Webrwanda Backend

Author: webrwanda

  • Rayon Sports yirangayeho none AS Kigali ibatwaye umukinnyi ukomeye uri mu bari bayihetse kugeza ubu – YEGOB #rwanda #RwOT

    Rayon Sports yirangayeho none AS Kigali ibatwaye umukinnyi ukomeye uri mu bari bayihetse kugeza ubu

    Mu gitondo cyo kuri iki cyumweru nibwo ikipe ya AS Kigali yabyutse itangaza ko yasinyishije umuzamu Hakizimana Adolphe wari umaze iminsi muri Rayon Sports ndetse anayihetse.

    Uyu muzamu amaze iminsi nta myitozo akora muri Rayon Sports ndetse wabonaga ko ibiganiro n'ubuyobozi bw'iyi kipe bisa nkaho bitari gukorwa nyuma yo kurangiza amasezerano none AS Kigali imaze iminsi igariye Perezida Shema Fabrice yahise imusinyisha.

    Rayon Sports kugeza ubu isigaranye abazamu 2 ari no Simone Tamale hamwe na Hategekimana Bonheur utarabonaga umwanya kugeza ubu.

    Source : https://yegob.rw/rayon-sports-yirangayeho-none-as-kigali-ibatwaye-umukinnyi-ukomeye-uri-mu-bari-bayihetse-kugeza-ubu/

  • RIFI Entertainment bakoze igitaramo cyamatek… – #rwanda #RwOT

    Kuri uyu wa Gatandatu tariki 30 Ukuboza 2023, ikigo cya RIFI Entertainment cyahurije ababyinnyi, abanyamideli n'abandi benshi kuri Hotel Onomo, mu birori byo kumurika imideli ndetse n'imbyino zigezweho bise 'RIFI Dance & Fashion Show.'

    Inkumi n'abasore bigaragara ko bakiri bato ni bo bagaragazaga impano zidasanzwe, aho basimburanaga ku rubyiniro mu myambaro myiza yakozwe n'abanyamideli bo mu Rwanda.

    Abandi nabo bafite impano yo kubyina, bahawe umwanya berekana impano zabo barabyina karahava abantu bose barabarangarira bitewe n'ubuhanga bwabo bwatunguye benshi.

    Umwe mu babyinnyi basanzwe babarizwa muri RIFI, Mugisha Jonathan yavuze ko kuva yatangira gukorana nabo urwego rw'imibyinire ye rwagiye ruzamuka arushaho no kubaka izina rye bitewe n'ubufasha ahabwa.

    Bamwe mu babyinnyi bagezweho muri iyi minsi barimo Jojo Brezzy, Divine Uwa ndetse na Shakira Kay ni bamwe mu bagiye gushyigikira abannyi ba Rifi Dance mu gitaramo cya Rifi Dance and Fashion Show. 

    Umubyinnyi Shakira Kay yavuze ko ari ibintu binejeje kubona hari abakobwa bamaze kwitinyuka bakisunga Rifi Dance kugira ngo bakuze impano ye cyane ko we atangira kubyina nta bakobwa benshi bari mu ruganda rwo kubyina bitewe no kwitinya.

    Divine Uwa na Jojo Brezzy basabye ababyinnyi bagenzi be kutitinya cyane ahubwo bagakora cyane kugira ngo bagera ku nzozi zabo dore ko nta kintu bageraho batavunitse.

    Uretse kuba hari ababyinnyi, abamurika mideri bigaragaje mu byiciro birenga bine aho banyuraga imbere y’abitabiriye iki gitaramo bahinduranya imyenda buri uko baje guca imbere y’abantu.

    Si inshuro enye gusa ahubwo abamurikamideri ndetse n’ababyinnyi baziye rimwe ku rubyiniro hanyuma ababyinnyi bakabyina bagaragira abamurikamideri barimo bagaragaza ubuhanga bwabo mu kumurika imideri. 

    Nubwo bavuga ko batari bagera kure, abamurikamideri muri Rifi Entertainment bavuga ko bafite ikizere cyo kugera kure cyane muri uyu mwuga wabo bihebeye kuko hari bakuru babo bamaze kugera ku rwego rushimishije mu kumurika imideli. 

    Nyuma y’iki gitaramo,  Ri Kon Yocan umuyobozi wa Rifi Entertainment yatangaje ko iki gitaramo cyari kigamije kumurika ibikorwa bya Rifi Entertainment n’ubwo imvura yabanje kubakoma mu nkokora ariko byagenze neza.#

    Abanyamideli bo muri Rifi Fashion Agency banyuze abitabiriye igitaramo cyabo

    Harimo n’abana bato bafite impano yo kumurika imideli

    Hagaragaye imyambarire myinshi idasanzwe

    Abafite impano yo kubyina nabo bigaragaje

    MC Buryohe nawe yitabiriye iki gitaramo cyamurikiwemo impano zitandukanye

    Reba hano amafoto yose yaranze ibirori bya ‘RIFI Dance & Fashion Show’

    Reba uko byari bimeze mu birori bya ‘RIFI Dance & Fashion Show’ kuri Onomo Hotel

    Source : https://inyarwanda.com/inkuru/138148/rifi-entertainment-bakoze-igitaramo-cyamateka-cyamurikiwemo-impano-zidasanzwe-mu-mbyino-ni-138148.html

  • Perezida Kagame yifurije Abanyarwanda umwaka… – #rwanda #RwOT

    Perezida Kagame yatangaje ibi kuri iki Cyumweru taliki 31 Ukuboza 2023 mu ijambo risoza umwaka yageneye Abanyarwanda binyuye kuri Radio na Televiziyo by’Igihugu.

    Perezida Kagame yagize ati “Dukomeje kandi guhangana n’umutekano muke mu karere kacu, no kumupaka n’ibindi bihugu. Ndagira ngo mbabwire ko dushobora kwihanganira kunengwa no kuvugwa nabi uko byaba bingana kose nubwo akenshi biba bidafite ishingiro.

    Twe tuzakomeza gukora ibishoboka byose kugira ngo Abanyarwanda bagumye batekanye uko byagenda kose. Kandi u Rwanda ruzakomeza gukora uko dushoboye, mu bushobozi bwacu, gufasha abavandimwe bacu ahandi muri Afurika mu kugarura no gusigasira Amahoro n’umutekano”. 

    Umukuru w’Igihugu kandi yavuze ko ku Isi hose hari ibibazo ariko ibyo byose bituma abantu biyemeza ndetse anavuga ko u Rwanda rukomeje gutera imbere bijyanye nuko rwari rubayeho bityo ko nta n’impamvu yo gucika intege.

    Yagize ati “Umwaka uwo ari wo wose ahantu hose ku Isi ntabwo habura ibibazo, ibyo bituma twiyemeza gukora byinshi birushijeho kandi byiza. Muri ibyo byose duhura nabyo dukomereje gutera intambwe tugana imbere nk’uko imibare ibyerekana. 

    “Iyo twibutse aho twavuye n'uko twari tubayeho, dusanga nta mpamvu yo kwinuba no gucika intege. Ikimenyetso kidukomeza kandi kiduha icyizere cy'ejo hazaza, ni imbaraga tubona mu rubyiruko.'

    Perezida Kagame yifurije Abanyarwanda umwaka mushya muhire wa 2024 

    PEREZIDA KAGAME YIFURIJE ABANYARWANDA BOSE N’INSHUTI Z’U RWANDA UMWAKA MUSHYA MUHIRE WA 2024

    Source : https://inyarwanda.com/inkuru/138152/perezida-kagame-yijeje-abanyarwanda-umutekano-138152.html

  • Perezida Kagame yavuze ku musaruro w’ibitaram… – #rwanda #RwOT

    Kuri iki Cyumweru taliki 31 Ukuboza 2023 saa mbili z’umugoroba, Perezida Kagame yagejeje ku banyarwanda Ijambo risoza umwaka binyuze kuri Radio na Televiziyo by’Igihugu, agaruka ku musaruro watanzwe n’ibitaramo byabereye mu Rwanda.

    Umukuru w’Igihugu yerekanye ko imikino ndetse n’ibitaramo byabereye mu Rwanda muri uyu mwaka wa 2023 byatanze umusaruro mu buryo bw’iterambere ku Banyarwanda. Yagize ati: “Umwaka ushize waduhaye impamvu nyinshi zo kumva ko twishimiye iterambere igihugu cyacu gikomeje kugeraho. 

    Abantu baturutse hirya no hino ku Isi hose bakomeje kuza mu Rwanda mu nama n’ibindi birori bikomeye, nk’amarushanwa ya Basketball Africa League, Women Deliver, Giants of Africa n’igitaramo cya Global Citizens. Kwakira ibi birori bitanga amafaranga n’akazi ku Banyarwanda bigateza igihugu imbere “.

    Muri uyu mwaka wa 2023 mu Rwanda habereye ibitaramo bitandukanye bikorerwa mu nzu ya BK Arena ndetse byitabirwa n’abahanzi b’ibirangirire ku Isi barimo Kendrick Lamar, Davido, Rema, Tiwa Savage, Nast C n’abandi.

    Mu mikino nabwo u Rwanda rwongeye kwakira imikino Nyafurika muri Basketball. Byarangiye ikipe ya Al Ahly yo mu Misiri ariyo yegukanye iri rushanwa muri uyu mwaka wa 2023 kandi u Rwanda rwongeye kongera amasezerano n’abashinzwe kuyitegura aho ruzayikira indi myaka 3 iri imbere ibera muri BK Arena.

    Perezida Kagame kandi muri iri jambo yasoje akomoza ku rubyiruko avuga ko mu mwaka mushya wa 2024 bizeye ko bazumva amajwi menshi y’abakiri bato mu kugena ahazaza h’igihugu cy’u Rwanda.

    Perezida Kagame yakomoje ku rubyiruko avuga ko bizeye ko bazumva amajwi menshi y’abakiri bato mu kugena ahazaza h’igihugu

    IJAMBO RYA PEREZIDA KAGAME RISOZA UMWAKA WA 2023

    Source : https://inyarwanda.com/inkuru/138154/perezida-kagame-yavuze-ku-musaruro-wibitaramo-byabereye-i-kigali-anakomoza-ku-rubyiruko-138154.html

  • Gorilla Fashion Week yasojwe abamurika imidel… – #rwanda #RwOT

    Iki gikorwa cyaranzwe n'ibihe bitandukanye byabimburiwe n'ibiganiro byahuje abahanzi, abamurika n'abandi bafite aho bahuriye n'imideli.

    Ni ibirori byabereye muri IPRC Kigali kuwa 29 Ukuboza 2023. Iyi kaminuza yakiriye ibi birori isanzwe ifite ishami rijyanye n'ubuhanzi ririmo by'umwihariko ibirebana n'imideli.

    Umwe mu bayoboye ibi biganiro unasanzwe ari umwarimu muri IPRC, Hategekimana Uwayo Maximilien Kolbe umaze imyaka irenga 10 mu ruganda rw'imideli, yagarutse ku cyo abona Gorilla Fashio Week izanye.

    Ati: 'Iyi gahunda izazamura abahanga n'abamurika imideli ibahuze n'abashoramari inabazamure mu buryo bw'ubucuruzi ibafasha kubona amasoko yaba imbere mu gihugu no hanze yacyo.'

    Agaragaza imbogamizi uruganda rw'imideli rugifite ati: 'Haracyari ibibazo birimo kubasha kubona ibyo kwifashisha mu guhanga ibyo bifuza, hakaza kandi n'ibibazo bijyana n'ubushobozi hamwe n'amasomo.'

    Mu byo kwishimira Maximilien yagaragaje harimo kuba kugeza ubu abantu baramaze kumva akamaro ko kwambara imyambaro ikorerwa mu Rwanda.Bamwe mu bayoboye gahunda yabereye muri IPRC Kigali kuwa 29 Ukuboza 2023 uhereye iburyo: Eveline Gonzebach, Irina Beslavets, Gikundiro Joyeuse na Kolbe Maximilien

    Umunyamabanga Mukuru wa RFMU yongeye kugaruka ku ntego ya Gorilla Fashion Week ati' Icyo Gorilla Fashion Week igamije ni uguteza imbere ubukerarugendo noneho no kuzamura ubumenyi mu mpano z'abanyamideli binyuze mu kubatoza no kubereka inzira iboneye bakwiriye kubikoramo banahanga udushya.'Abantu bitabiriye ikiganiro cyabereye muri IPRC Kigali harimo abahanga n’abamurika imideli

    Mbere y’uko Gorilla Fashion Week itangira habanje gutoranywa abamurika mideli bazayitabira aho abarenga 150 bitabiriye, hatoranywamo 45 barimo abanyarwanda n'abanyamahanga.

    Umunsi wo kuwa 30 Ukuboza waranzwe no kumurika imyambaro y'abahangamideli batandukanye aho Duri fashion, Groovy Collection na H Gennes Design ari zo zabanje kwiyerekana.

    Buri muhangamideli wigaragaje muri iki gikorwa yari afite umwihariko we yaba mu buryo bwa gakondo nyafurika cyangwa no mu buryo bwa kizungu ariko bunagendana n’aho ibihe bigeze.

    Bamwe mu bitabiriye ibirori byo gusoza Gorilla Fashion Week byabereye Century Park

    Uwitwa Muheto Design yerekanye imyambaro yihariye cyane harimo ifite amababa indi ikoze mu buryo bwo hambere harimo n’igaragaza ibirango by'ibendera ry'u Rwanda, ibyo bakora byose bikaba bishingiye kuri gakondo nyarwanda na Afurika.

    Hari abahanzi b'imideli bagaragaje amarangamutima yabo nka Nishimwe Anais nyiri Rimba Designs imaze imyaka igera kuri 5 ikora, wagize ati: 'Iyi Fashion Week yanyunguye ibintu byinshi hari ibitekerezo n'ubundi bumenyi binyunguye nizera ko umwaka utaha bizaba ari byiza kurushaho.'

    Nyiri Sami Fashion na we yagaragaje ko yishimiye cyane ibikorwa bya Gorilla Events avuga ko ije kubafasha gukomeza guteza imbere ibyo bakora agaruka kandi kubyo akora.

    Ati'Mvanga amabara y’amatise atandukanye kuko kuri njye numva ko umuntu arimo amabara menshi n'umwenda mukora mu mabara atandukanye, nkaba mfite imyambaro nita 'Zip Fashion' y'umwihariko umwenda wose uba uri zip.'

    Abantu b’ingeri zitandukanye bitabiriye ibirori by’imideli muri Gorilla Fashion WeekHamuritswe imyambaro y’ubwoko butandukanye yatunganijwe n’abahanzi b’imideli b’abahangaAbamurika mideli bo mu mahanga nabo bitabiriye Gorilla Fashion Week, uyu ni Eveline wo mu BusuwisiImyambaro yuje udushya yamuritswe n’abamurikamideli yaba abasore n’inkumiByari ibihe byiza bitanga icyizere cy’ahazaza ha Gorilla Fashion WeekUbwo ubuyobozi bwa IPRC Kigali na RFMU baganiraga n’itangazamakuru batangaje ko intego bihaye ari ugutuma imideli itera imbere kandi ko bashyize imbaraga mu gufasha impano zitaramenyekana

    Kanda hano urebe amafoto menshi yaranaze Gorilla Fashion Week ya IPRC Kigali na RFMU

    AMAFOTO: Iyakaremye Emmanuel, Dieudonne Murenzi na Steven Noheli-inyaRwanda

    Source : https://inyarwanda.com/inkuru/138146/gorilla-fashion-week-yasojwe-abamurika-imideli-batambuka-mu-myambaro-yihariye-amafoto-138146.html

  • Umuti wo kwikinisha mu gihe gito ukaba utandukanye niyi ngeso #rwanda #RwOT

    Muri rusange ,Umuti wo kwikinisha ushobora kugora benshi kubera ko iki gikorwa kibata benshi , bityo gutandukana nacyo bikagorana .

    Kwikinisha ni ingeso imaze kuyogoza benshi , cyane cyane abakiri bato ,ibi bigaterwa nuko amashusho y'urukozasoni yandagaye hirya no hino kuri internet no kuyageraho bikaba nta kindi bisaba ,waba uri umuto cyangwa umukuru ufite internet urayabona ku buntu .

    Hari uburyo uburyo ushobora kwivura ingaruka zo kwikinisha ukoresheje imirire , ariko hari n'uburyo ushobora kwivura iyi ngeso bisabye ko ukoresha imirire ahubwo ugahindura imwe mu myitwarire yawe igusunikira muri ibi bikorwa byo kwikinisha .

    Muri yi nkuru twaguteguriye uburyo wakoresha ukivura ingeso yo kwikinisha , ku buryo bworoshye kandi mu gihe gito ukaba watandukanye nayo .

    Ni ryari kwikinisha biba ikibazo ?

    Muri rusange kwikinisha si igikorwa kibi ahubwo kiba kibi bitewe n'ingaruka kigusigira , ahanini kwikinisha bigenda bikurura umuntu , ku buryo atangira kubikora inshuro nyinshi , mu cyumweru cyangwa se ku munsi .

     

    Iyo kwikinisha watangiye kubikora kenshi bitangira gutera ibibazo bitamdukanye ku mubiri birimo

    • Guhorana umunaniro
    • Kuzinukwa abo muhuje igitsina
    • Kugabanuka ku budahangarwa bw'umubiri ,ugatangira kwibasirwa n'uburwayi butandukanye
    • Guhubuka
    • Kwibagirwa bya hato na hato
    • Gutanga umusaruro muke ku kazi
    • nibindi …

    Iy byageze kuri uru rwego ,nibwo bitangira kwitwa uburwayi ,bukeneye kuvugwa kandi iki gihe biba byarakugizeho ingaruka zigaragara .

     

    Ese ni kangahe umuntu yakwikinisha mu cyumweru ntibimutere ibibazo?

    Hari inkuru nyinshi zivuga ngo kwikinisha byibuze 2 mu cyumweru , nta ngaruka bishobora kugutera ariko sibyo .

     

    Ubushakashatsi buheruka buvuga ko buri mubiri wa muntu ugira umwihariko , bityo umuntu niwe ukwiye kwimenya akamenya inshuro zitamutera ikibazo kubera ko buri wese agira inshuro umubiri ushobora kwihanganira bitandukanye nundi .

     

    Ushaka kumenya byinshi kanda ahakurikira

    Umuti wo kwikinisha (Intambwe 5 wakoresha )

    Hari uburyo butandukanye wakoresha ugatandukana n'ingeso yo kwikinisha burimo

     

    1.Kumenya impamvu igusunikira kwikinisha

    Burya usanga buri wese agira ikintu kimusunikira kwikinisha , ugasanga ni mu gihe wigunze , mu gihe ubabaye , mu gihe wumva ufite ibibazo , mu gihe unaniwe cyane .cyangwa kureba amashusho y'urukozasoni.

     

    Iyo umaze kumenya impamvu iyo mpamvu , uba ushobora no kuyirinda cyangwa ugakora ibishoboka byosengo ugabanye uko wahura nizo mpamvu .

     

    2.Kugira gahunda y'umunsi wose ku buryo utabona umwanya wo gupfusha ubusa

    Abantu benshi bikinisha kubera ko babonye umwanay wo kwitekrezaho no gushaka ibintu bibaha ibyishimo .

    Gupangira umunsi wose bifasha ko uhugiza ibitekerezo byawe kandi iyo bihuze n'umubiri ntushobora gukenera bya bikorwa .

     

    Ni byiza gushaka ubundi buryo buguha umunezero n'ibyishimo bidasabye ko wikinisha kuko byo bikwangiza ,

     

    3.Gukora imyitozo ngororamubiri

    Gukora sipor cyangwa gukora yoga no gushaka ibindi bihugiza , bikanakoresha umubiri nabyo byagufasha kwivura no guhangana niyi ngeso .

     

    Gukora siporo kandi bigabanya stress , bigatuma umubiri uruhuka , ibi nabyo bikaba byagufasha kwirinda iki gikorwa kuko stress ishobora gukururira benshi mu kwikinisha .

     

    4.Kwirinda kureba amashusho y'urukozasoni

    Amashusho y'urukozasoni arimo za porno ni mabi , kuyareba bikangura umubiri wawe , biagtuma wifuza kwikinisha .

     

    Uko uyareba agenda arushaho kukubata no kugusunikira ku gukora icyo gikorwa cyo kwinisha , ni byiza ko uyihunza ku buryo bwose bushoboka .

     

    5.Gushaka inshuti wizeye mukabiganiraho cg ukaka ubufasha bwa muganga

    Burya baravuga ngo ujya gukira indwara arabanza akayirata , gushaka umuntu wiseye mukaganira kuri ubu burwayi ni ingenzi kandi byagufasha gukira .

     

    Cyane cyane wakwegera nka muganga , ukamuganiriza ku kibazo ufite cyo kwikinisha kenshi hanyuma akaba yakugira inama .

     

    Dusoza :  Zirikana ko gutandukana n'ingeso yo kwikinisha ari urugendo , ushobora gutangira iyi nzira nyuma ukananirwa , wicika intege , ongera utangire , bizarangira utsinze urwo rugamba

     

    SRC: UbuzimaInfo

    The post Umuti wo kwikinisha mu gihe gito ukaba utandukanye niyi ngeso appeared first on The Custom Reports.

    Source : https://thecustomreports.com/umuti-wo-kwikinisha-mu-gihe-gito-ukaba-utandukanye-niyi-ngeso/

  • Niwibonaho ibi bintu 7, Nyuma yo kubyara , Ihutire kwa muganga ako kanya #rwanda #RwOT

    Mu nyigo yakorewe mu Leta zunze ubumwe z' Amerika yagaragaje ko abagore bagera kuri 700 bapfa biturutse ku ngaruka zo kubyara , umugore umwe kuri batatu , muri aba bapfa , apfa mu cyumweru kimwe cya nyuma yo kubyara .

    Iyi mibare y'abagore bashobora gupfa nyuma yo kubyara igenda yiyongera mu bihugu biri mu nzira y'amajyambere , Ishami ry'umuryango w'abibumbye ryita ku buzima rivuga ko izi mfu z'ababyeyi zishobora kwirindwa mu gihe umuntu yamenye ibimenyetso bibi bya nyuma yo kubyara maze akivuza .

    Muri iyi nkuru turakubwira ibimenyetso 7 nubona na kimwe muribyo , nyuma yo kubyara ukwiye kwihutira kwa muganga ako kanya

    Niwibonaho ibi bimenyetso nyuma yo kubyara , uzihutire kwa muganga

    Muri ibyo bimenyetso harimo

    1.Kuva cyane

    Ku mugore wabyaye , kuva ni ibintu bisanzwe ariko iyo bikabije , biba ari ikibazo gishobora no kumutera urupfu .

     

    Mu gihe uva cyane . ugahindura pad buri saha cyangwa ukabona ibibumbe by'amaraso binini , burya uba ukwiye kugira ikibazo ndetse ukaniyambaza muganga .

     

    Mu kintu gishobora gutwara ubuzima bw'umugore wabyaye , kuva biza ku mwanya wa mbere , bityo ni byiza ko ubigenzura nyuma yo kubyara .

     

    2.Mu gihe aho wabazwe hatinda gukira

    Burya ushobora kubyara ubazwe cyangwa ukongererwa aho umwana anyura , bityo mu gihe icyo gisebe gitinda gukira , ni byiza ko watangira gutekereza ko haba harimo ikibazo nka infegisiyo.

     

    Mu gihe ubona hasa nk'aharimo ikibazo , ihutire kwa muganga , iyo harimo infegisiyo , hakavugwa kare , biguha amahirwe yo gukira vuba.

     

    3.Ukuguru kubyimbye .kukurya ndetse kunashyuhiranye

    Iki nacyo ni ikimenyetso kibi , nyuma yo kubyara aho bigaragaza ikibazo gikomeye , cyatewe n'akabumbe k'amaraso kagye kagafunga umutsi utwara amaraso bityo ntabashe gutembera neza .

     

    Ubu burwayi , buba bwihutirwa ndetse mu gihe wumva akaguru kabyimbye , kakubabaza ,wangakoreraho ukumva gashyuhiranye , ihutire kwa muganga .

    4.Mu gihe ufite umuriro

    Burya kugira umuriro ni ikimenyetso cyuko ushobora kuba ufite ama infegisiyo mu mubiri , bityo mu gihe ukibonye nyuma yo kubyara , ukwiye kwihutira kwa muganga .

     

    5.Umutwe ukubabaza kandi udapfa koroha

    Iki nacyo ni ikimenyetso kibi gishobora kugaragaza uburwayi , nyuma yo kubyara , mu gihe ufite umutwe ukubabaza kandi udapfa gukira uba ukwiye kwivuza

     

    6.guhumeka nabi

    Kubona iki kimenyetso , cyane cyane nyuma yo kubyara ubazwe , bishobora kwerekana ko hashobora kuba hari akabumbe k'amaraso kageze mu bihaha , kagahagarika gutembera kw'amaraso , bityo uba ukwiye kwihutira kwa muganga , hakarebwa impamvu ibitera .

     

    7.Mu gihe wumva ufite intekerezo zo kwiyahura

    Ubushakashatsi bugaragza ko umugore umwe ku bagore icyenda babyaye , ashobora kugaragaza ibimenyetso byo gushaka kwiyahura cyangwa akumva yanze umwana .

     

    Ni ibintu bisanzwe , si amarozi , bityo uba ukwiye kwihutira kujya kwa muganga , bakaguha ubufasha kandi biravugwa bigashyira .

     

    The post Niwibonaho ibi bintu 7, Nyuma yo kubyara , Ihutire kwa muganga ako kanya appeared first on The Custom Reports.

    Source : https://thecustomreports.com/niwibonaho-ibi-bintu-7-nyuma-yo-kubyara-ihutire-kwa-muganga-ako-kanya/

  • Ese ururenda ruva mu gitsina rushobora ku kwereka ko wasamye? #rwanda #RwOT

    Yego ,iyo umugore cyangwa umukobwa ari mu bihe by'uburumbuke ,ururenda ruva mu gitsina rurahinduka ,rukaba rwinshi ,rukoroha Kandi rugasa nurunyerera ,iyo rero igihe cy'uburumbuke kirangiye rwa rurenda rurumira Kandi rugakomera

     

    Iyo rero umugore/umukobwa yahise asama ari muri cya gihe cy'uburumbuke ururenda rugumaho niyo rwagabanuka ariko rukaba rukigaragara. Iyo rero usa naho wegereje iminsi y'imihango y'ukwezi Kandi warasamye rwa rurenda rurahinduka rukagira ibara rya Pink cg Brown ,ibi bikaba byakwereka ko wasamye.

     

    Ariko imibiri y'abakobwa cyangwa abagore iratandukanye ,hari abadashobora kubona ibimenyetso nk'ibi .

    Ni gute wasuzuma ibara n'imterere y'ururenda rwawe ?

    Hari uburyo butandukanye wasuzuma imiterere n'ibara ry'ururenda ruva mu gitsina aribwo.

    • Gukoresha urutoki ukarujomba mu gitsina ubundi ukareba imiterere n'ibara ry'ururenda rwaje kuri rwa rutoki.
    • Kwitegereza ikariso wambaye ,abagore/abakobwa mu makariso yabo hashobora ugaragara ururenda bityo narwo warwitegereza.
    • Gkoresha papier de toilette cg toilet paper ubundi ukihabagura mu gitsina ,hanyuma ukitegereza ururenda rwajeho.

    Yego ,iyo umugore cyangwa umukobwa ari mu bihe by'uburumbuke ,ururenda ruva mu gitsina rurahinduka ,rukaba rwinshi ,rukoroha Kandi rugasa nurunyerera ,iyo rero igihe cy'uburumbuke kirangiye rwa rurenda rurumira Kandi rugakomera

    Iyo rero umugore/umukobwa yahise asama ari muri cya gihe cy'uburumbuke ururenda rugumaho niyo rwagabanuka ariko rukaba rukigaragara. Iyo rero usa naho wegereje iminsi y'imihango y'ukwezi Kandi warasamye rwa rurenda rurahinduka rukagira ibara rya Pink cg Brown ,ibi bikaba byakwereka ko wasamye.

    Ariko imibiri y'abakobwa cyangwa abagore iratandukanye ,hari abadashobora kubona ibimenyetso nk'ibi .

    Ni gute wasuzuma ibara n'imterere y'ururenda rwawe ?

    Hari uburyo butandukanye wasuzuma imiterere n'ibara ry'ururenda ruva mu gitsina aribwo.

    • Gukoresha urutoki ukarujomba mu gitsina ubundi ukareba imiterere n'ibara ry'ururenda rwaje kuri rwa rutoki.
    • Kwitegereza ikariso wambaye ,abagore/abakobwa mu makariso yabo hashobora ugaragara ururenda bityo narwo warwitegereza.
    • Gkoresha papier de toilette cg toilet paper ubundi ukihabagura mu gitsina ,hanyuma ukitegereza ururenda rwajeho.

    Muri rusange ururenda rushobora kuagaragaraza ibintu byinshi ku mubiri w'umugore ndetse birimo n'uburwayi.

    Src: Ubuzimainfo

    The post Ese ururenda ruva mu gitsina rushobora ku kwereka ko wasamye? appeared first on The Custom Reports.

    Source : https://thecustomreports.com/ese-ururenda-ruva-mu-gitsina-rushobora-ku-kwereka-ko-wasamye/

  • Gutera akabariro utwite : Ese ni byiza ? ni izihe positions nziza? ni izihe ngaruka biteza ku mugore ? #rwanda #RwOT

    Muri rusange gutera akabariro mu gihe utwite , ntabwo bibujijwe keretse mu gihe muganga w'indwara z'abagore yabikubujije , muri iyi nkuru turavuga ku ngaruka zo gutera akabariro , tuvuge kubyo ubushakashatsi bubivugaho ndetse na positions nziza zo gutera akabariro.

    Burya uko umwana ari mu nda akura , ninako inda ikura , ibyo bikaba bishobora gutuma uburyo bwo gutera akabariro buhinduka cyangwa se hakabaho kwigengesera ku buryo muteramo akabariro , bityo gutera akabariro mu gihe utwite bisaba kwitonda no kubigiraho ubumenyi .

    Ese gutera akabariro mu gihe utwite ntibishobora kwangiza umwana uri mu nda ?

    Muri rusange gutera akabariro mu gihe utwite , ntabwo bibujijwe keretse mu gihe muganga w'indwara z'abagore yabikubujije , muri iyi nkuru turavuga ku ngaruka zo gutera akabariro , tuvuge kubyo ubushakashatsi bubivugaho ndetse na positions nziza zo gutera akabariro.

    Burya uko umwana ari mu nda akura , ninako inda ikura , ibyo bikaba bishobora gutuma uburyo bwo gutera akabariro buhinduka cyangwa se hakabaho kwigengesera ku buryo muteramo akabariro , bityo gutera akabariro mu gihe utwite bisaba kwitonda no kubigiraho ubumenyi .

    Ese gutera akabariro mu gihe utwite ntibishobora kwangiza umwana uri mu nda ?

     

    Burya gutera akabariro ntibishobora kwangiza umwana uri mu nda , umwana aba arinzwe n'imikaya ya nyababyeyi , amazi yo mu nda azwi nka amniotic fluid , ndetse n'ururenda rufunga ku nkondo y'umura .

     

    Abantu bamwe bakeka ko gutera akabariro ku bantu bamwe bishobora kugira ingaruka mbi ku mwana , bikaba bishobora gutera ibibazo byo kuba inda yavamo cyangwa ukabyara umwana utarageza igihe , ariko ibyo sibyo , keretse inda yawe hari ibibazo ifite turaza gusesengura neza .

     

    Ese gutera akabariro mu gihe utwite bishobora gutuma ibise biza ?

    Ubushakashatsi bugaragaza ko nta sano bifitanye , kuba watera akabariro mu gihe utwite no kuba wazana ibise bitewe no gutera ako kabariro.

     

    Ariko mu gihe inda igejeje igihe cyo kuvuka , gutera akabariro bishobora gutuma wumva ibisa n'ibise aho uribwa mu nda byoroheje , ari nabyo bizwi nka false contractions , ibi bise ntabwo aribyo bituma umwana avuka .

     

    Ubushakashatsi bwemeza ko nta ngaruka gutera akabariro mu gihe utwite byaguteza nko kuba wabyara igihe kitageze , kuba wakuramo inda nibindi … .

     

    Ni izihe positions nziza wateramo akabariro ?

    Mu gihe utwite , uba ugomba kwirinda positions zo gutera akabariro zituma uryama ku nda y'umubyeyi cyangwa se positions zose zatuma ushyira pressure ku nda y'umubyeyi.

     

    Gutera akabariro umubyeyi agaramye si byiza kubera ko , iyo position ituma inyama zo mu nda ndetse n'imitsi minini itwara amaraso itsikamirwa cyangwa umwana akaba yashyira pressure kuri ibyo bityo , bityo iyo position si nziza .

     

    Ni byiza ko mu gihe utera akbariro , mukoresha positions zituma umubyyi yisanzura muri icyo gikorwa nko kureka umubyeyi akajya hejuru y'umugabo ,  , kuba umubyeyi yaryamira urubavu mugatera akabariro aryamiye urubavu cyangwa se umubyeyi akicara nko kukagunguzi k'igitanda .

     

    Ni ryari umugore utwite abujijwe gutera akabariro ?

    Hari igihe muganga abuza umugore utwite kuba yatera akabariro nko mu gihe

    • Inkondo y'umura y'umubyeyi idafite imbaraga , iki gihe gutera akabariro bishobora gutuma ukuramo inda ibi babyita cervical incompetency .
    • Mu gihe utwite impanga nabwo si byiza ko utera akabariro ariko mu gihe inda ari nkuru
    • Placenta previa , iki gihe ingobyi y'umwana iba iryamye ku mwinjiriro w;inkondo y'umura nabwo si byiza ko watera akabariro
    • Kuba warigeze kugira ibyago byo kugira ibise inda ari nto
    • mu gihe uri kuzana amaraso mu gitsina kandi utazi impamvu yabyo
    • Kuba isuha yamenetse kuko bishobora gutera infegisiyo ku mwana no ku mubyeyi .

    Ariko mu gihe cyose umubyeyi atera akabariro , agomba gutekereza ku ndwara zandurira mu mibonano mpuzabitsina , aho ari na byiza burya gukoresha agakingirizo .

     

    Ni izihe ngaruka nziza zo gutera akabariro mu gihe utwite ?

    Burya hari ibyiza byinshi byo gutera akabariro mu gihe utwite birimo

    • Gutuma urangiza neza : Burya iyo umugore utwite amaraso menshi atembera mu myanya y'ibanga ariyongera , ibyo bikaba byanatuma icyo gikorwa cyo gutera akabariro kigenda neza .
    • Gutuma umugore atiyongera ibiro ku buryo bukabije : ibi bigaterwa nuko gutera akabariro bituma umubiri utwika ama calories menshi .
    • Gutuma umugore n'umugabo urukundo rwiyongera : Gutera akabariro bituma umugore n'umugabo barushaho gukundana no kuryoherwa n'urukundo .
    • Kuzamura ubudahangarwa bw'umubiri  : Ubushakashatsi bwakozwe mu mwaka wa 2014 bwagaragaje ko gutera akabariro bituma umubiri wongera ibyitwa IgA , aba bakaba ari abasirikari b'umubiri bafasha mu guhangana n'indwara zifata mu buhumekero nk'ibicurane .
    • Kongera ibyishimo : kurangiza ku mugore utwite , bituma anezerwa ndetse n'umwana atwite akanezerwa , ibyo bigaterwa nuko kurangiza bituma umusemburo wa endorphins uvuburwa mu mubiri .

    Ese natera akabariro hashize igihe kingana gute mbyaye ?

    Burya buri mubyeyi umaze kubyara aba akeneye igihe cyo kugira ngo umubiri wisubize , umubiri wongere kwiyubaka neza .si byiza ko ahita yihutira gutera akabariro byibuze atarageza ku minsi 45 amaze kubyara .

     

    Gutera akabariro , nta ngaruka mbi bitera ku mugore utwite , ariko aba agomba kwigengesera mu gihe atera akabariro , akirinda gukoresha positions zose yiboneye kubera ko hari izishobora kugira ingaruka mbi ku mwana uri mu nda .

    src:Ubuzimainfo

    The post Gutera akabariro utwite : Ese ni byiza ? ni izihe positions nziza? ni izihe ngaruka biteza ku mugore ? appeared first on The Custom Reports.

    Source : https://thecustomreports.com/gutera-akabariro-utwite-ese-ni-byiza-ni-izihe-positions-nziza-ni-izihe-ngaruka-biteza-ku-mugore/

  • Bawurangije mu marira! Urutonde rw’ibyamamare… – #rwanda #RwOT

    Hari uwavuze ko urukundo n’ibyamamare ari ibintu bibiri bitajyana, gusa hari bamwe mu byamamare byahiriye, bakabona abakunzi bagakundana rugakomera ndetse bakubakana ingo. 

    Gusa na none ntabwo ari ibyamamare byose byahiriwe n’urukundo by'umwihariko umwaka wa 2023 wagaragayemo ugutandukana kw’ibyamamare byinshi na gatanya zitagira umubare.

    Mbere y’uko umwaka wa 2022 ushyirwaho akadomo, irebere urutonde rw’ibyamamare 10 byatandukanye bikaba bisoje uyu mwaka mu marira:

    1. Britney Spears na Sam Asghari

    Umuhanzikazi w’icyamamare Britney Spears wamamaye mu njyana ya ‘Pop’,ntabwo uyu mwaka wamuhiriye mu rukundo. Muri Nyakanga uyu mwaka nibwo uyu muhanzikazi yatandukanye na Sam Asghari wari umugabo bamaze imyaka 2 barushinze mu gihe bari baratangiye gukundana kuva mu 2018.

    2. Ariana Grande na Dalton Gomez

    Icyamamarekazi mu muziki no muri Sinema, Ariana Grande nawe ntiyorohewe n’urukundo kuko nawe gatanya yamugezeho. Mu Ukwakira yahanye gatanya na Dalton Gomez bari bamaranye imyaka 2 barushinze. Kugeza ubu Ariana Grande yamaze kubona undi mukunzi witwa Ethan Slater ukina filime.

    3. Cardi B na Offset

    Urugo rw’abaraperi babiri bakomeye muri Leta Zunze Ubumwe z’Amerika narwo 2023 isize irusenye. Muri uku kwezi ni bwo Cardi B yatangaje ko ibye n’umugabo we Offset byarangiye ndetse ko batakibana mu rugo rumwe. 

    Yavuze ko bashwanye bapfa ko Offset ahora amuca inyuma. Mu minsi ishize aba bombi  basangiriye hamwe Noheli hamwe n’abana babo maze bivugwa ko baba bariyunze gusa Cardi B yahise abihakana avuga ko ntagahunda yo kwiyunga ihari.

    4. Kim Kardashian na Pete Davidson

    Nyuma yaho umunyamideli kabuhariwe Kim Kardashian ahanye gatanya n’umuraperi Kanye West, yahise ajya mu  rukundo n’umunyarwenya Pete Davidson. 

    Aba bombi urukundo rwabo rwaciye ibintu kuva muri Nyakanga ya 2022 kugeza muri Mata ya 2023 ubwo batangazaga ko batandukanye. Kim Kardashian yatandukanye na Pete bamaranye amezi 9 gusa bakundana.

    5. Taylor Swift na Joe Alwyn

    Umuhanzikazi Taylor Swift wahiriwe n’uyu mwaka mu muziki, byageze mu rukundo bisa nkibigorana. Muri Mata nibwo Taylor Swift yatandukanye n’umukinnyi wa filime Joe Alwyn bari bamaranye imyaka 6 bakundana. Aba bombi batandukanye nyuma yaho Joe yanze gukora ubukwe na Taylor mu gihe aribyo uyu muhanzikazi yifuzaga.

    6. Joe Jonas na Sophie Turner

    Urundi rugo rw’ibyamamare rwari rukomeye i Hollywood rwasenyutse uyu mwaka ni urw’umuhanzi Joe Jonas n’umwongerezakazi Sophie Turner ukina filime. 

    Batandukanye muri Nzeri, ndetse kugeza ubu rurageretse hagati yabo mu nkiko aho Joe ashinja Sophie kutita ku bana n’umuryango wabo akaba ariyo mpamvu yatse gatanya ndetse akanasaba ko ariwe wahabwa uburenganzira busesuye bwo kubarera wenyine.

    7. Jeezy na Jeanie Mai

    Umuraperi w’icyamamare Jay Jenkins uzwi nka Jeezy mu muziki nawe aherutse gutandukana n’umugore we Jeanie Mai w’umunyamakuru. Aba bombi barushinze mu 2021 batandukanye bamaranye imyaka 2 n’igice. Kugeza ubu Jeezy aherutse kurega mu nkiko Jeanie amushinja kumwima guhura n’umwana wabo.

    8. Jorie Turner Smith na Joshua Jackson

    Umukinnyi wa filime akaba n’umunyamideli ukomoka mu Bwongereza, Jordie Turner Smith nawe asoje umwaka wa 2023 mu gahinda nyuma yo gutandukana n’umukinnyi wa filime Joshua Jackson bari bamaranye imyaka 5 barushinze banafitanye umwana umwe.

    9. Lupita Nyong’o na Selema Masekela

    Icyamamarekazi muri Sinema, Lupita Nyong’o nawe ntiyahiriwe n’urukundo uyu mwaka. Mu Ukwakira Lupita akoresheje Instagram ye, yatangaje ko yamaze gutandukana na Selema Masekela umunyamakuru wo muri Africa y’Epfo. Aba bombi bari bamaranye umwaka n’igice mu rukundo.

    10. Kylie Jenner na Travis Scott

    Muri Werurwe uyu mwaka umunyamideli w’icyamamare Kylie Jenner yatandukanye n’umuraperi Travis Scott bapfa ko yamuciye inyuma. Batandukanye bamaze kubyarana abana babiri mu myaka 5 bari bakundanye. Kugeza ubu Kylie Jenner yamaze kubona umukunzi mushya witwa Timothee Chamalet ukina filime.

    Source : https://inyarwanda.com/inkuru/138143/bawurangije-mu-marira-urutonde-rwibyamamare-byatandukanye-imahanga-mu-2023-amafoto-138143.html