Webrwanda Backend

Author: webrwanda

  • Ruswa iravuza ubuhuha mu bayobozi ba CNDD FDD, Ndayishimiye nawe yigira inama yo gushinja u Rwanda ngo bucye kabiri #rwanda #RwOT

    Mu mpera z'umwaka Perezida w'u Burundi yatangaje amagambo atunguranye ashinja u Rwanda ibinyoma ko arirwo ruri inyuma y'umutwe urwanya igihugu cye wa RED Tabara. Tubibutse ko umutwe wa RED Tabara ubarizwa mu burasirazuba bwa Kongo muri Kivu y'amajyepfo mu misozi ya Minembwe. Ibi Perezida Ndayishimiye yabikoze mu rwego rwo kwikuraho ibibazo bimwugarije cyane cyane iby'ubukungu bishingiye kuri ruswa mu bayobozi bakuru ba CNDD FDD.

    Ikibazo nyamukuru iki gihugu gifite, ni ibikomoka kuri Peteroli kuko iryo soko ryafashwe n'umuryango wa Perezida Ndayishimiye aryatse uwari Minisitiri w'intebe Bunyoni uri mu gihome kubera gushinjwa guhungabanya umutekano.

    Ni ibibazo bitandukanye byugarije Ndayishimiye  dore ko mu Nteko Ishinga amategeko haherutse kuvugwa ruswa yo ku rwego rwo hejuru ishinja uyu muryango kuba inyuma y'amasoko yose y'igihugu.

    Ubu biravugwa ko ushinzwe isoko rya Protocole na decoration muri Perezidansi ari umukobwa wa Perezida Ndayishimiye. Muri iyi minsi haravugwa umuhungu wa Ndayishimiye wimuye imiryango 300 muri Commune Bugendana mu ntara ya Gitega aho yashinze Sosiyete KIPROMO (Kijumbu Product and More) ishinzwe gukora ibisuguti mu bijumba abaturage bakaba batarishyuwe. Ikindi ni uko ibyo bisuguti bizakoreshwa mu kugaburira abana mu mashuri nkuko biteganywa ku ngengo y'imari, bivuga ko uyu muhungu wa Ndayishimiye yahawe isoko rya Leta nta piganwa.

    Mu bindi bibazo byugarije Perezida Ndayishimiye ni ukwishora mu mirwano ya Kongo aho abasirikari barenga 1000 bari kurwana na M23 bemerewe akayabo ariko amafaranga ntabagereho ndetse bagwa mu mirwano muri Kongo imiryango yabo ntihabwe amakuru arambuye n'amafaranga bakoreye.

    Ibibazo byugarije u Burundi ni byinshi ku buryo Ndayishimiye nawe yahisemo gufata inzira y'inshuti ye Tshisekedi yo gushyira ibibazo bananiwe gukemura ku Rwanda.

    Mu bibazo U Burundi bufite ni byinshi harimo ikibazo cy'isukari, amakara amazi n'amashanyarazi, ibi bikaba byiyongera ku kibazo gikomeye cy'ibikomoka kuri Peteroli. Nubwo mu Ijambo risoza umwaka Ndayishimiye yavuze ko abanyarwanda batazongera kubona indagara, biravugwa ko n'ubusanzwe zibona umugabo zigasiba undi muri icyo gihugu kuko umusaruro ubonetse uhita woherezwa hanze.

    Ndayishimiye nawe nk'umuntu witeguye amatora umwaka utaha ashaka kwegeka ibibazo bye ku Rwanda kuko nawe bigaragara ko yananiwe gukemura ibibazo by'ubukungu, byugarije iki gihugu kuva muri 2005.

    The post Ruswa iravuza ubuhuha mu bayobozi ba CNDD FDD, Ndayishimiye nawe yigira inama yo gushinja u Rwanda ngo bucye kabiri appeared first on RUSHYASHYA.

    Source : https://rushyashya.net/ruswa-iravuza-ubuhuha-mu-bayobozi-ba-cndd-fdd-ndayishimiye-nawe-yigira-inama-yo-gushinja-u-rwanda-ngo-bucye-kabiri/?utm_source=rss&utm_medium=rss&utm_campaign=ruswa-iravuza-ubuhuha-mu-bayobozi-ba-cndd-fdd-ndayishimiye-nawe-yigira-inama-yo-gushinja-u-rwanda-ngo-bucye-kabiri

  • Ishyaka CNDD-FDD riri ku butegetsi i Burundi rigiye kwiyambaza FPR ryo mu Rwanda mu kunagura umubano #rwanda #RwOT

    Umunyamabanga Mukuru w'Ishyaka CNDD-FDD riri ku butegetsi mu Burundi, Révérien Ndikuriyo, yatangaje ko bagiye kuganira na FPR Inkotanyi iri ku butegetsi mu Rwanda mu gukomeza gushaka uko umwuka mubi hagati y'ibihugu byombi wacogora.

    Ndikuriyo yabitangaje mu kiganiro n'abanyamakuru cyabaye kuri uyu wa Kabiri tariki 2 Mutarama 2024, nyuma y'umunsi umwe Perezida w'u Burundi, Evariste Ndayishimiye aciye amarenga yo kongera gufunga imipaka y'ibihugu byombi.

    Ndayishimiye yashinje u Rwanda gufasha umutwe wa RED Tabara uherutse kugaba ibitero ku Burundi. Ni ibitero uwo mutwe wagabye winjiriye mu gace ka Gatumba kari ku mupaka w'u Burundi na Repubulika Iharanira Demokarasi ya Congo.

    Umupaka izo nyeshyamba zinjiriyeho ntaho uhurira n'u Rwanda, icyakora Ndayishimiye yavuze ko izo nyeshyamba kuva mu 2015 ubwo abakekwaho gushaka guhirika ubutegetsi bahungiraga mu Rwanda, ngo bafashijwe kwisuganya no kubona ibikoresho.

    Guverinoma y'u Rwanda yahise ibitera utwatsi, igaragaza ko ibibazo by'u Burundi bidakwiriye gutwererwa abandi.

    Ndikuriyo yavuze ko umubano w'u Rwanda n'u Burundi wabayeho kuva kera cyane, ku buryo badashobora kwemera ko uhungabanywa.

    Yavuze ko icyo basaba u Rwanda ari ukohereza abashinjwa gushaka guhirika ubutegetsi baruhungiyemo guhera mu 2015, ibintu u Rwanda rwakomeje kugaragaza ko bihabanye n'amategeko mpuzamahanga agenga impunzi.

    Ndikuriyo yagize ati 'Muzi ko habaye ingufu nyinshi zo kwegera Leta y'u Rwanda , tukavuga ngo twebwe abantu bakoze Coup d'Etat bose barafunzwe, zana abo bantu bacirwe imanza bajye muri gereza. Niba babavugira bakaguma hariya bakongera kwisuganya , igihe bazaza bakinjira ntabwo tuzaba tukivuga ko u Rwanda rubitse inkozi z'ibibi, ibindi tuzirwariza.'

    Icyakora Ndikuriyo yavuze ko nubwo impande zombi hari ibyo zitumva kimwe, hakenewe ibiganiro.

    Yavuze ko ku ruhande rwe nk'Umuyobozi w'Ishyaka, azavugana na bagenzi be bayoboye FPR Inkotanyi mu Rwanda kugira ngo bibonerwe umuti.

    Ati 'Nk'ishyaka nzabaza muri FPR icyo babitekerezaho niba aribo batanga icyerecyezo. Sintekereza ko umuntu umara imyaka 30 mu buzima ashobora kwica umubano w'ibihugu bizabana imyaka ibihumbi icumi.'

    Kuva mu 2021 ubwo umubano w'u Rwanda n'u Burundu wasubukurwaga imipaka igafungurwa, benshi bari biteze ko ibibazo bikemutse ndetse hagiye habaho guhura kw'abayobozi hagamijwe kubishakira umuti.

    Nubwo u Burundi bwashinjaga u Rwanda gucumbikira abakekwaho guhirika ubutegetsi i Burundi, narwo rushinja icyo gihugu gufasha no guha inzira abagamije kuruhungabanyiriza umutekano.

    Guhera mu 2017 umutwe wa FLN wagiye ugaba ibitero ku Rwanda uturutse I Burundi ndetse mu rubanza rwa Paul Rusesabagina na Nsabimana Callixte bayoboraga FLN, hagaragajwe ko hari abasirikare bakuru mu Burundi bafashaga uwo mutwe.

    The post Ishyaka CNDD-FDD riri ku butegetsi i Burundi rigiye kwiyambaza FPR ryo mu Rwanda mu kunagura umubano appeared first on FLASH RADIO&TV.

    Source : https://flash.rw/2024/01/03/ishyaka-cndd-fdd-riri-ku-butegetsi-i-burundi-rigiye-kwiyambaza-fpr-ryo-mu-rwanda-mu-kunagura-umubano/?utm_source=rss&utm_medium=rss&utm_campaign=ishyaka-cndd-fdd-riri-ku-butegetsi-i-burundi-rigiye-kwiyambaza-fpr-ryo-mu-rwanda-mu-kunagura-umubano

  • Icyemezo ku mutoza wa Rayon Sports cyarafashwe #rwanda #RwOT

    Ubuyobozi bwa Rayon Sports bwamaze gufata icyemezo ndetse kikaba ari ntakuka ko Umunya-Mauritania, Mohamed Wade ari we ugomba gutoza Rayon Sports kugeza umwaka w’imikino wa 2023-24.

    Ni nyuma y’uko uyu mutoza waje nk’umutoza wungirije, mu Kwakira 2023 yasigaranye iyi kipe by’agateganyo bitewe n’uko umutoza mukuru, Yamen Zelfani yari yatandukanye n’iyi kipe nyuma y’umunsi wa 4 wa shampiyona.

    Gahunda yari uko iyi kipe ishaka umutoza yitonze akazatangirana n’imikino yo kwishyura ya shampiyona izatangira tariki ya 12 Mutarama 2024.

    Wade watoje imikino 11 agatsindamo 6 akanganya 3 agatsindwa 2, ubu Rayon Sports ikaba iri ku mwanya wa 4 n’amanota 27, APR FC iyoboye urutonde ikaba ifite 33, ni umusaruro ubuyobozi bw’iyi kipe bwasanze udahagije ku buryo yakomeza kuba umutoza mukuru w’iyi kipe.

    Rayon Sports yaje kugongwa n’ikibazo cy’amikoro basanga umutoza bifuza yaba ahenze bigendanye n’amafaranga ahari batabasha kumuhemba, banzura ko Wade agomba kugumana ikipe akarangiza shampiyona.

    Ibi ntabwo babihuriyeho na bamwe mu baba hafi Rayon Sports, babwiye perezida w’iyi kipe, Rtd Cpt Uwayezu Jean Fidele ko Wade atari ku rwego rwo gutoza Rayon Sports igatwara igikombe.

    Bahise bajya gushaka umutoza umenyereye shampiyona y’u Rwanda kandi udahenze ariko birangira abuze cyane ko na Thierry Hitimana bifuzaga yanze kureka akazi ko mu irerero rya Bayern.

    Iyi kipe yahise yemeza ndetse inamenyesha umutoza Mohamed Wade ko ari we mutoza mukuru uzatoza iyi kipe kugeza umwaka w’imikino wa 2023-24 urangiye, ubu arimo gushakirwa umutoza uzamwungiriza kandi akaba agomba kuba ari umunyarwanda.

    Mohamed Wade ni we uzakomeza gutoza Rayon Sports

    Source : http://isimbi.rw/siporo/article/icyemezo-ku-mutoza-wa-rayon-sports-cyarafashwe

  • Kera kabaye rutahizamu mushya wa Rayon Sports yasinye #rwanda #RwOT

    Kera kabaye, nyuma y’iminsi irenga 10 ageze mu Rwanda, rutahizamu ukomoka muri Senegal, Alon Paul Gomis yamaze gusinyira Rayon Sports.

    Tariki ya 22 Ukuboza 2023 ni bwo uyu rutahizamu w’imyaka 29 yageze mu Rwanda aje kurangizanya n’iyi kipe yambara ubururu n’umweru.

    Ntabwo yahise asinyira iyi kipe kuko habanje kubaho igisa no kugorana ku mafaranga yifuzaga kugira ngo asinyire Rayon Sports.

    Byageze aho iyi kipe ibona gusinya bitagikunze ishaka kumusubiza itike y’indege ngo asubire iwabo ariko arabyanga.

    Kubera ikibazo cy’amikoro iyi kipe ifite, yakomeje kumvikana n’uyu mukinnyi ariko ibyo kumusinyisha igihe kirekire byari bitagishobotse, mu gitondo cyo kuri uyu wa Gatatu tariki ya 3 Mutarama 2024 ni bwo yamutangaje nk’umukinnyi wa yo.

    Alon Paul Gomis akaba yasinyiye Rayon Sports amasezerano y’amezi 6 azarangirana n’umwaka w’imikino wa 2023-24 ndetse n’Igikombe cy’Amahoro, nyuma bakaba ari bwo baganira ku kongera amasezerano.

    Uyu rutahizamu wakiniye amakipe nka ASC Kédia yo muri Mauritania, aje yaje ahasanga umunya-Guinea, Alsény Camara uheruka gusinyira iyi kipe ariko akaba yaragize ikibazo cy’imvune ndetse binavugwa ko ashobora kutazakina imikino yo kwishyura.

    Alon Paul Gomis yasinyiye Rayon Sports

    Source : http://isimbi.rw/siporo/Kera-kabaye-rutahizamu-mushya-wa-Rayon-Sports-yasinye

  • Element yishimiye gutangira umwaka ari kumwe… – #rwanda #RwOT

    Kuri ubu yerekanye umunezero yatewe no gutangirana umwaka wa 2024 n'abantu b'ingenzi mu buzima bwe barimo umuvandimwe we n'ababyeyi be agira ati'Gutangirana umwaka n'abantu b'ingenzi kuri njye ni umugisha udasanzwe.'

    Imyaka irakabakaba 5 izina Element ryinjiye mu ruhando rw'imyidagaduro nyarwanda aho yatunganije nyinshi mu ndirimbo zagiye zigira igikundiro cyo hejuru.

    Uyu musore kandi nk’uko inzozi ze yinjira mu muziki zari ukuba umuhanzi,mu 2022 yatangiye gukora indirimbo ze ku giti cye aho yahereye ku yitwa 'Kashe' yihuse mu kumenyekana yaba mu Rwanda no hanze yarwo.

    Mu 2023 ntabwo yisunze abahanzi babarizwa muri 1:55AM, Bruce Melodie na Ross Kana mu ndirimbo 'Fou De Toi' yaje ishimangira ko umuziki ari ikintu Element yavukiye gukora.

    Nubwo kandi yatangiye urugendo nk'umuhanzi ku giti cye yakomeje no kugenda atunganyiriza indirimbo abandi bahanzi nka Shaffy na Chriss Eazy yakoreye 'Bana' iri muzigezweho.

    Element nubwo bimeze gutyo inyota yo gukora ibintu byinshi kandi byiza iracyari yose nk’uko aherutse kubigarukaho mu butumwa bwihariye yageneye abakunzi be mu ntangiriro za 2023.

    Ati: '2023 wabaye umwaka ukomeye kandi mwiza mu gihe kimwe, 2024 urakoze kunyakira ngiye kukugira umwaka mwiza wanjye, sinzatuma uhumeka. Umwaka mushya muhire. Imana niyo nkuru.'

    Kuva yakwinjira mu myidagaduro mu buryo bweruye,Element amaze kwibikaho ibihembo bitandukanye kandi bikomeye mu Rwanda birimo ibya Kiss Summer Awards, The Choice Awards na Isango na Muzika Awards.

    Yatangiriye urugendo rw'ibyo akora kugeza uyu munsi kandi yamaze gushimangira ko ashoboye muri Country Records ya Noopja, ubu ari kubarizwa muri 1:55AM, zose zikaba ari inzu zihagazeho mu birebana no gutunganya umuziki mu Karere kugeza ubu.Element ari kumwe na se na nyina mu ntangiriro za 2024 ibintu byamukoze ku mutima avuga ko ari umugisha ukomeyeIbyishimo byari byose mu ntangiriro z’umwaka Element ari kumwe n’umuvandimwe weImwe mu mafoto yavugishije benshi mu bakunzi ba Element kubera uburyo yafashwemo hagati y’umuhungu na Se

    Source : https://inyarwanda.com/inkuru/138209/element-yishimiye-gutangira-umwaka-ari-kumwe-nababyeyi-be-amafoto-138209.html

  • Canada: Safi yamuritse Album ya mbere mu gita… – #rwanda #RwOT

    Ni ubwa mbere, uyu muhanzi wamamaye mu ndirimbo 'Kimwe', yari ataramiye muri kiriya gihugu mu gitaramo cye bwite, nyuma y'imyaka irenga ine ahabarizwa.

    Yagiye agaragara mu bitaramo by'abandi bahanzi, ariko mu Ukwakira 2023, nibwo yafashe icyemezo cyo gukora igitaramo cye bwite.

    Safi Madiba yabwiye InyaRwanda ko yishimira uko igitaramo cye cyagenze, ashingiye ku bwitabire bw'abantu, ndetse n'uburyo bagenzi be bamushyigikiye.

    Ati 'Ndanyuzwe! Kuko igitaramo cyagenze neza nk'uko twabyifuzaga na sositeye itegura ibitaramo yitwa Silver Back yamfashije muri uru rugendo rw'iki gitaramo.'

    Iki gitaramo yagikoze tariki 30 Ukuboza 2023, cyabereye ahitwa Library Square mu Mujyi wa Vancouver BC. Uyu munyamuziki yavuze ko atari gukora iki gitaramo wenyine, ari nayo mpamvu yiyambaje bagenzi be basanzwe barimo na Bwanaz uri mu bakomeye mu gihugu cya Zimbabwe, ndetse n'umuhanzi Frank Joe hamwe na Niyo D ari gufasha mu muziki muri iki gihe.

    Safi yavuze ko nyuma yo gukora iki gitaramo, yinjiye mu 2024 afite ingamba zishamikiye ku gushyira hanze ibihangano binyuranye, cyane cyane ibyo amaze iminsi ari gukoraho.

    Ati 'Ingamba mfite muri uyu mwaka wa 2024, ni ugushyira hanze indirimbo nari maze  iminsi nkoraho. Ikindi ni ugukora ibitaramo mu bice bitandukanye by'Isi.'

    Safi avuga ko nyuma y'iki gitaramo, ari gutegura uruhererekane rw'ibitaramo ashaka kuzakorera muri Leta Zunze Ubumwe za Amerika, Canada, i Burayi, mu Rwanda n'ahandi.

    Kuri we, asanga igihe kigeze kugira ngo amenyekanishe  iyi album binyuze muri ibi bitaramo azakorera ahantu hatandukanye.

    Album ye yamuritse iriho indirimbo na “Got it” yakoranye na Meddy, ‘Kinwe kimwe’, ‘Good Morning’, ‘Nisamehe’ yakoranye na Riderman, ‘Sound’, ‘Remember me’, ‘I wont lie to you’, ‘I love you’, ‘Kontwari’, ‘Hold me’ na Niyo D, ‘Igifungo’, ‘In a Million’ na Harmonize, ‘My Hero’, ‘Original’, ‘Muhe’, ‘Fine’ na Rayvanny, ‘Ntimunywa’ na Dj Marnaud ndetse na ‘Vutu’ na Dj Miller.

    Asobanura iyi album nk'idasanzwe mu buzima bwe, kuko yayihaye umwanya kandi ikaba ari iya mbere iranga urugendo rwe rw'umuziki nk'umuhanzi wigenga.

    Safi anavuga ko muri ibi bitaramo atekereza kuzaha umwanya abahanzi bakizamuka mu rwego rwo kubatera ingabo mu bitugu.

    Ati 'Kugira ngo ngere hano hari abamfashije, rero guha umwanya abahanzi batanga icyizere ni byiza, ntekereza ko hari abo tuzakorana mu gihe kiri imbere.'    

    Safi yakoreye igitaramo gikomeye mu Mujyi wa Vancouver BC yamurikiyemo Album ye ya mbere yise ‘Back to Life’    

    Safi yavuze ko iyi album yihariye mu buzima bwe, kuko isobanuye urugendo rwe nk’umuhanzi wigenga 

    Inkumi z’ikimero n’abanyarwanda babarizwa muri Canada bashyigikiye Safi Madiba mu kumurika album ye ya mbere


     

    Safi yavuze ko yaririmbye buri ndirimbo igize album ye ya mbere muri iki gitaramo    

    Safi avuga ko yinjiye mu 2024 afite intego yo gushyira hanze byinshi mu bihangano amaze iminsi akoraho    

    Safi Madiba yaserukanye umwambaro wari wanditseho imijyi nka New York, Los Angeles, Paris, London na Miami







     
    AMAFOTO: Parfait Images

    Source : https://inyarwanda.com/inkuru/138215/canada-safi-yamuritse-album-ya-mbere-mu-gitaramo-cyamuhaye-ingamba-nshya-amafoto-138215.html

  • Umubare w’Abimukira bari mu Bwongereza barebwa na gahunda yo koherezwa mu Rwanda urarenga ibihumbi 30 #rwanda #RwOT

    Iyi mibare yatangajwe na Minisiteri y’Ubutegetsi bw’Igihugu mu Bwongereza kuri uyu wa Kabiri tariki ya 02 Mutarama 2024.

    Ni imibare yatangajwe mu gihe Guverinoma y’iki Gihugu iherutse kuvugurura amasezerano yagiranye n’u Rwanda, mu rwego rwo kuyanoza kugira ngo hatazagira icyongera gukoma mu nkokora gahunda yo kohereza abimukira mu Rwanda.

    Guverinoma y’u Bwongereza kandi iteganya kohereza abimukira ba mbere hagati y’ukwezi kwa Gatatu ndetse n’ukwa Gatanu muri uyu mwaka.

    Mu byatangajwe na Minisiteri y’Ubutegetsi bw’Igihugu kandi, ni uko abo bimukira barengaho gato ibihumbi 33 bamaze gusaba uburenganzira bwo kuba mu Bwongereza, bakaba bagitegereje gusubizwa, kandi ko iteka rya Minisitiri ryo muri Nyakanga 2023 ryemerera Guverinoma y’iki Gihugu kohereza abo bimukira mu gihe bategereje gusubizwa.

    Minisitiri w’Intebe w’u Bwongereza, Rishi Sunak aherutse gutangaza ko afite icyizere gihagije ko muri ariya mezi bateganya koherezamo abimukira ba mbere, indege ya mbere izabazana izafata ikirere yerecyeza i Kigali.

    Biteganyijwe kandi ko Inteko Ishinga Amategeko y’u Bwongereza, izabanza guha umugisha iyi gahunda yo kohereza abimukira mu Rwanda.

    Gusa bivugwa ko mu gihe indege ya mbere izaba ihagurutse izanye abo bimukira, ishobora kuzabanza kuzana bake bashoboka muri uwo mubare nk’uko byemejwe n’umunyamategeko wa Guverinoma y’u Bwongereza, James Eadie.
    James Eadie, avuga ku masezerano y’imyaka itanu u Rwanda rufitanye n’u Bwongereza arebana n’iterambere no kwita ku bimukira.

    Yagize ati : 'Impande zombi zemeranywa ko hakenewe kongerera ubushobozi abo bimukira. U Bwongereza bwatanze inkunga kuri iyo ngingo, abayobozi b’u Rwanda na bo bafata ingamba zihamye mu bijyanye no gutegura aho abantu bazacumbika n’uko bazahugurwa, kandi ku ikubitiro imibare izaba ari mike.'

    Kugeza ubu Guverinoma y’u Bwongereza yamaze kwiyemeza gutanga miliyoni zisaga 290 z’Amapawundi, ni ukuvuga amafaranga y’u Rwanda asaga miliyari 462, azifashishwa mu kwita ku bimukira bazoherezwa mu Rwanda bakahaba by’agateganyo.

    Source : http://www.ukwezi.rw/Mu-mahanga/article/Umubare-w-Abimukira-bari-mu-Bwongereza-barebwa-na-gahunda-yo-koherezwa-mu-Rwanda-urarenga-ibihumbi-30

  • Bwa mbere RDF yasubije Tshisekedi wongeye kwerura ko yifuza gushoza intambara ku Rwanda #rwanda #RwOT

    Byatangajwe n’Umuvugizi Wungirije wa RDF, Lt Col Simon Kabera, mu kiganiro aherutse kugirana n’Ikigo cy’Igihugu cy’Itangazamakuru RBA, ubwo hagarukwaga ku mutekano w’u Rwanda.

    Mu minsi ishize, Perezida Felix Tshisekedi yongeye kwerura ko agikomeye ku mugambi wo gutera u Rwanda, aho yari mu bikorwa byo kwiyamamariza kongera kuyobora Igihugu cye, yizeje Abanyekongo ko naramuka atowe, azateranya imitwe y’Inteko Ishinga Amategeko akayisaba uburenganzira bwo gutera u Rwanda.

    Mu magambo ye yavugiye imbere y’Abanyekongo, Tshisekedi yavuze kandi ko gutera u Rwanda kuri we ari ibintu byoroshye cyane, ndetse ko azarasa Kigali yibereye i Goma.

    Umuvugizi Wungirije w’Ingabo z’u Rwanda, Lt Col Simon Kabera yavuze ko RDF ihora yiteguye kuba yaburizamo icyo ari cyo cyose cyashaka guhungabanaya umutekano w’u Rwanda, ku buryo itakangwa n’ariya magambo ya Perezida Tshisekedi.

    Yagize ati 'Ibyo twanyuzemo ntabwo turi abo gukangika, dufite icyizere, twifitiye icyizere cyo kurinda umutekano w’abaturage, nkababwira nti nibasinzire batekane.'

    Yagarutse ku magambo akunze kuvugirwa muri Repubulika Iharanira Demokarasi ya Congo yuzuye urwango rufitiwe bamwe mu Banyekongo bo mu bwoko bw’Abatutsi, avuga ko bifitanye isano na Jenoside yabaye mu Rwanda.

    Ati 'kuko abasize bakoze Jenoside mu Rwanda iyo ngengabitekerezo barayambukanye bayigisha abana babo, n’uyu munsi baracyafite iyo ngengabitekerezo.'

    Yaboneyeho kwizeza Abanyarwanda ko batekanye, abasaba kudakangwa n’amagambo amaze iminsi avugirwa hakurya muri Repubulika Iharanira Demokarasi ya Congo.

    Ati 'Amagambo si ubwa mbere avugwa, yaravuzwe na cyera turi mu ntambara yo kubohora Igihugu, ariko ntibyatubujije kugera ku ntego yo kugira Igihugu gitekanye.'

    Perezida Paul Kagame na we ubwo yakiraga Abanyarwanda mu ngeri zinyuranye n’inshuti z’u Rwanda mu birori bisoza umwaka, yizeje Abanyarwanda ko ntakizabahungabanya, kuko u Rwanda ruhagaze bwuma mu kwicungira umutekano.

    UKWEZI.RW

    Source : http://www.ukwezi.rw/Mu-rwanda/article/Bwa-mbere-RDF-yasubije-Tshisekedi-wongeye-kwerura-ko-yifuza-gushoza-intambara-ku-Rwanda

  • Juvenal yavuze ku byo kwamburwa ikipe aheruka kugura #rwanda #RwOT

    Mvukiyehe Juvenal yahakanye ibyo kuba ashobora kwamburwa ikipe ya Addax FC aheruka kugura kubera ko yananiwe kwishyura amafaranga yose yayiguze.

    Mu mpera z’Ukwakira 2023 ni bwo Mvukiyehe Juvenal wari umuyobozi wa Kiyovu Sports Company Ltd yasoje kugura ikipe ya Rugende FC ya Rubegesa Hunde Walter.

    Nyuma yo kugura iyi kipe, Mvukiyehe Juvenal akaba yarahise ayihindurira izina ayita Addax FC aba ari ko ikina mu cyiciro cya kabiri yitwa.

    Nyuma y’iminsi mike ni bwo hatangiye gukwirakwira amakuru ku mbuga nkoranyambaga ko ubwo yagaruga iyi kipe hari amafaranga yasigayemo Walter ndetse igihe yatanze cyo kuyishyura cyarangiye.

    Byavugwaga mu gihe atakwishyura aya mafaranga ashobora kongera kwamburwa iyi kipe igasubira mu maboko ya Walter.

    Mu kiganiro cy’umwihariko perezida wa Addax FC, Mvukiyehe Juvenal yagiranye n’ikinyamakuru ISIMBi yavuze ko na we yabyumvise ariko na none ari ibihuha.

    Yavuze ko iminsi amaze mu mupira w’u Rwanda yasanze hari byinshi bivugwa atari ukuri ndetse akaba yagira icyo abivugaho mu gihe uwo baguze ari we wabitangaje.

    Ati 'ibyo ng’ibyo ibintu bivugwa haba harimo ibintu byinshi, urabizi tumenyereye kuvuga ibintu bitari byo, kereka wenda harimo ba nyir’ubwite, mbonye ikiganiro mwagiranye na nyir’ubwite ni byo nagenderaho ariko ndabizi ko ibyinshi bivugwa muri uyu mupira atari byo, twebwe rero turakora, akazi kameze neza.'

    Agaruka ku ikipe ye yavuze ko batangiye neza aho n’abakinnyi baguze batinze kubona ibyangombwa, ariko na none akaba yishimira ko ubu bamaze gufatisha ndetse baniteguye kongeramo abandi bakinnyi bashya muri uku kwezi kwa Mutarama 2024.

    Ubu shampiyona y’icyiciro cya kabiri igeze ku munsi wa 9, ikipe ya Addax FC imaze gukina imikino 8 iri ku mwanya wa 4 n’amanota 14 ku rutonde ruyobowe na Rutsiro FC n’amanota 22.

    Mvukiyehe Juvenal yavuze ko ibyavuzwe ari ibihuha

    Source : http://isimbi.rw/siporo/article/juvenal-yavuze-ku-byo-kwamburwa-ikipe-aheruka-kugura

  • Gaza: Israel yishe batandatu barimo umuyobozi… – #rwanda #RwOT

    Ubuyobozi bwa Hamas bwatangaje ko igitero cyagabwe na Israel muri Gaza cyahitanye abantu batandatu barimo umuyobozi wungirije wa Hamas muri politike.

    Igitero cyabereye mu gace ka Beirut kuwa kuwa Kabiri tariki ya 2 Mutarama 2024, bivugwa ko aricyo cyahitanye umuyobozi w’Ingabo za Hamas muri western Bank Sareh Al Arouri na bagenzi be batanu bivugwa ko bari mu buyobozi bwa Hamas.

    Israel na Hamas tariki ya 1 Ukuboza 2023 bumvikanye ko Imirwano igomba guhagarara ndetse Hamas irekura abantu 100 muri 200 yafashe bugwate mu gitero cyabaye tariki ya 7 Ukwakira 2023 ubwo yagabaga igitero cyahitanye abarenga 1200.

    Ingabo za Israel IDF nazo zarekuye abanyapalestine bari bafungiwe muri Israel ariko nyuma y’iminsi mike yakomeje kugaba ibitero mu Ntara ya Gaza.

    Minisiteri y’Ubuzima muri Gaza ivuga ko intambara ya Isiraheli na Hamas mu mezi atatu imaze abantu 22.185 bamaze kwicwa na Ingabo za Israel ndetse abandi 57.000 bayikomerekeyemo. Israel yatangaje ko igitero cya Hamas cyahitanye aba Israel 1.200  naho abandi 6.900 bakomerekeye muri icyo gitero.

    Muri Western Bank yigaruriwe na IDF Palestine ivuga ko Israel imaze kuhicira abantu 297. Sareh Al Arouri wavutse mu 1966, ni umwe mu nkingi za Mwamba mu buyobozi bwa Hamas haba mu bya politike n’ibya Gisirikare ni umugabo wamvikanye mu Itangazamakuru avuga ko Hamas ifite ubushobozi bwo guhangana na IdF ariko ikarinda ubusugire bwa Palestine.

    Source : https://inyarwanda.com/inkuru/138207/gaza-israel-yishe-batandatu-barimo-umuyobozi-wungirije-wa-hamas-138207.html