Author: webrwanda

Amakuru aturuka muri Zanzibar ni uko ikipe ya Simba SC yaba yifuza rutahizamu wa APR FC ukomoka muri Nigeria, Victor Mbaoma Chukwuemeka.

Uyu rutahizamu umaze gutsinda ibitego 12 mu gice kibanza cya shampiyona y’u Rwanda ya 2023-24, imikino 2 yakinnye abanza mu kibuga (Singida na JKU) yose agatsinda igitego ndetse n’uwo yaraye agiye mu kibuga asimbura wa Simba SC muri Mapinduzi Cup, yari ihagije kugira ngo umutoza wa Simba SC amubenguke.

Umutoza wa Simba SC, Abdelhak Benchikha akaba yarishimiye imikinire y’uyu mukinnyi aho abona ko hari byinshi yafasha cyane ko atanyuzwe n’umusaruro wa ba rutahizamu be barimo kapiteni John Bocco, Moses Phiri. Abona ari we mukinnyi mwiza washyira igitutu kuri Jean Baleke.

Amakuru ISIMBI yamenye ni uko bahise banabaza ibijyanye n’amasezerano y’uyu musore muri APR FC basanga asigaranye umwaka n’igice w’amasezerano.

Muri iri soko rito ry’abakinnyi ryo mu kwa Mbere, ashobora kutagenda ariko mu mpeshyi y’uyu mwaka bizagorana ko izamugumana cyane ko Simba SC yiteguye kwishyura amafaranga akubiye mu masezerano y’uyu mukinnyi ku ikipe izaba ishaka kumugura muri APR FC.

Mu masezerano ye harimo ko ikipe izamwifuza atarasoza amasezerano ye, igomba kwishyura iyi Kipe y’Ingabo z’Igihugu amafaranga angana n’ibihumbi 200 by’Amadorali ni ukuvuga amafaranga y’u Rwanda angana na miliyoni 250.

Mbaoma arifuzwa na Simba SC

Umunyezamu wa AS Kigali, Kimenyi Yves yasabye anakwa umugore we Uwase Muyango Claudine aho bari bagaragiwe n’ibyamamare.

Ni umuhango wabaye ku wa Gatandatu w’iki cyumweru tariki ya 6 Mutarama 2024 ubera muri Romantic Garden.

Kimenyi Yves akaba yari agaragiwe n’abarimo Biramahire Abeddy wa UD Songo muri Mozambique, Mugunga Yves wa Kiyovu, Nshuti Innocent wa APR FC, Nkinzingabo wa Mukura VS ndetse n’umunyarwenya Zaba Missed Call n’abandi.

Ni mu gihe Miss Uwase Muyango Claudine yambariwe n’abakobwa biganjemo abitabiriye Miss Rwanda barimo Nimwiza Meghan wabaye Miss Rwanda 2019, Umukundwa Clemence (Miss Cadette), Umutoni Witness wabaye igisonga cya Mbere cya Miss Rwanda 2021, Jordan Mushambokazi.

Itorero Inganzo ngari ni ryo ryasusurukije abitabiriye ubu bukwe ni mu gihe Victor Rukotana ari we wasohoye umugeni.

Nyuma yo gusaba no gukwa hakaba hakurikiraho gusezerana imbere y’Imana ndetse no kwiyakira byose n’ubundi bibera muri Romantic Garden.

Bakoze ubukwe nyuma y’uko ku wa Kane w’iki cyumweru habaye umuhango wo gusezerana imbere y’amategeko wabereye mu biro by’Umujyi wa Kigali.

Ni nyuma y’uko tariki ya 28 Gashyantare 2021 Kimenyi Yves yafashe icyemezo yambika impeta y’urukundo, Uwase Muyango Claudine wegukanye ikamba rya Nyampinga uzi kwifotoza kurusha abandi muri 2019 “Miss Photogenic 2019” maze amusaba ko yazamubera umugore undi arabyemera.

Ni umuhango wabereye mu Busitani bwa Centerpiece hafi ya Kaminuza ya ULK, mu Karere ka Gasabo mu murenge wa Gisozi.

Kimenyi Yves yasabye anakwa Uwase Muyango Claudine

Kimenyi Yves, umukinnyi w’ikipe y’umujyi wa Kigali izwi nka AS Kigali wari umaze igihe adakina kubera ikibazo cy’imvune yagize ubwo ikipe ye yakinaga na Musanze FC, agiye gusaba ndetse anakwe umukunzi we Uwase Muyango Claudine kuri uyu wa Gatandatu.

Muyango na Kimenyi bari basanzwe babana nk’umugabo n’umugore ariko batari bakora ubukwe ngo imiryango ku mpande zombi ibashyigikire ndetse n’inshuti n’abavandimwe bitabire ibyo birori.

Ku wa 04 Mutarama 2024, ni bwo Kimenyi Yves na Muyango Claudine basezeranye imbere y’amategeko muri salle y’umujyi wa Kigali. Ni umuhango wari waragizwe ubwiru.

Kimenyi utari wakira imvune neza, ntabwo yishe gahunda yari yaragiranye na Muyango ndetse n’umuryango we kuko kuri uyu wa 06 Mutarama 2024 muri Romantic Garden hagiye kubera umuhango wo gusaba no gukwa bityo imiryango ibashyigikire.

Ku isaha ya saa munani, biteganyijwe ko barasezerana imbere y’Imana kugira ngo izabafashe mu rugendo rushya batangiye rwo kubana nk’umugabo n’umugore mu buryo bwemewe n’amategeko mu nguni  zose.

Muri Romantic Garden ahagiye kubera ubukwe bwa Muyango na Kimenyi Yves

Ahabera ubukwe bwa Muyango na Kimenyi hamaze gutegurwa

Muri Romantic Garden harimbishijwe

Kimenyi Yves yambariye gusaba no gukwa Muyango Claudine 

Reba amafoto yose ukanze HANO

Kuwa 26 Ukuboza 2023 ni bwo Kenny Sol yafashe irembo nyuma y’uko yemeye ko afite umukunzi ubwo yavaga muri Canada kuwa 28 Ugushyingo 2023 akakirwa n'abarimo Kunda Alliance wanamushyikirije indabo.

Kenny Sol yaje kwambika impeta Kunda mu gikorwa cyakozwe mu buryo bw'ibanga kuri uyu wa 05 Mutarama 2023 bakaba basezeranye imbere y'Ametegeko ya Repubulika y'u Rwanda.

Gusa nubwo bigoranye kubona umuntu ukurikiranira hafi imyidagaduro nyarwanda wavuga ko atazi izina Kenny Sol, ariko si benshi bazi ko ubu ari mu mwaka wa 27 kuko yabonye izuba mu 1997.

Mbere y'uko atangira umuziki, yari umukinnyi w'umupira w'amaguru aho yakinnye mu ikipe nka Esperance FC ananyura muri Kiyovu Sport Fc. Iyo akomeza uyu mwuga, birashoboka ko yari kuba akinira Amavubi cyangwa indi kipe ikomeye yo hanze y’u Rwanda.

Ibi ni byo byatumye nka inyaRwanda tubegeranyiriza amwe mu mateka ya Kenny Sol wamaze gutera intambwe yo kuva mu buseribateri.

Kenny Sol yavukiye muri Kigali mu muryango w'abana 3, akaba ubuheta. Yize amashuri abanza ku Kabusunzu, ayisumbuye ayasoreza i Musambira.

Mu mashuri yisumbuye ni ho yatangiriye kujya asubiramo indirimbo z'abandi bahanzi. Nyirarume ni we wamufashishije kwinjira muri 'Band'.

Yasoreje mu ishuri ry'Umuziki n'Ubugeni ry'u Rwanda icyo gihe ryitwaga Nyundo Music School. Ubwo yigaga muri iri ishuri mu 2016, ni bwo yihuje na Billy Ruzima na Moise Mugabutsinze batangiza itsinda rya Yemba Voice.

Bafatanije, baje gushyira hanze indirimbo zitandukanye nka “Turakundana”. Ni indirimbo zakunzwe ariko izo bagiye basubiramo cyane cyane iza Sauti Sol zarakunzwe kurushaho.

Kenny Sol yaje gutangira gukora wenyine aza no kugira amahirwe yo guhuza na Bruce Melodie batangira gukorana binyuze mu Igitangaza Music aha yari kumwe na Juno Kizigenza.

Icyo gihe yashyize hanze indirimbo zakunzwe nk'Ikinyafu, Agafire n'izindi. Urugendo rwaje kurangira atangira gukora wenyine kandi nabwo biramuhira, ashyira hanze ibihangano byinshi kandi byiza.

Imyandikire ya Kenny Sol irihariye cyane, bikaba bituma n'ibihangano bye biba bifite umwihariko utuma ababyumva bongera kwifuza kujya kubyumva.

Imwe mu ndirimbo z'uyu muhanzi itajya itakaza uburyohe kurusha izindi ni iyitwa 'Haso'. Amaze gukorana n'abahanzi barimo Harmonize bahuriye muri 'One More Time' imwe mu ndirimbo zihagazeho mu muziki mu zo umuhanzi nyarwanda yakoranye n'umunyamahanga.

Hari kandi 'Quality' yakoranye na Double Jay n’izindi nyinshi. Mu gihe amaze mu muziki, yagiye yibikaho ibihembo bitandukanye birimo 'Best Music Video' muri Isango na Muzika Awards 2022;

'Best Male Artist' muri Kiss Summer Awards 2022 kimwe na 'East African Super Star' muri Oda Awards ibihembo bitangirwa muri Ethiopia. Amaze kandi gutaramira ku migabane itandukanye irimo Afrika, u Burayi na Amerika.

Kenny Sol na Kunda Alliance bamaze kuba umugabo n’umugore mu mategeko Kunda Alliance yagaragaye bwa mbere mu ruhame nk’umukunzi wa Kenny Sol mu Ugushyingo 2023 Kenny Sol yiyongereye mu mubare w’abahanzi bahagaze neza mu Rwanda bashinze urugoAri mu bahanga mu muziki bawukora baranawize mu Rwanda akaba amaze no kwibikaho ibihembo bitari bicyeKenny Sol na Kunda Alliance batangiye indi paje y’ubuzima 

AMAFOTO: Ngabo Serge-inyaRwanda

Haje igihuha ku munsi w’ejo hashize ubwo umuhanzi Kenny Sol yari agiye gusezerana imbere y’amategeko n’umukunzi we Kunda Alliance Yvette ko hari umukobwa Kenny Sol yateye inda akaba aje kubabuza gusezerana.

Uyu muhango wabereye mu Mujyi wa Kigali mu Karere ka Nyarugenge mu Murenge wa Nyakabanda.

Nk’ibisanzwe iyo abantu bagiye gusezerana, mbere yo kurahira babanza kwigishwa kugira ngo bumve neza isezerano bagiye guhabwa.

Ubwo bari barimo bahabwa inyigisho ni bwo haje ukuriye Dasso mu Murenge wa Nyakabanda, yongerera Gitifu wari ugiye gusezeranya aba bageni maze kwigisha aba abihagaritse.

Amakuru ISIMBI yamenye ni uko uyu mu-Dasso ngo yari abwiye Gitifu ko hanze haje umukobwa uvuga ko Kenny Sol yamuteye inda atifuza ko abasezeranya.

Byabaye ngombwa ko basohokana ngo bajye kumureba ariko bageze hanze ngo basanga ari abantu bavugaga ko hari umukobwa warimo ukora ikiganiro avuga ko hari umukobwa Kenny Sol yateye inda ashobora kuza kubangamira uku gusezerana kwa bo, bo ngo bakaba bari bazi ko yaje.

Nyuma yo gusanga ntawuhari, Gitifu yahise agaruka akomeza umuhango wo gusezeranya Kenny Sol n’umukunzi we.

Kenny Sol ubukwe bwe bwari bujemo kidobya

Benshi batunguwe no kubona rutahizamu w’umunya-Cameroun wakiniye Rayon Sports, Onana Leandre atari ku rutonde rw’abakinnyi bagomba gukina na APR FC ariko yaje kwisanga mu kibuga mu buryo butunguranye.

Ni mu irashanwa rya Mapinduzi Cup ririmo kubera muri Zanzibar aho ejo hashize Simba SC na APR FC zakinnye umukino usoza itsinda B bakanganya 0-0.

Kuri uyu mukino ntabwo rutahizamu Willy Leandre Essomba Onana yari mu bakinnyi 18 ikipe ya Simba SC yatanze iri bukinishe kuri uyu mukino, ndetse nta n’uwari wicaye ku ntebe y’abasimbura, gusa yaje gutungurana ubwo yazaga asimbura igice cya kabiri kigitangira.

Amakuru ISIMBI yamenye ni uko umutoza wa Simba SC, Abdelhak Benchikha hari abakinnyi yari yahisemo kuruhura kuri uyu mukino kuko yari yamaze kubona itike ya 1/4 ahubwo bakazakina umukino wa Jamhuri ku wa Mbere bameze neza.

Abo bakinnyi barimo Jean Baleke, Moses Phiri, Che Malone, Jose Luis Miquissone ndetse na Onana, bose ntibari muri 11.

Kuri Onana we amakuru avuga umwe mu batoza bungirije yamubwiye ko uyu mukino atari bukenerwe ko yajya kwiyicairira muri stade.

Umukino watangiye yicaye muri Stade, mu minota ya nyuma y’igice cya mbere ubwo umutoza yahindukiraga areba abakinnyi ari buze gusimbuza, yabuze Onana, ni ko kubaza aho ari bamubwira ko yicaye muri Stade.

Niko guhita ababwira kumuzana igitaraganya akitegura kuko agomba gukina uyu mukino. Yaje maze igice cya kabiri kigitangira ahita ajya mu kibuga we Miquissone ndetse na Jean Baleke.

Onana yaje mu kibuga bitunguranye

Kazungu Denis akekwaho kwica abantu 14 barimo abakobwa 13 bivugwa ko yabicaga abanje kubasambanya no kubambura ibyo babaga bafite nk’amafaranga na telefone.

Uyu musore w’imyaka 34 watawe muri yombi mu ntangiro za Nzeri 2023, ni umwe mu bagarutsweho mu Rwanda ndetse no ku Isi, kubera ibyo akekwaho byo kwica abantu akabashyingura mu cyobo yari yaracukuye aho yabaga mu Kagari ka Busanza mu Murenge wa Kanombe.

Nyuma y’ifungwa rye, hagiye hajya hanze andi makuru y’uburyo akekwaho gukora ibi byaha akurikiranyweho, nko kuba hari abantu babiri yishe yarangiza akabatekera mu isafuriya.

Ni ibintu byakunze gutera abantu igishyika kuko bidasanzwe kubaho, ariko by’umwihariko n’abafungiye mu Igororero rya Nyarugenge [Mageragere] aho Kazungu afungiye, na bo bahorana ubwoba.

Abafunguye muri iri Gororero rya Mageragere, bacyumva ko Kazungu agiye kuzanwamo, bahise bikanga kuko batumvaga uburyo bagiye gufunganwa n’uyu muntu wiyemerera kwica abantu 14.

Gusa kuva yagerayo benshi ntibaramuca iryera, ariko bakaba bafite amakuru ko ari mu Igororero rimwe n’iryo barimo, ndetse benshi bari bazi ko bamubona kuri televiziyo kuri uyu wa Gatanu dore ko ari bwo yari kugezwa imbere y’Urukiko Rwisumbuye rwa Nyarugenge kugira ngo aburane kuri kimwe mu byaha aregwa.

Kuri uyu wa Gatanu tariki 05 Mutarama 2024, byari biteganyijwe ko Urukiko Rwisumbuye rwa Nyarugenge aburana ku cyaha cyo gusambanya umugore, ariko urubanza rurasubikwa nyuma y’uko Ubushinjacyaha busabye ko uru rubanza ruhuzwa n’urundi yagombaga kuzabura tariki 12 Mutarama ari na rwo aregwamo ibyaha bishingiye ku kwica abo bantu.

KURIKIRA IBINDI BYOSE HANO
UKWEZI.RW

Perezida Kagame yakiriye uyu Mujenerali kuri uyu wa Gatanu tariki 05 Mutarama 2024 nk’uko byatangajwe n’uyu mujenerali mu butumwa yanyujije ku rubuga nkoranyambaga rwa X.

General Mohamed Hamdan Daglo yavuze ko uku guhura na Perezida Kagame biri mu nzira uyu mutwe wa RSF wiyemeje mu guhura n’abakuru b’Ibihugu bisanzwe ari ibivandimwe bya Sudani.

Ni nyuma y’amezi arindwi muri Sudani hadutse intambara ihanganishije uyu mutwe wa RSF ndetse n’ingabo z’ubutegetsi bw’inzibacyuho muri Sudani.

Mu butumwa bwa General Mohamed Hamdan Daglo, yavuze ko mu byo yaganiriye na Perezida Kagame, yamugaragarije ishusho y’intandaro y’iyi ntambara.

Yagize ati 'Nahaye ibisobanuro nyakubahwa ku ntambara yatangiye tariki 15 Mata, yatangijwe n’abayobozi bahoze ku butegetsi bafasha ababashyigikiye mu mitwe ya gisirikare, bafite intego yo gufata ubutegetsi kandi bakaburizamo inzira ya Demokarasi yemejewe n’Abanya-Sudani.'

Uyu Mujenerali kandi yavuze ko Umukuru w’u Rwanda yumvise icyerekezo cy’uyu mutwe wa RSF wifuza guhagarika intambara kandi ukazahura demokarasi muri Sudani.

Ikindi kandi yavuze ko u Rwanda ari igihugu gitanga urugero ku buryo abantu bari mu bibazo bashobora kubyigobotora, bityo ko n’Abanya-Sudani bazakomeza kurwigiraho no kurebera ku buyobozo bwarwo.

UKWEZI.RW

Rutahizamu wa Simba SC ukomoka muri Cameroun wubatse izina muri Rayon Sports, Leandre Willy Essomba Onana ndetse n’Umurundi ukinira Police FC, Bigirimana Abedi barifuzwa n’ikipe ya JS Kabylie yo muri Algeria.

Ni amakuru yatangajwe n’umunyamakuru uzwiho gutangaza inkuru ziganjemo iz’abakinnyi bahinduranya amakipe muri Afurika ukomoka muri Ghana witwa Micky Jr.

Abinyujije ku rukuta rwe rwa Twitter yagize ati “ku rutonde kandi hariho Bigirimana Abedi wa Police FC yo mu Rwanda.”

Undi mukinnyi bivugwa ko iyi kipe yifuza, ni umunya-Cameroun ukinira Simba SC yagezemo avuye muri Rayon Sports yo mu Rwanda, Leandre Willy Essomba Onana.

Ati “nakwemeza ko JS Kabylie yagaragaje ko yifuza cyane gusinyisha Willy Onanna wa Simba SC. Ubusabe bwa mbere buzoherezwa mu cyumweru gitaha.”

Gusa amakuru ava mu ikipe ishinzwe kurereberera inyungu z’uyu mukinnyi avuga ko nyuma y’uko Onana amaze gufatisha muri Simba SC batiteguye kuba bamurekura ngo agende kimwe n’uko batizeye ko amafaranga ahagaze iyi kipe ya JS Kabylie yiteguye kuyatanga.

Bigirimana Abedi arifuzwa na JS Kabylie

Onana ntabwo Simba SC yiteguye kumurekura