Author: webrwanda

Chorale Christus Regnat yateguye igitaramo cy’amateka cyiswe i Bweranganzo izahuriramo n’umuhanzi Josh Ishimwe.

Ni igitaramo cyiswe “i Bweranganzo” kizaba tariki ya 19 Ugushyingo 2023 muri Camp Kigali.

Umuyobozi wungirije ushinzwe Imari n’Ubuyobozi muri Chorale Christus Regnat, Alice La Douce Nyaruhirira yavuze ko impamvu y’iki gitaramo ari uko bifuza gusabana n’abakunzi babo cyane ko bari bamaze imyaka 4 badakora igitaramo cyagutse nk’iki.

Ati “Ni ukugira ngo dusabane n’abantu bacu, tugaragare nkatwe Chorale Christus Regnat, twari tumaze imyaka 4 tudakora igitaramo ahanini bitewe na Covid bituma tudashobora guhura ngo dukore igitaramo nk’iki ng’iki cyagutse.”

Yakomeje avuga ko kandi gukorana indirimbo n’abahanzi b’indirimbo zisanzwe ari umwihariko wa bo kuko indirimbo atari Gospel gusa.

Ati “Twemera ko Chorale ari umuryango, umuryango muhuriramo muvukana, umwe asengera mu Bakatolike, undi asengera mu Badive undi mu Baporoso ugasanga mu rugo mugiye gusenga ariko mugarutse mu rugo murataramye, iyo mutaranye rero ntabwo ya mpano ya buri umwe muyigiza hirya, ni yo mpamvu kuririmbana na bariya basore ni wa mwihariko wo kwagura imbibi, kuririmba ntabwo ari Gospel gusa harimo Gakondo n’izi zigezweho.”

Ni igitaramo kandi bazafashwamo n’umuhanzi Josh Ishimwe wamamaye cyane mu gusubiramo zimwe mu ndirimbo zo muri Kiliziya Gatolika.

Iyi Chorale Christus Regnat iheruka gukorana indirimbo n’abahanzi bamenyerewe mu ndirimbo zisanzwe nka Gakondo, urukundo ndetse n’iz’ubukwe barimo Yverry na Andy Bumuntu bise ‘Mama Shenge’ na bo bashobora kuzagaragara muri iki gitaramo.

Iyi Chorale yakunzwe cyane mu ndirimbo nka Igipimo cy’urukundo ya Rugamba Cyprien’, 'Abatoya Ntibagapfe’, 'Kuzwa Iteka ya Umurerwa Dorothée n’izindi, yavuze ko amarembo azaba afunguye guhera saa 16h00′ ni mu gihe igitaramo kizatangira saa 18h00′.

Kwinjira muri iki gitaramo, hari itike y’ibihumbi 5 kuzagura mbere, umunsi w’igitaramo izaba ari ibihumbi 8, itike y’ibihumbi 10, umunsi w’itaramo izaba ari ibihumbi 15, itike y’ibihumbi 20 umunsi w’igitaramo izaba igura ibihumbi 25 ni mu gihe imeza y’abantu 6 ari ibihumbi 150.

Perezida wa Malawi Lazarus Chakwera yahagaritse by'ako kanya ingendo zose zo mu mahanga ze n'iz'abandi bategetsi bose bo muri guverinoma.

Yanategetse abaminisitiri bose ubu bari hanze y'igihugu kugaruka.

Mu ijambo rye ryanyuze kuri televiziyo ku wa gatatu nijoro, yanatangaje ibibujijwe mu ngendo z'imbere mu gihugu ndetse agabanyaho kimwe cya kabiri (1/2) ku bitoro bigenewe abaminisitiri n'abategetsi bo hejuru bo muri guverinoma.

Izi ngamba ziriho kugeza muri Werurwe (3) mu 2024 ubwo uyu mwaka w'ingengo y'imari uzaba urangiye.

Umutoza w’Umudage wahoze atoza ikipe y’igihugu y’u Rwanda, Antoine Hey yayishimye asingiza Zimbabwe nyuma y’uko amakipe yombi yari yanganyije 0-0.

Amavubi y’u Rwanda yaraye anganyije na Zimbabwe 0-0 mu mukino wa mbere w’ijonjora ryo gushaka itike y’igikombe cy’Isi cya 2026 wabereye kuri Stade Mpuzamahanga ya Huye.

Antoine Hey yahise anyarukira ku rukuta rwe rwa Twitter, maze ashimagiza Zimbabwe uko yitwaye nyuma yo kuva mu bihano bya FIFA.

Ati “mwitwaye neza Zimbabwe. Nyuma y’imyaka 2 mudakina mutangiye neza. Mwitwaye neza imbere y’Amavubi cyane cyane mu gice cya kabiri. “

Zimbabwe yafatiwe ibihano na FIFA mu ntangiriro za 2022 kubera uburyo Guverinoma y’iki gihugu yivanze mu miyoborere y’umupira w’amaguru.

Antoine Hey wabaye umutoza w’Amavubi muri 2017 akaza kuyatwara muri CHAN 2018 yabereye muri Maroc ariko ntibagarukane kuko ari ho yasezereye kuba umutoza w’ikipe y’igihugu, ntabwo yiyumvishije uburyo Umudage mwene wa bo Torsten Frank Spittler yagizwe umutoza mukuru w’Amavubi.

Kuva byavugwa ko ari we mutoza mushya yahise yibaza ati “Inde?” Ari nabwo yavugaga ko ari umutoza uvuye mu cyiciro cya 5 mu Budage asize amanuye ikipe mu cyiciro cya 6.

Nyuma yahise akurikizaho ubutumwa bubaza niba ari cyo gihe cye cyo kugaruka mu ikipe y’igihugu Amavubi, asaba abantu gutora.

Amakuru avuga ko uyu mutoza na we yegereye FERWAFA ayisaba ko yagaruka mu Mavubi ariko bamutera umugongo, akaba yarababajwe cyane n’uburyo batamufashe bagafata Torsten Frank Spittler arusha ibigwi.

Urubuga rwa YouTube ni rumwe mu mbuga zicururizwaho imiziki cyane kurusha izindi mbuga byumwihariko muri Afurika. Hari bamwe mu bagore bakunzwe cyane muri Afurika mu bihangano bakora umunsi ku wundi bigatuma bakurikirwa cyane kuri uru rubuga.

Mu bagore 10, hagaragaramo 3 bakomoka mu gihugu cya Tanzania ndetse n’uwa mbere akaba akomoka muri iki gihugu mu gihe abandi 6 bose bakomoka mu gihugu cya Nigeria n’undi umwe ukomoka muri Kenya.

Dore urutonde rw’abagore bakurikiranwa cyane ku rubuga rwa YouTube muri Afurika.

10. Diana Bahati 

Diana Bahati ni umugore w’umuhanzi Bahati Kenya akaba akurikirwa n’abantu 986,000 ku rubuga rwa YouTube bikamugira umugore wa mbere ukurikirwa ku rubuga rwa YouTube muri Kenya akaba uwa 10 muri Afurika yose. 

9. Guchi 

Umuhanzikazi Ugochi Lydia Onuoha wamenyekanye mu muziki ku izina rya Guchi, niwe muhanzikazi uza ku mwanya wa kenda mu bahanzikazi bakurikirwa cyane ku rubuga rwa YouTube muri Afurika aho afite abamukurikira bangana na Miliyoni imwe.

8. Rose Muhando 

Umuhanzikazi Rose Muhando ukomoka muri Tanzania yamenyekanye mu ndirimbo zo kuramya no guhimbaza Imana haba mu myaka yatambutse ndetse no muri iki gihe. Uyu muhanzikazi wamamaye cyane muri Afurika y’Iburasirazuba, akurikirwa n’abantu 1,100,000 ku rubuga rwa YouTube. 

7. Nandy 

Umuhanzikazi Faustina Charles Mfinanga w’imyaka 30 wamamaye mu muziki wa Tanzania ndetse no ku Isi hose ku izina rya Nandy, ni we mugore wa karindwi ukurikirwa cyane kuri YouTube mu bagore bose bo muri Afurika aho akurikirwa n’abantu 1,200,000.

6. Tiwa Savage 

Umuhanzikazi Tiwa Savage ufatwa nk’umwamikazi mu muziki wa Nigeria akaba aherutse no gutaramira mu Rwanda mu iserukiramuco rya African Giants, niwe uri ku mwanya wa Gatandatu mu bagore bakurikirwa cyane kuri YouTube aho akurikirwa n’abantu 1,300,000.

5. Ayra Starr 

Umuhanzikazi Oyinkansola Sarah Aderibigbe wamenyekanye mu muziki nka Ayra Starr akamamara cyane kubera indirimbo Rush inahatanye mu bihembo bya Grammy bizatangwa mu ntangiriro z’umwaka utaha, akurikiwa n’abantu 1,500,000 kuri YouTube bimugira umuhanzikazi wa Gatanu ukurikirawa cyane kuri YouTube n’ubwo agifite imyaka 21 gusa.

4. Ada Ehi 

Umuhanzikazi Ada Ogochukwu Ndukauba wamenyekanye ku mazina ya Ada Ehi mu ndirimbo zo kuramya no guhimbaza Imana kuva mu mwaka wa 2009 atangira umuziki, niwe muhanzikazi wa Kabiri ukurikirwa cyane kuri YouTube mu bakora indirimbo zo kuramya no guhimbaza Imana akaba uwa Kane mu bahanzikazi bo muri Afurika bose. Ada Ehi akurikirwa n’abantu 1,700,000.

3. Sinach

Osinachi Kalu Okoro Egbu wamenyekanye ku mazina ya Sinach ni we mugore ukora indirimbo zo kuramya no guhimbaza Imana ndetse akaba umugore wa Gatatu mu bakurikiranwa cyane ku rubuga rwa YouTube. Uyu muhanzikazi wakunzwe cyane mu ndirimbo I know who I am akurikirwa n’abantu 2,100,000.

2. Yemi Alade 

Kuva mu mwaka wa 2005, abantu bakunze cyane ijwi ndetse n’ibihangano by’umuhanzikazi Yemi Eberechi Alade wamenyekanye mu muziki nka Yemi Alade. Kuva icyo gihe yigaruriye imitima ya benshi yatumye anatwara igihembo muri Trace Awards mu birori biherutse kubera muri BK Arena. Bitari ugutwara ibihembo gusa, abanyuzwe n’ibihangano bamweretse urukundo bituma aba umuhanzikazi wa kabiri ukurikirwa cyane muri Afurika aho akurikirwa n’abantu 2,200,000.

1. Zuchu

Zuchu wavukiye mu muryango w’abanyamuziki atangira gukorera umuziki mu biganza byiza bya Wasafi, niwe muhanzikazi wa mbere muri Afurika ukurikirwa cyane ku rubuga rwa YouTube. Abarenga 3,000,000 bamukurikira rubuga rwa YouTube. 

Iyo umuntu anyweye ikinyobwa gisindisha, alcool ikirimo inyura mu mara uko yakabaye nta kintu na kimwe umubiri uyihinduyeho, bityo igahita igera mu maraso byihuse.

Iminota hagati ya 15 na 30 gusa irahagije kugira ngo umuntu unyweye inzoga ashonje asinde, naho uwafashe amafunguro mbere yo kunywa ibisindisha bifata hagati y'iminota 30 na 60 kugira ngo asinde. Binyuze mu maraso, inzoga ihita ikwirakwira mu ngingo zose z'umubiri cyane cyane umwijima, umutima ndetse n'ubwonko.

Iyo inzoga igeze mu mwijima ihindurwa na wo buhoro buhoro ku kigero cya 95% ari na byo umubiri usigarana naho 5 % bisigaye bigasohorwa mu mubiri binyuze mu bihaha byifashishije umwuka umuntu ahumeka, mu mpyiko zifashishije inkari, ndetse no mu ruhu binyuze mu byuya.

Wakwibaza uti 95% by'inzoga umubiri ugumana, biwugirira akamaro cyangwa birawonona?

Nk'uko twamaze kumenya ko inzoga inyura mu ngingo zose ihereye mu mara, niko aho inyuze hose igenda ihangiza. Haba mu mara, ubwonko, umwijima, umutima, urwungano rw'imitsi n'imyakura, umutima ndetse n'urwungano ngogozi rwose muri rusange.

Urubuga www.doctissimo.fr  ruvuga ko inzoga zigira ingaruka ku bwonko ku rugero rumwe n'urumogi ndetse n'ibindi biyobyabwenge byose.

Iyo ubwonko bumaze kurengwa n'inzoga ku kigero runaka, bizana izindi ngaruka zirimo gukora nabi, kugenda buhoro, amaso agatangira kubona nabi no kwibagirwa.

Ikindi ni uko umuntu atangira gutakaza ubushobozi bwo guhuza ibikorwa by'umubiri we no kubigenzura, kudandabirana, uburyo bwo kubona ibintu no gufata ibyemezo na byo bikagenda bigabanuka.

Ingaruka z'igihe kirekire zigaragara mu byiciro bikurikira:

Icyiciro cya mbere kijyanye no kureshywa n'inzoga:

Umuntu atangira kumva agasembuye kamureshya iyo ikigero cy'inzoga kiri mu maraso kiri munsi ya garama 0,7 muri litiro y'amaraso. Kuri iki kigero umuntu atangira kumva amarangamutima y'ibyishimo, umunezero, kunyurwa, kwiyumvamo akanyabugabo no gutinyuka, kugira amagambo menshi no kwiyegereza abantu cyane. Gusinda biba byatangiye kumugeraho.

Icyiciro cya kabiri ni ugusinda nyabyo:

Kuri iki cyiciro igipimo cy'inzoga iri mu maraso kiba ari garama hagati ya 0,7 na garama 2 muri litiro imwe y'amaraso.

Aha ibimenyetso byo gusinda biriyongera bikarenga ibyo ku cyiciro kibanza, amaguru ntabe agifata hasi, kudandabirana bikarushaho, akananirwa kuvuga ururimi rukagobwa ari na byo biganisha ku guhondobera.

Icyiciro cya gatatu ni uguhondobera

Iyo umusinzi ageze kuri iki cyiciro, igipimo cy'inzoga iri mu maraso kiba kirenze garama 2 muri litiro imwe y'amaraso.

Icyiciro cya 4 ni ugusinzira cyane (cyangwa kujya muri koma) mu gifaransa ni byo bita 'coma ethylique'.

Kuri iki cyiciro umusinzi aba yafashe igipimo cy'inzoga kirenze garama 3 muri litiro 1 y'amaraso. Kirangwa n'umuvuduko w'amaraso uri hasi, guhumeka ndetse n'igipimo cy'ubushyuhe na byo biba biri hasi cyane. Uyu muntu iyo adakurikiranywe n'abaganga aba ashobora no gupfa.

Usibye izi ngaruka zigaragara ku buzima bw'uwanyoye inzoga, hari n'izindi zigaragara mu myitwarire ye:

• Ubusinzi buhuzwa n'impfu zituruka ku mpanuka zo mu muhanda ku kigero cya 40 %, hagati ya 25-35 % ku mpanuka z'imodoka ariko zidatwara ubuzima bw'abantu, 64 % mu guteza inkongi z'umuriro na 50% mu bwicanyi.

• Inzoga ziba intandaro y'ibyaha ku kigero cya 50 na 60%. Rimwe na rimwe umuntu wanyweye inzoga afata imyanzuro ahubutse atabanje gutekereza ku ngaruka ndetse zamara kumugeraho akisanga mu ntege nke hamwe atabasha no kwisobanura no kwirwanaho.

• Umuntu wabaswe n'inzoga bimwongerera ibyago byinshi byo gukora imibonano mpuzabitsina itumvikanyweho ndetse idakingiye ari na byo byamugusha mu kwandura indwara zandurira muri yo.

Mu ngaruka z'igihe kirekire hazamo indwara zitandukanye nka kanseri yo mu kanwa, mu muhogo, indwara z'umwijima (cirrhose) n'urwagashya, umutima, izifata urwungano rw'imyakura ndetse n'izijyanye n'imitekerereze n'ubuzima bwo mu mutwe nka depression (kwiheba cyangwa agahinda gakabije), n'izindi.

Inkuru ya doctissimo iravuga ko umuntu unywa inzoga ubwoko ubwo ari bwo bwose, guhera ku kirahure kimwe ku munsi yaba Divayi, byeri cyangwa inzoga zikomeye, aba afite ibyago byinshi byo kurwara kanseri. Impamvu ikaba ari uko ikinyabutabire kiba muri ibyo binyobwa byose bisindisha cyitwa ethanol ari cyo kiba intandaro yo kurwara kanseri.

Hari abantu batemerewe kunywa inzoga habe na gake: Abo ni ababyeyi batwite n'abonsa, abana, ingimbi n'abangavu, umuntu uri ku miti imwe n'imwe, n'umurwayi w'indwara zimwe na zimwe n'umuntu ukora siporo zikomeye.

Uburyo bwo kugabanya izi ngaruka zose no kuzirinda kuri ba bandi bumva batareka kunywa agasembuye:

• Kwirinda kunywa ibisindisha iminsi myinshi ikurikiranye,

• Gufata amafunguro mbere yo kunywa no kwitoza kunywa amazi mu gihe wanyoye ibisindisha

• Kwirinda gutwara ibinyabiziga wanyoye inzoga no gukoresha imashini n'ibindi

Dusobanukirwe na gahunda ya Leta y'u Rwanda yitwa Tunyweless

 

Gahunda ya Tunyweless yatangiye muri Nyakanga ya 2023 imara amezi 3. Igamije gushishikariza abari hagati y'imyaka 18-35 kunywa ibisindisha ku kigero cyo hasi kugirango babeho ubuzima bwiza. 

Ni mu gihe icyiciro cya kabiri cyatangiye mu Ugushyingo ikazarangira muri Mutarama ya 2024. Ubukangurambaga bwayo bugamije'Inzoga si iz'Abato, Abakuru'. Ubwo twegereje iminsi mikuru kandi ni cyo gihe abantu birekura cyane bakanywa cyane.Ni wo mwanya wo kwibutsa ko Inzoga atari iz’abato kandi abakuru bakwiye kunywa mu rugero ku bahisemo kunywa inzoga.

 

Ibyamamare hari umusanzu byatanga mu kubaka igihugu kitari icy'abasinzi

 

 

Gukangurira abanyarwanda n’abaturarwanda kurwanya kunywa inzoga zirengeje urugero no kwibutsa ko zibujijwe ku bataruzuza imyaka 18. Kirazira kandi kikaziririzwa guha umwana inzoga. Bihanwa n’amategeko. Abahanzi babyifuza bakore ibihangano bijyanye na TunyweLess nk’umusanzu wabo muri iiyi gahunda kuko iratureba twese, dufatanye twubake ejo heza h’igihugu.

 

 

Uruhare rw’abahanzi muri TunyweLess ni ugukoresha imbaraga zabo no kugira uruhare mu kumenyekanisha ubu bukangurambaga binyuze mu nzira zinyuranye yaba mu bihangano byabo  cyangwa se bakoresheje  imbuga nkoranyambaga (social media) zabo, mu biganiro, aho bahawe umwanya wo kuganiriza urubyiruko, kugirango bakwirakwize ubutumwa:' Inzoga si iz’Abato, Abakuru #TunyweLess'.

 

Abahanzi bafatanya guhanga udushya, no kongera ubumenyi ku bibi  by’inzoga n’ingaruka zazo ku buzima, ku muryango, mu kazi no muri sosiyete. 'Burya abahanzi bagira uruhare rukomeye  mu guhindura imico n’imyumvire cyane cyane mu rubyiruko. 

Uruhare rwabo ni ingenzi cyane mu guhindura imyumvire n’imyitwarire y’abantu kandi yagira ingaruka nziza cyangwa mbi muri sosieyete. Barasabwa rero gukangurira urubyiruko kwirinda inzoga zirengeje urugero  barushishikariza gukunda ubuzima no kwita kuri ejo heza habo n’ah’Igihugu. Bashimangira ko zibujijwe ku bari munsi y’imyaka 18.'

 

Umuhanzi akaba n'umuganga Tom Close yagize ati 'Igisubizo cyo kugabanya ubusinzi si kimwe kuko n'impamvu abantu banywa inzoga si zimwe”. Yongeyeho ko bishoboka kuba icyamamare cyabaho kitanywa inzoga cyo kimwe n'undi wese ko wabaho utanywa inzoga ukagira ubuzima bwiza.

 

Ni mu gihe Minisitiri w'Ubuzima, Dr Sabin Nsanzimana yagize ati:' Inzoga zibangamira ihuzanzira y'imikorere y'ubwonko ariyo mpamvu ubona umuntu wasinze agenda agwirirana cyangwa se agahera hasi. Buriya ubwonko buba buzi ko aryamye iwe ku buriri”.

Yanahishuye ko inzoga zangiza uturemangingo ndangasano'DNA' ku buryo ushobora kubyara abana bikabagiraho ingaruka mu hazaza habo. 

Yashoje asaba abanyarwanda gushora mu mubiri bakiyitaho kuko nta nsimburamubiri ibaho. Ubuzima ni igishoro ukwiriye kubungabunga'.