Author: webrwanda

Kuwa Kane tariki 07 Ukuboza 2023, wari umunsi wa Kabiri w’amarushanwa ya ‘Africa COY 2023’ [Africa Company Of the Year] ari kuba ku nshuro yayo ya 13. 

Kuva mu gitondo cyo kuri uyu wa Kane, abanyeshuri bahawe umwanya uhagije banyura imbere y’abagize akanama nkemurampaka bagaragaza imishinga bakoze igamije gukemura bimwe mu bibazo byugarije abatuye muri Afurika.

Muri iyi mishinga yamuritswe n’abana b’abanyeshuri bafashwa n’umuryango wa JA Africa, harimo ibiri ijyanye no gukora ‘application’ zishinzwe kwita ku buzima bwo mu mutwe, uwo gukora inyoni z’amarobo zishinzwe kurinda umutekano, uwo gukora akabogisi (box) gakoze mu buryo bw’ikoranabuhanga kabika ibiryo kakabirinda guhora cyangwa kwangirika, uwamuritswe n’u Rwanda wo gukora imashini yuhira imyaka n’indi myinshi.

Mu mpuzankano zibereye ijisho, icyizere kiri hejuru hamwe no gushira amanga, buri gihugu cyagendaga kimurika umushinga wacyo, ikibazo bifuza gukemura, impamvu batekereje uwo mushinga n’uko bumva wakorwa ugatandukana n’indi yamaze gushyirwa mu bikorwa, maze abagize akanama nkemurampaka bakababaza ibibazo mu rwego rwo kwagura ibitekerezo byabo.

Ni mu gihe igikorwa cyo gutanga ibihembo ku bahize abandi mu kugira imishinga myiza, giteganijwe kuri uyu wa Gatanu tariki 08 Ukuboza 2023, muri Serena Hotel ahasanzwe hari kubera izindi gahunda zose zijyanye n’aya marushanwa.

Insanganyamatsiko y’amarushanwa ya ‘Company of the Year’ y’uyu mwaka iragira iti “Breaking Barriers” bisobanuye gukuraho inzitizi. 

Byagaragajwe ko iyi nsanganyamatsiko ari ingenzi cyane kuko muri 2050, ikoranabuhanga rizaba ryaramaze gufata icyicaro gikomeye mu buzima bwa muntu, aho imirimo izagabanuka ikaba micye cyane, abantu bakabura akazi. 

Niyo mpamvu abakiri bato, nk’abafite Afurika y’ejo hazaza mu biganza byabo basabwe gutangira kuhategura nonaha biga guhanga udushya, mu rwego rwo kuzarema Afurika iteye imbere kurushaho.

Iyi, ni inshuro ya kabiri ari kuba imbonankubone nyuma ya Nigeria kuko mu yindi myaka yabanje mu gihe cya Covid 19, aya marushanwa yabereye ku ikoranabuhanga inshuro zigera kuri ebyiri.

JA Africa ifite icyicaro mu bihugu 16 byo muri Afurika yo munsi y'ubutayu bwa Sahara, aho buri mwaka uyu muryango ugera ku rubyiruko rusaga 390,000.

Amwe mu mafoto yaranze iminsi wa kabiri wa “JA Africa COY 2023”

Aya mahugurwa ku ishoramari arasozwa kuri uyu wa Gatanu 

This post was created with our nice and easy submission form. Create your post!

InyaRwanda.com twagerageje kuganira n’impande zombi kugira ngo twumve ikibazo aho kiri ndetse n’aho byose bipfira. 

Bulldogg, umwe mu baraperi b’abanyabigwi barambye muri iki kibuga cy’umuziki nyarwanda, avuga ko ubundi byose abona biterwa n’itangazamakuru ritagerageza gushyigikira injyana ya Rap kugira ngo abaturage bayiyumvemo.

Agira ati:” Ubundi byose bihera ku itangazamakuru, usanga injyana ya Rap bayijugunya kure cyane ahubwo bakicurangira izindi njyana gusa. Icyo gihe ntabwo umuntu utegura igitaramo azigera amenya uburyo ikunzwe mu baturage kuko atajya ababona bayishimira; idakinwa kuma radiyo n’ama televiziyo, bivuze ko azajya ahora yumva ko iyo njyana idakunzwe mu bantu ndetse batanayishimira.Ibyo bizatuma atifuza gutumira umuhanzi w’injyana ya Rap kuko azajya aba yumva ko uwo muraperi nta bafana agira kandi mu by’ukuri abafana aba abafite kandi benshi cyane”.

Bulldogg avuga ko itangazamakuru rigerageje gushyigikira ijyana ya Rap, abategura ibitaramo bakabona uburyo hano hanze ikunzwe mu bantu, nta kabuza  abantu babitegura bajya babatumira kuko bajya babona ko bafite abafana kandi bakaba batabahombya.

Riderman, Umuraperi abana hafi ya bose baza muri iki kibuga bafatiraho  urugero  bitewe n’ubuhanga bwe, avuga ko kuba abaraperi badatumirwa mu bitaramo kenshi atari uko batababona cyangwa se badahabwa agaciro, ahubwo biterwa n’icyo uwateguye igitaramo agamije kandi na none bigaterwa n’isoko akeneye.

Agira ati ” Yego nibyo rimwe na rimwe Rap ijya ikandamizwa, ariko nkeka ko mu bitaramo byinshi biba hano mu Rwanda haba harimo umuraperi, urugero muri ibi bitaramo bimaze iminsi bizenguruka igihugu bya MTN Iwacu Muzika Festival, harimo abaraperi kandi nureba neza urasanga baritwaye neza.

Ku ruhande rwanjye kandi, ntekereza ko ibitaramo byose bitegurwa bitaba biri mu mujyo wa Hip Hop kuko buri gitaramo gitegurwa kiba gifite intego yacyo, nyewe rero ntabwo njya ndenganya utegura igitaramo ntashyiremo umuraperi kuko aba afite impamvu n’icyo agamije”.

Riderma avuga ko hari n’abaraperi bitegurira ibitaramo byabo, bityo ko bitagakwiriye ko abaraperi bahora bavuga ko badatumirwa kuko buri gitaramo kiba gifite intego yacyo ikindi kandi hakaba hari n’abandi bahanzi baririmba izindi njyana batajya bahora bavuga ko batajya batumirwa.

Agira ati:” None se ubu hari ubwo abaririmba injyana ya Gospel bajya barira ngo ntibatumirwa mu bitaramo biba byateguwe?, abaririmba injyana za gakondo se bo hari ubwo bajya babikora?, igihari ni uko buri gitaramo cyose kiba gifite intego yacyo kandi bikanaterwa n’amasezerano aba ahari”.

Riderma we avuga ko rwose abaraperi batumirwa mu bitaramo byinshi bikunzwe gutegurirwa mu Rwanda.

Zeo Trap, umwe mu baraperi bari kuzamuka neza muri muzika mu njyana ya Rap, avuga ko  iyi njyana  ikandamizwa cyane. Avuga ko abategura ibitaramo bagakwiriye kujya bareba n’abandi bahanzi baririmba injyana ya Rap mu buryo bwo kuzamura muzika Nnyarwanda ku rwego mpuzamahanga muri rusange.

Uyu musore avuga ko ikibazo gihari kuri iki gihe, ari uko abategura ibitaramo batazi neza imiziki igezweho, kuko babaye bazi imiziki irenze kuri iki gihe, bajya batumira cyane abaraperi kuko  ngo nureba neza uzasanga bayoboye muzika kuri iki gihe.

Agira ati:”Ikibazo gihari kuri iki gihe, ni uko abantu bategura ibitaramo batazi neza imiziki itwika, ubu se nk’umuntu ujya akurikiranira hafi ibitaramo, iyo harimo umuraperi runaka ubona atari we uhagurutsa abafana cyane kurenza abandi baririmba izindi njyana? Nta yindi mpamvu, ni uko Rap ariyo iba iyoboye ikindi kandi abaraperi bakaba banafite imyuka iri hejuru cyane”.

Ku ruhande rw’abategura ibitaramo, bavuga ko abaraperi rimwe na rimwe bajya babatenguha, bakabicira gahunda bityo ubutaha ntibongere kubatekerezaho kuko bo ubwabo baba biyambitse isura mbi y’uko badashoboye.

Lucky Promoter, uzwiho gutegura ibitaramo bitandukanye mu mujyi wa Kigali n’ahandi, avuga ko  abaraperi inshuro nyinshi bagiye bamutenguha bikarangira yiyemeje kutazongera kugira icyo avugana nabo ukundi.

Agira ati:” Nta kubeshye, abahanzi baririmba injyana ya Rap, inshuro nyinshi bakunze kwica gahunda y’umuntu. Urugero uramutumira, ukamubwira ko agomba kuhagera saa moya z’umugoroba (19:00 Pm), hanyuma ukamutegereza ugaheba ukajya kubona ukabona akugezeho nka saa mbili cyangwa se igitaramo kiri hafi kurangira”.

Si ibyo Lucky ashinja abaraperi, kuko uretse no gukererwa kuza mu gitaramo wamutumiyemo, rimwe na rimwe birangira ataje. Ati:” Hari igihe uhana gahunda n’umuraperi, ibintu byose mukabyumvikana, ukamuwishyura amafaranga make, mukumvikana ko ayandi uyamuha igitaramo kirangiye cyangwa se yose ukanayamwishyura, abantu bakikoraho bakazinduka bazi ngo baje kureba umuraperi bishyuriye, bwa nyuma na nyuma ugashiduka ataje. Ubwo urumva icyo gihe uzongera kumutekerezaho ikindi gihe koko, kandi uba uri mu bushabitsi nawe ukeneye inyungu”.

Lucky yongera kwibutsa abaraperi bakunze kuvuga ko “Abaraperi bagakwiriye gutumirwa mu bitaramo kugira ngo umuziki nyarwanda utezwe imbere muri rusange”.

Lucky we avuga ko abakire bamwe bategura ibitaramo batagamije guteza imbere muzika nyarwanda ahubwo bibereye mu bushabitsi, bishakira inyungu. Hano rero umukire akareba umuhanzi uri bumubyarire inyungu, kuruta uko yatumira abaraperi kandi abona ko ari bubihomberemo.

Ikindi Lucky avuga ko rwose abaraperi bifitemo akantu cy’ubunebwe bwo kudakora, aho usanga ashyira hanze indirimbo hanyuma kuzakora indi bikaba intambara. Ati:” Ubwo se umukire azagutumira kandi abona nta kintu ufite ubwira Abanyarwanda kiri butume bava iwabo?”.

Aba  baraperi bose  baganiriye na InyaRwanda.com, basozaga bavuga ko ikintu kigiye gukorwa ari ukujya bo ubwabo bitegurira ibitaramo byabo bwite aho kugira ngo bajye bahora barekereje ku bakire nabo batabaha agaciro bakwiriye, ubundi ugasanga barasuzugurwa n’ibindi.

Aba bahanzi bavuga ko nubwo bahereye kera barwanirira ishyaka injyana ya Rap kugeza na n’ubu bikaba bikigoye, bafite icyizere gikomeye ko igihe kimwe bizacamo nabo bagafatwa nk’abandi ariko binyuze mu gukora cyane bafatanyije  nta bintu byo gucika intege. 

Abahanzi babiri hano mu Rwanda; Yago Pon Dat ndetse na Dany Nanone, ni bamwe mu bahanzi batigeze batumirwa na rimwe mu bitaramo byabereye mu Rwanda kuva Dany yava kwiga muzika  ndetse no kuva Yago yatangira muzika.

Aba bahanzi bakoranye ishyaka aho Yago yavugaga ko ‘ntabwo ntumirwa mu bitaramo ariko igitaramo cya mbere nzakora kizaba ari icyanjye bwite’. Dany Nanone nawe byagenze gutyo.Kugeza ubu, aba bahanzi bombi bari gutegura ibitaramo byabo by’ibikurankota byo kumurika Album zabo. 

Mu minsi ishize  ubwo byatangazwaga ko  Umuraperi ukomeye ku Isi, Kendrick Lamar agiye gutaramira i Kigali, kuva icyo gihe bamwe mu baraperi bo mu Rwanda   barimo Bushali,bagaragaje ko  batishimiye  ibyakozwe n’abateguye iki gitaramo  kuko nta muraperi n’umwe wari watumiwe bavuga ko  basusuguwe cyane.

Gusa  nubwo  byari bimeze gutya , ku mugoroba  mbere yo gukora igitaramo kuri uyu wa Gatatu tariki 6 Ukuboza,2023, Kendrick Lamar  yahuye  na bamwe mu baraperi bo mu Rwanda barimo  Dany Nanone  ndetse na Kivumbi King.

Reba indirimbo ‘Impamvu’ ya Riderman

“>

Reba indirimbo ‘Mpe Enkoni’ ya Bulldog

Reba indirimbo ‘Eleee’ ya Zeo Trap

“>

Bulldog avuga ko ikibazo abona byose bihera ku itangazamakuru

Riderman avuga ko  ibitaramo bitegurwa byose bitaba bigenewe kuririmbwamo abaraperi kuko byose biba bifite intego zitandukanye

Zeo Trap avuga ko avuga ko abategura ibitaramo baba bagomba no kwibuka abaraperi kugira ngo muzika Nyarwanda itere imbere muri rusange

Ibitaramo bibera mu Rwanda, abaraperi bavuga ko batajya bahabwa umwanya wo kwigaragaza kd bashoboye 

Inshuro nyinshi cyane hakunze kumvikana abantu bashinja Melodie kubihiriza abo ari gutaramira bitewe n’imitegurire y’urubyiniriro idahwitse. Wasangaga abantu bavuga ko Melodie ari umuhanga mu kuririmba ariko byagera ku rubyiniriro ugasanga rwose nta kintu kiri kuvamo na gito. 

Uyu muhanzi yashinjwaga gutegura urubyiniriro ariko n’ubundi ugasanga ibyo ari gukora, nibyo yamye akora mu myaka icumi yose ishize akora muzika, nta kintu gihinduka akora bitandukanye n’abandi bahanzi bo mu bindi bihugu bategura urubyiniriro uyu munsi, ejo ukabona yahinduye imitegurire. Ibi bikaba byarahamyaga ko nakomeza kubikora nta mpinduka ashyiramo, nta kabuza nyuma y’imyaka ibiri gusa atazaba akibasha no kubona abantu barenga icumi mu gitaramo cye kuko n’ubundi nta kintu gishya na kimwe azaba agiye kubereka.

Ikindi  na none kandi iyo yajyaga ku rubyiniriro, yarijyanaga buri gihe nta w’undi muntu bajyanye (umubyinnyi), ibintu ubundi biba bisa nabi cyane ku muhanzi mukuru nka Melodie, ikindi kandi wabonaga ko abantu batanyuzwe.

Melodie yagiye agirwa inama kenshi zo kujya arebera ku bahanzi bakomeye ku Isi bazaga gutaramira mu Rwanda, imitegurire y’urubyiniriro rwabo, ukabona baranyeganyega bakava hasi, bakajyana n’ababyinnyi ku rubyiniriro, bakajyana imyenda igizweho n’udushya n’ibindi bitandukanye.

Uyu muhanzi ubwo yajyaga gutaramira muri Amerika mu gitaramo yari yatumiwemo n’umunyabigwi muri muzika y’Isi, Shaggy, byose bisa nk’aho ariho byahereye kugerageza kuzana impinduka. Niwitegereza amashusho ari ku mbuga nkoranyambaga agaragaza uyu muhanzi ari gutaramira muri Amerika, ubona ko r yari afite impinduka zikomeye cyane. Ukurikije ukuntu yari asanzwe ataramira abanyarwanda nk’urugero mu bitaramo bizenguruka igihugu bya MTN Iwacu Muzika Festival, wabonaga ko  bamwe  bamushinja kubabihiriza ku rubyiniriro nta banga ririmo.

Mbere y’amasaha make kugira ngo ajye gutaramira muri BK Arena, ukurikiranye ibiganiro yagiye agirana n’ibitangazamakuru bitandukanye. Iyo bamubazaga ku kijyanye n’imitegurire yo kuri uwo munsi, Melodie yasubizaga ko ibintu agiye gukora bizandikwa mu mateka ya muzika nyarwanda kuko haraza kubonekamo udushya tutigeze tubaho ariko akirinda kugira icyo abivugaho .

Ntibyatinze kuko muri iri joro niwe muhanzi wabimburiye abandi mu gitaramo.

Uyu muhanzi uburyo yaserutse byatunguye abantu batagira ingano ndetse kugira ngo bizanibagirane mu mitwe yabo bikazagorana cyane. Ibyo abanyarwanda batari bamumenyereyeho, kuri iyi nshuro yaje noneho ahubwo abibagiza ibyo bamuvugagaho byose bijyanye no kutabasha gutegura urubyiniriro.

Uyu muhanzi yaje ku rubyiniriro  afite ababyinnyi be ibintu atikozaga, ikindi na none imyambarrire yazanye  bivugwa ko ihenze.Si ibyo gusa kandi Melodie ntabwo yigeze azana ibyo guhagaraga ahantu hamwe nka kumwe yajyaga abikora ahubwo yikozaga hasi akikoza hejuru akazenguruka urubyiniriro, muri rusange ukabona ni ibintu biryoshye cyane. 

Ibi bintu byose yakoze byatumye ivumbi ritumuka muri BK Arena, abantu barahaguruka barabyina karahava imyenda barikura bajugunya ku ruhande.

Reba igitaramo cy’amateka  Bruce Melodie yakoreye muri BK Arena

“>

Melodie yari yambaye ibihenze gusa

Melodie yari yazanye n’ababyinnyi

Melodie kuri iyi nshuro yari afite imyuka iri hejuru gusa

Kuri iyi nshuro Melodie yatanze ikosora

Shampiyona y’icyiciro cya mbere mu Rwanda (Rwanda Premier League) yasinyanye amasezerano n’Ikigo gusakaza amashusho cya StarTimes yo kujya yerekana iyi shampiyona afite agaciro ka miliyari imwe na miliyoni 240 z’amafaranga y’u Rwanda.

Ni amasezerano yashyizweho umukono kuri uyu wa Kane tariki ya 7 Ukuboza 2023 na perezida w’Inama y’Ubutegetsi ya Shampiyona y’u Rwanda, Mudaheranwa Hadji Yusufu aherekejwe na perezida wa FERWAFA, Munyantwali Alphonse ndetse na CEO wa StarTimes Rwanda, Wang Fan aherekejwe na Munyangeyo Kennedy wa RBA izerekana iyi shampiyona.

Ni amasezerano azamara imyaka 5 aho afite agaciro ka 1,240,800,000 Frw, iyi shampiyona ikaza inyura kuri Shene ya Magic Sports iri kuri StarTimes.

Umuyobozi w’Inama y’Ubutegetsi ya Shampiyona y’u Rwanda, Mudaheranwa Hadji Yusufu yavuze ko aya masezerano uretse uburyo bw’amajwi yamaze guhabwa Ikigo cy’igihugu cy’itangazamakuru (RBA).

Ati “Amasezerano turi dusinye afite ingingo zitandukanye, shampiyona y’u Rwanda izerekanwa na StarTimes iri kumwe na RBA. RBA kandi izavuga umupira mu buryo bwa Live (kogeza kuri radio) ariko n’ikindi gitangazamakuru kizabyifuza kuwutambutsa live kizegera Rwanda Premier League tuvugane.”

Yakomeje avuga ko aya mafaranga ari mu bice bitatu aho igice cya mbere cy’imyaka 3 kimeze nk’igeragezwa.

Ati “amafaranga azishyurwa mu bice 3, imyaka 3 ya mbere izaba imeze nk’igeragezwa aho bazajya bishyura miliyoni 220 Frw ku mwaka mu gihe cy’imyaka 3. Umwaka wa kane haziyongeraho 20% (bivuze miliyoni 264 Frw), umwaka wa nyuma ni bazishyura hiyongereyeho 20% y’umwaka 4 (miliyoni 316.8 Frw).”

Wang Fun CEO wa Star Rwanda yavuze ko bishimiye gukorana na Shampiyona y’u Rwanda berekana umupira.

Ati “twishimiye gukorana na RPL, turizera ko mu myaka 5 iri mbere tuzabaha ibyiza kandi twizeye ko abafana bazaryoherwa.”

Bavuze ko kandi nta handi iyi shampiyona izajya inyura uretse kuri StarTimes ndetse ko nabajyaga bayerekana kuri YouTube bitemewe uzabigerageza azahanwa ndetse n’amakipe yayinyuzaga kuri YouTube za yo bitemewe.

Rwanda Premier League yasinyanye na StarTimes amasezerano y’imyaka 5