Webrwanda Backend

Author: webrwanda

  • Kwibuka30: Bralirwa yifatanyije nabanyarwand… – #rwanda #RwOT

    Icyumweru cyo kuva ku wa 07 Mata buri mwaka kugeza ku wa 13 Mata, u Rwanda ndetse n'inshuti z'u Rwanda bibuka abazize Jenoside yakorewe Abatutsi mu mwaka wa 1994.

    Muri iki cyumweru, Abanyarwanda byumwihariko urubyiruko rusobanurirwa amateka ashaririye u Rwanda rwanyuzemo kugira ngo bitazongera kuba ukundi ndetse bagashishikarizwa kwimika amahoro ndetse no guharanira iterambere ry'Igihugu muri rusange.

    Nk'uko amahanga yose yahagurukiye gufata mu mugongo u Rwanda, uruganda rwa Bralirwa rwagaragaje ko rwifatanyije n'abanyarwanda muri rusange muri iki gihe turi kwibuka ku nshuro ya 30 Jenoside yakorewe Abatutsi.

    Mu butumwa banyujije ku mbuga nkoranyambaga zabo, Bralirwa yatangaje ko yifatanyije n'abanyarwanda kwibuka ndetse bashishikariza abantu gukomeza kwiyubakira igihugu cyubakiye ku mahoro ku buryo ibyababye bitazongera ukundi.

    Bralirwa yagize iti 'Bralirwa yifatanyije n'abanyarwanda ndetse n'inshuti z'u Rwanda muri iki gihe twibuka ku nshuro ya 30 Jenoside yakorewe Abatutsi. Twubaha Kwibuka abishwe ndetse dushima imbaraga no kwihangana ku barokotse. Twese hamwe, mureke dukomeze inzira y'amahoro ndetse n'u Rwanda rwunze ubumwe.'

    Muri iki cyumweru cyo kwibuka, abantu barakomeza kwihugura ku mateka yaranze u Rwanda, kubabarirana no kwiyunga, gusura inzibutso hirya no hino mu gihugu ndetse n'ibindi bikorwa biganisha ku iterambere rirambye mu nzira y'amahoro.


    Bralirwa yifatanyije n’abanyarwanda muri ibi bihe twibuka ku nshuro ya 30 Jenoside yakorewe Abatutsi

    Source : https://inyarwanda.com/inkuru/141735/kwibuka30-bralirwa-yifatanyije-nabanyarwanda-kwibuka-jenoside-yakorewe-abatutsi-141735.html

  • #KWIBUKA30: Hashimwe Inkotanyi – Ubutumwa bw’abarimo Kevin Muhire, Haruna na Tyson #rwanda #RwOT

    Abakinnyi batandukanye bifatanyije n’Abanyarwanda n’Isi yose muri rusange Kwibuka ku nshuro ya 30 Jenoside yakorewe Abatutsi muri Mata 1994 aho ubutumwa bwa bo bwagiye bugaruka ku guharanira ko bitazongera ukundi.

    Guhera tariki ya 7 Mata 2024, u Rwanda rwinjiye mu cyumweru cy’icyunamo n’iminsi 100 yo Kwibuka Jenoside yakorewe Abatutsi muri Mata 1994.

    Abakinnyi mu mikino itandukanye, nk’abantu bakurikirwa n’umubare munini, ijwi rya bo rikaba rigera kure, batanze ubutumwa mu rwego rwo kwifatanya n’abandi banyarwanda muri ibi bihe bitoroshye.

    Haruna Niyonzima ukinira Al Ta’awon yo muri Libya, yabwiye ISIMBI ko ari ibihe nk’abasiporutifu bakwiye gushyira hamwe bakibutsa ababakurikira kwamaganira kure abagifite ingengabitekerezo ya Jenoside.

    Ati “Muri iki gihe u Rwanda n’Isi twibuka ku nshuro ya 30 Jenoside yakorewe Abatutsi muri Mata 1994, nk’abasiporutifu twese dukwiriye gushyira hamwe twibutsa abakunzi bacu, Abanyarwanda muri rusange kwamaganira kure abapfobya n’abagifite Ingengabitekerezo ya Jenoside. Tugire uruhare mu kwiyubakira u Rwanda ruzira urwango. Twibuke Twiyubaka!”

    Umukinnyi w’ikipe y’igihugu ya Volleyball na REG VC, Niyogisubozo Samuel Tyson, yasabye Abanyarwanda guhorana inyota yo kusa ikivi cy’Abatutsi bishwe muri Jenoside bazira uko bavutse.

    Ati “Ubutumwa nagenera Abanyarwanda muri ibi bihe bikomeye byo Kwibuka abacu bazize Jenoside yakorewe Abatutsi, ni ugukomeza kubaho dukomeye kandi dukomeza kurwanirira kusa ikivi cy’abacu bishwe bazira uko bavutse. Dukomeze twibuke kandi twiyubaka.”

    Mbesutunguwe Samuel wa Police HC ndetse n’ikipe y’igihugu ya Handball yavuze ko nk’abanyarwanda bagomba guharanira ko ibyabaye bitazongera ukundi.

    Ati “Tugomba Kwibuka Twiyubaka duharanira ko bitazongera kubaho ukundi. Rwanda mugogongo uduhetse reka abawe tukwihoreze tukwizeza ko bitazongera kubaho ukundi.”

    Kapiteni wa Rayon Sports, Muhire Kevin yihanganishije buri munyarwanda wagizweho ingaruka na Jenoside ariko na none ashimira Inkotanyi zayihagaritse.

    Ati “Ndihanganisha buri munyarwanda wagizweho ingaruka na Jenoside yakorewe Abatutsi mu 1994 nshishikariza urubyiruko twese ko twaharanira ko bitazongera ukundi. Ndashimira Inkotanyi zahagaritse Jenoside yakorewe Abatutsi.”

    Uwahoze ari myugariro wa Rayon Sports akaba aheruka gusezera, Irambona Eric Gisa yasabye abakuru kwigisha abana amateka y’ukuri y’u Rwanda kandi muri ibi bihe bakaba hafi y’abarokotse Jenoside yakorewe Abatutsi kuko bafite intimba n’agahinda.

    Ati “Dukwiye kwigisha abana amateka, amateka y’ukuri bakamenya ko Jenoside yakorewe Abatutsi ari ikibi kiruta ibindi. Ingaruka za Jenoside yakorewe Abatutsi ziragaragara, ni igihe rero cyo kwirinda ko itazongera kuba ukundi. Tube hafi abarokotse Jenoside kuko ibi ni ibihe bitoroshye kuri bo, bafite agahinda, barababaye kandi twirinde buri muntu wese wagerageza kubakomeretsa, ikindi dutange amakuru ku gihe mu gihe tubonye abagifite Ingengabitekerezo ya Jenoside.”

    Jenoside yakorewe Abatutsi muri Mata 1994, mu minsi 100 gusa abarenga miliyoni miliyoni barihswe bazira uko bavutse.

    Source : http://isimbi.rw/kwibuka/article/kwibuka30-hashimwe-inkotanyi-ubutumwa-bw-abarimo-kevin-muhire-haruna-na-tyson

  • Itangazo ryihutirwa rireba abakoresha n’abakozi mu nzego za Leta n’iz’abikorera – YEGOB #rwanda #RwOT

    Minisitiri y'Abakozi ba Leta n'Umurimo iramenyesha ko Guverinoma y'u Rwanda yatanze ikiruhuko tariki ya 8 Mata 2024.

    Ni ikiruhuko gikurikira umunsi u Rwanda rwatangiriyeho icyumweru cyo kwibuka ku nshuro ya 30 Jenoside yakorewe Abatutsi. Ni umunsi ukomeye ugaruka ku myaka 30 mu Rwanda Abatutsi barenga miliyoni bishwe bazizwa uko bavutse.

    Source : https://yegob.rw/itangazo-ryihutirwa-rireba-abakoresha-nabakozi-mu-nzego-za-leta-nizabikorera/

  • Sega”El uri mu bahanzi bakomeye mu birwa bya… – #rwanda #RwOT

    Uyu mukobwa uri mu bari bahataniye ibihembo bya Trace Awards byatangiwe mu Rwanda ku wa 22-23 Ukwakira 2023, yanditse kuri konti ye ya Instagram mu ijoro ryo kuri iki Cyumweru tariki 7 Mata 2024, agaragaza ko yifatanyije n'Abanyarwanda 'Kwibuka Jenoside yakorewe Abatutsi muri Mata 1994'.

    Yavuze ko mu 'isengesho rye azirikana Abanyarwanda', asaba buri wese 'gusengera amahoro, ihumure n'ubwiyunge'.

    Sega''EL yamamaye mu ndirimbo zirimo nka 'Trakass Pa pu Moin', ndetse mu Kwakira 2023, yari ku rutonde rw'abahanzi baririmbye mu birori bikomeye byatangiwemo ibihembo bya Trace Awards byabereye mu nyubako y'imyidagaduro ya BK Arena.

    Icyo gihe yari no mu bari bahataniye ibihembo, aho yari ahatanye mu cyiciro cy'umuhanzi mwiza ukorera umuziki ku mugabane wa Ocean 'Best Artist Indian Ocean'.

    Ni we mukobwa wenyine wahatanye muri iki cyiciro, kuko yari ahataniye igikombe n'abasore barimo Mikl ndetse na Goulam. Sega El yamenyekanye cyane binyuze mu ndirimbo nka “Trakass Pa Pou Moin” , “En Lèr” , “C’est Gayar D’aimer”  n'izindi.

    Ubwo yatangizaga ibikorwa byo Kwibuka Jenoside yakorewe Abatutsi ku nshuro ya 30 mu muhango wabereye muri BK Arena, Perezida Kagame yavuze ko hari amasomo atatu Abanyarwanda bakuyemo nyuma y'imyaka 30 ishize.

    Ati: 'Icya mbere, twebwe gusa, Abanyarwanda n'Abanyafurika, ni twe dushobora guha agaciro gakwiriye ubuzima bwacu…'

    Yavuze ko icya kabiri ari 'kudategereza gutabarwa cyangwa gusaba uruhushya rwo gukora igikwiye ngo urengere abantu'.

    Perezida Kagame yavuze ko icya gatatu ari 'kurwanya iteka politike y'ivanguramoko. Jenoside ni ivanguramoko ry'uburyo bubi bukabije… kandi kuko impamvu zayo ziba ari iza politike, n'umuti wayo ugomba kuba uwa politike.'

    Ati 'Kubera iyo mpamvu, politike yacu ntishingiye ku moko cyangwa idini, kandi ntizongera kumera ityo.'

    Sega”El yanditse kuri konti ye ya Instagram agaragaza ko yifatanyije n'Abanyarwanda mu Kwibuka ku nshuro 30 ya Jenoside yakorewe Abatutsi

    Sega”El yavuze ko mu isengesho rye azirikana Abanyarwanda, kandi asaba buri wese guharanira Amahoro

    Sega”El ari mu bahanzi bari i Kigali bitabiriye itangwa ry'ibihembo 'Trace Awards' byabereye muri BK Arena 


    Sega ari mu bari bahataniye ibihembo bya Trace Awards mu cyiciro cya ‘Best Artist Indian Ocean’

    KANDA HANO UREBE AMASHUSHO Y'INDIRIMBO 'TRAKASS PA POU MOIN' YA SEGA EL

    “>

    Source : https://inyarwanda.com/inkuru/141728/segael-uri-mu-bahanzi-bakomeye-mu-birwa-bya-reunion-yifatanyije-nabanyarwanda-kwibuka30-141728.html

  • #KWIBUKA30: Irambona Eric yahaye umukoro FERWAFA (VIDEO) #rwanda #RwOT

    Irambona Eric wahoze ari myugariro wa Rayon Sports, yasabye Ishyirahamwe ry’Umupira w’Amaguru mu Rwanda, FERWAFA mu rwego rwo Kwibuka Jenoside yakorewe Abatutsi by’umwuhariko abasiporutifu ko ryajya ritegura irushanwa ngaruka mwaka ryo Kwibuka.

    Ni ubutumwa yatanze mu gihe u Rwanda n’Isi yose muri rusange ejo hashize ku Cyumweru tariki ya 7 Mata batangiye icyumweru cyo Kwibuka Jenisode yakorewe Abatutsi muri Mata 1994.

    Irambona Eric, ni umwe mu barokotse Jenoside yakorewe Abatutsi aho yabaye afite umwaka umwe n’igice, akaba yararokokeye muri Nyamasheke mu Murenge wa Shangi.

    Uyu mugabo uheruka gusezera umupira w’amaguru aho yakiniye Rayon Sports imyaka 8 na Kiyovu Sports imyaka 2, yabwiye ikinyamakuru ISIMBI ko umupira w’amaguru wagize uruhare rukomeye mu kunga abanyarwanda nyuma ya Jenoside yakorewe Abatutsi.

    Gusa akomeza avuga ko abona FERWAFA mu rwego rwo kwibuka abari abakinnyi, abayabozi b’amakipe n’abafana ko hagateguwe irushanwa ngaruka mwaka ryo Kwibuka.

    Ati “Nkeka yaba Minisiteri igira gahunda yo kwibuka abasiporutifu n’amakipe agira gahunda yo kwibuka abasiporutifu, ariko hari nk’ibindi bikorwa byagakozwe bihoraho, hakabaho nk’irushanwa rihoraho, hakabaho nk’irushanwa ngaruka mwaka ryo Kwibuka abasiporutifu bazize Jeniside, kwibuka abari abayobozi b’amakipe, abakinnyi, abafana.”

    “Kikaba atari igikorwa kigorwa n’ikipe imwe nk’uko wenda Rayon Sports ijya kwibuka ahubwo akaba ari igikorwa rusange gihuriweho n’amakipe yose, hakaba irushanwa hagatangirwamo ubutumwa nkeka ko ubwo butumwa bwagera kure.”

    Irushanwa ryo Kwibuka riheruka kuba ryateguwe na FERWAFA ryabaye muri 2017 ubwo hakinnye ikipe y’Igihugu y’u Rwanda ndetse n’iya Maroc.

    Irambona Eric abona FERWAFA ikwiye kujya itegura irushanwa ngaruka mwaka ryo Kwibuka

    Source : http://isimbi.rw/kwibuka/article/kwibuka30-irambona-eric-yahaye-umukoro-ferwafa-video

  • Byinshi kuri Mbarushimana wakomojweho na Pere… – #rwanda #RwOT

    Imyaka 30 irashize Jenoside yakorewe Abatusti ibaye gusa bamwe mu bacurabwenge bayo bakuru kugeza n'ubu ntabwo baragezwa imbere y'inkiko ngo bahanirwe bikwiye ibyaha bakoze benshi baracyidegebya mu bihugu byiganjemo iby'ibihangange byo ku Mugabane w'u Burayi na Amerika.

    Ibi nibyo Perezida Kagame yagarutseho avuga ku buryo n'ubu mubyara we wari Umukozi w'Umuryango w'Ababimbye atarabona ubutabera wishwe mu 1994 atarabona ubutabera agaruka ku bihe Florence yanyuzemo yanageze ku ngingo y'ubutabera.

    Ibi Perezida Kagame abivuga agira ati'Ikibabaje, ni uko uwagambaniye Florence n'abo bari kumwe yakomeje gukorera Loni na nyuma ya Jenoside, kandi ibimenyetso by'uruhare rwe muri Jenoside byaramenyekanye.'

    Yongeraho ati'Abantu baramubonye yishimira urupfu rwa Florence mu ijoro ry'icyo gitero. Yakomeje gukora muri Loni imyaka myinshi, kandi nubwo hari ibimenyetso bimuhamya uruhare rwe, aracyidegembya mu Bufaransa.'

    Twifashishije inkuru zagiye zikorwa n'ibinyamakuru bikomeye nka BBC na Reuters twasanze Callixte Mbarushimana ari we Perezida Kagame yagarutseho.

    Ese uyu mugabo ni muntu ki?

    Callixte Mbarushimana ni umwe mu bakekwaho kugira uruhare rukomeye muri Jenoside yakorewe Abatutsi nubwo kugeza n'ubu atarabihamywa n'urukiko.

    Ku wa 28 Nzeri 2010, Mbarushimana yagejejwe imbere y'Urukiko Mpuzamahanga Mpanabyaha [ICC] ku bw'ibyaha yari akurikiranweho yakoreye mu mashyamba ya Repubulika Iharanira Demokarasi ya Congo muri 2009.

    Nyamara ariko byajye kurangira arekuwe mu Kuboza 2011 hashingiwe ku bimenyetso bidahagije bimushinja.

    Mbarushimana akaba akurikiranweho uruhare mu rupfu rw'abagera kuri 32 bishwe muri Jenoside yakorewe Abatutsi harimo n'abakozi b'Umuryango w'Abibumbye yari afite inshingano zo kurinda.

    Yaje guhagarikwa mu Muryango w'Abibumbye ariko mu 2001 gusa mu 2004 atsindira indishyi z'akababaro zo kuba yarahagaritswe binyuranije n'amategeko.

    Akaba yari yaratangiye gukorera Umuryango w'Abibumbye [Loni] kuva muri 1992 aho yakoreye mu bihugu birimo u Rwanda, Angola na Kosovo.

    Uyu mugabo muri Jenoside yakorewe Abatutsi yasigiwe inshingano zo kurinda abakozi b'uyu muryango bari batarahungishwa.

    Mu bimenyetso byegereranijwe na ICTR, byagaragaje ko yagize uruhare mu gutoza Interahamwe akaza no kuziha imodoka za Loni zifashishije.

    Mubo ashijwa ko yagize uruhare mu kwica hakaba harimo mubyara wa Perezida Kagame, Florence Ngirumpatse nabo bari kumwe.

    Abatangabuhamya bagera muri 20 bakaba bemeza ko Mbarushimana yagize uruhare rukomeye muri Jenoside yakorewe Abatusti harimo no kwica.

    Mbarushimana akaba yarabaye Umunyamabanga Mukuru wa FDLR uyu mutwe ugizwe n'abagize uruhare muri Jenoside yakorewe Abatutsi ndetse bakomeje kugira uruhare mu bikorwa byo guhungabanya umutekano mu Karere.

    Florence Ngirumatse yicanwe n’abo yumvaga ko arokora

    Mu gihe Jenoside yakorewe Abatutsi mu 1994 yarimo ikorwa, bamwe mu bakozi b'Umuryango w'Ababibumbye barishwe, uyu mubyeyi yari mu bakozi b'uyu muryango bari bazwi cyane kubera isano yari afitanye na Perezida Kagame.

    Mu 1990 yigeze gutabwa muri yombi ubwo ibitero by'Inkotanyi byo kubohora igihugu byatangiraga nyuma mu 1994  yafungiwe mu rugo iwe hamwe n'abandi bantu bagera kuri 12 biganjemo abakobwa b'abanyeshuri bari abana b'inshuti nabo bakoranaga.

    Uyu mubyeyi yari yabafashe yizeye ko ubwo ari umukozi w'Umuryango w'Ababibumbye azabafasha akabarinda gusa byaje kurangira bidakunze kuko babuze n'uburyo bwo guhunga.

    Muri ibyo bihe Interahamwe zabaga zica abantu hafi y'urugo rwe ari nako kandi bakomeza gukorera ibikorwa by'iyicarubozo uyu mubyeyi n'abakobwa yari yarahisemo gufasha.

    Ku wa 16 Gicurasi 1994 nk’uko Perezida Kagame yabigarutseho akaba aribwo telefone yo mu rugo rw'uyu mubyeyi yavuyeho aza no kwicwa nyuma y'icyo gihe kingana n'ukwezi yari amaze yarabuze ubuhungiro we n'aba bakobwa bagiye bafatwa ku ngufu mu bihe bitandukanye.

    Callixte Mbarushimana amaze imyaka igera kuri 30 ataragezwa imbere y’inkiko ku byaha ashijwa bya Jenoside yakorewe AbatutsiYigeze gutabwa muri yombi ku byaha nyoko muntu yakoreye mu mashyamba ya Congo Kinshasa 

     

    Source : https://inyarwanda.com/inkuru/141716/ni-muntu-ki-mbarushimana-wakomojweho-na-perezida-kagame-ko-yagize-uruhare-mu-rupfu-rwa-mub-141716.html

  • Kwibuka30: Amasomo atatu Abanyarwanda bakuye… – #rwanda #RwOT

    Mu ijambo yavuze atangiza ibikorwa byo Kwibuka ku nshuro ya 30 Jenoside yakorewe Abatutsi kuri iki Cyumweru tariki ya 7 Mata 2024, mu muhango wabereye muri BK Arena, Perezida Kagame yavuze ko nyuma ya Jenoside habayeho gutekereza, Abanyarwanda barenga akaga bahuye nako, baba abantu bafite ahazaza.

    Perezida Kagame yavuze ko ibi byavuyemo amasomo atatu Abanyarwanda bubakiyeho, ndetse no ku banyafurika muri rusange. Yavuze ko nk'Abanyarwanda 'ari twebwe ubwacu bo guha ubuzima bwacu agaciro bukwiye'. Ati 'Ntabwo twasaba abandi guha ubuzima bw'Abanyafurika agaciro, karuta ako tubuha twebwe ubwacu. Iryo niryo shingiro ryo kwibuka no kuvuga amateka yacu, nk'uko twayabayemo.'

    Isomo rya kabiri, Umukuru w'Igihugu yavuze ko ni 'ukudategereza ko hari undi uza gutabara cyangwa ngo usabe uruhushya rwo gukora igikwiye kugirango urinde/utabare abaturage'. Yavuze ko abantu bashyira ibikangisho ku Rwanda batazi 'ibyo baba bari kuvuga'.

    Umukuru w'Igihugu, yavuze ko kudategereza guhabwa uruhushya n'abandi, biri mu mpamvu u Rwanda 'rwitabira ibikorwa byo kubungabuhanga amahoro no gufatanya n'ibindi bihugu mu buryo bw'amasezerano iyo tubisabwe'.

    Isomo rya Gatatu Perezida Kagame yavuze ko ryavuye mu rugendo rwo kwiyubaka k'u Rwanda ni 'ugushikama ukarwanya Politiki ishingiye ku moko uko yaba imeze kose'.

    Umukuru w'Igihugu yavuze ko 'Jenoside ari ugushaka gushimisha ubwoko bumwe wangisha ubundi, kubera ko ibiyitera ari Politiki n'ibisubizo nabyo bigomba kuba Politiki'.

    Perezida Kagame yavuze ko Politiki y'u Rwanda idashingiye ku moko cyangwa idini. Kandi ntabwo izongera kuyishingiraho ukundi.

    Yavuze ko nta kintu kibi cyaba ku Banyarwanda 'kuruta ibyo twanyuzemo'. Yavuze ko u Rwanda rutuwe n'abantu Miliyoni 14 'biteguye guhangana n'icyo ari cyo cyose cyashaka kudusubiza inyuma'.

    Perezida Kagame yavuze ko amateka y'u Rwanda yerekana kandi ashushanya imbaraga abantu bifitemo. Yasabye buri wese gukoresha imbaraga afite avuga ukuri kandi akora ibikwiye.

    Perezida Kagame yavuze ko amateka asharira Abanyarwanda banyuzemo yabasigiye amasomo atatu arimo kwirwanirira

    Perezida Kagame yavuze ko icyizere cy'u Rwanda kiri mu rubyiruko

     

    KANDA HANO UREBE IJAMBO RYOSE RYA PEREZIDA KAGAME YAVUZE MU GUTANGIZA #KWIBUKA30

    “>

    Source : https://inyarwanda.com/inkuru/141714/kwibuka30-amasomo-atatu-abanyarwanda-bakuye-muri-jenoside-yakorewe-abatutsi-141714.html

  • Ni iki Prof. Gambari washimwe na Perezida Kagame yakoze mu gihe Jenoside yakorerwaga Abatutsi yabaga? #rwanda #RwOT

    Mu muhango wo Kwibuka Jenoside yakorewe Abatutsi ku nshuro ya 30 mu ijambo rye Perezida Kagame yagarutse kugushima abantu n'ibihugu bitandukanye byagize uruhare mu rugendo rwo kubohora no kwiyubaka k'u Rwanda mu myaka 30; Muri abo harimo Prof Ibrahim Gambari ukomoka mu gihugu cya Nigeria.

    Ubwo Jenoside yakorerwaga Abatutsi yatangiraga, isi yose yabaye ntibindeba ndetse Umuryango w'Abibumbye wemeza kugabanya ingabo zabo zari mu Rwanda, Prof Ibrahim Gambari wari uhagarariye igihugu cye cya Nigeria yibukije abagize akanama k'Umuryango w'Abibumbye ko kugabanya ingabo za LONI ari agahomamunwa ko ibizavamo bizaba amateka mabi isi yose izahora yibuka. Niko byagenze.

    Prof. Gambari wasimbuye Keating wa New Zealand ku buyobozi bw'akanama ka LONI gashinzwe umutekano, yibukwa nk'umuntu wasabye LONI kuba yagira icyo ikora ku byaberaga mu Rwanda.

    Gambari na Keating bari bahuriye ku kibazo cyo kubabazwa no kubona nta cyo LONI ikora, nk'uko Keating yabivuze tariki 20 Mata 1994, mu gihe ubwicanyi bwari bukabije, ati 'Birakomeye gusobanura uguceceka kw'akanama gashinzwe umutekano'.

    Gambari, Keating n'abandi bifuzaga ko LONI yatabara mu Rwanda, bisanze bahanganye n'abagize ako kanama k'umutekano bahoraho kandi abo ni bo bafataga ibyemezo. Uwari uhagarariye u Bwongereza muri LONI ku buryo buhoraho, Sir David Hannay yavuze ko kurinda Abasivili mu Rwanda 'bidashobora kugerwaho gusa.' Uwo mudipolomate w'u Bwongereza, yavuze ko LONI idafite ubushobozi bwo gutabara mu Rwanda.

    Mu kiganiro Prof.Gambari yatanze mu 2004, ubwo yari Umunyamabanga wungirije, akaba n'umujyanama wihariye w'Umunyamabanga Mukuru wa LONI ku bijyanye na Afurika, Prof. Gambari yavuze ko icyo gihe, abagize akanama ka LONI ku buryo budahoraho (non-permanent members) akenshi bafatwaga nk'abashyitsi, ku buryo n'ibitekerezo batangaga bitahabwaga agaciro nk'ibya ba bandi batanu bahoraho mu kanama ka LONI gashinzwe umutekano.

    N'ubwo abagize akanama ka LONI gashinzwe umutekano ku buryo budahoraho nta jambo rikomeye babaga bafite, ariko Prof. Gambari yasobanuye ko ibimenyetso bihari ndetse n'ubutumwa (Fax) bwoherejwe n'uwari uyoboye Ingabo z'Umuryango w'Abibumbye zari mu Rwanda (UNAMIR) General Dallaire, bigaragaza ko hari ubwoko burimo kwicwa kandi ku buryo bwateguwe.

    Byafashe ibyumweru ndetse n'amezi kugira ngo ibyo bihugu bikomeye, byicare byige uko ibyaberaga mu Rwanda bikwiye kwitwa, niba byakwitwa Jenoside cyangwa se bitakwitwa gutyo, ariko n'ubwo byari bimeze nabi ubwicanyi bukomeje, ntibashatse kugira icyo bakora ngo bahagarike ubwicanyi.

    Prof. Gambari abajijwe impamvu igihugu cye kitatabaye mu Rwanda n'ubwo ibindi bihugu byari byanze, yavuze ko nta bushobozi igihugu cye cyari gifite bwo gutabara ku buryo bwihuse nk'uko byari bikenewe.

    Gusa ubu ngo iyo asubije amaso inyuma asanga Afurika hari icyo yari gukora mu guhagarika Jenoside, itanagombye gutegereza LONI cyangwa ibihugu bikomeye.

    The post Ni iki Prof. Gambari washimwe na Perezida Kagame yakoze mu gihe Jenoside yakorerwaga Abatutsi yabaga? appeared first on RUSHYASHYA.

    Source : https://rushyashya.net/ni-iki-prof-gambari-washimwe-na-perezida-kagame-yakoze-mu-gihe-jenoside-yakorerwaga-abatutsi-yabaga/?utm_source=rss&utm_medium=rss&utm_campaign=ni-iki-prof-gambari-washimwe-na-perezida-kagame-yakoze-mu-gihe-jenoside-yakorerwaga-abatutsi-yabaga

  • Nyuma y'uruzinduko rwe mu Rwanda, Perezida w'Afrika y'Epfo yahinduye imyumvire ku kibazo cya Kongo #rwanda #RwOT

    Nyuma yo gutega amatwi ijambo rya Perezida Paul Kagame rijyanye no kwibuks ku nshuro ya 30 Jenoside yakorewe Abatutsi, Perezida Cyril Ramaphosa w'Afrika y'Epfo uri mu banyacyubahiro bitabiriye umuhango wo gutangiza icyunamo, yagize ati:'Mvanye mu Rwanda imyumvire mishya.

    Ni ngombwa ko twese dufatanya gushakira ibibazo bya Kongo umuti wa politiki, [aho kwibwira ko byakemurwa n'intambara] kuko aka karere gakeneye amahoro.

    Afrika y'Epfo ni kimwe mu bihugu byohereje ingabo muri Kongo mu butumwa bw'Umuryago w'ibihugu byo mu majyepfo y'Afrika, SADC, zikaba zirwana ku ruhande rwa Leta ya Kongo, mu ntambara ihanganyemo n'umutwe wa M23.

    Mu ijambo ryakoze ku mitima y'abarikurikiye, Perezida Kagame yagarutse ku bajenosideri bo muri FDLR, bagize indiri uburasirazuba bwa Kongo, n'ubu nyuma y'imyaka 30 bakaba bagifite intego yo kugaruka mu Rwanda gusoza umugambi wabo wa jenoside, babifashijwemo n'ubutegetsi bwa Kongo.

    Perezida Kagame ariko yagaragaje ko abafite imigambi yo gusubiza uRwanda mu miborogo barushywa n'ubusa, cyane cyane aho yagize ati:'Iki ni igihugu cy'abaturage miliyoni 14, biteguye kurwanya ikintu cyose cyatuma bongera gutsembwa '.

    Afrika y'Epfo, kimwe n'abandi barwana ku ruhande rwa Leta ya Kongo, bakomeje kwibutswa ko iyo leta yamaze kwinjiza FDLR mu ngabo zayo, kuyishyigikira ku rugamba bikaba bisobanuye kurwanirira abajenosideri.

    Impuguke muri politiki kandi ntizahwemye kwamagana icyemezo cya Perezida Ramaphosa cyo kohereza abasirikari muri Kongo, zisanga ibibazo cya Kongo gishingiye ahanini ku miyoborere mibi, ibuza bamwe mu baturage uburenganzira bwabo, Abakongomani ubwabo bakaba bakwiye kwicarana bagashaka ibisubizo binyuze mu biganiro.

    Mu ijambo rye ndetse no mu kiganiro yagiranye na televiziyo 'SABC' yo muri Afrika y'Epfo minsi mike ishize, Perezida Kagame yasobanuye ko ubufatanye hagati y'uRwanda n'Afrika y'Epfo bwahoze ari ntamakemwa ku butegetsi bwa Nelson Mandela na Thabo Mbeki, ndetse anashima uruhare rukomeye icyo gihugu cyagize mu gufasha uRwanda mu nzira yo kongera kwiyubaka.

    Uwo mubano ngo waje kuzamo kidobya ku ngoma zakurikiyeho muri Afrika y'Epfo, cyane cyane ubwo abajenosideri n'abandi banyabyaha, nka Kayumba Nyamwasa, Patrick Karegeya n'ibindi bigarasha, batangiraga guhungira muri Afrika y'Epfo, ndetse bakanahacurira imigambi yo guhungabanya umutekano w'uRwanda.

    Ese uru ruzinduko rwa Perezida Ramaphosa mu Rwanda, rusa n'urutari rwitezwe na benshi, rwaba rugiye kuvugurira isura y'umubano hagati y'ibihugu byombi, nk'uko hari benshi babyizeye, banabyifuza? Tubitege amaso.

    The post Nyuma y'uruzinduko rwe mu Rwanda, Perezida w'Afrika y'Epfo yahinduye imyumvire ku kibazo cya Kongo appeared first on RUSHYASHYA.

    Source : https://rushyashya.net/nyuma-yuruzinduko-rwe-mu-rwanda-perezida-wafrika-yepfo-yahinduye-imyumvire-ku-kibazo-cya-kongo/?utm_source=rss&utm_medium=rss&utm_campaign=nyuma-yuruzinduko-rwe-mu-rwanda-perezida-wafrika-yepfo-yahinduye-imyumvire-ku-kibazo-cya-kongo

  • Kwibuka 30: Meddy, Ally Soudy, Sonia Rolland… – #rwanda #RwOT

    Kuri uyu wa 07 Mata ni bwo hatangijwe Kwibuka ku nshuro ya 30 Jenoside yakorewe Abatutsi,mu muhango watangiriye ku Urwibutso rwa Jenoside rwa Kigali turi ku Gisozi ugakomereza muri BK Arena.

    Miss Rwanda 2016, Mutesi Jolly akaba yagaragaje ko ibisekuru byo muri za 50 na kugera muri 80, wasangaga bihererekanya ingengabitekerezo ya Jenoside yanabaye imvano ya Jenoside yakorewe Abatutsi mu 1994.

    Ariko ubu byahindutse u Rwanda rugizwe n'abanyarwanda baharanira icyarwubaka ati'Uyu munsi turi igisekuru cyatorejwe kikanahabwa ibya ngombwa bitari ibyo kurandura iryo hererekanwa [Ry'ingengabitekerezo ya Jenoside] gusa ahubwo no kubaka u Rwanda rukomeye, rwunze ubumwe turi abadahagarikwa.'

    Uyu mukobwa yaboneyeho gushimira kandi abagize uruhare mu kubohora igihugu ati'Ku babyeyi bacu babohoye igihugu, bayobozi turashaka kubahamiriza ko ibyuya n'umuhate wanyu bitapfuye ubusa.'

    Miss France 2000, Sonia Rolland ufite Nyina w'umunyarwanda na Se w'umufaransa yifatanije n'abanyarwanda avuga ko yakabaye ari i Kigali ariko bitabashije gukunda ariko azirikana ibihe u Rwanda rwinjiyemo.

    Sonia Rolland ati'Rwanda rwambyaye, Banyarwandakazi, Banyarwanda bavandimwe, kuri uyu munsi wo kwibuka ku nshuro ya 30 abacu bazize akarengane kuko bavutse ndabahumurije mwese. '

    Mu gusoza yasabye ko abantu bose barushaho guharanira ko Jenoside yakorewe Abatutsi itazasubira bibaho #NeverAgain.

    Meddy na we yagaragaje ko u Rwanda rwinjiye mu bihe byo Kwibuka ku nshuro ya 30 ati'Imyaka 30 ishize u Rwanda rwanyuze mu minsi y'umwijima Hora Rwanda #Kwibuka30.'

    Ally Soudy yagize ati'Imyaka 30 irashize, babyeyi twabuze, muhumure twarakuze, ikirenze ibindi, twarashibutse, aya amashami mubona, muhumure azera udushami, ntaho tuzajya, Imana yonyine niyo igena. Reka tubane m’urukundo n’ubumwe.'

    Sonia Rolland yakomeje abanyarwanda muri ibi bihe byo Kwibuka ku nshuro ya 30 Jenoside yakorewe Abatutsi

    Ally Soudy yifashishije abana be yibutsa abanyarwanda ko u Rwanda ruzahorahoMeddy yikije ku myaka 30 ishize Jenoside yakorewe Abatutsi ibaye asaba abantu gukomera Mutesi Jolly yashimiye abagize uruhare mu guhagarika Jenoside yakorewe Abatutsi

    Source : https://inyarwanda.com/inkuru/141709/kwibuka-30-meddy-ally-soudy-sonia-rolland-na-mutesi-jolly-batanze-ubutumwa-bwihumure-141709.html