Webrwanda Backend

Author: webrwanda

  • Kamonyi: Umugabo witwa Tuyisenge yatemaguwe n’abagizi ba nabi bamuca kimwe mu bice bigize umubiri we  – YEGOB #rwanda #RwOT

    Kamonyi: Umugabo witwa Tuyisenge yatemaguwe n'abagizi ba nabi bamuca kimwe mu bice bigize umubiri we.

    Mu Karere ka Kamonyi mu Murenge wa Nyarubaka mu Kagari ka Nyagishubi mu Mudugudu wa Nombe haruvugwa inkuru itari nziza y'umugabo witwa Tuyisenge Emmanuel w'imyaka 37 y'amavuko watemaguwe mu mutwe no ku maboko bikarangira banamuciye urutoki.

    Izi nkozi z'ibibi zatemye Tuyisenge Emmanuel ntabwo ziramenyekana gusa biravugwa ko batari ibisambo byashakaga ku mwambura utwe kubera ko uyu mugabo nta kintu nta kimwe yari afite bigeze bamwambura.

    Source : https://yegob.rw/kamonyi-umugabo-witwa-tuyisenge-yatemaguwe-nabagizi-ba-nabi-bamuca-kimwe-mu-bice-bigize-umubiri-we/

  • Umunyonzi wari utwaye ibisheke yashatse kunyura ku ikamyo yari itwaye amavuta yerekeza i Rusizi agwa mu mapine yayo – YEGOB #rwanda #RwOT

    Umunyonzi wari utwaye ibisheke yashatse kunyura ku ikamyo yari itwaye amavuta yerekeza i Rusizi agwa mu mapine yayo, ihita imuhitana mu mpanuka yabaye mu gitondo cyo ku wa Gatandatu tariki 18 Ugushyingo 2023.

    Ni impanuka yabereye mu muhanda wa kaburimbo Kivu Belt, igice kimanuka cyane cyo mu Mudugudu wa Munimba, Akagari ka Rugali, Umurenge wa Macuba, Akarere ka Nyamasheke ahagana saa kumi n'ebyiri n'igice za mugitodo.

    Uwo munyonzi yaje ahuruduka ashatse ku nyura kuri iyo kamyo yayo yamanukaga ibisheke biyikoraho na we ahita agwa mu mapine yayo ahita apfa.

    Umunyamabanga Nshingwabikorwa w'Umurenge wa Macuba Habimana Alfred, yabwiye Imvaho Nshya dukesha iyi nkuru ko iyo kamyo ifite ibirango RAD 547Y yari itwawe na Bwanakweli Jean.

    Amavuta yo guteka yari itwaye yayavanaga mu Mujyi wa Kigali iyajyanye mu Mujyi wa Rusizi, kubera ko bari bageze ahantu hamanukaga kandi umunyonzi avuduka cyane, ntabwo byari korohera uwo mushoferi guhita ahagarara atamuciye hejuru.

    Uwo munyonzi yitwa Hakizimana Donatien w'imyaka 33, akigwa mu mapine y'iyi kamyo umushoferi ngo ntiyahise abimenya, yakomeje aragenda undi ayirimo, abimenya ageze muri metero 50 uvuye aho yayinjiriyemo.

    Ageze mu Murenge wa Kanjongo, nib wo yahagaze asanga umunyonzi ari mu mapine yapfiriyemo n'umwirondoro we ntiwahita umenyekana kuko hashize umwanya munini bagerageza gukura umubiri we mu mapine aho yari yahagamye.

    Gitifu Habimana ati: 'Uyu mugabo usize umugore n'abana 2 akuwe muri aya mapine umwirondoro we waje kumenyekana, dusanga ari uwo mu Mudugudu wa Karamba, Akagari ka Mutongo, Umurenge wa Macuba. Kubera ko batwara ibisheke babitambitse, yashatse guca kuri iriya kamyo ibisheke biyifataho, biramukurura bimutura mu mapine yayo, arangirika bikomeye ari ko guhita ashiramo umwuka.'

    Iyi mpanuka yabereye hafi ya camera y'umutekano wo mu muhanda izwi ku izina rya sofiya, hakaba hari hashize umwaka urenga gato nanone aha habereye indi mpanuka y'ikamyo yanagonze iyi camera umushoferi wari uyitwaye akahasiga ubuzima.

    Hari hashize ikindi gihe habereye impanuka ya minibisi (Hiace), yari irimo abari baturutse i Rubavu, baje guhemba umukobwa wabo wari warabyaye, atuye i Kamembe mu mujyi wa Rusizi, igwa munsi y'umuhanda abari bayirimo hafi ya bose irabahitana.Gitifu w'Umurenge wa Macuba Habimana Alfred, avuga ko hakunze no kubera izindi mpanuka kuko hahanamye cyane, agasaba abatwara ibinyabiziga n'abagenda n'amaguru kujya bitondera aka gace kuko kagira ingusho cyane.

    Yanasabye ababishinzwe ko bareba uburyo aka gace kashyirwamo ibyapa biburira kuko akeka ko bamwe mu bahagwa baba batanahazi neza, agakeka ko byagabanya izi mpanuka zihibasira.

    Ni impanuka ibaye nanone ikurikira indi yabereye ku Kadasomwa mu Karere ka Rusizi ku wa Gatanu tariki ya 17 Ugushyingo, igahitana abantu batatu n'inka 18.

    Ubuyobozi burasaba abaturage kwigengesera kimwe n'abatwara ibinyabiziga bakarushaho kubahiriza amategeko y'umuhanda kuko umusanzu wabo ushobora kugira uruhare runini mu kurinda impanuka za hato na hato.

    Umurambo wa nyakwigendera umaze gukurwa mu mapine y'ikamyo wajyanwe ku Bitaro bya Kibogora kugira ngo ukorerwe isuzuma mbere yo gushyingurwa.

    Source : https://yegob.rw/umunyonzi-wari-utwaye-ibisheke-yashatse-kunyura-ku-ikamyo-yari-itwaye-amavuta-yerekeza-i-rusizi-agwa-mu-mapine-yayo/

  • Miss Universe 2023 Sheynnis Palacios agiye a… – #rwanda #RwOT

    Ni uruhererekane rwa Saphire aho agace gato k'iri buye kagura $25. Ririya Kamba rya Miss Sheynnis Palacios rikozwe n'uduce 110 twa Saphire, uduce 48 twa Diyama.

     

    Ikamba rihagaze asaga  Miliyoni  6 Frw ($5m) akaba agiye kumara umwaka ahembwa Asaga Miliyoni 300  Frw mu gihe cy'umwaka (U$250,000).

     Urubuga rwitwa naturaldiamonds.com rwibanda kuri aya makamba rusobanura ko ririya Kamba ryaraye rihawe Miss Sheynnis Palacios risobanura imbaraga zo gukora icyiza. Ikindi kandi rikaba risobanura ko ububabare bugomba guhindurwamo imbaraga mu rwego rwo gutegura ahazaza heza no guhindura inzitizi ubuhanga bukubera itabaza.

    Umuyobozi wa Miss Universe ari nawe nyiri iri rushanwa Anne Jakrajutatip yasobanuye ko ririya Kamba rifite ishusho y'umutwe w'inzoka usobanura ibibazo abakobwa bacamo ariko bakaba bagomba kubinyuramo bemye. 

    Miss Sheynnis Palacios usibye ikamba rihagaze  asaga Miliyoni 6 Frw azahembwa Miliyoni 314,750,000 Frw mu gihe cy'umwaka ($250,000).


     Ubaze neza ubona ko buri kwezi azajya ahembwa Miliyoni 26 Frw. Urebye umushahara wa Perezida wa Nicaragua afata buri kwezi ni hafi Miliyoni 4 Frw (U$3,193). Bivuze ko ufashe umushahara wa Miss  yahemba neza Perezida w'igihugu cye  mu gihe cy’amezi 7 yiyacariye.

     

    Mu gihe cy'umwaka uyu mukobwa w'imyaka 23 azajya ahabwa byose ku buntu birimo ibirungo by'ubwiza'makeup', amavuta ahenze agezweho azajya yisiga . Ingendo zose azajya akora ku Isi hose azajya aba ari mu ndege mu myanya y'abanyacyubahiro. Imyenda azajya yambara izajya iba yaguzwe nta giceri kivuye ku mufuka we. 


    Si ibi gusa kuko azajya ahora ari kumwe na gafotozi mu birori bikomeye.


     Yatwaye ikamba ari ku mwanya wa 18 mu bakobwa 25 bahabwaga amahirwe na La Prensa Grafica urutonde rwakozwe na Sash Factor mbere y'umunsi umwe ngo hatangwe ikamba.


    Miss Sheynnis Palacios yatwaye ikamba ahigitse abakobwa 84 baturutse mu mpande z'isi. Yageze  kuri Final  ari muri batatu aho yari ahatanye n'umukobwa wo muri Australia n'uwo muri Thailand bose abakubita inshuro.


    Anntonia Porsild wo muri Thailand yabaye igisonga cya mbere ariko yanahabwaga amahirwe yo gutwara ikamba.

    Miss Sheynnis Palacios azahembwa Miliyoni 314 Frw mu gihe cy’umwaka ni mu gihe Perezida wa Nicaragua ahembwa miliyoni 48 Frw ku mwaka

    Hano bari bategereje kumva ugiye kumara umwaka  yinjiza akayabo

    Abakobwa bafite amakamba ya Miss Universe

    Miss Universe 2023 ikamba yahawe rifite agaciro ka Miliyoni 6 Frw

    Miss Universe 2022 yambika ikamba na Miss Universe 2023

    Miss Universe nta kintu azajya yikorera byose birishyurwa

    Nicaragua ni ubwa mbere itwaye ikamba rya Miss Universe

    Miss Universe azaba arusha amafaranga y’umushahara Perezida wa Nicaragua dore ko ahembwa $3193 ku Kwezi

    Miss Universe yambaye ikamba rihagaze miliyoni 6 Frw

    Ku myaka 23 yanditse amateka atazibagirana

    Abakobwa 5 yahigitse

    Miss USA 2022 R’Bonney  Gabriel  akaba ari we wari ufite Miss Universe 2022

    Hari ibinyamakuru byari byaraguje umutwe bigwa ku ndagu za Miss waraye atahanye ikamba


    ISOKO Y’INKURU

    Source : https://inyarwanda.com/inkuru/136677/miss-universe-2023-sheynnis-palacios-agiye-ahembwa-umushahara-ukubye-inshuro-6-uwa-perezid-136677.html

  • Béatrice yahanutae ku mukigo agwa munsi y’umuhanda ahita yitaba Imana – YEGOB #rwanda #RwOT

    Mukagatare Béatrice w'imyaka 68 yasanzwe munsi y'umuhanda ari mu migozi y' ibijumba yapfuye, mu Mudugudu wa Karambo, Akagari ka Gitega ho mu Murenge wa Rushaki.

    Abaturage bavuga ko uyu mukecuru yari avuye guhaha mu isoko rya Rushaki.

    umwana waragiraga intama hafi aho yavuze ko yamubonye ahanuka ku mukingo, agwa mu migozi y'ibijumba iri munsi y'umuhanda arapfa.'

    Nyakwigendera yari atuye mu Mudugudu wa Kabo mu Murenge wa Rushaki.

    SRC Igihe

    Source : https://yegob.rw/beatrice-yahanutae-ku-mukigo-agwa-munsi-yumuhanda-ahita-yitaba-imana/

  • Sheynnis Palacios yegukanye Ikamba rya Miss… – #rwanda #RwOT

    Miss Universe yabaye ku nshuro ya 72. Yabereye ahitwa  i San Salvador mu nyubako ya José Adolfo Pineda Arena . Ibinyamakuru byandika ku makuru y'ibyamamare byamutatse karahava. Nk’ubu hari inkuru ya pep.ph yerekana ko uyu mwari afite ubuhanga, ubwitonzi n'ubwiza budashidikanywaho. Ni umukobwa ugiye kuba itara rimurikira Isi byumwihariko akaba yitezweho kuba umusemburo w'imiyoborere yimakaza impinduka'transformational leadership'.


    Sheynnis Alandra Palacios Cornejo yabonye izuba ku itariki 30 Gicurasi 2000. Yavukiye muri Nicaragua mu mujyi wa Managua. Ni umunyempano akaba ari mwiza ku buryo budashidikanywaho. Afite impamyabumenyi y'icyiciro cya kabiri cya kaminuza mu ishami ry'itumanaho  yakuye muri  Centroamericana.


    Ni kaminuza yashinzwe mu 1960. Yakinaga Volleyball akanasiganwa yiruka igihe yigaga muri iriya kaminuza. Ni umunyamideri wabigize umwuga akaba anakora mu birori bitandukanye ari we ubiyoboye'hostess'. Asanzwe afite ibiganiro akora nk'ikitwa Al Dia gica kuri Canal 11 Nicaragua.


    Guhera mu 2016 nibwo yatangiye kwibikaho amakamba. Yegukanye bwa mbere ikamba rya Miss Teen Nicaragua mu 2016. Iki gihe yari afite imyaka 16 y'amavuko. Nyuma y'umwaka umwe hari mu 2017 yaje mu 10 bageze mu cyiciro cya nyuma mu birori byo guhatanira ikamba rya Teen Universe 2017. 


    Mu 2021 yegukanye Miss World Nicaragua. Yanaserukiye Nicaragua muri Miss World 2021 yabereye i San Juan, Puerto Rico. Yageze muri 40 bageze mu cyiciro cya nyuma cyavuyemo abatwaye amakamba. Mu 2023 yegukanye ikamba ryo kuba umukobwa wakunzwe n'abafana Miss Nicaragua 'fan favorite'. Ku itariki 5 Kanama 2023 nibwo yegukanye Miss Nicaragua 2023 ari nabwo yagize amahirwe yo guhagarira Nicaragua muri Miss Universe.



    Sheynnis yatwaye ikamba rya Miss Universe yabaga ku nshuro ya 72


    Miss Sheynnis Palacios ni mwiza akaba n’umuhanga mu bitekerezo n’imishinga


    Ni umukobwa waminuje


    Akora ibiganiro bigaruka ku ngingo z’abari n’abategarugori aho abashishikariza kwitinyuka


    Yahereye mu 2016 asakuma amakamba ahereye iwabo muri Nicaragua

    Source : https://inyarwanda.com/inkuru/136669/sheynnis-palacios-yegukanye-ikamba-rya-miss-universe-2023-136669.html

  • INDEBAKURE: Umushinga wUbukwe bwa The Ben na… – #rwanda #RwOT

    Ni ubukwe bumaze igihe bugarukwaho mu nkuru z'Ibitangazamakuru  bitandukanye, ku mbuga nkoranyambaga, mu biganiro rusange n'ahandi.

    Ubu bukwe buteganyijwe tariki 23 Ukuboza 2023 muri Kigali Convention Center, bwitezwe na benshi ku mpamvu zitandukanye, zirimo kuba aba bombi basanzwe ari ibyamamare, kuba bwaramamajwe igihe kinini, kuba bugiye kubera kuri Hoteli iri mu zihenze i Kigali n'ibindi.

    Kuva 2021 The Ben yambikira impeta Uwicyeza Pamella mu birwa bya Maldives byigonderwa n'abagwizatunga, mugani w'abaturanyi b'Abarundi ubukwe bwabo bwatangiye guhwihwiswa, kugeza bimenyekanye ko mu 2022 imiryango yombi yahuye ikemeza uyu mushinga.

    Nshobora kuba ndi gukoresha Ijambo 'Umushinga' ukayoberwa impamvu ariko ndaza kubigarukaho mu bika bikurikira kugira ngo usobanukirwe neza impamvu iryo jambo riri gukoreshwa.

    The Ben na Pamella bahuye bate?

    The Ben usanzwe ari umuturage wa Leta Zunze Ubumwe za Amerika akaba ari naho akorera ibikorwa bya Muzika, avuga ko yahuriye na Pamella mu mujyi wa Nairobi mu mpera za 2019, kuva ubwo roho ye itangira kumwishyuza uyu mwari w'ikimero gikurura benshi.

    Amakuru nkesha urubuga rw'aba bombi rwiswe www.thebenandpamella.com avuga ko aba bombi bahise batangira kuba inshuti, bakaganira kenshi, Pamella akavuga ko urwenya rw'uyu musore ari ntagereranywa kandi ko yamusetsaga bya cyane.

    Amakuru aba bombi banditse kuri uru rubuga agaruka ku nkuru y'uburyo uyu mwari yigeze gutoroka inkambi [BootCamp] yaho bari bacumbitse nk'abakobwa bitabiriye Miss Africa 2019, akajya guhura na The Ben wari umaze kumwiba umutima.

    Reka iyo nkuru y'uburyo bahuye nyicumbikire aho, ubundi  nkuganirize kuri uyu mushinga w'Ubukwe, umusesenguzi Etienne Mbarubukeye Peacemaker yitegereje agasanga ushobora gutwara arenga Miliyoni 100 Frw. [Kanda hano urebe ikiganiro twagiranye]

    Umushinga w'Ubukwe bwa The Ben na Pamella wizwe neza

    Ijambo 'umushinga' rikoreshwa kenshi umuntu ashaka kumvikanisha no kugaragaza igikorwa cyatwaye igihe runaka gitegurwa, gifite ingengabihe gikomba kugenderaho, gifite Ingengo y’Imari iteganyijwe, gifite abayobozi Nshingwabikorwa bazagishyira mu bikorwa, ndetse gifite n'ibisubizo byitezwe kuzavamo.

    Iyo witegereje ubu bukwe kuva bwatangira kuvugwa, ubona ko ari umushinga witondewe kuva ku gikorwa cyo kwambika impeta cyabereye muri Maldives, gusohokera mu bihugu bitandukanye birimo Uganda na Tanzania, gushyiraho urubuga rwo gutambutsa intwererano n'ubundi bufasha, gukodesha hoteli iri mu zihenze mu gihugu, gushyiraho uburyo bwo kubutambutsa imbonankubone n'ibindi.

    Izo mpamvu zose ngarutseho mu gika nsoje, zimpamiriza nta gushidikanya ko ubu bukwe ari umushinga wateguwe witondewe ku kigero kitari cyarigeze kibaho mu ruhando rw'imyidagaduro mu Rwagasabo.

    Kugira ngo wumve neza uburyo ubu bukwe atari ubukwe gusa ahubwo ari umushinga, hari abategura ibitaramo bitandukanye muganira bakakubwira ko bategura ibitaramo ariko guhuza amatariki n'ibyamamare byiganjemo bikagorana.

    Bivuze ko bisaba abategura gutegura ibitaramo mbere y'amezi menshi, kugira ngo umuhanzi cyangwa ikindi cyamamare gishyire ku murongo gahunda zose kugira ngo zitazagongana ku munota wa nyuma.

    INYARWANDA yahawe amakuru yizewe ko hari ibyamamare biturutse mu nguni zitandukanye z'uyu Mugabane wa Afurika , birimo Tiwa Savage [Nigeria], Diamond Platnumz [Tanzania], Zari [South Africa] bashobora kuzataha  ubu bukwe bwatangajwe mu mpera z'Ukwakira.

    Nta gushidikanya ko biramutse aribyo byaba bivuze ko ibyo byamamare navuze haruguru, byari bimaze igihe byaramenyeshejwe gahunda y'Ubukwe, kugira ngo butazahurirana n'izindi gahunda zabo kuko basanzwe bagira nyinshi.

    Ubu bukwe bushobora kwinjira asaga  Miliyari 2 Frw

    Reka tujye mu mibare tuve mu magambo, ubwo nandikaga ino nkuru, The Ben yakurikirwaga n'abantu Ibihumbi 838 kuri Instagram, Ibihumbi 668 kuri Facebook, ndetse n'Ibihumbi 37 kuri X yahoze yitwa [Twitter], uteranyijwe abo bantu bangana na 1,506,037.

    Uwicyeza Pamella akurikirwa n'abantu Ibihumbi 338 kuri Instagram . Uteranyije abantu bakurikira uyu muryango usanga bangana na 1,844,037.

    Reka tuvuge ko hari abantu bakoreshaga Imbuga nkoranyambaga batakiriho, abazikoresha ari kwica ubunebwe no kumara amasaha, abazikoresha bikundira ibyamamare n'izindi mpamvu zitandukanye, tubare ko bose ari 85% by'abakurikira uyu muryango.

    Abantu 1,844,037 ukuyeho 85% usigarana abantu 276,605 bangana na 15% by'abakurikira The Ben na Pamella. Amakuru atangwa n'urubuga www.thebenandpamella.com avuga ko umuntu asaba amafaranga 10,000 Frw  kugira ngo akurikiranwa ubu bukwe imbonankubone cyangwa anatere inkunga.

    Ufashe abantu 276,605 ugakuba n'amafaranga 10,000 Frw  niba imibare yanjye itibeshya uyu muryango waba winjije Miliyari 2, Miliyoni 766 n'Ibihumbi 50,000. [2,766,050,000 Frw]. Bivuze ko nta gihindutse ubu bukwe bushobora gusiga uyu muryango utunze imitungo ibarirwa muri Miliyari.

    Ushobora kubona iyi mibare ukikanga, ariko ishobora kuba mike bitewe n'Urwego rw'Ubwitabire cyangwa ikarenga bitewe n'ingano y'Ubushobozi bw'abantu bazatwerera ubu bukwe.


    The Ben na Pamella bagiye kurushinga, mu bukwe bwitezweho kubyara akagarubutse tariki 23 Ukuboza 2023

    Mu 2021 nibwo The Ben yasabye Pamella yo yamubera umubyeyi w'abana bazibaruka

    Kureba ubu bukwe ni ibihumbi 10 Frw unyuze ku rubuga www.thebenandpamella.com

    Source : https://inyarwanda.com/inkuru/136670/indebakureumushinga-wubukwe-bwa-the-ben-na-pamella-ushobora-kwinjiza-asaga-miliyari-2-frw-136670.html

  • Rutahizamu Willy Essomba Onana mu ikipe ya Simba yahuye n’uruva gusenya none ari gusaba ubufasha -AMAFOTO – YEGOB #rwanda #RwOT

    Rutahizamu ukomeye cyane mu ikipe ya Simba wanyuze muri Rayon Sport uzwi nka Willy Essomba Onana ari gusaba abakunzi be ubufasha ku kibazo yahuye nacyo.

    Abinyujije kurukuta rwe rwa Instagram ahashirwa ubutumwa bumara amasaha 24 yashyizeho amafoto y'umuntu wamwiyitiriye ku rukuta rwa Facebook maze arangije atangira kumuvugaho amagambo atari meza.

    Ayo magambo yagiraga ati:'Ndimo kuvugana numuntu wanzanye, ntabwo ariwowe, niba ushaka ko ngenda, ndagenda, amakipe yabuze amikoro aranyirukana.

    Nita ku kazi kanjye, nzi icyo ngomba gukora nshobora gukinira ikipe iyo ari yo yose mfite, ntabwo uri umutware wanjye'

    Onana nawe yahise avuga ko akoneye ubufasha kugirango bashyikirize uyu muntu Inzego z'umutekano.

    Konti ya Facebook yanyayo ya Onana

    Source : https://yegob.rw/rutahizamu-willy-essomba-onana-mu-ikipe-ya-simba-yahuye-nuruva-gusenya-none-ari-gusaba-ubufasha-amafoto/

  • Sitting Volleyball Misiri yaciriye inzira u R… – #rwanda #RwOT

    Kuri uyu wa Gatandatu Tariki 18 Ugushyingo 2023 , nibwo ikipe y’igihugu ya Misiri mu bagore bafite ubumuga, yageze ku mukino wa nyuma w’iki gikombe cy’Isi itsinze u Budage muri 1/2 amaseti 3-1. Misiri yahise isanga Iran ku mukino wa nyuma yo yasezereye Ukraine iyitsinze amaseti 3-0.

    Ibi Bivuze ko Misiri yamaze kubona itike y’Imikino Paralempike 2024 kuko nubwo yatsindirwa ku mukino wa nyuma na Iran ntacyo byahindura kuko Iran yo yari isanganywe itike.

    Muri Mutarama 2024, hateganyijwe shampiyona ya Afurika izaba itabereye igihe kuko yatinze kuba, ikaba ibaye nyuma y’Igikombe cy’Isi. Iyi shampiyona u Rwanda rutegetswe kuyitwara kugira ngo rubone itike yo kujya i Paris 2024.

    Muri iyi mikino biba bishoboka ko igihugu gifite itike kitakwitabira, bivuze ko Misiri yamaze kubona itike ishatse yakitabira cyangwa ikabireka. 

    Misiri nicyo gihugu gisanzwe gihangana n’u Rwanda bivuze ko kiramutse kiititabiriye, u Rwanda rwaba rufite amahirwe yo kwegushana iri rushanwa. 

    Mu gihe u Rwanda rutakwegukana iyi shampiyona ya Afurika, ntabwo rwaba rukibonye itike ya Paralempike 2024 kuko urutonde rwahita rukorwa bagendeye ku buryo amakipe yitwaye mu mikino y’igikombe cy’Isi kandi u Rwanda rukaba rwarabaye urwa 7.

    Gahunda ni uko kuva mu ntangiriro z’Ukuboza 2023 amakipe y’u Rwanda abagabo n’abagore barahita batangira  Umwiherero wo kwitegura iyi shampiyona izabera muri Nigeria.

    U Rwanda mu bagabo rwaherukaga kwitabira Imikino Paralempike mu myaka 11 ishize mu 2012 ubwo yaberaga mu gihugu cy’u Bwongereza aho begukanye umwanya wa Cyenda mu makipe icumi.

    Igikombe cy’Isi cyaberaga mu Misiri u Rwanda mu bagore rwegukanye umwanya wa 7

    Mu bagabo u Rwanda rwegukanye umwanya wa 9

    Source : https://inyarwanda.com/inkuru/136668/sitting-volleyball-misiri-yaciriye-inzira-u-rwanda-yerekeza-mu-mikino-paralempike-2024-136668.html

  • Uwayezu Jean Fidel yongeye gushimangira ko ari umuyobozi ukomeye wa Rayon Sports nyuma yo kwemeza icyo agiye gukora muri uyu mwaka abafana bakamukunda kurushaho – YEGOB #rwanda #RwOT

    Uwayezu Jean Fidel yongeye gushimangira ko ari umuyobozi ukomeye wa Rayon Sports nyuma yo kwemeza icyo agiye gukora muri uyu mwaka abafana bakamukunda kurushaho

    Umuyobozi w'ikipe ya Rayon Sports Uwayezu Jean Fidel, uyu munsi tariki 17 Ukwakira 2023, nibwo hakozwe inteko rusange atangaza ko amadeni yasanze muri iyi kipe barimo kugenda bayishyura Kandi bagiye kuyarangiza.

    Uwayezu Jean yatangaje ko yasanze ideni rigera kuri Milliyoni 860 ariko kugeza ubu nyuma yo kuyishyura basigaranye ideni rya Million 200 ndetse ko bafite gahunda yo kwishyuraho 25% mu mpera z'uyu mwaka.

    Ibi nibyo bikomeje gutuma abanyamuryango benshi bakomeza gusaba Uwayezu Jean Fidel gukomeza kuyobora ikipe yabo dore ko ubona ko ari mu murongo mwiza wo kuyisubiza ku rwego ruri hejuru, aho yahoze.

    Source : https://yegob.rw/uwayezu-jean-fidel-yongeye-gushimangira-ko-ari-umuyobozi-ukomeye-wa-rayon-sports-nyuma-yo-kwemeza-icyo-agiye-gukora-muri-uyu-mwaka-abafana-bakamukunda-kurushaho/

  • Mbappé yayikoreyeho imyitozo! Ubufaransa bwihereranye ikipe y’igihugu bwakinaga nayo maze buyinyabiga ibitego 14 byose bituma Mbappé yandika amateka mu ikipe y’igihugu – YEGOB #rwanda #RwOT

    Mu mukino wahuzaga ikipe y'igihugu y'u Bufaransa na Gibraltar, Kylian Mbappé yakoreyomo amateka kuko habura gato ngo abe umukinnyi wa mbere utsindiye u Bufaransa ibitego byinshi.

    Uyu mukino warangiye u Bufaransa bunyagiye Gibraltar ibitego 14-0, Kylian Mbappé yatsinzemo ibitego 3 ndetse anatanga imipira 2 ivamo ibitego.

    Gusa ariko umukinnyi wa Gibraltar yari yahawe ikarita itukura hakiri kare kuko hari ku munota wa 18.

    Ubu akaba amaze gutsindira ikipe y'igihugu y'u Bufaransa ibitego 46.  Olivier Giroud wa mbere, aramurusha ibitego 10 gusa Mbappé azabikuramo kuko Giroud ariwe mukuru kuko amurusha imyaka 13.

    Source : https://yegob.rw/mbappe-yayikoreyeho-imyitozo-ubufaransa-bwihereranye-ikipe-yigihugu-bwakinaga-nayo-maze-buyinyabiga-ibitego-14-byose-bituma-mbappe-yandika-amateka-mu-ikipe-yigihugu/