Webrwanda Backend

Author: webrwanda

  • Uwihoreye Ibrahim wari SG wa Musanze FC yasez… – #rwanda #RwOT

    Kuri uyu wa Mbere tariki 11 Werurwe 2024 ubwo abayisiramu bose ku Isi batangiraga igisibo cya Ramadan Kareem, ni bwo Ibrahim na Samia biyemeje kujya imbere y’Imana ngo bagitangire ari umugore n’umugabo. Ni umuhango wabereye mu Majyaruguru y’u Rwanda mu Karere ka Musanze FC ku Musigiti wa  Masdjid Nuur (Umusigiti mukuru wa Musanze).

    Uwihoreye Ibrahim yabwiye InyaRwanda ko bari bamaze imyaka isaga 8 akundana na Samia, bakaba bumvaga igihe ari iki ngo bakomezanye urugendo rw’ubuzima. Tariki 28 Ukuboza 2023, ni bwo Uwihoreye Ibrahim yasezeye ku kazi ko kuba Umunyamabanga Mukuru wa Musanze FC nyuma yaho abonye mu ikipe bitameze neza. 

    Uwihoreye ari mu bafashije iyi kipe kugira umwaka mwiza dore ko Musanze FC yamaze imikino isaga 12 iyoboye urutonde rwa shampiyona.

    Tariki 13 Gashyantare uyu mwaka ni bwo Uwihoreye Ibrahim yari yagizwe Umunyamabanga Mukuru w’iyi kipe, aho yatangiranye akazi na Adel Abdelrahman waje guta akazi bidateye kabiri.



    Kuba bahuje imyemerere biri mu byatumye bombi biyemeza kubana akaramata 





    Samia yari yaramaze kuvuga ‘Yego’ icyari gisigaye ni ukubyereka Imana 

    Source : https://inyarwanda.com/inkuru/140708/uwihoreye-ibrahim-wari-sg-wa-musanze-fc-yasezeranye-imbere-yimana-na-samia-amafoto-140708.html

  • Abakinnyi 62 bose baharitswe bakekwaho kubeshya imyaka mu byangombwa byabo – YEGOB #rwanda #RwOT

    Ishyirahamwe ry'umupira w'amaguru muri Cameroon 'FECAFOOT' ryahagaritse abakinnyi 62 bakekwaho kubeshya imyaka mu byangombwa.

    Nathan Douala (uri hasi mu ifoto) ni umwe mu bahagaritswe, avuga ko afite imyaka 17 nyamara agaragara nk'ukuze.

    Source : https://yegob.rw/abakinnyi-62-bose-baharitswe-bakekwaho-kubeshya-imyaka-mu-byangombwa-byabo/

  • Bimwe mu biciro bishya by'ingendo mu modoka zitwara abagenzi mu buryo bwa rusange bajya mu ntara – YEGOB #rwanda #RwOT

    Bimwe mu biciro bishya by'ingendo mu modoka zitwara abagenzi mu buryo bwa rusange bajya mu ntara:

    -Nyabugogo-Gakenke : 1280Frw

    -Nyabugogo-Musanze ni 2811 Frw

    -Nyabugogo-Kayonza ni 2310 Frw

    -Nyabugogo —Kiramuruzi ni 3070.

    -Nyabugogo — Nyagatare ni 4956 Frw

    — Nyabugogo —Kagitumba ni 5833 Frw

    -Nyabugogo-Muhanga ni 1506 Frw

    -Nyabugogo-Ruhango ni 2178 Frw

    -Nyabugogo-Nyanza ni 2705

    -Nyabugogo-Huye ni 3742 Frw.

    -Nyabugogo — Nyamasheke ni 6257 Frw

    -Nyabugogo-Kamembe ni 7602 Frw

    -Nyabugogo-Rubavu ni 4839 Frw.

    — Nyabugogo-Huye-Kamembe: 8,450 Frw

    — Nyabugogo-Rubavu: 4,839 Frw

    — Nyabugogo-Nyagatare: 4,956 Frw

    — Nyabugogo-Rusumo: 5,190 Frw.

    Bizatangira gukurikizwa tariki ya 16 Werurwe 2024.

    Source : https://yegob.rw/bimwe-mu-biciro-bishya-byingendo-mu-modoka-zitwara-abagenzi-mu-buryo-bwa-rusange-bajya-mu-ntara/

  • Amazi ni VitalO! Menya byinshi ku mazi ahend… – #rwanda #RwOT

    Mu ijoro ryo ku wa 17 Gashyantare 2024 nibwo uruganda ruhiga ibindi mu kwenga no gucuruza ibinyobwa bisembuye n’ibidasembuye ‘Bralirwa Plc’ yamuritse amazi mashya ya Vitalo'O, mu birori byebereye muri Kozo Kigali Restaurant, bikitabirwa na n’abarimo Nyampinga w’u Rwanda 2018, Iradukunda Liliane.

    Amazi yamuritswe icyo gihe, ari mu macupa abiri meza harimo irya santilitilo 50 rikozwe muri pulasitiki (ridasubizwa) ndetse n'irya santilitilo 30 ry'icyuma  ryo risubizwa ku ruganda.

    Amazi ya Vitalo'O ntabwo ahenze kuko iryo mu icupa rya santilitilo 30 rigura 500 Frw, mu gihe irya santilitilo 30 rigura 700 Frw. Usibye kuba ahendutse, afite icyanga cyasoborwa na buri wese wamaze gusobanukirwa n'ibanga ryayo.

    Abakora aya mazi bafite intero igira iti: 'Amazi ni ubuzima, amazi ni ingenzi kandi Amazi ni Vital'O.'

    Ubwo hamurikwaga aya mazi yizewe kandi ahendukiye buri wese, umuyobozi mukuru wa Bralirwa Plc, Etienne Saada, yatangaje ko bakora uko bashoboye kugirango abakiliya bayo bagerweho n'ibinyobwa bifite ubuziranenge.

    Uyu muyobozi yakomeje avuga ko gushyira ku isoko amazi mashya ya Vital’O, ari ugukomeza guhaza ibyifuzo by’ababagana kugirango barusheho kunogerwa na serivisi bahabwa dore ko ibyifuzo byiyongera umunsi ku munsi.

    Aya mazi ya Vital’O agera ku isoko, yaje ahasanga andi ya ‘Vitalo'O yamenyekanye nka Eau Gazeuse imaze imyaka 50 ku isoko. Aya mazi ya Vital'o's akozwe mu buryo bw'umwemerere, akaba aza mu icupa ry'ikirahure rya Santilitiro (CL) 30 ndetse n'icupa rya pulasitike rya Santilitiro 50.


    Amazi ya Vital’O arizewe kandi arahendutse

    Aya mazi akoranye icyanga, komeje kwigarurira imitima y’abanyarwanda

    Niyo mazi meza agezweho ku isoko


    Amazi ni ubuzima amazi ni ingenzi amazi ni Vital’O   

    Source : https://inyarwanda.com/inkuru/140696/amazi-ni-vitalo-menya-byinshi-ku-mazi-ahendutse-kandi-yizewe-akomeje-kuryohera-abanyarwand-140696.html

  • Kicukiro: Umunyamakuru Ndahiro Valens Papi yakubiswe na DASSO kugeza akomeretse – VIDEWO – YEGOB #rwanda #RwOT

    Umunyamakuru wa BTN TV, Ndahiro Valens Papi, yakomerekejwe n'umukozi w' Urwego rwunganira Akarere mu gucunga Umutekano (DASSO), mu Karere ka Kicukiro.

    Uyu munyamakuru avuga ko yasagariwe kuri uyu wa kabiri tariki ya 12 Werurwe 2024, ubwo yari yagiye gutara inkuru mu Murenge wa Niboye.

    Ndahiro yagize ati 'Twari turi ahantu kicukiro ahantu bari gusenyera abaturage bavuga ko bubatse mu buryo bunyuranyije n'amategeko. Ariko abaturage bakagaragaza ko hari ibaruwa y'umujyi igaragaza ko abo baturage bashobora kwisanira. Ariko umwe mu bahafite inzu, agaragaza ko yatswe miliyoni 3frw n'us'inzwe imyubakire ku Karere, umusaza uhari akavuga ko yasabwe ruswa ya 3000 frw na Dasso ku rwego rw'Umurenge, barayabima, bakavuga ko ariyo ntandaro yo kuvuga ko bitemewe, bikabaviramo gusenyerwa.'

    Yakomeza agira ati ' Baduhamagaye rero nk'itangazamakuru ngo tugaragaze akarengane ko gusenyerwa. '

    Uyu munyamakuru yakomeje agira ati 'natangiye akazi ko gutara inkuru maze DASSO nta kintu na kimwe yambajije, yahise atangira kuniga, yankubise ingumi ku munwa, ndakomereka ariko nta gikoresho cyamenetse.'

    Umuvugizi wa Polisi mu Mujyi wa Kigali, SP Sylvestre Twajamahoro, yabwiye ikinyamakuru Umuseke dukesha iyi nkuru ko inzego ziri kubikurikirana.

    #RwOT Ndifuza kumenya Hari ibwiriza Cyangwa Itegeko ryahawe urwego rwa Dasso Ryo Gukubita itangazamakuru Cyangwa kurimenagurira ibikoresho ? Ribaye rihari mumbwire Cyangwa se hatangwe ubutabera aho Dasso Iduhohoteye mukarere @KicukiroDistr . pic.twitter.com/V9AV662TEA

    — NDAHIRO Valens Papy (@NdahiroPapy) March 12, 2024

     

    Source : https://yegob.rw/kicukiro-umunyamakuru-ndahiro-valens-papi-yakubiswe-na-dasso-kugeza-akomeretse-videwo/

  • Access Bank Rwanda Plc yishimiye uruhare yagi… – #rwanda #RwOT

    Yashyikirijwe iki gikombe mu ijoro ryo ku wa Gatandatu tariki 9 Werurwe 2024, mu muhango wabereye ku kibuga Kigali Golf Resort & Villas i Nyarutarama, wahujwe no kwizihiza Umunsi Mpuzamahanga w'Umugore, ubusanzwe wizihizwa buri tariki 8 Werurwe.

    Umuryango w'Abimbuye (ONU) wavuze ko muri uyu mwaka wa 2024 mu kwizihiza Umunsi Mpuzamahanga w'Umugore hisunzwe insanganyamatsiko igira iti 'Gushora imari mu bagore: Kwihutisha iterambere'.

    Urubuga rwa International Women’s Day rwo rwahisemo insangamatsiko ivuga ngo 'Gukangurira kudaheza'

    Ni ku nshuro ya kabiri iri rushanwa 'International Women's Day Golf Tournament 2024' ryari rikinwe. Kuri iyi nshuro ryahujwe no gushishikariza abagore kwitabira uyu mukino wa Golf, kuko umubare w'abo ukiri muke ugereranyije n'abagabo.

    Umuyobozi wa Access Bank Rwanda PLC Ushinzwe Ubucuruzi buto n'Ikoranabuhanga, Prossie Kalisa yumvikanishije ko iyo uteje imbere abagore 'uba uteje imbere igihugu cyose'.

    Mu ijambo rye, yavuze ko muri Access Bank basanzwe bafite gahunda iteza imbere abagore izwi nka 'Women Initiative' binyuze mu kubashyigikira mu mishinga yabo ishamikiye ku bucuruzi, kubaha ubumenyi n'amahugurwa bibaherekeza mu mikorere yabo ya buri munsi.

    Muri rusange iyi gahunda ya 'Women initiative' igamije gufasha abari n'abategarugori gutinyuka kwizigama, kwihangira imirimo no kwaka inguzanyo ngo babashe gukomeza kwiteza imbere.

    Prossie Kalisa ati 'Tubashyigikira mu buryo bw'ishoramari n'ubundi… Icyo dukora, tureba abagore bakora ubucuruzi hanyuma tukabahugura, tukareba uko ubucuruzi bwabo bwatera imbere aho bakorera hose”.

    Access Bank Rwanda yatangiye gukorera mu Rwanda muri Mutarama 2009. Prossie Kalisa yavuze ko intego yabo irenze gushyigikira abantu mu rwego rw'imari. Avuga ko buri wese akwiye kugira uruhare mu kurandura inzitizi zituma umugore atagera ku nzozi ze. Ati 'Tugire uruhare mu kurema Isi, aho umugore abaho yisanzuye.'

    Yabwiye abagore bari bitabiriye itangwa ry'ibi bihembo bishamikiye kuri Golf, gukoresha imbaraga bifitemo, bakagaragaza ubushobozi bwabo kuko 'iyo mugize uruhare muba muteje imbere Isi'.

    Uyu muyobozi yabwiye abagore ati 'Access Bank iri kumwe namwe muri buri ntambwe yose mutera'. Yungamo ati 'Kuri buri mugore wese uri hano muri uyu mugoroba, turabashishikariza kugira uruhare mu mbaraga zishyirwa mu buringanire no guteza imbere abagore ku Isi yose…'

    Bishimira uko umwaka ushize ryagenze, kandi umubare w'abagore uryitabira ugenda wiyongera.

    Access Bank isanzwe ifasha abagore mu kwiteza imbere binyuze mu kubaha inguzanyo ku nyungu ishimishije, ubujyanama buhekereza ibikorwa byabo n'ibindi. Kandi bafite Ishami ry'abari n'abategarugori (women banking unit), rinakora ibikorwa bitandukanye byo gufasha.

    Stella Matutina ni umwe mu bakobwa bitabiriye iri rushanwa, ndetse yabashije kuza ku mwanya wa mbere mu cyiciro 'Ladies Gross Winner'. Ni ubwa kabiri uyu mukobwa wiga ibijyanye n'ikoranabuhanga muri IPRC, atsinze muri iri rushanwa

    Yavuze ko hari intambwe imaze guterwa, kuko umwaka ushize irushanwa rya Golf ryashoboraga kwitabirwa n'abagore nka 15, ariko muri iki gihe umubare ugeze nibura ku bagore 40 bashobora kwitabira gukina Golf.

    Uko ibihembo byatanzwe:

    Ankunda Andrew yahize abandi mu cyiciro cy'abagabo bateye agapira kure kurusha abandi (Longest Driver Men) naho Jenny Linda ahiga abandi mu cyiciro cy'umugore wateye kure agapira kurusha abandi (Longest Driver Ladies).

    John Bideri niwe mugabo wakinnye neza abasha kwegereza agapira hafi y'akadarapo (Nearest to the Pin-Men) n'aho Reeder Patti yabaye uwa mbere mu bakobwa wabashije kwegereza agapira hafi y'akadarapo (Nearest to the Pin-Ladies).

    Mu cyiciro cy'abagabo batangira gukina Golf ku manota ari hagati ya 19 na 28 (19-28) hahembwe babiri: Mulisa Jean Bosco wagize amanota 30 na Rugamba Issac wagize amanota 32.

    Mu cyiciro cy'abagabo cy'abagerageza gukina gihujwe n'icyiciro cy'abazi gukina (0-18), hahembwe babiri: Edward Okoth ufite amanota 72 na Muhamed Jagani ufite amanota 68.

    Mu cyiciro cy'abagore bagerageza, ndetse n'abazi gukina batangiriye ku manota (27-36) hahembwe Teta Mpyisi (34), Sage Nyauma (35), Uwanyirigira Gloriose (38) ndetse na Salange Uwingabe (41).

    Mu cyiciro cy'abagerageza (19-26) hahembwe Nshuti Mbabazi (29), Melissa Akanigi (30), Sheetal Philip (30) ndetse na Misari Cecilia (39).

    Mu cyiciro cy'abazi gukina (0-18) hahembwe bane: Mugeni Lynda (78), Alice Rwigema (78), Briggette Harrington (76) ndetse na Reeder Patti (71).

    Uwakinnye neza kurusha abandi bagabo (Men Gross Winner) yabaye Sezibera Gerard wagize amanota 69 na Stella Matutina wakinnye neza kurusha abandi bagore (Ladies Gross Winner) wagize amanota 82.

    Mu mukino wa Golf iyo bahemba ntabwo bahera ku cyiciro cya mbere, ahubwo bahera ku cyiciro cy'abameze nk'abatangira batazi gukina neza. 

    Umuyobozi wa Access Bank Rwanda PLC Ushinzwe Ubucuruzi buto n'Ikoranabuhanga, Prossie Kalisa (Uri iburyo) yakira igikombe ku bw'uruhare Access Bank yagize muri iri rushanwa

    Iri rushanwa ryasojwe ku wa Gatandatu tariki 9 Werurwe 2024, ku kibuga cya Kigali Golf Resort&Villas Nyarutarama, hatangwa ibihembo ku bagore n'abagabo bahize abandi
     Umuyobozi wa Access Bank Rwanda PLC Ushinzwe Ubucuruzi buto n'Ikoranabuhanga, Prossie Kalisa ubwo yari ku kibuga cya Golf i Nyarutarama
     Umuyobozi ukuriye abagore bakina Golf muri Kigali Golf Club (Uri iburyo), Jenny Linda Kalisa, yagaragaje ko bishimiye uruhare Access Bank yagize kugirango irushanwa rigende neza

    Source : https://inyarwanda.com/inkuru/140693/access-bank-rwanda-plc-yishimiye-uruhare-yagize-mu-irushanwa-rya-golf-rishamikiye-ku-gutez-140693.html

  • Umutuzo w'Agatha Kanziga n'abandi bajenosideri bari Bufaransa waba usatira iherezo? #rwanda #RwOT

    Impuruza zisaba ko abagize uruhare muri Jenoside yakorewe Abatutsi bashyikirizwa ubutabera bahanwa, aho baba bari hose ku isi, zakomeje kwiyongera, nyamara ubushake buke bw'abanyapolitiki mu bihugu byinshi, bukomeza kubangamira ubutabera.

    By'umwihariko, ba ruharwa bakomeje kubona uBufaransa nk'igihugu cy'isezerano, ndetse bahamara imyaka myishi bibereye mu mutuzo, aho ukuboko k'ubutabera kutabashyikira.

    Uku niko abarimo Agatha Kanziga, Jenerali Aloys Ntiwiragabo, Col. Laurent Serubuga n'abandi bicanyi batabarika, bamaze imyaka 30 bageretse akaguru ku kandi, kuko bibwira ko nta cyaha kiri mu kwica Abatutsi. Aho mu Bufaransa kandi abahakana bakanapfobya Jenoside yakorewe Abatutsi baraganje, hatitawe ku kuba icyo ari icyaha gihanwa n'amategeko y'icyo gihugu

    Ese uyu mudendezo waba ugeze ku musozo? Abatekereza ko ak'abajenosideri bari mu Bufaransa kaba kagiye gushoboka, barabihera ku ijambo Umushinjacyaha Mukuru wa Repubulika y'uBufaransa, Jean-François Richard yavugiye i Kigali kuri uyu wa mbere tariki 11 Werurwe 2024, ubwo yatangazaga ko' habayeho koko gukererwa mu gushyikiriza abajenosideri inkiko, ko ariko bigomba gukosorwa bakaburanishwa byihuse'.

    Bwana Jean François Ricard yasobanuye ko urwego ayobora rufatanya n' Ubushinjacyaha bw'u Rwanda kwegeranya ibimenyetso, bityo mu gihe cya vuba, mu Bufaransa hakazatangira imanza nyinshi z'abakekwaho uruhare muri Jenoside yakorewe Abatutsi. Ati: Igihe kiradusiga, kandi uko dutinda gushyikiriza aba bantu ubutabera, ni nako ibimenyetso birushaho gusibangana. Dufite umukoro wo kuburanisha bariya bantu [bakekwaho ubunyamaswa bukabije]' .

    Kugeza ubu mu Bufaransa habarurwa imanza 7 gusa zijyanye na Jenoside yakorewe Abatutsi zaburanishijwe.

    Imiryango mpuzamahanga iharanira ubutabera, harimo n'irengera inyungu z'abarokotse Jenoside yakorewe Abatutsi, isanga izo manza ari nkeya cyane, ugereranyije n' umubare w'abari mu Bufaransa bakwaho uruhare muri iyo Jenoside, ndetse n'imyaka ishize bakoze ibyaha. Aha bibutsa rya hame rivuga ko'ubutabera butinze butaba bukiri ubutabera bunoze'.

    Nk'umuryango wa Daphroza na Alain Gauthier utarahwemye gusaba ko abajenosideri bose bahanwa, uvuga ko bibabaje kuba abaregwa ibyaha biremereye nka jenoside bamara imyaka 30 bidegembya, bataburanishijwe ngo bahanwe cyangwa babe abere. Bati:' Muri iyo myaka yose hari ibimenyetso byatakaye. Hari abatangabuhamya bitabye Imana, ndetse n'abanyabyaha bapfuye bataryojwe ubugome bwabo'.

    Ubucamanza bwo mu Bufaransa bwakomeje kunengwa ubushake buke mu guhana abo bajennosideri. Urugero ni uko na bake bashyikijwe inkiko byakozwe ku gitutu cy'abaharanira inyungu z'abarokotse Jenoside yakorewe Abatutsi, atari ubushake bw' ubushinjacyaha bw'uBufaransa, kuko bwatangiye gukora amadosiye bubyibwirije nyuma y'imyaka 25 yose, habaye Jenoside yakorewe Abatutsi.

    Abasesenguzi basanga ari byiza ko ubutabera bwo mu Bufaransa bugiye kwikubita agashyi. Basanga ariko bukwiye gutera indi ntambwe, abakekwaho ibyaha bakoherezwa kuburanishirizwa aho babikoreye, nk'uko u Rwanda rubisaba, ndetse ibihugu binyuranye, birimo ibyo mu Burayi n'Amerika, bikaba byarubahirije iki cyifuzo.

    The post Umutuzo w'Agatha Kanziga n'abandi bajenosideri bari Bufaransa waba usatira iherezo? appeared first on RUSHYASHYA.

    Source : https://rushyashya.net/umutuzo-wagatha-kanziga-nabandi-bajenosideri-bari-bufaransa-waba-usatira-iherezo/?utm_source=rss&utm_medium=rss&utm_campaign=umutuzo-wagatha-kanziga-nabandi-bajenosideri-bari-bufaransa-waba-usatira-iherezo

  • Ubugabo butisubiraho bubyara ububwa! Dynamo yo mu Burundi yari yakuwe mu irushanwa kubera kwanga kwambara Visit Rwanda yasubijwemo – YEGOB #rwanda #RwOT

    Ku munsi w'ejo nibwo hakwirakwiye inkuru ko ikipe ya Basketball, Dynamo BBC yari yaserukiye Uburundi mu mikino iri kubera muri Africa y'Epfo yatewe mpaga ndetse igahagarikwa mu irushanwa izira kwanga kwambara imyambaro iriho umuterankunga mukuru w'irushanwa ariwe Visit Rwanda.

    Kuri ubu amakuru ahari aravuga ko iyi kipe yasubijwe mu marushanwa nyuma yo kwemera kwambara imyambaro iriho umuterankunga mukuru Visit Rwanda.

    Amakuru kandi akomeza avuga ko nyuma yo kubona ko ikipe yari ihagarariye Uburundi ikuwe mu irushanwa, Umukuru w'igihugu yagiranye ibiganiro n'ukuriye Dynamo ndetse n'abandi bayobozi muri federasiyo, bemeranya ko ikipe ya Dynamo igiye gukurikiza amategeko agenga irushanwa kugirango yemererwe gukina iri rushanwa.

    Kugeza ubu biravugwa ko iyi kipe yakomorewe ikaba izakomeza imikino  nubwo abashinzwe irushanwa batarabyemeza.

    Inkuru nziza ku Barundi n’abakunzi ba Dynamo, inyuma y’ibiganiro indongozi za dynamo bagiraniye n’indongozi z’igihugu bapfunditse ko Dynamo ibandanya amahiganwa ikurikije amategeko asabwa n’abateguye amahiganwa. mwakozwe mwese abagize ico mukora ngo Dynamo ibandanye muri aya… pic.twitter.com/IcFheyoAO2

    — 𝐖𝐢𝐥𝐬𝐨𝐧-𝐋𝐢𝐱𝐨𝐧 (@Wilson_lixon1) March 11, 2024

    Source : https://yegob.rw/ubugabo-butisubiraho-bubyara-ububwa-dynamo-yo-mu-burundi-yari-yakuwe-mu-irushanwa-kubera-kwanga-kwambara-visit-rwanda-yasubijwemo/

  • Imyaka ntiyihishira! Cristiano Ronaldo, igitego yahushije ari kumwe n’umunyezamu bonyine cyitumye Al Nassr isezererwa muri Champions League ya Asia – VIDEWO – YEGOB #rwanda #RwOT

    Ku mugoroba wo kuri uyu Mbere tariki 11 Werurwe 2024, ikipe ya Al Nassr ikinamo Cristiano Ronaldo yasezerewe na Al Ain muri 1/4 cya Champions League ya Asia kuri Penariti 1-3 za Al Ain.

    Muri uyu mukino, Cristiano Ronaldo w'imyaka 39 y'amavuko, yahushije igitego cyababaje abafana biyi kipe kuko yari asigaranye n'umunyezamu bonyine.

    VIDEWO:

    Source : https://yegob.rw/imyaka-ntiyihishira-cristiano-ronaldo-igitego-yahushije-ari-kumwe-numunyezamu-bonyine-cyitumye-al-nassr-isezererwa-muri-champions-league-ya-asia-videwo/

  • Niyonzima Olivier ‘Sefu’ ubwo yari mu mwiherero w’ikipe y’igihugu Amavubi, yatunguwe no kubona ibaruwa imuhagarika imikino 6 yose – YEGOB #rwanda #RwOT

    Komite Nyobozi ya Kiyovu Sports yahagaritse Kapiteni wayo Niyonzima Olivier 'Sefu' imikino 6 ya shampiyona isigaye, baramushinja kutubaha ibiri mu masezerano.

    Iyi kipe muri uyu mwaka w'imikino ifite ibibazo by'amikoro bikomeye, imaze amezi hafi 5 itabasha guhemba abakozi bayo.

    Umukino uheruka bawukinnye nta myitozo bakoze, batsindwa na Etoile De L'Est.

    SEFU uhagarariye abakinnyi, si u bwa mbere muri uyu mwaka agiranye ikibazo na Komite Nyobozi, ahanini gituruka ku kwishyuza ibirarane iyi kipe iba ibafitiye.

    Ubu Kiyovu yafatiwe ibihano na FIFA byo kutagura abakinnyi kubera kwambura abari abakozi bayo mu bihe bitandukanye.

    SEFU ari mu myitozo mu ikipe y'igihugu ifite imikino 2 muri Madagascar, ari nawe mukinnyi wenyine wa Kiyovu wahamagawe mu ikipe y'igihugu iyo ariyo yose.

    Source : https://yegob.rw/niyonzima-olivier-sefu-ubwo-yari-mu-mwiherero-wikipe-yigihugu-amavubi-yatunguwe-no-kubona-ibaruwa-imuhagarika-imikino-6-yose/