Webrwanda Backend

Author: webrwanda

  • Perezida Kagame yageneye ubutumwa busoza umwa… – #rwanda #RwOT

    Ni ubutumwa yageneye Ingabo z’igihugu n’inzego z’umutekano kuri uyu wa Gatandatu mu gihe habura umunsi umwe gusa ngo umwaka wa 2023 ushyirweho akadomo. 

    Yagize ati “Ndifuriza abagore n’abagabo mu Ngabo no mu nzego z’umutekano mwese iminsi mikuru myiza, n’umwaka mushya Muhire.

    Umwaka mushya ni umwanya wo kwisuzuma no kongera gufata ingamba zo kurinda igihugu, by’umwihariko abari kure y’Imiryango yanyu muri ibi bihe by’iminsi mikuru”.

    “Ndabashimira umuhate n'ubwitange mu kubungabunga no kugarura amahoro n'umutekano ku mugabane wacu, haba mu butumwa bw'amahoro bw'Umuryango w'Abibumbye ndetse n'abari mu butumwa ku bw'ubufatanye n'ibihugu by'inshuti.

    Muhagarariye indangagaciro z'igihugu cyacu, mu bikorwa by'indashyikirwa n'ubunyamwuga.' 

    Perezida Paul Kagame yanashimiye imiryango y’ababuze ababo bitangira igihugu ndetse anabasa Ingabo z’igihugu n’inzego z’umutekano gukomeza kurinda igihugu babikorana ubushishozi.

    Ubutumwa Perezida Kagame yageneye Ingabo z’igihugu n’inzego z’umutekano 

    Source : https://inyarwanda.com/inkuru/138131/perezida-kagame-yageneye-ubutumwa-busoza-umwaka-ingabo-zigihugu-ninzego-zumutekano-138131.html

  • Umusore yatawe muri yombi azira kwandikira message z'urukozasoni umwana w'umukobwa w'imyaka 14 #rwanda #RwOT

    Uyu musore w'imyaka 34 yatawe muri yombi n'abashinzwe umutekano nyuma Yuko ari gushinjwa kwandikira message z'urukozasoni umwana w'umukobwa w'imyaka 14 gusa.

     

    Ibyo byabereye mu gihugu cy'Ubwongereza.Mu makuru ducyesha ikinyamakuru ghpage gikorera mi gihugu cya Nigeria, bivugwa ko uyu musore ayo makuro yose yasakaye binyuze mu mashusho yafashwe ubwo yari ari kwisobanura avuga uko ibintu byose byagenze.

     

    Uyu musore ubusanzwe ni uwo mu gihugu cya Nigeria ariko mu kwezi gushize nibwo yimukiye mu gihugu cy'Ubwongereza Ariho yakoreye ibyo byaha maze atabwa muri yombi n'abashinzwe umutekano bo muri icyo gihugu cy'Ubwongereza.

     

    Nkuko uyu musore yabyivugiye, yavuze ko yahuriye nuwo mwana w'umukobwa w'imyaka 14 ku rubuga bateretaniraho maze batangira kujya bavugana.Ndetsee ngo uyu mwana w'umukobwa yamubwiye ko afite imyaka 14 maze uyu musore akomeza kumwandikira.

     

    Icyo uyu musore ari kuzira nuko uyu mwana w'umukobwa yamubwiye ko afite imyaka 14 ariko Umusore agakomeza kumushora mu ngeso z'ubusambanyi aho ngo uyu musore yoherereje amafoto yigitsina cye uyu mukobwa nawe amusaba ko yafotora amafoto y'ambere ye nigitsina cye akamwereka.

     

    Uyu musore ukomeje gukurikiranwaho icyo cyaha, yavuze ko mu mezi ashoze Aribwo yimukiye mu gihugu cy'Ubwongereza ndetse ko afite umwana w'amezi atatu gusa.

    Source: ghpage.com

    The post Umusore yatawe muri yombi azira kwandikira message z'urukozasoni umwana w'umukobwa w'imyaka 14 appeared first on The Custom Reports.

    Source : https://thecustomreports.com/umusore-yatawe-muri-yombi-azira-kwandikira-message-zurukozasoni-umwana-wumukobwa-wimyaka-14/

  • Diamond Platnumz yahaye gasopo umusore washakaga kureshya Zuchu #rwanda #RwOT

    Umuhanzi Naseeb wamamaye nka Diamond Platnumz yahaye gasopo umusore washakaga gutereta Zuchu.

     

    Ibinyamakuru byo muri Tanzania byanditse ngo ' Diamond Platnumz yasagarariye uwashakaga kwigarurira umurima we ( Ubutaka bwe )'.

     

    Ibi byanditswe gutya nyuma y'igihe Zuchu atavugwa mu itangazamakuru asa n'uwazimye bigaragaza ko Diamond Platnumz yashakaga kongera kugarura umuhanzi we mu matwi y'abafana bitewe n'uburyo byakozwe.

    Diamond Platnumz yakoze ibi binyuze mu butumwa yashyize hanze uwo musore yandikiye Zuchu amubwira ngo aze kumuhamagara nabona umwanya.

    Muri ubu butumwa uyu musore yasabaga Zuchu ko babonana iminota 10 yonyine.

    Diamond Platnumz asubiza uyu mugabo, yavuze ko akwiriye guharika kumureshya , amubwira ko Zuchu yamureze.

    Zuchu amaze igihe avuga ko akunda Diamond gusa we ntaratobora na rimwe ngo amubwira ko amukunda ari nayo mpamvu abakurikiranira hafi iby'umuziki wa Tanzania bavuga ko ari agatwiko Diamond yashakaga nyuma yo kubona umuhanzi we agiye kumara umwaka atavuzwe.

     

    The post Diamond Platnumz yahaye gasopo umusore washakaga kureshya Zuchu appeared first on The Custom Reports.

    Source : https://thecustomreports.com/diamond-platnumz-yahaye-gasopo-umusore-washakaga-kureshya-zuchu/

  • Perezida Kagame yageneye Ingabo z’u Rwanda ubutumwa bw’iminsi mikuru #rwanda #RwOT

    Ni ubutumwa bwashyize hanze n’ubuyobozi bw’Ingabo z’u Rwanda ku mugoroba wo kuri uyu wa Gatandatu tariki 30 Ukuboza 2023.

    Muri ubu butumwa, Umukuru w’u Rwanda akaba n’Umugaba w’Ikirenga wa RDF, atangira agira ati 'Ndifuriza abagore n’abagabo mu ngabo no mu nzego z’umutekano mwese iminsi mikuru myiza, n’Umwaka mushya muhire.'

    Nanone akongera ati 'Ndabashimira ku myitwarire myiza n’ubwitange mu kurinda igihugu, by’umwihariko abari kure y’imiryango yanyu muri ibi bihe by’iminsi mikuru.'

    Perezida Kagame kandi ashimira abo muri izi nzego z’umutekano umuhare n’ubwitange badahwema kugaragaza 'mu kubungabunga no kugarura amahoro n’umutekano ku Mugabane wacu, haba mu butumwa bw’amahoro bw’Umuryango w’Abibumbye ndetse n’abari mu butumwa ku bw’ubufatanye n’Ibihugu by’inshuti. Muhagarariye indangagaciro z’Igihugu cyacu, mu bikorwa by’indashyikirwa n’ubunyamwuga.'

    By’umwihariko kandi yanageneye ubutumwa imiryango y’ababuze ababo baburiye ubuzima mu bikorwa byo kugarura amahoro. Ati 'Ku miryango yabuze ababo batakaje ubuzima bitangira igihugu, ndabashimira ubwo butwari, tuzakomeza kubaba hafi.'

    UKWEZI.RW

    Source : http://www.ukwezi.rw/Mu-rwanda/article/Perezida-Kagame-yageneye-Ingabo-z-u-Rwanda-ubutumwa-bw-iminsi-mikuru

  • Waruziko gushyira urubura ku ruhu rwawe bushobora kugufasha kugumana uruhu rwiza, Dore icyo inzobere zibivugaho #rwanda #RwOT

    Abantu benshi ntibajya bamenya ko urubura burya rugirira umumaro uruhu rwabo, gusa inzobere zivuga ko akamaro gahari ndetse ntibahwema no kuvuga ko hari ni bibi cyangwa ingaruka mbi zo gukoresha urubura ku mubiri wawe.

     

    Muri iyi nkuru twifashishije inyandiko zizewe mukubategurira amakuru yizewe mu gukoresha urubuga ku ruhu.Inzobere zivuga ko gushyira cyangwa gukoresha urubura ku mubiri cyangwa ku ruhu rwawe bushobora kugufasha kugabanya uburibwe.

     

    Niba ujya ukunda kureba umupira w'amaguru akenshi iyo umukinnyi avunitse ikintu cy'ambere umuganga akora ni ugushyira urubura (barafi) ku mubiri w'uwo mukinnyi cyane aho yavunitse mu buryo bwiza bwo kumugabanyiriza uburibwe.

     

    Ikindi urubura rutuma uruhu rwawe rurambuka neza, cyane iyo ukoresheje urubura hafi yisura cyane iruhande rw'amaso hamwe hakunda kuza iminkanyari. Iyo wifashishije urubura bishobora gutuma uruhu rwawe rurambuka ndetse rukamera neza.

     

    Urubura Kandi rutuma uruhu rwawe rukora neza cyane mu mitemberere cyangwa icyo bita circulation mu rurimi rw'amahanga.

     

    Kubera gukoresha urubura ku mubiri wawe bituma uruhu rwawe rutembereza intungamubiri muri reo neza, ndetse ngo bituma uruhu rwawe rubasha kwakira umwuka mwiza mu buryo bwihuse Kandi bwiza.

     

    Usibye ibyo kandi, urubura iyo urukoresheje ku mubiri wawe bituma rwica udukoko kuri ku ruhu rwawe. Ni ukuvuga kubera ubukonje bwinshi urubura ruba rufite, iyo urushize ku mubiri wawe twa dukoko turi ku ruhu rwawe Tubi, ditangira gupfa twishwe nubwo bukonje.

     

    Icyakora inzobere zivuga ko hari ningaruka mbi zishobora kukugeraho bitewe nuko wakoresheje urubura.Inzobere zivuga ko gukoresha urubura ku mubiri wawe bishobora gutuma icyitwa kumva cyangwa ikiyumviro cyo ku ruhu gipfa.

     

    Nkuko mubuzi umuntu mu bintu agira byumva uruhu narwo rubamo kuko iyo umuntu agukozeho uhita ubyumva, rero gukoresha urubura bishobora gutuma ibyo bipfa.

     

    Ikindi Kandi ngo urubura si umuti uzagufasha iteka ryose, ni ngombwa ko ukoresha urubura mu gihe kigiye gitandukanye mu buryo bwo kubona impinduka nzizaa.

     

    Dore uburyo bwiza bwo gukoresha urubura bigatanga umumaro:

    1.Koresha urubura ruto, mbere ukoresha urubura rutari rwinshi.Urubura rwishyireho mu minota itarenze 10 Kandi itagiye munsi yiminota 5.

    2.Irinde gusiga cyangwa gushyira urubura ku minwa cyangwa ku maso.

    3.Irinde gukoresha urubura mu gihe ufite igisebe.

    Source: Quora

    The post Waruziko gushyira urubura ku ruhu rwawe bushobora kugufasha kugumana uruhu rwiza, Dore icyo inzobere zibivugaho appeared first on The Custom Reports.

    Source : https://thecustomreports.com/waruziko-gushyira-urubura-ku-ruhu-rwawe-bushobora-kugufasha-kugumana-uruhu-rwiza-dore-icyo-inzobere-zibivugaho/

  • Asa na pamella wa The Ben! Umukobwa uri mu ndirimbo Ni Forever yasubiwemo n'umuhanzi 'Nigabe' #rwanda #RwOT

    Umusore muto akomeje kuzamuka mu muziki abinyujije mu gusubiramo indirimbo z'abahanzi bakunzwe barimo The Ben, Shafi na Chriss Eazy.

    Umuhanzi uzwi ki Izina rya 'Nigabe' wasubiyemo indirimbo Bana ya 'Shafi' na 'Chriss Eazy' bimwe bakunze kwita 'cover' igakundwa na benshi, ubu yamaze no gushyira hanze indi cover yakoze ku ndirimbo ya 'The Ben' umuhanzi ukunzwe mu rw'imisozi igihumbi ndetse no hanze y'arwo ndetse uherutse kurushinga na Miss Uwicyeza Pamella.

    Kanda hano urebe indirimbo Bana yasubiyemo

    Hari hashize ukwezi uyu musore ashyize hanze iyi cover ya Bana yakunzwe n'abatari bake dore ko imaze kurebwa n'abarenga ibihumbi icumi ku rubuga rwa youtube kuri konti ye yitwa 'Nigabe' akaba ari izina rye bwite ndetse akoresha no mu muziki.

    Mu kiganiro twagiranye n'uyu muhanzi yavuze ko yafashe icyemezo cyo gusubiramo iyi ndirimbo 'Ni forever'  nyuma yaho abonye urukundo benshi bayifitiye ndetse akurikije uko indirimbo yari aherutse gusubiramo yakunzwe  ndetse  bityo ngo akaba yizeza abakunzi be gukomeza kubaha n'izindi mu minsi iri imbere.

    Uyu muhanzi ukiri muto akomeza avuga ko afite gahunda yo gusubiramo indirimbo z'amoko yose (ziri mu ndimi z'amahanga) kugira ngo akomeze yigarurire imitima ya benshi ari nako yagura imbago z'umuziki we ndetse yongeyeho ko afite ubushobozi bwo kuryoshya ubukwe binyuze mu bihangano by'indirimbo.

    Ni mu gihe turimo gusoza umwaka abahanzi benshi batandukanye barimo Niyo Bosco, Israel Mbonyi, Alyne Sano, Rider man ndetse n'abandi batandukanye bakomeje gushyira hanze indirimbo, abamenyerewe mu gusubiramo indirimbo nka Silvizo n'abandi bakomeza kugenda na bo batoranya izo basubiramo, nuyu 'Nigabe' akaba akomeje kwiyongera muri abo bahanzi.

    'Nigabe avuga ko atazagarukira gusa mu gusubiramo indirimbo z'abandi ahubwo ko azakora n'ize bwite mu minsi iri mbere ariko akaba yarabanje gukora ibi asa naho akora igerageza.

     

     

    The post Asa na pamella wa The Ben! Umukobwa uri mu ndirimbo Ni Forever yasubiwemo n'umuhanzi 'Nigabe' appeared first on The Custom Reports.

    Source : https://thecustomreports.com/asa-na-pamella-wa-the-ben-umukobwa-uri-mu-ndirimbo-ni-forever-yasubiwemo-numuhanzi-nigabe/

  • Real Madrid yahaye Kylian Mbapp igihe ntaren… – #rwanda #RwOT

    Mu mpeshyi y’umwaka utaha wa 2024 ni bwo uyu mukinnyi w’imyaka 25 azaba arangije amasezerano ye mu ikipe ya Paris Saint-Germain. 

    Ubwo bivuze ko asigaranye amasezerano y’amezi 6 kandi mu mategeko biremewe ko umukinnyi usigaranye amasezerano y’amezi 6 mu ikipe aba yemewe kuganira n’andi makipe amwifuza nta kibazo.

    Kuri ubu ikipe ya Real Madrid yifuje Kylian Mbappé guhera muri 2022 ariko bikarangira itamubonye, yamubwiye ko niba afite gahunda yo kuzabasinyira mu mpeshyi y’umwaka utaha, agomba kugeza mu kwezi kwa mbere hagati yarabifasheho umwanzuro cyangwa niba bitazakunda nabyo akabivuga nk’uko ikinyamakuru The Athletic cyabyanditse.

    Impamvu Real Madrid yakoze ibi ni uko yigiye ku makosa yakoze ubwo muri 2022 yizeraga ko izasinyisha uyu mukinnyi ariko bikarangira bidakunze ahubwo yongera amasezerano y’imyaka 2 mu ikipe ya Paris Saint-Germain, aza kubiseguraho nyuma bitewe nuko yari yaramaze kumvikana nabo ariko abatenguha mu minsi ya nyuma.

    Ibyo Real Madrid iha Kylian Mbappé ntabwo byigeze bihinduka, ni Miliyoni 26 z’amapawundi ishaka kuzajya imuhemba ku mwaka ndetse na Miliyoni 130 z’amayero yiyongeraho yamuha imusinyisha.

    Biramutse bikunze iyi kipe yo muri Espagne ikabona Kylian Mbappé mu mpeshyi y’umwaka utaha, yaba aje asanga abandi bakinnyi bakomeye iheruka gusinyisha barimo Jude Bellingham n’undi mwana ukiri muto cyane witwa Endrick uzayijyamo mu mpeshyi y’umwaka utaha.

    Kylian Mbappé yahawe igihe ntarengwa cyo gufata umwanzuro niba azerekeza muri Real Madrid

    Kylian Mbappé azarangiza amasezerano ye muri Paris Saint-Germain mu mpeshyi y’umwaka utaha 

    Source : https://inyarwanda.com/inkuru/138128/real-madrid-yahaye-kylian-mbappe-igihe-ntarengwa-138128.html

  • Tyla, Asake, Davido na Tems mu basusurukije B… – #rwanda #RwOT

    Bimaze kumenyerwa ko buri mwaka, uwahoze ari Perezida wa Amerika, Barack Obama atangaza indirimbo zamunyuze zikamukora ku mutima. N'uyu mwaka rero yamaze gushyira hanze urutonde rw'indirimbo 27 yakunze cyane mu 2023.

    Mu ndirimbo Barack Obama yashyize ahagaragara, harimo indirimbo z'abahanzi bakomoka mu gihugu cya Nigeria zakunzwe zikamenyekana cyane, zirimo Unavailable y'umuhanzi Davido yafatanije na Musa Keys,;

    Sittin' On Top Of The World ya Burna Boy yahuriyemo na 21 Savage, Amapiano ya Asake na Olamide, iya Tems yise 'Me & U,' ndetse n'iy'umuhanzikazi Tyla ukomoka muri Afurika y'Epfo yaciye ibintu kuva yajya ahagaragara yise 'Water.'

    Abandi bahanzi bakoze indirimbo zikanyura iki cyamamare, harimo Beyonce na Kendrick Lamar bahuje amaboko bagakora indirimbo yitwa 'America Has A Problem,' Megan Thee Stalion wakoze iyitwa 'Cobra,' Blondshell wahimye iyitwa 'Joiner,' n'abandi benshi.

    Kuri urwo rutonde hagaragayeho umuziki wo hirya no hino ku isi harimo Latino, pop, Afrobeats, Hip-hop, Grime, Reggaeton, Reggae, Dancehall, R&B, na Soul.

    Asangiza uru rutonde abamukurikira ku rubuga rwa X, Obama yanditse ati: “Dore zimwe mu ndirimbo nakunze cyane muri uyu mwaka. Wamenyesha niba hari abahanzi cyangwa indirimbo zindi ngomba kureba.'

    Barack Obama yatangaje indirimbo yakunze cyane mu 2023

    Urutonde rw’indirimbo zanyuze Back Obama muri uyu mwaka  

    Source : https://inyarwanda.com/inkuru/138125/tyla-asake-davido-na-tems-mu-basusurukije-barack-obama-mu-2023-138125.html

  • Kugereka ibibazo byabo ku Rwanda, ishyari n'iturufu by'abananiwe kuyobora ibihugu byabo. #rwanda #RwOT

    Byari bimenyenyerewe ku bategetsi ba Kongo bananirwa gukemura ibibazo by'imiyoborere byasenye igihugu, bakabyegeka ku Rwanda, ngo rushyigikiye M23, birengagije ko isi yose izi neza ko uwo mutwe ari uw'Abanyekongo baharanira kuvana igihugu cyabo mu rwobo cyaroshywemo n'abategetsi babi, uko bagiye basimburana ku ngoma.

    Iyi turufu yo kwihunza ibibazo by'ingutu aho kubikemura ahereye mu mizi, niyo Perezida w'uBurundi, Evariste Ndayishimiye nawe ahisemo, agamije gukinga Abarundi ibikarito mu maso, ngo batabona ko igihugu cyabo kiyobowe giswa.

    Mu kiganiro n'abanyamakuru cyo kuwa 29/12/2023, Perezida Ndayishimiye yikuye mu kimwaro aterwa no kuba yarananiwe kurindira umutekano Abarundi, maze aremekanya ibinyoma ngo umutwe wa RED-TABARA urwanya ubutegetsi bwe ufashwa n'u Rwanda! Ibisa birasabirana, nta Tshisekedi nta Ndayishimiye!

    Aya magambo ya Ndayishimiye, aje nyuma y'aho tariki 22/12/2023, abantu bitwaje intwaro biraye mu baturage b'ahitwa VUGIZO, muri zone ya Gatumba ihana imbibi na Kongo, maze inzirakarengane zisaga 20 zikicwa.

    Leta ya Ndayishimiye yashinje RED-TABARA ubu bwicanyi, ariko mu itangazo uyu mutwe waraye ushyize ahagaragara, wahakanye wivuye inyuma uruhare muri ubwo bugizi bwa nabi, ahubwo ushinja igisirikari cy'u Burundi ubwo bwicanyi. RED-TABARA ndetse yongeye gusaba ko impuguke zitagize aho zibogamiye zakora iperereza ryimbitse kuri ayo mahano. Nubwo iri perereza ryasabwe ubwicanyi bukimara kuba, ubutegetsi bwa CNDD-FDD bwararuciye burarumira.

    Muri iryo tangazo rya RED-TABARA kandi, yahakanye ubufasha yaba ihabwa n'igihugu icyo aricyo cyose.

    Abasesenguzi muri politiki y'aka karere bibajije ukuntu Perezida Ndayishimiye yatinyutse gushinja u Rwanda gucumbikira RED-TABARA, kandi afite ingabo muri Kivu y'Amajyepfo, aho avuga ko zagiye gusenya ibirindiro by'abo barwanyi. Byongeye, abategetsi b'u Burundi bavuze ko igitero cyishe abaturage bo mu Gatumba ngo cyagabwe na RED-TABARA itururse muri Kongo. Ukibaza rero uburyo izo nyeshyamba ziba mu Rwanda, zigatera u Burundi zivuye muri Kongo.

    Ibirego bya Perezida Ndayishimiye ntibirimo ubuswa gusa, ahubwo biranagaragaza kutazirikana ineza. Iyo aza kuba indongozi y' inyangamugayo, yari kwibuka ko tariki 30/07/2021, Leta y'u Rwanda yashyikirije iy'uBurundi abarwanyi 19 ba RED-TABARA, n'intwaro zabo, nyuma yo gufatirwa muri Nyungwe, ku butaka bw'u Rwanda.

    Nyamara ahubwo, mu manza z'Abanyarwanda bagiye bafatirwa mu bikorwa by'iterabwoba, abenshi basobanuye neza inkunga bahabwa n'abayobozi b'u Burundi, baba aba gisirikari, baba n'abagisivili. Ntawe utazi ko ibyihebe bya FLN bifite indiri mu ishyamba rya Kibira mu Burundi. Gusa u Rwanda ntirujya mu mikino yo kujugunyirana ibirego, ahubwo rufata ingamba zo kurinda ubusugire bwarwo.

    Perezida Ndayishimiye asanzwe azwiho kwiyorobeka no kuvuga ibihabanye kure n'ibyo akora. Icyakora muri icyo kiganiro n'abanymakuru ho yasize umugani kubera kwivuguruza, bigaragarira buri wese ko ibyo avuga ari ukuremekanya.

    Kwivuguruza kwafashe umwanya munini.Urugero ni nk'aho yananiwe gusobanura ubufatanye bw'abasirikari b'u Burundi n'umutwe w'abajenosideri wa FDLR, n'indi yitwaje intwaro mu burasirazuba bwa Kongo, ndetse hakaba hari umubare munini w'intwaramuheto zimaze kugwa mu ntambara hagati y'iyo mitwe na M23. Abarundi bataguye mu bitero bafashwe mpiri, ndetse M23 yaberetse isi yose.

    Mu buriganya busekeje, Perezida Varisito Ndayishimiye yavuze ko ngo nta musirikari wa Leta y'u Burundi wigeze afasha Leta ya Kongo ku rugamba, ko ahubwo RED-TABARA ariyo irwana ku ruhande rwa M23. Yongeyeho ko imfungwa zivuga ikirundi M23 yagaragaje ari iza RED-TABARA, ukibaza rero uburyo abo barwanyi ba RED-TABARA baba bafatanya ku rugamba na M23, yarangiza ikaberekana nk'imfungwa z'intambara!

    Ibi byo kwihakana abasirikari ba Leta y'uBurundi bagwa ku rugamba muri Kongo, abandi bagafatwa mpiri, byarushijeho kurakaza benshi mu basirikari b'icyo gihugu, n'ubundi bakomeje kwibaza icyo barwanira muri Kongo, ndetse benshi bagahitamo gufungwa cyangwa gutoroka igisoda, aho kujya gupfira impamvu batazi.

    Amabanga yamenwe n'ibyegera bya Ndayishimiye ndetse na Tshisekedi, avuga ko hari amasezerano ya rwihishwa abo bagabo bagiranye, ajyanye n'ubufatanye mu kurwanya M23. Ayo masezerano ngo yemerera buri musirikari w'u Burundi uri muri Kongo amadolari 5.000 buri kwezi, nyamara abo ba nyagupfa bahabwa inticantikize ibafasha gusunika iminsi gusa, mu gihe bategereje gufumbira iminaba ya Kongo.

    Umuyobozi nyawe ni usesengura imiterere nyakuri y'ibibazo byugarije abaturage ashinzwe, akabishakira umuti atayobowe n'amarangamutima, byaba ngombwa akiyambaza n'abaturanyi. Iyo uhisemo rero kwikoma abo baturanyi, uzi neza ko ubarenganya, ntutinda kubona ko wibeshye. Nyamwanga kumva ntiyanze no kubona!

    The post Kugereka ibibazo byabo ku Rwanda, ishyari n'iturufu by'abananiwe kuyobora ibihugu byabo. appeared first on RUSHYASHYA.

    Source : https://rushyashya.net/kugereka-ibibazo-byabo-ku-rwanda-ishyari-niturufu-byabananiwe-kuyobora-ibihugu-byabo/?utm_source=rss&utm_medium=rss&utm_campaign=kugereka-ibibazo-byabo-ku-rwanda-ishyari-niturufu-byabananiwe-kuyobora-ibihugu-byabo

  • Kamonyi : Impanuka ikanganye y’imodoka eshatu zirimo Howo zagonganye yahitanye benshi #rwanda #RwOT

    Iyi mpanuka yabereye ahazwi nko ku Ruyenzi mu Karere ka Kamonyi, yabaye mu ijoro ryacyeye ahagana saa tanu kuri uyu wa Gatanu tariki 29 Ukuboza 2023.

    Iyi mpanuka yatewe no kuba ikamyo ebyiri zirimo iyo mu bwoko bwa Howo zagonganye, imwe igasekura iyari iyiri imbere, na zo zigahita zigonga imodoka nto y’ivatiri yari irimo abantu barindwi.

    Abantu bane muri abo barindwi bahise bitaba Imana, ndetse na kigingi w’imwe muri izo kamyo, ahasiga ubuzima.

    Umuvugizi wa Polisi y’u Rwanda, ACP Boniface Rutikanga, yatangaje ko iyi mpanuka yatewe n’izo kamyo ebyiri zirimo iyari itwaye imbaho n’iyari ipakiye amabuye.

    Yagize ati 'Abantu batanu bahise bapfa barimo bane bari muri iyo vatiri yari irimo abantu barindwi na kigingi w’ikamyo, ariko shoferi yavuyemo ari muzima.'

    ACP Boniface Rutikanga avuga ko hari gukorwa iperereza kugira ngo hamenyeka icyateye iyi mpanuka kuko izi modoka zitari zinafite umuvuduko mwinshi.

    https://www.youtube.com/watch?v=jNAstN4Q02g&feature=youtu.be

    UKWEZI.RW

    Source : http://www.ukwezi.rw/Mu-rwanda/Kamonyi-Impanuka-ikanganye-y-imodoka-eshatu-zirimo-Howo-zagonganye-yahitanye-benshi