Author: webrwanda

Uyu muhanzikazi nawe akomeje guterwa ipfunwe nuko afite amabere mato cyane nk'uko byagarutsweho n'abafana be.

 

Zuchu bwa mbere yagiye muri Afurika y'Epfo ari kumwe na Diamond Platnumz mu minsi yashize ubwo yari agiye kumutungura nyuma y'isabukuru ye y'amavuko na cyane ko uyu mwari yari yinubiye ko Simba yamwirengagije.

 

Nyuma yo gusohokana na Diamond we utari watobora ngo avuge niba amukunda koko , bahuye na Zari ndetse na Shakib n'abana babo babyawe  na Diamond Platnumz.

 

Ibi byo kuba afite amabere mato byaje nyuma y'ayo ashyize haze ifoto imugaragaza neza, maz abafana bagatangira kumwota nk'uko Radio yo muri Tanzania dukesha iyi nkuru yabitangaje.

The post Abafana bakomeje kwibasira Zuchu uri mu rukundo na Diamond Platnumz bamubwira ko afite amabere mato cyane appeared first on The Custom Reports.

Source : https://thecustomreports.com/abafana-bakomeje-kwibasira-zuchu-uri-mu-rukundo-na-diamond-platnumz-bamubwira-ko-afite-amabere-mato-cyane/

Rutahizamu wa Rayon, Youssef Rharb wari umaze ukwezi ari mu bihano byo kwitekerezaho, agiye kubabarirwa na Perezida wayo, Uwayezu Jean Fidèle.

Mu mpera z'Ukwakira 2023 ni bwo Youssef Rharb ukomoka muri Morocco na Eid Mugadam Abakar w'umunya-Sudani bahawe ibihano by'ukwezi ko kwitekerezaho nyuma y'uko Gikundiro isanze nta musaruro bagitanga.

Youssef yabuze umwanya wo gukina akenshi ashinjwa kudakora cyane ndetse n'imyitwarire idahwitse yashinjwaga n'abatoza atumvaga inama zabo.

Nyuma y'inteko rusange ya Rayon Sports yabaye tariki 18 Ugushyingo 2023, Perezida Uwayezu Jean Fidèle yavuze ko aba bakinnyi bombi bahawe ukwezi ko kwitekerezaho, nyuma raporo y'abatoza ikazagaragaza uko bitwaye hanyuma ubuyobozi bukabona gufata umwanzuro.

Yagize ati 'Iyo wubaka ikipe ntabwo ugendera ku marangamutima uba ushaka umusaruro, amasezerano aba avuga ibyo ugomba gutanga n'ibyo uhabwa.'

'Raporo z'abatoza n'ubuyobozi zasanze abo bantu bombi nta musaruro batanga, tuganira na bo ndetse tubandikira dushingiye ku masezerano inzandiko zisaba y'uko dutandukana nk'uko amasezerano abivuga.'

Yakomeje agira ati 'Ariko harimo ukwezi kumwe ko kugira ngo babanze babitekerezeho, ubu rero uko kwezi kuracyarimo ntikurarangira, nikurangira tuzongera tuvugane turebe icyakorwa.'

Amakuru ahari ni uko Perezida, Uwayezu Jean Fidèle, yiteguye kubabarira Youssef Rharb wagaragaje guhinduka haba mu myitozo ndetse n'imibanire na bagenzi be. Uyu Munya-Maroc wagaragaje gukora cyane, akomeje gusabirwa n'abakinnyi bagenzi be kubabarirwa.

Ubuyobozi ntibwifuza kwirukana Youssef Rharb mu gihe isoko ry'abakinnyi ryo muri Mutarama 2024 ritarafungura.

Source : https://yegob.rw/ubuyobozi-bwa-rayon-sports-bwamaze-gufata-umwanzuro-kuri-rutahizamu-youssef-rhab-wari-umaze-ukwezi-mu-bihano-byo-kwitekerezaho/

Umukino wa Rayon Sport na Police Fc wari uri kuba ugeze ku munota wa 35 uhagaritswe igitaraganya

Uyu munsi ikipe ya Rayon Sport igomba kwisibanura na Police Fc kuri Kigali Pele Stadium mu mukino wa Shampiyona.

Umukino uhuza aya makipe yombi wari watangiye ndetse ugeze ku munota wa 35 w'igice cya mbere ariko ukomwe mu nkokora n'imvura.

Uyu mukino ubaye uhagaze, imvura nihita urakomeza cyangwa nibyanga uzasubukurwe undi munsi.

Source : https://yegob.rw/umukino-wa-rayon-sport-na-police-fc-wari-uri-kuba-ugeze-ku-munota-wa-35-uhagaritswe-igitaraganya/

Agezweho: Rayon Sports ifatiranye Police FC iyikubita agakoni ku nda.

Mu mukino ukomeye cyane uriguhuza ikipe ya Rayon Sports n'ikipe ya Police FC igice cya mbere kirangiye Rayon Sports itsinze igitego kimwe ku busa cyatsinzwe na rutahizamu w'umugande Musa Esenu ku munota wa 8 w'umukino.

Source : https://yegob.rw/agezweho-rayon-sports-ifatiranye-police-fc-iyikubita-agakoni-ku-nda/

Ikipe y'igihugu Amavubi igiye kuzana ba rutahizamu bashya barimo uwari muri Manchester United yo mu Bwongereza.

Ntagihindutse Noam Emeran Nkusi ukinira Groningen FC mu Holland araza gukinira ikipe y'igihugu Amavubi.

Si we wenyine uzaza ahubwo azazana na Johan Marvin Kury ukinira Yverdon Sport FC yo muri Switzerland.

Biteganyijwe ko aba ni baza bazakina umukino wa Benin na Rwanda.

Bose bakina ku mpande basatira aho bashobora kuza bakicaza Byiringiro Lague na Mugisha Gilbert uzwi nka Barafinda basanzwe bakina aho.

Source : https://yegob.rw/byiringiro-lague-na-barafinda-kugikandagiramo-bizagorana-ikipe-yigihugu-amavubi-igiye-kuzana-ba-rutahizamu-bashya-barimo-uwari-muri-manchester-united-yo-mu-bwongereza/

Umwana w'imyaka umunani wo mu Karere ka Gicumbi, yishe umuvandimwe we y'imyaka itanu amukubise isuka mu mutwe.

Byabereye ku mugoroba wo kuri uyu Mbere tariki 27 Ugushyingo 2023, bibera mu Murenge wa Ruvune Umwana wapfuye ni umuhungu mu gihe uwamwishe ari umukobwa.

Amakuru avuga ko abo bana barimo bakinisha isuka ya majagu nyina yari avanye mu murima muri uwo mugoroba, maze ubwo yari ahugiye mu mirimo yo mu gikoni n'umugabo atarataha ibyo byago byagwiriye umuryango wabo.

Ni amakuru yahamijwe n'Umukozi ushinzwe Irangamimerere mu Murenge wa Ruvune, Iyamuremye Innocent. Yavuze ko bayamenye ahagana saa moya z'ijoro kuri uyu wa 27 Ugushyingo.

 

Source : https://yegob.rw/umwana-wimyaka-umunani-wo-mu-karere-ka-gicumbi-yishe-umuvandimwe-we-yimyaka-itanu-amukubise-isuka-ya-majagu-mu-mutwe/

Mu gitondo cyo kuri uyu wa Kabiri tariki 28 Ugushyingo 2023, nibwo umwe mu bakoresha urubuga rwa X witwa Ruvuzananga yabajije urwego rw'ubugenzacyaha RIB, inzira binyuramo kugira ngo ube umugenzacyaha kuko abyiyumvamo.

Yagize ati 'Mwaramutse neza RIB, nitwa ruvuzananga ndabasuhuje amahoro y'imana abane namwe, umuntu ushaka kwifatanya namwe mugutanga umusanzu we muri service nziza mutanga ku gihugu byanyura muzihe nzira? Numva mfite umuhati nubushake bwo gufatanya namwe murakoze cyane.'

RIB yasubije Ruvuzananga mu butumwa bugira buti 'Mwiriweho neza Ruvuzananga, tugushimiye kuba wifuza gutanga umusanzu wawe muri RIB. Iyo hari imyanya y'akazi biratangazwa, wasanga wujuje ibisabwa ukandika usaba, ugakora ibizami, wabitsinda ugatangira akazi. Karibu.'

Source : https://yegob.rw/rib-yasubije-ruvuzananga-wari-wayibajije-inzira-umuntu-yanyuramo-ashaka-kwifatanya-nuru-rwego-mu-gutanga-umusanzu-we-muri-service-nziza-itanga-mu-gihugu-kuko-nawe-afite-umuhate-wo-kubagana/

Icyemezo cyo kwisubiraho bitunguranye, nyamara Umuryango w'Ubumwe bw'Ibihugu by'Uburayi wari waremeye kohereza muri Kongo-Kinshasa indorererezi zo gukurikirana amatora rusange ahateganyijwe mu kwezi gutaha, cyafashwe na Bwana Josep Barrel ushinzwe ububanyi n'amahanga muri uwo muryango.

Nk'uko byatangajwe n'ibiro bya Bwana Barrel, gusubika iyo gahunda ngo byatewe n'amananiza leta ya Kongo idahwema gushyiraho, nko gukata imirongo ya telefone n'irindi tumanaho , kugirango ubujura mu matora buzabe mu muhezo!

Ibyo kohereza indorerezi z'Umuryango w'Ubumwe bw'Ibihugu by'Uburayi ariko n'ubundi byari byanenzwe cyane n'abakurikiranira hafi imyiteguro y'amatora ateganyijwe muri Kongo, basangaga byaba ari ugutiza umurindi ubutegetsi bwa Tshisekedi bushaka amatora afifitse.

Uretse muri Kongo, nta handi higeze haba amatora, arimo n'ay'umukuru w'igihugu, hatazwi umubare w'abaturage, by'umwihariko abemerewe gutora. Twibutsa ko muri Kongo imyaka ibaye agahishyi batazi icyitwa ibarura-rusange ry'abaturage.

Mu gihe hasigaye iminsi 22 gusa ngo amatora abe, dore ko ateganyijwe tariki 20 z'ukwezi gutaha, abazatora ntaho banditse, amakarita y'itora aratangwa mu kajagari ku buryo abenshi ntayo baranahabwa, ibiro by'itora ntibizwi nta n'igkoresho kiragezwayo, komisiyo y'amatora irataka ikibazo cy'amikoro, muri make abakandida bariyamamaza byo kurangiza umuhango, kuko nta kintu na kimwe kiri mu buryo, cyakwemeza ko amatora azaba koko.

Mu gihe twateguraga iyi nkuru, i Kinshasa hari hamaze gutahurwa ikiguri cy'abatekamutwe bakora amakarita y'itora y'ibicupuri. Biravugwa ko icyo kiguri gikorana na leta, cyane ko mu bakwirakwizaga ibyo bicupuri mu baturage hafatiwemo abapolisi bakuru n'abakozi ba komisiyo y'amatora.

Haribazwa kandi ukuntu amatora yaba igice kinini cy'igihugu kiri mu ntambara, bisobanuye ko nko mu burasirazuba abaturage benshi cyane batazatora. Ibi bivuze ko Perezida uzajyaho batazaba bamuzi kuko batamutoye nyine. Ubwo bazishyiriraho uwabo, ya 'balkanizasion ' birirwa bashinja u Rwanda ku maherere, abategetsi ba Kongo babe barayikoreye ubwabo.

Hari amakuru ariko avuga ko amatora ashobora no gusubikwa, ndetse ngo komisiyo y'amatora ikaba yitegura gusaba urukiko rurinda itegekonshinga ko amatora yakwigizwayo mu gihe cy'amezi nibura 6.

Guhagarika amatora biramutse bibaye, byaba biri mu nyungu za Perezida Tshisekedi wakomeje gushakisha uko amatora yapfa, harimo no kwanga imishyikirano na M23 ngo intambara ihagarare. ubu noneho akaba yanatangiye gutinya ko Moïse Katumbi ashobora kumugaragura. Tubitege amaso.

The post Umuryango w'Ubumwe bw'Ibihugu by'Uburayi wisubiyeho, wanga kohereza indorerezi mu matora yo muri Kongo-Kinshasa appeared first on RUSHYASHYA.

Source : https://rushyashya.net/umuryango-wubumwe-bwibihugu-byuburayi-wisubiyeho-wanga-kohereza-indorerezi-mu-matora-yo-muri-kongo-kinshasa/?utm_source=rss&utm_medium=rss&utm_campaign=umuryango-wubumwe-bwibihugu-byuburayi-wisubiyeho-wanga-kohereza-indorerezi-mu-matora-yo-muri-kongo-kinshasa

Kuva ku cyumweru tariki 26 Ugushyingo 2023, ku mbuga nkoranyambaga z'i Kigali hari kuvugwa inkuru y'amafoto yagaragaje Umuhanzi Rukundo Christian wamamaye nka Chriss Eazy, apfumbaswe n'undi musore.

Uretse kugaragara muri aya mafoto apfumbaswe, hari n'andi amugaragaza ateruwe bimwe bimenyerewe ku bantu bashyingiranywe, andi ari munsi y'ukwaha k'uyu musore w'undi ibintu bimenyerewe ku mafoto y'abakundana.

Bamwe mu batanze ibitekerezo kuri aya mafoto, bavugaga ko babajwe ko kuba  uyu muhanzi yaba asigaye aryamana n'abo bahuje ibitsina, abandi bakavuga ko yifuza kwamamaza indirimbo iri hafi gusohoka, naho abandi bakemeza ko urukundo hagati y'aba bombi rugeze kure.

Umusore wagaragaye ateruye anapfumbase Chriss Eazy, asanzwe yitwa Prince Tity ku mbuga nkoranyambaga, akaba umwe mu nshuti za hafi z'uyu muhanzi. Mu ruganda rw'imyidagaduro ni umuntu utazwi uretse ko bamwe bavuga ko bamuzi nk'inshuti isanzwe y'uyu muhanzi n'abakorana nawe.

Amafoto agaragaza Chriss Eazy apfumbaswe n'undi musore ahatse iki?

InyaRwanda yagerageje kumenya icyihishe inyuma y'aya mafoto maze iganiriza bamwe mu begereye uyu muhanzi bakorana nawe, n'abandi basanzwe arii inshuti ze  bahamya ko nubwo batazi uburyo aya mafoto yafashwe ariko ko imico yavuzwe kuri uyu muhanzi yo kuryamana n'abo bahuje ibitsina batayimuziho.

'Oya mwana ntabwo Chriss Eazy ari umutinganyi, ubuse si inshuti yanjye ahubwo sinzi uburyo ariya mafoto yafashwe pe. Icyakora wasanga ari gutwikira indirimbo nshya.'

Undi utifuje ko amazina ye ashyirwa mu itangazamakuru, yabwiye InyaRwanda ko ariya mafoto yafashwe agasakazwa mu rwego rwo kwamamaza indirimbo nshya uyu muhanzi ateganya gushyira hanze. Yavuze ko aya mashusho y'iyi ndirimbo ari hafi kurangira gufatwa ndetse ko azagaragaramo ibyamamare bitandukanye.

Yakomeje avuga ko aya mashusho azagaragaramo umubyinnyi Titi Brown, uherutse gufungurwa agizwe umwere ku cyaha cyo gusambanya umwana utaruzuza imyaka y'ubukure. Uyu mubyinnyi yari amaze imyaka isaga ibiri aburana kuri iki cyaha.

Yagize ati 'Ni amashusho y'indirimbo bari gufata, ari no hafi kurangira. Yego hari ibyamamare bizagaragaramo birimo Titi Brown.'

Kuvuga ko uyu muhanzi yaba ari kwamamaza indirimbo nshya byaba bitangaje kuko yumvikanye kenshi yemeza ko kwamamara kwe bitamusaba kubeshya cyangwa kwifashisha ibindi bintu runaka kugira ngo akundwe ku kigero akunzweho. Uyu muhanzi kandi ni umwe mu bahanzi bake mu Rwanda basohora indirimbo ntibifashishe uburyo bugezweho buzwi nko 'Gutwika' kugira ngo ikundwe.

Chriss Eazy akomeje kugarukwaho nyuma yo kugaragara ateruwe n’umusore mugenzi we 

Bamwe nyuma yo kubona ayo mafoto, bavuga ko yabaye umutinganyi 

Abandi basanzwe ari inshuti n’uyu muhanzi baravuga ko ari guteguza indirimbo nshya igiye kujya hanze 

Source : https://inyarwanda.com/inkuru/137017/urujijo-ku-mafoto-agaragaza-chriss-eazy-mu-ishusho-yumutinganyi-137017.html

Ibitego bibiri bya Musa Esenu na Luvumbu byahesheje intsinzi Rayon Sports ya 2-1 imbere ya Police FC yatsindiwe na Bigirimana Abedi mu mukino w’ikirarane cya shampiyona ya 2023-24 ihagarika umuvuduko w’imikino 6 Mashami yari amaze adatsindwa.

Police FC ni yo yari yakiriye uyu mukino w’ikirarane cy’umunsi wa 4, ukaba utarakiniwe igihe kubera ko Rayon Sports yari mu mikino Nyafurika ya CAF Confederation Cup.

Ni umukino umutoza Mashami Vincent wa Police FC yagiye gukina amaze imikino 6 yikurikiranya muri shampiyona adatsindwa aho imikino yose yayitsinze nta no kunganya.

Rayon yagiye gukina uyu mukino idafite Mitima Isaac wujuje amakarita atatu na Aruna Moussa Madjaliwa utaranakinnye umukino uheruka.

Ni umukino wari ufite icyo uvuze ku makipe yombi aho Police FC kuwutsinda yari guhita ifata umwanya wa mbere ni mu gihe Rayon Sports kuwutakaza yari kuba irimo igenda iva mu rugamba rw’igikombe cya shampiyona.

Ni umukino watangiye ubona uri ku muvuduko umupira uva ku izamu rimwe ujya ku rindi.

Ku munota wa 7, Luvumbu yagerageje ishoti ariko rinyura hejuru y’izamu.

Ku bwumvikane buke bwa ba myugariro ba Police FC, ku munota wa 9 Rayon Sports yabonye igitego cya mbere cyatsinzwe na Musa Esenu ku mupira yari ahawe na Bugingo Hakim.

Nyuma y’iminota 2, Musa Esenu yongeye gutera mu izamu n’umutwe ariko umunyezamu Onesime Rukundo arawufata.

Kuva kuri uyu munota Police FC yatangiye kwinjira mu mukino, itangira gusatira ishyira igitutu kuri Rayon Sports.

Hakizimana Muhadjiri ku munota wa 17 yacomekeye umupira mwiza Mugisha Didier ariko ateye mu izamu ukubita igiti cy’izamu.

Ku munota wa 19, Hakizimana Muhadjiri yagerageje ishoti rikomeye ariko umunyezamu Simon Tamale arawufata.

Ku munota wa 24 Rayon Sports yabonye kufura ku ikosa Savio yari akoreye Ojera, Luvumbu yateye mu izamu ariko Onesime awohereza muri koruneri itagize icyo itanga.

Ku munota wa 34, Luvumbu yongeye kugerageza ishoti rikomeye ariko umunyezamu Rukundo Onesime awukuramo.

Ku munota wa 35 Mugisha Didier yagerageje ishoti rikomeye ariko unyura hanze gato y’izamu.

Kubera imvura nyinshi yari irimo kugwa, ku munota wa 36, umusifuzi Ngabonziza Jean Paul yafashe umwanzuro wo guhagarika umukino kugira ngo imvura ibanze ihite.

Nyuma y’iminota 29 imvura yari ihise abasifuzi bagarutse mu kibuga kureba niba amazi ari mu kibuga yatuma umukino ukomeza. Nyuma y’indi minota 6, abakinnyi bari batangiye gusohoka mu kibuga bishyushya kugira ngo umukino ukomeze.

Umukino waje gukomeza maze ku munota wa 43, Rayon Sports yatakaje umupira mu kibuga hagati ufatwa na Hakizimana Muhadjiri wacunze uko umunyezamu Tamale ahagaze maze atera umupira ariko ku bw’amahirwe make wakubise umutambiko w’izamu. Muhadjiri yongeye kugerageza amahirwe ku munota wa 45 ariko unyura hanze gato y’izamu. Igice cya mbere cyarangiye ari 1-0.

Rayon Sports yatangiye igice cya kabiri ikora impinduka Kanamugire Roger aha umwanya Kalisa Rashid.

Ku munota wa 47 bakoreye ikosa Hakizimana Muhadjiri hafi n’urubuga rw’amahina, ikosa ryahanwe na Muhadjiri ariko umunyezamu Simon Tamale yitwara neza awukuramo.

Bigirimana Abedi ku munota wa 65 yahawe umupira mwiza ari wenyine imbere y’izamu ariko ananirwa kuwushyira mu izamu.

Mu minota ya nyuma Rayon Sports yasatiriye cyane, ku munota wa 83, Luvumbu ahindura umupira mwiza imbere y’izamu ariko habura uwushyiramo.

Ku makosa na none y’ubwugarizi bwa Police FC na none, Luvumbu yaje gutsindira Rayon Sports igitego cya kabiri ku munota wa 89.

Mu minota y’inyongera, Bigirimana Abedi yatsindiye Police FC impozamarira. Umukino warangiye ari 2-0.

Nyuma yo gutsinda uyu mukino Rayon Sports yahise ifata umwanya wa 4 n’amanota 20, Police FC ya 3 ifite 22 inganya na APR FC ya kabiri mu gihe Musanze FC ifite 23.

Esenu yafunguye amazamu hakiri kare

Ubutumwa yatanze yishimira igitego

Imvura yabaye nyinshi biba ngombwa ko umukino uhagarara

Imvura yahise umukino urakomeza

Source : http://isimbi.rw/siporo/article/rayon-sports-yatsinze-police-fc-ihagarika-umuvuduko-w-imikino-mashami-yari-amaze-adatsindwa-amafoto