Author: webrwanda

Ni ubwa mbere iri rushanwa rigiye kubera mu Rwanda. Ibice bimwe byaryo rizaba hifashishijwe ikoranabuhanga mbere y'uko abakobwa bazahura ku mugaragaro.

Umuyobozi wa Imanzi Agency Ltd, Moses yabwiye InyaRwanda ati 'Urugendo rwo kunyurwa rw'abirabura rushobora kwerekeza ku mbaraga rusange cyangwa guhindura abantu bigamije guteza imbere kunyurwa hamwe n'ubunararibonye bwiza mu muryango w'abirabura.'

Yavuze ko muri iyi rushanwa hakubiyemo ibintu bitandukanye, nk'imibereho, ubukungu n'umuco bigira uruhare mu mibereho myiza, umunezero w'abantu muri 'uwo muryango no gutsimbataza ubumwe hagati y'abirabura ku Isi'.

Uyu muyobozi avuga ko umukobwa uzahagararira abandi akambikwa ikamba rya Nyampinga, azakoresha ubu 'bukangurambaga kugirango ashishikarize abakobwa birabura kunywa no kwishimira kuba abirabura'.

Iri rushanwa rizaba rifite ibyiciro bitatu, bibiri muri byo bizaba hifashishijwe ikoranabuhanga.

Hazaba igihe kandi cyo kubazwa ibibazo n'Akanama Nkemurampaka ndetse n'ibindi bizamini bizerekana imitekerereze n'ubumenyi byari buri umwe.

Icyiciro cya gatatu kizasozwa n'ibikorwa bizaba imbona nkubone, abazaba bakigezemo bazabona itike yo kwitabira aho bizabera mu Rwanda.

Ibikorwa byo kwiyandikisha kw'abakobwa bizatangira mu Kuboza 2023, ari nabwo hazamenyekana abakobwa bazagera kuri 'Final'.

Moses ati 'Riri gutegurwa n'abanyarwanda, rigizwe n'ibyiciro bitatu, bibiri bya mbere bizaba hifashishijwe ikoranabuhanga bitewe n'uko hari ibihugu birimo umutekano mucye muri Afurika, irushanwa rishobora kubera mu Rwanda cyangwa hanze yarwo.'

Nko muri Leta Zunze Ubumwe za Amerika muri Kanama 2023, hatowe umukobwa wambitswe ikamba rya Miss Black USA cyo kimwe no mu Bufaransa.

Iri rushanwa rikunze guhuza abakobwa b'abirabura, hanyuma buri wese abahize abandi bakagenda bitabira amarushanwa atandukanye.

Moses avuga ko kuri iyi nshuro bafite gahunda y'uko abakobwa bo mu bihugu bitandukanye byo ku Isi, bose bazahurira mu Rwanda muri Miss Black World. 

Miss Black World igiye kubera mu Rwanda- Ibice bimwe bizaba hifashishijwe ikoranabuhanga

Ku isaha y'i saa tatu z'ijoro, nibwo umuramyi ukunzwe n'abatari bake kubera ibihangano bye byubatse imitima ya benshi, yari ageze i Kanombe ku Kibuga cy’Indege.

Uyu muramyi ukandagiye bwa mbere ku butaka bw'u Rwanda, yakiranwe urugwiro na bamwe mu bagize itsinda ryamutumiye mu gitaramo rya Drups Band riyobowe na  Fidèle Gatabazi.

Akigera i Kanombe, Sibisi yatangarije InyaRwanda ko yishimiye cyane ikirere cyiza cyo mu Rwanda, ndetse ko yuzuye umunezero w'uko ashoboye guhura imbonankubone n'aba baririmbyi yamenyeye bwa mbere ku mbuga nkoranyambaga.

Yagize ati: 'Maze imyaka myinshi muri Joyous Celebration, ariko natumiwe mu Rwanda ku nshuro ya mbere na Drups Band kugira ngo tuzafatanye ivugabutumwa mu gitaramo bafite.'

Asobanura uko yamenyanye n'iri tsinda, Sibisi yavuze ko ari inkuru ndende ariko ko bamenyanye kubera imbuga nkoranyambaga zisigaye zaroroheje ibintu byose.

Ati 'Icyo nibuka ni uko narebye video zabo baririmbaga indirimbo za korali yacu nkumva binkoze ku mutima. Nahise nifuza kuba ndi kumwe nabo, gusa mvugishije ukuri narabishimiye cyane kuko ni ikintu kidasanzwe kubona abantu bakora ibintu nk'ibi byongeyeho ari urubyiruko.'

Sibisi yashishikarije abantu kwitabira iki gitaramo kigiye kuba ku nshuro yacyo ya kabiri, hari ubwisanzure nta Covid cyangwa ikindi cyorezo kiri mu gihugu, abizeza kuzabona Imana ku kigero kidasanzwe. Yabishimangije ijambo ry'Imana rivuga ngo 'Kuririmba birabohora, kandi aho babiri cyangwa batatu bateraniye bavuga izina ry'Imana nayo irabasanga.'

Umuyobozi mukuru wa Drups Family, Fidèle Gatabazi yatangaje ko bishimiye cyane kwakira umushyitsi wabo wa mbere, asobanura ko bitari byoroshye ukurikije uburyo bamenyanyemo.

Ati: 'Yatumenye abonye dusubiramo indirimbo zabo, aradukunda, yifuza ko twazabana umunsi umwe. Ubu rero turashima Imana ko ibisohoje akaba ageze mu Rwanda, sitwe tuzarota igihe kigera tugafatanya kuramya Imana.'

Uyu muyobozi yavuze ko imyiteguro irimbanije cyane ko hasigaye iminsi mike, yizeza abazitabira iki gitaramo ko abatumirwa bose biteguye haba Dominic Ashimwe, True Promises, New Melody, Pastor Hortense Mazimpaka uzabwiriza ijambo ry'Imana, ndetse n'itsinda rya Best Sounds Band rizagera mu Rwanda kuri uyu wa Kane riturutse mu gihugu cy'u Burundi.

Igitaramo ngarukamwaka cyiswe 'God First,' kizaba ku cyumweru tariki 3 Ukuboza 2023, ku isaha y'i saa munani kizaba gitangiye aho kizabera kuri Intare Arena ya Gisozi iherereye haruguru gato y’Agakinjiro iruhande rw’Amashuri ya APAPEC.

Itsinda rya Drups Band rigizwe n’abaririmbyi 10, ryatangiye gukora mu mwaka wa 2020. Rifite intego yo kwamamaza ubutumwa bwiza bwa Yesu Kristo no kuzana benshi mu gakiza cyane cyane urubyiruko binyuze mu muziki n’indirimbo ziramya zikanahimbaza Imana.

Buri mwaka iri tsinda ritegura iki gitaramo giheruka umwaka ushize, ubwo cyabaga ku nshuro yacyo ya mbere kikabera muri Bethesda Holy Church ku Gisozi cyitabiriwe  n’abasaga ibihumbi bitatu none ubu kikaba kigiye kongera kuba ku nshuro ya kabiri.

Kuri ubu umuntu ushaka kugura itike yo kuzajya gutaramana n’iri tsinda, ashobora kugura itike yo kwinjira mu gitaramo akoresheje code 773365 ku muyoboro wa MTN. Ukeneye itike ushobora no guhamagara izi nimero: +250782650811; +250788543650, cyangwa ukayisanga kuri Samsung 250 mu mujyi no kuri Camellia zose.

Mu myanya isanzwe ni 5,000 Frw, muri VIP ni 10,000 Frw, muri VVIP ni 20,000 Frw naho SPONSOR ni 50,000 Frw.

Ku munsi w’igitaramo amatike azaba yongerewe igiciro aho mu myanya isanzwe itike izaba igura 7,000 Frw, muri VIP ari 15,000 Frw, muri VVIP ari 25,000 Frw, SPONSOR yo izaguma kuri 50,000 Frw.

Umuramyi ukomeye muri Afurika y’Epfo yageze mu Rwanda

Aririmba muri Joyous Celebration ndetse no ku giti cye

Byari ibyishimo ubwo yahuraga imbonankubone na Drups Band yamenyeye ku mbuga nkoranyambaga

Sibisi yakunzwe cyane mu ndirimbo nka ‘We Nihliziyo Yami,’ Unkulunkulu Emuhle n’izindi

Yishimiye cyane kuzataramana na Drups Band

Hasigaye iminsi ine gusa

“>Reba hamwe ikiganiro cyose Inyarwanda yagiranye na Nomthie Sibisi akigera i Kanombe

“>

AMAFOTO+VIDEO: Freddy RWIGEMA – InyaRwanda

Iya Reagan bayise urukundo! Abanyamakuru b'imikino 4 bo kuri RBA bahawe impano y'inkoko n'umukunzi w'urubuga rw'imikino witwa Tuyisenge wavuye ku mupaka w'u Rwanda n'u Burundi, bahise bazita amazina.

 

Abanyamakuru w'urubuga rw'imikino kuri RBA bari Reagan, Rugangura, Axel ndetse na Mugaragu bahawe inkoko z'amasake n'umukunzi w'urubuga rw'imikino.

Aba bagabo bahise bazita amazina, iya Reagan yayise 'Urukundo', iya Axel yayise 'Imfura', iya Mugaragu yayise 'Umurava', naho iya Kwizigira yayise 'Kubana'. Reba Videwo 

View this post on Instagram

A post shared by RADIO RWANDA (@radiorwanda)

Kera i Burayi, bajyaga bavuga ko ushaka guhisha umuntu ukomoka muri Afurika wamuhisha mu gitabo. Byari ukubera ko abantu bo muri icyo gihe nta muntu wakundaga gusoma habe na gato.

Kugeza magingo aya, n’ubwo Leta ishyira mu ngamba imyanzuro myinshi igamije gukangurira no gukundisha abantu gusoma, hari abagira ubunebwe bwo gusoma ku buryo umuntu ashobora kurangiza kwiga kaminuza nta gitabo na kimwe asomye.

Ibi bigaragaza ko hari umurage abantu bakuye ku bakurambere wo kudakunda gusoma cyane ko nta muntu wari uzi ibyiza byo gusoma. Kuri ubu, ubashije gukubita impyisi inkoni agasoma ntabwo amara igihe kirekire asoma.

Mu bunebwe bwo gusoma abantu benshi bagira, bihumira ku mirari iyo habonetsemo ijambo rirerire bituma ahita abyihorera ntanigere ashaka kumenya ubusobanuro bwaryo. Kugeza aha, nawe ushobora kuba uri gusoma iyi nkuru ariko utari wasoma Hippopotomonstrosesquippedaliophobia ngo urirangize ahubwo ukaritaruka.

Iyo umuntu abonye amagambo nka Hippopotomonstrosesquippedaliophobia, pneumonoultramicroscopicsilicovolcanoconiosis cyangwa se  antidisestablishmentarianism abantu benshi bahita baritaruka bagakomeza gusoma amagambo akurikiye. 

Bimwe mu bimenyetso by’umuntu urwaye iyi ndwara, ni uguhita ahagarika gusoma igitabo mu gihe abonye ijambo rirerire akagira ubute bwo kurisoma, kubabara umutwe, kuzana ibyunzwe, guhumeka nabi agerageza kurisoma, kugwa igihugumure ndetse n’ibindi bimenyetso bigaragaza umuntu wagize ubwoba.

Bimwe mu bitera iyi ndwara, ni ukudakunda gusoma, kudakunda kumenya ibintu bishya, amateka y’umuryango cyangwa se uruhererekane rw’umuryango mu buryo bw’amaraso, kuba hari igihe waba warigeze kugerageza gusoma ijambo rirerire rikakunanira mu ruhame ukumva usebye.

Zimwe mu nagruka ku muntu ufite iyi ndwara ni ukutamenya ibintu bishya, kwibuza amahirwe mu gusoma, kutigirira ikizere mu gusoma, kwanga gusoma burundu. 

Mu gihe waba wiyumvamo ibi bimenyetso, ushobora kwegera muganga w’indwara zo mu mutwe cyangwa se undi muntu ufite ubunararibonye mu burezi wisanzuyeho akagufasha mu kwivura ubu bwoko bw’indwara.

Ubwo bapangaga gusubiramo indirimbo Funga macho, Bruce Melodie na Shaggy babikoreye kuri internet nta muntu uhuye n’undi ngo bagirane ibiganiro imbona nkubone.

Ubwo Bruce Melodie yataramaga muri Trace Awards akaririmba indirimbo when she is around, Shaggy yifashishije uburyo bugezweho kuri internet hanyuma ataramira abafana be i Kigali.

Nyuma y’umubano mwiza bagiranye n’ibiganiro byiza, Bruce Melodie yerekeje muri Amerika gutaramana na Shaggy mu bitaramo bya iHeartRadio Jingle Ball Tour bitegurwa na iHeart Radio ku bufatanye n’ikigo cy’imari cya Capital One.

Ibi bitaramo byatangiye ku wa 26 Ugushyingo 2023 bikaba bizarangira ku wa 16 Ukuboza 2023. Biteganyijwe ko Bruce Melodie aza gutarama none ku wa 28 Ugushyingo 2023 mu mujyi wa Dallas akazongera gutarama ku wa 16 Ukuboza 2023.

Abinyujije ku mbuga nkoranyambaga ze, Bruce Melodie yatangaje ko yishimiye kuba yahuye na Shaggy bwa mbere mu mateka yabo ny’uma y’uko bajyaga baganira kuri telephone gusa.

Biteganyijwe ko Bruce Melodie namara kuririmbira mu mujyi wa Dallas azagaruka mu Rwanda mu gitaramo cya Kendrick Lamar muri BK Arena giteganyijwe ku wa 06 Ukuboza 2023.

Nyuma Bruce Melodie azongera ajyanwe muri Amerika no kuririmbana na Shaggy indirimbo When She Is Around ubwo hazaba hasozwa ibitaramo bya iHeart Jingle Ball Tour ku wa 16 Ukuboza. Iki gitaramo kikazabera Armerant Bank Arena yakira abarenga 20,000.

Ibi bitaramo bizagera mu mijyi 10 birimo abahanzi bahanzwe amaso na benshi barimo Usher, Olivia Rodrigo, Nicki Minaj, SZA, Niall Horan, One Republic, AJR, Sabrina Carpenter, Flo Rida, Melanie Martinez, David Kushner.

Bwa mbere, Bruce Melodie yahuye na Shaggy imbona nkubone bitari ukumubona kuri Televiziyo cyangwa telefone nk’abandi bose.

Billboard ni urubuga rwo muri Amerika rukurikiranira hafi imyidagaduro ndetse rugatondeka indirimbo zikunzwe kugeza ku ndirimbo 200 buri Cyumweru. Uru rubuga rwatangiye gukora mu mwaka wa 1894 rwamaze kubaka izina hirya no hino ku Isi hose.

Uru rubuga byibuze rusurwa n’abantu barenga 15,000,000 buri Kwezi bivuze ko iyo umuhanzi abashije gukora indirimbo ikagera kuri urwo rubuga abyandika mu bikorwa by’indashyikirwa yagezeho mu buzima.

Uretse kuba abahanzi bo muri Amerika bashobora kugera kuri urwo rubuga mu buryo bworoshye kuko baba bakorera umuziki ku mbehe yarwo, hari bamwe mu bahanzi bo muri Afurika bamaze kugera kuri uru rubuga inshuro nyinshi.

Uretse kugaragara kuri uru rubuga inshuro nyinshi, hari abahanzi bo muri Afurika babashije kuza mu myanya myiza ku rutonde rw’indirimbo zikunzwe kuri uru rubuga rufatwa nk’urwa mbere ku Isi rutondeka indirimbo zikunzwe.

Dore abahanzi babashije kuza mu myanya myiza ku rutonde rw’indirimbo zikunzwe rukorwa na Billboard.

1.Hugo Masekela yifashishije indirimbo Grazin’ In The Grass yabaye iya mbere ikunzwe mu mwaka wa 1968. Uyu mugabo ukomoka muri Afurika y’Epfo niwe muhanzi wo muri Afurika wabashije gukora indirimbo ikaba iya mbere kuri Billboard wenyine.

2.Indirimbo Calm down ya Rema na Selena Gomez niyo ndirimbo ya Kabiri yaje ku mwanya mwiza aho yageze ku wa Gatatu mu ndirimbo zikunzwe kuri Billboard.

3.Indirimbo ya Esence ya Wizkid yasubiranyemo na Justin Bieber ndetse na Tems yageze ku mwanya wa 9 mu ndirimbo zakunzwe ku rubuga rwa Billbord. Iyo gihe hari mu mwaka wa 2021.

4.Indirimbo Water ya Tyla yabashije kuza ku mwanya wa 10 mu ndirimbo zikunzwe iki cyumweru ku rubuga rwa Billboard akaba ari uwa Kabiri ubashije kuza hafi abicyesha indirimbo ye bwite nta wundi muhanzi bafatanyije.

5.Indirimbo Pata Pata ya Miriam Makeba niyo iri ku mwanya wa 5 mu ndirimbo zo muri Afurika zakunzwe cyane ku rubuga rwa Billboard. Miriam yabigezeho mu mwaka wa 1967 icyo gihe akaba yari umugore wa mbere ubigezeho dore ko aka gahigo kakuweho na Tyla wamuje imbere nyuma y’imyaka 56.

Indirimbo Water ya Tlya ikomeje kwandika amateka

Hugo Masekela niwe muhanzi wenyine muri Afurika wabashije kuza ku mwanya wa mbere kuri Billboard Hot 100