Author: webrwanda

Hari abajya bavuga ko gutera penariti ukayinjiza ari amahirwe ariko iyo urebye neza usanga hari abakinnyi bazi kuzitera neza kurusha abandi. 

Mu ikipe biba bizwi ko iyo habonetse penariti hari abakinnyi baba bafite inshingano zo kuzitera bahiswemo n’umutoza bitewe n’ubuhanga budasanzwe baba baragaragaje mu kuzitera.

Tugendeye ku mubare y’ikinyamakuru Opta tugiye kurebera hamwe abakinnyi bagaragaje ko badasnzwe mu gutera penariti mu mateka ya Premier League:

15.Alexis Mac Allister

Uyu mukinnyi ukomoka muri Argentine kuri ubu akaba akinira Liverpool amaze gutera penariti 10 akaba yarinjijemo 9. Yarase penariti imwe gusa agikina muri Brighton ku mukino bari bahuyemo na Wolverhampton Wanderers.

14.Peter Beardsley

Uyu mugabo w’imyaka 63 yakinnye mu makipe arimo Manchester United, Newcastle United na Manchester City akaba yaratsinze penariti 18 muri 20 yateye

13.Erling Haaland

Rutahizamu wa Manchester City, Erling Haaland kuva yagera muri Premier League amaze gutera penariti 11 akaba yaratsinzemo 10.

12.Frank Leboeuf

Umufaransa wakiniye Chelsea hagati yo mu 1996 na 2001,Frank Leboeuf yatsinze penariti 10 muri 11 yateye.

11.Gary Speed

Uyu mugabo kuri ubu usigaye ari umutoza yakinnye mu makipe yo mu Bwongereza arimo Leeds United, Everton na Newcastle United yatsinze penariti 10 muri 11 yateye.

10.Dany Ings

Uyu mukinnyi w’Umwongereza wanyuze mu makipe nka Liverpool, Aston villa na Southampton kuri ubu akaba akinira West Ham United nawe amaze kwinjiza penariti 10 muri penariti 11 yateye.

9.Leighton Baines

Leighton Baines ukomoka mu Bwongereza yabaye myugariro w’ibumoso mu ikipe ya Everton guhera muri 2007 kugeza muri 2020 akaba yarateye penariti 22 ubundi atsindamo 20.

8.Ivan Toney

Rutahizamu w’ikipe y’igihugu y’u Bwongereza na Brentford,Ivan Toney amaze gutera penariti 12 akaba yaratsinzemo 11.

7.Thierry Henry

Umunyabigwi w’ikipe ya Arsenal ndetse n’ikipe y’igihugu y’u Bufaransa,Thierry Henry yateye penariti 25 yinjizamo 23 muri Premier League.

6.Julian Dicks

Julian Dicks yakiniye amakipe atandukanye muri Premier League arimo Liverpool,West Ham United ndetse na Birmingham City akaba yarateye penariti 16 yinjizamo 15.

5.James Beattie

Uyu mugabo w’imyaka 46 yakiniye amakipe atandukanye muri Premier League arimo Everton,Stoke City na Sheffield United akaba yarateye penariti 17 yinjizamo 16.

4.Callum Wilson

Umukinnyi w’ikipe y’igihugu y’u Bwongereza na Newcastle United,Callum Wilson nawe ni umwe mu bakinnyi bazi gutera penariti kugeza ubu muri Premier League. Amaze gutera 17 akaba yarinjijemo 16.

3.Danny Murphy

Danny Murphy yakinaga mu kibuga hagati afasha ba rutahizamu gusatira akaba yaranyuze mu makipe arimo Liverpool, Tottenham Hotspur na Fulham. Muri penariti 19 yateye mu mikino ya Premier League yinjijemo 18.

2.Matthew Le Tissier

Matthew Le Tissier ukomoka mu gihugu cy’u Bwongereza akaba yarakiniye amakipe atandukanye yo muri Premier League niwe uza ku mwanya wa 2 mu bakinnyi bibihe byose mu gutera penariti aho yateye 26 akinjizamo 25.

1.Yaya Touré

Yaya Touré wakinnye muri Manchester City guhera muri 2010 kugeza muri 2008 niwe uza ku mwanya wa mbere mu gutera penariti mu mateka ya Premier League kubera ko penariti 11 zose yateye yarazitsinze.

Yaya Toure niwe mukinnyi wa mbere muri Premier League watsinze penariti zose yateye

Alex Mac Allister ukinira Liverpool nawe ari mu bakinnyi bagaragaje ko bazi kutera penariti neza mu mateka ya Premier League 

Ni imikino yabaye kuri uyu wa Kabiri Saa yine z’ijoro. Arsenal yo mu Bwongereza yari yakiriye FC Porto yo muri Portugal kuri Emirates Stadium.

Arsenal yari iri imbere y’abafana bayo kandi ibizi ko isabwa gutsinda yatangiye umukino iri hejuru cyane yatsa umuriro imbere y’izamu ishaka igitego hakiri kare nk’aho Ben White yashyize umupira ku mutwe gusa uragenda unyura hejuru y’izamu gato cyane.

Ku munota wa 12 Bukayo Saka yazamukanye umupira acenga yinjira mu rubuga rw’amahina arekura ishoti ariko Diogo Costa aratabara arikuramo.

FC Porto yacungiranga ku kwikurukanka imipira gusa nayo yaje kubona uburyo bwashoboraga guteza ibibazo ku ishoti riremeye ryarekuwe na Evanilson gusa rinyura impande y’izamu gato cyane.

Ku munota wa 22 umunyezamu wa Arsenal, David Raya yakoze akazi gakomeye akuramo ishoti riremeye ryari rirekuwe na Evanilson.

Kuwa 40 Leandro Trossard yaje gutsinda igitego ku mupira yahawe na Martin Odegaard bituma igice cya mbere kirangira Arsenal iyoboye n’igitego 1-0.

Mu gice cya kabiri FC Porto niyo yaje itangira gukina neza inasatira binyuze ku barimo Galeno ariko ntibyatinda ikipe y’abarashi itangira kwatsa umuriro imbere y’izamu.

Arsenal yabonye igitego cya 2 gitsinzwe na Martin Odegaard gusa umusifuzi avuga ko Kai Havertz yari yakoreye ikosa Pepe bituma acyanga.

Iminota 90 isanzwe y’umukino yarangiye ikipe y’abarashi ikiyoboye n’igitego 1-0 ariko hitabazwa iminota 30 y’inyongera kugira ngo hamenyekane ikipe ikomeza.

Muri rusange amakipe yombi yari ari kunganya igitego 1-1 bitewe nuko mu mikino ubanza FC Porto yari yatsinze igitego 1-0.

Iminota 30 nayo yarangiye rwabuze gica bituma hitabazwa penariti. Byarangiye ikipe ya Arsenal itsinze penariti 4-2 ihita ikomeza muri 1/4 cya UEFA Champions League 2023-2024.

Undi mukino nawo wabaga ni uwo FC Barcelona yatsinzemo Napoli ibitego 3-1, ni ibitego byatsinzwe na Fermin Lopez ku munota wa 15, Joao Cancelo ku munota wa 17 ndetse na Lewandowski ku munota wa 83 mu gihe icya Napoli cyo cyatsinzwe na Rrahmani ku munota wa 30.

Ubwo bivuze ko FC Barcelona yahise isezerera Napoli ku kinyuranyo cy’ibitego 4-2 kubera ko mu mukino abanza amakipe yombi yari yanganyije igitego 1-1.

Abakinnyi ba Arsenal bishimira ko babonye itike ya 1/4 muri Champions League 

David Raya yakuyemo penariti ya 4 ya FC Porto 

FC Barcelona yasezereye Napoli ikomeza muri 1/4

Kuwa 04 Werurwe 2023 ni bwo Appolinaire Nshuti yambikanye impeta y’urudashira n’umukunzi we Jenny Umurerwa mu birori bashyigikiwemo n’ibyamamare nka Massamba Intore, Aline Gahongayire, Nelson Mucyo, Rev. Dr Antoine Rutayisire n’abandi. Appolinaire avuga ko Imana yamukoreye ubukwe bwiza ku rwego atabitekerezagaho.

Mu kiganiro na inyaRwanda, Nshuti Appolinaire yavuze ko hari ibintu 3 yungukiye mu rushako, akaba yabiheraho ashishikariza urubyiruko kurushinga. Yavuze ko iyo uri wenyine utekereza wenyine, ariko iyo ushatse murafatanya ibyo wakoraga bikikuba. 

Uyu muramyi ukunzwe mu ndirimbo zirimo “Ineza” yakoranye na Patient Bizimana kuri ubu utuye muri Leta Zunze Ubumwe za Amerika, yongeyeho ati “Iyo ushatse ugira umugisha wikubye kabiri. Iyo ushatse, byonyine ni icyubahiro kuri wowe n’umuryango n’igihugu”. 

Ati: “Ibyo nishimira mu rushako, icya mbere ni iterambere kuva nshatse ibyo nakoraga byateye imbere ntabwo ngifata umwanzuro njyenyine, buriya umugore ni ikintu gikomeye hari ibyo nakoraga nzi ngo ni byiza aho nshakiye umugore wanjye yongeramo ubwenge bwe biba byiza kurushaho”. 

Avuga ko umuryango we wagutse, bikaba byarongereye amashimwe muri we. Ati “Ikindi nari mfite umuryango mvukamo gusa n’inshuti, ubu mfite imiryango 2 hiyongereyemo n’uwa madamu, turushaho kwaguka. Ikindi nagira inama urubyiruko bareke imiryango yabo igire uruhare mu gushaka kwabo, iki kintu kirakomeye cyane”. 

Mu mboni ze avuga ko “Impanvu ubona ingo zisenyuka nuko umusore ahura numukobwa gusa yamureba ikimero ngo mbonye umugore sinanze ubwiza pe n’umugorwe wanjye ni mwiza cyane arko famille yanjye yabigizemo uruhari. 

Data hari ijambo yambwiye ati ‘mwana wanjye ujya mu ishamba utazi ugaca inkoni utazi, uzitonde m urushako’, kandi koko ababyeyi banjye bagize uruhare mu rushako rwanjye”. 

Icyo isabukuru y’umwaka umwe ivuze mu rushako rwe! 

Nshuti Appolinaire uri kwizihiza isabukuru y’umwaka umwe mu rushako, avuga ko yasazwe n’ibyishimo kuko “ni wo mwaka wa mbere ushize ndi kumwe n’umugore, ni byiza cyane. 

Ni umwaka wagize impinduka mu gukorera Imana, ni umwaka nahuye n’abantu benshi binyuze kuri madamu, ni umwaka igikundiro n’icyubahiro byikubye, urumva ni byinshi cyane gusa muri byose turashima Imana”.

Nyuma yo gukora ubukwe, umugore we yasubiye muri Leta Zunze Ubumwe za Amerika aho asanzwe atuye, umugabo aguma mu Rwanda. Appolinaire yagize cyo abivugaho ati “Mvuze ko bitagoye kuba madamu tutaba turi kumwe naba mbeshye.” 

Yavuze ibanga ribafasha kurwubaka rugakomera, ati “Ikidufasha gukomeza twishimye nta kindi ni communication cyane, turayubaha, no gusenga dushyiraho uburyo buhoraho bwo gusengana hagati yanjye nawe gusa biradufasha cyane”. 

Appolinaire Nshuti yavuze ko “nk’abakristo, Yesu yavuze ko adusigiye Umwuka Wera nk’umufasha, rero n’ibi nabyo iyo mushyizeho amahame mugasaba Mwuka Wera kuza arabafasha. Ndi mu bagabo bishimye muri iki gihugu cy’u Rwanda”. 

Uyu muramyi washinze umuryango w’ivugabutumwa yise Rejoice Room Ministry, yatumiye abantu bose mu birori byo kwizihiza isabukuru y’imyaka ibiri ishize atangje uy muryango. Ni ibirori byahujwe n’umuhango wo kumwimika nk’Umushumba w’uyu muryango.

Ati “Mboneyeho no gutumira inshuti n’abavandimwe mu gikorwa kizaba 31/3/2024 cya Celebration y’imyaka 2 ishize Rejoice Room Ministry ikora umurimo w’ivugabutumwa mbereye Umuyobozi Mukuru, hakazabamo n’igikorwa cyo kwimikwa kwanjye nka Pastor wa Rejoice Room Ministry”.

Appolinaire Nshuti na Jenny Umurerwa bari kwizihiza isabukuru y’umwaka umwe w’urushako

Aline Gahongayire na Massamba Intore bari mu baririmbye mu bukwe bwa Appolinaire Nshuti

Appolinaire arashima Imana yamuhaye umugore mwiza, ufite umuco n’indangagaciro za Gikristo

Jenny Umurerwa, urukundo rwa Appolinaire Nshuti ugiye kuba Pasiteri

Nubwo baba mu bihugu bitandukanye, kubaha Imana bibashoboza kurwubaka rugakomera

Mu minsi micye araba yitwa Pastor Appolinaire Nshuti nyuma yo gusukwaho amavuta

Umwaka urashize kuva Appolinaire na Jenny bambikanye impeta y’urudashira

REBA INDIRIMBO “INEZA” YA APPOLINAIRE NSHUTI FT PATIENT BIZIMANA

Umulisa yageze mu Rwanda kuri uyu wa Kabiri taliki 12 Werurwe 2024 avuye muri America aho yari amaze icyumweru ku butimire bw'Umuryango wa International Tennis Club USA (USAIC).  

Yari yaragiye gutanga ubuhamya bw'uburyo yarokotse Jenoside yakorewe Abatutsi mu 1994 n'uburyo Tennis yamufashije gukira ibikomere yari yaramusigiye. 

Ibiganiro yatanze byaberaga muri sitade zaberagamo amarushanwa ya BNP Paribas Open 2024 ndetse n’igitangazamakuru cya Tennis Channel TV&Radio gikorera muri Amerika.

Mu kiganiro yagiranye n'Abanyamakuru, Umulisa Joselyne, yavuze ko usibye kuba yaratanze ubuhamya yanahuye n'abasitari batandukanye bakomeye ku Isi mu mukino wa Tennnis kandi akaba yarabigiyeho ibintu byinshi bitandukanye azanasangiza Abanyarwanda.

Umulisa Joselyne yanavuze uko umukino wa Tennis wamufashije gukira ibikomere yatewe na Jenoside yakorewe Abatutsi mu 1994 agira ati' Ni amateka nkunze kugarukaho cyane ari na byo nari nifuje gusangiza Isi muri rusange”.

“Njyewe natangiye gukina Tennis atari uko nshaka gukorera amafaranga. Natangiye gukina Tennis kubera ibikomere nari narasigiwe na Jenoside. Bwari ubumuga kuri njyewe, nta cyizere nari mfite cy’uko nzabaho kandi nkabaho mfite ubuzima budafite ubumuga. Ariko nyuma yo kwinjira mu mukino wa Tennis nakize ubwo bumuga nari mfite hari harimo umugongo wambabazaga cyane ariko waje gukira.

Ikindi nari mfite ihungabana muri njyewe, ntabwo nashoboraga kwakira ibintu byambayeho. Ntabwo nashoboraga kwakira ko nabuze ababyeyi n'abavandimwe, buri gihe nahoraga mu bwigunjye. 

Nyuma yo kujya mu mukino wa Tennis rero byose byararangiye nk’uko Abanyarwanda musigaye mumbona mu isura nshya yuzuye ibyishimo n'umunezero”.

Yanavuze ko yatekereje gushinga  umuryango ufasha abana mu kuzamura impano mu mukino wa Tennis kubera ko hari umwenda yumvaga afitiye igihugu bitewe nuko mu buzima bwe hari byinshi yafashijwe na Leta harimo no kwiga.

Umuryango wa Umulisa Joselyne witwa Tennis Rwanda Children's Foundation ukaba ufasha abana barenga 150 bavuye mu miryango ikennye.

Uyu munsi hasojwe amahugurwa ajyanye no gusaba no gusabira ibyangombwa amakipe hifashishijwe uburyo bw’ikoranabuhanga (Club Licensing Online Platform), abayitabiriye bemeza ko kimwe bizagabanya ari amarangamutima yajyaga agaragara muri FERWAFA mu gihe cyo kubisaba.

Ni amahugurwa y’iminsi ibiri kuva ejo hashize ku wa Mbere tariki 11 Werurwe akaba yaosojwe uyu munsi tariki 12 Werurwe, yaberaga kuri Hilltop Hotel i Remera.

Akaba yaritabiriwe n’abayobozi b’amakipe 16 y’icyiciro cya mbere mu bagabo n’andi 10 ari imbere mu cyiciro cya kabiri. Uretse abayobozi, ni amahugurwa yitabiriwe n’abiganjemo abarimo abanyamabanga b’amakipe ndetse n’abashinzwe ubuzima bwa buri munsi bw’amakipe (Team Managers).

Yateguwe ku bufatanye bw’Ishyirahamwe ry’Umupira w’Amaguru mu Rwanda (FERWAFA), Ubuyobozi bwa Shampiyona y’u Rwanda (Rwanda Premier League Board) ndetse n’impuzamashyirahamwe y’umupira w’amaguru muri Afurika (CAF).

Aya mahugurwa akaba yaratanzwe n’impuguke za CAF ziturutse muri Uganda, Nakagwa Shirah na Kazoora Emmanuel.

Umunyamabanga wa Etoile del’Est, Umulisa Eric yavuze ko ibyo bahuguwe nibabishyira mu bikorwa ari bo bizagirira akamaro.

Ati “ni amahugurwa yaje gufasha amakipe, nidushyira mu ngiro ibyo twahuguwe twebwe amakipe nitwe bizagirira akamaro.”

Ubusanzwe uburyo amakipe yajyaga asaba ibyangombwa, batwaraga impapuro kuri FERWAFA zigaragaza ko bujuje ibisabwa bemerewe kwitabira amarushanwa.

Umunyamabanga wa Rayon Sports, Patrick Namenye we yavuze ko icya mbere bizagabanya ari ibibazo byajyaga bitezwa n’izi mpapuro batwaraga kuri FERWAFA.

Ati “Ni uburyo twari dusanzwe dukora ariko amakipe yajyanaga impapuro kuri Ferwafa, ugasanga rimwe na rimwe birateza ikibazo ariko ubu noneho ni uburyo bw’Ikoranabuhanga riri ku rwego rwa Afurika.'

Yakomeje avuga ko kandi ibi bizazamura urwego rwo gukora kinyamwuga ku makipe no gukoresha umwanya neza.

Ati 'Ibintu byose birimo impapuro, kugenda, kugaruka muri iki kinyejana tugezemo rwose nta bwo bigezweho. Ikoranabuhanga ryoroshya akazi. Biroroshya urwo rujya n’uruza rw’abantu bajyaga kuri federation bitwaje impapuro. Ikindi ni ukoroshya akazi. Ahari abajyaga bagongwa n’igihe ariko ntibizongera kubaho.'

Namenye yemeje ko bizaca amarangamutima ya muntu, kuko hari amakipe yajyaga ajyana ibyangombwa yatinze bigasaba ko ababishinzwe babafasha kuko byabaga ari impapuro ariko ubu byose bizajya bikorerwa ku ikoranabuhanga, uwatinze sisiteme ikamufungiraho ubwo bizajya biba birangiye.

Jules Karangwa, akaba umujyanama mu by’amategeko ndetse na tekinike muri FERWAFA, yavuze ko aya mabwiriza CAF yayashyizeho guhera muri 2012 ariko atakurikizwaga 100% ndetse ubu hakaba hiyongereyemo andi mashya ari na yo mpamvu bayateguye.

Ati “Aya mahugurwa icyatumye ategurwa, ni uko umwaka wa 2022-2023 CAF yashyizeho andi mabwiriza mashya. Iyi gahunda ya Club Licensing yatangijwe na CAF mu 2012 ariko ntiyahita ishyirwa mu bikorwa ku muvuduko wari witezwe. Umwihariko bashyizemo ubu, ni uko noneho barenze ibyo amakipe agomba kuzuza ngo yitabire amarushanwa ya CAF, bashyiraho n’iby’ibanze ku rwego rw’Igihugu.'

Yavuze ko ubu hari ibyangombwa amakipe yitabira amarushanwa Nyafurika yasabwaga bizajya basabwa n’amakipe akina amarushanwa y’imbere mu gihugu.

Bimwe mu birebwaho batanga Club Licensing, harimo kureba niba ikipe ifite ibikorwa bya siporo birimo n’amakipe y’abato, ibikorwaremezo (ikibuga ikipe yakiriraho n’ibiro ikoreraho), ubuyobozi n’abakozi bafite amasezerano, Umunyamategeko n’Ushinzwe Umutungo.

Ikindi bamenyeshejwe ni uko ubu bazajya banasabwa gutanga raporo y’ubuzima bw’abakinnyi uko bahagaze yatanzwe na muganga uzwi mbere gutangira shampiyona.

Ikindi amakipe yajyaga atandukana n’umutoza mukuru ikipe ikamara hafi amezi 3 itozwa n’umutoza udafite ibyangombwa ntibizongera kubaho.