Author: webrwanda

Amashusho ya Mbappe mwarimu arimo amukura amatwi amubwira ko ntacyo azimarira akomeje gutangaza benshi bitewe n'umushahara ubu Mbappe ahembwa n'uwo ubu mwarimu ahembwa.

 

Ku mbuga nkoranyambaga hakomeje kuzenguruka amashusho ya mwarimu wa Mbappe arimo amukurura amatwi kera akiri umwana, amubwira ko ari umunyeshuri mubi ndetse ko ntacyo azimarira.

Aya mashusho akomeje gutangaza benshi bitewe n'umushahara ubu Mbappe asigaye ahembwa n'uwo mwarimu ahembwa.

Kuri ubu mwarimu ahembwa amayero € 3440 ku kwezi  naho Mbappe agahembwa amayero €25000 ku isaha. Reba videwo

View this post on Instagram

A post shared by Oliver show (@oliver_show250)

Kuri iki cyumweru mu masaha ya nyuma ya saa sita, ni bwo humvikanye inkuru y'akababaro ivuga ko Madamu Rosalynn Carter yaguye iwe mu rugo akikijwe n'abagize umuryango we, barimo umugabo we, Perezida wa 39 wa Amerika, Jimmy Carter.

Ku wa Gatanu w'icyumweru gishize, ni bwo Rosalynn yari yatangiye kwitabwaho by'umwihariko, nyuma y'amezi hafi atandatu afashwe n’indwara yo guta umutwe. 

Yatangiye guhabwa ubuvuzi bwihariye akurikiye umugabo we kuri ubu ufite imyaka 99 y'amavuko, winjiye mu bitaro muri Gashyantare uyu mwaka.

Yari azwiho kwita ku buzima bwo mu mutwe ndetse no guharanira uburenganzira bwa muntu mu buzima we bwose. Rosalynn yunamiwe mu cyubahiro ndetse hatambutswa ubutumwa bwaturutse ku bayobozi bakomeye ku isi, abanyapolitiki banyuranye ndetse n’ibindi byamamare.

Nyuma y'urupfu rw'uyu mugore, Perezida Joe Biden na Madamu we, Jill Biden, banditse ubutumwa bukubiyemo ibyo bibukira kuri Rosalynn, bavuga ko bamwibukira ku kuba “yaragiriye igihugu akamaro n’isi muri rusange” n’ubwitange yagize mu kugaragaza byinshi mu bintu by'ibanze bikenerwa muri sosiyete.

Bagize bati: “Yaharaniye uburenganzira n'amahirwe angana ku bagore n'abakobwa; yunganira ubuzima bwo mu mutwe n'ubuzima bwiza kuri buri muntu. Yashyigikiraga kandi abantu bakunze kwirengagizwa bashinzwe kwita ku buzima bw'abantu, kandi ari bo bita ku bana bacu, abacu bageze mu za bukuru, n'abafite ubumuga.”

Joe Biden n'umugore we kandi muri ubu butumwa, banagaragaje urukundo rurambye rwari ruri hagati ya Rosalynn n’umugabo we.

Bati: “Ikirenze byose, urukundo rwimbitse rwaranze Jimmy na Rosalynn Carter ni cyo gisobanuro cy'ubufatanye, kandi ubuyobozi bwabo buciye bugufi nicyo gisobanuro cyo gukunda igihugu. Yabayeho ubuzima bwe bwose mu kwizera.”

Bakomoza ku bucuti bagiranye na Rosalynn akiriho, bagize bati: “Incuro nyinshi, mu myaka irenga mirongo ine dufitanye ubucuti, mu bihe bikomeye twanyuzemo, twahoraga twumva dufite ibyiringiro n’icyizere kubera Rosalynn Carter. Azahora iteka mu mitima yacu.”

Visi Perezida Kamala Harris yagize ati: “Mu gihe yamaze muri White House, Rosalynn Carter yongeye gusobanura uruhare rwa Madamu wa Perezida. 

Binyuze mu buvugizi bwe buhoraho, Madamu Carter yagize uruhare mu kugaragaza ikibazo cy'ubuzima bwo mu mutwe. Mu ngendo ze mu mahanga, Madamu Carter yakoze uko ashoboye kugira ngo ateze imbere uburenganzira n’icyubahiro bya muntu.

Nyuma yo kuva muri White House, Madamu Carter yakomeje gukorera igihugu cyacu ndetse n’isi muri rusange, cyane cyane abinyujije mu kuyobora ikigo cya Carter yashinze hamwe na Perezida Jimmy Carter mu rwego rwo kongera amahoro, guteza imbere ubuzima rusange, no gushyigikira ubwisanzure na demokarasi ku isi hose. 

Madamu Carter yazamuye imibereho y'ababarirwa mu mamiliyoni, kandi ashishikariza abandi batabarika kwitangira umurimo. Umurage we uzaba urumuri mu bihe bizaza.”

Madamu Michelle Obama, umugore w'uwahoze ari Perezida wa Leta Zunze Ubumwe za Amerika, Barack Obama, na we yunamiye Rosalynn mu butumwa yanditse kuri X, avuga ku bunararibonye basangiye mu nshingano bahuriyeho muri White House.

Yashimangiye ko Rosalynn yakoresheje neza umwanya yari arimo, avuganira abadafite kirengera ndetse yita no ku bafite ibibazo by'ubuzima bwo mu mutwe.

“Uyu munsi, njye na Barack twifatanije n’isi mu kwishimira umurage udasanzwe wa Madamu wa Perezida, umugiraneza, ndetse n’umuvugizi watanze ubuzima bwe mu kuzamura ubw'abandi. 

Ubuzima bwe buratwibutsa ko uko twaba turi kose, umurage wacu udapimirwa mu bihembo cyangwa amashimwe duhabwa, ahubwo upimirwa mu buzima turokora.'

Rosalynn washyingiranwe na Jimmy Carter mu 1946, yabaye umugore wa Perezida mu gihe umugabo we yamaze ayobora Amerika kuva mu 1977 kugeza mu 1981. Nyuma y'uko bavuye muri White House, Rosalynn n'umugabo we bashinze Carter Center, ikigo cyita ku buzima bwo mu mutwe.

Uretse kuba umwarimu muri Kaminuza ya Agnes Scott iherereye i Decatur, Jeworujiya no kwandika ibitabo bitanu, Rosalynn yahawe umudari uzwi nka 'Presidential Medal of Freedom' awuhawe na Bill Clinton muri 1999 no muri 2001.

Uyu mugore asize abana bane, abuzukuru n'abuzukuruza.

Rosalynn Carter yitabye Imana ku myaka 96

Rosalynn n’umugabo we wabaye Perezida wa Amerika Jimmy Carter 

Ibi nubwo byatangiye biri hasi ubu bimaze gufata indi ntera aho usigaye usanga mu bisata  bitandukanye by’imyidagaduro harangwamo abantu benshi bihinduje ibitsina.

Mu mideli, muri Sinema, mu muziki, n’ahanzi niho hakunze kugaragara cyane abantu bihinduje igitsina cyane cyane abavutse ari abagabo bakihinduza abagore. Kuri ubu bamaze no kujya bitabira amarushanywa y’ubwiza n.ayaba  nyampinga ndetse bikarangira barushije abakobwa babivukanye.

Nubwo abantu benshi ku mbuga nkoranyambaga no mu binyamakuru bitandukanye bagiye bagaragaza ko abihinduje igitsina (Transgender,transwoman), badakwiye kwitabira amarushanwa ya Nyampinga, nyamara ntibyababujije kuyitabira ndetse bamwe muribo banegukana amakamba nyuma yo guhiga abandi.

Aha hari urutonde rw’abagabo 4 bihinduje abagore bakitabira amarushanwa ya Nyampinga ndetse bakanegukana amakamba, bigatangaza benshi: 

1. Naaz Joshi

Naaz Joshi wahoze ari umugabo akihinduza umugore, yibitseho ikamba rya ‘Miss World Diversity’

Umuhinde Naaz Joshi, yavutse ari umugabo yihinduza umukobwa ku myaka 16 y’amavuko. Yatangiye kwitabira amarushanwa y’ubwiza mu Buhinde kuva mu 2015. Ibi byaje guhira Naaz Joshi dore ko kuva mu 2017 kugeza mu 2019 yegukanye ikamba rya ‘Miss World Diversity) amarushanwa ya nyampinga ku rwego rw’Isi adaheza imiterere y’abantu.

Yatwaye ikamba rya ‘Miss World Diversity’ inshuro eshatu

Naaz Joshi kandi niwe wa mbere wihinduje igitsina mu Buhinde wasohotse mu binyamakuru nka ‘Vogue India’ n’ibindi by’imideli. Ibi byatumye anashinga amarushanwa ngaruka mwaka yise ‘Mrs India Home Makers’ aho yitabirwa n’abagabo bihinduje abakobwa.

Naaz Joshi wahoze ari umugabo akihinduza umugore byaramuhiriye maze yibikaho amakamba

Uyu mukobwa wahoze ari umuhungu yibitseho amakamba 3 ya ‘Miss World Diversity’ hamwe n’ikamba rya ‘Miss Transqueen India’ yatwaye mu 2018.

2. Angel Ponce

Miss w’igihugu cya Espange Angela Ponce yahoze ari umugabo yihinduza igitsina

Angela Mario Ponce Camacho, ni umunyamideli wahoze ari umugabo akihinduza umukobwa. Yanditse amateka ku itariki 28 Kamena mu 2018 ubwo yambikwaga ikamba rya Miss w’igihugu cya Espagne. Muri uyu mwaka kandi Angela Ponce yahise yongera yibikaho irindi kamba rya Miss Universe 2018.

Ubwo Angela Ponce yiyerekanaga mu kenda ka ‘Bikini’, umurebye ntiwamenya ko yahoze ari umugabo

Angela Ponce wihinduje igitsina afite imyaka 14, akanaterwa inshinge z’imisemburo y’abagore, azwiho kuba kuva yakwegukana aya makamba abiri, yarahise ashinga umuryango ugamije kuvuganira no kurengera ubuzima bw’abibinduje ibitsina muri Espagne.

Angel Ponce yatwaye ikamba rya Miss Universe 2018

Benshi ntibashimye ko uyu mumyamideli ahagararira ‘Espagne’ mu marushanwa y’ubwiza 

3. Marina Machete

Marina Machete Miss wa Portugal iwabo wa Cristiano, nawe yihinduje igitsina

Umunyamideli Marina Machete wavutse ari umuhungu akaza kwihinduza umukobwa ku myaka 15 y’amavuko, aherutse kuvugisha benshi ubwo yegukanaga ikamba rya Miss w’igihugu cya Portugal avukamo. 

Ku myaka 15 gusa nibwo Marina Machete nibwo yihinduje umukobwa

Ku myaka ye 28 y’amavuko, Marina Machete yakomeje aca uduhigo aho anaherutse gutwara ikamba rya Miss Universe Portugal  2023. Nyuma y’ibi birori, benshi ku mbuga nkoranyambaga berekanye ko batishimiye uburyo Marina yahawe ikamba mu gihe aya marushanwa yagenewe abakobwa gusa, nyamara we wavutse ari umugabo akaryegukana.

Marina Machete niwe wibitseho ikamba rya Miss Universe Portugal 2023

4. Rikkie Kolle

Umunyamideli wihinduje igitsina Rikkie Kolle niwe Miss 2023 w’Ubuholandi 

Rikkie Valerie Kolle w’imyaka 22 y’amavuko, nawe ari mu bihinduje igitsina bibitseho ikamba rya Nyampinga. Uyu munyamideli wavutse ari umuhungu akihinduza umukobwa ku myaka 17 gusa, yaciye agahigo ko kwambikwa ikamba rya ‘Miss Nederland 2023’.

Rikkie Kolle yanatsinze mu marushanwa ya ‘Holland’s Next Top Model’

Uyu mukobwa benshi bacyita umuhungu nubwo yihinduje igitsina, anazwiho kuba ari mu banyamideli bagezweho mu Buholandi dore ko ariwe wegukanye  irushanwa rya ‘Holland’s Next Top Model’ mu 2019 ubwo yarafite imyaka 18 y’amavuko.

Miss Rillie Kolle wavutse ari umuhungu, yihinduje umukobwa ku myaka 17 

Nubwo aba bane (4) aribo bagiye begukana amakamba yaba nyampinga mu bihugu bitandukanye, ntibivuze ko aribo bihinduje igitsina bitabiriye aya marushanwa y’ubwiza, ahubwo nibo batorewe kwambikwa aya makamba.

Kuva mu 2017 kugeza ubu mu bihugu binyuranye cyane ibyo mu Burayi, hakomeje kugaragara abakobwa bahoze ari abahungu bitabira amarushanwa y’ubwiza.

Nsengiyumva Alphonse uyobora Supra Family yabwiye InyaRwanda ko bahisemo gutegura iri rushanwa nyuma yo kubona imbogamizi zigaragara mu ruganda rw’abamurika imideli mu Rwanda ndetse no ku Isi hose muri rusange.

Ati 'Umwuga wo kumurika imideli ni umwuga ukomeye cyane kandi wishyura neza mu bihugu byateye imbere. Gusa mu bihugu byinshi bikiri mu nzira y’amajyambere usanga abamurika imideli bahura n’imbogamizi nyinshi zirimo isoko rikiri hasi, kutamenyekana no gukorana n’abamamyi babizeza ibitangaza.'

Akomeza  agira ati 'Tsapa Top Model rero ije ari igisubizo kuko uretse kuba irushanwa ni n’urubuga rugari umunyamideli wese ufite impano ashobora kuzajya anyuraho agashyiraho umwirondoro we bikamufasha kubona isoko mpuzamahanga.'

Mu gushaka kumenya impamvu ibi bikorwa bitahujwe n’ibya SupraModel imaze kubaka izina mu Rwanda, Nsengiyumva Alphonse yadutangarije ko SupraModel ifite izindi nshingano zikomeye cyane cyane zo kwita ku banyamideli b'abanyarwanda gusa.

'Tsapa Top Model' ni irushanwa riteganijwe kuzaba mu bihugu birenga 100 hanyuma abatsinze bagahurizwa hamwe mu Rwanda.

Urugendo rwo gushaka uzahagararira u Rwanda rwatangiye aho kwiyandikisha biri kubera ku rubuga rwa www.tsapamodel.com uzatsinda akazahabwa imodoka nshya yo mu bwoko bwa Hybrid Sonata.

Nsengiyumva avuga ko bahisemo guhemba imodoka umunyamideli mu rwego rwo kuzamura agaciro k'iri rushanwa no guteza imbere abanyamideli.

Akomeza ati 'Twahisemo gutanga imodoka mu rwego rwo kuzamura agaciro k’irushanwa ndetse no guha uwatsinze ikintu kizajya kimufasha mu buzima bwe bwa buri munsi.'

Kugeza ubu umusore cyangwa se umukobwa ushaka kwitabira asabwa kuba atarengeje imyaka 21 y'amavuko, kandi nta masezerano afitanye n'ibindi bigo. 

Irushanwa 'Tsapa Top Model' rizahemba imodoka yo mu bwoko bwa Hybrid Sonota umunyamideli uzahiga bagenzi be 

Iri rushanwa rigamije guteza imbere abanyamideli bo mu Rwanda n'abo mu bindi bihugu