Webrwanda Backend

Author: webrwanda

  • Burya koko uburiye umubyizi mu kwe ntako aba atagize! Amavubi yananiwe kurwinga Zimbabwe yagize ibyago  – YEGOB #rwanda #RwOT

    Burya koko uburiye umubyizi mu kwe ntako aba atagize! Amavubi yananiwe kurwinga Zimbabwe yagize ibyago.

    Ikipe y'igihugu y'u Rwanda Amavubi yanganyije 0-0 n'ikipe y'igihugu ya Zimbabwe yagize ibyago byo gupfusha umunyezamu wabo George Chigova wazize indwara y'umutima.

    Amavubi yari yambaye imyambaro mishya ndetse yatozwaga n'umutoza mushya wasimbuye Carlos imbere y'abakunzi bayo kuri sitade mpuzamahanga ya Huye yananiwe gutsinda umukino maze acyura inota rimwe.

    Uyu mukino wahuzaga Amavubi na Zimbabwe n'umukino wo gushaka itike yo gukina imikino y'igikombe cy'Isi cyo muri 2026.

     

    Source : https://yegob.rw/burya-koko-uburiye-umubyizi-mu-kwe-ntako-aba-atagize-amavubi-yananiwe-kurwinga-zimbabwe-yagize-ibyago/

  • Kamonyi-Mugina: Inzara iranuma mu bakozi b'ikigo nderabuzima bamaze amezi 4 badahembwa #rwanda #RwOT

    Abakozi bakora mu kigo nderabuzima cya Mugina mu bijyanye n'isuku n'isukura bamaze amezi ane badahembwa. Baricira isazi mu jisho, ibibazo ni uruhuri kuribo n'imiryango yabo. Inzara iraza guhemuza bamwe nkuko babivuga. Baratabaza ubuyobozi butandukanye kwibuka ko nabo bakeneye kubaho no kubeshaho imiryango yabo.

    Hari bamwe muri aba bakozi ubuzima bwagoye batangira kujya gushakisha ubuzima ahandi ngo barebe ko bwacya. Bavuga ko ugize ngo aragaragaza kutishimira iyo mibereho, bimuviramo ibibazo bitandukanye birimo kubwirwa nabi, gutukwa no kuba yakwirukanwa. Basaba abahembwa buri kwezi by'umwihariko abakozi mu karere ka Kamonyi kwibuka ko nabo bakwiye guhabwa ubureganzira ku byo bakoreye.

    Umuyobozi bw'iki kigo nderabuzima giherereye mu Murenge wa Mugina, Akarere ka Kamonyi yemereye intyoza.com ko amakuru yo kuba aba bakozi bamaze amezi ane badahembwa ari impamo. Gusa, avuga ko ikibazo cyatewe na Rwiyemezamirimo wafashe isoko ari nawe ukwiye kubahemba.

    Mutuyimana Vestine, Umuyobozi w'iki kigo nderabuzima yabwiye umunyamakuru ko basabye Rwiyemezamirimo kuza kugira ibyo akemura atabashije gutunganya, akishyuza hanyuma akaba ariwe ukemura ikibazo n'aba bakozi ariko ngo baracyamutegereje.

    Mutuyimana, avuga kandi ko mu gihe babona uyu Rwiyemezamirimo akomeje kutaboneka bazegera inzego z'ubuyobozi bagashaka uko aba bakozi bakemurirwa ikibazo kuko nawe ubwe yemera ko biteza imikorere mibi na serivise mbi mu kigo.

    Nizeyimana Celeman, ariwe ufite isoko ryo gukora isuku n'isukura muri iki kigo Nderabuzima cya Mugina ku murongo wa Terefone ye ngendanwa ntabwo yahakanye ko ikibazo atakizi, ahubwo yagize ati' Ndi mu nama nyoboye ntabwo biri bunkundire ariko ejo nzaguhamagara ngusobanurire umenye imvo n'imvano y'icyo kibazo'.

    Amakuru agera ku intyoza.com aturutse mu nguni zitandukanye kandi zizewe ni uko umuyobozi w'ikigo nderabuzima cya Mugina mu minsi ishize yashatse gukemura iki kibazo ngo ahembe aba bakozi ariko haza kuzamo kidobya y'umwe mu bakozi utaramworoheye ndetse nta nabashe ku mugira inama y'uko bafatanya kumva gutaka kw'aba bakozi. Hari amakuru kandi tugitohoza avuga ko hari umwe mu bakozi muri iki kigo wihishe inyuma y'iri soko imyaka ikaba ibaye myinshi.

    Hari kandi umukozi muri iki kigo, bivugwa ko mu minsi ishize yavuze amagambo atari meza kuri aba bakozi bagaragazaga ko bakeneye guhabwa uburenganzira bwabo.

    Hagize andi makuru atangwa, by'umwihariko kuri uyu Rwiyemezamirimo ushyirwa mu majwi n'ikigo kuba ariwe Nyirabayazana wo kumaza amezi ane abakozi badahembwa tuzayatangaza.

    intyoza

    Source : https://www.intyoza.com/2023/11/15/kamonyi-mugina-inzara-iranuma-mu-bakozi-bikigo-nderabuzima-bamaze-amezi-4-badahembwa/

  • Judithe Niyonizera akomeje gushimirwa umutima mwiza yeretse Samusure #rwanda #RwOT

    Umugore wamamaye mu myidagaduro Nyarwanda , Niyonizera Judithe , akomeje gushimirwa umutima mwiza yeretse Samusure akamwishyurira ideni nk'uko byagiye bigarukwaho.

    Nyuma yo kujya hanze kw'inkuru zivuga ko ariwe wishyuye ideni ryatumye Samusure ahunga , Judith yashize hanze ifoto kumbuga nkoranyambaga ze yandikaho amagambo agira ati:' Utagushima yaba yitwa nde, y'aba akomoka kwande ? Uko nzajya nibuka ineza yawe , nzajya ngushima'.

     

    Nyuma yo kwandika ayo magambo , benshi bamuhaye ibitekerezo, bagarutse kuri Samusure, bavuga ko urukundo bamukundaga rwahise rwiyongera.

     

    Uwitwa Jean Peter yagize ati:' Sha urwo nagukundaga rwahise rwiyongera , kuva aho utabariye uriya musore Samusure. Sinzi impamvu numva ari wowe muntu wa Mbere numvise nkumva Roho yanjye ikunezerewe birenze.Habwa umugisha Imana isubize aho wakuye ntukabure abantu'.

     

    Mugisha Kevin yagize ati:' Nkunda umutima wakimuntu ugira, uri muri bake basigaranye umutima nk'uwawe simbishidikanyaho kandi utakuzi yarahombye'.

     

    Uwitwa Niyibizi Sada yagize ati:' Nagukundaga ariko inkuru ya Samusure itumye rwikuba, Allah ajye yivanga mu byawe ! Mu byeyi'.

     

    Benshi mu batanze ibitekerezo bashimiye Judithe ndetse bamusabira umugisha ku Mana no gukubirwa.

    The post Judithe Niyonizera akomeje gushimirwa umutima mwiza yeretse Samusure appeared first on The Custom Reports.

    Source : https://thecustomreports.com/judithe-niyonizera-akomeje-gushimirwa-umutima-mwiza-yeretse-samusure/

  • Mu myambaro mishya Amavubi yanganyije na Zimbazwe #rwanda #RwOT

    Ikipe y’igihugu Amavubi yanganyije ubusa ku busa na Zimbabwe mu mukino utangira urugendo rwo gushaka itike y’igikombe cy’Isi cya 2026.

    Amavubi yari yambaye imyenda mishya ya Masita nyuma yo gutsindira kwambika ikipe y’igihugu, yari yakiriye Zimbabwe kuri Stade Mpuzamahanga ya Huye mu mukino ubanza w’ijonjora ryo gushaka itike y’igikombe cy’Isi cya 2026.

    Wari umukino kandi wa mbere w’umutoza Torsten Frank Spittler wagombaga kwiyereka abanyarwanda nyuma y’uko yahawe akazi benshi bavuga ko atari agakwiriye.

    Zimbabwe yatangiye umukino ubona ko iri hejuru y’u Rwanda ndetse iminota 30 ya mbere wabonaga yihariye umukino ariko nta buryo bukomeye yahushije.

    Iminota 15 ya nyuma y’igice cya mbere, abasore b’Amavubi bari bamaze kwinjira mu mukino ndetse batangira gusatira.

    Baremye uburyo butandukanye ndetse bwari kuvamo ibitego ariko ntibabasha kububyaza umusaruro, nk’umupira Mangwende yahinduye imbere y’izamu hakabura ushyira mu izamu, umupira Sahabo yateye ariko Nshuti Innocent akawilutangwa n’ubwugarizi ndetse n’undi mupira Sahabo yateye uvuye muri koruneri ariko Mugisha Bonheur yashyiraho umutwe ukanyura hanze gato y’izamu. Igice cya mbere cyarangiye ari 0-0.

    Mu gice cya kabiri Amavubi yabonye amahirwe andi mahirwe yakavuyemo nk’umupira Sahabo yahaye Nshuti Innocent mu rubuga rw’amahina n’undi Mugisha Gilbert yahaye Papy ariko bananirwa kuyabyaza umusaruro. Umukino warangiye ari ubusa ku busa.

    Amavubi y’u Rwanda azagaruka mu kibuga tariki ya 21 Ugushyingo 2023 mu mukino wa kabiri w’ijonjora ryo gushaka itike y’igikombe cy’Isi 2026.

    Source : http://isimbi.rw/siporo/article/mu-myambaro-mishya-amavubi-yanganyije-na-zimbazwe

  • Amavubi yaguye miswi na ZimbabweAabanyarwanda bavuga ko nta mwataka ikipe ifite #rwanda #RwOT

    Umukino wahuzaga ikipe y'igihugu cya Zimbabwe n'ikipe y'Igihugu Amavubi warangiye amakipe yombi anganya ubusa kubusa.

     

    Ni umukino wabereye kuri Stade ya Huye,aho amakipe yombi yatangiye akina neza , gusa Zimbabwe igaragara nk'irimo kwirinda cyane yanga kwataka.

     

    Amavubi , yagaragaje gukina neza , gusa ikibazo kikaba gushyira mu izimu nyamara abafana babona ko amahirwe menshi byari kuba igitego.

     

    Hagati mu mukino u Rwanda rwari rufite amahirwe kuko u Rwanda rwari rufite amahirwe angana hafi na 60% mu kwiharira umupira , abakinnyi bakina neza gusa ikibazo kikaba kureba mu izamu.

     

    Nk'uko byavuzwe Amavubi akeneye kubona umukinnyi ushyira ibitego mu izina.

     

    Rwanda , ruzongera kujya mu kibuga ruri gukina n'Ikipe ya Afurika y'Epfo muri iyi mikino yo gushaka itike yo kujya mu gikombe cy'Isi.

    The post Amavubi yaguye miswi na ZimbabweAabanyarwanda bavuga ko nta mwataka ikipe ifite appeared first on The Custom Reports.

    Source : https://thecustomreports.com/amavubi-yaguye-miswi-na-zimbabweaabanyarwanda-bavuga-ko-nta-mwataka-ikipe-ifite/

  • Kudakora siporo bingana no kunywa itabi – #rwanda #RwOT

    Ubushakashatsi bwashyizwe ahagaragara mu kinyamakuru The Time bugaragaza ko kudakora siporo bigira ingaruka zimeze nk'iz'umunywi w'itabi. Gukora imyitozo bifasha umutima gukora neza, bifasha inyama z'umubiri gukora neza, bifasha amagufwa gukomera, bifasha ibihaha kugubwa neza, birwanya umunaniro ukabije ndetse bigatera akanyamuneza.

    Ubundi bushakashatsi bwo muri Cleveland Clinic bwakorewe muri Leta Zunze Ubumwe z’Amerika muri 2019 bwasanze abantu benshi baza kwivuza zimwe mu ndwara zifata ibihaha n'umutima ari bo benshi ndetse basanga bene abo bantu badakunda gukora siporo. Muri make bene abo bantu ntaho baba bataniye n'abanywi b'itabi kuko usanga indwara bose barwaye ntaho ziba zitaniye.

    Docteur Jabel, umwe mu bari bayoboye ubu bushakashatsi agaragaza ko bamwe mu bantu bagerageje gukora imyitozo kuri tapis roulant ntaho bahurira na za ndwara z’ubuhumekero, mu gihe ba bandi batabikora baba bafite ibimenyetso nk'iby'abanywi b'itabi neza neza.

    Ibi kandi ngo bishatse kuvuga ko uko umuntu akora siporo kenshi ni nako yongera amahirwe yo kubaho. Dr. Jabel asoza avuga ko nukora imyitozo ngororangingo mu buryo buhoraho bizakurinda zimwe mu ndwara zidakira zirimo diabete, cancer, izifata umutima ndetse n'ibihaha. Ikindi cyiza kurushaho n’uko uko ukora imyitozo ari nako iminsi yawe yo kubaho yiyongera.

    Source : https://inyarwanda.com/inkuru/136548/kudakora-siporo-bingana-no-kunywa-itabi-136548.html

  • Kuri uyu wa Gagatatu tariki 15 Ugushyingo 2023 guhera saa cyenda kuri sitade mpuzamahanga ya Huye hari kubera umukino wa mbere w’ijinjora ry’imikino y’igikombe cy’Isi mu itsinda C aho Amavubi ariyo yakiriye Zimbabwe.

    Kuri iyi sitade umukino Amavubi aheruka kuhakinira yanganyije na Senegal igitego 1-1 mu gushaka itike y’igikombe cy’Afuruka. Uyu kandi ni umukino wa mbere umutoza mushya w’Amavubi ukomoka mu Budage Frank Spliter.

    Ku kijyanye n’ubwitabire kuri uyu mukino, ntabwo abafana ari benshi ndetse uramutse ugereranyije ntabwo abarimo barenga 30% bijyane n’imyanya iri muri sitade.

    Uko umukino uri kugenda  umunota ku munota:

    39′ Abasore b’Amavubi bari gukorera cyane amakosa aba Zimbabwe hakavamo kufura ariko ntibazibyaze umusaruro

    35′ ikipe y’igihugu ya Zimbabwe ibonye kufura nziza ariko Musona ayitera nabi inyura hejuru y’izamu kure maze Ntwali Fiacre ahita atanga umupira vuba kwa Imanishimwe Emmanuel Manguende nawe azamuka yiruka awuhinduye imbere y’izamu uragenda habura ukozaho urarengta

    32′ Umukino watangiye gushyuha cyane, umupira urava ku izamu rimwe ujya ku rindi,Migisha Gilbert aracenze arekura ishoti ariko umupira uhita ishyirwa muri koroneri 

    30’ikipe y’igihugu y’u Rwanda, Amavubi ahushijwe igitego aho Dzvukamanja abonye umupira ari wenyine mu rubuga rw’mahina ariko Mutsinzi Ange aza yiruka aratabara 

    28′ Ikipe y’igihugu y’u Rwanda, Amavubi ari gusatira cyane ndetse arinako abana uburyo imbere y’izamu nkaho Nshuti Innocent ashyize umupira ku mutwe ariko unyura hepfo y’izamu gato cyane 

    15′ Ikipe y’igihugu y’u Rwanda iri kugerageza kuzamuka ngo isatire binyuze ku bakinnyi nka Byiringiro Lague ariko abakinnyi ba Zimbabwe bari gukina cyane

    13′ Umukinnyi ukina mu kibuga hagati,Banda yarazamukanye umupira acenga ashaka Musona ariko umupira ntiwamugeraho 

    11′ Ntwali Fiacre yaragize ikibazo mujishonta muntu umukozeho ariko ahita yongera aba muzima

    9′ Byiringiro Lague aryamye hasi arikwitabwaho n’abaganga

    6′ Ikipe y’igihugu ya zambibwe yaribonye uburyo imbere y’izamu aho Muskwe yyinjiye mu rubuga rw’amahina acenga ariko Imanishimwe Emmanuel Manguende aratabara aramubangamira ,Ntwali Fiacre ahita awufata

    4′ Aamavubi ari guhererekanya neza cyane mu kibuga cyane cyane binyuze kuri Byiringiro Lague

    Abakinnyi 11 b’Amavubi babanje mu kibuga:

    Ntwari Fiacre

    Omborenga Fitina

    Imanishimwe Emmanuel Mangwende

    Mutsinzi Ange

    Manzi Thierry

    Mugisha Bonheur

    Mugisha Gilbert

    Bizimana Djihad

    Nshuti Innocent

    Hakim Sahabo

    Byiringiro Lague

    Abakinnyi 11 ba Zimbabwe babanje mu kibuga:

    Dovon

    Takwara

    Hadebe

    Lunga

    Mbeba

    B.Banda

    Nakamba

    Munetsi

    P.Dube

    Musona

    Muskwe

    14: 30′ Abakinnyi bo ku mpande zombi barimo barishyushya

    14:38′ Abakinnyi bose basubiye mu rwambariro

    14:55′ Hari kuririmbwa indirimbo y’ubahiriza igihugu ya Zimbabwe

    14: 57′ Hari kuririmba indirimbo y’igihugu y’u Rwanda

    Abakinnyi b’Amavubi batakoreshejwe kuri uyu mukino

    Bamwe mu bafana ba Zimbabwe

    Abakinnyi ba Zimbabwe ubwo bageraga ku kibuga

    Guhera saa sita abafana batari benshi batangiye kwiniira muri sitade

    Source : https://inyarwanda.com/inkuru/136552/liveamavubi-yakiriye-zimbabwe-amafoto-136552.html

  • Menya ubusobanuro bw'izina Daniel , imico n'imiterere by'abaryitwa #rwanda #RwOT

    Izina Daniel yitwa abantu benshi ariko usanga hafi ya bose batazi icyo rishatse gusobanura ari nayo mpamvu twahisemo kubashakira ubusobanuro bwaryo.

     

    Izina Daniel rikomoka ku rurimi rw'Igiheburayo, rikaba risobanuye ngo 'Imana niyo mucamanza wanjye' [God is my  Judge].Iyo umwana w'umuhungu yiswe iri zina, ararikunda cyane ndetse akajya yumva yaribwira uwari we wese kubera uburyo ari ryiza.

     

    Ababyeyi baba bashaka kurera abana babo babatoza agakiza, bagirwa inama yo kwita abana babo izina Daniel dore ko abantu basomye mu gitabo cya Daniel cyo muri Bibiliya, kigaragaza umugabo Daniel , nk'umugabo wabashije gusangira n'Intare.

     

     

    Kuba Daniel yarabashije kubaha Imana, ninako bigendekera abantu bitwa iri zina kuko abitwa Daniel bakunda kubaha Imana ndetse bakarangwa n'ibikorwa byiza.

     

    Abantu bitwa ba Daniel bakunda kuba abantu beza, bitonda ndetse bakaba bazi kubana neza n'abagenzi babo icyo byabasaba cyose.

     

    Abantu bitwa ba Daniel, bakunda kuba inyangamugayo , bakaba abizerwa kubo bakundana [Loyal to their Loves].

     

    Mubandi bitwa iri zina harimo ; Umukinnyi wa Filime witwa Daniel Padilla,  Daniel Radcliffe, Daniel Gabriel , n'umuhanzi Daniel John.

    The post Menya ubusobanuro bw'izina Daniel , imico n'imiterere by'abaryitwa appeared first on The Custom Reports.

    Source : https://thecustomreports.com/menya-ubusobanuro-bwizina-daniel-imico-nimiterere-byabaryitwa/

  • Urupfu rw'umunyezamu wa Zimbabwe iri gukina n'u Rwanda rutunguye benshi #rwanda #RwOT

    Inkuru ibabaje kubafana b'ikipe y'Igihugu ya Zimbabwe ni inkuru y'umunyezamu wabo wapfuye azize indwara y'umutima ubwo yari mu myitozo imutegura kuza mu Rwanda guhangana n'Amavubi.

     

    Uyu munyezamu George Chigova wa Zimbambwe , yaje kugira ikibazo cy'umutima mu kwezi kwa 7 bituma ava mu mikbuga kugeza ubwo amakuru y'urupfu rwe yatangajwe.

     

    Uyu mukinnyi wakiniraga mu gihugu cya Amerika ndetse akaba yaranakiniye ikipe ya Dyanamos

    The post Urupfu rw'umunyezamu wa Zimbabwe iri gukina n'u Rwanda rutunguye benshi appeared first on The Custom Reports.

    Source : https://thecustomreports.com/urupfu-rwumunyezamu-wa-zimbabwe-iri-gukina-nu-rwanda-rutunguye-benshi/

  • Urwango rukomeje kwiyongera hagati ya Rayvanny na Harmonize bapfa umukobwa n'imishinga #rwanda #RwOT

    Abahanzi bamamaye murizika ya Tanzania ,  Harmonize na Rayvanny ntabwo bari kujya imbizi nyuma y'aho aba bombi bikomeje kuvugwa ko urwango  rwabo rwaturutse kuri Paula Kajala no kubihangano bishya bafite muri muzika.

     

     

    Aba bahanzi bombi bafitanye amateka.Harmonize na Rayvanny bombi batangaje ko bazashyirira hanze imishinga yabo icyarimwe.Rayvanny yatangaje ko hari umushinga w'indirimbo 5 '5.4.U' yari bushyirire hanze rimwe  tariki 24 Ugushyingo 2023, mu gihe na Harmonize yari yatangaje ko agiye gushyira hanze umuzingo yise 'Visit' Bongo' nano kuri iyo tariki.

     

     

    Ubwo yatangazaga ibyizo ndirimbo Rayvanny yagize ati:'Indirimbo 5 zanyu tariki 24 Ugushyingo 2024'.Uyu muhanzi agitangaza ibi abafana ba Harmonize ntabwo bamworoheye kuko yahise atangira kwibasirwa cyane bamubwira ko ashaka kwigana umuhanzi wabo.

     

     

    Umufana umwe yaragize ati:'Wananiwe gushaka indi tariki nanone urimo kwigana Konde [Harmonize]'.Undi ati:'Ikibi cyawe ni uko iyo wumvise ko Konde yashyize hanze indirimbo nawe uhita uyitangaza'.

     

     

    UBYO GUPFA UMUKOBWA

    Aba bahanzi bombi bagiye bumvikana bapfa Paula Kajala umukinnyikazi wa Filime muri Tanzania , akaba umwana Fridah Kajala wakundanga na Harmonize.

     

     

    Mu gihe kimwe, ubwo Harmonize yakundanaga na Fridah Kajala, na Rayvanny yakundanaga na Paula gusa nanone bikavugwa ko Harmonize nawe yakundaga Paulah ndetse akamufatanya na nyina kugeza no mu gihe Rayvanny yasubiraga kwa Fahyvanny wamubyariye.

     

     

    Ibi nabyo byakuruye urwango rukomeye hagati yabo bombi  kugeza na magingo aya.Mu minsi yashize ubwo bahuzwaga n'igitaramo cya Wasafi , byagaragaye ko basubiranye ariko bisa n'aho urwishe yambwa rukiyirimo.

    The post Urwango rukomeje kwiyongera hagati ya Rayvanny na Harmonize bapfa umukobwa n'imishinga appeared first on The Custom Reports.

    Source : https://thecustomreports.com/urwango-rukomeje-kwiyongera-hagati-ya-rayvanny-na-harmonize-bapfa-umukobwa-nimishinga/