi Bwiza ari mu bitabiriye iki gitaramo cy’urwenya cyabereye muri Camp Kigali

Uhujimfura Claude, Umuyobozi Ushinzwe Ibikorwa muri Kikac Music Label 

Umushyushyarugamba akaba n’umunyarwenya Nkusi Arthur witabiriye igitaramo cya Japhet yashyigikiye kuva ku munsi wa mbere

 

Alice, umunyarwenya w’umukobwa ubarizwa i Musanze yagaragaje impano ye muri iki gitaramo

Umunyarwenya Sundiata yagaragaje ko hari ibyo Uganda yakabaye yigira k’u Rwanda 

Sundiata yavuze uburyo yinjiye muri ‘Comedy’ yigana Wizkid 

Akaliza Hope witabiriye Miss Rwanda 2019, 2020 na 2021 yitabiriye iki gitaramo 

Muyoboke Alex wabaye umujyanama w’abahanzi banyuranye mu Rwanda 

Joshua yagarutse ku ndirimbo abahanzi bashyira hanze zitavugwaho

Umunyarwenya Michael Sengazi yongeye gutembagaza abantu yisunze ururimi rw’Igifaransa

 

Umunyarwenya Babou Joe yitaye cyane ku rwenya rwinisha n’abasomye ku mutobe

 

Umunyarwenya Phronesis yavuze ko gutaramira i Kigali ari kimwe mu byo yifuzaga mu buzima bwe 

Umunyamakuru Khamiss Sango wa Radio/Tv10 ari kumwe n’umuhanzi Victor Rukotana 

Umuhanzi Da Rest uherutse gushyira hanze Extended Play (EP) ye ya mbere 

Abakinnyi ba filime bagezweho muri iki gihe, Dr Nsabi, Nyambo ndetse na Lynda wahatanye muri Miss Rwanda 2022 

Umunyarwenya Joshua yagarutse ku cyongereza Kigali Boss Babes yakoresheje mu itangwa ry’ibihembo bya Trace Awards 

Umunya-Kenya MCA Tricky yemeje abanya-Kigali yisunze inkuru nyinshi bigera n’ubwo aza umugabo wo mu Budage

 

Josh2funny yagiye aramukanya n’abanya-Nigeria buri uko yateraga urwenya 

Itsinda ry’abagize umuryango mugari wa Magic FM bashyigikiye Japhet mu gitaramo cye    

Umwe mu basore wo muri Kaminuza wagaragaje impano ye mu gutera urwenya muri iki gitaramo 

Uyu musore wo muri Kaminuza yagarutse ku buzima bwe n’umubyeyi we n’ibindi

Japhet ari kumwe na mugenzi we 5K Etienne bahuriye muri “Bigomba Guhinduka” 

Doctall yaserutse mu myambaro akunze kwambara ndetse n’igikapu akunze kwitwaza

Umushyushyarugamba Nario wayoboye iki gitaramo cy’urwenya

AKARI KU MUTIMA WA JAPHET NYUMA Y’IGITARAMO GIKOMEYE YAKOZE

“>

Kanda hano urebe amafoto menshi y’igitaramo “Diaspora Upcoming Comedy Show” cya Japhet

AMAFOTO: Rwigema Freddy-InyaRwanda.com

Kugira ngo tugendane neza, ibuka ko iyi nkuru ishingiye ku bitekerezo byanjye bwite.

Kuri iki cyumweru twasoje tariki 29 Ukwakira ni bwo mu Rwanda habaye umukino uruta iyindi, wahuje ikipe ya APR FC yari yakiriye Rayon Sports ku munsi wa 9 wa shampiyona. Aya makipe yombi yavuye mu kibuga nta kipe irebye mu izamu, ariko abafana batashye nta n’umwe wifatiye ku gahanga imisifurire, cyareka bamwe ba nta munoza.

Mbereho iminsi 4 ngo uyu mukino ube, FERWAFA yatangaje ko Twagirumukiza Abdulkarim ari we uzaba ari umusifuzi mukuru, afatanyije na Ishimwe Didier, Mugabo Eric ndetse na Rulisa Patience umusifuzi wa kane.

Abasifuzi bose bane bari bikwije udukoresho twikoranabuhanga 

Amakuru akijya hanze abafana ba Rayon Sports baratarutse bavuga ko kababayeho, ndetse bamwe batangira gupimuza amatike yabo bavuga ko batajya kureba umukino bahuyemo na APR FC uribusifurwe na Twagirumukiza Abdulkarim. Ibi babivugaga bagendeye ku mikino yabahuje Twagirumukiza Abdulkarim yayisifuye kuko imyinshi yarangiraga batanyuzwe.

Muri iyo mikino twavuga nk’umukino wabahuje na APR FC i Bugesera FC aho abafana ba Rayon Sports bavugaga ko yabibye penariti ya Luvumbu. Hari n’umukino wahuje aya makipe Issa Bigirimana wakiniraga APR FC atsinda igitego, abafana bavuga ko yagitsindishije ukuboko Twagirumukiza akanga kubisifura.

Abafana ba Rayon Sports kandi bavugaga ko uyu musifuzi ari umukunzi wa APR FC w’akadasohoka kuko ngo yari aherutse kwanga igitego Police FC yatsinze akacyanga avuga ko habayeho kurarira, mu gihe umusifuzi wo ku ruhande atari yamanitse igitambaro.

Kuki uyu mukino w’ihangana wahawe Twagirumukiza Abdulkarim utavugwaho rumwe?

Twagirumukiza Abdulkarim ashobora kuba yarisabiye uyu mukino. Mu buryo bwo gusubiza ibintu ku murongo no kwereka abantu ko Twagirumukiza Abdulkarim atakiri wa wundi, birashoboka ko yaba ariwe wisabiye uyu mukino ndetse akerekana na zimwe mu mpamvu zatuma awusifura neza.

Ikinyamakuru Rwanda Magazine kivuga ko Twagirumukiza Abdulkarim yasifuye uyu mukino akoresheje itumanaho rihagaze Miliyoni 3 z’amanyarwanda. Iri tumanaho nk’uko rigaragara mu mafoto, ni ibikoresho bishya kandi nibura biri ku rwego rwa shampiyona y’u Rwanda. 

Iki ni kimwe mu byo umuntu yavuga ko Twagirumukiza Abdulkarim yasabye uyu mukino kandi yiteguye gukora ibishoboka byose ukagenda neza.

Mbere y’umukino, abasifuzi bari berekanye ko ari urugamba mu rundi 

Birashoboka ko umusifuzi yasaba FERWAFA ati: “Murabona ko hari abafana b’ikipe runaka tutabanye neza, ngo kubera ukuntu mbasifururira. None ko igihe kigeze ngo buri umwe mwereke imisifurire numva yanyura buri umwe, mwampaye uyu mukino ukansubiza icyizere?'

Birashoboka kuba FERWAFA yaramuhaye uyu mukino nko kumuha andi mahirwe. Ku rundi ruhande bishoboka ko FERWAFA yaba yarahisemo gucyemura ikibazo cy’imisifurire yari imaze igihe ivugwa mu Rwanda, aho usanga ikipe imwe ivuga ngo runaka aratwanga ntiyadusifurira, cyangwa se iyo adusifuriye turabizi turatsindwa. 

Mu buryo rero bwo guca iyi mivugire, birashoboka ko FERWAFA iri guha imikino abasifuzi bari barashyize mu mukara n’amakipe amwe kugira ngo basubize ibintu ku murongo. Mwibutse neza, umukino wahuje APR FC na Mukura muri uyu mwaka w’imikino, uyu mukino wasifuwe na Umutoni Aline.

Bikimenyekana ko Aline ariwe uzayobora umukino, abantu bariyakiriye bavuga ko ari umufana wayo mukuru, ndetse yambaye n’imyenda yayo, ariko mu kibuga asifura ku buryo buhabanye n’ibyo yari yitezweho.

Bishoboka ko FERWAFA ishobora kubwira umusifuzi iti: “Urabona iriya kipe ntabwo mubanye neza, bahora bavuga ko wafashe uruhande kandi ntabwo dushaka imisifurire iteye uko.” 

“Tugiye kuguha uyu mukino nushimangira ibyo bavuga ukabogama ubwo uraba werekana uwo uriwe ku mugaragaro, ariko niba hakiri amahirwe yo gusubiza ibintu ku murongo wayakoresha.” 

Udukoresho tw’itumanaho abasifuzi bari bafite twari duhagaze asaga Miliyoni 3 z’amanyarwanda 

Umukino urangiye udukoresho abasifuzi baratwururukije basoma ku mazi 

Twagirumukiza yagendaga ku mukino nk’umuntu ushaka gusubiza ibintu ku murongo 

Umutoni Aline niwe wasifuye umukino wa APR FC na Mukura n’ubwo mbere y’umukino abantu bari bihebye ukuyemo aba APR FC

APR FC yemeje ko imvune ya Nshimirimana Ismail Pitchou yaraye agize idakaze ndetse azatangira imyitozo ejo n’aho Shiboub we ameze neza ari ikibazo cy’umutoza utamukinisha.

Ku munsi w’ejo mu mukino wa shampiyona APR FC yanganyijemo na Rayon Sports, Pitchou yavuye mu kibuga acumbagira asimbuizwa Niyomugabo Club nyuma yo gukandagirwa na Muhire Kevin ku kagombambari.

Rtd Cpt ushinzwe ubuzima bwa buri munsi mu ikipe ya APR FC, yavuze ko Pitchou nubwo yari yababaye ubu ameze neza ndetse ejo azatangira imyitozo n’abandi.

Ati 'Picthou uwamukandagiye yarabishakaga aramukomeretsa ku kagombambari ariko ntabwo bikomeye ndetse ku munsi w’ejo azatangira imyitozo. '

Agaruka ku kibazo cy’umukinnyi w’Umunya-Sudani, Sharaf Eldin Shiboub Ali Abdelrahman yavuze ko ameze neza 100% ari ikibazo cy’umutoza utamuhitamo n’aho ubundi yakize neza.

Ati 'Kuri Shiboub ikibazo ni umutoza, ameze neza 100% nta mvune afite, yarwaye malaria kuva umukino wa Pyramids urangiye, yarakize ameze neza nta kibazo afite, kuba atarakinnye ni amahitamo y’umutoza nta kindi.'

Kuva tariki ya 29 Nzeri 2023 mu mukino wa CAF Champions League APR FC yatsinzwemo na Pyramids FC 6-1, Shiboub yahise afatwa na malaria n’aho akiriye ntiyahita akina aho umutoza we avuga ko atameze neza, yatakaje ibiro byinshi.