Author: webrwanda

APR FC yamaze kumvikana na Kategeya Elie wakiniraga Mukura VS kuba yayerekezamo akayikinira guhera mu mikino yo kwishyura ya shampiyona y’umwaka w’imikino wa 2023-24.

Ni umukinnyi wa mbere mu bakinnyi 3 APR FC igomba kongera mu ikipe yamaze kumvikana na we.

Kategeya ukina inyuma ya ba rutahizamu, ntabwo arasinya kuko hari ibyo we n’iyi kipe y’Ingabo z’Igihugu batarumvikana bimureba ku giti cye ni mu gihe Mukura VS yo bamaze kumvikana bagura amasezerano y’amezi 6 yari asigaranyemo.

Bivugwa ko n’ibisigaye uyu munsi birangira cyane ko nta n’igihindutse ari butangire imyitozo uyu munsi muri APR FC yitegura kwerekeza mu irushanwa rya Mapinduzi Cup muri Zanzibar.

Kategeya akaba amakuru avuga ko yatanzweho miliyoni 13 (hari agomba kujya muri Mukura VS andi akayatwara) ndetse n’umushahara w’ibihumbi 600 by’amafaranga y’u Rwanda.

Kategeya Elie w’imyaka 18 mu mikino ibanza ya shampiyona yatsinze ibitego 3 anatanga imipira 3 yavuyemo ibitego.

Yayikiniye imikino 10 aho yabanje mu kibuga imikino 3 mu gihe indi 7 yazaga mu kibuga asimbura.

Kategeya Elie yamaze kumvikana na APR FC

Source : http://isimbi.rw/siporo/article/apr-fc-yamaze-kumvikana-n-umukinnyi-wa-mbere

Agezweho: APR FC yisanze mu itsinda ririmo Simba SC yo muri Tanzania n'ayandi makipe akomeye cyane bigoranye ko izayikura imbere.

Ikipe y'Ingabo z'Igihugu APR FC yatumiwe mu mikino y'igikombe cya Mapinduzi Cup kizabera mu gihugu cya Tanzania muri Zanzibar tariki 28 Ukuboza 2023 amakipe yatumiwe yamaze kumenya uko azahura aho APR FC yisanze mu itsinda rikomeye cyane ririmo Simba SC ikinamo rutahizamu Leander Willy Essomba Onana wabiciye bigacika muri Rayon Sports.

Uko amakipe azahura APR FC iri mu itsinda B:

Source : https://yegob.rw/agezweho-apr-fc-yisanze-mu-itsinda-ririmo-simba-sc-yo-muri-tanzania-nayandi-makipe-akomeye-cyane-bigoranye-ko-izayikura-imbere-uko-amatsinda-ameze/

Uyu mugabo uri mu bagaragara gake ugereranije n’abandi mu ruhame bituma nk’icyamamare benshi baba bibaza byinshi ku buzima bwe batanabasha kubonera ibisubizo, yaganiriye n’uwitwa Keza nk’uko tubikesha Boarding Pass Nation mu kiganiro cy’iminota 17 n’amasegonda 8.

Muri iki kiganiro Meddy atangira avuga ku iyerekwa yagize ryahinduye ubuzima bwe ati”Nagize inzozi simbyinjiramo cyane ariko nabyutse ndi umuntu mushya, nahise menya ko nsozanyije n’ibyo narimo byose, nahise menya ko ngiye kubaho ubuzima bwuzuye Yesu, nkasiga ibindi byose inyuma.”

Agaruka ku buryo yemereye Yesu ko agiye kumubera inshuti ati”Mu nzozi zanjye ndabyibuka Yesu yambajije ibibazo 3, ugiye kuba umuntu utanzi? ugiye kuba nk’umuntu unzi? Ugiye kuba inshuti? Ndavuga ngiye kuba inshuti yawe mpita nkanguka ndi umuntu mushya.”

Yavuze kandi ku cyo bisaba kugira ngo ugire urugo rwiza ati”Naje gusanga ko imiryango nafatiragaho urugero itishimye nk’uko nabikekaga, bisaba kuba umukristo wuzuye kugira ngo ugire urugo rwiza, unabe umubyeyi mwiza kubera ko ugomba gusiga kwikunda kose inyuma, ugakunda umugore wowe nk’uko Yesu yakunze itorero rye.”

Meddy yakomoje kandi ku isomo yigira mu kuba none ari umubyeyi ati”Kurera umwana wanjye kuri njye, binyereka ko niba mukunze cyane, mwitaho, bituma ndushaho kwibaza kurushaho uko Imana inyitaho.”

Ku birebana n’uburyo abantu bamwe bwira ko yabagaho yishimye nk’uko abiririmba yagaragaje ko ari ukwibeshya ati”Ntabwo nari uwo mu kuri mukeka mu nyizere nk’uko mbiririmba.”

Ibyekeranye no gukora indirimbo zo kuramya no guhimbaza Imana gusa yabisobanuye agira ati”Nanjye icyo ni ikibazo nibazaga ubwo narimo mpinduka nkibaza ese ngiye kuzajya arizo ndirimba, gusa ariko nasanze nabyo bidahagije kuko ushobora kuziririmba ntuhinduke kandi kuko uziririmba ntibikugira umukristo.”

Agaragaza ko benshi bakomeje kubimubaza n’uko yabasubizaga ati”Nabwiye abantu, ntabwo ndimo mpindura umuziki, ibyo ni nko kuva muri zouk ujya muri reggae,ahubwo njyewe nk’umuntu nari umugabo utandukanye, ndababwira ibyo nkora none bishingira ku wo ndiwe none kandi sindi umunyamuziki ndi umugabo w’Imana.”

Urugendo Meddy yatangiye agaragaza ko rutoroshye kuko benshi mu ntangiriro bamutekerezaga, bakanamubonamo uko yahoze ati”Byari bigoye mu ntangiriro kuko nubwo nahindutse, abantu ntabwo babyizera, nubwo narekeye aho kunywa agasembuye, ntabwo abantu babyizera ko nabiretse byansabaga kwibwira abantu na none buri gihe.”

Meddy ari mu bahanzi bamaze imyaka itari mike binjiye mu muziki aho imyaka myinshi yayimaze awukorera muri Leta Zunze Ubumwe zs Amerika, mu myaka yose amaze yibanze ku muziki w’urukundo akanawuvanga n’indirimbo zo kuramya no guhimbaza Imana.

Yashyingiranywe  na Ngabo Mimi Mehfira, bafitanye umwana umwe w’umukobwa bise Myla Ngabo, ubuzima bw’uyu muhanzi w’ikimenyabose mu Karere k’Ibiyaga Bigari,bukaba bukomeje kugenda bushingira ku kwiyegereza no kwegereza abatari bake Imana binyuze mu butumwa agenda asangiza abamukurikira ku mbuga nkoranyambaga ze. Meddy yagaragaje ko kuririmba gusa indirimbo zo kuramya no guhimbaza Imana bitagira umuntu umukristoYerekanye ko kuva yahinduka akemera kuba inshuti ya Yesu n’umuntu w’Imana byahinduye urugo rwe Paradizo

Kanda hano urebe ikiganiro cyose Meddy yatanze

Source : https://inyarwanda.com/inkuru/137772/iyerekwa-yagize-aganira-na-yesu-umuziki-we-urugo-no-kureka-agasembuye-meddy-yavuze-137772.html

Hagati y'Akarere ka Kamonyi kabaye aka mbere mu Gihugu mu bikorwa by'Urugerero ndetse n'Akarere ka Nyaruguru kabaye akanyuma, harimo ikinyuranyo cy'amanota 28( Kamonyi 91%, Nyaruguru 63%). Mu gihe kuri uyu wa 18 Ukuboza 2023 Kamonyi yahembwe Inka y'Ubumanzi n'iyayo, Minisitiri Dr Bizimana Jean Damascene wa MINUBUMWE wagiye gusura aka karere kabaye aka nyuma, yabasabye kwiminjiramo'Ifu' no kujya kwigira kuri Kamonyi.

Avuga uko uturere twitwaye mu bikorwa by'Urugerero, Minisitiri Dr Bizimana yagize ati ' Uyu mwaka rero akarere kahize utundi ni Akarere ka Kamonyi, kagize amanota 91%. Ni nako karere gafite amanota ari hejuru ya 90, utundi twose tuza munsi ya 90'.

Yakomeje agira ati' Uyu munsi rero nubwo turi hano Nyaruguru, Muganza! Ni ugushimira ako karere ka Kamonyi kari ku isonga y'utundi, mu buryo Urugerero rwateguwemo, mu buryo Urugerero rwakozwe…! Ni ukugira ngo rero ubwo namwe muzabigireho'.

Nubwo Nyaruguru yabaye iya nyuma, Minisitiri Dr Bizimana avuga ko ibyo bitavuze ko ntacyo bakoze, ariko kandi ati' Akarere ka Nyaruguru, birasaba… kwiminjiramo'Ifu'. Kwiminjiramo ifu cyane ni mbibabwira menya mugira ubwoba, menya muri bukonje!. Akarere ka Nyaruguru kagize amanota 63. Ubwo ni mugereranye na Kamonyi yagize 91 mwumve icyo kinyuranyo uko kingana, mwabyumvise!?.

Soma hano inkuru kuri Kamonyi yahize utundi turere ikagororerwa Inka y'Ubumanzi;Kamonyi: Inka y'Ubumanzi ntizasohoke muri aka karere-Guverineri Kayitesi

Mu zindi Ntara uko uturere twaje ku isonga mu kwesa imihigo mu bikorwa by'Urugerero, Mu mujyi wa Kigali akarere ka mbere ni aka Kicukiro, mu Ntara y'Uburasirazuba ni akarere ka Kayonza, Amajyaruguru ni Akarere ka Gakenke, Iburengerazuba kakaba akarere ka Rusizi.

intyoza

Source : https://www.intyoza.com/2023/12/20/urugerero-minisitiri-dr-bizimana-jean-damascene-yashimagije-kamonyi-asaba-nyaruguru-kwiminjiramoifu/

Tombola ya Mapinduzi Cup, yasize ikipe ya APR FC iri itsinda B n’amakipe ya Simba SC, Singida Fountain Gate zo muri Tanzania na Jamhuri SC yo muri Zanzibar.

Iri rushanwa riteganyijwe guhera tariki ya 28 Ukuboza kugeza tariki ya 13 Mutarama 2023, rikaba rizabera muri Zanzibar.

Rizitabirwa n’amakipe 12, tombola ikaba yamaze gusiga aya makipe aganyije mu matsinda 3 aho buri tsinda rigizwe n’amakipe 4.

Itsinda A rikaba ririmo Mlandege FC na Chipukizi United zo muri Zanzibar, Azam FC yo muri Tanzania na URA yo muri Uganda.

Itsinda B ni ryo ririmo APR FC yo mu Rwanda, Simba SC na Singida Fountain Gate ikinamo Meddie Kagere zo muri Tanzania na Jamhuri yo muri Zanzibar.

Itsinda C ririmo Young Africans yo muri Tanzania, KVZ FC yo muri Zanzibar, Vital’o FC yo mu Burundi na Bandari FC yo muri Kenya.

Biteganyijwe ko nta gihundutse APR FC izahaguruka mu Rwanda tariki ya 27 Ukuboza 2023 yerekeza Zanzibar ahazabera irushanwa.

APR FC yisanze mu itsinda rimwe na Simba SC muri Mapinduzi Cup

Source : http://isimbi.rw/siporo/article/apr-fc-yisanze-mu-itsinda-rimwe-na-simba-sc

Abagenda ndetse n'abatuye muri Kigali bakomeje gutangarira uburyo uyu murwa warimbishijwe muri iki gihe cy'iminsi mikuru [AMAFOTO]

Mu mpera z'umwaka bimaze kuba akamenyero ko imwe mu mihanda n'imiturirwa b'ikigali biba bishashagirana mu rwego rwo kurushaho kugaragaza neza umujyi cyane cyane mu gihe cya n'ijoro.

Kuri ubu iyo utembereye imwe mu mihanda ukitegereza nimwe mu miturirwa ya Kigali uhita ubona itandukaniro nindi minsi kuko inyinshi zitatse amatara yaka ndetse n'ibirugu bya Noheli.

Source : https://yegob.rw/abagenda-ndetse-nabatuye-muri-kigali-bakomeje-gutangarira-uburyo-uyu-murwa-warimbishijwe-muri-iki-gihe-cyiminsi-mikuru-amafoto/

Mu gitondo cyo kuri uyu wa Kabiri, mu Murenge wa Runda mu Karere ka Kamonyi habereye urugomo rudasanzwe aho abaturage basenyeye undi muturage.

Aba baturage bazindukiye ku gipangu cya mugenzi wabo, gicururizwamo akabari baragisenya bagishyira hasi.

Gusa uko byumvikana muri aya mashusho si Leta yari yabatumye nkuko byumvikanaga bavuga ngo bagire vuba Abanyerondo bataraza. Amashusho.

Source : https://yegob.rw/mugire-vuba-abanyerondo-bataraza-abaturage-babyutse-bakora-urugomo-bajya-ku-gipangu-cyundi-muturage-baragisenyagura-kandi-leta-itabibatumye-amashusho/

Umunyarwanda Dr Munyemana Sosthène wari ukurikiranyweho ibyaha bya Jenoside yakorewe Abatutsi mu Rwanda, amaze gukatirwa igihano cy'igifungo cy'imyaka 24 nyuma yo guhamwa n'ibyaha bya Jenoside. Urukiko rwa Rubanda rw'i Paris mu gihugu cy'u Bufaransa, rutangaje ko afite iminsi 10 yo kuba yajuririra igihano ahawe.

Ibyaha Dr Munyemana Sosthène ahamijwe n'uru rukiko rwa Rubanda rw'i Paris ni bitatu; Kugira uruhare muri Jenoside yakorewe Abatutsi, Ibyaha byibasiye inyokomuntu hamwe n'icyaha cyo kugambirira gukora jenoside.

Nyuma y'uko urukiko rumusomeye ibyaha ahamijwe ndetse rukamukatura igifungo cy'imyaka 24, rumuhaye iminsi 10 gusa yo kuba yajurira ahereye kuri uyu munsi rutangarijeho ibihano ahawe.

Dr Munyemana, abwiwe n'urukiko ko mu gihe yaba yitwaye neza agakora igihano yakatiwe ashobora kuzasaba kugabanyirizwa cyangwa se koroherezwa igihano yahawe akaba yafungurwa ariko nibura ibyo akaba yabikora amaze imyaka umunani akora iki gihano(afunze).

Dr Munyemana Sosthène wari usanzwe aza mu rukiko kuburana yigenza agataha, ubwo abagize inteko iburanisha bajyaga kwiherera ngo bagaruke basomera rubanda ibyaha bimuhama n'igihano bamukatiye, basize bamubwiye ko atemerewe gusohoka mu rukiko nk'uko byari bisanzwe, ndetse Abajandarume bahise bategekwa kuba bamurinze mu gihe bagiye kwiherera.

Abagize inteko iburanisha bamaze amasaha atari make biherereye kuko bwabacyereyeho, bagarutse mu rukiko basoma ibyaha uregwa ashinjwa ndetse n'igihano akatiwe, ari nako uwari usanzwe yizana mu rukiko yahise atabwa mu maboko atari aye yambikwa amapingu ubwo.

Mbere y'uko yambikwa amapingu na Polisi, Dr Munyemana Sosthène yagiye ahobera umugore we n'umwana we bisa nko kubasezera, hanyuma yerekeza aho abajandarume bari bahita bamwambika amapingu, baramutwara.

Perezida w'inteko iburanisha, nyuma yo gutangaza umwanzuro kuri uru rubanza, yashimiye inyangamugayo zari zatoranijwe kuburanisha uru rubanza ku gihe zimaze mu rubanza, ashimira kandi n'abandi bose batanze umusanzu wabo.

Bamwe mu bari bamaze igihe bitabira uru rubanza barimo Daphrosa Gauthier, umwe mu bashinze ishyirahamwe riharanira ko abakoze Ibyaha bya Jenoside baba mu Gihugu cy'u Bufaransa bafatwa bagashyikirizwa Ubutabera, bagaragaje kwishimira imyanzuro kuri uru rubanza by'umwihariko ku gihano gihawe Dr Munyemana Sosthène.

Daphrosa Gauthier, yagize ati' Abanye Tumba ni muruhuke, Ubutabera murabuhawe'. Yakomeje avuga ko uyu Dr Munyemana Sosthène agiye aho yakabaye yaragiye mu myaka 29 ishize. Gusa na none, avuga ko icy'ingenzi bishimiye ari uko ahamijwe ibyaha bya Jenoside yakoze akaba abihaniwe.

Urukiko, ruhamije Dr Munyemana Sosthène ibyaha bya Jenoside yakorewe Abatutsi mu Rwanda ndetse rumukatira igihano cy'imyaka 24 y'igifungo mu gihe Ubushinjacyaha bwo bwari bwamusabiye igihano cy'imyaka 30 y'igifungo.

Mbere y'uko ubushinjacyaha busabira Dr Munyemana Sosthène gufungwa imyaka 30, bwari bwabanje kubwira inteko iburanisha ko mu kugena cyangwa kumukatira bareba igihano kimukwiye bakurikije ibyo yakoze bafitiye ibimenyetso hagamijwe guha agaciro ubuzima bwa muntu, hanashingiwe kandi ko uwari gukiza abantu yagize uruhare mu kubarimbura.

Umushinjacyaha yabwiye urukiko kandi ati' Nti mwite ku myaka ye cyangwa igihe urubanza rumaze n'imyaka Jenoside imaze ibaye. Ku muhana ni n'umwanya wo gutuma atekereza ku byo yakoze, no gutuma abo yatumye babura ababo baruhuka kuko Ubutabera buba bwakoze akazi kabwo'.

Uru rubanza rwa Dr Munyemana Sosthène ni urwa Gatandatu rw'Abanyarwanda baburanishirijwe  aha mu Bufaransa bakurikiranyweho ibyaha bya Jenoside yakorewe Abatutsi mu Rwanda. Abamubanjirije gukurikiranwaho ibi byaha ni;

1. Pascal Simbikangwa (inzego z'ubutasi)
2. Ngenzi O. na T. Barahira
3. Claude Muhayimana (chauffeur ku Kibuye)
4. Laurent Bucyibaruta (Perefe Kibungo)
5. Philippe Hategekimana (gendarme I Nyanza)

Dr. Munyemana Sosthène, Abatangabuhamya banyuze imbere y'inteko iburanisha bagiye bayigaragariza ko bakeneye guhabwa Ubutabera bwuzuye kandi mu gihe gikwiye. Uyu Dr. Munyemana Sosthène, mu gihe cya Jenoside yakorewe Abatutsi yari afite imyaka 39 y'amavuko. Mu batangabuhamya banyuze imbere y'inteko iburanisha, barimo abahanga, barimo abagize uruhare muri Jenoside yakorewe Abatutsi n'abahohotewe.

Mu gihe ubushinjacyaha bwari imbere y'inteko iburanisha,  bwabwiye urukiko ko gutanga ubutabera bizanahesha agaciro u Bufaransa. Ati' Kuki tugiye gucira urubanza umuntu wo mu Rwanda?, wakoreye ibyaha mu Rwanda?. Kumucira imanza(urubanza) bizahesha n'agaciro igihugu cy'u Bufaransa'.

Dr. Munyemana Sosthène w'imyaka 68 y'amavuko, ibyaha ahamijwe ndetse akabihererwa iki gihano cy'igifungo cy'imyaka 24 yabikoreye mu Mujyi wa Butare, Segiteri ya Tumba cyane cyane mu bitaro bya Kaminuza aho yari Muganga w'Abagore.

Munyaneza Theogene

Source : https://www.intyoza.com/2023/12/20/paris-dr-munyemana-sosthene-ahamijwe-ibyaha-bya-jenoside-akatirwa-gufungwa-imyaka-24/

Aba Rayon bashobora kubyungukiramo: Umukinnyi Kiyovu Sports yagenderagaho yanditse ibaruwa ayisaba gutandukana nayo.

Rutahizamu ukomeye cyane w'ikipe y'igihugu y'u Rwanda Amavubi Mugunga Yves ukinira ikipe Kiyovu Sports yagiyemo avuye muri APR FC yakuriyemo yandikiye ibaruwa iyi kipe y'Urucaca ayisaba gutandukana nayo kubera impamvu y'uko imaze amezi agera kuri atatu yose itamuhemba.

Mugunga Yves n'umwe mu bakinnyi bakomeye cyane hano mu Rwanda ndetse byigeze kuvugwa ko ikipe ya Rayon Sports yaba imwifuza cyane.

Ibaruwa ikubiyemo byinshi byatumye Mugunga Yves asaba Kiyovu Sports gutandukana nayo:

Source : https://yegob.rw/aba-rayon-bashobora-kubyungukiramo-umukinnyi-kiyovu-sports-yagenderagaho-yanditse-ibaruwa-ayisaba-gutandukana-nayo/

Source : https://yegob.rw/agezweho-muri-siporo-ikipe-ikomeye-muri-premier-league-yirukanye-umutoza/