Author: webrwanda

Kuwa Mbere tariki 30 Ukwakira, i Paris habereye ibirori byo gutanga Ballon d’Or, ihabwa Lionel Messi nk’uko byari byitezwe. Yakurikiwe na Erling Haaland, Kylian Mbappé na Kevin de Bryne ku mwanya wa 4.

Mu ijambo uyu munya-Argentine yagejeje ku bari muri ibi birori ndetse n’ababikurikiranye hirya no hino ku Isi, yavuze ashimira abantu bose cyane cyane abakinnyi bagenzi be, umuryango we ndetse anashimira Kylian Mbappé na Erling Haaland ababwira ko nabo bazatwara iki gihembo. 

Yagize ati: “Ndashimira abantu bose, cyane cyane abakinnyi dukinana. Ndashimira abantu bose bantoye. Iyi Ballon d’or ni impano ikomeye kuri Argentine yose. Sinshaka kwibagirwa Haaland cyangwa Mbappé, bagize umwaka mwiza, udasanzwe, kandi mu myaka iri imbere bazatwara iki gihembo”.

Yakomeje agira ati: “Urwego rwo kurushanwa ntabwo rwigeze rugabanuka. Nagize amahirwe yo kuba hano imyaka myinshi. Ndashaka kugira icyo mvuga kidasanzwe ku bantu bose bishimiye ko Argentine yatwaye igikombe cy’Isi”.  

“Ndashimira kandi umuryango wanjye wose, umugore wanjye, abana banjye, kuba bari kumwe nanjye mu bihe bibi, kandi bamfashije kugera ku nzozi zanjye mu mupira w’amaguru. Atari bo ntibyari gushoboka”.

Lionel Messi yanavuze ko hagiye kubaho ihangana hagati ya Haaland na Kylian Mbappé agira ati: “Hagiye kubaho ihangana ryiza hagati yabo ndetse n’abandi bakinnyi bakiri bato bahari. Bose bari bakwiye iki gihembo muri uyu mwaka. Erling, ibi byashoboraga kuba ibyawe kandi byumvikanaga”.

Abajijwe ku bijyanye no kureka umupira w’amaguru, uyu mukinnyi w’imyaka 36 yavuze ko atazi igihe azawurekera ariko ashaka gukomeza akina ndetse no kugira ibyishimo. Iyi ni Ballon d’Or ni iya 8 Messi atwaye. Yatwaye iya 2009, 2010, 2011, 2012, 2015, 2019, 2021 na 2023.

Kylian Mbappé yaje ku mwanya wa 3 mu bihembo bya Ballon d’Or 

Erling Haaland yaje ku mwanya wa 2 ariko yanahawe igikombe cya rutahizamu mwiza

Lionel Messi yashimiye abantu batandukanye barimo abo mu muryango we akanavuga ko Erling Haaland na Mbappé nabo bazatwara Ballon d’Or 

Lionel Messi yahawe Ballon d’Or ya 8

Ariko se ko abo bose birukira muri muzika ngo bakore indirimbo n’ibangahe barenga umutaru? Ibyo ahanini biterwa nuko abenshi binjira muri uru ruganda rwa muzika bigana bagenzi babo, nta mpano ibarangwaho ndetse badafite intumbero zo kuzagera kure.

Niyo mpamvu usanga hari abahanzi bamaze imyaka myinshi muri muzika nta ndirimbo nzima wumva bakoze cyangwa n’abo wumva ukibaza uburyo bazamutse ntampano nzima bafite.

Ibi byose biterwa n’uko akenshi abinjira mu muziki bagamije kuwokora byakinyamwuga ngo bamamare usanga batazi mu by’ukuri icyo bashaka cyangwa batanazi inzira nzima yabafasha. Usanga kandi barangwa n’ibi bintu 5:

1. Guhora aririmba bagenzi be gusa

Ni kenshi mwumva abahanzi cyane cyane bamwe bifuza kumenyekana vuba, bahimba indirimbo zigamije gusebya bagenzi babo. Akenshi uzasanga abo bibasira arababa babarusha kumenyekana cyangwa se abo bigeze kuba inshuti bagashwana,abo bigeze gukorana bagashwana ,…

Inshuro nyinshi biterwa nuko uyu muhanzi aba yinjiye mu muziki ashaka kurwanya mugenzi we kubera ishyari ry’uko aba abona akunzwe na rubanda kandi bimuha amafaranga cyangwa se ari bwo buryo bworoshye abona yakoresha ngo amenyekane vuba.

2. Nta mpano ibarangwaho kandi barigana gusa

Benshi mubahanzi usanga binjira mu muziki kuko haribyo baba bishuka bihabanye cyane n'ukuri. Aha wavugamo nko kuba yumva ko kuba afite uburanga  bizatuma ahita amenyekana, kuba abyinira umuhanzi wamenyekanye runaka bizatuma no kuririmba ahita abifatisha kuko abantu bahora bamubona abyina. 

Niyo agerageje gukora indirimbo ze niho usanga akenshi umuhanzi azi kubyina ariko wakumva ijwi rye ukumirwa .Gusa kuri iyi ngingo hari bacye babishobora ariko nubundi baba bari basanzwe bafite impano yo kuririmba.

3. Akunda kuvugwa mu itangazamakuru no kumenyekana kurusha ibikorwa bye

Ni kenshi uzasaga umuhanzi utifitemo impano yirirwa afungura imirongo  ya za Instagram, X (Fake accounts) zitandukanye kugirango ajye ashyiraho ibihangano bye abitaka ubwiza kugirango abantu bibeshye ko afite abafana kandi ariwe ubyikorera. Izo (Fake accounts) kandi anazikoresha mubintu bishobora gutuma akurura itangazamakuru ngo rigire icyo rimubazo maze akunde avugwe.

Usibye nibyo uzasanga ashora  amafaranga menshi mubaturage ngo bajye bahamagara amaradiyo basaba indirimbo ze kabone nubwo zaba zibishye bidasubirwaho. Si ibyo gusa  kuko usanga uyu muhanzi kenshi ahora mubitangazamakuru avuga ubusa, asebya bagenzi be, mu gihe abandi ibitangazamakuru aribyo bibishakira kubera ibikorwa by'indashyikirwa baba bagezeho.

4.Ntashaka kwiga no kumenya ibyamufasha mu muziki we

Ni gacye cyane uzabona umuhanzi nk’uyu yafata umwanya  ngo yige igikoresho cya muzika kimwe byibuze mu buzima bwe. Nyamara aho umuziki nyarwanda uri kugana bigaragara ko  abafana batacyemera uwababeshya ko yabararimbiye mugihe cyose atabahaye umuziki wa Live. 

Mu marushanwa akomeye basigaye basaba uzi Live n'ibindi. Aha rero biramudindiza ntanagire aho agera kuko aba adashaka kwiga uburyo bwamufasha guteza imbere umuziki we.

5. Gukoresha ibiyobyabwenge no guhora mu myenda (Amadeni)

Umuhanzi utazi aho ashaka kugana yizera ibiyobyange kurenza ibindi byose. Iyo bimaze kumurenga asigara ari uwo guteza ibibazo kurusha uwo kubicyemura. Asigara ari uwo kwica izina ry'uruganda rwa muzika kuko urugero aba atanga rutatuma umubyeyi areka umwana we ufite impano ngo yinjire muri muzika. 

Kubera kwibeshya ko yamamaye usanga ahora mu myenda y'amafaranga aba yagujije hirya no hino  kubera gushaka kubaho  mubuzima buhenze cyangwa se bwa bamwe yigana.

Haba mu Rwanda n’ahandi hose, hagiye harangwa no kugaragara kw’abahanzi bafite impano zikomeye gusa ntizigire icyo zibamarira cyangwa ngo bazikoreshe neza kuko babaye imbata y’ibiyobyabwenge. 

Babaje mu muziki ari bashya batazi icyo bashaka usanga hari abahita bagana iyi nzira y’ibiyobyabwenge ugasanga biyangije ntaho barageza umuziki wabo.

Gukora umuziki ni impano kandi ni akazi nkakandi,byanze bikunze iyo winjiyemo nta mpano ubifitemo birangira bigutamaje kabone nubwo waba wakoze ibingana iki ngo wigaragaze nkushoboye. 

Izi ngingo eshanu zakwereka bamwe mubahanzi bo mu Rwanda batazi icyo bashaka ahubwo bahora mu mwijima  wo kwiyita abanyamuziki kandi hari izindi mpano zabo bagakwiye gushyiramo  ingufu.

Mu ijoro ryo kuri uyu wa Mbere, Isi yose yari ihanze amaso i Paris mu Bufaransa ahari hateraniye ibyamamare bikomeye ku isi mu guconga ruhago, byose bitegereje kureba uwegukana iki gikombe ntagereranwa mu mupira w'amaguru.

Muri ibi birori byaje kurangira kizigenza Messi ari we wegukanye iyi Ballon d'Or, umuhanzi w'umunya-Nigeria, Divine Ikubor umaze kumenyekana nka Rema yandikiyemo amateka aba umuhanzi wa mbere uririmba mu njyana ya Afrobeats utaramiye ibihangange byitabira ibi birori, bitsindagira insinzi ikomeye uyu muhanzi amaze kugeraho muri uyu mwaka wa 2023 uri kugana ku musozo.

Rema, umaze kwibikaho ibihembo bitagira ingano mu gihe gito amaze muri uyu mwuga, yahawe umwanya muri ibi birori maze ahangwa amaso n'ibihangange bimenyerewe cyane mu mupira w'amaguru. 

Mu mashusho yakomeje gucicikana ku mbuga nkoranyambaga, Rema agaragara aririmba indirimbo yanditse amateka kuva yajya hanze kugeza uyu munsi, 'Calm Down,' indirimbo ikomeje no kumuhesha ibihembo binyuranye birimo n'icyo aherutse gukura mu Rwanda muri Trace Awards 2023. 

Akigera ku rubyiniro, ibi byamamare byagaragaje ko byishimiye imiririmbire y'uyu musore ukiri muto ariko wifitemo impano itangaje.

EP aheruka gukora, Ravage, nayo ni gihamya gishimangira insinzi ikomeye amaze kugeraho, kuko imaze kujya rutonde rw'indirimbo ziyoboye izindi mu bihugu birenga 50 nyuma y’amasaha make igiye ahagaragara ku wa Gatanu, 26 Ukwakira 2023.

Rema yanditse amateka aba umuhanzi wa mbere wa Afrobeats uririmby mu bihembo bya Ballon d’Or

Ibyishimo ni byose kuri uyu muhanzi ukiri muto ukomeje guca uduhigo

Messi, igihangange mu mupira w’amaguru niwe wegukanye Ballon d’Or 2023

Mu karere ka Nyagatare mu Ntara y’Iburasirazuba, habereye ijonjora ry’umunsi wa kane wa shampiyona isoza umwaka muri Kung Fu Wushu (Rwanda Kung Fu Wushu Shampionship 2023 Edition)

Nyuma yo gusoza amajonjora mu Ntara zitandukanye nk’Iburengerazuba,Intara y’Amajyepfo ndetse n’Umujyi wa Kigali, hari hatahiwe Intara y’Iburasirazuba mu gushaka abazahagararira iyi Ntara mu mikino ya nyuma isoza umwaka w’imikino muri Kung Fu Wushu.

Ni irushanwa ryabaye ku Cyumweru tariki ya 29 Ukwakira 2023, rikaba ryabereye kuri stade y’Akarere ka Nyagatare aho ryahuje amakipe 4 yo muntara y’Iburasirazuba ari yo; Lion Kung Fu Wushu Nyagatare Club, Balack Scorpion Kayonza, Black Eagle Ngoma na Eastern Tigers Rwamagana.

Muri rusange ryitabiriwe n’abakinnyi 35 harimo abahungu 33 n’abakobwa 2.

Abarushanyijwe bahatanye mu byiciro 2 ari byo; TAOLU Ibizwi nko kwerekana ama tekiniki y’uyu mukino na SANDA ibizwi nko kurwana. Abarushanijwe muri TAOLU bakaba bari 25 mu gihe muri SANDA bari 10.

Muri SANDA hatsinze abakinnyi 5 ari bo;

1. Niyireba Zacharie 60kg
2. Muvunyi Emmanuel 66kg
3. Kandanga Alphonse 65kg
4. Rusagara Emmanuel 59 kg
5. Mugabe Gerald 74kg

Muri TAOLU hatsinze abakinnyi 15 harimo abahungu 13n’abakobwa 2;

1. Ibyikora Egide
2. Bizimana j deDieu
3. Manzi Cyubahiro
4. Niyoyita Islael
5. Mizero Samuel
6. Nkomejegusenga Simon
7. Iradukunda Evode
8. Rutabagisha William
9. Umuhire Belyse
10. Kwihangana Thierry
11. Ishimwe Zulfat
12. Uwizeyimana Abdoul
13. Niyonizigiye Yasiri
14. Rukundo Gizo Passifique
15. Byiringiro Kevin

Tariki ya 05 Ugushyingo aya marushanwa azakomereza mu Ntara y’Amajyaruguru, akazabera mu Karere ka Gicumbi.

Imikino yo gusoza shampiyona y’igihugu muri uyu mukino biteganyijwe ko izabera i Kigali tariki ya 12 Ugushyingo uyu mwaka, hakazahurizwa hamwe abitwaye neza mu mikino y’amajonjora yibanze iyi mikino ikazabera ku kibuga cya STECOL.

Umunyezamu wa AS Kigali n’ikipe y’igihugu Amavubi yabazwe ashyirwamo urugingo rufata igufwa rye ryacitse kugira ngo ryongere guterana vuba.

Ni mvune yagiriye mu mukino w’umunsi wa 9 wa shampiyona AS Kigali ye yatsinzwemo na Musanze FC 1-0 ku Cyumweru tariki ya 29 Ukwakira 2023.

Nyuma yo kugongana na Peter Agbelov wamukubise akaguru, igifwa ry’umurundi cyagwa ruseke “Tibia” ryahise ricikamo kabiri.

Ubwo yari amaze kunyura mu cyuma basanze “Tibia na Pérone” zacitse akaba yaragombaga guhita abagwa.

Yoherejwe i Kigali ku Bitaro by’Inkuru Nziza i Gikondo ari n’aho yabagiwe ku munsi w’ejo hashize ku wa Mbere tariki ya 30 Ukwakira 2023.

Kubagwa byagenze neza aho igufwa ryacitse bashyizemo urundi rugingo rurifata kugira ngo riterane vuba.

Ntabwo bizwi igihe azamara hanze y’ikibuga ariko ntabwo kiri munsi y’amezi atandatu adakina umupira w’amaguru.

Kuri uyu wa Mbere guhera saa kumi n’ebyiri z’umugoroba i Paris mu nyubako yaThéâtre du Châtelet ni bwo hatangiwe iyi Ballon d’Or ya 2023-2024.

Nk’uko byari byitezwe, yegukanywe n’umunya-Argentine, Lionel Messi abifashijwemo n’igikombe cy’Isi cya 2022 cyaberaga muri Qatar yegukanye ndetse na shampiyona y’icyiciro cya mbere mu Bufaransa yatwaranye na Paris Saint-Germain.

Ni Ballon d’Or ya 8 yegukanye mu buzima bwe bw’umupira w’amaguru bigahita binakomeza kumugira uwa mbere ufite iki gihembo inshuro nyinshi akaba akurikirwa na Cristiano Ronaldo ugifite inshuro 5 ariko kuri ubu ntabwo yabashije kuza mu bagihatanira.

Abandi bakinnyi bakurikiye Lionel Messi muri iyi Ballon d’Or ya 2022-2023, ni Erling Haaland waje ku mwanya wa 2 akaba yabifashijwemo n’akazi gakomeye yakoze mu mwaka ushize atsinda ibitego byinshi ndetse anatwarana na Manchester City ibikombe 3 birimo icya Champions League, Premier League ndetse n’icya FA Cup.

Ku mwanya wa 3 haje Kylian Mbappé akaba yabifashijwemo no kuba yarageze ku mukino wa nyuma w’igikombe cy’Isi ari kumwe n’ikipe ye y’igihugu y’u Bufaransa ndetse akaba yaranatwaye igikombe cya shampiyona y’icyiciro cya mbere mu Bufaransa mu ikipe ye ya Paris Saint-Germain.

Mu bindi bihembo byatanzwe, Jude Bellingham w’imyaka 21 niwe wegukanye igihembo cy’umukinnyi ukiri muto kitiriwe Kopa naho Emy Martinez atwara icy’umunyezamu mwiza.

Bimwe mu bigenderwaho hatangwa Ballon d’Or harimo uko umukinnyi yitwaye ku giti cye, mu ikipe ye y’igihugu, ikipe isanzwe (club) ndetse n’imyitwarire ye (ikinyabupfura).

Lionel Messi yahawe Ballon d’Or ya 8

Jude Bellingham wegukanye igihembo cy’umukinnyi ukiri muto kitiriwe, Kopa ahigitse abarimo Jamali Musiala 

Rutahizamu ukomoka muri Argentine ukinira Inter Miami yo muri Leta Zunze Ubumwe za Amerika, Lionel Messi, yegukanye Ballon d’Or ya 2023 iba iya 8.

Mu ijoro ryakeye ryo ku wa Mbere, tariki ya 30 Ukwakira 2023, ni bwo hatanzwe ibihembo by’abakinnyi bitwaye neza bitangwa na France Football, byatangiwe muri Théâtre du Châtelet i Paris mu Bufaransa.

Rutahizamu w’ikipe y’igihugu ya Argentine akaba na kapiteni wayo, nyuma yo kuyihesha igikombe cy’Isi cya 2022 cyabereye Qatar, Lionel Messi w’imyaka 36, ni we wegukanye igihembo gikuru kuruta ibindi (Ballon d’Or) ni iya munani atwaye nyuma y’iyo muri 2009, 2010, 2011, 2012, 2015, 2019 na 2021.

Uyu mukinnyi ufatwa nk’umwe mu beza Isi yagize, Ballon d’Or yegukanye akaba yayituye umunyabigwi ukomoka muri Argentine, Diego Maradona witabye Imana mu Gushyingo 2020 azize uburwayi.

Umwanya wa kabiri wegukanywe n’Umunya-Norway ukinira Manchester City wanahembwe nka rutahizamu w’umwaka, Erling Haaland ni mu gihe uwa 3 watwawe na rutahizamu w’u Bufaransa ukinira Paris Saint-Germain, Kylian Mbappe.

Igihembo cya ‘Kopa Trophy’ gihabwa umukinnyi mwiza mu batarengeje imyaka 21 cyegukanywe na Jude Bellingham wa Real Madrid.

Umunya-Brazil, Vinicius Junior ukinira Real Madrid yahawe Igihembo cya Socrates Award abikesha ibikorwa by’ubumuntu akora muri Brazil mu gufasha abana batagira kivurira.

Umunyezamu mwiza yabaye uwa Aston Villa n’Ikipe y’Igihugu ya Argentine, Emiliano 'Dibu’ Martínez.

Ikipe y’umwaka mu bagabo yabaye Manchester City ni mu gihe mu bagore yabaye FC Barcelona.

Iyi korali yamamaye mu ndirimbo zirimo nka 'Kuzwa Iteka', 'Twarakuyobotse', 'Igipimo cy'Urukundo', 'Mama Shenge' n'izindi igiye gukora iki gitaramo nyuma y'ibindi bitaramo bagiye bakora byahurije hamwe abakristu mu ngeri zinyuranye.

Kwinjira muri iki gitaramo ni ukwishyura 5,000 Frw mu myanya isanzwe, 10,000 Frw mu gice cya VIP, 20,000 Frw mu gice cya VVIP ni mu gihe ku meza y'abantu batandatu 'table' ari ukwishyura 100.000 Fw. Amatike ari kuboneka kuri www.christusregnat.rw

Umuyobozi wungirije ushinzwe ibya tekiniki n'imyitwarire, Bizimana Jérémie, yabwiye InyaRwanda ko iki gitaramo bacyise 'I Bweranganzo' kubera ko ari izina ribumbye andi mazina yose wakwita ibitaramo.

Yavuze ko iri zina ari igisobanura cy'uko 'ko ibyo twakoze n’ibyo tuzakora mu gihe kizaza bibumbwe n’iri zina “I Bweranganzo.'

Akomeza ati 'Muri make rero i Bweranganzo ni aho ingazo yeze, ikarumbuka ku buryo buri wese yabonaho umugabane we.'

Bahitamo iri zina bashakaga guha rugari n'abandi ko badahejwe mu kurikoresha kuko bisangamo.

Bizimana Jérémie akomeza ati 'Burya aho abahanzi n’abasizi bataramiye nta rungu rihaba bivuze ko mu gihe kiri imbere hazarebwa uburyo byagurwa bikaba byagera ku rwego rw’iserukiramuco-nganzo (Festival).'

Uyu muyobozi akomeza avuga ko ashingiye ku myiteguro bari gukora bitanga ishusho y'uburyo iki gitaramo cyabo kizagenda neza.

Avuga ko abantu bakwiye kwitega muzika inoze kandi itagendera ku byiciro by'imyaka. Yavuze ati 'Ni ukuvuga ko buri wese azinsanga muri iki gitaramo yaba abato, abari mu myaka yo hagati, abakuru ndetse n’abasaza.'

Ni igitaramo kandi abantu bakwiye kwitegamo urusobe rw’amajwi aryoshye kandi agera ku mutima, indirimbo zo mu indimi zitandukanye, indirimbo zikumbuza abantu ibihe n’amateka, kubahiriza igihe n’imitegurire inoze ndetse n'bindi byinshi byunganira amajwi harimo ibicurangisho binyuranye, umudiho n’ibindi byinshi.

Christus Regnat Choir igiye gukora iki gitaramo yatangiye umurimo w'Imana mu 2005, itangijwe n’abantu bacye barimo abari basanzwe ari abaririmbyi n'abandi 2 kwiga kuririmba kandi neza.

Iyi korali yavukiye muri Christus Center. Byarakomeje biva ku kuririmba indirimbo zo mu gitabo zitanditse ku manota, bagenda babigisha n’izifite amanota bakuraga hirya no hino mu y'andi makorali cyane cyane ayaririmbaga mu rurimi rw’igifaransa.

Abaririmbyi batari bacye bakomeje kugenda bagana Chorale Christus Regnat bakurikiranye kuririmba neza baririmbira Imana, ndetse bamwe mu bageragezaga guca intege abaririmbyi muri icyo gikorwa cyo gutangiza korali ifite ingufu n’icyerecyezo gihamye, bagiye buririra ku mubare w’abayiganaga, cyane cyane urubyiruko.

Muri iki gihe, Chorale Christus Regnat irizihiza imyaka 17 ishize ishinzwe, bakaba bafite imishinga itandukanye mu rwego rwo kwishimira ibyo Imana yabashoboje kugeraho muri iyi myaka bamaze basingiza Imana binyuze mu ndirimbo.

Muri ibyo bikorwa twavugamo Album 5 z'amajwi ndetse n'iya 6 iri hafi gusohoka, ibitaramo binyuranye birimo n'icyo batumiyemo umuririmbyi w'umufaransa Jean Claude Gianadda cyabaye mu 2019, n'ibindi bikorwa byinshi by'indashyikirwa birimo ibikorwa byo gufasha.

Chorale Christus Regnat yatangaje ko yahisemo kwita igitaramo cyayo 'I Bweranganzo' mu rwego rwo kumvikanisha inganzo yeze 

Ku wa 19 Ukuboza 2023, Chorale Christus Regnat izataramira muri Camp Kigali mu gitaramo bazahuriramo na Josh Ishimwe

KANDA HANO UREBE AMASHUSHO Y'INDIRIMBO 'IGIPIMO CY’URUKUNDO' YA CHORALE CHRISTUS REGNAT

“>

Bari bambaye inkweto zoroheje ariko zihagazeho. Iri tsinda rifite uruganda rwita ku myambaro yabo ku buryo 503,000 Frw ari agaciro k'inkweto bari bambaye ku rubyiniro. Igitaramo cyabo mu Rwanda cyabaye kuwa Gatandatu tariki 28 Ukwakira muri BK Arena.

Ahagana saa Mbili n'igice z'umugoroba ni bwo umushyushyarugamba Regis Isheja yahamagaye umuhanzi Andy Bumuntu wakiranywe urugwiro mu ndirimbo zinyuranye ze zirimo 'Snack', 'On Fire', 'Mine' n'izindi. Yageze ku ndirimbo 'Igitego' aseruka gitore mu mugara n'umuhamirizo, abari muri iki gitaramo barizihirwa biratinda.

Nyuma ya Andy Bumuntu, ibintu byahinduye isura muri BK Arena abari bakiri hanze barinjira, ubundi umwanya wo kwicara urabura, Abanyakigali baririmbana n'iri tsinda rya Boyz II Men ryari ritegerejwe na benshi.

Abari baritegereje biganjemo abakuze bakunze indirimbo zabo zo hambere nka 'End of The Road'. Aba baririmbyi baririmbanye n'abakunzi babo ijambo ku rindi, indirimbo nka 'I'll make love to you' batunguje abakunzi babo indabo z'amaroza n'izindi.

Itsinda rya Boyz II Men ryashinzwe mu mwaka wa 1985 muri Philadelphia muri Leta Zunze Ubumwe za Amerika. 

Iri tsinda ryakunzwe cyane ku bw'amajwi yabo meza azira amakaraza, rikaba rigizwe na Nathan Morris, Shawn Stockman hamwe na Wanyá Morris n'abandi babiri batabashije gukomezanya ari bo Micheal McCary waririmbaga ijwi rya Bass akaza guhura n'ikibazo cy'uburwayi, hamwe na Marc Nelson.

Barahenze kandi ntibakunze gutaramira muri Afurika

Mu myaka 38 bamaze mu muziki bamaze kuza mu bihugu 4 aribyo Kenya, Uganda, South Africa n'u Rwanda. ibiciro byo guhagurutsa Boyz II Men bihagaze hagati ya $150,000-$299,000. 

Hanze y'Amerika ntibajya munsi ya $299,000 asaga miliyoni 376 Frw utabariyemo itike y'abanyacyubahiro mu ndege 'Business class', gutegera abacuranzi babo n'abandi baba bari bugendane. Ubishyurira hoteli itari munsi y'inyenyeri 5 kandi ukabamenyera imodoka z'abanyacyubahiro.

Urebye muri BK Arena itike z'abanyamafaranga zari zashize kuko hari abo nabonye bahagaze nyamara bafite itike ya 100,000 Frw n'itike za 70,000 Frw wabonaga ko abaziguze babuze aho bicara. 

Ugeze ku meza y'abantu 8 yari ahagaze miliyoni 5 Frw wabonaga ko nayo yashize. Urebye rero aya matike wabona ko iri tsinda ricuruza ntirihombya abashoramari baba babatumiye.

Imyenda bari bambaye irasanzwe ariko irahenze

Iri tsinda ryari ryambaye inkweto zo mu bwoko bwa Adidas Alphaboost V1 ihagaze $400 akaba asaga 503,000 Frw. Bafite imikoranire n'uruganda rwa Adidas rubambika.

Boyz II Men barahenze cyane. Bubu wa Easter African Promoters (EAP) wabatumiye akwirye igihembo. Amakuru inyaRwanda yamenye ni uko Boyz II Men kugira ngo baze gutaramira mu Rwanda bishyuwe agera kuri 376,441,000 Frw (ni hafi Miliyoni 400 Frw).

REBA IKIGANIRO KIGARUKA KU GITARAMO

Izi nkweto zihagaze $400

Bafite uruganda rubambika. Izi nkweto zitwa Adidas Alphaboost V1

Iri tsinda rihenze kuritumira

Bageze ku ndirimbo “I will make love to you” batanga indabo

Abafana bahawe indabo z’iroza

BK Arena yarimo abantu bakuze

Abafana bishyuye aho kwicara ntabwo bahikojeje kubera guhaguruka bagafana

Bafite ibitaramo kugeza muri Gashyantare ya 2024

Abafana bari abakuze

Miss Muheto yari ku meza y’abantu 8 yariho na Miss Naomie. Imeza yari Miliyoni 5 Frw

Miss Naomie yari ku meza yegereye urubyiniro

Indabyo zaratanzwe nk’ikimenyetso cy’urukundo

Bamaze imyaka 38 bakora umuziki w’urukundo

Igitaramo kitabiriwe n’abatunze amafaranga

Uyu mubyeyi wari mu myanya ya 100,000 Frw yaje gusaba ururabo

Abafana batandukanye batahanye urwibutso

Indirimbo nka ‘I will Make love to you’ yarijije abo yafashije mu buto bwabo

Abari bicaye imbere ku meza ya miliyoni 5 Frw barahagurutse begera urubyiniro

Abafana baribwirije barahaguruka kugeza igitaramo kirangiye

Yasigaranye amashusho azahora yibuka

Abafana bishyuye miliyoni 5 Frw ntabwo bazicayeho barahagaze kugeza igitaramo kirangiye

Andy Bumuntu yatanze ibyishimo

Andy Bumuntu yahinduye ababyinnyi inshuro 3

Andy Bumuntu mu myaka iri imbere azaba yandika amateka

Andy Bumuntu azi gutegura urubyiniro

Abafana bakiri urubyiruko baranezerewe

Miss Naomie na Miss Muheto bari bicaye ku meza ya miliyoni 5 Frw

AMAFOTO INYARWANDA: FREDDY RWIGEMA

VIDEO: DIEUDONNE MURENZI