Author: webrwanda

Mu ijoro ryo kuri uyu wa 6 Ukubiza 2023, muri Kigali Arena habereye igitaramo cy’amateka cyiswe ‘Move Afrika’ cyitabiriwe na Perezida Paul Kagame na Madamu Jeannette Kagame cyatumiwemo Umuraperi w’icyamamare Kendrick Lamar, wanyuze abari bakitabiriye.

Ni igitaramo cyateguwe n’muryango Global Citizen ufatanyije n’Ikigo pgLang cyashinzwe na Kendrick Lamar, mu mushinga wiswe 'Move Afrika: A Global Citizen Experience’.

Ibi bitaramo bya 'Move Afrika: Rwanda' ni ubwa mbere bibereye i Kigali, u Rwanda rukaba rwahawe kwakira ibi bitaramo mu gihe cy’imyaka itanu iri imbere, bivuze ko bizageza mu 2028 bibera inaha.

Ni igitaramo cyari gitegerejwe na benshi, cyane ko kuva cyatangira kwamamazwa benshi bagatagaje ko bonyotewe no gutaramana n’umuraperi Kendrick Lamar uri mu beza isi ifite. Ibi kandi byahamijwe n’uko amatike yo kwinjira muri iki giyaramo yashize ku isiko mbere y’uko kiba.

N’ubwo amatike yo kwinjira muri iki gitaro yari yihagazeho cyane, aho itike ya macye yari ihagaze amafaranga ibihumbi 50Frw, mu gihe hari andi y’ibihumbi 85Frw n’ay’ibihumbi 100Frw, ntibyabujije abakunzi b’umuziki kuyagura nk’abagura amasuka.

Mu masaha ya saa 17:00 ni bwo imiryango ya Kigali Arena yafunguwe abantu batangira kwinjira muri iyi nyubako imaze kuba ubukombe mu kwakira ibitaramo bikomeye. Nyuma y’amasaha atatu abantu bari bamaze kugera muri Kigali Arena, abari bayoboye ibi birori basabye abamaze kuhagera gufata ibyicaro igitaramo kigatangira.

Bidatinze Dj Toxxyk yahise aza ku rubryniro atangira gususurutsa abitabiriye iki gitaramo mu ruvange rw’imiziki iryoheye amatwi, ubona ko buri wese ari kunyeganyega kandi yifuza gutarama, yacuranze indirimbo zitandikanye zirimo izo mu Rwanda, Afurika n’Isi yose muri rusange.

Nyuma y’iminota hafi 55 acuranga, Dj Toxxyk yavuye ku rubyinira haza itsinda rya Symphony Band rizwiho gucuranga umuziki bigezweho ryifashishije ibyuma bigezweho mu ruvangitirane rw’amajwi, akaba ari naryo ryacurangiye abahanzi nyarwanda.

Saa 20:56 Bruce Melodie yinjiye ku rubyiniro n’ababyinnyi be bane, yabimburiye abandi bahanzi bose, yakiranywe urugwiro n’abitabiriye igitaramo ahita yanzika n’indirimbo ze zitandukanye ahereye kuri ‘Bado’ akomereza ku zindi zirimo ‘Azana’, ‘Fou de toi’ yakoranye na element na Ross Kana, ‘Kungola’ yakoranye na Sunny, ‘She’s Around’ yakoranye na Shaggy baherutse no guhurira mu gitaramo muri Leta Zunze Ubumwe za Amerika n’izindi.

Nyuma ya Bruce Melodie hahise hakurikiraho umuhanzikazi w’umunya-Tanzania, Zuchu, ubarizwa muri Wasafi Classic Baby (WCB) ya Diamond Platnmuz banavugwa mu rukundo. Uyu muhanzikazi yageze ku rubyiniro ari kumwe n’ababyinnyi be b’abakobwa n’abahungu atangira kuririmba ahereye ku ndirimbo ‘Honey’, akurkizaho n’izindindi zirimo ‘Sukari’, ‘kwikwi’, ‘Cheche’ yakoranye na Diamond n’izindi.

Nyuma Zuchu, umubyinnyi mpuzamahanga w’umunya-Rwanda Sherrie Silver wamamaye binyuze mu mbyino ze zikundwa na benshi yahise akurikiraho. Uyu mukobwa yaserukanye n’abana bato atoza kubyina binyuze muri Sherrie Silver Foundation. Baririmbye kandi babyina indirimbo zitandukanye ziganjemo ko bakunda cyane Afurika, Umugabane wabibarutse. Aba bana bishimiwe by’ikirenga nyuma yo kugaragaza impano za bo.

Muri iki gitaramo kandi Sherrie Silver yongeye kugaragaza ubuhanga bwe mu kubyina imbyino zigezweho azivanze n’imbyino nyafurika n’Inyarwanda.

Perezida Kagame wari witabiriye iki gitaramo ari kumwe na Madamu we Jeannette Kagame, yahawe umwanya muri iki gitaramo asuhuza abakitabiriye anabifuriza kugira impera z’umwaka nziza. Avuga ko ari 'uburyo bwiza bwo gusoza umwaka'.

Yagaragaje ko kandi Afurika ikwiye kwigira no kwihaza ku ngengo y’imari binyuze mu gukorana bizatuma umugabane utsinda imbogamizi ugihura na zo.

Mu gusoza ijambo rye umukuru w’Igihugu yifurije abitabiriye iki gitaramo Noheli Nziza n’Umwaka Mushya Muhire wa 2024.

Kuva atangiye kuvuga, hagati mu ijambo rye na nyuma yaryo, buri cyose yavugaga cyaherekezwaga n’amashyi y’urufaya y’abitabiriye igitaramo. Baririmba bati “Mzehe wacu” Abandi bati “ni wowe.”

Umuhanzikazi Ariel Wayz ni we wahise ukurikiraho ku rubyiniro, yakiranywe ubwuzu, ahita atangira kuririmba indirimbo ze zitandukanye, yageze ku ndirimbo ‘Demo’ yakoranye na Kivumbi King na Bruce The 1st yakunzwe na benshi abaha ikaze bafatanya kuyiririmba.

Nyuma y’abahanzi Zuchu, Bruce Melodie na Ariel Wayz hari hatahiwe Kendrick Lamar wari umuhanzi mukuru muri iki gitaramo, akaba yari ategereje na benshi bifuzaga kubona umuraperi ufatwa nka nimero yambere ku Isi abataramira imbona nkubone.

Kendrick Lamar yageze ku rubyiniro saa tanu zibura iminota micye, ubwo izina rye ryari rihamagawe muri Kigali Arena ibintu byahise bihindura isura, abitabiriye igitarami bahise batangira kwishima mu majwi menshi bamuha ikaze.

Uyu muraperi yinjiye ku rubyiniro ari kumwe n’itsinda ry’ababyinnyi, atangita kuririmba indirimbo zitandukanye zirimo “Loyalty” yakoranye na Rihanna mu myaka itandatu ishize akurikizaho n’izindi zirimo “A.D.H.D” yasohotse mu 2011, “Behind betrayal” yahuriyemo na Eminem, Swimming Pools (Drank) imaze imyaka 10 igiye hanze na “Bitch, Don’t Kill My Vibe” ), “King Kunta”, “Money Trees” yakoranye na Jay Rock mu myaka 11 ishize, 'Love' yakoranye na Zacari mu myaka itanu ishize n’izindi.

Mu gusoza Kendrick Lamar yashimiye urukundo yeretswe muri iki gitaramo, anahishura ko u Rwanda ari cyo gihugu cya mbere ataramiyemo muri Afurika kuva mu 2004 ubwo yatangiraga umuziki.

Saa 00:23 ni bwo Kendrick Lamar yaririmbye indirimbo ye ya nyuma yise 'Savior' yakoranye na Baby Keem na Sam Dew mu 2022, ahita asoza iki gitaramo nyuma y’iminota 85 ataramira abakunzi b’umuziki we baririmbanye na we banabyina kuva ku ndirimbo ye ya mbere kugera ku ya nyuma.

Bruce Melodie ni we wabanje ku rubyiniro

Zuchu yahacanye umucyo

Zuchu n’ababyinnyi be

Madame Jeannette Kagame na we yitabiriye iki gitaramo

Perezida Kagame na we yari ahari, avuga ko ari uburyo bwiza bwo gusoza umwaka

Ariel Ways ku rubyiniro

Kigali Arena yari yuzuye abantu bitabiriye igitaramo

Kendrick Lamar yanyuze abari baje mu gitaramo

RUKUNDO Sulaiman / ISIMBI.RW

Abahanzi nyarwanda bahuye na Kendrick Lamar barimo, Riderman, Dice Kid, Sema Sole, Devydenko, Andersonne, Maestro Bommin, Danny Nanone, Logan Joe, Pro Zed, Kivumbi, Bruce The 1st na Angel Mutoni.

Byabaye ku mugoroba wo kuri uyu wa Gatatu tariki ya Gatandatu 06 Ukuboza 2023, kuri Marriott Hotel mbere y’uko uyu muraperi yerekeza mu nzu mberabyombi isanzwe iberamo imikino n’imyidagaduro izwi nka BK Arena, mu gitaramo “Move Afrika:Rwanda”

Aba bahanzi bahuye banagirana ibiganiro bitandukanye ariko bifite intumbero iganisha ku muziki, ku iterambere ryawo. Banagarutse cyane  ku njyana ya Rap muri rusange.

InyaRwanda.com ifite amakuru avuga ko umusore Danny Nanone uhagaze neza mu njyana ya Rap mu Rwanda ndetse uri no kwitegura kumurika Album ye yise ‘Iminsi myinshi’, yagize gutya yibariza uyu muhanzi (Lamar) uko umuhanzi ufite igitaramo cye bwite akwiye kwitwara kugira ngo ashimishe abantu be.

Lamar nk’umuhanzi w’inararibonye muri uyu muziki, yamusubije ko rwose umuhanzi ufite igitaramo aba agomba gutanga byose afite ariko agashimisha abakunzi be.

Kendrick Lamar yahuye n’abaraperi bagenzi be bo mu Rwanda

Bagiranye ibiganiro biganisha ku njyana ya Rap

Ku nshuro ya 13, Umuryango utegamiye kuri Leta wa JA Africa wongeye guhuriza hamwe urubyiruko ruri mu kigero cy'imyaka 14-17 rwaturutse impande n'impande muri Afurika, mu gikorwa cy'amarushanwa ashingiye ku bumenyi mu by'ishoramari ndetse no guhanga udushya.

Kuri uyu wa Gatatu tariki 06 Ukuboza 2023, i Kigali muri Serena Hotel hatangijwe igikorwa cy'amarushanwa ya JA Africa yiswe 'COY' kigiye kumara iminsi itatu, cyitabiriwe n'abayobozi batandukanye barimo umuyobozi mukuru wa Junior Achievement ku rwego rw'isi, Asheesh Advani, umuyobozi mukuru wa JA Africa, Simi Nwogugu, umuyobozi wa JA Rwanda ndetse na Ishango Consulting Ltd, Emery Rubagenga, uwaje ahagarariye Minisitiri w'Uburezi, Nsengiyaremye Christophe, n'abandi.

Umuyobozi wa JA Africa, Simi Nwogugu niwe wafunguye ku mugaragaro iki gikorwa aha ikaze abitabiriye bose, ashimira abaterankunda, abarimu ndetse n'abayobozi bagize uruhare mu gutegura abanyeshuri ndetse no gutegura aya marushanwa.

Umuyobozi wa JA Africa Rwanda, Emerry Rubagenga yahaye ikaze abana b'abanyeshuri baturutse mu bihugu icumi bya Afurika, bagaragaje ko biteguye neza amarushanwa ateganyijwe kuri uyu wa Gatanu tariki 08 Ukuboza 2023.

By'umwihariko Bwana Emerry yashimiye byimazeyo ubuyobozi bwa Minisiteri y'Uburezi mu Rwanda bwahaye agaciro iki gikorwa.

Yagize ati: 'Umwaka ushize nari ndi muri Nigeria, niryo rushanwa rya mbere nari nitabiriye. Byari byiza cyane. Ndabasezeranya ko mugiye kugira ibihe byiza, muzahabonera ibyishimo ntagereranwa ndetse n'icyizere cy'ejo hazaza h'Umugabane wa Afurika.'

Nyuma y'aba bayobozi, abanyeshuri baje bahagarariye ibihugu byose uko ari icumi biri mu irushanwa, bahawe umwanya muto bakora imyiyereko, aho buri gihugu cyajyanaga ibendera ryacyo ku rubyiniro mu rwego rwo kwerekana ko gihagarariwe.

Ku ikubitiro habanje kwakirwa Côte d'Ivoire, hakurikiraho Eswatini, Ghana, Mauritius, Nigeria, u Rwanda, Afurika y'Epfo, Uganda, Zambia, haheruka Zimbambwe. Aba banyeshuri bose, baserukanye akanyamuneza amabendera y'ibihugu baje bahagarariye mu myambaro myiza cyane ijyanye n'umuco wabo.

Iki gikorwa kandi cyaranzwe n'ibiganiro byagarukaga ku mwihariko w'uyu muryango umaze imyaka irenga 100 ubayeho, aho umuyobozi wawo ku rwego rw'isi, Asheesh yasobanuye ko ibanga bifashishije ari ukwigisha abakiri bato kwihangira imirimo binyuze mu guhindura imitekerereze yabo hakiri kare bakabasha kubyaza amahirwe yose umusaruro.

Simi yavuze ko bigisha urubyiruko kwihangira imirimo aho baba bari hose, n'iyo baba nta mafaranga bafite bakabasha kureba ibitagenda neza bakabishakira ibisubizo maze ababibona bakifuza kubashyigikira.

Emerry, yasobanuye ko ubu bumenyi JA ikomeje guha urubyiruko, bugiye kugira uruhare rukomeye mu iterambere ry'ubukungu bw'u Rwanda.

Ati: 'Kwihangira imirimo, nicyo kintu cyonyine kizafasha u Rwanda ndetse na Afurika kurushaho gutera imbere. Dukeneye abashoramari benshi b'abayobozi, imisoro myinshi kugira ngo hubakwe ibindi bikorwa remezo kuko haracyarimo icyuho, kandi ibyo ntibizakorwa na Banki y'isi gusa, hakenewe n'ubufasha bw'abantu ku giti cyabo.'

Umwe mu banyeshuri baje bahagarariye igihugu cya Nigeria yavuze ko iyi gahunda ya JA yo kwagura imitekerereze y'abakiri bato yamwunguye ubumenyi haba mu bijyanye n'imibanire n'abandi, gukemura ibibazo, ubuyobozi ndetse no gukorera hamwe. Yongeraho ko hamwe no gukorera hamwe nk'itsinda bizeye kugera kure.

Kuri uyu munsi wa mbere w'amarushanwa ntihabaye ibikorwa gusa, kuko abanyeshuri bahawe umwanya baridagadura, barabyina ndetse banagira umwanya wo gusubiramo ibyo bazamurika ku munsi nyirizina w'amarushanwa.

Iyi, ni inshuro ya kabiri agiye kuba imbonankubone nyuma ya Nigeria kuko mu yindi myaka yabanje mu gihe cya Covid 19, aya marushanwa yabereye ku ikoranabuhanga inshuro zigera kuri ebyiri.

JA Africa ifite icyicaro mu bihugu 16 byo muri Afurika yo munsi y'ubutayu bwa Sahara, aho buri mwaka uyu muryango ugera ku rubyiruko rusaga 390,000.

Ibyo bihugu ni: Burkina-Faso, Côte d'Ivoire, DR Congo, Eswatini, Ghana, Kenya, Madagascar, Mauritius, Nigeria, u Rwanda, Senegal, Afurika y'Epfo, Tanzania, Uganda, Zambia na Zimbabwe.

JA ikorana umunsi ku wundi na minisiteri z'uburezi zibarizwa muri ibi bihugu kugirango ubumenyi bwabo butangwe mu mashuri arenga 3,000 buri mwaka.

Buri mwaka kandi, hamwe n'abanyamuryango barenga 100, JA ku rwego rw'isi yifashisha abakorerabushake bari hejuru y'ibihumbi 470 bita ku rubyiruko rusaga miliyoni 10 ku isi.

Mu Rwanda hateraniye abayobozi batandukanye ndetse n’urubyiruko rwaturutse mu bihugu 10 byo muri Afurika

Itsinda ryaturutse muri Ghana

Abaje bahagarariye Eswatini nuko baserutse

Abo muri Cote d’Ivoire baserutse batyo

Abitabiriye basusurukijwe n’itorero ribyina imbyino gakondo

Abayobozi ba JA bari bizihiwe

Abitabiriye basoje basangira   

Reba hano amafoto yose yaranze igikorwa cyo gutangiza ku mugaragaro amarushanwa ya ‘COY’

AMAFOTO: Doxvisual – InyaRwanda