Webrwanda Backend

Author: webrwanda

  • APR FC yerekeje Zanzibar -AMAFOTO – #rwanda #RwOT

    Ku mugoroba wo kuri uyu wa Gatanu ni bwo iyi kipe y’Ingabo z’igihugu yahagurutse ku kibuga cy’indege i Kanombe. Biteganyijwe ko bari bubanze bakanyura i Nairobi muri Kenya, bakabona kwerekeza ku kibuga cy’indege cya cya Karume International Airport muri Zanzibar.

    APR FC yajyanye abakinnyi 24 barimo Abakinnyi bashya 4 b’Abanyamahanga bari mu igeragezwa ndetse na Elia Kategaya baheruka gusinyisha bakuye muri Mukura VS na rutahizamu Mbonyumwami Thaiba bagaruye bari baratije muri Marine FC.

    Mu bakinnyi iyi kipe itajyanye harimo Yannick Bizimana, Thadée Lwanga, Danny Ndikumana, Nshuti Innocent ugiye kujya mu igeragezwa mu ikipe yo muri Leta Zunze Ubumwe z’Amerika na Omborenga Fitina wasizwe kubera ibibazo by’imyitwarire idahwitse dore ko yamaze no kwamburwa igitambaro cy’ubukapiteni.

    APR FC iri mu itsinda B ikaba irikumwe na Simba SC na Singida Fountain Gate zo muri Tanzania na Jahmuri yo muri Kenya. Umukino wayo wa mbere izawukina taliki ya 1 Mutarama 2024 icakirana na Jahmuri.

    Myugariro wa APR FC, Ishimwe Christian asohoka mu mudoka igeze ku kibuga cy’indege i Kanombe 

    Chairman wa APR FC, Colonel Richard Karasira yajyanye n’ikipe mu irushanwa rya Mapinduzi Cup 

    Abarimo Umunyezamu wa APR FC, Pavelh Ndzira, Ynussu na Ramadhan 

    Umwe mu bakinnyi 4 bari mu igeragezwa mu ikipe ya APR FC 

    Nshimirimama Ismael Pitchou mbere yo kwinjira mu ndege

    Mugisha Gilbert mbere yo kujya mu ndege

    Elia Kategaya Umukinnyi mushya APR FC iheruka gusinyisha imukuye muri Mukura VS

    Rutahizamu wa APR FC Victor Mbaoma

    Kwitonda Allain Baca (imbere y’abandi) mbere yo kwinjira mu ndege

    Ubwo Imodoka ya APR FC yageraga ku kibuga cy’indege

    Umunyezamu wa APR FC, Ishimwe Pierre

    Myugariro Niyigena Clement 

    AMAFOTO: Serge-InyaRwanda.com

    Source : https://inyarwanda.com/inkuru/138113/apr-fc-yerekeje-zanzibar-amafoto-138113.html

  • Umukinnyi w’Amavubi ukina i Burayi yatereye ivi i Kigali (AMAFOTO) #rwanda #RwOT

    Sven Kalisa ukinira Etzella Ettelbruck muri Luxembourg yambikiye impeta ya fiançailles umukunzi we Nella i Kigali.

    Uyu mukinnyi w’imyaka 25 ukina mu kibuga hagati muri Etzella Ettelbruck mu cyiciro cya mbere muri Luxembourg, amaze iminsi mu Rwanda aho yaje mu kiruhuko.

    Akaba yarazanye n’umukunzi we Nella aje kumutembereza Igihugu cy’Imisozi 1000 avukamo.

    Yahise afatirana aya mahirwe aho bivugwa ko ku wa Gatatu w’iki cyumweru ari bwo Kalisa yasabye Nella ko yazamubera umugore undi na we arabyemera.

    Ni mu birori bibereye ijisho byabereye muri Eagle View Lodge ku i Rebero mu Mujyi wa Kigali.

    Amakuru ISIMBI yamenye ni uko uyu mukinnyi yifuza kuzasezeranira imbere y’amategeko mu Rwanda ku buryo ashobora kuzahava nabyo abikoze.

    Sven Kalisa aheruka guhamagarwa mu ikipe y’igihugu muri Nzeri 2022 ubwo Amavubi yiteguraga umukino wa gicuti yakinnye na Guinea Equatorial.

    Sven Kalisa yasabye Nella ko yazamubera umugore

    Yabyemeye nta kuzuyazaaaaa

    Byabereye i Kigali ku i Rebero

    Byari ibyishimo bikomeye kuri Sven Kalisa

    Bashobora no kuzasezeranira imbere y’amategeko mu Rwanda

    Kalisa ni umukinnyi w’Amavubi

    Source : http://isimbi.rw/siporo/Umukinnyi-w-Amavubi-ukina-i-Burayi-yatereye-ivi-i-Kigali-AMAFOTO

  • Uburemba ni iki ? Ese Uburemba buravugwa ? #rwanda #RwOT

    Burya umugabo ufite uburemba bimugiraho ingaruka mu mitekerereze no mu mibanire ye n'umufasha we , bikaba byanatuma yitakariza icyizere n'icyanga cy'ubuzima , mur iyi nkuru turakubwira igisobanuro cy'uburemba , tunakubwire niba bushobora kuvugwa .

    Uburemba ni iki?

    Bvuga uburemba mu gihe umugabo igitsina cye kinanirwa gufata umurego cyangwa kikaba kidafite imbaraga ku buryo adashobora gutera akabariro neza .

     

    Ariko burya n'umugabo ufite igitsina gifata umurego ariko bikaba bidahagije ngo atere akabariro abashe kugeza mugenzi we ku ndunduro y'ibyishimo , aho bigera mu  gikorwa hagati igitsina cye kikanga , nabwo babyita uburemba .

     

    Ni iki gitera uburemba ?

    Hari impamvu nyinshi zitera uburemba zirimo

    • Imihangayiko ikabije
    • indwara z'agahinda gakabije
    • Indwara z'umutima zituma amaraso adatembera neza
    • Indwara ya Diyabete
    • Umubyibuho ukabije
    • Kuba mu buryo karemano ufite umusemburo muke wa testesterone
    • Kunywa itabi n'inzoga z'umurengera
    • Kurya nabi
    • Kudakora imyitozongoraoramubiri

    Hari imiti ishobora gutera iki kibazo irimo nk'imiti ya hypertension nindi myinshi …

     

    Ni gute wakwivura uburemba ?

    Burya uburemba buravugwa , ariko ni byiza kuganira na muganga ukamenya uburyo bwiza wakoresha mu kwivura uburemba .

     

    Uburyo bwo kwivura uburemba burimo

    1. Guhindura imyitwarire

    • Kurya indyo yuzuye ikungahaye ku ntungamubiri harimo imboga n'imbuto
    • Gukora imiyitozo ngororamubiri
    • Guhangana na Stress
    • Kureka kunywa inzoga n'itabi

    2.Gukoresha imiti

    Hari imiti ishobora kuvura ubu burwayi bw'uburemba irimo

    • Viagra
    • tadalafil
    • vardenafil

    Iyi miti ikaba yongera ingano y'amaraso agera mu myanya y'ibanga bityo igitsina kikabasha gufata umurego umwanya munini .

    3.Kuganirizwa

    Cyane cyane nko ku muntu ufite indwara z'agahinda gakabije , nabyo bikaba byamufasha gukira iki kibazo .

     

    4.Kubagwa

    Hari igihe biba ngombwa ko ubagwa ariko ni gake cyane gashoboka , aho ushobora gukora ibyitwa penile implants , cyangwa ibyitwa vascular surgery .

     

    Dusoza

    Uburemba ku bagabo buravugwa , bitandukanye n'ubugumba , uburemba bushobora gufata buri wese , imyaka yose yaba agezemo , kwivura cyangwa kwivuza uburemba birashoboka kandi bishobora gukorwa wivuye wowe ubwawe bitewe n'impamvu yabiteye .

     

    Ntukwiye guhangayika cyangwa ngo wihebe mu gihe wahuye nikibazo cy'uburemba , ahubwo menya impamvu yabiguteye , ubundi wivuze .

     SRC: UbuzimaInfo

    The post Uburemba ni iki ? Ese Uburemba buravugwa ? appeared first on The Custom Reports.

    Source : https://thecustomreports.com/uburemba-ni-iki-ese-uburemba-buravugwa/

  • 'Navutse ntabona ariko Imana imfungura amaso ndareba' ! Umuhamya bw'umuramyi Chidinma Ekile #rwanda #RwOT

    Ekile yatangaje uburyo yarebye nyamara yaravutse atabona. Avuga ko ari igitangaza cy'Imana.

     

    Umuhanzi wo kuramya no guhimbaza Imana Chidinma  Ekile mu gihugu cya Nigeria, yatangaje ko umubyeyi we yasenze imyaka n'imyaniko ariko amaso ye yaranze gufunguka ngo arebe gusa ngo umunsi umwe Imana ikamukorera igitangaza akongera kureba.

     

    Uyu muhanzi yavuze ko yavukanye ubuhumyi n'ababyeyi be bagakora iyo bwabaga ngo akire bikanga.Nyuma umubyeyi we yatangiye gusenga yewe ngo akiyiriza ubusa ariko nanone bikaba iby'ubusa ntihagire igitangaza kiba.

     

    Yemeza ko ibyaje kumubaho nyuma y'igihe kirekire yari amaze afata amasengesho akanayiriza ubusa cyamubereye igitangaza akongera akabona umucyo w'Isi.Gusa avuga ko yasenze arimo kugera ikirenge mu cy'umubyeyi we ari nabyo byaje kumufasha gukira amaso akareba.

     

    Ati:'Yego navutse ntabona kandi ntabwo nari narigeze mfunguza amaso yanjye na rimwe.Ababyeyi banjye bakoze iyo bwabaga kugira ngo ngere aha ndi uyu munsi.

     

    Kuva icyo gihe umubyeyi wanjye yatangiye gusenga cyane akiyiriza ubusa ariko ntibikore, gusa uko nakomeje gusenga nkajya no mu rusengero naje gufunguka amaso , cyari igitangaza'.

     

    'I was born blind but God opened my eyes'- Singer Chidinmapic.twitter.com/AYvRS6TzpD

    — GistReel.Com (@GistReel) December 28, 2023

    The post 'Navutse ntabona ariko Imana imfungura amaso ndareba' ! Umuhamya bw'umuramyi Chidinma Ekile appeared first on The Custom Reports.

    Source : https://thecustomreports.com/navutse-ntabona-ariko-imana-imfungura-amaso-ndareba-umuhamya-bwumuramyi-chidinma-ekile/

  • Magaly Pearl yahishuye iyerekwa yagize ryasub… – #rwanda #RwOT

    Uyu mukobwa ubarizwa muri Leta Zunze Ubumwe za Amerika, yabwiye InyaRwanda ko kuva akiri muto yifuzaga gukora ibikorwa b'ubushabitsi bishamikiye ku kurimbisha ahantu cyangwa se gukora ibikorwa bijyanye n'ibirungo by'ubwiza bifasha abakobwa, ashyira ku isoko 'Brand' nshya yise 'Pealy Cosmetics'.

    Yavuze ati 'Kwinjira mu byo gukora iby'ibirungo by'ubwiza ni inzozi nahoranye. Mu nzozi nagize cyangwa se nari mfite gutangira 'Brand' yanjye y'ibirungo by'ubwiza byari birimo. Ndabyibuka nashatse kubikora mu 2017 ariko ntibyakunda. Ntabwo nabigiyemo cyane, ntabwo navuga ko nari nkuze bihagije.'

    Magaly Pearl yavuze ko muri kiriya gihe atari afite ubumenyi buhagije bwari gutuma yinjira mu bucuruzi, biri no mu byatumye afata igihe cyo kubanza gukorera abandi, ariko yita cyane ku gukorana n'ibigo n'amaduka akora ibijyanye n'ibirungo by'ubwiza.

    Ati 'Nagombaga kubanza guca bugufi, nkabanza kujya gukorera undi muntu hanyuma nkavuga nti noneho nditeguye kugirango mfungure ibyanjye.'

    Uyu mukobwa yavuze ko mu 2021, ari bwo yongeye kugira igitekerezo cyo gutangira kwikorera. Ati 'Byaje mu nzozi! Ndabyibuka, hari uburyo bwinshi Imana inkoreramo cyangwa se imbwira mu buryo butandukanye ariko cyane cyane mu inzozi.'

    Akomeza ati 'Nabwiye Imana nti niba ushaka ko mbyinjiramo reka mbikore ariko nshoboza ufungure imiryango, kandi imiryango ikwiye, bitabangamiye, kandi bidaciye mu nziza zitakubaha, kandi nanjye bidaciye mu nzira zidahuye n'amahame yanjye ya gikirisitu. Ni uko rero byaje.'

    Magaly Pearl yavuze ko akimara kwakira iyerekwa, yahise atangira ibikorwa byo kwandikisha ubu bucuruzi, gushaka izina, aho gukorera n'ibindi byatumye akora ubushakashati ku bucuruzi yari agiyemo kwinjira byafashe mu gihe cy'imyaka ibiri.

    Yavuze ko ubu bushabitsi bw'ibirungo by'ubwiza, atari we gusa ubikora mu muryango we, kuko yaba Nyina ndetse na bamwe mu bavandimwe be ari kimwe mu bikorwa bakoraga.

    Magaly Pearl ati 'Ntabwo ari ubucuruzi gusa, ahubwo ni inzira yo gukora umurimo w'Imana mu buryo bwagutse, gukora no gutinyura bagenzi banjye b'abakobwa.'

    Imyaka itanu irashize yakiriye agakiza

    Magal yavuze ko kuva yaha ubuzima Kristo 'numva muri njye mbohotse, kandi nishimye'. Yavuze ko atiyumvisha ubuzima bwa mbere y'uko yiyegurira Imana, kuko kuva yatangiye urugendo rwo gukorera Kristo ari bwo yabayeho ubuzima bwuzuye.

    Uyu mukobwa yavuze ko 'ndi umuntu wishimye cyane, mfite amahoro, ndatekereza ngahanga ibishya, kandi ndatekereje'.

    Yavuze ko kwakira Kristu rimwe na rimwe bijyanye no guhura n'ibigeragezo, bya bamwe na bamwe batiyumvisha 'ko wamaze guhinduka'.

    Magaly Pearl avuga 'n'iyo ibigeragezo bije uba ufite amahoro ya Kristu, ntabwo ari ibintu biguhangayikisha'. Ati 'Uba wumva ni ibintu nyine biri kuba ufite amahoro y'Imana, kandi ni ibintu bizatamara kabiri'.

    Uyu mukobwa yavuze ko kwakira Imana ari kimwe mu byemezo byiza yafashe mu buzima bwe, kizakurikirwa n'icyemezo cya kabiri cy'umuntu 'tuzabana ubuziraherezo'.

    Yavuze ko kuva yakwakira agakiza, hari abantu 'tutakiri inshuti ariko nanone ntabwo turi abanzi'. Ati 'Buriya abantu muba inshuti kubera ko muhuje inyungu, ariko iyo inyungu zihindutse, akenshi nanone abantu barahinduka. Navuga ko hari abantu tutakivugana, ariko nanone mfite inshuti nziza Imana yampaye, nazo nishimiye kandi duhuje.'

    Magaly Pearl yavuze ko muri izi nshuti afite, harimo abakiriye Kristu nyuma yo kubaganiriza akababwira inkuru nziza n'amahoro afite mu mutima. Ariko kandi hari n'abandi 'Imana yiyeretse mu buryo bwayo barayakira'. 

    Kanda hano urebe urubuga rwa Magaly Ingabire

     

    Magaly Pearl yatangaje ko yinjiye mu bushabitsi bw'ibirungo by'ubwiza ashyira ku isoko 'Brand' ye yise 'Magaly Cosmetics'

    Magaly Pearl yavuze ko mu 2017 ari bwo yagiye iyerekwa ryo kwinjira mu bushabitsi, ariko abona igihe kitari cyagera kuri we 

    Magaly Pearl yavuze ko nyuma y'imyaka itanu ishize yakiriye agakiza, yagiye ahura n'abantu bamucaga intege, ariko kandi hari inshuti ze zakiriye agakiza

     

    KANDA HANO UREBE INDIRIMBO 'HOLD ME' YA MAGARLY PEARL

    “>

    Source : https://inyarwanda.com/inkuru/138093/magaly-pearl-yahishuye-iyerekwa-yagize-ryasubije-inzozi-yagize-mu-2017-amafoto-138093.html

  • Musabe Dieudonne yakoze indirimbo yicyomoro… – #rwanda #RwOT

    Muri Nyakanga uyu mwaka ni bwo hacicikanye amashusho ya Musabe Diedonne yambika impeta umukobwa witwa Uwajeneza Ariane mu buryo bamwe bari bafashe nka “Prank”, gusa bikaza kumenyekana ko ari ibyanyabyo.

    Inkuru y’aba bombi yaravuzwe cyane biza no kumenyekana ko bari bamaze amezi atatu bamenyanye bagahita batangira no gutegura ubukwe, gusa ntabwo byaje gukunda kuko habura iminsi micye aba bombi bahise batandukana.

    Nk'umuhanzi, Musabe yakoze mu nganzo akora igihangano gishingiye ku ihungabana n'ibikomere yagize, gusa akaza gushobozwa kwihangana no kwizera Imana yo yemeye ko ibyo bimubaho.

    Mu kiganiro na InyaRwanda, Musabe Dieudonne wamenyekanye mu ndirimbo “Network”, yateruye agira ati: 'Indirimbo yitwa “Naranyuzwe” ifite aho ihuriye cyane n’ibyo nanyuzemo ukwezi kwa munani kugeza vuba aha ngaha.'

    Avuga uburyo yamufashishije mu bihe bikomeye byo gupfa k’ubukwe bwe, yagize ati: 'Iyi ndirimbo yambereye nk'icyomoro yambereye nk'umuti mu buryo bwo kunyura mu ihungabana narimo kunyuramo ishingiye ku kuba narambite impeta igasa nk’aho ipfuye;

    Uwo twendaga kuba twakomezanya urugendo rw'ubuzima biba ngombwa ko afata inzira yanjye, nanjye nkafata inzira yanjye. Byarangoye kubyakira byaranashobokaga ko nkomeza nkatana kuko n'ubundi nari naravuye mu murongo sinakomeza gukorera Imana.'

    Ku birebana no kuva mu gakiza yavuze impamvu agira ati: 'Naje kubihagarika kubera amasomo n'akazi ariko iyo ntabwo ari impamvu ifatika iyo uri mu muhamagaro ukomeza umuhamagaro.'

    Musabe ashima Imana ko nubwo byari bikoye yakomeje gushikama ati: 'Nakabaye naratakaje ubugingo cyangwa ndi handi wenda muri za gereza kuko gutandukana na we ntabwo ari ibintu byanyoroheye.'

    INKURU WASOMA: Yamutunguye arimo gusenga: Musabe Dieudonne yateye ivi yambika impeta umukunzi we biteza urujijo-VIDEO

    Uyu muramyi arasaba abantu kujya bemera inama ati: 'Nsanga ibitekerezo byatanzwe bibi mwambika impeta, byari ubuhanuzi burya abanyarwanda nibagira ibyo bavuga ntitukabatere amabuye kuko burya nta nduru ivugira ubusa.'

    By'umwihariko Musabe avuga abo yifuje ko iyi ndirimbo yazafasha ati: 'Iyi ndirimbo nifuje kuyitura abantu bose bari kunyura mu bihe nk'ibyo ndi kunyuramo, abantu bababajwe n'umutima, abantu bababajwe n'agahinda gakabije bababajwe n'ubwigunge.'

    Asezeranya abantu ko agiye gukora indirimbo nyinshi kandi nziza zo kuramya no guhimbaza Imana ati: 'Ubu mfite abantu turi gukorana umwaka utaha nkakomerezaho mbaha indirimbo mbegereza Imana kandi nizeye ko izanshyigikira kandi nzi ko ari cyo nahamagariwe.'

    KANDA HANO WUMVE UNAREBE NARANYUZWE YA MUSABE DIEUDONNE

    Musabe Dieudonne yakoze indirimbo ishingiye ku nkuru y’ibihe bitoroshye yagiriye mu rukundo. Ni indirimbo yise ‘Naranyuzwe’Musabe yahamije ko ibyabaye byose ari igeno ry’Imana kandi ko yize kumenya ko iruta byose ndetse ko agiye kuyikorera ashikamye akoresheje impano yamuhaye

    Musabe yahishuye ko yatandukaye na Ariane yari aherutse kwambika impeta

    Musabe na Ariane biteguraga gukora ubukwe ariko bwamaze gupfa

    UBWO MUSABE YAMBIKAGA IMPETA ARIANE

    Source : https://inyarwanda.com/inkuru/138096/musabe-dieudonne-yakoze-indirimbo-yicyomoro-nyuma-yo-gutandukana-ninkumi-yambitse-impeta-b-138096.html

  • Ishimwe Elie w’imyaka 14 yakoze amateka mu mu… – #rwanda #RwOT

    Uyu musore yabigezeho nyuma yo gukina umukino w’igikombe cy’Amahoro ikipe ye yatsinzwemo na Gasogi United ibitego 3-0. Uyu mukino wo kwishyura, Ishimwe Elie yinjiye mu kibuga asimbuye Masezerano Benjamin ku munota wa 30, nyuma yaho ikipe ye yari itsinzwe igitego cya mbere.

    Ishimwe Elie kandi niwe ufite agahigo mu Rwanda k’umukinnyi wabonye icyangombwa cyo gukina shampiyona y’icyiciro cya mbere cyangwa icya kabiri akiri muto, aho yari afite imyaka 13 amezi 11 n’umunsi 1, icyo gihe akaba yari mu cyiciro cya gatatu.

    Ishimwe Elie kandi mu cyiciro cya kabiri, asanzwe abanza mu kibuga aho mu mikino ine amaze gukina, afite uruhare rw’ibitego 5 birimo ibitego 2 n’imipira 3 ivamo ibitego.

    Bimwe mu bindi bihe byiza Ishimwe Elie amaze kugira, yabaye umukinnyi mwiza muri Bayern Munich World Cup U-16 (aho yari Kapiteni w’u Rwanda), yakoze igerageza mu ikipe ya Anderlecht, kandi asanzwe ariwe Kapiteni w’ikipe y’igihugu y’abatarengeje imyaka 15.

    Ishimwe Elie ni Kapiteni w’ikipe y’igihugu y’abatarengeje imyaka 15 

    Ishimwe Elie ubwo yari mu Bubiligi mu igerageza, yahuye na Ndayishimiye Mike uherutse gufata umwanzuro wo gukinira u Bubiligi  

    Ubwo Tsinda Batsinda FC ya Ishimwe Elie yegukanaga igikombe cya shampiyona y’icyiciro cya gatatu idatsinzwe

    Yayoboye u Rwanda mu mikino ya CECAFA U15 iheruka kubera muri Uganda 

    Source : https://inyarwanda.com/inkuru/138101/ishimwe-elie-wimyaka-14-yakoze-amateka-mu-mupira-wamaguru-mu-rwanda-138101.html

  • Perezida w'u Burundi yemeje ko bafasha FARDC kurwanya M23 #rwanda #RwOT

    Perezida w'u Burundi Evariste Ndayishimiye yemeje ko bafasha FARDC ku rwanya M23.

     

    Agaruka ku basirikare b'abarundi bafatiwe muri Congo na M23, Perezida w'u Burundi, yemeza ko iperereza rye ryamweretse ko abo basirikare ari aba Red Tabara barwanira M2.Red Tabara akaba ari  umutwe urwanya igihugu cy'u Burundi.

     

    Muri iki kiganiro n'abanyamakuru Evariste Ndayishimiye yemeje ko igihugu cye kiri gufasha FARDC  kuko ngo inzu y'umuturanyi ntiyashya ngo ntumufashe kuyizimya.Yagize ati:'Kubijyanye n'Umutekano wo muri Repubulika Iharanira Demokarasi ya Congo , nk'uko mubizi ni Igihugu cyinjiwemo n'akajagari kubera imitwe myinshi .

     

    'Rero mu Karere ka Afurika y'Iburasirazuba, twafashe umwanzuro wo kubafasha , rero iyo murimo murafasha ntibikuraho amasezerano muba mufitanye.Ibihugu rero iyo bifitanye amasezerano y'uko bitabarana ibyo birakorwa kuko , inzu y'umuturanyi nishya ntujye kuyizimya nawe iyawe nishya ntabwo azaza kandi ntawe umenya uko ibiza biza, ariko iyo mutabarana biba ari byiza.

     

    Iyo rero Igihugu cy'u Burundi kigiye gutabara Igihugu cya Repubulika Iharanira Demokarasi ya Congo, kigiye gutabara nk'uko cyitabaye kuko , burya imirwano myiza, uba ugomba kumenya kuyirwana utarayirwana.Buriya rero iyo ugiye mu bikorwa nk'ibyo byo gufasha igihugu uba witeguye neza kuko imirwano ni umukino wo gupfa'.

     

    Evariste yavuze ko kuba umusirikare bisaba kwitegura gupfira igihugu , ukamenya ko gupfa ari ibisanzwe ukemera ukitanga.

    The post Perezida w'u Burundi yemeje ko bafasha FARDC kurwanya M23 appeared first on The Custom Reports.

    Source : https://thecustomreports.com/perezida-wu-burundi-yemeje-ko-bafasha-fardc-kurwanya-m23/

  • Cyera kabaye Perezida Ndayishimiye yeruye ko Ingabo z’u Burundi nazo ziri mu rugamba na M23 #rwanda #RwOT

    Byari bimaze iminsi bivugwa na M23 umaze igihe ihanganye na FARDC, ko ingabo z’u Burundi na zo zinjiye mu bufatanye bwa FARDC yiyambaje imitwe irimo FDLR n’abacanshuro.

    Uyu mutwe wa M23 wahamyaga ko abasirikare b’u Burundi na bo binjiye muri uru rugamba, wanagiye werekana bamwe mu bo wabaga wafatiye ku rugamba, ndetse ukanatangaza ko no mu bo wivugana, barimo.

    Perezida Evariste Ndayishimiye wari utaragira icyo avuga kuri ibi birego bya M23, yabyemeje ko abasirikare b’Igihugu cye, bagiye gutera ingabo mu bitugu igituranyi cyabo cya Repubulika Iharanira Demokarasi ya Congo.

    Yavuze ko uku gutaraba RDC, ari umusaruro w’amasezerano Ibihugu byombi bifitanye.

    Ati 'Ibihugu iyo bifitanye amasezerano y’uko bitabarana, biratabarana kuko inzu y’umuturanyi nishya, ntujye kuyizimya, nawe iyawe nishya, ntabwo azaza kandi nta wumenya ibiza uko biza. Iyo rero u Burundi butabara Repubulika Iharanira Demokarasi ya Congo, kigiye gutabara nk’uko cyitabara kuko intambara nziza usabwa kumenya kuyirwana utarayirwana.'

    Yanavuze kandi ku basirikare b’u Burundi bari kugwa kuri uru rugamba, avuga ko ari ko intambara imera, asubiza Abarundi bari bamaze iminsi basaba Leta yabo gutanga ibisobanuro ku basirikare b’Igihugu cyabo bari kugwa mu rugamba rwo muri Congo.

    Ati 'Intambara ni umukino wo gupfa. Iyo wanze gupfa, ntuba umusirikare, uhita witahira. Umusirikare abanza kumva mu mutwe ko gupfa apfiriye Igihugu, mwebwe mutari abasirikare n’abapolisi, mwumva urusasu mukajya aho rutaturikiye, bo biruka bajya aho rwaturikiye.'

    UKWEZI.RW

    Source : http://www.ukwezi.rw/Mu-mahanga/article/Cyera-kabaye-Perezida-Ndayishimiye-yeruye-ko-Ingabo-z-u-Burundi-nazo-ziri-mu-rugamba-na-M23

  • Kigali : Ikirombe cyamize batatu bahasiga ubuzima ku manywa y’ihangu #rwanda #RwOT

    Iyi mpanuka y’ikirombe cyagwiriye abantu, yabaye ku manywa kuri uyu wa Kane tariki 28 Ukuboza 2023, ubwo hagwaga imvura, hakumvikana ikintu kiridutse, abantu bagahurura.

    Ubwo iki kirombe cyaridukaga, abatuye muri aka gace bahise bakeka ko gihitanye abantu, bihutira kuhagera ndetse n’inzego zirimo iz’ubuyobozi bw’ibanze, bashakishije bagahita babona abantu babiri bitabye Imana, mu gihe undi umwe yakomeje gushakishwa.

    Umwe mu baburiye abe muri iki kirombe, akaba umugore we, yavuze ko yari yagiye amubwira ko agiye gushaka icyo bari burye ku manywa.

    Yagize ati 'Yabyutse ambwira ngo reka ndabona nta kintu dufite, reka nge guhiga icyo tuza kurya. Umutima wanze, nohereza abana kuvoma babiri, ndababwira ngo ni muzamuka muce aho iso ari, mwumve icyo ababwira,dushyire inkono ku ziko dore saa sita zirageze.'

    Avuga ko imvura yahise igwa, akumva ataguma mu nzu wenyine, ari bwo yahitaga ajya kureba umugabo we cyangwa abana, agezeyo asanga yaguze ifu y’ibigori, akamusaba ko bataha ariko akanga.

    Ubwo uyu mugore ngo yatahaga, akigira imbere gato yumvise ikintu kiridutse, ahita agaruka asanga ikirombe cyigwiriye abarimo umugabo we.

    UKWEZI.RW

    Source : http://www.ukwezi.rw/Mu-rwanda/article/Kigali-Ikirombe-cyamize-batatu-bahasiga-ubuzima-ku-manywa-y-ihangu