Author: webrwanda

Mu kiganiro n'abanyamakuru cyabaye kuri iki Cyumweru tariki ya 19 Ugushyingo 2023, Perezida wa M23 Bertrand Bisimwa yatangaje ko mu gihe RDC yakomeza kwanga inzira y'ibiganiro hazashyirwa ingufu mu ntambara bakigarurira Kivu y'Amajyepfo n'iy'Amajyaruguru.

Umutwe wa M23 watangaje ko ushyize imbere inzira y'ibiganiro byo gushakira amahoro u Burasirazuba bwa Congo ariko ngo mu gihe Guverinoma ya Tshisekedi yaba ikomeje kwanga kuyoboka inzira y'ibiganiro hazakurikiraho gufata Kivu zombi.

Mvukiyehe Juvenal wahoze ayobora Kiyovu Sports Company Ltd, yavuze ko iby’amarozi ashinjwa atari byo ndetse ko n’ibivugwa ko iyi kipe izamurega agize amahirwe yamurega kuko hari byinshi byahita bimenyekana.

Mu nteko rusange ya Kiyovu Sports yabaye ku munsi w’ejo hashize ku Cyumweru tariki ya 19 Ugushyingo 2023, igice kinini kibanze cyane kuri Mvukiyehe Juvenal wambuwe ikipe yari icyungiwe muri Kiyovu Sports Company Ltd yari abereye umuyobozi igasubizwa gucungirwa mu muryango wa Kiyovu Sports.

Muri iyi Nteko Rusange ni nabwo hatowe ko Ndorimana François Regis [General] usanzwe ari umuyobozi w’Umuryango wa Kiyovu Sports agomba no kuyobora Kiyovu Sports Company Ltd agasimbura Mvukiyehe Juvenal.

General kandi ni bwo yeruriye abanyamuryango ko umukino wa Sunrise yabatsinzemo 1-0 mu mwaka ushize w’imikino ari na wo bavuga ko batayeho igikombe, Juvenal yagize uruhare mu koroga abakinnyi ba Kiyovu ngo batsindwe.

Ati 'Utarajya kure, reka mbanze nkusubize kuri icyo kibazo, ntaza no kubyibagirwa. Ndashaka kuvuga kuri iki kibazo cy’ukuntu ikipe yarozwe kandi ifite Team Manager. Njye nageze aho numva ngiye kwandika ibaruwa kuko numvaga twibwe bigaragara.'

'Hari andi makuru muzamenya mutazi kandi azagera aho akajya hanze, ibyo bintu ndagira ngo nkubwire ngo 90% ntabwo byakozwe n’aba ngaba na 'Staff’, byakozwe na Perezida wabo [Mvukiyehe Juvénal]. Akoresheje umuganga yizaniye ku giti cye.'

Yungamo ati 'Njye nagiye mu nzego z’ubuyobozi kandi bukuru, ndababwira nti 'twebwe twararozwe, bandogeye ikipe, kandi nashoye amafaranga yanjye, nagiye i Nyagatare ndarayo, ntanga amafaranga mu mwiherero ndetse byose ndabiheba.'

'[…] Hemedi, waba uzi amagambo uriya mugabo bita Birali yanditse? Ibyo yabwiye Ubutabera. Ibyo yavuze birimo ibintu wabona, ugahita uvuga ngo izina Kiyovu, Imana iyibarire risohoke muri kiriya kirego, bazakurikirane abo babikoranye ariko Kiyovu itarimo. Ni ibintu bye yipangiye ku giti cye, abizi, n’abo babikoranye kandi igihe kizabishyira hanze.'

Mu kiganiro Urukuko rw’Ubujurire rw’Imikino rwo kuri uyu wa Mbere, Mvukiyehe Juvenal yavuze ko umuyobozi (General) ushyira imbaraga mu kuvuga aba nta muyobozi umurimo ahubwo yakaretse ibikorwa bikivugira.

Ati 'Umuntu ushyira imbaraga mu kuvuga cyane, njye mbibona nk’aho aba yananiwe gukora, urakora ubundi ibikorwa bikivugira. Ibikorwa ni byo biguha icyo uvuga cyangwa bikivugira.'

Ku ngingo ya kuba yaragize uruhare mu kuroga abakinnyi ba Kiyovu Sports ku mukino wa Sunrise FC, yavuze ko atari byo ndetse atanemera amarozi cyane ko yanabaga mu itsinda rya Kiyovu Sports risenga.

Ati 'Ubundi nari naravuze ko ntazongera kugira ikintu mvuga kuri Kiyovu Sports, ariko iriya nkuru nanjye yambabaje, cyane ko mfite ikintu nabivugaho, njyewe ubundi amarozi ntabwo nyemera, nakuriye mu muryango w’abasenga, nkurira mu gipadiri, njyewe ubundi inzira zanjye ni ugusenga. Njyewe nababwira ikitwa gutwara igikombe, iyo ubirimo uravuga uti bayovu aho muri hose ni muhaguruke, buri muntu wese mu myemerere ye arwane n’uko yashaka amanota 3.'

'Njyewe imyemereye yanjye nari ndimo n’isengesho, niba mbeshya umutoza Mateso bazamubaze twari dufite itsinda ry’abapasiteri, mbere y’umukino twarasengaga ariko twaravuze tuti uwemera Satani amukoreshe, uwemera ibyo yemera abikoreshe bipfa kuba biduha amanota 3. Njyewe icyo nakoraga ni ugushaka amafaranga nk’aba no mu itsinda ry’abasenga.'

Yakomeje kandi avuga ko yari yarahisemo guceceka ariko akaba yabonye ibintu bikaze, aho yatunguwe n’amagambo y’umuyobozi w’ikipe nka Kiyovu Sports.

Ati 'icyantunguye ni ukubona umuntu w’umuyobozi atangaza ibintu nka biriya, ariko hari aho bigera ukabona birakomeye, nari narahisemo guceceka ariko igihe kirageze ngo tugane inzira y’amategeko. Turi mu gihugu kigendera ku mategeko, ntabwo wabyuka mu gitondo ngo uvuge ibyo wiboneye, umuntu umuvuge uko wishakiye.'

Ku rundi ruhande ariko we nka Juvenal avuga ko atajyana Kiyovu Sports mu nkiko ariko agize amahirwe nk’uko bivugwa iyi kipe ikamurega, hahita haturika byinshi bitigeze bivugwa.

Ati 'Njyewe nahisemo guceceka kuri Kiyovu kuko ni ikipe nkunda, ni ikipe nakunze kuva nk’iri umwana, ndavuga ngo reka njye gushakisha ubuzima ahandi ariko mu buzima bwanjye nzagumya nubaha ikipe Kiyovu, nta nubwo nari mu bantu bavugaga ko bazarega Kiyovu, ariko na none niba abantu ku giti cyabo batangiye kunyataka, bavuga ibintu nka biriya cyane cyane ko atari n’imyemerere yanjye […] Njye ntabwo uyu munsi narega Kiyovu ariko ngize Imana bandega, kuko hari ibintu byinshi mwamenya mutari muzi.'

Yavuze ko kuba ibintu byose ari we birimo gushyirwa ku mutwe abibona nk’ibibazo bihari bashaka gukwepa ahubwo bagakinga ibikarito mu maso abantu bavuga Juvenal kugira ngo abe ari we uba nyiri amakosa.

Juvenal yavuze ko Kiyovu Sports iyobowe na General agize amahirwe iyi kipe

Kuba icyamamare ni kimwe ndetse no kuba umuntu ufite imico runaka bikaba ibindi. Isuku ni kimwe mu bintu abantu benshi bitaho ndetse ugasanga umuntu utagira isuku bamuryanira inzara. Ibi si iby'abaciye bugufi gusa ngo kuko hari n'ibyamamare tubona ariko waba uri uwo baziranye bya bugufi ukaba uzi ko ari abanyamwanda bakabije. Ibi nibyo tugiye kugarukaho.

Mu mwaka wa 2022 no mu ntangiriro z’umwaka wa 2023 haranzwe intambara y’amagambo hagati y’ibyamamare byo hanze, bipfa ikintu cyitwa ‘Isuku no koga’, ibi byazamuwe n’umukinnyi wa filime akaba n’umunyarwenya Ashton Kutcher, wavuze ko amara iminsi itatu atarakaraba. Ibi byatumye benshi bamunenga ko afite ingeso mbi yo kugira umwanda.

Ibi ariko ntabwo byagarukiye aho kuko hari n’abandi basitari bazwi ku rwego mpuzamahanga, bahise batangaza ko nabo ibyo gukaraba buri munsi batabikozwa. Aba barimo The Rock, Kendall Jenner, Mila Kunis n’abandi bavuze ko kumara iminsi umuntu adakarabye ntakibazo kirimo.

Ibi nibyo byatumye ibinyamakuru birimo Hollywood Life byakoze urutonde rw’ibyamamare 10 bizwiho kugira umwanda:

1. Miley Cyrus

Uyu muhanzikazi w'imyaka 30 yatangiye kumenyekana kera ari umwana muto akina mu ma filime ya Disney, iyo yakinnye izwi cyane ni ‘Hannah Montana’. Yigiye hejuru yarabiciye biracika mu ndirimbo ze nka ‘Wrecking Ball, The Climb, Adore You’ n'izindi ariko yamenyekanye kurushaho kubera imyitwarire idasanzwe yo kwambara ubusa no gutinyuka ibintu bidasanzwe byafatwaga na benshi nk'ubushizi bw'isoni. Ikindi Miley Cyrus azwiho ni ugukunda amatungo yo mu rugo arimo imbwa n'ipusi.

Aya matungo ye rero ngo mu nzu atuyemo aba yataye hirya no hino umwanda wayo, ibiryo byasigajwe, ibikarito byashizemo pizza, ibipapuro byajemo ibintu bitandukanye, ibyo kuriramo bitogejwe hakiyongeraho ko uyu mukobwa akunda kunywa urumogi. Ibi bituma inzu ya Miley Cyrus ikuyinjiramo uhurirana n'umwuka unuka cyane.

2. Christina Aguilera

Uyu mugore w'imyaka 42 nawe yamenyekanye cyane kubera ijwi rye ryuje ubuhanga, nawe ni umwe mu bavugwaho kutagira isuku ihagije. Umwe mu bantu bakoranye nawe bya bugufi yahamije ko Christina Aguilera ahumura nka ‘hotdogs’ . Ibi byakuruye impaka nyinshi ku buryo abanyamakuru bagiye aho yakuriye, benshi mu bakuranye nabo bemeza ko uyu mugore koko afite umwuka wa hotdogs.

3. Megan Fox

Ni umukinnyi wa filime akaba n’umunyamideli w'imyaka 36 wamenyekanye cyane muri ‘Jeniffer’s Body, Transfromers, Passion Play, Teenage Mutant Ninja Turtles’ n'izindi. Uyu mugore yiyemerera ko iby'isuku byamwihishe. Yagize ati 'Ntibyoroshye kubana nanjye. Imyenda yanjye iba iri ahantu hose nyirekera aho nayikuriyemo, njya nibagirwa gukanda amazi iyo mvuye mu bwiherero. Inshuti ishobora kumbwira iti 'Megan, usize umwanda mu bwiherero bwanjye ntiwakanda amazi''

4. Robert Pattinson

Azwi cyane muri filime Twilight nka Edward Cullen, ni umusore w'Umwongereza w'imyaka 37. Uyu we ngo ashobora kumara amezi agera kuri Abiri  atarakaraba mu mutwe ndetse ngo ntajya atunganya aho atuye. Impamvu y'ibi avuga ari uko kuri we kugira mu mutwe hagaragara neza atari ibintu yitaho, cyo kimwe nko kuba ahantu hafite isuku.

5. Cameron Diaz

Ni umugore w'imyaka 51, ni umukinnyi wa filime uzwi cyane nko muri ‘The Other Woman, Shrek, Bad Teacher’ n'izindi nyinshi. Amaze guca agahigo mu kubira ibyuya cyane ku itapi itukura, aho abandi bajya bakoze ibishoboka byose ngo babe basa neza cyane. Uretse ibi kandi, yemeje ko atajya akoresha deodorant (abazungu benshi iyo batayikoresheje baranuka). Kuri ibi yongeraho kuba ngo ajya yambara imyenda iminsi 4 ikurikirana hanyuma agahita ayijugunya.

6. Jessica Simpson

Ni umukinnyi wa filime, umuririmbyi n'umunyamideli, afite imyaka 43. Uyu mugore ubwo yari mu kiganiro na Ellen DeGeneres kuri televiziyo ya ABC, yavuze ko koza mu kanwa atajya abyitaho cyane ngo kuko amenyo ye aba abona asa neza kandi ngo ntakunda iyo anyerera nta mwanda uriho. Ikindi kandi ngo iyo yumva ashaka kugabanyaho umwanda ashobora gukoresha umwenda agahanagura ku menyo ye.

7. Britney Spears

Benshi cyane bazi iri zina, dore ko uyu mugore yabicaka bigacika mu muziki mu myaka ya za 2000. Ubwo yagiranaga ibibazo n'uwahoze ari umugabo we bakajya mu rubanza, yagaragaje zimwe mu ngeso za Britney biteye inkeke harimo kudakaraba, kutoza mu kanwa ndetse no kwambara ibirenge bya hato na hato no mu gihe ari ahantu hamusaba kwambara inkweto cyangwa amasogisi.

8. Russel Crowe

Azwi muri filime nka ‘Noah, The Mummy, Robin Hood, The Man With Iron Fists’ n'izindi nyinshi. Uyu nawe ngo afite umwuka utari mwiza ndetse ngo no mu kanwa he ntihameze neza ku buryo ubwo bafataga amashusho ya filime ‘Cinderella Man’ umwe mu bo bakinanaga yavuze ko yumva amaze kurembywa n'uwo mwuka w'uwo mugabo. Si we gusa kuko n'abandi bakinnyi benshi ba filime bamuzi bavuga ko iyo bagiye nk'ahantu mu birori bagerageza kutamwicara hafi bitewe n'impumuro ye itari nziza.

9. Johnny Depp

Ni icyamamare muri Sinema, wamenyekanye muri filime nka ‘Alice Through The Looking Glass, Pirates of The Caribbean n'izindi’. Gukaraba kuri uyu mugabo ngo ni ikizami ku buryo hari aho yagombaga gukina asomana na Angelina Jolie muri filime ‘The Tourist’ mu 2010, yanze koga mu kanwa ahubwo agasaba ko bamushakira imiti ituma umuntu atumva umunuko.

10. Brad Pitt na Angelina Jolie

Aba bombi bahoze ari umugore n'umugabo ariko ngo kujya mu rugo rwabo byabaga ari akamaramaza. Ibiryo byandagaye hirya no hino, abana banyanyaagiza ibintu bitandukanye kwandika ku nkunda hakoreshejwe umuti w'amenyo n'ikaramu n'ibindi byinshi by'akavuyo nibyo byarangaga urugo rwabo. Uretse ibi kandi Brad Pitt yakunze kuvuga ko rimwe na rimwe asiba gukaraba akihanaguza udupapuro duhanagura abana (baby wipes).