Author: webrwanda

Senderi ari mu bahanzi bagize uruhare rukomeye bakoresha inganzo zabo mu rugendo rwo kubohora u Rwanda no kubaka Igihugu. Ibihangano bye byubakiye ku kuvuga u Rwanda, kurinda ibimaze kugerwaho, gukumira ingengabitekerezo ya Jenoside n'ibindi.

Mu kiganiro na InyaRwanda, Senderi yumvikanishije ko umusanzu w'umuhanzi mu rugendo rw'ubumwe n'ubwiyunge wigaragaje cyane mu myaka 30 ishize.

Yavuze ko abahanzi bahanze ibihangano byagaruriye ihumure Abanyarwanda, kandi nawe yabigizemo uruhare. Ati “Nkanjye nihereyeho, nakoze indirimbo zagombaga guhumuriza abarokotse Jenoside mu 1994 kuko nabibonye. 

Ndi umuhamya wo guhamya ko abarokotse bari bakeneye amagambo abahumuriza, ndetse bari bababaye cyane birenze uko umuntu utarabonye Jenoside aka kanya iyo amubonye ameze atabyumva.”

Uyu muhanzi yavuze ko ubwo yatangiraga gukora indirimbo zijyanye no kwibuka, byamusabye gukora indirimbo zirenze guhumuriza abarokotse ‘n’uwakoze Jenoside yamara kuzireba akabona ko yakoze icyaha cya Jenoside, icyaha ndengakamere’.

Senderi yavuze ko indirimbo ze zarenze gufasha abarokotse, ahubwo zifasha n’abakiri bato batabonye Jenoside ndetse n’abari mu mahanga kumenya ububi n’ubukana bwa Jenoside yakorewe Abatutsi.

Ati “Bazibonaga ku mbuga nkoranyambaga no kuri Televiziyo. Zagiye zifasha benshi kumenya amateka ya Jenoside yakorewe Abatutsi.

Senderi yahumurije abarokotse, ashima ko ‘baranzwe n’ubutwari bukomeye’. Ati “Mukomere, kandi mwatwaje gitwari. Mukomere, mukomere. Icyo nababwira ni uko mwerekanye ubudasa, mwerekana ubutwari budasanzwe, burangwa n’imbabazi. burangwa n’ubudasa mwaremwanwe.”

  

Yavuze ko intera u Rwanda n’Abanyarwanda bamaze kugeraho ari umusanzu w’abarokotse ‘nk’uko Igihugu cyabibasabaga’.

Avuga ko uretse gukora ibihangano nk'ibi bigaruka ku mateka, bifasha urubyiruko, ari na byiza ko abakiri bato bashyira imbaraga mu kumenya amateka y'Igihugu.

Kuri we, asanga urubyiruko rwamenya amateka y'Igihugu cyane binyuze mu kuyigishwa mu itorero. Ati 'Ndasaba urubyiruko kumenya amateka y'u Rwanda neza bajya mu itorero ahigirwa neza uburere mboneragihugu ku buryo hatagira ugoreka amateka ya Jenoside yakorewe Abatutsi mu 1994.'

Uyu muhanzi wamenyekanye mu ndirimbo zirimo 'Nzabivuga ibyo u Rwanda rwagezeho', avuga ko abakuru bagifite ingengabitekerezo ya Jenoside bakwiriye kuzibukira.

Ati 'Nsaba abakuru, uwaba agifite ingengabitekerezo ya Jenoside kuyireka akayoboka inzira y'Ubumwe bw'Abanyarwanda.' Arakomeza ati 'Tukarinda ibyagezweho muri iyi myaka 30 tukanabyongera.'

Senderi yatangaje ko yakoze indirimbo zitanga ihumure ku barokotse Jenoside, kandi zikabwira n'abakoze Jenoside ko ari icyaha kidasaza

Senderi avuga yavuze ko urubyiruko rukwiye kwigishwa amateka binyuze mu itorero

Senderi avuga ko imyaka 30 ishize Jenoside yakorewe Abatutsi ibaye, umusanzu w'umuhanzi wigaragaza mu rugendo rw'isanamitima

Ubutumwa bwa Senderi mu kwibuka ku nshuro ya 30 Jenoside yakorewe Abatutsi

KANDA HANOUREBE UBUTUMWA BWA SENDERI MU #KWIBUKA30

Iki gisigo bise 'Impamvu yarokotse ('La raison de sa Survie) bagishyize hanze kuri iki Cyumweru tariki 7 Mata 2024, mu gihe Abanyarwanda n'Isi batangiye iminsi 100 yo Kwibuka ku nshuro ya 30 Jenoside yakorewe Abatutsi yatwaye ubuzima bw'abarenga Miliyoni.

Rurangwa Jean Marie Vianney wanditse iki gisigo, asanzwe ari Umwarimu, umwanditsi w'ibitabo, ikinamico ndetse n'imivugo.

Muri iki gisigo gishya, yishyize mu mwanya w'umusore warokotse Jenoside ubabaye, wigunze, wubitse umutwe, wibaza niba koko Imana ibaho.

Ni umusore uri gutekereza ibihe byiza byangijwe n'abicanyi, banamwambuye ibyo we yafataga nk'agaciro gakomeye cyane. Yibuka abe batakiri kumwe, bene wabo, ababyeyi be n'abandi yari kuba ari kumwe nabo iyo baticwa muri Jenoside yakorewe Abatutsi.

Muri we yumva imiborogo y'abana bato bariraga bahamagara ababyeyi babo. Ari kubona amashusho y'abagabo batemagurwaga kuva mu gitondo kugeza n'ijoro.

Ni umusore uri gutekereza ku bagore bafatwaga ku ngufu muri Jenoside, bakabakorera ibintu biteye ubwoba, abasaza binginga ababicaga bakabaha amafaranga kugira ngo 'babice neza'.

Icyusa cy'Ingenzi yabwiye InyaRwanda ko yahuje imbaraga na Rurangwa Jean Marie Vianney mu rwego rwo gutanga umusanzu wabo muri iki gihe cyo Kwibuka ku nshuro ya 30 Jenoside yakorewe Abatutsi no 'kumvikanisha ubukana Jenoside yakoranwe'.

Jenoside yakorewe Abatutsi Jean Marie Vianney Rurangwa atari mu Rwanda, aho akuriye yamenye amateka y'u Rwanda, yiyemeza gukora igisigo yishyize mu mwanya w'umusore warokotse Jenoside ubara inkuru y'uko byagenze.

Mu nyikirizo y’iki gisigo, Cyusa aririmba ashishikariza Abanyarwanda n’Isi yose mu kwibuka ‘kubera ko ari ngombwa’. Ati “Yemwe banyarwanda kwibuka ni ngombwa Pe. Tuzirikana abacu bazize uko baremwe.'

Icyusa cy'Ingenzi yatangaje ko bakoze iki gisigo mu rwego rwo kwibuka ku nshuro ya 30 Jenoside yakorewe Abatutsi.

Mu 2022, Rurangwa yasohoye igitabo yise 'Au-delà de l'imaginable' gishingiye ku buzima bwa nyabwo Abanyarwanda babayemo mu buhunzi mu Burundi. Ni igitabo yatuye Abanyeshuri yigishije kuri Collège Saint Albert i Bujumbura.

Iki gitabo cyaje kiyongera ku bindi bitabo afite bishingiye ku nkuru mpimbano (Roman), byanamusunikiye gukora umuvugo ugaruka kuri Jenoside yakorewe Abatutsi akifashisha Icyusa cy'Ingenzi mu kuwushyira mu majwi. 

Icyusa cy’Ingenzi yifashishije umwanditsi Rurangwa gushyira mu majwi igisigo cyo Kwibuka ku nshuro ya 30 Jenoside yakorewe Abatutsi 

Rurangwa Jean Marie Vianney yanditse igisigo yishyize mu mwanya w'umusore warokotse Jenoside

KANDA HANO WUMVE IGISIGO 'LA RAISON DE SA SURVIE' CYA JEAN MARIE VIANNEY RURANGWA NA ICYUSA CY'INGENZI

Ni ubutumwa yanyujije ku mbuga nkoranyambaga ze mu gihe u Rwanda rwibuka ku nshuro ya 30 Jenoside yakorewe Abatutsi mu 1994.

Jimmy Gatete ufatwa nk’Umunyabigwi w’Amavubi dore ko yayafashije gukina igikombe cy’Afuruka cya 2004 yagize ati: “Kwibuka ni umwanya wo guha icyubahiro no kuzirikana abacu bazize Jenoside yakorewe Abatutsi mu Rwanda mu 1994.”

“Ni umwanya kandi wo gufata mu mugongo abarokotse aya mateka, tukabahumuriza.”

Uyu munyabigwi kuri ubu usigaye utuye muri Leta Zunze Ubumwe z’Amerika ageze ku rubyiruko yagize ati “Ku rubyiruko, ni umwanya wo kwiga mugasobanukirwa amateka ya Jenoside ya nyayo kuko abayagoreka banahakana Jenoside ari benshi kandi ari mwe mugomba kubarwanya. Twibuke Twiyubaka.”

Muri ibi bihe bitoroshye u Rwanda rurimo byo Kwibuka inzirakarengane zazize Jenoside yakorewe Abatutsi mu 1994, abakinnyi b’Abanyarwanda b’umupira w’amaguru ni bamwe mu bakomeje kugenera ubutumwa Abanyarwanda cyane cyane bibanda ku rubyiruko.

Jimmy Gatete wahoze ari rutahizamu w’ikipe y’igihugu Amavubi, yasabye urubyiruko guhangana n’abagipfobya Jenoside yakorewe Abatutsi muri Mata 1994.

Uyu umunyabigwi w’Amavubi utuye muri Leta Zunze Ubumwe za Amerika, muri ibi bihe u Rwanda rwibuka ku nshuro ya 30 Jenoside yakorewe Abatutsi mu 1994, yavuze ko Kwibuka ari umwanya wo guha icyubahiro abazize Jenoside yakorewe Abatutsi.

Ati “Kwibuka ni umwanya wo guha icyubahiro no kuzirikana abacu bazize Jenoside yakorewe Abatutsi mu Rwanda mu 1994. Ni umwanya kandi wo gufata mu mugongo abarokotse aya mateka, tukabahumuriza.”

Yasabye urubyiruko kwiga amateka ya nya yo y’u Rwanda kuko ari bwo bazahangana n’abagoreka amateka y’u Rwanda kuko bagihari kandi ari benshi.

Ati “Ku rubyiruko, ni umwanya wo kwiga mugasobanukirwa amateka ya Jenoside ya nyayo kuko abayagoreka banahakana Jenoside ari benshi kandi ari mwe mugomba kubarwanya. Twibuke Twiyubaka.”

Jimmy Gatete yakiniye ikipe y’igihugu kuva 2001-2009, yakiniye amakipe nka Mukura VS, Rayon Sports ndetse na APR FC.

View this post on Instagram

A post shared by Jimmy Gatete (@_jimmygatete)

Jimmy Gatete yasabye urubyiruko guhangana n’abakigoreka amateka y’u Rwanda

Ambasade y'u Rwanda mu Budage yatangaje ku rubuga rwa X ko iki gikorwa cyabaye kuri iki Cyumweru tariki 7 Mata 2024 mu rwego rwo gutangiza icyumweru cy'icyunamo n'iminsi 100 yo kwibuka Jenoside yakorewe Abatutsi, yatwaye ubuzima bw'abarenga Miliyoni.

Abitabiriye iki gikorwa bagikoreye ahitwa Potsdamer Platz mu Mujyi wa Berlin mu Budage, berekeza ku rwibutso rwa Jenoside, mu rwego rwo kwibuka inzirakarengane zishwe muri Jenoside yakorewe Abatutsi.

Abitabiriye kandi bahawe ikiganiro na Ambasaderi w’u Rwanda mu Budage, Igor César n'abandi. Iki gikorwa cyo #Kwibuka30 cyabaye mu gihe, ku wa 6 Gashyantare 2024 ahitwa i Lauchringen mu Budage hatashywe urwibutso rwa Jenoside nyuma y'imyaka 30 ishize.

Ni urwibutso rwa mbere rwubatswe ku bufatanye bw’Umuryango Uharanira Inyungu z’Abarokotse Jenoside, Ibuka, mu Budage ndetse n’Abanyarwanda baba muri icyo gihugu.

Mu kiganiro yagiranye na InyaRwanda nyuma y'igikorwa cyo #Kwibuka30, Babo yavuze ko amateka yumvise yamukoze ku mutima, bituma yiyemeza gukomeza urugendo rwo kubaka u Rwanda rwifuzwa na buri wese.

Ati 'Nyuma yo kumva amateka ya Jenoside nk'umuhanzi icyo niyemeje ni ugufatanya n'ubuyobozi kubaka Igihugu, ndetse no kubwira urubyiruko hamwe n'abana nzabyara kubigisha amateka y'itegurwa rya Jenoside n'uko yahagaritswe, ku buryo abana banjye cyangwa urubyiruko bazamenya uko bubaka igihugu. Icyo nicyo cyemezo nafashe.'

Uyu muhanzikazi wamenyekanye mu ndirimbo zinyuranye, yabwiye urubyiruko guhuza imbaraga mu rugamba rwo guhangana n'abahakana bakanapfobya Jenoside yakorewe Abatutsi, kuko bafite ubushake n'ubushobozi bwo kwifashisha imbuga nkoranyambaga n'izindi nzira bagaragaza ukuri.

Babo yavuze ko ubuhamya yiyumviye bw'abarokotse Jenoside yakorewe Abatutsi, bwamusigiye umukoro wo 'gusigasira ubumwe n'ubwiyunge mu gihugu cyatubyaye nk'urubyiruko'. Ati 'Igihugu cyaratubyaye, dufite amateka yacu, hari ibyo twiga, ariko hari ibyo tutamenya, rero ni umwanya wacu wo kwiga amateka.'

Ku nsanganyamatsiko igira iti: 'Kwibuka twiyubaka' nk'uko bitangazwa n'Inyoborabikorwa yashyizwe ahagaragara na Minisiteri y'Ubumwe bw'Abanyarwanda n'Inshingano Mboneragihugu (Minubumwe); mu by'ingenzi bizazirikanwa muri iki gihe cyo Kwibuka Jenoside yakorewe Abatutsi harimo;

Ibyo u Rwanda rumaze kugeraho, nko kubumbatira ubumwe bw'Abanyarwanda, kwibuka no gusigasira amateka y'Abanyarwanda, ubutabera n'ubudaheranwa bw'Abanyarwanda no guhora harwanya umuco wo kudahana hakurikiranwa abagize uruhare muri Jenoside no kwamagana imvugo zibiba urwango.

Ambasaderi Igor Cesar [Uwa Gatatu uvuye iburyo] ari kumwe n'Abanyarwanda n'Inshuti mu gikorwa cyo Kwibuka ku nshuro ya 30 Jenoside yakorewe Abatutsi cyabereye mu Budage

Umuhanzikazi Babo [Ubanza Ibumoso] ari mu Magana y'urubyiruko bitabiriye igikorwa cyo kwibuka

Babo yavuze ko ubuhamya bw'abarokotse Jenoside bwamuhaye umukoro wo kubaka Igihugu no kuzigisha amateka abazamukomokamo 

Ambasaderi Igor Cesar yaganirije abitabiriye igikorwa cyo Kwibuka ku nshuro ya 30 Jenoside yakorewe Abatutsi

Ku wa 6 Gashyantare 2024, Ambasaderi Igor Cesar, yafunguye Urwibutso rwa Jenoside yakorewe Abatutsi mu 1994 mu Budage

Insanganyamatsiko y’uyu mwaka iragira iti  “Kwibuka, Twiyubaka”

Abayobozi batandukanye hirya no hino ku Isi, barimo abakuru b’ibihugu bitandukanye, abahagarariye ibihugu n’imiryango mpuzamahanga n'inshuti z'u Rwanda, bakomeje koherereza abanyarwanda ubutumwa bw'ihumure mu gihe bibuka ku nshuro ya 30 Jenoside yakorewe Abatutsi mu 1994.

Umunyamabanga Mukuru wa Commonwealth, Patricia Scotland, yagize ati 'Nyuma y’imyaka 30, ni gute ntashobora gutungurwa cyane no kubura ubumuntu kwa Jenoside yakorewe Abatutsi, agahinda nagize ubwo nabonaga abarenga 10,000 bishwe ku munsi umwe gusa, n'ibihumbi 45 bashyinguwe mu mva rusange ahahoze urusengero i Nyamata.'

Umuyobozi wa Komisiyo y’Umuryango w’Ubumwe bw’u Burayi (EU), Ursula von der Leyen, yagize ati: 'Turaha agaciro abishwe kandi turashima urugendo rw'u Rwanda ruva mu mwijima rugana ku byiringiro, no kuva mu bubabare rugana ku iterambere. Ni urugero rwiza ku Isi.'

Ni mu gihe Perezida w’Inama ya Komisiyo y’Umuryango w’Ubumwe bw’Uburayi, EU, Charles Michel, yavuze ko imyaka 30 ishize Jenoside yakorewe Abatutsi ihagaritswe, ari umwanya wo kwibuka abo yatwaye ubuzima no kwigira ku makosa yakozwe.

Ati 'Nyuma y'imyaka 30 kandi ndabizi icyo umugabane wacu ugomba Afurika, nzi amateka ateye ikimwaro, nzi abayagizemo uruhare, ni nayo mpamvu mu 2000 u Bubiligi bwasabye imbabazi. Inshingano zo kwibuka, mbere na mbere ni ukwiga, kwigira ku makosa.'

Uwahoze ari Ambasaderi wa Israel mu Rwanda, Dr Ron Adams, yagize ati 'Nyuma y'imyaka 30 nyuma ya Jenoside yakorewe Abatutsi mu 1994, mboherereje ubu butumwa kuva muri Isiraheli bwuzuye amarangamutima ku nshuti zanjye zose n'imiryango yanjye bari mu Rwanda. Nifatanije namwe mwese mu guha icyubahiro miliyoni imwe y'Abatutsi bishwe mu gihe cya Jenoside, gusa kubera abo bari bo.'

Umuyobozi wa Komisiyo y'Umuryango wa Afurika yunze Ubumwe, AU, Moussa Faki Mahamat, yavuze ko bifatanyije n’Abanyarwanda mu Kwibuka ku nshuro ya 30 Jenoside yakorewe Abatutsi, anashimangira ko iki gikorwa kigomba gukorwa mu guharanira ko ibyabaye bitazongera ukundi.

Ku rundi ruhande, Umuyobozi wungirije wa AU , Monique Nsanzabaganwa, yatangaje ko Komisiyo y'Umuryango w'Ubumwe bw'Afurika (AU) yiyemeje kurinda urubyiruko gukoreshwa nk'ibikoresho byo gukwirakwiza imvugo y'inzangano n'ingengabitekerezo ya Jenoside, cyane cyane muri ibi bihe biriho aho usanga bahura n'amakuru menshi kubera murandasi n’imbuga nkoranyambaga.

Intumwa yihariye y'Umunyamabanga Mukuru wa Loni muri Centrafrique akaba n'Umuyobozi w'Ubutumwa bw'Umuryango ugamije kugarura amahoro muri iki gihugu, Ambasaderi Valentine Rugwabiza, yagize ati 'Kuri uyu munsi, Abanyarwanda bose, haba mu gihugu ndetse no mu mahanga, Turibuka, dukomeje kurinda Ubumwe bw’agaciro kandi tugatanga ibyo dufite byose mu gukurikirana urugendo rwacu rwo gukomeza kubaka ubuzima bwacu, igihugu cyacu no kurwanya ikwirakwizwa ry’ingengabitekerezo ya Jenoside muri Afurika.'

Perezida w’Akanama k’Umuryango w’Ubumwe bw’u Burayi, Charles Michel, mu butumwa yacishije kuri X, yagaragaje ko ari mu Rwanda ku Rwibutso rwa Jenoside rwa Kigali ruri ku Gisozi, ahatangirijwe igikorwa cyo kwibuka ku nshuro ya 30 Jenoside yakorewe Abatutsi.

Umunyamabanga Mukuru w’Umuryango w’Abibumbye, António Guterres, yavuze ko Isi itazibagirwa abana, abagore n’abagabo barenga miliyoni bazize Jenoside yakorewe Abatutsi, aho yagize ati: “Ntabwo tuzibagirwa abazize Jenoside ndetse ntitwakwibagirwa umuhate w’abarokotse Jenoside n’ubutwari bwo kubabarira bwabaye urumuri n’icyizere cy’ahazaza.”

Minisitiri w'Ububanyi n'Amahanga wa Canada, Mélanie Joly, abinyujije ku mbuga nkoranyambaga ze, yagize ati 'Twifatanyije n'Abanyarwanda mu guha icyubahiro abazize Jenoside yakorewe Abatutsi mu 1994 no gukomeza abayirokotse.'

Minisitiri w'u Bwongereza ushinzwe Iterambere na Afurika, Andrew Mitchell, yavuze ko ubuhamya bw’abarokotse Jenoside  butanga umukoro wo guharanira ko ibyabaye bitazongera ukundi, aho yagize ati: “Uyu ni umunsi w’agahinda ku #Rwanda mu gihe hibukwa Jenoside yakorewe Abatutsi.”

Perezida w'u Bufaransa Emmanuel Macron mu gihe cyo gutangiza ibikorwa byo kwibuka ku nshuro ya 30 Jenoside yakorewe Abatutsi, yashimangiye ubutumwa yatanze ku ya 27 Gicurasi 2021, avuga ko akomeje umugambi we n'u Bufaransa wo gukomeza kugendana n'u Rwanda agatoki ku kandi.

Perezida wa Kenya, William Ruto, yagaragaje u Rwanda nk'Igihugu gifite abaturage baranzwe n'umuhate n'ubudaheranwa nyuma ya Jenoside yakorewe Abatutsi, rukaba ari icyitegererezo ku Isi.

Ni ubutumwa yoherereje u Rwanda mu bihe byo #Kwibuka30, aho yashimiye byumwihariko Perezida Kagame ukomeje kuyobora Abanyarwanda mu cyerekezo gishya.

Perezida wa Madagascar, Andry Rajoelina, we yasabye uruhare rwa buri wese mu guharanira ko ibyabaye bitazongera ukundi. Ati “Amahoro abe inkingi y’ahazaza h’abaturage bacu.”

Ni mu gihe ibihugu birimo u Buhinde, u Bufaransa, Ethiopia, Sénégal na Bénin biri mu bihugu byahagararanye n’Abanyarwanda mu gutangiza ibikorwa byo Kwibuka ku nshuro ya 30 Jenoside yakorewe Abatutsi mu Rwanda, binyuze mu gutaka inyubako n’ahantu nyaburanga habyo mu matara yerekana ibendera ry’u Rwanda.

Amahanga yifatanije n’abanyarwanda mu kwibuka ku nshuro ya 30 Jenoside yakorewe Abatutsi mu Rwanda mu 1994

Rayon Sports y’abagabo n’abagore, ku munsi w’ejo bazibuka Jenoside yakorewe Abatutsi muri Mata 1994, ni mu muhango uzabera ku Rwibutso rwa Nyanza ya Kicukiro.

Ni mu gihe u Rwanda kuva ejo tariki ya 7 Mata 2024 rwinjiye mu cyumweru cyo Kwibuka Jenoside yakorewe Abatutsi muri Mata 1994.

Ni igikorwa iyi kipe ikora buri mwaka, mu rwego rwo guha agaciro Abatutsi bishwe muri Jenoside bazira uko bavutse.

Uyu muhango izawukora ejo ku wa Kabiri tariki ya 9 Mata 2024, uzabanzirizwa n’urugendo aho bazahagurukira kuri New Life Bible Church saa 14h00′.

Uru rugendo ruzaba rugana ku Rwibutso rwa Nyanza aho biteganyijwe ko bazashyira indabo ku mva, bakanunamira imibiri ihashyinguye mu rwego rwo kuyiha icyubahiro.

Urwibutso rwa Nyanza ya Kicukiro aho Rayon Sports izajya kwibukira, rushinguyemo imibiri y’Abatutsi bishwe muri Jenoside yakorewe Abatutsi irenga ibihumbi 105, muri bo abasaga 3000 biciwe ku musozi wa Kicukiro.

Umwaka ushize ubwo u Rwanda n’inshuti za rwo bibukaga ku nshuro ya 29 Jenoside yakorewe Abatutsi, Rayon Sports n’ubundi yibukiye ku Rwibutso rwa Nyanza, umwaka wari wawubanjirije yari yasuye Urwibutso rwa Ntarama mu Bugesera.

Ku munsi w’ejo Rayon Sports izibukira ku Rwibutso rwa Nyanza ya Kicukiro

Biragoye kurondora amazina y'abahanzi bishwe muri Jenoside uko yakabaye kuko uretse abari bazwi cyane kurusha abandi bitewe n'aho bakoreraga ubuhanzi bwabo, hari abandi batarashyirwa ahagaragara cyangwa amazina yabo akaba azwi na bamwe. Muri abo twavuga nk'ababarizwaga mu matsinda, amatorero na korali zo hirya no hino mu Rwanda.

Gusa, uko iminsi igenda iza niko urutonde rw'abahanzi bahitanywe na Jenoside rugenda rugaragazwa, uko ubushakashatsi bugenda bukorwa cyangwa abantu bibukiranya.

Bamwe mu bahanzi bishwe muri Jenoside yakorewe Abatutsi muri Mata 1994:

1.Sebanani Andre

Mu mazina azwi cyane harimo Sebanani Andereya, uyu yari umucuranzi n'umuririmbyi muri Orchestre Impala, akaba yari azwi no mu ikinamico kuri radio Rwanda aho yakinaga mu itorero Indamutsa. Yanaririmbye ku giti cye indirimbo zitari nke harimo 'Karimi ka shyari', 'Mama Munyana' n'izindi.

Sebanani yasize umugore Mukamulisa Anne Marie hamwe n'abana bane nabo ndetse bateye ikirenge mu cya se.

2.Rugamba Sipiriyani

Irindi zina riza imbere mu bahanzi bazize Jenoside, ni Rugamba Sipiriyani uzwi cyane mu ndirimbo nyinshi hamwe n'amasimbi n'amakombe.

Imwe mu nkuru zasohotse mu kinyamakuru 'Imvaho Nshya' muri Mata 2011, ivuga ko ubwo Rugamba yicwaga muri Jenoside mu 1994 yari kumwe n'abandi baririmbyi be kimwe n'abagize umuryango we.

3.Bizimana Loti

Bizimana Loti uzwi mu ndirimbo 'Nsigaye ndi umuzungu' na 'Nta munoza', nawe yishwe muri Jenoside yakorewe Abatutsi. Uyu muririmbyi ubuhanzi bwe mu ndirimbo bwari bishingiye ku gushyenga ariko bugaha impanuro abantu. Mu buzima busanzwe ngo yari umuntu ukunda gushyenga n'ubundi.

4.Karemera Rodrigue

Urutonde rw'abahanzi bari bakomeye bishwe muri Jenoside yakorewe Abatutsi ruriho na Karemera Rodrigue nk'umwe mu bihangage muri muzika mu baririmbaga ku giti cyabo. Nyakwigendera azwi mu ndirimbo 'Kwibuka', 'Ubarijoro' n'izindi.

5. Emmanuel Sekimonyo

Uyu yari umuririmbyi ukomeye ku giti cye. Yari azwi cyane mu ndirimbo 'Umwana w'umunyarwanda'.

6. Bizimungu Dieudonné

Umuhanzi Bizimungu Dieudonne bahimbaga ‘Nzovu y’imirindi’ n’umugore we Uwimbabazi Agnes bazize Jenoside yakorewe Abatutsi mu 1994.  Bizimungu yaririmbaga ku giti cye, uyu ijwi rye rizwi mu ndirimbo Ibango ry'ibanga.

7. Uwimbabazi Agnes

Uyu yari umugore wa Bizimungu Dieudonne bakaba baranaririmbanaga. Ijwi rye ryumvikana mu nyikirizo y'indirimbo 'Munini yaje'.

8. Gatete Sadi

Uyu muhanzi yari azwi muri Orchestre Abamararungu. Iyi niyo yaririmbye indirimbo nka 'Ijambo ry'uwo ukunda', 'Julienne' 'Urugo rw'umugabo' n'izindi.

9. Rugerinyange Eugène

Rugerinyange Eugene nawe yazize Jenoside yakorewe Abatutsi mu 1994. Uyu muhanzi yari azwi muri Orchestre Ingeli, ikiriho kugeza ubu.

10. Murebwayire Mimir

Uyu mubyeyi yaririmbaga muri Orchestre Les Citadins. Iyi izwi mu ndirimbo nka 'Ancila' 'Rugori Rwera' n'izindi.

Uretse abahanzi ku giti cyabo n'abaririmbaga mu matsinda, hari n'abandi bari bazwi muri za Korari nka: Iyamuremye Saulve wabarizwaga muri Korali Indahemuka, Rwakabayiza Berchmas na Kayigamba Jean de Dieu baririmbaga muri Chorale de Kigali, Kalisa Bernard, waririmbaga muri Chorale Ijuru n'abandi.

Nyuma ya Jenoside yakorewe Abatusti, ntawibwiraga ko u Rwanda ruzongera kuzanzamuka mu buhanzi ngo rwongere rugire abacuranzi n'umuziki rufite ubu. 

Mu kwiyubaka u Rwanda rwagize mu myaka 30 ishize, ntawatinya kuvuga ko no muri muzika hari byinshi byakozwe kandi bitanga icyizere ko ejo hazaza hazaba ari heza.