Author: webrwanda

Benshi mu bahanzi nyarwanda b'ibyamamare igihugu gifite uyu munsi, babikesha kuba baraciye mu marushanwa atandukanye yabagaho mu myaka yashize.

Amwe muri ayo marushanwa yahuzaga urubyiruko rwiyumvamo impano, akabafasha gusesengura koko niba izo mpano zihari, akazigorora. Andi marushanwa, yitabirwaga n'abasanzwe bakora umuziki, abafite impano zisumbye iz'abandi bagashyigikirwa.

Kuri ubu, bamwe mu bahanzi bakizamuka bemeza ko kuba amarushanwa nk'ayo atagikunze kubaho, byateje icyuho kinini mu muziki nyarwanda, kuko usanga n'ufite impano igaragarira buri wese yirwanaho yananirwa agacika intege, kubera kubura amaboko amushigikira.

Muri ayo marushanwa harimo aya akurikira:

1.    Primus Guma Guma Super Star

Irushanwa rya Primus Guma Guma Super Star, niryo rushanwa rya mbere ryanyuzemo abahanzi benshi bakomeye bazamuye umuziki nyarwanda ukagera ku rwego uriho uyu munsi.

PGGSS yatangiye muri 2011, ku nshuro ya mbere yegukanwa na Tom Close, inararibonye mu muziki nyarwanda, naho muri 2012 yegukanwe na King James.

Ku nshuro ya gatatu muri 2013 yegukanwa na Riderman, icyamamare muri Hip-Hop nyarwanda ya none, Jay Polly (2014), Knowless (2015), Urban Boyz (2016), Dream Boys (2017),  na Bruce Melody muri 2018.

Usibye kuzamura urwego rw'abahanzi, Primus Guma Guma Super Star, ni kimwe mu bikorwa binini bya muzika byahuje abahanzi nyarwanda n'abafana babo, baryoherwa n'ibihe byo kuzenguruka intara zose z'igihugu. 

Iri rushanwa ryatangijwe na East African Promoters, ryaterwaga inkunga na Bralirwa ikora inzoga ya Primus, ryaje gusubikwa bitunguranye mu 2019 bibabaza abahanzi n'abafana b'umuziki nyarwanda.

2.    The Next Pop Star

Iri rushanwa ryari ryiswe 'The Next Popular Star' cyangwa se 'The Next Pop Star' ryatangiye mu 2020, riza kwegukanwa  na Kibatega Jasmine, wakurikiwe n'umuraperi ukomeye kuri ubu, Ish Kevin.

Kuva muri Nzeri 2020, ni bwo Ikigo cya 'More Events' cyatangaje ko kigiye gutangiza amarushanwa y'abahanzi bamaze kubaka izina n'abandi bakizamuka, aho umuhanzi uzaba uwa mbere azahembwa miliyoni 50 Frw.

Iri rushanwa, ryategurwaga ku bufatanye na Second Nature Films, Network Showbizz yatumiye n'abahanzi bakomeye nka Jason Derulo na Sean Kingston mu Rwanda ndetse na SM1 Music Group ya Sony Music Group.

Ryari rigamije kuzamura abahanzi nyarwanda bakagera ku rwego mpuzamahanga, aho ryaterwaga inkunga na sosiyete mpuzamahanga zinyuranye zihagarariwe mu Rwanda na kompanyi itegura ibitaramo yitwa More Events.

3.    Talent Zone

Talent Zone ni irushanwa ryatangiye mu ntangiro za 2016, rigamije kuzamura impano z'abana b'abanyarwanda, aho ku ikubitiro ryatangiye ryibanda ku njyana ya Hip hop, nyuma rikaza kwaguka.

Igitekerezo cy'iri rushanwa, cyazanwe n'umunyamakuru Murenzi Emmalito ubwo yakoraga kuri Royal TV. Mu kiganiro yagiranye na InyaRwanda muri 2016, Emmalito yavuze ko yatekereje kuzana iri rushanwa, nyuma yo kubona ko abanyarwanda batajya bahabwa amahirwe yo kugaragaza impano zibihishemo.

Bamwe mu bahanzi yamuye, harimo Chriss Easy uri mu bakunzwe muri iyi minsi, n'abandi. Uretse umwaka umwe wa 2018 gusa ryahagazeho, iri rushanwa ryarakoze ritanga umusaruro ugaragara kuko muri 2019 ryagarukanye imbaraga nshya, riyobowe na Royal Fm.

Si aya marushanwa gusa kuko hari n'andi menshi atarakunze kugarukwaho mu itangazamakuru cyangwa se akaza akamara igihe gito bikarangira ahagaze ataramenyekana cyane. 

Hari n'abahanzi nyarwanda kandi bagiye banyura mu marushanwa akomeye ahuza ibihugu byo mu Karere ka Afurika y'Iburasirazuba, harimo nka Gabiro, Patrick Nyamitari n'abandi bitabiriye irushanwa rya Tusker Project Fame ryagiraga n'amajonjora i Kigali.

Bruce Melodie usanzwe ari inshuti y'aba bahanzi bombi yagiranye ibiganiro n'abo ku mugoroba wo kuri uyu wa Gatanu tariki 10 Ugushyingo 2023, ubwo bari bitabiriye ibirori bya African Leadership Network byabereye muri Kigali Conference and Exhibition Village ahazwi nka Cam.

Bien-Aimé Baraza yaririmbiye abitabiriye biriya birori yitaye cyane ku ndirimbo ziri kuri album ye 'Alusa why are you Topless' yatangiye gutegura mu gihe cy'imyaka ine ishize.

Iyi album izajya hanze ku mugaragaro ku wa 17 Ugushyingo 2023 ariko ushobora gutangira kuyumva unyuze ku mbuga za Bien-Aimé Baraza.

Yashyize imbaraga mu kuyitegura nyuma y'uko we na bagenzi be bashyize akadomo ku rugendo rw'imyaka 20 yari ishize bakora umuziki. Si ubwa mbere uyu muhanzi ataramiye i Kigali, kandi yakunze kugaragaza ko ari inshuti y'u Rwanda.

Iyi nama y'ihuriro African Leadership Network yateraniye i Kigali ihuje abarenga 300 bo mu bihugu bitandukanye, hishimirwa ibimaze kugerwaho ku mugabane wa Afurika.

Iyi nama yatangiye ku wa 9 Ugushyingo 2023 irangira kuri uyu wa 11 Ugushyingo 2023, iririmbyemo abahanzi barimo King Promises wamamaye mu ndirimbo 'Terminator' ndetse na Patoranking wo muri Nigeria wamamaye mu ndirimbo zirimo 'Higher'

Mu bandi bahanzi bari i Kigali, harimo umuhanzi wo mu Burundi Nicolas wamamaye mu ndirimbo yise 'Kugasozi' yabiciye bigacika mu myaka ya 11 ishize.

Bruce Melodie wagiranye ibiganiro nawe, yavuze ko amushimira uruhare yagize mu guteza imbere umuziki w'u Burundi, kandi ibihangano bye yabikunze igihe kinini.

Bruce Melodie asanzwe afitanye indirimbo 'Bon Appetit' na Fik Fameica basohoyemo Miliyoni 10 Frw ariko irabahombera, kuko yasohotse mu buryo batari bateganyije.

Yigeze kubwira Radio Rwanda ko biriye bakimara kuri iyi ndirimbo bayishoramo miliyoni 10 Frw, ariko umuntu batazi abaca inyuma arayisohora, ibyo bari bakoze byose bibapfira ubusa.

Yavuze ati 'Hari nk'indirimbo nakoranye na Fik Fameica wo muri Uganda yitwaga 'Bon appetit' sinavuga ko abantu batayikunze. Umuntu yarayinyibye ayisobora mu buryo budakwiriye isa nidupfiriye ubusa, twarayikoreye video ifite agaciro kangana na miliyoni 10 Frw bipfa ubusa ibyo byose biragenda.'

Iyi ndirimbo 'Bon appetit' iri kuri shene za Youtube z'abantu batandukanye kuva mu myaka ibiri ishize.

Uyu muhanzi yavuze ko abahanzi batihangana kimwe, kuko hari ushobora guhura n'igihombo nk'iki agahita ava mu muziki mu gihe hari abakomeza umutsi nk'ikinyogote “nkawe” bagakomeza gukotana.

Bruce Melodie avuga ko iki gihe ari nabwo umuhanzi ahura n'abamuca intege, yaba adatumbiriye intego ye akava mu muziki. Gusa, ariko avuga ko hari impamvu nyinshi zishobora gutuma umuhanzi ava mu muziki, agashima abakomeje cyane cyane igitsinagore.

Uyu muhanzi yavuze ko gukira mu muziki bisaba guhozaho, ku buryo ari ibikunda umuhanzi yasohora indirimbo nyinshi kandi mu gihe cyegeranye.

Yavuze ko guhozaho mu muziki we, bituruka ku kuba akora ibyo akunda n'urukundo rw'abantu yabonyemo.

 

Bruce Melodie ari kumwe na Patoranking na Fik Fameica, inshuti ze bamaranye igihe kinini

Hari amakuru avuga ko Bruce Melodie ari gukorana indirimbo na Patoranking

 

Bien-Aime yahuriye na King Promoses muri Camp Kigali

Bruce Melodie yahuye na Nicolas, umunyamuziki wamamaye mu Burundi igihe kinini

Fik Fameica yanongewe no kongera kugaruka i Kigali 

Bruce Melodie yagaragaje ko yanogewe no kwitabira igitaramo cya Bien-Aime muri Camp Kigali

Bruce Melodie yahuye na Bien-Aime wamamaye muri Sauti Sol

Bien-Aimé yagiye ibiganiro na Mike Kayihura, umunyamuziki wisanzuye ku isoko ryo muri EAC

Bien-Aimé yataramiye abitabiriye ibirori by'ihuriro rya African Leadership Network

KANDA HANO WUMVE INDIRIMBO ‘KUGASOZI’ YA NICOLAS

“>

Umuryango w'Ubumwe Nyarwanda bw'Abatabona (RUB) uvuga ko ubwo buvugizi bwatuma Leta yongera uruhare igira mu gushakira abatabona inkoni yera ku giciro gihendutse cyane, hakoreshejwe ubwisungane mu kwivuza (Mutuelle de Santé).

Mu kiganiro RUB yagiranye n'Itangazamakuru tariki 10 Ugushyingo 2023, Perezida wayo Dr Mukarwego Beth yagize ati “Dukeneye inkoni yera kandi ikaboneka hifashishijwe ubwisungane bwo kwivuza. Jyewe aho gusiga inkoni yera nasiga isakoshi.”

RUB yateguye ibikorwa byo kwizihiza umunsi wahariwe inkoni yera, ubusanzwe uba buri mwaka tariki ya 15 Ukwakira, ariko ubu bikaba ngo bitarashobotse icyo gihe kubera gahunda nyinshi.

Perezida wa RUB, Beth Mukarwego avuga ko hakenewe inkoni yera hifashishijwe ubwisungane mu kwivuza

Insanganyamatsiko y’uyu mwaka iragira iti: ”Inkoni Yera ubwisanzure bwanjye’

Hari urugendo ruzakorwa mu Mujyi wa Kigali, rukazitabirwa n'abantu b'ingeri zitandukanye barimo ibyamamare mu muziki Nyarwanda.

Muri urwo rugendo rwiswe 'Street Challenge' ruzakorwa tariki 15 Ugushyingo 2023, hari abazapfukwa ibitambaro mu maso bagahabwa inkoni yera ikaba ari yo ibayobora, kugira ngo bumve uburyo bigora abatabona kwambukiranya imihanda.

Kuri uwo munsi kandi muri imwe muri hoteli z'i Kigali hazabaho umusangiro wiswe “Dinner in the dark”, aho abantu bo mu nzego zifata ibyemezo muri Leta no mu bikorera bazasangirira mu mwijima w'icuraburindi.

Dr. Donatille Kanimba, yasobanuye akamaro gakomeye k’inkoni yera

Umuyobozi Nshingwabikorwa wa RUB, Dr Donatille Kanimba agira ati “Abazaba batumiwe bazicara ku meza barye uko babyumva, uko nanjye mba ndya, utagomba kureba ku isahani.”

Dr Kanimba avuga ko muri uyu mwaka igikorwa cyo kwizihiza inkoni yera kizasiga amasomo menshi atuma inzego zitandukanye zifasha abatabona kwisanga muri 'paradizo' nk'abandi baturage badafite ubumuga.

Bamwe mu bafite ubumuga bwo kutabona bitabiriye iki gikorwa

Mu myaka 60 ishize Umuryango w'Abibumbye (UN) wemeje inkoni yera ko igomba kwitwazwa gusa n'abafite ubumuga bwo kutabona.

Uretse kugenda bayikoza ahantu bagiye gushinga ikirenge ngo bumve niba nta kibangamiye urugendo rwabo, bavuga ko inkoni yera ibarinda gufatwa n'amashanyarazi cyangwa gukubitwa n'inkuba, kubera akantu k'ubuhiri kari hasi ndetse n'igikoba bafataho.

Iyo umuntu witwaje inkoni yera ayizamuye akayerekana ashaka kwambuka umuhanda, abatwaye ibinyabiziga basabwa kubimenya vuba na bwangu bagahagarara. Iyi nkoni kandi irinda utabona gukenera abandi bamuyobora aho ajya hose.

Rizaba ku wa 25-26 Ugushyingo 2023 mu mijyi ya Ottawa ndetse n’umujyi bihana imbibi wa Gatineau mu gihugu cya Canada, aho urubyiruko ruzaganirizwa ku ngingo zinyuranye zirimo gukunda Igihugu, amahirwe ahari mu ishoramari, indangagaciro n'ibindi.

Muri iyi nama y'iri huriro izibitabirwa n'abarenga 2000 kandi hazaganirwa ku rugendo rw'u Rwanda n'ibimaze kugerwaho, habeho n'umwanya wo guhura kw'abantu banyuranye bo mu bihugu byo muri Amerika ya Ruguru.

Iyi nama y'iri huriro yateguwe na Guverinoma y'u Rwanda kubufatanye n'Ihuriro ry'Abanyarwanda baba mu mahanga, RCA ndetse n'iry'Abanyarwanda baba muri Leta Zunze Ubumwe za Amerika na Canada, hamwe n'Ihuriro Mpuzamahanga ry'Urubyiruko rw'Abanyarwanda (International Rwanda Youth for Development-IRYD).

Umuyobozi akaba n'umwe mu bashinze IRYD, Me Moses Gashirabake, aherutse kubwira One Nation Radio ko batangije iki gikorwa mu 2015 bagitangirije mu Mujyi wa Montreal mu rwego rwo kwishyirahamwe kugirango bagire uruhare mu iterambere ry'u Rwanda.

Uyu mugabo usanzwe ari umunyamategeko, avuga ko iri huriro muri rusange rigamije kureba uko urubyiruko rw'abanyafurika batuye mu bindi bihugu bagira uruhare mu guteza imbere ibihugu bakomokamo kandi bagateza imbere n'umugabane wa Afurika.

Yavuze ko biyemeje ko iki gikorwa kikazajya kiba buri nyuma y'imyaka ibiri, ari nabyo byatumye mu 2017 bakorera iri huriro mu Mujyi wa Edmonton, muri 2019 bakoreye mu Mujyi wa Milan mu Butaliyani, mu 2021 bagomba gukorera mu Mujyi wa Ottawa birasubikwa bitewe n'icyorezo cya Covid-19.

Gashirabake avuga ko bahisemo kuri iyi nshuro gukorera mu Mujyi wa Ottawa na Gatineau kubera y'uko hari Abanyarwanda benshi. Yagaragaje ko ibi biganiro byatanze umusaruro, kuko mu gihe cy'imyaka umunani ishize bamaze kugera ku rubyiruko rurenga ibihumbi icumi.

Yavuze ko hari urubyiruko rwari rufite imishinga bashakaga gukora, ariko biyemeza kuyikorera mu Rwanda. Ati 'Niba nibeshye neza hari imishinga irenga nka 500 imaze gutangizwa mu Rwanda, kandi turifuza y'uko iyo mishinga yakwiyongera ahubwo ikagera biramutse bibaye byiza ikarenga 5000 bikikuba inshuro 10.'

Massamba yaherukaga muri Canada ku wa 8 Nzeri 2023, icyo gihe yahuye n'abayobozi mu nzego zinyuranye muri Diaspora y'Abanyarwanda muri Canada.

Yabwiye InyaRwanda ko yiteguye gutaramira urubyiruko rubarizwa muri Canada, mu ndirimbo zitsa cyane ku gukunda Igihugu no kurinda ibimaze kugerwaho.

The Ben agiye gutaramira muri Canada mbere y'uko akomeza imyiteguro yo kurushinga n'umukunzi we Uwicyeza Pamella. Ku wa 15 Ukuboza 2023, nibwo azatanga inkwano mu muryango wa Pamella, bakore ubukwe ku wa 23 Ukuboza 2023.

Hari amakuru avuga ko Alex Muyoboke wabaye umujyanama w'abahanzi ari m bazatanga ikiganiro muri iri huriro ry'urubyiruko muri Canada, aho azava yerekeza muri gihugu cya Australia muri gahunda ze.

Iyi nama y'urubyiruko kandi izatangwamo ibiganiro n'abayobozi muri Guverinoma y'u Rwanda, bamwe mu bafata ibyemezo bikomeye mu Rwanda, abayobozi mu by’ubucuruzi, abashoramari, ndetse n'abandi.

[Umurongo w’ikoranabuhanga wanyuraho ushaka kwiyandikisha]: https://t.co/ksXuiDPmZn

Insanganyamatsiko zo kuganiraho muri iyi nama zizibanda ku ruhare rw'urubyiruko rw’Abanyarwanda ruba mu mahanga mu iterambere ry'u Rwanda.

Hazaganirwa kandi ku ngingo zishingiye ku mibereho n'ubukungu ndetse n’ubufatanye hagati y’urubyiruko rwo mu Rwanda rutuye muri Canada no muri Leta Zunze Ubumwe za Amerika. 

Uyu kandi uzaba ari umwanya mwiza wo kwishimira ibimaze kugerwaho kuva Ihuriro rya “The International Rwanda Youth for Development [IRYD]” ryashingwa n’abarimo Moses Gashirabake, akaba ari na we urihagarariye kugeza ubu.

The Ben ari kwitegura gutaramira muri Canada mbere yo kurushinga

Massamba Intore agiye kongera gutaramira muri Canada nyuma ya Nzeri 2023

Urubyiruko rw'Abanyarwanda ruba muri Amerika y'Amajyaruguru rugiye guhurira mu nama y'iminsi ibiri izahuriza hamwe abagera ku 2000

Nyuma y'imyaka ibiri Ishimwe Thierry uzwi nka Titi Brown afunzwe, Urukiko rwisumbuye rwa Nyarugenge rwemeje ko ikirego cy'ubushinjacyaha ntashingiro gifite agirwa umwere.

Kuwa Gatanu tariki 10 Ugushyingo 2023 uyu mubyinnyi wakunzwe mu kubyina ndetse no mu muziki nyarwanda yagizwe umwere, yakirwa n'abanyamakuru benshi bari bamutegereje harimo inshuti, imiryango, abakinnyi ba filime barimo Ndimbati.

Ndimbati umwe mu bagabo basogongeye ku buribwe buva mu gufungwa, yakiriye Titi Brown yishimye cyane ndetse avuga amagambo akomeye yakoze ku mitima ya benshi kwihangana biranga.

Titi Brown yakiriwe n’abarimo bashiki be, inkoramutima z’umuryango n’abandi  bamuhoberaga barira ku bwo kwishimira kongera kumwakira mu muryango, by'umwihariko mu muziki nyarwanda yamenyekanyemo.

Ibyishimo bya Ndimbati byabangamiye abanyamakuru benshi bifuzaga kuganiriza Titi Brown, kuko bose bifuzaga kuvugira rimwe.

Ndimbati watwaye n'amarangamutima, yabuzwaga kuvuga kuko abanyamakuru bifuzaga gukora ibiganiro na Titi bamwakira, abazwa uko yiyakiriye nyuma yo kurekurwa ariko bibura gica, kuko Ndimbati yanezerewe akifuza gukomeza kuvuga.

Abanyamakuru basabye Ndimbati guceceka kugira ngo habeho kumvikana mu mashusho yafatwaga, ariko uyu mukinnyi wa filime akomeza kuba imbogamizi ikomeye.

Ndimbati wari mu byishimo byinshi yabajije abanyamakuru impamvu bamubuza kuvuga, niko kuzamura ijwi cyane avuga akari ku mutima we mu kwakira Titi Brown.

Yagize ati ' Hano abanyamakuru ni benshi induru yabo barimo baravuga ngo nceceke kandi ntabwo byemewe, ntabwo ngomba guceceka. Umuntu uri hano wese ashobora kuba atazi imbaraga zo kuva muri gereza'.

Abanyamakuru batandukanye bamusabye gutuza hakumvikana ijwi ry'uwaje kwakirwa ariwe Titi Brown, ariko ibyishimo byinshi byatumye Ndimbati ananirwa guceceka atangaza umunezero yifitemo.

Titi Brown yashimiye itangazamakuru ryakurikiranye ikirego cye kugeza afunguwe akaba abonye ubutabera.

Uyu mubyinnyi Titi Brown yagize ati 'Ndashimira itangazamakuru muri rusange. Iyo bitaba mwebwe abantu ntibari kumenya urubanza rwanjye uko rumeze nuko rwagenze'.

Titi Brown yagizwe umwere ku byaha yaregwaga ararekurwa  

Ndimbati wasogongeye ku buribwe bwo gufungwa yishimiye irekurwa rya Titi Brown

Titi Brown yatangaje ko aje bundi bushya, mu ngamba nshya no mu buhanzi

Titi Brown yafunguwe kuwa Gatanu w’iki cyumweru 

KANDA HANO UREBE AMASHUSHO AGARAGAZA IBYISHIMO BYA NDIMBATI MU KWAKIRA TITI BROWN

Grammy Awards ni ibihembo bigiye gutangwa ku nshuro ya 66 akaba ari byo bihembo bifatwa nk’ibya mbere ku isi ku buryo umuhanzi ubihatanyemo byonyine abyongera mu duhigo yagezeho noneho bikaba akarusho iyo abashije gutwara icyo gihembo.

Kuri uyu wa Gatanu, nibwo hamenyekanye abahanzi bahatanye mu bihembo bya Grammy Awards bizatangwa umwaka utaha mu kwezi kwa Gashyantare, abahanzi bamwe na bamwe baca uduhigo abandi bariria mu myotsi. 

Dore bamwe mu bahanzi bitwaye neza

1. SZA ni umuhanzikazi wabashije guhatana mu byiciro byinshi kurusha abandi aho ari mu byiciro 9 byose. SZA amaze guhatana mu byiciro 15 akaba amaze gutwa igihembo cya Grammy inshuro 1.

2. Burna Boy niwe muhanzi wo muri Africa uhatanye mu byiciro byinshi aho ahatanye mu byiciro bine. Uretse kuba ariwe wa mbere uhatanye mu byiciro byinshi, Burna Boy wumvisheho uburyohe bwa Grammy Awards niwe muhanzi wo muri Africa rukumbi umaze guhatana muri Grammy Awards 5 zikurikiranya.

3. Olamide uri mu bahatanye abicyesha indirimbo ye “Amapiano ” yakoranye na Asake yabaye umuraperi wa mbere wo muri Nigeria ubashije gutoranwa mu bahanzi bahataniye Grammy Awards .

4. Ayra Starr abicyesha indirimbo ye Rush yabaye umuhanzikazi ukiri muto ukomoka muri Nigeria uhatanye mu bihembo bya Grammy aho abikesha indirimbo ye Rush.

5. Tyla wo muri Africa y’epfo wahiriwe n’indirimbo ye “Water” nawe yabaye umuhanzi wo muri Afurika y'Epfo ukiri muto uhatanye muri ibi bihembo bya Grammy Awards.

6. Davido yabashije guhatana mu bihembo bya Grammy ku nshuro ye ya mbere ndetse ahita ahita ahatana mu byiciro bitatu. Nyuma yahise agaragaza ibyishimo atewe no kuba ageze ku gasongero k’umuziki cyane cyane muri Africa. 

Bamwe mu bahanzi babuze ayo bacira n’ayo bamira kubwo kubura mu bahataniye ibi bihembo, harimo Rema wari umaze iminsi yikomanga ku gatuza avuga ko ariwe muhanzi ufatiye runini Afrobeats aho yavugaga ko Afrobeats ibaye ari bibiliya Rema we yaba ari isezerano rishya. 

Rema yabuze icyiciro na kimwe ahatanamo bivuze ko nawe azareba ibirori nk’uko n’abandi nabo bazaba babirebera kuri televiziyo. 

Undi muhanzi wabuze uwo yareba mu maso, ni Diamond Platnumz wari umaze iminsi yikomanga ku gatuza ngo agomba kwegukana Grammy Award mu mwaka utaha mu kwezi kwa Gashyantare, gusa biza gutungurana atabonetse mu bahatana kandi yari yifiriye icyizere.

Wizkid usa nk’uwafashe ikiruhuko mu muziki ntabwo yagaragaye ku rutonde rw’abahatanye mu bihembo bya Grammy. Ghana, Cameroon, Senegal bari mu bihugu bifite Grammy Awards ntabwo byigaragaje mu bahataniye ibi ibihembo ku nshuro ya 66.

Burna Boy yaciye agahigo muri Nigeria ndetse na Africa ko guhatana mu bihembo bya Grammy inshuro 5 zikurikiranya.

Davido yabashije guhatanira Grammy Awards ku nshuro ye ya mbere yisanga mu byiciro bitatu

Rema wari umaze iminsi yikomanga ku gituza, yabuze icyiciro na kimwe yahatanamo muri Grammy Awards. 

Diamond Platnumz wari waratangaje ko muri Tanzania azahazana igihembo cya mbere cya Grammy umwaka utaha, nawe yaririmbye urwo abonye