Webrwanda Backend

Author: webrwanda

  • Bidasubirwa Rayon Sports isaha n’isaha iratangaza ko yasinyishije umukinnyi ufatwa nk’ukomeye mu banyarwanda bakina muri Shampiyona uyu mwaka – YEGOB #rwanda #RwOT

    Bidasubirwa Rayon Sports igiye gusinyisha umukinnyi ufatwa nk'ukomeye mu banyarwanda bakina muri Shampiyona uyu mwaka

    Umukinnyi ukina mu kibuga hagati w'umunyarwanda ndetse wakinaga mu ikipe ya Kiyovu Sports Niyonzima Olivier Sefu agiye gusinyira ikipe ya Rayon Sports nyuma y'iminsi bivugwa.

    Uyu mukinnyi wakiniye ikipe ya APR FC ndetse na Rayon Sports, amakuru YEGOB twamenye ni uko Sefu isaha ni saha aratangazwa nk'umukinnyi wa Rayon Sports bidasubirwa.

    Mu ikipe ya Kiyovu Sports yakiniraga haravugwamo ubukene budasanzwe kugeza naho umwe mu bayobozi b'iyi kipe yabyitangarije avuga ko ubukene arimo kubona muri Kiyovu Sports atigeze abubona kuva yayimenya.

    Iki gishobora no kuba ari cyo kigiye gutuma Niyonzima Olivier Sefu wari kapiteni w'iyi kipe yerekeza muri Rayon Sports ihora ihanganye na Kiyovu Sports kuva kera. Ntabwo uyu gusa ari we urasohoka muri Kiyovu Sports ahubwo na Mugunga Yves yamaze kumenyesha iyi kipe ko atazongera kuyikinira.

    Source : https://yegob.rw/bidasubirwa-rayon-sports-isaha-nisaha-iratangaza-ko-yasinyishije-umukinnyi-ufatwa-nkukomeye-mu-banyarwanda-bakina-muri-shampiyona-uyu-mwaka/

  • Ngire ibyo nibariza Perezida Evariste Ndayishimiye, ukinga Abarundi ibikarito mu maso #rwanda #RwOT

    Iyo wumvise imbwirwaruhame za Perezida w'u Burundi, Evariste Ndayishimiye (Jenerali NEVA), wibaza niba yibwira ko abamwumva bose ari inkomamashyi za CNDD-FDD zititaye ku buswa n'ikinyoma biyoboye igihugu, zihangayikishijwe no kwironkera amaramuko gusa, iminsi ikaba yicuma.

    NEVA ntazi ko politiki yo kwiyorobeka no kugereka ku bandi ibibazo byamunaniye gukemura, ari ukureba hafi cyane, cyangwa gucukurira urwobo ubutegetsi bwe, kuko rubanda rw'ubu rwahumutse, rutagikozwa ibya 'humiriza nkuyobore'.

    Nonese Jenerali NEVA ajya yiherera akibaza utu tubazo, ko byamufasha kwisama atarasandara?

    1. Urukiko rw'Umuryango w'Afrika y'Uburasirazuba rwemeje bidasubirwaho ko mu mwaka wa 2015, Petero Nkurunziza atari yemerewe kwiyamamariza manda ya 3, nyamara akarenga akabikora ndetse bikabyara amakimbirane akabije. Ubwo ari ishyaka rye, CNDD-FDD ryahonyoye ibwiriza-shingiro, ari n'abagerageje kubikumira no kurengera demokarasi, abakwiye gushyikirizwa inkiko ni bande? Jenerali NEVA adashatse imikururano, yakwicarana n'abatarishimiye iryo shimutwa ry'ubutegetsi muw'2015, bagashakira hamwe igisubizo binyuze mu biganiro. Natabikora inzira zikigendwa, za RED-TABARA n'abandi bazavuka bamuzengereza, ahugiye mu kubigereka ku badafite aho baguriye nabyo.

    2. Ni gute Umukuru w'Igihugu atinyuka kwishongora ku baturage be bashonje bikabije, ababwira ko iwe ibigega bifigije, ko we rero ntaho yahurira n'ikibazo cy'izamuka ry'ibiciro by'ibiribwa?! Perezida se ashinzwe kurya akuzuza igifu cye n'umuryango we gusa, ko ahubwo afite inshingano zo gufasha abaturage guhinga bakeza, bagaca ukubiri n'inzara, nabo bakagira ibigega ndetse bagasagurira amasoko? Akanwa karya ntiwumve, kavuza induru ntiwumve!

    3. Niba koko abasoda b'uBurundi bajyanwa kurwana muri Kongo mu buryo bwemewe n'amategeko nk'uko Jenerali NEVA abirimanganyamo, kuki ababuza kugenda bambaye impuzankano(uniform)izwi y'igisirikari cy'u Burundi, nk'abantu batewe ishema no gutabara umuturanyi, ahubwo bakambikwa uniform y'igisirikari cya Kongo? Ibyo si ukuyobya uburari kuko NEVA azi neza ko nta mpamvu yumvikana yagatumye abasirikari b'uBurundi bajya gupfira mu mashyamba ya kongo?Uku kuvanga igisirikari cy'uBurundi n'imitwe y'abicanyi nka FDLR y'abajenosoderi, bitinde bitebuke amateka azabiryoza Jenerali NEVA n'abambari be.

    4. Iyo Jenerali NEVA atinyuka gushishikariza abaturage kujyana abatinganyi kuri stade bakabicisha amabuye, ibyo si ugutiza umurindi ubugizi bwa nabi. Ko abaturage bakunze kumvira amabwiriza y'ubutegetsi, by'umwihariko ay'Umukuru w'Igihugu, ejo Abarundi nibatangira kwicana, uwo bashaka kwikiza bakamwicisha amabuye bamwita umutinganyi, harya uwo Jenerali NEVA azabigarurira ate? Ubwo nabyo azavuga ko ari uRwanda rubiri inyuma.

    Ibibazo Nyiricyubahiro Jenerali NEVA akwiye kwibaza mbere yo kuvugira mu ruhame ni byinshi, kandi byamufasha kwirinda gucishwamo ijosho, no kugaragara nk'umuntu wagwiririwe n'ubutegetsi nk'uko hari benshi babihamya.

    Ni uburenganzira bwa Jenerali NEVA bwo kwishimira ubushakashatsi bwe, bwamugaragarije ko ubworozi bw'isazi buzateza imbere igihugu cye. Guhanga udushya ntako bisa, yewe ni n'ubushishozi kubyaza umusariro umwanda wo muri Bujumbura, Gitega( ahari ingoro ye) n'ahandi hose mu Burundi.

    Ariko rwose birazwi Abarundi bariyubashye, barakerebutse kurusha uko Jenerali NEVA ubafata, amaherezo bazakwereka ko bakwiye ibyiza birenze ibyo.

    The post Ngire ibyo nibariza Perezida Evariste Ndayishimiye, ukinga Abarundi ibikarito mu maso appeared first on RUSHYASHYA.

    Source : https://rushyashya.net/ngire-ibyo-nibariza-perezida-evariste-ndayishimiye-ukinga-abarundi-ibikarito-mu-maso/?utm_source=rss&utm_medium=rss&utm_campaign=ngire-ibyo-nibariza-perezida-evariste-ndayishimiye-ukinga-abarundi-ibikarito-mu-maso

  • Japan : Umubare w’abahitanywe n’umutingito wazamutse ugera kuri 48 #rwanda #RwOT

    Kugeza kuri uyu wa Kabiri, ubuyobozi mu bice byabayemo iyi mitingito bakomeje kuburira ababituyemo, kuguma kure y’inzu zabo kuko hari ikikango ko hashobora kongera kuba indi mitingito ikomeye.

    Iyi mitingito yibasiye Intara ya Ishikawa, yatangiriye ku wabanje kuba ku gicamunsi cyo kuri uyu wa Mbere wari ufite igipimo cya 7,6.

    Kugeza ubu hemejwe ko abantu 48 bamaze kwitaba Imana mu Ntara ya Ishikawa, ndetse ibikorwa byinshi bikaba byangiritse mu mijyi nka Wajima na Suzu.

    Nanone kandi habarwa abantu 14 bakomeretse bikabije, mu gihe inzu zasenywe n’iyi mitingito yo zitaramenyekana, ariko zikaba ari nyinshi.
    Gusa ibitangazamakuru byo mu Buyapani, biravuga ko inzu zibarirwa muri Magana zasenyutse kubera iyi mitingito.

    Kuri uyu wa Kabiri, Minisitiri w’Intebe w’Intebe w’u Buyapani, Fumio Kishida yatangaje ko Igisirikare cy’iki Gihugu cyohereje abasirikare 1 000 mu bice byashegeshwe n’iyi mitingito, mu rwego rwo gutanga ubufasha mu butabazi.

    Yagize ati 'Gutabara ubuzima bw’abantu, ni byo dushyize imbere kandi turi kugenda dusiganwa n’igihe. Birashoboka ko hari abantu bakiri munsi y’inkuta zabawiriye.'

    UKWEZI.RW

    Source : http://www.ukwezi.rw/Mu-mahanga/article/Japan-Umubare-w-abahitanywe-n-umutingito-wazamutse-ugera-kuri-48

  • Umunyezamu Hakizimana Adolphe werekeje muri AS Kigali, yashimiye Rayon Sports yari amazemo imyaka 4 #rwanda #RwOT

    Ubuyobozi bw'ikipe ya AS Kigali bwatangaje ko umunyezamu Adolphe Hakizimana wahoze akinira Rayon Sports ari umukinnyi mushya wayo.

    Hakizimana Adolphe wari wageze ku musoza w'amasezerano ye muri Gikundiro atandukanye nayo yari ayimazemo imyaka ine ayikinira.

    AS Kigali yaguze Hakizimana bitewe n'uko umukinnyi wayo wa mbere kuri uwo mwanya agiriye imvune ikomeye, uwo akaba ari Kimenyi Yves wavunikiye mu mukino wa shampiyona bakinaga na Musanze FC.

    Nyuma yaho atangajwe nk'umukinnyi mushya wa AS Kigali, abinyujije ku rubyga rwe rwa Instagram , Hakizimana Adolphe yashimiye ikipe ya Rayon Sports yari amazemo imyaka ine.

    Yagize ati 'Mfashe uyu mwanya mbashimira ku bw'urukundo mwanyeretse muri iyi myaka 4 twari tumaranye mwarakoze kunyakira mukambera umuryango.'

    'Nshima Imana yampaye amahirwe yo gukinira Equipe ikomeye ya RAYON SPORTS, Mwandeze neza ndakura mumpa amahirwe yo gukina mu cyiciro cya mbere.'

    Ndashimira Ubuyobozi, Abatoza banjye n'abakinnyi twabanye muri iyi myaka 4 yose. Aho nakosheje ndahasabira imbabazi mbikuye ku mutima.'

    'Urugwiro n'urukundo mugira muzabigumane, Nanjye bizaguma ku mutima wanjye, ndabifuriza ibyiza mu bihe biri imbere, nzaba ndi umufana wanyu, igihe ntakinnye namwe.'

    'Mwarakoze cyane kandi amahirwe masa ku hazaza'.

    Hakizimana Adolphe w'imyaka 21 y'amavuko asanzwe kandi umwe mu banyezamu ikipe y'igihugu y'u Rwanda.

    The post Umunyezamu Hakizimana Adolphe werekeje muri AS Kigali, yashimiye Rayon Sports yari amazemo imyaka 4 appeared first on RUSHYASHYA.

    Source : https://rushyashya.net/umunyezamu-hakizimana-adolphe-werekeje-muri-as-kigali-yashimiye-rayon-sports-yari-amazemo-imyaka-4/?utm_source=rss&utm_medium=rss&utm_campaign=umunyezamu-hakizimana-adolphe-werekeje-muri-as-kigali-yashimiye-rayon-sports-yari-amazemo-imyaka-4

  • RIP: Abantu bane bapfuye mu ijoro rya BONANE bari kuyizihiza mu Rwanda – YEGOB #rwanda #RwOT

    Polisi y'Igihugu yatangaje ko mu ijoro ry'ubunani, tariki ya 31 Ukuboza 2023 rishyira tariki 1 mu 2024 hapfuye abantu bane, barimo babiri baguye mu mpanuka n'abandi bishwe n'urugomo.

    Polisi ivuga ko impanuka z'imodoka zabereye mu Karere ka Nyagatare na Musanze zahitanye ubuzima bw'abantu babiri, abandi babiri bicwa n'urugomo bakorewe mu ijoro ryo ku itariki ya 1 Mutarama 2024.

    Umuvugizi wa Polisi y'u Rwanda, ACP Rutikanga Boniface, yatangaje ko impanuka yabereye mu Karere ka Nyagatare yahitanye umuntu umwe undi arakomereka .

    Ati 'Umuntu wagonzwe n'imodoka mu Karere ka Nyagatare ari mu kigero cy'imyaka 40, abantu basanze yapfuye ariko imodoka yamugonze ntabwo iramenyekana harimo gukorwa iperereza kuko yahise ikomeza iragenda ariko irimo gushakishwa'.

    ACP Rutikanga yabwiye KigaliToday ko impanuka yabereye mu Karere ka Musanze yaturutse ku mushoferi wagonze abantu babiri umwe ahasiga ubuzima undi arakomereka bikomeye.

    Aba bantu bagonzwe n'imodoka mu Karere ka Musanze biturutse kuri umwe muri bo wari uryamye mu muhanda, mugenzi we ajya kumukuramo ntibyamushobokera imodoka ibagonga bose.

    Ati 'Uwari uryamye mu muhanda yapfuye uwageragezaga kumukuramo we arakomereka bikomeye ariko umushoferi we nubwo yari yagerageje gutoroka, yaje gufatwa'.

    Undi muntu wapfuye ni umugore wo mu Karere ka Kirehe mu Murenge wa Gahara wahohotewe n'umugabo we amuziza ko yari ahamagawe kuri telefone, umugabo aramufuhira ahita atangira kumuniga birangira ashizemo umwuka.

    No mu Karere ka Rwamagana hagaragaye urugomo hagati y'abantu basangiraga aho batonganye umwe afata inkoni akubita mugenzi we mu mutwe arataha ageze mu rugo bimuviramo urupfu.

    Uwakubise mugenzi we yahise atabwa muri yombi, umurambo na wo ujyanwa gusuzumwa ngo harebwe niba yazize uko gukubitwa iyo nkoni.

    Usibye abaguye mu mpanuka, hari abandi batandatu batawe muri yombi bazira ubujura, hari uwafashwe yiba ibishyimbo by'umukecuru muri Muhanga, mu Mujyi wa Kigali hari abandi bane batawe muri yombi bazira kwambura telefone abantu bavaga gusenga n'undi umwe wafatiwe mu bujura.

    ACP Rutikanga avuga ko impanuka n'urugomo byabaye byaturutse ku businzi.

    Source : https://yegob.rw/rip-abantu-bane-bapfuye-mu-ijoro-rya-bonane-bari-kuyizihiza-mu-rwanda/

  • Byamusabye guhindura inkweto: Mohamed Salah yaraye akoze ibidasanzwe mbere yo kuza gukina imikino y’igikombe cy’Afurika – YEGOB #rwanda #RwOT

    Byamusabye guhindura inkweto: Mohamed Salah yaraye akoze ibidasanzwe mbere yo kuza gukina imikino y'igikombe cy'Afurika.

    Rutahizamu w'ikipe ya Liverpool FC akaba umukinnyi ukomeye cyane w'ikipe y'igihugu ya Misiri (Egypt) Mohamed Salah mu ijoro rya cyeye yaraye yigaragaje ku rwego rwo hejuru afasha ikipe ye ya Liverpool FC gutsinda Newcastle united ibitego 4-2 byatumye ikaba umwanya wa mbere muri Premier League n'amanota 45 ikaba ikurikiwe na Aston Villa ifite amanota 42.

    Mohamed Salah ugiye gusiga ikipe ye ihanganye no gushaka uburyo yagumana umwanya wa mbere akaza gukina imikino y'igikombe cy'Afurika mu gice cya mbere muri uyu mukino yahushije penaliti gusa mu gice cya kabiri yagarutse yahinduye inkweto yari yambaye mu gice cya mbere maze atsinda ibitego bibiri atanga n'umupira wavuyemo igitego.

    Uyu mukinnyi agiye kuza gukina imikino y'igikombe cy'Afurika amaze gutsinda ibitego 14 n'imipira 8 yatanze yavuyemo ibitego.

    Source : https://yegob.rw/byamusabye-guhindura-inkweto-mohamed-salah-yaraye-akoze-ibidasanzwe-mbere-yo-kuza-imikino-yigikombe-cyafurika/

  • Umukinnyi wa APR FC nyuma yumujinya amaze iminsi aterwa n’umutoza yasabye ubuyobozi ko bwamutiza mu ikipe ikomeye hano mu Rwanda – YEGOB #rwanda #RwOT

    Biragoye ko bamwohereza yo! Umukinnyi wa APR FC nyuma yumujinya amaze iminsi aterwa n'umutoza yasabye ubuyobozi ko bwamutiza mu ikipe ikomeye hano mu Rwanda

    Rutahizamu w'ikipe ya APR FC, Bizimana Yanick yasabye ubuyobozi bw'iyi kipe ko bwamurekura akigira mu ikipe ya Mukura Victory Sports bitewe ni uko nta mwanya ahabwa na Thierry Froger utoza iyi kipe.

    Uyu mukinnyi umwaka ushize niwe wari uyoboye ubusatirizi bw'ikipe ya APR FC ndetse anasoza ari we ufite ibitego byinshi muri iyi kipe birenga 8 ariko kugeza ubu umutoza mushya wa APR FC Thierry Froger yanze kumugirira icyizere ngo amuhereze umwanya.

    Uyu rutahizamu ubona abahabwa amahirwe yo gukina ntakintu bamurusha, twamenya amakuru ko yasabye ubuyobozi ko yatsizwa muri Mukura Victory Sports akajyayo kwigaragaza kugirango yongere abone indi kipe Kandi ikomeye.

    Mukura Victory Sports isanzwe ifitanye ubushuti na APR FC dushobora kubona na Bizimana Yanick ayerekejemo dore ko hari n'abandi batijweyo mu myaka ishize barimo na Imanishimwe Djabel ndetse ahita anagira amahirwe yerekeza hanze y'u Rwanda.

     

     

    Source : https://yegob.rw/umukinnyi-wa-apr-fc-nyuma-yumujinya-amaze-iminsi-aterwa-numutoza-yasabye-ubuyobozi-ko-bwamutiza-mu-ikipe-ikomeye-hano-mu-rwanda/

  • Cristiano Ronaldo yatunguye Mama we amuha impano y’ingurukabutaka – YEGOB #rwanda #RwOT

    Nyuma yuko Cristiano Ronaldo atangaje ko umwe mu bantu bambere bamutera ishama kuri iyi Si ko ari Mama we, kuri ubu yamuhaye impano y'imodoka.

    Cristiano Ronaldo yahaye Mama we impano y'imodoka yo mu bwoko bwa Porsche Cayenne Black.

    Ni impano yamuhaye kuwa 31 /12 /2023 ubwo uyu mubyeyi we Maria Dolores, yagiraga isabukuru y'amavuko, yuzuza imyaka 69.

    Source : https://yegob.rw/cristiano-ronaldo-yatunguye-mama-we-amuha-impano-yingurukabutaka/

  • Kuki Perezida Ndayishimiye yabaye nk’uzura ikibazo cy’u Burundi n’u Rwanda ? (Isesengura) #rwanda #RwOT

    Mu cyumweru gishize ubwo Perezida Ndayishimiye yagiranaga ikiganiro n’abanyamakuru ndetse na bamwe mu baturage, yavuze ko u Rwanda rufasha umutwe wa RED Tabara uherutse kugaba igitero mu Burundi ukivugana abagera muri 20.

    Perezida Ndayishimiye yavuze ko izi nyeshyamba zihabwa ubufasha bwose, burimo imyitozo, ibikoresho ndetse n’amafaranga, kandi avuga ko babihabwa n’u Rwanda.

    Kuki abivuze muri iki gihe ?

    Ni ibirego byubuwe nyuma y’uko umutwe wa M23 ugizwe n’Abanyekongo umaze iminsi uhanganye na FARDC, ugaragaje ko mu bo bahanganye hiyongereyemo n’abasirikare b’u Burundi.

    Uyu mutwe kandi wavuze kenshi ko FARDC irwana ifatanyije n’umutwe wa FLDR ugizwe na bamwe mu bakoze Jenoside yakorewe Abatutsi mu Rwanda, ndetse ukaba warakomeje guhungabanya umutekano w’u Rwanda.

    Uyu mutwe wa FDLR kandi ni kenshi wagerageje guhungabanya umutekano w’u Rwanda, ndetse ukaba warizejwe na Perezida Felix Tshisekedi ko azawufasha bagatera u Rwanda.

    Kuba igisirikare cy’u Burundi na cyo cyinjiye mu mikoranire na FDLR, ubwabyo bituma iki Gihugu cy’u Burundi na cyo kigaragara nk’ikibazo ku Rwanda.

    Perezida Ndayishimiye kandi kuba ari mu mikoranire na Felix Tshisekedi wa Repubulika Iharanira Demokarasi ya Congo umaze igihe agaragaza ko yifuza gutera u Rwanda, na byo bigaragaza ko u Burundi bwatangiye gutana.

    Ibi byose biri mu byatumye Perezida Evariste Ndayishimiye abona ko Leta y’u Rwanda yatangiye kumukemanga kubera kwinjira muri iyi mikoranire ifite imigambi mibisha ku Rwanda, ari na byo byatumye atangira kwitanguranwa agaragaza u Rwanda nk’ikibazo.

    Mu byatangajwe na Perezida Evariste Ndayishimiye kandi, yavuze ko Igihugu cye gishobora gufata izindi ngamba zishoboka mu guhagararika ibyo bibazo, ku buryo hari abaketse ko iki Gihugu cyaba kigiye kongera gufunga umupaka ugihuza n’u Rwanda.

    ISESENGURA RYOSE

    UKWEZI.RW

    Source : http://www.ukwezi.rw/Mu-mahanga/article/Kuki-Perezida-Ndayishimiye-yabaye-nk-uzura-ikibazo-cy-u-Burundi-n-u-Rwanda-Isesengura

  • Miss Naomie n’umukunzi we binjiye mu mwaka mushya bemeranyije kuzabana nk’umugoe n’umugabo #rwanda #RwOT

    Ni umuhango wabaye kuri iki Cyumweru tariki 01 Mutarama 2024, muri resitora imwe yo mu Mujyi wa Kigali, nk’uko byemejwe na bamwe mu nshuti zabo.

    Naomie yagaragaje ibyishimo byo kuba umukunzi we yamwambitse impeta y’urukundo bakaba bagiye kubana nk’umugabo n’umugore nk’uko byahoze ari inzozi zabo.

    Yagize ati 'Sinjye uzarota mbanye nawe ubuzima bwanjye bwose busigaye.'
    Uyu musore witwa Michael Tesfay na we yagaragaje ibyishimo byo kuba umukunzi we yamubwiye Yego ubwo yamusabaga ko bazashyingiranwa.

    Aba bombi bamaze igihe mu rukundo, bakunze kubigaragaza kenshi by’umwihariko mu bikorwa bakunze kwitabira birimo imikino ya Basketball, baba bari kumwe agatoki ku kandi.

    UKWEZI.RW

    Source : http://www.ukwezi.rw/Imyidagaduro/article/Miss-Naomie-n-umukunzi-we-binjiye-mu-mwaka-mushya-bemeranyije-kuzabana-nk-umugoe-n-umugabo