Author: webrwanda

Nyuma y’igihe hibazwa aho abakinnyi barimo Ishimwe Pierre, umunyezamu wa APR FC bagiye, byamenyekanye ko bari baragiye i Burayi gushinja umutoza wahoze atoza iyi kipe, Adil Erradi Mohammed.

Ibyumweru bibiri birashize ku mbuga nkoranyambaga hakwirakwiye ifoto y’umunyezamu wa APR FC, Ishimwe Pierre ari ku kibuga cy’indege kuva icyo gihe ntabwo yongeye kugaragara mu bikorwa byose by’iyi kipe abantu bakibaza aho yagiye, nyuma ni nabwo hamenyekane ko na Ruboneka Bosco ndetse na myugariro Ndayishimiye Dieudonne badahari ariko aho bagiye bikagirwa ibanga cyane ko na APR FC itifuzaga kugira icyo ibivugaho, byavugwaga ko bagiye mu igeragezwa i Burayi.

Mu gitondo cyo kuri uyu wa Kabiri tariki ya 26 Ukuboza 2023 ni bwo hamenyekane inkuru ko bari mu Busuwisi aho bagiye gutanga ubuhamya mu Rukiko rwa Siporo ku Isi (TAS) ku kirego APR FC yarezwemo na Adil Erradi Mohammed kumwirukana binyuranyije n’amategeko.

Bivugwa ko APR FC yohereje muri TAS yiregura kuri iki kirego harimo inyandiko ikubiyemo ko aba bakinnyi 3 kongeraho na Manishimwe Djabel wari kapiteni, Uwanyirimpuhwe Jean Paul wari Team Manager bari bafashwe nabi n’uyu mutoza ndetse ko yashatse no kubakubita.

Ubuhamya aba bakinnyi batanze bukazashingirwaho hafatwa umwanzuro muri uru rubanza mu kwezi gutaha.

Mu Kwakira 2022 ni bwo APR FC yahagaritse Adil Erradi Mohammed wari warayigezemo 2019, uyu mugabo wahagaritswe ukwezi yanze kongera kugaruka mu kazi maze ahubwo ahita ajya kurega muri FIFA aho Akanama gashinzwe Uburenganzira bw’Abakinnyi n’Abatoza katesheje agaciro ikirego cye maze Gicurasi 2023 ajuririra muri TAS.

Ishimwe Pierre yari yagiye gushinja Adil

Ndayishimiye Dieudonne na we yari yagiye mu Busuwisi

Na Ruboneka Bosco yari mu batangabuhamya

Adil Erradi yareze APR FC kumwirukana binyuranyije n’amategeko

Dolly Rebecca Parton, umuhanzikazi akaba n’umukinnyi wa filime wubatse izina ku rwego mpuzamahanga abikesha injyana ya ‘Country Music’ amaze imyaka irenga 35 akora. Dolly Parton kandi ni umwe mu bahanzikazi bubashywe mu muziki w’Amerika bitewe n’uduhigo hamwe n’ibihembo birimo na Grammy Awards yagiye yibikaho.

Uretse kuba Dolly Parton azwiho impano y’ubuhanzi, anazwiho kuba yaragiye yihinduza imiterere ye mu bihe bitandukanye akoresheje ubuvuzi bugezweho bwa ‘Plastic Surgery’ bwayobotswe n’ibyamamare byinshi byumwihariko igitsinagore.

Mu kiganiro Dolly Parton yagiranye n’ikinyamakuru Sage Magazine, yagarutse ku bintu yicuza yakoze mu buzima bwe ndetse ko bibaye ari ibishoboka yasubira inyuma mu bihe akabikosora.

Mbere na nyuma yaho Dolly Parton yihinduza isura ye

Yagize ati: ”Sinzi ko hari umuntu ku isi uriho utagira ikintu na kimwe yicuza yakoze. Hari abavuga ko ntacyo bicuza ariko njyewe mfite ibyo nicuza. Hari imyanzuro nagiye mfata mbona ko ari myiza gusa nyuma nzagusanga naribeshyaga, bishoboka nasubira inyuma mu bihe nkakosora iyi myanzuro”.

Parton avuga ko yihinduje isura n’imiterere ye inshuro zirenga eshatu

Dolly Parton yakomeje agira ati: ”Mu byo nicuza harimo kuba narangije imiterere yanjye n’isura nibwirako ‘Plastic Surgery’ aricyo gisubizo. Kuva mu 1990 nagiye mpinduza isura n’imiterere yanjye inshuro zirenga eshatu. 

Mu maso hanjye narahabagishije inshuro nyinshi nshaka ko harushaho kuba heza kubera nari mfite ubwoba bwo gusaza kandi murabizi i Hollywood ni ukugendana n’ibigezweho”.

Dolly Parton avuga ko yicuza kwihinduza isura ye kuko mbere yari nziza

Uyu muhanzikazi w’imyaka 77 uvuga ko yabonye abagore benshi i Hollywood bakoresha Plastic Surgery maze nawe akayiyoboka, yagize ati: ”Ndabyicuza kuko mu byukuri isura yanjye yari nziza cyane mbere y’uko nyihinduza. Nanjye iyo ndembye amafoto yanjye ya kera ngira agahinda kuko ninjye wahisemo kwihinduza isura nziko izarushaho kuba nziza ariko ntibibe ariko bigenda”.

Yari yiteze ko niyihinduza isura azarushaho kuba mwiza nyamara ngo siko byagenze

Dolly Parton kandi yanavuze ko amabere ye yayongeresheje akamugiraho ingaruka. Yagize ati: ”Sindi bubabwire uburibwe nanyuzemo kubera Plastic Surgery, ahubwo ndababwira uburyo kwiyongeresha amabere byangizeho ingaruka. 

Hari ibitaramo byinshi ntitabiriye bitewe n’uko amabere yanjye yari yarabaye nabi ntagisohoka mu nzu. Ibere rimwe ryarashwanyutse biba ngombwa ko mara amezi 4 kwa muganga nubu unyitegereje ubona ko atangana”.

Dolly Parton yavuze ko kwiyongeresha amabere byamugizeho ingaruka

Imirimo yo kubaka iyi sitade iri kugana ku musozo, ku buryo muri Gicurasi 2024 izatahwa ku mugaragaro. Bigaragara ko imirimo yo kuyivugurura izatwara Miliyoni 165$.

Hari abavuga ko umuhango wo gutaha iyi sitade, hakwiye gutumirwa umuhanzi Mpuzamahanga wabasha kuzuza ibihumbi by'abantu muri iyi Sitade. Hari n'abandi bavuga ko bazizihiza intsinzi ya Perezida Kagame mu matora mu birori bizabera muri Sitade Amahoro.

Mu ijoro ryo kuri uyu wa Mbere tariki 25 Ukuboza 2023, Israel Mbonyi yakoreye amateka muri BK Arena ku nshuro ya kabiri mu gitaramo ngaruka mwaka yise 'Icyambu Live Concert.'

Ni igitaramo ategura mu rwego rwo gufasha Abakristu kwizihiza byihariye umunsi wa Noheli wizihizwa ku Isi hose buri tariki 25 Ukuboza.

Iki gitaramo cyahuje abarenga ibihumbi icyenda barimo abiganjemo abo mu bihugu byo mu Karere k'Afurika y'Iburasirazuba, muri Amerika n'ahandi.

Ni igitaramo cyatumye Israel Mbonyi yongera kwandika amateka, kuko amatike yo kwinjira yashize mbere y'iminsi ibiri.

Mu butumwa bwo kuri X yahoze ari Twitter, Amb.Nduhungirehe yavuze ko bimaze kugagaraga ko 'BK Arena imaze kuba nto kuri Israel Mbonyi.'

Yibukije ko Israel Mbonyi ari we ufite igikombe cy'umuhanzi mwiza w'umugabo w'umwaka wa 2023 mu bihembo bya Isango na Muzika Awards, kandi ko yanatwaye igikombe cy'umuhanzi w'indirimbo zihimbaza Imana (Gospel Singer of the year).

Nduhungirehe yavuze ko ashingiye ku bwitabire bw'iki gitaramo, ategereje kuzabona Israel Mbonyi akorera iki gitaramo muri Sitade Amahoro 'yuzuye abantu. Yungamo ati 'Wakoze cyane Israel Mbonyi ku bw'igitaramo cyiza.'

Nyuma yo gukora iki gitaramo, Israel Mbonyi yabwiye itangazamakuru ko anezerewe, kandi ko ashima Imana kuko uko yasengeye iki gitaramo ‘ari ko cyagenze’.

Ati “Uko nasengeye ibi bintu ni ko nyine Imana yabikoze. Urumva, twabonye benshi bakizwa, umunezero w’Imana wari uhari, ibintu twapanze gukora, uko ‘set up’ twayishakaga, byari byiza pe, byari byiza kurenza ibyo nasengeye.”

Israel Mbonyi yavuze ko afite umwete wo gukomeza gukorera Imana, kandi ko mu 2024 afite album nyinshi agomba gushyira hanze. Ati “Ntabwo ndumva muri njyewe indirimbo zashize.”

Uyu munyamuziki yavuze ko imyandikire ye y’indirimbo ituruka ku kuba atindana n’Imana mu isengesho. Ati “Uko utindana n’ikintu ugenda usa na cyo. Iyo utinda mu bintu by’Imana ugenda usa n’ibintu by’Imana. N’iyo witsamuye ni byo biza, n’iyo urose ni byo biza.”

Yavuze ariko kandi ko byanaturutse ku kuba ubuzima bwe bwubakiye ku kuba yarakuriye mu rusengero. Ati “Iyo njya kwandika rero ibinza hafi ni ibyo ngibyo.”

Israel Mbonyi avuga ko adafite gushidikanya muri we, ko mu 2024 azataramira muri bimwe mu bihugu bya EAC, kuko 'uyu muhamagaro uranezeza'.

    

Amb.Nduhungirehe yavuze ko BK Arena imaze kuba nto ashingiye ku bihumbi by’abantu bitabira igitaramo cya Israel Mbonyi 

Israel Mbonyi yanditse andi mateka avuguruye mu muziki w’indirimbo zo kuramya no guhimbaza Imana 

Israel Mbonyi yavuze ko agorwa cyane no kwakira uburyo inganzo ye yacengeye mu mitima y’abakristu 

Mbonyi yavuze ko afite ishimwe ku mutima nyuma yo gutanga ibyishimo muri ‘Icyambu Live Concert’ 

Israel Mbonyi yumvikanishije ko ari bwo agitangira urugendo rw’umuziki we

KANDA HANO UREBE UKO ISRAEL MBONYI YINJIYE KU RUBYINIRO

Kanda hano urebe amafoto menshi yaranze ‘Icyambu Live Concert’ ya Israel Mbonyi

AMAFOTO: Ngabo Serge-InyaRwanda.com

Iyi myigaragambyo iteganyijwe kuri uyu wa Gatatu tariki 27 Ukuboza 2023, yatumijwe n’abakandia bari bahatanye mu matora y’Umukuru w’Igihugu, barimo Martin Fayulu, Denis Mukwege n’abandi, basabye abayoboke babo ko kuri uyu wa Gatatu baramukira mu mihanda i Kinshasa.

Aba bakandida bavuga ko hari inenge zikomeye zabaye mu matora y’Umukuru w’Igihugu yabaye tariki 20 Ukuboza 2023 zidakwiye kwihanganirwa.

Gusa iyi myigaragambyo yamaganywe kandi iteshwa agaciro na Minisitiri w’Intege Wungirije ushinzwe Umutekano w’Imbere mu Gihugu, Peter Kazadi watanze umuburo ku bazitabira iyi myigaragambyo.

Yagize ati 'Tuzi neza ko hariho imyiteguro igamije guteza akaduruvayo. Ibivugwa n’abatavuga rumwe n’ubutegetsi nyuma y’amatora ko bazigaragambya, kuko batsinzwe, barashaka gushyira Igihugu mu muriro w’amaraso. Ku giti cyanjye no ku mabwiriza yanjye, icyo dushyize imbere no ugucungira umutekano uhagije abaturage n’ibyabo. Ibikorwa byose byaba ibigaragara cyangwa ibitagaragara, byamaze gutahurwa.'

Yakomeje yizeza Abanyekongo ko 'Nta kintu na kimwe kibi kizabaho.'abasaba guha agaciro amajwi akomeje gutangazwa na Komisiyo y’Igihugu y’Amatora, kandi ko atararangira ahubwo ko azakomeza gutangazwa buhoro buhoro.

Ati 'Sinumva impamvu mu gihe hataratangazwa ibyavuye mu matora bya burundu, hari abashyira imbere intugunda. Ni ibintu byumvikana ko iyo myigaragambyo yabo itemewe n’amategeko. Intego yabo ni ugushyira Igihugu mu bibazo.'

Atangaje ibi mu gihe ishyaka rya Moise Katumbi ukomeje kuza akurikiye Tshisekedi mu majwi, ryamaze kwemeza ko ari we watsinze amatora, ndetse bamwe mu banyapolitiki bamushyigikiye, bakaba bavuze ko biteguye kurwana urugamba rw’abashaka kwiba amajwi umukandida wabo.

UKWEZI.RW

Uyu muhanzi wasizwe amavuta, yongeye gushimangira ko ari Nimero ya mbere mu Rwanda mu gitaramo yakoze mu ijoro ryo kuri uyu wa Mbere tariki 25 Ukuboza 2023, cyabereye mu nyubvako y'imyidagaduro ya BK Arena.

Ni ku nshuro ya kabiri, yari akoreye iki gitaramo muri iyi nyubako. Kandi yongeye guca agahigo, kuko amatike yashize ku isoko habura iminsi ibiri gusa!

Igitaramo cyitabiriwe n'abanyarwanda benshi, ariko kandi hari abanyamahanga barimo abo muri Leta Zunze Ubumwe za Amerika bageze mu Rwanda, ndetse n'abo mu bihugu byo mu Karere k'Afurika y'Iburasirazuba, cyane cyane abo muri Repubulika Iharanira Demokarasi ya Congo.

Ibi byaturutse ku kuba, muri iki gihe Israel Mbonyi yarashyize imbere gukora indirimbo ziri mu rurimi rw'igiswahili zirimo nka 'Nina Siri' yamamaye cyane.

Ubwo yashyiraga akadomo kuri iki gitaramo, ahagana saa sita z'ijoro, uyu musore yaririmbye iriya ndirimbo, maze yikura ishati yari yambaye ayiterera mu bafana.

Iyi shati yasamiwe hejuru n'umubyeyi wo muri Congo, wageze mu Rwanda, kuri iki Cyumweru tariki 24 Ukuboza 2023. Yabwiye InyaRwanda, ko yakunze Israel Mbonyi kuva mu ndirimbo ze zo hambere kugeza ubwo ashyize hanze indirimbo ziri mu Giswahili.

Yavuze ko Israel Mbonyi amufata nk'umuhungu we. Ati 'Ndishimye cyane! Ishati ndayicyuye da! Mufata nk'umuhungu wanjye, indirimbo ze zatumye uyu munsi mva muri Congo nje kumureba, none reba mbashije gutahana urwibutso rwe.'

Uyu mubyeyi ari mu bantu bari begereye urubyiniro Israel Mbonyi, ari nayo mpamvu yorohewe no gusamira mu kirere iyi shati.'
Nyuma yo gukora iki gitaramo, Israel Mbonyi yabwiye itangazamakuru ko anezerewe, kandi ko ashima Imana kuko uko yasengeye iki gitaramo ‘ariko cyagenze’.

Ati “Uko nasengeye ibi bintu niko nyine Imana yabikoze. Urumva, twabonye benshi bakizwa, umunezero w’Imana wari uhari, ibintu twapanze gukora, uko ‘set up’ twayishakaga, byari byiza pe, byari byiza kurenza ibyo nasengeye.”

Israel Mbonyi yavuze ko afite umwete wo gukomeza gukorera Imana, kandi ko mu 2024 afite album nyinshi agomba gushyira hanze. Ati “Ntabwo ndumva muri njyewe indirimbo zashize.”

Uyu munyamuziki yavuze ko imyandikire ye y’indirimbo ituruka ku kuba atindana n’Imana mu isengesho. Ati “Uko utindana n’ikintu ugenda usa nacyo. Iyo utinda mu bintu by’Imana ugenda usa n’ibintu by’Imana. N’iyo witsamuye nibyo biza, n’iyo urose nibyo biza.”

Ariko kandi avuze ko byanaturutse ku kuba ubuzima bwe bwubakiye ku kuba yarakuriye mu rusengero. Ati “Iyo njya kwandika rero ibinza hafi ni ibyo ngibyo.”

Israel Mbonyi avuga ko adafite gushidikanya muri we, ko mu 2024 azataramira muri bimwe mu bihugu bya EAC, kuko 'uyu muhamagaro uranezeza'.

 

Amateka yisubiyemo! Israel Mbonyi yemeje ibihumbi by’abantu bari bateraniye muri BK Arena mu gitaramo cya Noheli

 Israel Mbonyi yaririmbye nyinshi mu ndirimbo yicurangira gitari, ubundi akanyuzamo akaganiriza abakunzi b’umuziki we    

Mu minota ya nyuma y’iki gitaramo, Israel Mbonyi yaramukanyije na bamwe mu bafana bari begereye urubyiniro

 Israel Mbonyi yikuye ishati yari yambaye ayiterera mu bafana, igera ku mugore wo muri Congo witabiriye igitaramo cye
 Israel Mbonyi yasigiye urwibutso abo yataramiye muri iki gitaramo cyabaye ku nshuro ya kabiri
 Israel Mbonyi yaririmbye mu gihe cy’amasaha ane muri iki gitaramo, yitaye ku ndirimbo nyinshi ze zakunzwe 

Uyu mubyeyi yabwiye InyaRwanda, ko Israel Mbonyi amufata nk’umuhungu we

 

Uncle Austin, The Ben, Sherrie Silver na Muyoboke Alex bitabiriye igitaramo cya Israel Mbonyi

 

IBYAMAMARE MU NGERI ZINYURANYE BITABIRIYE IGITARAMOCYA ISRAEL MBONYI

 “>

Kanda hano urebe amafoto menshi yaranze igitaramo cyaIsrael Mbonyi muri BK Arena 

AMAFOTO: Serge Ngabo-InyaRwanda.com

Kuri uyu wa 25 Ukuboza 2023 mu masaha ya nimugoroba, indirimbo “Ni Forever” ya The Ben yamaze gukurwa ku rubuga rwa YouTube kubera ikirego cyatanzwe na Drone Skyline Ltd isanzwe ikora akazi ko gufata amafoto bakoresheje indege nto za Drone.

Amakuru yaje kumenyekana, Drone Skyline Ltd yareze iyi ndirimbo kubera ko yakoreshejwemo amafoto yafashwe n’iyi kompani batayaguze cyangwa ngo babisabire uburenganzira bwo kuyakoresha mu ndirimbo. Ni amashusho agaragaza Nyungwe mu gutangira kw’indirimbo.

Mu butumwa The Ben yanyujije ku mbuga nkoranyambaga ze, yatangaje ko ikipe ye ya Tekinike iri kugenzura icyo kibazo ku buryo mu gihe gito gishoboka indirimbo “Ni Forever” yongera kugarurwa kuri YouTube abantu bakongera kuyireba nk’ibisanzwe.

The Ben yasobanuye kandi ko amashusho yakoreshejwe muri iriya ndirimbo “Ni Forever” yari yasabiwe uruhushya ndetse na ba nyiri amashusho bemeye kuyatanga agakoreshwa mu ndirimbo bityo akaba yizeye ko iki kibazo kiracyemuka vuba.

“Ni Forever” yari imaze iminsi 9 gusa igiye hanze ikaba yarakunzwe cyane bikagaragarira mu bantu bayirebye aho abarenga 1,200,000 bari bamaze kuyireba ku rubuga rwa YouTube.

“Ni Forever” yagaragayemo amashusho ya Uwicyeza Pamella umugore wa The Ben

The Ben yatangaje ko bari gukora ibishoboka byose kugira ngo indirimbo Ni Forever yongere kugaruka kuri YouTube

Ni nyuma y’amasaha macye Abaturarwanda bavuye mu munsi mukuru wa Noheli w’ivuka rya Yezu wabaye ejo hashize ku wa Mbere tariki 25 Ukuboza.

Umuvugizi wa Polisi y’u Rwanda, ACP Rutikanga Boniface, yabwiye Ikigo cy’Igihugu cy’Itangazamakuru RBA, kuri uyu wa Kabiri tariki 26 Ukuboza 2023, ko kugeza muri iki gitondo hari hamaze kumenyekana impanuka ebyiri zabaye ejo hashize zabereye mu Karere ka Gicumbi n’aka Rwamagana.

Ni mu gihe kandi mu ijoro ryabanjirije Noheli, na bwo hagaragaye impanuka ebyiri zirimo iyabereye mu Gatsaha mu Karere ka Gasabo ndetse n’iyabere mu Karere ka Nyarugenge yahitanye umumotari.

Nanone kandi ku munsi ubanziriza Noheli tariki 24 Ukuboza mu Karere ka Bugesera na ho habaye impanuka imwe yahitanye umumotari.

ACP Rutikanga avuga ko inyinshi muri izi mpanuka zaturutse ku bari batwaye ibinyabiziga banyoye ibisindisha.

Ati 'Uretse iyabereye muri Nyarugenge, twasanze yarengeje umuvuduko ku mpamvu tutaramenya neza, izindi zaturutse ku kuba abantu bari basomye ibisindisha.'

Yavuze kandi ko kugeza ku mugoroba wo kuri uyu wa Mbere ku munsi wa Noheli, hari hamaze gufatwa abantu 20 bafashwe batwaye ibinyabiziga banyoye ibisindisha.

Ni mu birori byabaye mu cyumweru gishize, ubwo Evariste Ndayishimiye yashimiraga inzego z’umutekano z’Igihugu cye, muri uyu muhango wabereye mu Ntara ya Gitega.

Yavuze ko inzego z’umutekano zihora ziryamiye amajanja ku buryo zakwivuna umwanzi wahirahira guhungabanya umutekano w’Igihugu.

By’umwihariko yashimiye abasirikare bari mu butumwa bw’amahoro mu Bihugu binyuranye, nka Somaria, muri Repubulika ya Centrafrique ndetse no muri Repubulika Iharanira Demokarasi ya Congo.

Ni igikorwa cyabaye nyuma y’uko umutwe wa M23, ukomeje gushinja igisirikare cy’u Burundi gufatanya n’igisirikare cya FARDC ndetse n’imitwe nka FDLR na Wazalendo mu mirwano imaze iminsi mu burasirazuba bwa Congo.

Umutwe wa M23 kandi umaze iminsi wigamba kwivuna abanzi, barimo n’abasirikare b’u Burundi uherutse gutangaza ko wishe bari bambaye impuzankano y’igisirikare cya FARDC.

Perezida Evariste Ndayishimiye wari witezweho kugira icyo avuga kuri ibi birego ndetse no ku iyicwa ry’abasirikare b’Igihugu cye, yarabibererekeye, ahubwo ashimira ingabo ziri mu butumwa bw’amahoro.

Yagize ati 'nongeye kubashimira indi nshuro kuko abasirikare bacu bitangira n’amahanga akeneye amahoro.'

Abarikare b’u Burundi bagiye muri Repubulika Iharanira Demokarasi ya Congo mu butumwa bw’Umuryango wa Afurika y’Iburasirazuba, ubu wamaze gusoza manda yawo, ndetse abandi bakaba baratashye, mu gihe u Burundi bwo bwari bwaranagiranye amasezerano na Congo mu bufatanye mu bya gisirikare, ari na byo bikekwa ko abasirikare b’u Burundi basigayeyo ku bw’ayo masezerano.

UKWEZI.RW

Ishyaka riharanira Politiki ya bose rizwi nka Politique Ensemble pour la République, ryatangaje ko umukandida waryo ari we Moïse Katumbi, ari we watsinze amatora y’Umukuru w’Igihugu yabaye ku wa 20 Ukuboza 2023.

Christian Mwando uyobora iri shyaka, yemeje ko intsinzi ari iya Moïse Katumbi, bakurikije ibyavuye mu nama yabahuye ku cyumweru tariki 24 Ukuboza 2023 i Lubumbahsi mu Ntara ya Haut Katanga.

Ni mu gihe amajwi y’agatetanyo akomeje gushyirwa hanze na Komisiyo y’Igihugu y’Amatora, yo agaragaza ko Perezida Felix Tshisekedi ari we uri imbere mu majwi.

Depite Christian Mwando Simba Kabulo, uhagaragariye Intara ya Katanga mu Nteko Ishinga Amategeko, akaba anashyigikiye umunyapolitiki Moïse Katumbi, yahamagariye abayoboye b’uyu munyapolitiki, guhaguruka bagahangana n’abashaka kubiba intsinzi yabo.

Uyu mudepite, avuga ko barambiwe ubujura n’uburiganya bikorwa na Leta yabo, bityo ko abashyigikiye Moïse Katumbi badashobora gukomeza kubyemera.

Yagize ati 'Leta yacu yabaye iy’abatekamitwe, iy’abasahuzi, twebwe rero nk’abantu twifuza gukemura ibibazo by’Abanyekongo, tugomba kwiyemeza kwinjira mu rugamba. Uru rugamba ariko ntituzarutsinda twenyine nka Moïse Katumbi, Matata Ponyo, Franck Diongo, Seth Kikuni, ahubwo uru rugamba rugomba kwinjirwamo n’Abanyekongo bose.'

Uyu munyapolitiki yavuze ko badashobora kwemera ko umukandida wabo Moïse Katumbi yibwa amajwi nyamara ari we bari batezeho amakiriro y’ibibazo byabaye akangaratete muri Congo.
UKWEZI.RW

Umuhanzi Nyarwanda, The Ben yavuze ko kuba indirimbo ye “Ni Forever” aheruka gusohora yarasibwe kuri YouTube ari ibirego by’amashusho ya Drone bakoresheje.

Ku munsi w’ejo hashize ku wa Mbere tariki ya 25 Ukuboza 2023 ni bwo iyi ndirimbo yasohotse tariki ya 16 Ukuboza 2023, The Ben yahimbiye umugore we Pamella, ikaba yari imaze kurebwa n’abantu barenga miliyoni yasibwe kuri uyu muyoboro wa YouTube.

Mu itangazo The Ben yashyize hanze muri iki gitondo, yavuze ko bahuye n’imbogamizi batari biteguye cyane ko bari bizeye ko bafitanye amasezerano n’iyi sosiyete yabahaye amashusho bagaragarijwe ko afite ikibazo.

Ati “indirimbo yacu nshya duheruka gusohora ‘Ni Forever’, yahuye n’imbogamizi zitari zitezwe. Byatumye indirimbo yanyu mukunda isibwa kuri YouTube. Mu by’ukuri twari twizeye ko twagiranye amasezerano akomeye n’ukoresha Drone wazanye ayo mashusho yavuzwe, twizera ko ari ayabo bwite.”

Yakomeje avuga ko ikipe ye yinjiye muri iki kibazo ndetse yizeza abakunzi be ko iyi ndirimbo vuba cyane iri bugaruke kuri YouTube.

Ati “ndagira ngo mbabwire ko ikipe yacu ishinzwe tekinike yinjiye muri iki kibazo irimo gushaka uburyo cyakemuka. Ndabizeza ko indirimbo yanyu mukunda izagaruka kuri YouTube aho igomba kuba ibarizwa vuba cyane.”

Iyi ndirimbo yakuwe kuri YouTube kubera ikirego cya cya Kompanyi ya ‘Drone Skyline Ltd’ akaba ari kompanyi ifata amashusho yifashishije indege nto zitagira abapilote zizwi nka “Drone”, bivuze ko hari amashusho yayo yakoreshejwe nta burenganzira cyangwa mu buryo bunyuranyije n’amategeko.

Yavuze ko iyi ndirimbo yahimbiye umugore we Pamella izagaruka vuba kuri YouTube