Author: webrwanda

Wari umukino ubimburire imikino y’umunsi wa 19. Igitego cya Hussain Shabani ni cyo cyatandukanyije aya makipe. Hussein Shabani wari umukino we wa mbere akiniye AS Kigali, yagezemo mu mikino yo kwishyura.

Uko umukino wagenze muri make

Ku munota wa 7 gusa, Iradukunda Simeon yahushije igitego ku mupira wari uzamukanwe na Samuel Simeon ateretseho umutwe umupira ukubita igiti cy’izamu ujya hanze.

Ku munota wa 23 Hussain Shabani Tchabalala yatsinze igitego cya mbere ku mupira wari uzamukanwe na Bosco ahereza Tchabalala ahita arekura ishoti rikomeye, umupira uruhukira mu izamu. Hussain Shabani yahise yandikisha igitego cya mbere mu mukino we wa mbere yari akiniye AS Kigali nyuma yo kugaruka.

Abakinnyi 11 Gorilla FC yabanje mu kibuga

Matumele Arnold

Nshimiyimana Emmanuel

Nsengiyumva Samuel

Murdah Victoria

Nshutinziza Didier

Uwimana Emmanuel

Johnson Adeaga

Iradukunda Simeon

Mavugo Cedric

Irakoze Darcy

Iroko Babatunde

Abakinnyi 11 AS Kigali yabanje mu kibuga

Hakizimana Adolphe

Bishira

Ndayishimiye Thierry

Akayezu Jean Bosco

Gilbert Dusingizimana

Osaluwe Rafael

Benedata Janvier

Ssekisambu

Kone Lottin

Eben Kevin

Shabani Tchabalala

Igice cya kabiri ki gitangira, AS Kigali yakoze impinduka Osaluwe na Eben bava mu kibuga hinjira Rucogoza na Didier.

AS Kigali yakomeje gushakisha igitego cya kabiri, ariko amahirwe y’imbere y’izamu akanga. Gorilla FC nayo yakomeje gukora iyo bwabaga ndetse ikora impinduka abakinnyi nka Rubuguza Jean Pierre, Nizeyimana Mubarakh ariko igitego kirabura burundu.

AS Kigali ihise ifata umwanya wa 6 n’amanota 25, mu mikino 19 imaze gukina. Gorilla FC ihise igana ahabi, kuko ubu iri ku mwanya wa 12 n’amanota 21 mu mikino 19 ndetse amakipe ayiri inyuma ikaba iyarusha imikino.

Uko indi mikino izagenda

Ku wa 6 

Kiyovu Sports izakira Gasogi United, Etoile de L’Est yakire Mukura Victory Sports naho Bugesera FC yakire Sunrise FC.

Ku cyumweru

Musanze FC izakira APR FC, Muhazi United yakire Amagaju FC Police FC yakire Etincelles FC naho Rayon Sports yakire Marine FC.

Abatoza ba Gorilla FC ntabwo bahagaze neza nyuma yaho ikipe itsindiwe imikino ibiri yikurikiranya 

Gatera Moussa arimo ashaka uburyo yahindura umukino akabona igitego gusa ntabwo byamuhiriye 

Guy Bukasa kuva yagera muri AS Kigali mu mikino 4 ya shampiyona amaze gukina ntaratsindwa n’umwe, yatsinze 3 anganya 1

Tchabalala wambaye nimero 11 yahise afungura urugendo rw’ibitego muri AS Kigali 

KANDA HANO UREBE AMAFOTO MENSHI

AMAFOTO: Ngabo Serge – InyaRwanda

VIDEO: Eric Munyantore – InyaRwanda

Byatangajwe n’Umuvugizi wa M23, Lawrence Kanyuka, mu butumwa bugaragaza ishusho y’urugamba rumaze iminsi ruhanganishihe igisirikare cya Leta ya Congo Kinshasa, n’uyu mutwe.

Kanyuka yavuze ko nk’uko bisanzwe uruhande bahanganye rugizwe n’abarimo FARDC, FDLR ndetse n’ingabo z’u Burundi n’iza SADC mu gitondo cyo kuri uyu wa Gatanu, bongeye kuramuka bagaba ibitero bya rutura mu bice bitumwemo n’abaturage b’abasivile benshi.

Muri ibyo bise bikomeje kwibasirwa n’ibi bitero bya FARDC n’abayifasha, biri kugabwa mu gace ka Mweso, aka Mushaki, aka Karuba ndetse no mu bice bibyegereye.

Lawrence Kanyuma yakomeje amenshye umuryango mpuzamahanga ko ibi bikorwa bigize ibyaha mpuzamahanga n’ibyibasiye inyokomuntu bikomeje gufata intera.

Ati 'hari kuba ibitero bya kirimbuzi byibasira abaturage b’abasivile, bitegurwa n’uruhande rwihurije hamwe rw’ubutegetsi bwa Tshisekedi Tshilombo, bigizwe n’ibyaha by’intambara n’ibyibasiye inyokomuntu.'

Uyu mutwe wakunze kuvuga ko uzirwanaho igihe cyose uzaba wagabweho ibitero ndetse ukanarinda abaturage batuye mu bice ugenzura, wavuze ko ubu wiyemeje gufata ibice byibasiwe cyane, mu rwego rwo gukura abaturage mu menyi ya rubamba.

UKWEZI.RW

Igitego cya Shabani Hussein Tchabalala waje nk’umucunguzi cyayihesheje intsinzi AS Kigali imbere ya Gorilla FC mu mukino w’umunsi wa 19.

AS Kigali ikomeje kugenda iva mu murongo utukura, ni nyuma y’uko ikomeje kwitwara neza mu mikino yo kwishyura ya shampiyona ya 2023-24.

Uyu munsi AS Kigali yari yakiriye Gorilla FC mu mukino w’umunsi wa 19 wa shampiyona y’icyiciro cya mbere mu Rwanda umwaka w’imikino wa 2023-24.

Uyu mukino wabereye kuri Kigali Pelé Stadium ukaba wagaragayemo rutahizamu Shabani Hussein Tchabalala wakinaga umukino we wa mbere muri AS Kigali kuva yayigarukamo avuyemo muri Al Ta’awon yo muri Libya.

Tchabalala akaba yaje kuba umucunguzi kubera ko yaje gutsindira AS Kigali igitego ku munota wa 23 ari nacyo cyaje gusoza umukino.

Ibi byatumye mu gihe igitegereje uko indi mikino iza kugenda y’umunsi wa 19, AS Kigali yatumbagiye ku rutonde rwa shampiyona n’amanota 25 ikaba iri ku mwanya wa 6.

Umuramyi Patrick Nishimwe wavukiye i Rusizi mu Ntara y'Iburengerazuba, yakuranye impano yo kuririmba kuko kuva akiri muto yaririmbaga muri korali y'abana izwi nka 'Sunday School.'

Nubwo yari afite iyo mpano ariko, Patrick yinjiye mu muziki wo kuramya no guhimbaza Imana aririmba ku giti cye mu 2016. Icyo gihe, yabikoze iminsi micye abona ko akwiriye kujya kwiyungura ubundi bumenyi, nuko ahita ajya kwiga umuziki  no kuramya mu ishuri rya Reformed Theological College riherereye muri Uganda.

Nyuma y'imyaka ibiri avuye kwiyungura ubumenyi muri iri shuri, Patrick Nishimwe yagize ihishurirwa ryo gutangira gukora umuziki wo kuramya no guhimbaza Imana mu buryo buhoraho kandi bunoze akoresheje urubuga yise 'Incense Worship' bisobanuye 'kuramya kuzamuka nk'umubavu' ku ntebe y'Imana.

Mu kiganiro yagiranye n'Itangazamakuru kuri uyu wa Kane tariki ya 01 Gashyantare 2024, uyu muramyi yatangaje ko uru rubuga rwa Incense Worship ari ihishurirwa ryagutse rikubiyemo ibinyuranye bihuriza cyane ku kuramya Imana mu buryo bwa muzika, harimo 'igikorwa twatangiye cyo gushyira hanze indirimbo zo kuramya ndetse n'ibindi byinshi tuzagenda dusangiza abantu b'Imana uko turushaho kugenda dukurira muri iryo hishurirwa.'

Akomoza ku ntego ye muri uyu murimo yagize ati: 'Intego yacu nyamukuru ni uko dukomeza kwibuka ko igihe cyaje kandi gisohoye ko abaramya Imana Data twese tuyiramya mu kuri no mu mwuka nk'uko tubisanga muri Yohana:4:23.'

Nka Incense Worship igizwe nawe gusa kugeza ubu, Patrick yatangaje ko yabashije gukora album ya mbere yise 'Shammah.' Iyi album izaba iriho indirimbo 7.

Ati: 'Nkimara kugira iri hishurirwa mu by'ukuri, numvise rinduta cyangwa riruta izina ryanjye numva nkunze kubyitiriwa. Numva ntacyo bintwaye ko umbona ukumva Incense Worship kuko binshyira mu mwanya wo kumva ko mfite inshingano yo kugira kwa kuramya kwanjye kwa buri munsi guhora kuzamuka ku ntebe y'Imana.

Incense kuri njyewe no ku bandi, ni icyitegererezo. Hari igihe duhera mu kuririmba tukaririmba umuziki mwiza, abantu bakabikunda rimwe na rimwe bakagira amarangamutima kugeza no ku rwego rwo kurira, ariko mu by'ukuri atari ukuramya nyako. 

Nifuje kuzajya mpora ngongana n'iri zina rihora rinyibutsa ko kuramya kwawe atari ukuririmba cyangwa wabyize mu ishuri, ahubwo kuramya kwawe kugomba kuzamuka imbere y'intebe y'Imana kukakirwa nk'uko impumuro nziza yakirwa.'

Patrick yasobanuye ko kuba yaragiye kwiga umuziki bimufasha kugendera mu muhamagaro Imana yamuhaye mu buryo bwiza kurushaho. Ati: 'Kuba mbasha gukora uyu murimo naranize, hari byinshi ntari nzi kera ubu ngubu nzi nibwo binyoroheye kubikora.'

Yasobanuye ko nubwo bamwe mu baramyi bakunze kugwa mu ikosa ryo kuririmba ubuzima bwabo cyane mu ndirimbo zifashishwa no mu nsengero, mu by'ukuri bari bakwiye kuririmba indirimbo zatura ukuri kw'Ijambo ry'Imana.

Ati: 'Birasoboka cyane ko umuziki waba ari impano, ariko ntabwo tuyihabwa ikuze, birashoboka ko dushobora kuyikoreramo amakosa cyane. Wenda nkandika indirimbo ingana n'uko gusobanukirwa Imana kwanjye kungana, ariko ugasanga idahuye n'ijambo ry'Imana. Icyo ishuri ryamfashije ni ukugaruka cyane mu ijambo ry'Imana.'

Mu bundi bumenyi Patrick yakuye muri Uganda, harimo kumenya gucuranga bimwe mu bicurangisho by'umuziki no gusobanukirwa neza ibijyanye n'ibyo akora ndetse n'impamvu yabyo.

Patrick kandi yavuze ko abaramyi benshi bakunze guhurira ku ikosa ry'imyandikire y'indirimbo zabo, aho benshi bandika bivugaho aho kuvuga ijambo ry'Imana. Yongeyeho ko kandi usanga abahanzi benshi bibanda ku iterambere ryabo gusa bakibagirwa bagenzi babo, ashimangira ko igikwiye ari ugufatana akaboko bakazamurana.

Yashimangiye ko nubwo amafaranga akenewe ngo umurimo w’Imana ukorwe mu buryo bunoze, atariyo ashyize imbere kuko yizere ko Imana inzira nyinshi zo gufasha abana bayo mu murimo wayo.

Nubwo kugeza uyu munsi ariwe wenyine ugize Incence Worship, yasobanuye ko yizeye gukomeza gukurira muri iri hishurirwa, aho mu gihe kiri imbere bishoboka ko hazagenda hiyongeramo n’abandi bahanzi.

Abajijwe ikijyanye no guhindagura amadini asengeramo, Patrick yasobanuye ko umuhamagaro w’Imana urenze idini. Yongeyeho ko yavukiye muri ADEPR, agakirizwa muri Zion Temple, hanyuma umuhamagaro ukamwerekeza muri Eglise Vivante Rebero ari naho asengera uyu munsi.

Mu gihe kitarambiranye muri uyu mwaka, Patrick Nishimwe azakora igitaramo cy’amateka azanamurikiramo album nshya yakoze nka Incence Worship yise “Shammah.”

Patrick Nishimwe yateguje album ye ya mbere izagaragaraho indirimbo 7

Yasobanuye iby’ihishurwa yagize ryabyaye Incence Worship

Yagize ihishurirwa nyuma y’imyaka ibiri avuye kwiga umuziki ushingiye ku kuramya by’ukuri muri Uganda

Patrick Nishimwe yavuze amwe mu masomo yize mu myaka itanu yamaze adakora umuziki

Ubu, yiteguye gufasha benshi kuramya Imana mu buryo bushingiye ku kuri kw’Ijambo ry’Imana

Patrick yamaze gushyira hanze indirimbo nshya nyuma y’imyaka 7

El Shaddai ya Incense Worship yamaze kugera hanze

Umunyamakuru Nzahoyankuye Nicodeme yabengutse impano ya Patrick Nshimwe yiyemeza kumushyigikira uko ashoboye

Umuramyi Patrick Nishimwe hamwe na bamwe mu bamufasha muri Incense Worship   

Incense Worship batangaje byinshi kuri Album yihariye bise “Shammah” 

REBA INDIRIMBO “EL SHADDAI” YA INCENSE WORSHIP YATANGIJWE NA PATRICK NISHIMWE

Kuwa Gatandatu w’icyumweru gushize ni bwo hakinwe imikino ya shampiyona yo ku munsi wa 18, saa kumi n’ebyiri, ikipe ya AS Kigali ikaba yarakiriye Gasogi United kuri Kigali Pele Stadium.

Umukino warangiye iyi kipe y'abanyamujyi itsinze igitego 1-0 ariko nyuma y'umukino KNC yerekana ko atishimiye ibijyanye n'imisifurire ndetse ahita atangaza ko afashe umwanzuro wo gusesa ikipe ya Gasogi United.

Nyuma yaho benshi bagize ngo ntabwo akomeje kuri uyu mwanzuro bitewe nuko yaba yabikoreshejwe n'umujinya ndetse akaba atari nabwo bwa mbere yaba afashe uyu mwanzuro ariko akaza kwisubira ikipe igakomeza kubaho ariko we akomeza kumvikana mu binyamakuru bitandukanye birimo na InyaRwanda avuga ko agikomeje.

Icyongeye kuri cyo yanandikiye FERWAFA ayisaba ko yamwerera gukura Gasogi United mu mikino yose itegura ariko yo ivuga ko umwanzuro utagomba guhita ufatwa ako kanya kubera ko hari inzira bigomba kubanza kunyuramo.

Nubwo byari bimeze bityo gusa abakinnyi ba Gasogi United bo bakomeje gukora imyitozo bisanzwe none kuri uyu wa Gatanu hagiye hanze amakuru avuga ko KNC yisubiyeho ku mwanzuro yari yafashe ndetse ko iyi kipe igomba gukina na Kiyovu Sports muri shampiyona.

Aganira na Radio 1 mu kiganiro cy’imikino, One Sports Show, KNC yagize ati: “Ndashaka mbwire abantu ko umukino na Kiyovu Sports w’ejo bazawukina ariko nzakomeza gusaba impinduka no gukosora amakosa ari kugaragara mu mupira aho kwihagararaho.'

Biteganyijwe ko kuwa Gatandatu ari bwo Kiyovu Sports izakira Gasogi United kuri Kigali Pelé Stadium saa cyenda mu mukino wo ku munsi wa 19 wa shampiyona y’icyiciro cya mbere mu Rwanda.

Amagambo ya KNC aganira na Radio 1 

KNC yisubiye ku mwanzuro yari yarafashe wo gusesa Gasogi United 

Ku biciro biboneye buri wese, StarTimes ikugezaho buri mukino ndetse n'ubusesenguzi butangwa n'abasesenguzi ba mbere muri Afurika kuri televiziyo yawe. Wowe n'umuryango wawe mwishimire ibi birori by'akataraboneka.

StarTimes yatangiye kukugezaho iyi mikino guhera ku munsi wayo wa mbere tariki 13 Mutarama ndetse izasozanya nayo tariki 11 Gashyantare 2024 mu mashusho ya HD mu kinyarwanda n'icyongereza imbonankubone kuri Sports Premium, Sports Life and Magic Sports.

Iyi mikino yose ni ku 4,500Frw cyangwa 3,500Frw ku ifatabuguzi ry'icyumweru, na 12,000Frw cyangwa 11,000Frw ku ifatabuguzi ry'ukwezi.

Mu gihe imikino ikomeje gukinwa, amakipe umunani yamaze kumenyekana. Afurika y'Epfo yageze muri ¼ nyuma yo gusezerera Maroc yari yageze muri ½ cy'Igikombe cy'Isi giheruka cya 2022, mu mukino w'agatangaza wabereye i San Pedro.

Kagoma za Nigeria zirahura na Angola mu mikino wa mbere wa 1/4 kuri uyu wa Gatanu taliki 2 Gashyantare saa Moya z'umugoroba mbere y'uko Repubulika Iharanira Demokarasi ya Congo ishaka Igikombe cya gatatu icakirana na Guinea guhera Saa yine z’ijoro.

Kuwa Gatandatu tariki 3 Gashyantare Saa Moya z'umugoroba Côte d'Ivoire yakiriye iri rushanwa, ifite icyizere cyinshi imbere y'abafana bayo izahura na Mali yihagazeho cyane muri iki Gikombe.

Ni mu gihe saa Yine z'umugoroba Cape Verde yatanze ibirori muri iki Gikombe, izacakirana na Afurika y'Epfo.

Ni imikino ikomeye utagomba gucikwa aho amakipe azatsinda azakomereza muri 1/2, naho amakipe akomeje ku mukino wa nyuma akaba afite amahirwe angana yo kwegukana iki gikombe.

Komeza ukurikire iyi mikino yose kuri StarTimes kuri Shene zayo za Sports Premium, Sports Life na Magic Sports.

Sangira uburyohe bwa AFCON n'inshuti n'imiryango yawe wirebera Star Times. Ku mafaranga make cyane, ryoherwa n'ibi birori by'akataraboneka birangaje umugabane wose.

Imikino ya 1/4 iratangira kuri uyu mugoroba uyikurikirana hamwe na Star Times

StarTime iragufasha kuryoherwa n’imikino ya 1/4 cya AFCON 

Ni inkongi yadutse mu ijoro ryo kuri uyu wa Kane tariki 01 Gashyantare 2024, aho icyumba cyafashwe cyari kibitsemo ibikoresho binyuranye.

Amakuru y’iyi nkongi yanemejwe n’Umuvugizi wa Polisi mu Mujyi wa Kigali, SP Sylvestre Twajamahoro, wavuze ko iyi nkongi yatangiye ahagana saa tatu z’ijoro.

Ni inkongi yafashe icyumba giherereye ahareba kuri Parking ya Sainte Famille Hotel, winjiriye ku muryango uri ahari Station ya Engen.

SP Sylvestre Twajamahoro yagize ati 'Kugeza ubu icyateye iyi nkongi, ntabwo kiramenyekana, turacyakora iperereza ngo tumenye icyaba cyayiteye.'

Iki cyumba cyibasiwe n’inkongi cyahiriyemo ibikoresho birimo amagare ya siporo, aho harimo ane yari akiri mashya yari akimara kubikwamo, ndetse n’ibitabo n’ibindi bikoresho binyuranye.

SP Twajamahoro avuga ko ishami rya Polisi y’u Rwanda ryageze ahabereye iyi nkongi itarasakara cyane, rikayizimya kugira ngo idakongeza ibindi bice by’iyi nyubako, ndetse na sitasiyo y’ibikomoka kuri Peteroli ihegereye.

Umuvugizi wa Polisi mu Mujyi wa Kigali, yasabye abantu kujya bagenzura ibijyanye n’amashanyarazi, bakirinda gusiga bacometse ibikoresho igihe bavuye mu kazi, kuko biri mu bishobora guteza inkongi z’umuriro.

Yagize ati 'Ni byiza no kujya abantu bagenzura insinga z’amashanyarazi, kuko na zo iyo zishaje cyangwa zagize ikibazo cyo kwangirika biteza inkongi.'

Ibi binini byanditseho ijambo 'P500′ bivugwaho kuba bifite Virus yitwa 'Machupo’ ivugwaho kwica abantu yafashe.

Ubuyobozi bwa Rwanda FDA butangaza ko bwamenye iby’ayo makuru akomeje gukwirakwira ku mbuga nkoranyambaga, ariko akaba atari na bwo bwa mbere akwirakwijwe kuko amaze imyaka irindwi akwirakwizwa mu Bihugu bitandukanye ku Isi.

Rwanda FDA yamenyesheje abantu bose ko nta bwoko bw’iyo miti ya Paracetamol buri ku isoko ry’u Rwanda.

Ubuyobozi bwagize buti 'Ayo makuru akwirakwizwa akaba ari ibinyoma kandi adashingiye ku bumenyi cyangwa ubuhanga ubwo ari bwo bwose.'

Rwanda FDA irizeza abaturarwanda bose ko imiti yose igenzurwa mbere yuko ishyirwa ku isoko kandi igakomeza gukorerwa ubugenzuzi na nyuma yo kugera ku isoko.

Ubuyobozi bw’icyo kigo kandi bwijeje ko buzakomeza gukora ibishoboka byose kugira ngo imiti yose iri ku isoko ry’u Rwanda ibe yujuje ubuziranenge.

Icyo gihuha cyaciye igikuba ku Isi kubera uburyo virusi ya Machupo ivugwaho kuba ari mbi cyane kandi uwayanduye imwica nabi, ahinda umuriro mwinshi no kuva amaraso mu mazuru no mu kanwa.

Uretse ibyo bimenyetso by’ibanze, uwafashwe n’iyo virusi ababara umutwe, imitsi ye ikaryaryata ndetse ikanamubabaza (myalgia), no kubabara cyane mu ngingo (arthralgia).

Ku barwayi bamwe na bamwe, usanga ibimenteso byo kuva amaraso mu kanwa no mu mazuru gukomereka mu muhogo, mu nda no mu myanya myibarukoro.

Hari bamwe birangira batakaje ubushobozi bwo kuyobora imitsi yabo, bagafatwa n’igicuri, gutitira n’ibindi. Urupfu rushobora kubaho nyuma y’amasaha macye gusa cyangwa iminsi mike nyuma yo kugaragaza ibyo bimenyetso.

Kapiteni w’ikipe ya Police FC, Nshuti Dominique Savio yemeje ko bigenze neza uyu mwaka agomba gukora ubukwe n’umukunzi we Umutesi Tracy Tricia bamaze igihe bakundana.

Nshuti Dominique Savio na Umutesi Tracy Tricia bakaba bamaze imyaka irenga 7 bakundukana, bagiye bakunda kugaragarizanya urukundo ku mbuga nkoranyambaga babwirana amagambo meza y’urukundo.

Mu kiganiro kihariye Savio yagiranye n’ikinyamakuru ISIMBI, yavuze ko urukundo rwe na Tricia ubu rugeze aharyoshye ndetse ko Imana ibihaye umugisha uyu mwaka bakora ubukwe, akajya kwa Tracy kumusaba akanamukwa ubundi bakajya imbere y’Imana na yo ikabiha umugisha.

Ati 'Imana nibishaka n’uyu mwaka birashoboka, inzoga zanywebwa mbirimo cyane. Ni we (Tracy) tukiri kumwe nta wundi.'

Muri 2017 ni bwo aba bombi urukundo rwa bo rwatangiye kuvugwa cyane mu itangazamakuru ubwo Nshuti Savio yakiniraga Rayon Sports.

Nk’abantu bakundana hari ibyo bataje guhuza bituma batandukana aho muri 2019 Tracy yaje kubwira itangazamakuru ko afite undi mukunzi.

Aba bombi bari bazi icyo bapfuye ndetse banamaranye igihe, baje kwiyunga bongera gusubira mu rukundo ubu rukaba rugeze aharyoshye.

Nshuti Dominique Savio yamenyekanye cyane muri Rayon Sports yakiniye kuva 2015 ubwo yari avuye mu Isonga, yayikiniye kugeza 2017 ubwo yajyaga muri AS Kigali yakiniye umwaka umwe agahita ajya muri APR FC na yo ayikinira umwaka umwe ari na bwo muri 2019 yahitaga ajya muri Police FC akinira kugeza uyu munsi.