Webrwanda Backend

Author: webrwanda

  • Inama ya Acces itangirwamo ibihembo ku bany… – #rwanda #RwOT

    Abategura iyi gahunda basobanura ko ari urubuga rugamije guteza umuziki Nyafurika binyuze mu kungurana ibitekerezo no kuvumbura impano nshya. Iki gikorwa gikunze kuba mu kwezi k'Ugushyingo buri mwaka.

    Bavuga ko iyi gahunda y'uru rubuga igiye kubera i Kigali biturutse ku biganiro bagiranye n'Ikigo gishinzwe kumenyekanisha ubukerarugendo bushingiye ku Nama (Rwanda Convention Bureau, RCB) n'Ikigo cy’Igihugu gishinzwe Iterambere, RDB, byabaye mu mwaka w'2018.

    Music Africa iherutse gusohora amashusho agaragaza Manzi Christian ukora muri RCB atanga ikaze buri wese uzitabira iyi gahunda ya Acces mu Rwanda mu 2024.

    Icyo gihe yari mu nama ya Acces yabereye muri Tanzania. Manzi avuga ko nk'u Rwanda bishimiye kwakira iki gikorwa, akumvikanisha ko iyi nama izaba ari amahirwe yo kongera guhura kw'abari mu buhanzi. Yashimye Acces ku bw'inama yari yateguye n'uburyo Tanzania yabakiriye.

    Akomeza ati 'Reka mbonereho umwanya wo kubaha ikaze mwese mu Rwanda. Bizaba ari ibihe bidasanzwe n'amahirwe ku bari mu bahanzi bose muri Afurika yo kongera guhura. Rero ikaze mwese, kandi twiteguye kubakira.'

    Muri iyi gahunda ya Acces habaho kuganira ku muziki, ibitaramo by'abahanzi, kumenyana no kuganira mu bijyanye n'imikoranire, haba amahugurwa, imurikagurisha ry'ibihangano no gukorana ibihangano kubitabiriye.

    Iyi nama ya 'Acces' ibera mu Mijyi itandukanye yo ku Mugabane wa Afurika, kuri iyi nshuro izabera mu Mujyi wa Kigali ku nshuro ya mbere.

    Music Africa.net ivuga ko iyi nama ihuriza hamwe intumwa zo mu bihugu bitandukanye byo ku Isi, kandi ikamara igihe cy'iminsi itatu.

    Yitabirwa n'abanyamuziki, abagira uruhare mu kumenyekanisha ibikorwa by'umuziki, abanditsi b'ibitabo, abacuranzi, abaterankunga, abafata ibyemezo n'imiryango itegamiye kuri Leta n'abandi.

    Iyi nama kandi itanga amahirwe ku bayitabiriye yo gusura Inganda Ndangamuco z'ingenzi mu Mujyi wayakiriye. Kandi hatangwa amahugurwa ku bantu barimo abafata ibyemezo mu muziki n'abandi.

    Gahunda ya Acces yatangijwe mu 2016 nka kimwe mu bikorwa bya Music In Africa Foundation's AGM mu muhango wabereye mu Mujyi wa Addis Abeba muri Ethiopia.

    Icyo gihe gutangiza iyi nama byitabiwe n'abantu bo mu bihugu birenga 15, aho ijambo nyamukuru ryavuzwe n'umucuranzi w'icyamamare muri Ethiopia mu njyana ya Jazz, Mulatu Astatke.

    Muri 2017, Acces yatangijwe nk'igikorwa Mpuzamahanga gihuza abakitabiriye mu bihugu bigera kuri 50. Icyo gihe ijambo nyamukuru ryavuzwe n'umucuranzi w’icyamamare wo muri Senegal, Baaba Maal.

    Muri 2018, iki gikorwa cyabereye mu Mujyi wa Nairobi muri Kenya, aho cyaherekejwe n'imurikagurisha n'ibiganiro byatanzwe na Mr. Eazi wo muri Nigeria, Blinky Bill wo muri Kenya, Blick Bassy wo muri Cameroon, Rikki Stein wo mu Bwongereza n'abandi.

    Iki gikorwa kandi cyabereye mu Mujyi wa Accra muri Ghana mu 2019. Icyo gihe cyahuje abanyamuziki mu ngeri zinyuranye batanze ibiganiro barimo umuraperi Sarkodie wo muri Ghana, Sway Dasafo (UK), Efya (Ghana), Samini (Ghana), Skales (Nigeria) ndetse n'umuyobozi Mukuru uri mu bashinze ikigo 'Ditto Music', Lee Parsons wo mu Bwongereza.

    Mu 2021 iki gikorwa cyabereye mu Mujyi wa Johannesburg muri Afurika y'Epfo, aho bakoranye n'abahanzi barimo Busiswa, Abidoza, Yugen Blakrok, Priddy Ugly n'abandi.

    Ni igikorwa kandi kitabiriwe n'abari bahagarariye ibigo bikomeye ku Isi birimo nka Tik Tok, Reeperbahn Festival, Sony/ATV, Ditto Music, Africori, Linkfire, Believe n'abandi.

    Gahunda ya Acces inaherekezwa no gutanga ibihembo 'Music In Africa Honorary Award' hashimirwa abari mu bahanzi bakoze ibikorwa by'indashyikirwa ku Mugabane wa Afurika.

    Umunyamuziki Baaba Maal wo muri Senegal niwe wabaye uwa mbere mu guhabwa iki gihembo yashyikirijwe mu 2017, Eric Wainaina wo muri Kenya yashyikirijwe iki gikombe mu 2018.

    Music Africa ivuga ko iki gikorwa cya Acces gikorwa mu rurimi rw'Icyongereza, Igiswahili ndetse n'Igifaransa muri buri gihugu cyakiriye.

    Kitabirwa n'abantu barenga 2000 bo mu bihugu 50, kandi kikaririmbamo abahanzi barenga 100. Kitabirwa kandi n'abavuga rikijyana n'abashoramari barenga 70. Ni igikorwa gikurikirwa n'abantu barenga Miliyoni, kandi haba hari abatanga ubumenyi barenga 150. 

    Ubwo Umuyobozi wa Music in Africa Foundation, Maïmouna Dembélé yashyikirizaga igikombe Minisiteri y'Umuco, Ubuhanzi na Siporo muri Tanzania ku bwo kwakira igikorwa cya Acces mu 2022/2023. Igikombe cyakiriwe n'Umunyamabanga wa Leta muri iriya Minisiteri, Hamis Mwinjuma 

    Music In Africa Foundation yahaye igikombe Ishyirahamwe ry'abahanzi muri Tanzania (Basata) ku bw'uruhare mu kwakira inama ya Acces ya 2022/2023. Iki gihembo cyakiriwe n'umunyamabanga w'iri shyirahamwe, Dr. Kedmon Mapana

    Gahunda ya Acces ihuza abahanzi mu ngeri zinyuranye bakungurana ibitekerezo

    Umuhanzikazi Sho Madjozi wo muri Afurika y'Epfo aherutse kuririmba mu gikorwa cya Acces 2023


    Source : https://inyarwanda.com/inkuru/136545/inama-ya-acces-itangirwamo-ibihembo-ku-banyamuziki-igiye-kubera-i-kigali-136545.html

  • Hategerejwe umwanzuro w’Urukiko! Ibitavugwa… – #rwanda #RwOT

    Niyonizera Judith wari warabaye umufatanyabikorwa muri Makuta Series yaje guhomba bakayihagarika yakomeje kumuba hafi. Samusure yasobanuye ko hari igihe kigera ukaba utakomeza kubera umutwaro umuntu. Judith Niyonizera yari afite imigabane ya 50% ku bikorwa bya filimi byacaga kuri shene ya Kalisa Ernest muri filimi yitwaga Makuta Series. 

    Ati:'N’ubu amfasha ibyo ashoboye. Niwe wishyuye umunyamategeko wamburaniye ntahari. Judith ni umuntu mwiza ku kigero ntagereranya n'uwo ariwe wese. Amafaranga yishyuwe uwandeze n'umunyamategeko wasigaye muri izo manza ni Judith Niyonizera wabishyuye. Ni indashyikirwa ndamushimira cyane.

    Ndamusengera aho ari hose Imana imuhe umugisha!'

    Judith  mu Kiganiro  na  InyaRwanda  ati “Nishyuye uwamuregaga muri RIB nishyura n’umunyamategeko wagiye mu kirego cye”.

    Judith Niyonizera yirinze kuvuga amafaranga yishyuye uwarimo arega Samusure. Umunyamategeko Bayisabe Irene usanzwe aburanira ababa mu myidagaduro yo mu Rwanda niwe wunganiye Samusure mu kibazo cy’ideni ryari ryarabuze inyushyu.

     

    Judith Niyonizera yemereye InyaRwanda ko yishyuye uwareze Samusure akanishyura Maitre Bayisabe Irene wakurikiranye kiriya kirego

    Mu kiganiro Samusure yahaye umuyoboro wa YouTube witwa Max Tv yagize ati:'Corona yadusize ahantu habi. Noneho twebwe twari dutunzwe n'umunwa amadeni yabaye menshi ugafata icyemezo ukavuga uti reka mpunge. Ariko si bimwe by'ubuhunzi ni ukwimukira mu kindi gihugu kugirango ndebe ko nazagaruka nisuganyije'.

     

    Samusure yasobanuye ko yari kugaruka afite igishoro cyo kongera gukina filimi. Hari umuntu yari afitiye umwenda kandi yari yahawe amakuru ko uwo yari abereyemo umwenda yashakaga kumurega kandi'Urabizi kujya mu manza utari bwishyure si byiza. Nafashe icyemezo cya kigabo mba muhunze'. Samusure akigera muri Mozambique yakiriwe neza kuko yasanze hari n'ambasade y'u Rwanda ndetse n'abanyarwanda benshi. Yavuze ko nta kibazo cy'umutekano muke yahuye nacyo.

     

    Ibyo gusambanya umwana yabihakanye

     

    Umunyamakuru yabajije Samusure niba yaragiye ahunze ubutabera kubera umwana yasambanyije. Undi ati:'Byavuzwe mu itangazamakuru se? byavuzwe n'abantu baganira?' Yabwiwe ko byavuzwe n'abantu baganira. Ati:'Uri umwere uravugwa, uri umunyacyaha uravugwa. Ni kumwe ugenda wigengesera ngo utababaza Isi. Ariko ni kumwe abantu bahimba inkuru. Ababivuga baba bafite ibyo batekereza mu mitwe yabo ariko ubundi nta dosiye mfite imeze gutyo'.

     

    Samusure inkomoko y'ubukeneye ayishyira kuri Crona Virus. Yavuze ko yanafashe Bank Lambert ari nazo zamukozeho agasimbuka. Ati:'Ibyo nashoraga muri filimi ya Makuta ntabwo byanganaga n'ibyo nakuragamo. Aho niho naguye ariko hanajemo kuba ubushobozi bwaragabanutse. Iyo abantu bari mu bibazo bya rusange. Abo ufitiye imyenda ntabwo bakwishyuza. Iyo ibihe bibi bivuyemo barakwishyuza. Noneho havamo n'abarega. Rero uwareze ni umwe kandi ikibazo cye cyarakemutse hasigaye abandi nabo Imana izabigenza neza birangire umuntu adafunzwe. Byagombaga kuzamo gufungwa rwose'.

     

    Samusure avuga ko iyo umuntu agiye kukurega akakujyana mu nkiko aba ashaka ko ufungwa. Yavuze ko yari asanzwe afata amafaranga ya Bank Lambert ariko uwo washatse kumugeza muri gereza yarambiwe kuko hari hashize amezi menshi atishyurwa. Ati:'Kurega byari uburenganzira bwe kandi nanjye guhunga byari uburenganzira bwanjye. Naramwishyuye anandikira urukiko keretse urukiko hari izindi nzira byacamo. Dutegereje itariki yo gusoma urubanza sinzi uko babigenza ntegereje iyo tariki kuko uwareze yabivuyemo. Nyuma y'icyo kirego nzaza mu gihugu nisanzuye nta kibazo'.

     

    Yashoye muri filimi ku nguzanyo


    Samusure yavuze ko amafaranga yose yashyize muri Makuta Series yabaga yayagujije. Samusure akoresheje umugani w'umugenyurano yavuze ko aho ageze akwiriye gutabarwa. Ati:'Uko meze uku ntakuntu mpagaze kandi sinigize nkeneye abantu nimbabura ndapfa. Njyewe ubu ngubu uko mpagaze ndavuga nti umugabo agirwa n'abandi ahubwo waba nyakamwe ugapfa'.

     

    Samusure arasaba ubufasha bwo kugaruka mu Rwanda akaba yakomeze gukina filimi. Ati:'Nta kiruta iwanyu. Rero iyo utarwanya Leta uba ugomba gutaha ukagaruka mu buzima busanzwe. Nakoze itsinda rya Whatsap ari umuntu ungiriye inama kuko ntabwo yari kumfasha wenyine. Hari abambwira ngo ese ko twakubuze utakiduha filimi ugasanga undi ati ko utatubwiye ngo bandwaneho. Ibyo kwihagararaho bya gisitari nabivuyemo. Hari ubufasha nagaruka. Hari abavuga ngo umuntu ufite amaboko abiri arasabiriza? Kugirira umuntu umumaro ntibisaba kuba umuntu yagize icyo aba. Nubundi bene abo ntabwo bafite icyo gutanga. Usanga hari n'abavuga ko bakunda umuntu yamaze gupfa ugasanga baragura indabo abandi bagakoresha essence bagiye kugushyingura. Icyo gihumbi nibakimpe kuko iyo wapfuye abantu barakwikiza ngo utabanukira'.

     

    Samusure ni umukinnyi wa filimi usetsa cyane akaba anasabira abageni mu bukwe bwa Kinyarwanda

    Samusure mu rwenya rwinshi yasabye abigeze kumukunda kuba igihe kigeze ngo bamwereke urukundo. Kuko no gutinyuka kubivuga ni ubutwari. Samusure yabwiye abantu kutamuseka mu gihe nta kintu bamumariye.

    Yasabye abantu bafite amikoro kumugoboka kuko nicyo gihe akeneye amaboko yabo. Yakomeje avuga ko abantu bamuseka nta kintu bimubwiye kuko ubuzima bwe butorohewe. Samusure adaciye ku ruhande yasabye Abanyarwanda kumufasha kubona Miliyoni 4,600,000 Frw ariko hari andi asaga Miliyoni 2 Frw nayo afitiye abantu. Yose hamwe asaga Miliyoni 7 Frw kugirango abashe kugaruka mu gihugu cye cy'amavuko.

     Ashishikariza abafana be kumuba hafi kuko ubu aribwo abakeneye. Ati:'Unseka ntacyo amfasha uwo ntacyo ambwiye'.

     

    Samusure amerewe nabi muri Mozambique

    Samusure yanagarutse ku bavuze ko yarongowe. Yashakaga kuvuga ko yashatswe n'umugore. Hari n'amakuru yo gushaka kujya muri Canada nabyo yabihakanye kuko hari ibikorwa byinshi by'ambasade byinshi agaragaramo. Ibikorwa by'umuganura yabigaragayemo byari byateguwe na Ambasade y'u Rwanda. Ati:'Jyewe nshatse kugenda sinagenda nk'impunzi nagenda nk'umuntu uzwi'. Yahishuye ko muri Mozambique afashwe neza kuko bamurwanaho uko bashoboye.

     

     Gufasha Kalisa Ernest: M-pes +258844256272

     

     

    Source : https://inyarwanda.com/inkuru/136546/hategerejwe-umwanzuro-wurukiko-ibitavugwa-ku-madeni-yatumye-samusure-ahungira-i-maputo-136546.html

  • Samusure wagiye atorotse amadeni ya miliyoni 7, yatakambye ngo afashwe kwishyura #rwanda #RwOT

    Kalisa Ernest [Samusure] uherutse kwimukira i Maputo muri Mozambique, ari gutakambira abakunzi inshuti n’abavandimwe ngo bamufashe kwigobotora ibibazo birimo amadeni afite byanatumye ahunga urwamubyaye.

    Kalisa Ernest wamamaye nka Samusure, ari mu bakinnyi ba sinema bafite izina rikomeye ndetse akaba umwe mu babimazemo igihe. Yiyambuye ubwamamare aca bugufi asaba ubufasha abakunzi be kuko yugarijwe n’ibibazo.

    Uyu mugabo benshi bamenye nka Samusure, Rulinda, Makuta n’andi mazina menshi yagiye afata bitewe na sinema.

    Samusure yabwiye IGIHE ko ari mu bibazo byinshi ndetse ko ari nabyo byatumye ava mu gihugu.

    Kuva mu Rwanda atunguwe akagera i Maputo nta cyo gukorayo yateguye, byatumye akubitikirayo, ubuzima buramugora kugeza ubwo ubu ari kwiyambaza inshuti n’abavandimwe ngo bamugoboke yishyure amadeni abe yanabasha kwegura umutwe mu buzima busanzwe.

    Muri Werurwe 2023 nibwo yimukiye i Maputo muri Mozambique aho yavugaga ko agiye gushakishiriza imibereho.

    Ati 'Nyuma y’uko hadutse icyorezo cya Covid-19, ibintu byinshi twakoraga byagiye bizamo ibibazo bituma njye by’umwihariko nisanga mu madeni. Urebye muri rusange mfitiye abantu arenga miliyoni zirindwi z’amafaranga y’u Rwanda.'

    Samusure avuga ko aya madeni ayafitiye abantu batandukanye, icyakora iryatumye ava mu gihugu rikaba iry’ibihumbi 600 Frw yari yahawe n’umwe mu bo bakinanaga muri filime yitwa 'Makuta’.

    Uyu mukinnyi wari wahawe sheke na Samusure amaze kubona ko atari kwishyurwa, yaje kugana banki kugira ngo imuterereho kashe hanyuma yishyurizwe ku gahato.

    Samusure yibuka uko byagenze icyo gihe nk’ibyabaye ejo, ati 'Hari ku wa Gatanu, Banki irampamagara bambwira ko hari umuntu wagiye guteresha sheke, nababwiye ko ntahari, mbasaba kuba babiretse ku wa Mbere tukabikemura mu bwumvikane.'

    Samusure yahise atekereza ku gifungo ashobora guhabwa kubera icyo cyaha cyo gutanga sheki itazigamiye, afata icyemezo cyo guhunga.

    Ku wa Gatandatu no ku Cyumweru yari afite akazi ko gukora mu bukwe, bivuze ko itike yari ibonetse.

    Ku wa Mbere mu cya kare, yari yamaze kwambuka umupaka wa Rusumo yerekeza muri Tanzania aho yanyuze agana i Maputo ari naho ari kubarizwa uyu munsi.

    Samusure wakoraga filime akagongwa n’ubushobozi, yaje kujya yigira inama yo gufata amadeni akayashora muri sinema, akagenda yishyura uko yinjizaga.

    Ni amadeni yafataga mu buryo benshi bazi nka 'Banki Lambert’. Umunsi umwe yaje kuguza amafaranga abantu batandukanye mu gihe yari atarayashora muri sinema nk’uko yari yabyiyemeje aza kugwa mu moshya yo kwishora mu 'bimina’.

    Benshi bibuka uburyo ibimina byahombeje abatari bake, Samusure aba umwe mu babiririwemo noneho haribwa amafaranga y’abandi yari yafashe nk’amadeni.

    Samusure wari wageze i Maputo mu nzira zigoye, yaje kujya kwaka uruhushya rw’inzira 'Passport’ kuri Ambasade, ahita amenyeshwa ko hari urubanza afite i Kigali.

    Samusure utaraguye mu kantu kuko yari abizi ko yatorotse amadeni, yaje gutaha ahamagara umwe ku wundi mu bo yari ayafitiye, asanga wawundi wamugurije ibihumbi 600 Frw ari we wamureze.

    Ni umugabo uhamya ko yahise agira ubwoba bwo kuburanishwa adahari, akubita hirya hino amafaranga aboneka mu bavandimwe arishyura.

    Nyuma yo kwishyurwa, uwari ufitiwe ideni na Samusure yandikiye Urukiko arumenyesha ko nta deni agifitiwe n’uyu mugabo, inyandiko yongerwa muri dosiye kuri ubu bakaba bategereje ko hasomwa urubanza.

    Ku rundi ruhande nubwo uwareze we yishyuwe, Samusure avuga ko agifite amadeni arenga miliyoni zirindwi z’amafaranga y’u Rwanda ariyo atuma arara adasinziriye yibaza uko azayishyura ngo yongere abeho mu mudendezo.

    Ni amadeni arimo amafaranga afitiye abantu bamugurije mu bihe bitandukanye, abakinnyi bakoranye n’abamufashaga gufata amashusho no kuyatunganya.

    Samusure ahamya ko nubwo mu bo afite amadeni, nta wundi wamureze, ariko adatekanye kuko afite impungenge ko isaha ku yindi byamushora mu manza kandi byagorana ko azitsinda.

    Iyi niyo mpamvu uyu mugabo yatangiye gushakisha ubushobozi mu nshuti ze n’abakunze ibyo yakoraga.

    Samusure yavuze kandi ko amakuru y’uko yatorotse umugore babyaranye atariyo.

    Ati 'Ayo makuru ntabwo ariyo, nawe se umugore twabanye mu myaka icumi ishize tugahita dutandukana ndetse nyuma akaza gushaka undi mugabo, namutoroka gute? Ntabwo aribyo!'

    Samusure yavuze ko abari kugerageza guhuza amakuru y’igenda rye no gutoroka uyu mugore atari byo kuko kugeza afite umugisha w’uko abana hari inshuti ye imufasha kubitaho.

    Samusure yasabye gufashwe kwishyura amadeni yafashe

    Source : http://isimbi.rw/sinema/article/samusore-wagiye-atorotse-amadeni-ya-miliyoni-7-yatakambye-ngo-afashwe-kwishyura

  • Itwaze umutaka: Iteganyagihe ryo mu masaha y’igicamunsi cyo kuri uyu wa Gatatu – YEGOB #rwanda #RwOT

    Itwaze umutaka: Iteganyagihe ryo mu masaha y'igicamunsi cyo kuri uyu wa Gatatu.

    Tariki ya 15 Ugushyingo 2023 hagati ya saa 12:00 na saa 18:00 hateganyijwe imvura mu turere twose tw'Igihugu.

    Hateganyijwe umuyaga uringaniye ufite umuvuduko uri hagati ya 4m/s — 6m/s.

    Igipimo cy'ubushyuhe bwo hejuru giteganyijwe ku gicamunsi ni 28℃ mu karere Nyagatare.

    Source : https://yegob.rw/itwaze-umutaka-iteganyagihe-ryo-mu-masaha-yigicamunsi-cyo-kuri-uyu-wa-gatatu/

  • Yahuruje umudugudu wose: Umugabo wo mu karere ka Ruhango yasanze umugore we ari gusambana n’umusore baturanye maze ahuruza abaturage baza kumva uko gakubitwa [AMAFOTO] – YEGOB #rwanda #RwOT

    Yahuruje umudugudu wose: Umugabo wo mu karere ka Ruhango yasanze umugore we ari gusambana n'umusore baturanye maze ahuruza abaturage baza kumva uko gakubitwa.

    Mu karere ka Ruhango, haravugwa inkuru y'umugabo wacyingiranye umugore we wari uri gusambana n'umusore bari baturanye maze agahita ahuruza abaturage.

    Umugabo wo mu murenge wa Mbuye yakingiranye umugore we  wigisha kuri Vunga TSS hamwe n'umusore avuga ko abafashe bari gusambana.

    Aba baturage baje basanga uyu mugore ari mu nzu imwe n'uwo musore byavugwaga ko na mbere bahoraga basambana.

    Aba baturage banenga uyu mugabo wabahuruje ko bitari bikwiye ko ahubwo yari gushaka abantu bake bakareba uko babunga.

    Source : https://yegob.rw/yahuruje-umudugudu-wose-umugabo-wo-mu-karere-ka-ruhango-yasanze-umugore-we-ari-gusambana-numusore-baturanye-maze-ahuruza-abaturage-baza-kumva-uko-gakubitwa-amafoto/

  • Urukikorw'Ikirenga mu Bwongereza rutesheje agaciro kohereza abimukira mu Rwanda #rwanda #RwOT

    Urukiko rw'ikirenga mu Bwongereza ku bwiganze bw'abacamanza rwatesheje agaciro icyemezo cya leta cyo kohereza abahasaba ubuhungiro mu Rwanda.

    Abacamanza bavuze ko u Rwanda atari igihugu gitekanye ku buryo cyakwakira abashakaga ubuhungiro, runongeraho ko hari impungenge ko baramutse bagejejwe mu Rwanda bazasubizwa ibihugu bavuyemo bahunze.

    Hari hashize igihe kinini inkiko zindi zo mu Bwongereza zamagana aya masezerano, zivuga ko ahonyora uburenganzira bwa muntu ariko Guverinoma y'u Bwongereza iyaryamaho, ivuga ko aribwo buryo bwonyine bwo gukemura ikibazo cy'icuruzwa ry'abimukira binjira ku butaka bwayo binyuranyije n'amategeko.

    Minisitiri ushinzwe abinjira n'abasohoka mu Bwongereza, Robert Jenrick, aherutse gutangaza ati 'Tugomba guharanira ko gahunda y'u Rwanda igerwaho mbere y'amatora ataha. Nta kabuza, tuzakora ibishoboka byose kugira ngo bishoboke.'

    Ni umwe mu myanzuro ikomeye uru rukiko rufashe kuko no mu myaka yashize rwigeze kwisanga mu ihurizo nk'iri rishingiye kuri politiki. Icyo gihe rwagize uruhare mu gufata umwanzuro kuri Brexit, gahunda y'u Bwongereza yo kuva mu Muryango w'Ubumwe bw'u Burayi.

    Umunsi ku wundi, abimukira binjira mu Bwongereza ku bwinshi. Umwaka ushize, nibura abantu 45.775 binjiye mu gihugu mu buryo bunyuranyije n'amategeko mu gihe kugeza ubu abamaze kwinjira mu bwato buto barenga 27.000.

    Iyi gahunda yagenaga  ko umuntu wese uzajya yinjiye mu Bwongereza mu buryo bunyuranyije n'amategeko guhera ku wa 1 Mutarama umwaka ushize, azoherezwa mu Rwanda mu gihe ubusabe bwe buri kwigwaho.

    U Bwongereza butanga nibura miliyari 3 z'ama-pound [asaga miliyari ibihumbi 4,5 Frw] ku mwaka mu kwita ku busabe bw'abimukira. Ni amafaranga atangwa mu kubashakira amacumbi muri hotel n'ibindi mu gihe ubusabe bwabo buri kwigwaho.

    Nibura ku munsi bibarwa ko u Bwongereza bukoresha miliyoni 6 z'ama-pound, asaga miliyari 9,5 Frw.

    Kohereza abo bimukira mu Rwanda, Guverinoma y'u Bwongereza, isobanura ko byagabanya ikiguzi, kuko nibura umwimukira umwe yajya atangwaho ama-pound 169.000 [asaga miliyoni 257 Frw] ku mwaka.

    U Bwongereza busobanura ko buzatanga inkunga yo kwifashisha mu bikorwa by'iterambere bigirira akamaro izo mpunzi n'abaturwanda basanzwe muri rusange.

    Ku ikubitiro, bwahaye u Rwanda miliyoni 120£ azagirira akamaro izo mpunzi n'Abanyarwanda binyuze mu bikorwa by'uburezi mu mashuri yisumbuye, ay'imyunga n'andi mahugurwa y'amasomo y'ubumenyingiro. Ibyo byiyongeraho ko bazafashwa kwiga kugera mu mashuri makuru na kaminuza.

    Umuvugizi wa guverinoma y'u Rwanda madame Yolande Makolo yavuze ko iki cyemezo cy'urukiko rwo mu Bwongereza nta kibazo u Rwanda rugifiteho cyane ko rwashakaga gutanga ubufasha mu gukemura iki kibazo cyugarije isi, ariko ashimangira igihugu kitemeranya no kuvuga ko kidatekanye ku buryo cyakoherezwamo abimukira.

    Alphonse TWAHIRWA.

    The post Urukikorw'Ikirenga mu Bwongereza rutesheje agaciro kohereza abimukira mu Rwanda appeared first on FLASH RADIO&TV.

    Source : https://flash.rw/2023/11/15/urukikorwikirenga-mu-bwongereza-rutesheje-agaciro-kohereza-abimukira-mu-rwanda/?utm_source=rss&utm_medium=rss&utm_campaign=urukikorwikirenga-mu-bwongereza-rutesheje-agaciro-kohereza-abimukira-mu-rwanda

  • Canal+ yatangiye gutanga iminsi mikuru harimo… – #rwanda #RwOT

    Byatangajwe mu kiganiro n'abanyamakuru cyabaye kuri uyu wa Kabiri tariki 14 Ugushyingo 2023, aho Umuyobozi Mukuru wa CANAL+ Rwanda, Sophie Tchatchoua , yasobanuraga byinshi iyi sosiyete iri gukora kugira ngo abafite ifatabuguzi ryayo bagubwe neza cyane cyane muri izi mpera z'umwaka wa 2023. 

    Yagize Ati 'Turi hano dushaka kwizihiza iminsi mikuru mbere y'uko iba. Twifuza gufata abakiliya neza muri izi mpera z'umwaka mu buryo budasanzwe.'' 

    Yavuze ko kuri ubu CANAL+ ifite shene zisaga 400 ziyibarizwaho. Agaragaza ko uretse RTV yagaragaraga mu buryo bwa High Definition[HD] hari izindi televiziyo zigiye kujya zigaragara muri ubu buryo nyinshi.  

    Muri izi harimo shene 40 zabaye HD ; yavuze ko harimo Zacu TV icaho filime nyarwanda, National Geographic, TV5 Monde, Nollywood Entertainment, Trace Africa n'izindi. 

    Kuri ubu kandi iyi televiziyo yongeweho izindi televiziyo nshya zo mu Burundi zirimo iyitwa Best Entertainment Television[BETV] izajya igaragara ku murongo wa 396 ndetse na Heritage TV[He TV] igaragara kuri 397. Mu Rwanda kandi bongeyeho televiziyo ISIBO TV izajya igaragara ku murongo wa 391. 

    Uretse ibi CANAL+ kandi iteganya kwerekana filime zitandukanye zigezweho zirimo 'Spinners', 'Avatar', 'Jungle Cruise', seri ya yakunzwe cyane ya 'The Bishop Family' ica kuri Zacu TV n'izindi. 

    Abakunzi b’umupira w’amaguru w’i Burayi, hazajya hacaho imikino ya Champions League, English Premier League na NBA Christman Day. 

    Guhera ku wa 14 Ukuboza 2023 kugeza ku wa 13 Mutarama 2024 kuri CANAL+ yatangaje ko hari shene nshya yiswe CANAL+CAN izajya inyuzwaho ibintu bitandukanye byerekeye ni urushanwa rya CAN 2024 izabera muri Côte d'Ivoire kuva muri Mutarama tariki 13 kugera Gashyantare tariki 11.

    Muri ibyo bazajya berekana amateka y'amakipe azitabira iki gikombe, berekane ibihe by'ingenzi byaranze iri rushanwa mu myaka yatandukanye n'ibindi biryerekeye.

    Ubwo irushanwa nyirizina rizatangira, CANAL + izajya yerekana imikino yose izaranga iki gikombe kiri mu bikomeye muri Afurika kandi ikazajya iboneka ku ifatabuguzi ry'ibihumbi 5000 ryitwa IKAZE. 

    Kugeza ubu umuntu ashobora kugura ifatabuguzi rya 5 000 Frw akabasha gukurikira byinshi bitandukanye kuri CANAL+. 

    Ushaka kugura decoderi ya CANAL+ nabwo biramworohera cyane kuko ku 20000 Frw  ashobora gufashwa akabasha gutangira kuryoherwa na serivisi z'iyi sosiyete. Ikindi kuri ubu umuntu azajya agura ifatabuguzi abashe kureba amashene ya CANAL+ yose ku buntu mu minsi 15.

    Source : https://inyarwanda.com/inkuru/136536/canal-yatangiye-gutanga-iminsi-mikuru-harimo-shene-nshya-zo-mu-rwanda-nu-burundi-136536.html

  • Urutonde rw’ibyamamare 10 byapfuye byinjije a… – #rwanda #RwOT

    Ikinyamakuru Forbes gishyira ahagaragara imitungo y’ibyamamare bikomeye ku Isi, cyamaze gusohora urutonde rw’ibyamamre bitakibarizwa mu Isi y’abazima gusa byinjije agatubutse muri uyu mwaka wa 2023.

    Forbes Magazine yagize iti: 'Urupfu ntirwashyize iherezo ku bikorwa byabo by'ubucuruzi kuko byabinjirije kurusha n’abakiriho bakoze cyane mu 2023'. Ivuga ko Michael Jackson wanyuze benshi atari ubwa mbere ageze kuri uyu mwanya wa mbere kuko bimaze kuba inshuro esheshatu (8).  Uyu mugabo ari ku mwanya wa mbere na miliyoni 15 z'amadorali y'amerika.

    Dore urutonde rw’ibyamamare 10 bitakiriho birimo Bob Marley, Elvis Presley, Whitney Houston n’abandi binjije agatubutse mu 2023:

    1. Michael Jackson

    Umwami w’injyana ya Pop, umaze imyaka 14 yitabye Imana niwe uri ku mwanya wa mbere na Miliyoni 115 z’Amadolari, aho uyu mugabo yinjije nubwo atakiriho yavuye muri kompanyi ye icuruza umuziki 'EMI Music', ayavuye muri 'Mijac Music Catalogue', ayavuye mu inzu itunganya muzika 'Sony Record' bagiranye amasezerano ndetse n'imishinga afite ya Televiziyo 'Michael Jackson Halloween'.

    2.Elvis Presley

    Umunyamuziki wabayeho n'umukinnyi wa filime Elvis Presley ufatwa nk’umwami w’injyana ya Rock n Roll. Yitabye Imana kuya 16 Kanama, 1997, azize indwara y'umutima. Afite imyaka 42 y'amavuko. Yinjije Miliyoni 100 z’amadolari.  Buri mwaka yinjiza agera kuri Miliyoni imwe (1) ava muri album yakoze. Gusa ngo uyu mwaka wari umwihariko kuko yinjije amafaranga menshi binyuze muri filime ‘Elvis’ ivuga ku buzima bwe yakinnywe n’icyamamare Austin Butler.

    3. Ray Manzarek

    Raymond Daniel Manzarek umucuranzi wa ‘Keyboard’ akaba yaranahoze mu itsinda rya ‘The Doors’ ryamamaye mu njyana ya Rock, niwe uri ku mwanya wa Gatatu . Uyu mugabo w’umunyamerika witabye Imana mu 2013 ari mu Budage azize uburwayi, kugeza ubu yinjije Miliyoni 45 z’Amadolari.

    4. Dr. Seuss

    Yamenyekanye nk' umwanditsi w'ibitabo. Yapfuye kuya 24 Kanama, 1991. Afite imyaka 87 y'amavuko. Yazize indwara ya kanseri 'cancer'. Uyu mugabo wari umwanditsi mwiza w'ibitabo, yagurishije igitabo cye agera kuri Miliyoni 4.8 z'amadorali mu myaka ushize. Afite Miliyoni 40 z'amadorali y'Amerika yinjirije mu bitabo yanditse byagiye binakinwaho filime.

    5. Charles M. Schulz

    Umushushanyi kabuhariwe wa karituni 'cartoonist'. Yapfuye kuya 12 Gashyantare, 2000. Yazize indwara ya kanseri 'cancer'. Afite imyaka 77 y'amavuko. Yinjije agera kuri Miliyoni 32 z'amadorali.

    6. Prince

    Yari umucuranzi mwiza akaba n'umukinnyi wa filime. Yitabye Imana kuya 21 Mata, 2016. Yapfuye afite imyaka 57 y'amavuko. Nawe yazize gufata imiti irengeje urugero. Muri uyu mwaka yagurishije kimwe cya kane cya Miliyoni avuye muri album ye. Ubu yinjije Miliyoni 30 z'amadorali y'Amerika yose ayakuye mu icuruzwa ry’album yasize akoze.

    7. Whitney Houston

    Umuhanzikazi w’icyamamare uzwiho kuba yari afite ijwi ryiza akaba yari umwe mu bagore bazamuye injyana ya R&B ku Isi. Yitabye Imana mu 2012 afite imyaka 49 y’amavuko azize kunywa ibiyobyabwenge byinshi bikamurenga (Overdose). Uyu mwaka wa 2023 ibikorwa by’ubucuruzi bye byamwinjirije Miliyoni 30 z’Amadolari anagana nayo Prince yinjije.

    8. John Lennon

    Yari umucuranzi mwiza wa 'piano' akaba n'umunyamuziki ukomeye. Yapfuye ku ya  08 Ukuboza, 1980 afite imyaka 40 y'amavuko. Ubu arabarirwa Miliyoni 22 z'amadorali. Binyuze mu mirimo yakoraga ndetse na albumu ze, buri mwaka yinjiza nibura Miliyoni ebyiri z'Amadorali.

    9. Bob Marley

    Umunyamuziki kabuhariwe ufatwa nk’umwami w’injyana ya Reggae, yitabye Imana kuya 11 Gicurasi, 1981, afite imyaka 36 y'amavuko. Yazize indwara ya kanseri 'cancer'. Ubu arabarirwa Miliyoni 16 z'amadorali ya Amerika. Ibikorwa bimwinjiriza amafaranga birimo n'ibikoresho byifashishwa mu kumva umuziki 'headphones' ndetse n'ibindi bikoresho byifashishwa mu kunywa itabi.

    10. Marilyn Monroe

     Yari umunyamideli akaba n’umukinnyi wa filime. Yapfuye ku ya 05 Nzeri, 1962. Afite imyaka 36 y'amavuko. Yazize gufata imiti irengeje urugero. Ubu arabarirwa Miliyoni 10 z'Amadorali ya Amerika. Yaje kuri uru rutonde rw'ibyamamare byinjije agatubutse muri uyu mwaka binyuze ku masezerano yavuguruwe na kompanyi 'Montblanc pens'.

    Source : https://inyarwanda.com/inkuru/136544/urutonde-rwibyamamare-10-byapfuye-byinjije-agatubutse-mu-2023-136544.html

  • Niyonizera Judith wahoze ari umugore wa Safi Madiba yishyuye ideni ryatumye Samusure ahungira hanze y'u Rwanda #rwanda #RwOT

    Umuherwe Niyonizera Judith washakanye n'umuzungu nyuma yo gutandukana na Safi Masiba byemewe n'amategeko, yishyuye ideni ryari ryaratumye Samusure wamamaye muri Cinema Nyarwanda ahungira hanze.

     

    Mu masaha make ashize, Samusure yari amaze kumvikana avuga ko abayeho nabi ndetse ko kugira ngo agaruke mu Rwanda byamugora.

     

    Nyuma y'izi nkuru, hari andi makuru , yavuze ko uwahoze ari umugore wa Safi Judith , yamaze kwishyurira uyu mugabo ideni ryamutumye ahunga.

    Inyarwanda yatangaje ko uyu mugore yishyuye M, Bayisabe Irene wakurikiranye ikibazo cya Samusure igihe kirekire

    The post Niyonizera Judith wahoze ari umugore wa Safi Madiba yishyuye ideni ryatumye Samusure ahungira hanze y'u Rwanda appeared first on The Custom Reports.

    Source : https://thecustomreports.com/niyonizera-judith-wahoze-ari-umugore-wa-safi-madiba-yishyuye-ideni-ryatumye-samusure-ahungira-hanze-yu-rwanda/

  • Umukinnyi wa Filime Lupita Nyong'o ufata ipusi ye nk'umukunzi we yinjiye muri Filime yitwa 'Goodbye Julia' nk'umuyobozi wayo #rwanda #RwOT

    Umukinnyi wa Filime Lupita Nyong'o nyuma yo kuva mu rukundo na Selema Masekela, akamusimbuza ipusi, Lupita Nyong'o yamaze kujya mu mushinga wa Filime 'Goodbye Julia', nk'umwe mu bayiyobora.

     

    Uyu Lupita Nyong'o agiye kuba umwe mu bayobozi b'iyi filime imaze guca ibintu mu gihe gito na cyane ko yasohotse muri uyu mwaka wa 2023.Ubusanzwe iyi filime 'Goodbye Julia', yayobowe n'umugabo wo muri Sudan usanzwe ayobora amafilime witwa Mohamed Kordofani.Uyu mugabo ngo iyi niyo filime yayobeye ikamamara cyane.

     

     

    Iyi filime kandi irimo amafoto yafashwe muri 2011 aho agaragaza cyane igice cya Sudan ya Ruguru ndetse n'imico y'abaturage bo muri Sudani ya Ruguru.

    Goodbye Julia, yakoze amateka uyu mwaka mu gihugu cy'Ubufaransa mu Mujyi wa Cannes, aho yabaye filime ya mbere yerekaniwe mu iserukiramuco nyuma yo gutoranywa muri filime zizahatanira ibihembo bya Un Certain Regard .

     

     

    Iyi filime igaragaza neza ibirimo kubera muri Sudan magingo aya aho abatari bake bakomeje kubura ubuzima abandi bakava mu byabo.

     

     

    Lupita Nyong'o yagize ati:'Mohamed Kordofani yakoze akazi gakomeye hame n'abo bari bafatanyije bagaragaza neza ibiri kuba.Rero ntewe ishema no gutanga ijwi ryanjye mugukwirakwiza Isi ubutumwa buri muri iyi filime'.

     

     

    Iyi filime irimo abakinnyi bamamaye nka Eiman Yousif na , Siran Riak

    The post Umukinnyi wa Filime Lupita Nyong'o ufata ipusi ye nk'umukunzi we yinjiye muri Filime yitwa 'Goodbye Julia' nk'umuyobozi wayo appeared first on The Custom Reports.

    Source : https://thecustomreports.com/umukinnyi-wa-filime-lupita-nyongo-ufata-ipusi-ye-nkumukunzi-we-yinjiye-muri-filime-yitwa-goodbye-julia-nkumuyobozi-wayo/