Author: webrwanda

Mu ntangiriro z'uku kwezi kwa Kane, ni bwo Guinness World Records yabitangaje nyuma y’iminsi ibiri gusa itangaje ku mugaragaro urupfu rw’uwahoranye aka gahigo, Juan Vicente Pérez wari ufite imyaka 114 abura ukwezi kumwe gusa ngo yizihize isabukuru y'imyaka 115 y'amavuko.

Mu kiganiro yagiranye na Guinness, Tinniswood wahoze ari umucungamari yagize ati: “Uraramba cyangwa ukabaho igihe gito, kandi nta byinshi ushobora kubikoraho.”

Tinniswood, utanywa itabi, akanywa inzoga gake, ntakurikize gahunda y'indyo yuzuye ihoraho, akarya ifi n'ifiriti buri wa Gatanu, yavuze ko ibanga ryo kuramba ari 'amahirwe gusa,' ahishura ko gushyira mu gaciro ari urufunguzo rwo kubaho neza, maze atanga inama ku buzima bwa muntu.

Ati: 'Niba unywa inzoga nyinshi cyangwa ukarya cyane cyangwa ukagenda n'amaguru cyane; niba ukora ikintu cyose ukarenza urugero, amaherezo uzababara.'

Tinniswood yavukiye mu mujyi wa Liverpool mu Majyaruguru y’Uburengerazuba bw’Ubwongereza ku ya 26 Kanama 1912. Uyu mukambwe, yabayeho mu ntambara ebyiri z'Isi, abaho mu byorezo bibiri byazengereje Isi; icyorezo cy'Indwara y'Ibicurane, ndetse n'icya Covid-19. 

Nk'uko Guiness ibitangaza kandi, John afite amateka akomeye yo kuba ariwe mugabo ukuze cyane ukiriho wabashije wabashije kurokoka intambara ya kabiri y'Isi yose. Yavutse mu mwaka umwe n'uwo ubwato bwa Titanic bwarohamiyemo.

Alfred wakoze mu ngabo z’u Bwongereza, yaje no kuba umucungamutungo muri serivisi y’amaposita yo mu Bwongereza arimo Royal Mail, BP na Shell, mbere y’uko asezera mu 1972.

Umugore we bashakanye, Blodwen yitabye Imana mu 1986 afite imyaka 44 gusa y’amavuko. Uyu munsi, Tinniswood afite abuzukuru bane n’abuzukuruza batatu. 

Mu buzima bwe bwose, Tinniswood ni umufana w'ikipe y'umupira w'amaguru ya Liverpool, kandi mu myaka 19 yose iyi kipe yegukanye ibikombe bya shamiyona ndetse n'indi 8 yegukanye ibikombe bya FA, yari ariho.

Kugeza uyu munsi, uyu musaza wakoze mu buyobozi bw’ingabo z’U Bwongereza, atuye mujyi wa Southport uri ku nkombe z’u Bwongereza aho akomeje kwitabwaho.

Ushinzwe kumwitaho by'umwihariko aherutse kubwira BBC ko ari ishema kwita kuri Tinniswood, 'umuntu utangaje ufite inkuru nyinshi zo kuvuga, ukunda gusoma ibinyamakuru no kumva Radio.'

Umugabo ushaje kurusha abandi bose wabayeho igihe kinini ku Isi, ni Jiroemon Kimura (1897—2013) wo mu Buyapani, wabayeho kugeza ku myaka 116 n’iminsi 54.

Ni mu gihe umugore ukuze cyane ku isi ari Maria Branyas Morera w’imyaka 117 y’amavuko akaba atuye muri Espagne.

Reba amwe mu mafoto ya Tinniswood, umugabo ukuze kuruta abandi bose ku Isi:

Tinniswood yagizwe umugabo ukuze cyane ku isi na Guiness World Records

    

       
Buri wa Gatanu Tinniswood arya ifi n’ifiriti

Ni mu mukino w’ikirarane cyo ku munsi wa 26 ikipe ya AS Kigali yari yakiriyemo APR FC kuri uyu wa Mbere saa cyenda kuri Kigali Pelé Stadium.

Ntabwo wari warabereye igihe bitewe nuko ikipe ya APR FC yari yagize ibyago ipfusha uwari umutoza wongerera imbaraga abakinnyi Dr Adel Zrane.

Mbere y’uko uyu mukino unatangira habanje gufatwa umunota wo kwibuka uyu mutoza wakomokaga mu gihugu cya Tunisia.

Abakinnyi 11 ba AS Kigali babanje mu kibuga:

Hakizimana Adolphe

Bishira Latif 

Ndayishimiye Thierry

Ishimwe Saleh

Ntirushwa Aime

Rucogoza Iliassa

Ebene Kevin

Felix Kone

Ishimwe Fiston

Erisa Ssekisambu

Shabani Hussein Tchabalala

Abakinnyi 11 ba APR FC babanje mu kibuga:

Pavelh Ndzila

Fitina Omborenga

Nshimiyimana Yunussu

Ishimwe Christian

Niyigena Clement

Nshimirimana Ismael Pitchou

Taddeo Lwanga

Ruboneka Bosco 

Kwitonda Alain

Victor Mbaoma

Mugisha Gilbert

Nyuma yuko umusifuzi atangije umukino, ikipe ya APR FC yatangiye ihererekanya neza ariko ikabikorera inyuma mu rubuga rwayo gusa.

Uko iminota yagenda yiyongera n’abafana ba APR FC binjira muri sitade ni na ko n’abakinnyi bayo batangiye kugerageza uburyo imbere y’izamu nk’aho Kwitonda Allain Bacca yahaye umupira mwiza Victor Mbaoma bari imbere y’izamu, gusa atinda kuwutera wifatirwa n’umunyezamu.

Ku munota wa 11 AS Kigali nayo yagerageje uburyo imbere y’izamu ku ishoti ryarekuwe na Felix Kone, gusa umupira ushyirwa muri koroneri. Nyuma y’iminota 2 gusa iyi kipe y’Abanyamujyi yahise ifungura amazamu ku gitego cya Ishimwe Fiston ahawe umupira na Felix Kone.

APR FC nyuma yuko itsinzwe yahise imera nk’iriye amavubi ishaka igitego cyo kwishyura maze ku munota wa 15 ihita ikibona gitsinzwe na Alain Bacca nyuma yuko ba myugariro ba AS Kigali n’umunyezamu wayo Hakizimana Adolphe batinze gukoraho umupira kandi byashobokaga.

Umukino wakomeje ubona abakinnyi ba APR FC bari gukora amakosa cyane cyane ku ruhande rw’ubwugarizi nk’aho umunyezamu Pavelh Ndzira yihereye  umupira Elissa Ssekisambu gusa ntiyabyaza amahirwe umusaruro.

Mbere yuko igice cya mbere kirangira ikipe y’Abanyamujyi yabonye ubundi buryo bwashoboraga kuvamo igitego ku ishoti riremeye ryari ritewe na Ntirushwa Aime gusa umunyezamu aritambika.

Igice cya mbere cyarangiye amakipe yombi akinganya igitego 1-1. 

Mu gice cya kabiri n’ubundi AS Kigali yaje ikomeza gukina neza gusa gutereka mu nshundura bikaba ingorabahizi ku bakinnyi barimo Tchabalala na Ishimwe Fiston babonaga uburyo.

Ku munota wa 61 rutahizamu wa APR FC, Victor Mbaoma yahise abakosora atsinda igitego cya 2 ku mupira yarahawe na Ruboneka Jean Bosco.

Nyuma yo gutsindwa igitego cya 2 AS Kigali yatangiye gushaka uko yakwishyura ari nako umutoza wayo Guy Bukasa akora impinduka mu kibuga gusa bikomeza kugorana.

Kuwa 80 yarikibonye cyo kwishyura ku mupira uremereye warurekuwe na Iyabivuze Osee gusa umunyezamu wa APR FC aba ibamba awukuramo.

Nyuma y’iminota 2 gusa Rucogoza Eliasa ahawe ikarita ya kabiri y’umuhondo bibyara umutuku ahita ava mu kibuga bica intege ikipe AS Kigali ,umuvuduko waruriho uragabanyuka.

Ku munota wa 90+2 Benedata Janvier wari winjiye mu kibuga asimbuye yaje gutsinda igitego cya 2 cya AS Kigali bituma n’umukino urangira amakipe yombi anganyije ibitego 2-2.

Kunganya uyu mukino byasubitse ibirori kuri APR FC byo kwegukana igikombe cya shampiyona kubera ko iyo iwutsinda mu mibare byari kuba birangiye ikacyegukana hakibura imikino 4.

Kuri ubu iyi kipe y’Ingabo z’igihugu yakomeje kuba ku mwanya wa mbere n’amanota 60 aho irusha amanota 12 ikipe ya Rayon Sports iyikurikiye.

Alain Bacca yishimira igitego yatsinze 

Uburyo Alain Bacca yatsinzemo igitego cya 1 cya APR FC 

Mbere y’umukino hafashwe umunota umwe wo Kwibuka umutoza wa APR warushinzwe kongerera imbaraga abakinnyi uheruka kwitaba Imana 

Ishimwe Fiston yishimira igitego yatsinze APR FC yahozemo

Chairman wa APR FC, Colonel Richard Karasira yari yaje kureba uyu mukino 

Victor Mbaoma, Ruboneka Jean Bosco na Ismail Pitchou bishimira igitego cya 2

Ibyishimo byari byose ku bakinnyi ba AS Kigali nyuma yo gutsinda igitego cya 2 cyo kunganya 

Abafana ba APR FC bari biteguye kwegukana igikombe gusa birangira bidakunze 

Abasifuzi basifuye uyu mukino bushyushya mbere yuko utangira 

Ubwo abakinnyi byishyushyaga mbere y’umukino 

AMAFOTO: Ngabo Serge -InyaRwanda

IBUKA yatangaje ko mu myaka itanu ishize, hirya no hino mu gihugu hamaze kuboneka imibiri isaga ibihumbi 125 y'Abatutsi bishwe muri Jenoside. 

Ni imibiri y'inzirakarengane zazize Jenoside yakorewe Abatutsi, zishwe zikajugunywa ahantu hatandukanye ariko mu myaka mike ishize, igenda iboneka biturutse ku makuru yatanzwe n'abaturage bazi ibyabaye, iyabonetse kubera ibikorwaremezo biri kubakwa ahantu n'iyagiye iboneka biturutse ku mpamvu zitandukanye.

Mu Kiganiro ‘Waramutse Rwanda’ gitambuka kuri Televiziyo by’Igihugu, cyo kuri uyu wa Mbere, Umunyamabanga Nshingwabikorwa wa IBUKA, Naphtal Ahishakiye, yavuze ko ari ikibazo gikomeye cyane kuba iyo mibiri yose imaze kuboneka mu myaka itanu ishize.

Ati: 'Ntabwo ari iyo gusa kuko nka hariya Gahoromani havuye imibiri y’abantu bagera mu bihumbi 90. Ibyo bigaragaza uburemere bw’ikibazo gihari ariko icyo dushima n’ubwo twatangiriye kure hari intambwe igenda iterwa.'

Yavuze ko hari iyagiye iboneka biturutse ku makuru yatanzwe n’abaturage, iyagiye igaragara kubera ibikorwaremezo barimo kubaka n’ibindi. Ati 'Ariko tubona hari intambwe yatewe, abantu bakagenda batanga amakuru.'

Ahishakiye yavuze ko kugira ngo imibiri yose y'abishwe muri Jenoside yakorewe Abatutsi iboneke, ari uko abantu bose bakwiye kumva impamvu yo gutanga amakuru kugira ngo abazize Jenoside bose bashyingurwe mu cyubahiro.

Ati 'Dutekereza ko n’amadini n’amatorero akwiye gutera intambwe, mu mikorere yabo ya buri munsi, amateraniro bagira bakajya babyibutsa, haba hari ahantu imibiri yabonetse, mu rugo cyangwa mu isambu y’umukristo wabo, abantu bakongera bakabiganiraho.'

IBUKA ivuga ko ikindi kintu gifasha kugira ngo amakuru abashe gutangwa, ari ibiganiro cyangwa inyigisho zigenda zihabwa urubyiruko.

Ahishakiye ati 'Mu myaka itanu ishize, ni ugukomeza kwigisha urubyiruko n’aba bana bavutse nyuma ya Jenoside yakorewe Abatutsi. Kuko hari amakuru yagiye atangwa n’urwo rubyiruko, uko aganira n’ababyeyi be, bakagera aho bakamubwira ukuri.'

Yakomeje ati 'Hariya ubona hari imibiri y’abishwe ariko ufatire ku munwa ntuzabivuge, wa mwana rero wavukiye mu gihugu cyiza, akabona igihe gishize abantu batakamba, akaba yabivuga, agatanga amakuru ya ya mabanga iwabo bamuganirije.'

Abarokotse Jenoside yakorewe Abatutsi mu 1994, bavuga kuba hashize imyaka 30 hari ababo bataramenya aho bajugunywe kandi ababishe bahazi, bikoma mu nkokora urugendo rw'ubumwe n'ubwiyunge.

Ibitego 2 bya AS Kigali byatsinzwe na Ishimwe Fiston na Benedata Janvier bahoze bakinira APR FC, byatumye umukino wahuzaga aya makipe urangira ari 2-2 maze ikipe y’Ingabo z’Igihugu ntiyayitwariraho igikombe.

APR FC yatsinze AS Kigali 2-1 maze ihita yegukana igikombe cya shampiyona ya 2023-24, ihita ishyiraho agahigo ko kuba igikombe cya 5 kikurikiranya cya shampiyona yegukanye.

Wari umukino w’ikirarane cy’umunsi wa 26 wa shampiyona y’icyiciro cya mbere mu Rwanda umwaka w’imikino wa 2023-24 aho AS Kigali yari yakiriye APR FC kuri Kigali Pelé Stadium.

APR FC yasabwaga gutsinda kugira ngo ihite yegukana shampiyona kuko yari guhita igira amanota 62 kandi Rayon Sports iyikurikiye ifite 48 mu gihe hasigaye imikino 4, bivuze ko inayitsinze yose yagira 60.

Ni umukino watangiwe n’umunota wo kwibuka umunya-Tunisia, Dr Adel Zrane wahoze ari umutoza ushinzwe kongerera imbaraga abakinnyi ba APR FC witabye Imana tariki ya 2 Mata 2024 bituma uyu mukino utabera igihe.

AS Kigali ni yo wabonaga iri mu mukino cyane ko ari yo wabonaga irema amahirwe menshi ndetse iza kubona igitego hakiri kare ku munota wa 13 gitsinzwe na Ishimwe Fiston.

Ntabwo ibi byishimo byamaze kabiri kuko ku munota wa 16 Kwitonda Alain Bacca yishyuriye APR FC.

Nta yandi mahirwe afatika APR FC yabonye muri iki gice cya mbere ni mu gihe AS Kigali abakinnyi nka Ebene na Tchabalala bagerageje ariko umunyezamu Pavelh Ndzila ababera ibamba. Amakipe yagiye kuruhuka ari 1-1.

Mu gice cya APR FC wabonaga ishaka igitego cya kabiri, Taddeo Lwanga na Victor Mbaoma babanje kugerageza biranga.

APR FC yaje kubona igitego cya kabiri ku munota wa 61 cyatsinzwe na Victor Mbaoma ku mupira mwiza yari ahawe na Ruboneka Bosco.

Ku munota wa 82, Rucogoza Eliasa yahawe ikarita ya kabiri y’umuhondo ku ikosa yakoreye Ruboneka Bosco ni mu gihe indi yayihawe ku ikosa yakoreye Victor Mbaoma. Yahise ahabwa ikarita itukura.

Ku munota wa 90, Benedata Janvier yatsindiye AS Kigali igitego cya kabiri maze umukino urangira ari 2-2. APR FC yakomeje kuyobora urutonde rwa shampiyona n’amanota 60, Rayon Sports ya kabiri ifite 48.

Ni mu muhango wabaye kuri uyu wa Mbere tariki 15 Mata 2024, mu Ishuri Rikuru rya Gisirikare, riri i Gako mu Karere ka Bugesera mu Burasirazuba bw'u Rwanda.

Uyu muhango witabiriwe n’abayobozi mu nzego zinyuranye, abahagarariye ibihugu by’abo, abavandimwe, imiryango n’abandi.

Abasoje amasomo ni 624 barimo abakobwa 51, aba Ofisiye bato 33 bize mu bihugu by'inshuti n’u Rwanda. Aba bose bari mu byiciro bitatu.

Icyiciro cya mbere ni abanyeshuri 102 bize amasomo y'umwuga wa gisirikare babifatanyije n'amasomo ya Kaminuza y'u Rwanda abahesha Impamyabumenyi y'Icyiciro cya Kabiri cya Kaminuza mu bijyanye n'ubuhanga mu bya gisirikare n'ubumenyamuntu 'Social and Military Science', mu buvuzi 'General Medecine' ndetse n'ubuhanga mu by'ubukanishi n'ingufu 'Mechanical and Engeneering'.

Icyiciro cya kabiri kigizwe n'abanyeshuri 522 bize umwaka umwe amasomo ajyanye n'inyigisho z'umwuga wa gisirikare gusa barimo abari basanzwe ari abasirikare bato 335 n'abasivili 167 bafite Impamyabumenyi y'Icyiciro cya Kabiri cya Kaminuza mu mashami atandukanye. Icyiciro cya Gatatu kigizwe n'aba Ofisiye 33 barangije mu mashuri yo mu bindi bihugu.

Umuyobozi w'Ishuri Rikuru rya Gisirikare rya Gako, Brig Gen Franco Rutagengwa, yavuze ko abasoje amasomo bujuje ibisabwa bimerera kwinjira mu Ingabo z'u Rwanda.

Ati “Barabitojwe kandi bagaragaje ubushake n'ubushobozi ntayegayezwa mu kurinda Igihugu cyacu, amajyambere yacyo ndetse n'ahandi hose bakenerwa kugihagararira.”

Brig Gen Franco Rutagengwa yavuze ko urugendo aba basore n'inkumi basoje rutari rworoshye, kuko 25 barutangiye batabashije kurusoza kubera impamvu zitandukanye.

Yavuze ko basanzwe bafite amashami 10 y'amasomo, ariko ko mu myaka iri imbere batekereza kuzongera amashami y'amasomo batanga.

Mu ijambo rye, Perezida Kagame yashimye aba Ofosiye bashya kuba barahisemo ‘gukorera igihugu cy’abo cy’u Rwanda’ mu ngabo z’igihugu no kuba bararangije amasomo y'abo neza.

Yanashimye abarimu babigishije, babahaye ubumenyi butandukanye ndetse anashima ‘ibihugu by’inshuti byafashije mu kwigisha abandi ba Ofisiye bamaze kurahira, barahirira kwinjira mu ngabo z’u Rwanda ku rwego rwa Ofisiye’.

Kagame yanashimye ababyeyi kuba barashyigikiye kandi bakanashishikariza abana babo 'guhitamo uyu mwuga'. Umwaka wari urenze, aba ba Ofisiye bari masomo n’imyitozo itandukanye

Umukuru w’Igihugu yavuze intambara zirwanwa muri iki gihe 'n'iyo umuntu akubujije amahoro mu byawe kandi' ndetse 'akagushotora aganisha kuri iyo nzira y'intambara' cyangwa se 'akoresha intambara muri ibyo byose, ukubuza uburenganzira, ukubuza amahoro, ukubuza interambere cyangwa no gusenga ibyo umaze kubaka'.

Perezida Kagame yavuze ko u Rwanda rufite amateka yihariye 'yabuze ayo mahoro mvuga' akavamo gutakaza Abanyarwanda benshi. Yavuze ko nubwo ibyinshi byakozwe n’Abanyarwanda ubwabo ariko hari ‘n’ababishyigikira n’ababihembera’.

Perezida Kagame yavuze ko umwuga wa gisirikare utarengera igihugu gusa, ahubwo unarengerera ‘wowe ubwawe’. Ni umwuga ukurengera ukarengera n’abandi.

Ati “[…] Hari uburyo bwinshi abantu batakaza ubuzima. Ariko kuba watakaza ubuzima uri muri uyu mwuga, ni ishema! Ni ishema rikurinda rikarinda abawe, rikarinda abanyarwanda bose n’abandi bose batuye igihugu cyacu’.

Umukuru w’Igihugu yavuze ko Politiki mbi yatumye hari umubare munini w’abantu bicwa. Ugasanga hari uwishwe nyuma yo kubazwa urupfu ashaka gupfa.

Yagaragaje ko igihugu cyageze aho umuntu ahitamo urupfu apfa, bikongera kubaho ‘byaba ari ishyano’. Perezida Kagame yavuze ko ibyo ingabo z’Igihugu zigishwa, ibyo batozwa n’amateka ‘yacu ntabwo yatwemerera ko byazongera kuba mu gihugu cyacu’. Ati 'Nizo nshingano mufite nk'Ingabo z'Igihugu, ari mwebwe, ari abo musanze n'abandi bazaza.'    

Yifashishije urugero rw’umukecuru wahitishijwemo urupfu yicwa akavuma abashakaga kumwica,Perezida Kagame yavuze ko uyu ‘mukecuru ari intwari’. Ni ibintu avuga ko bwikwiye kuranga ingabo, bakanga ubagaraguza ‘agati cyangwa agatoki’.

Ati 'Uwo mukecuru ni intwari! Nicyo gikwiriye kubaranga mwebwe n'abandi banyarwanda. Kubaranga, kwanga ubagaraguza agati cyangwa agatoki, ukabyanga, ukabirwanya…'

Kagame yavuze ko urupfu abanyarwanda bakwiye guhitamo ‘ni ugupfa bahangana n’ubazanaho urwo rupfu’. Ibi kandi bikwiye kuba ‘umuco.

Yabwiye abinjiye mu ngabo ko badakora bashingiye ku byo bigishijwe gusa, ahubwo bakwiye no gukora ibyo umutima n’ubwenge bibabwira. 

Yabasabye gupfira ukuri. Ati '[…]Bibabwira kwanga agasuzuguro, kwanga ubugwari, kwanga ububwa, ugapfira ukuri. Ugapfira agaciro ubuzima bwawe ukwiriye kuba ubuha. Ukuzanyeho ibyo, ndetse kenshi, akicuza icyatumye abikora, ni izo ngabo z'Igihugu cy'u Rwanda

Umukuru w’Igihugu yavuze ko bakwiye gupfira agaciro ku buzima bw’abo. Ati “Ubazanaho intambara akabyicuza.”

Yasabye abinjiye mu ngabo kurangwa n’ubwitange ndetse n’ikinyabupfura. Ababwira ko akazi kose bazajyaho bagomba kuzarangwa n’imyitwarire ikwiye ya RDF nk’uko bisanzwe. Ati “Mbifurije ishyaka n’ihirwe. Muzagire akazi keza n’ubuzima bwiza.” 

Umwe mu babyeyi bafite umwana wasoje amasomo agahabwa n’ipeti rya Sous- Lieutenant, yavuze ko ashimishijwe no kuba umwana we yinjiye muri RDF, avuga ko umutima we ukeye. Yashimye Perezida Kagame, asaba Imana kumurinda. 

Uyu mubyeyi yavuze ko mu 1959 yahunze u Rwanda kubera Politiki mbi, ariko ko aho yagarukiye mu Rwanda yasanze umuco wimakajwe. Yavuze ko imiyoborere ya Perezida Kagame yihariye. Yibuka ko hari igihe bajyaga bakubitwa, basabwa kubyinirira inkoni ya Mombutu Sese Seko wayoboye Congo, kandi atari amuzi. 

Batamuriza Jean D’Arc ufite umwana witwa Ndayisenga Richard wasoje amasomo ye, yavuze ko yakuze ashaka kujya mu gisirikare akiri umukobwa, ariko byanze ku buyobozi bwa Perezida Habyarimana. Yavuze ko yishimye kuba abana be bose barize ‘noneho Bucura bwanjye akaba asoreje ku ipeti rya Sous- Lieutenant’.

Perezida Kagame akaba n'Umugaba w'Ikirenga w'Ingabo z'u Rwanda, yinjije muri RDF Aba Ofisiye bashya 624

Aba basore n'inkumi bari bamaze igihe mu masomo ya gisirikare. Hari 25 babatashije gukomeza amasomo kubera impamvu zitandukanye

Perezida Kagame yasabye aba Ofisiye bashya kwanga agasuzuguro, ubugwari n’ububwa, ahubwo bagaharanira gupfira agaciro ku buzima bw'abo

Nyuma yo gutandukana n'uwo mwakundanaga wumva ko ari ibihe bigoye gucamo. Bamwe baza bakwihanganisha bakubwira ko bizashira ndetse ko uzabona undi mukunzi ukurutira uwa mbere,…Ariko ukuri ni uko mu mutima wawe uba wamaze gusandara utaba wiyumvisha ko ibyo byashoboka. Bamwe bishobora kubatwara iminsi, ibyumweru, amezi abandi imyaka kugira ngo babashe gukira icyo gikomere.

Nyuma yo gutandukana n'uwo mwakundanaga ari byiza ko ureka amarangamutima ufite akajya hanze, ukirinda kuyagumana ku mutima, ugasa nukora ikiriyo cy'uwo mubano uba umaze kurangira.

Urubuga Lifehack rutangaza ko  igihe byasaba umuntu kwikura muri iryo curaburindi, uko biri kose ngo birangira abaye umunyembaraga ndetse icyo gikomere kikazamuha ubunararibonye buzamufasha kugira imbere heza. 

Dore amasomo 6 uba ukwiye kwiga nyuma yo gutandukana n'uwo mwakundanaga:

1. Uburibwe n’agahinda birashira

Iyo umaze gutandukana n’uwo wari warihebeye bigutera akababaro n’umutima ugashengurwa. Iyo ako kanya bikiba uba wumva utazongera kwishima nk’uko byahoze mbere y’uko uwo wakundaga akwanga. Gusa ukuri ni uko uko iminsi yicuma ni nako ako gahinda kagenda gashira. Bihe igihe ubanze ukire ibikomere watewe n’umukunzi wawe maze n’agahinda n’uburibwe bizashira.

2. Urakomeye kurenza uko ubitekereza

Mu gihe utandukanye n’uwo wakundaga cyane biguca intege ukiyumva nk’umunyembaraga nkeye bitewe n’uburyo ugira ibyuyumviro bibabaje ndetse wakwibuka n’ibihe byiza wagiranye nawe bikaba byanagutera kurira. Ariko kuba warira ntibisobanuye ko uri umunyantege nke ahubwo urakomeye kurenza uko ubyibwira kuko ubaye udakomeye ntiwabasha guca muri ibyo bihe wemye.

3. Ibyishimo byawe bihera kuri wowe

Nyuma yo kurira, ugomba kwibuka ko kwishima kwawe bihera kuri wowe. Nibwo uzamenya ko ibyishimo byawe ari wowe bigirira umumaro, ko udakwiriye kugira uwo wikoreza umutwaro wo kubigushakira.

4. Igihe gikemura byose

Ni kenshi uzakunda kumva abantu bakoresha iyi mvugo ariko niko kuri k'ubuzima. Ntabwo ushobora kwibagirwa uwo mwahoze mukundana ariko uko iminsi igenda ishira nibwo ugenda ubona ko byose bigenda bishira, ugatangira kubona ko wabaho utamufite kandi ukishimira ubuzima ubayemo.

5. Ugomba kubanza kwikunda mbere yo gukunda undi

Agahinda no kumva uhemukiwe bikwigisha kumenya ko ukwiriye kubanza kwikunda mbere yo kugira undi wese ukunda. Kwikunda ni ukwishimira uko turi, kugena igihe cyo kwishimisha no kwiyitaho, kutima umubiri wacu ibyo wumva wifuza,…Numara kumenya kwikunda ni bwo uzatangira no gukunda abandi.

6. Uziga guhangana n'ukuri

Gutandukana n'uwo mukundana akenshi hari uruhare runaka uba wabigizemo rwaba ruziguye cyangwa urutaziguye. Nyuma yo gutandukana n'umukunzi wawe, uziga kumenya gushakisha uruhare ufite mu kibazo cyabaye.

Ibi bihembo byatanzwe mu ijoro ryo kuri iki Cyumweru tariki 14 Mata 2024, byahawe abanyamuziki, aba Producer, abanyamakuru, abavuga rikijyana ku mbuga nkoranyambaga, abakinnyi ba filime n'abandi.

Byatangiwe mu Mujyi wa Nairobi mu gihugu cya Kenya, nyuma y'igihe cyari gishize abakunzi b'umuziki bagira uruhare mu kubatora binyuze mu itora ryo kuri Internet ryahawe amanota 50%, ndetse n'Akanama Nkemurampaka kajonjora abakwiye gutwara ibikombe.

Muyoboke Alex yegukanye igikombe nk'umujyanama uhiga abandi mu Karere k'Afurika y'Iburasirazuba 'Best Manager of the year East Africa', aho yahigitse Chiki Kuruka wo muri Kenya, Babu Tale wo muri Tanzania ndetse na Nzeyimana Ismail wo mu Burundi.

Producer Jean Pierre Irakoze [Kozze] wo muri Country Records yegukanye igikombe cya Producer wahize abandi mu batunganya amajwi y'indirimbo 'Audio Producer of Excellence', ni mu gihe studio ya Country Records ya Noopja yegukanye igikombe cya Studio nziza 'Best Music Studio East Africa'

Noopja washinze Country Records yabwiye InyaRwanda ko bishimiye ibikombe bibiri begukanye muri Kenya, ariko kandi ni igihamya cy'uko icyo ukoze cyose ugishyizeho umutima, ukakigira inshingano birangira bikunze.

Uyu mugabo yumvikanishije ko iyo 'wiyemeje n'umusozi wawusunika, ni ibyishimo biba bije bisanga n’izindi mbaraga tudahwema guhabwa bitewe n'uruhare rwa Country Records mu iterambere rya muziki yacu mu karere'.

Akomeza ati 'Country Records si studio buriya, ikinini n'uko ari nk'irerero, aho abato bafitemo impano baza inzozi z'abo zikaba impamo.  Biraduha icyize cy'uko inzozi nini dufite zigomba kuba impamo kuko intangiriro imeze neza.'.

Yavuze ko nyuma yo kwegukana iki gikombe akazi karakomeje, kandi baracyari mu murongo wo kuba irerero ry'ahatunganyirizwa umuziki mu Rwanda kandi 'nta kidakunda'.

Noopja ati 'Buriya amateka y'aho u Rwanda rwavuye akenshi niho dukura imbaraga yo kumva ko twabikora uko byagenda kose. ⁠Nta kwirara. Gukora cyane no guha amahirwe buri wese kuko dufite talents nyinshi zibura amahirwe.'

Yavuze ko nyuma yo gutwara igikombe mu Karere k'Afurika y'Iburasirazuba, bafite intego yo gukomeza kurenza ibikorwa by'abo muri Afurika bityo ibikorwa by'u Rwanda bikamenyekana ku rwego mpuzamahanga.

Noopja ati 'Kubera dufite Perezida wakoze akazi keza kubo ayobora ahubwo Isi ikamenya u Rwanda kubera ubuhanzi kandi Country Records izabigiramo uruhare nk'uko twabyiyemeje.'

Nicyo gikombe cya mbere, Country Records yegukanye. Noopja atekereza ko byatewe ahanini no kuba mu bihembo bitangirwa mu Rwanda nta cyiciro cya studio nziza bashyiramo 'n'aho ubundi twagombye kuba twarabyegukanye cyane hano.'.

Akomeza ati 'Gusa ikirenze n'uko Abanyarwanda bakunda ibikorwa byacu cyane, ndetse no mu karere dufite abadukurikira badufana cyane. Biracyaza.'

Nicyo gikombe cya mbere kandi Producer Kozze yegukanye nyuma y'imyaka ibiri ashize atangiye urugendo rwo gutunganya indirimbo z'abahanzi. Noopja wagaragaje impano ye, avuga ko Kozze afite impano yihariye mu gutunganya indirimbo, kandi atekereza ko abamushyize ku rutonde rw'abahataniye ibihembo ari byarebye ndetse n'indirimbo 'zakunzwe yakoze'.

Yavuze ko buri gihe abwira Kozze gukora cyane kugirango idarapo ry'u Rwanda rizamuke. Ati 'Muri rusange ibi bihembo ni itsinzi ikomeye kuri twe, kandi twe nk'ibisanzwe urugendo rurakomeje.'

Noopja yavuze ko Country Records ifite ibikorwa byinshi iri gutegura, kandi ko umusaruro w'ibihangano bakoze mu myaka ishize ari wo wabahesheje igikombe.

Mu kiganiro na InyaRwanda, Muyoboke Alex yavuze ko yakozwe ku mutima no kuba yashimiwe akazi yakoze mu gihe cy'imyaka 18 ishize ari mu ruganda rw'umuziki.

Ati 'Iyo ubonye abantu banezerwa, bakagushimira ku kazi uba warakoze, cyangwa ku cyo umaze kuba muri sosiyete, cyangwa umaze gutanga, ni ibyo gushimwa. Nanjye nemera ko wanshimira nkiriho, aho kugirango uzafate 'Microphone' urira cyane, namaze gutaha. Rero, ndishimye cyane.'

Yavuze ko umuziki w'u Rwanda uri kurenga imbibi, kandi ni igisobanuro cy'uko ibyo yaharaniye mu myaka 18 ishize byatangiye gutanga umusaruro. Ariko kandi, haracyasabwa imbaraga za buri umwe, ndetse no kuba abahanzi 'bashyiramo agatege'.

Muyoboke yavuze ko kuba yahize abarimo Babu Tale akegukana igikombe, byaturutse ku kuba ibikorwa akora byararenze u Rwanda, ahubwo agerageza no kwegera n’abandi bahanzi bo mu Karere k’Afurika y’Iburasirazuba.

Ati “Ibanga ntarindi! Ni uko nagiye ngerageza kwegera abahanzi ba hano tugakorana. Nkagerageza kureba uburyo uyu muziki wacu twawambukana tukawujyana hariya. Rero ntarindi banga, ni ugukomeza gukundisha abanyamahanga umuziki wacu mbicishije mu kubana n’abo bantu neza, no kugaragaza ibikorwa dukorera umuziki wacu w’u Rwanda.”

Akomeza ati “…Abantu bazi umuziki w’u Rwanda ntabwo banshyira kure yawo, kubera ko nagiye kenshi nagiye mvuganira umuziki wacu.”

Iki gikombe yegukanye muri Kenya, kibaye icya kabiri yegukanye hanze y'u Rwanda, nyuma y'igikombe yigeze guhererwa muri Uganda nka 'Best Promoter/Manager' mu 2017, ashimirwa guteza imbere umuziki w'u Rwanda.

Ati 'Cyari igikombe cy'uko nateje imbere umuziki wacu mu Rwanda, ariko ubu ng'ubu birasa n'aho byabaye ibintu binini, kuko nari kumwe n'abagabo bagiye bakora ibikorwa n'ubu babikora, ariko bagiye bareba ku mpande zose, rero ndabishimira Imana.'

Muyoboke yavuze kuba ibihangano bya The Ben bicurangwa muri Kenya, ari imwe mu iturufu yamufashije kwegukana igikombe 'Best Videp of the year East Africa.

Ati 'Muri Kenya abahanzi b'abanyarwanda barimo gucurangwa, ariko byagera kuri Israel Mbonyi na The Ben biri ku rundi rw'ego. Ngirango wabonye ko The Ben yegukanye igikombe cy'indirimbo ifite amashusho meza, ndetse na Producer wakoze indirimbo ye 'Ni Forever' nawe akegukana igikombe.'

Uyu mugabo washinze Decent Entertainment yakoranye na Tom Close 2006-2010, akorana na The Ben 2008-2010, Dream Boyz bakorana 2011-2012, Social Mula 2013-2016, Davis D 2013-2016, Davis D 2013-2014 ndetse n'itsinda rya Charly&Nina 2013-2018.

Mu biganiro yagiye agirana n'itangazamakuru, yumvikanishije ko yatangiye gufasha abahanzi mu by'umuziki biturutse ku mikoranire yagiranye n'itsinda rya Urban Boys ndetse n'umubano yari afitanye na Manzi James 'Humble Jizzo'.

Mu itangwa ry'ibi bihembo, Rayvanny yihariye ibihembo kuko yegukanye bitanu birimo igikombe cy'umuhanzi w'umugabo w'umwaka 'Best Male Artist', 'Best Studio Album, Best Song writer, Best Lovers’ Choice Single’ East Africa ndetse na Best Inspirational East Africa.

Indirimbo ‘Enjoy’ ya Diamond na Jux yegukanye igikombe cy’indirimbo ihuriweho n’abahanzi y’umwaka ‘Collaboration of the year’. Diamond yegukanye igikombe cy’umuhanzi w’umwaka w’indirimbo zikundwa cyane binyuze mu ndirimbo ze zirimo nka ‘Shu’, ‘Achii’, ‘My Baby’ ndetse na ‘Enjoy’.

Wasafi yahawe igikombe nk’inzu ireberera inyungu z’abahanzi (Record Laber’ y’umwaka. Ni mu gihe umukinnyi wa filime, Isimbi Alliance 'Alliah Cool' yegukanye igikombe mu cyiciro cy'umukinnyi mwiza wa filime mu Karere k'Afurika y'Iburasirazuba 'East Africa Film Star East Africa'.

Alliah Cool yahigitse abarimo Kate wo muri Kenya, Jacob Stephene JB wo muri Tanzania ndetse na Nabwiso Mathew wo muri Uganda.'

Nyuma yo kwegukana iki gikombe, yanditse kuri konti ye ya Instagram avuga ko abantu bakwiye kumutandukanya na bagenzi be bahuriye mu muri Cinema.

Ati 'Sindakina Series (Filime z'uruhererekane) kuva kuri Rwasa kugeza kuri filime 'Good Book Bad Cover' ntimukangonganishe n'abavandimwe tudakora kimwe. Njyewe nkora filime imwe buri mwaka.'

Uyu mukinnyi wa filime yakomeje avuga ko filime akora zirenze iz'abandi bitewe n'uko filime akora zishobora gutwara amasaha menshi.

Muri ibi bihembo, The Ben yegukanye igikombe cy'indirimbo ifite amashusho meza 'Best Music Video of the year East Africa' abicyesha indirimbo yise 'Ni Forever'.

Mu 2022, Meddy yabaye umuhanzi rukumbi wegukanye igikombe muri ibi bihembo. Icyo gihe yegukanye igihembo cy'umuhanzi w’umwaka wo mu Rwanda wahize abandi [People’s Choice artist of the year- Rwanda].

Umuhanzikazi w’umugore w'umwaka wahize bagenzi be mu 2022 (People’s Choice Best Female Artist 2022) yabaye Nandy. Yahigitse Butera Knowless.

Mu 2023, Bruce Melodie yegukanye igihembo mu cyiciro ‘People’s Choice Best Rwandan Sound’ abicyesha indirimbo ye yise ‘Akinyuma’.

Ni mu gihe Dj Brianne yegukanye igikombe mu cyiciro cy’umugore ukora umwuga wo kuvanga imiziki ‘Peoples’ Choice Female Deejay of the Year’

Bien-Aime wo mu itsinda rya Sauti Sol yegukanye igikombe cy’umwanditsi w’indirimbo w’umwaka [People’s Choice Songwriter of the year].

Ni mu gihe Butera Knowless na Nel Ngabo begukanye igikombe cy’indirimbo ihuriweho ‘People’s Choice Collaboration Single of the year’ babicyesha indirimbo ‘Mahwi’ bakoranye.

Diamond yegukanye igikombe cy’umuhanzi w’umwaka [Artist of the year], icy’indirimbo ifite amashusho meza abicyesha ‘Yatapita’, yabaye kandi umuhanzi w’umugabo w’umwaka wo muri EAC. Yari ahatanye mu byiciro 11.

 

 

Noopja yatangaje ko umusaruro w'ibyo Country Records yakoze mu myaka ishize ari wo wabahesheje igikombe

 

Muyoboke yavuze ko kuba indirimbo za The Ben zicurangwa cyane muri Kenya biri mu byamuhesheje igikombe

Alliah Cool nyuma yo kwegukana igikombe yavuze ko abantu bakwiye kutamugereranya na bagenzi be bahuriye muri Cinema
Nyuma y'imyaka ibiri atangiye gutunganya indirimbo z'abahanzi, Kozze yegukanye igikombe cye cya mbere

Muyoboke Alex yatangaje ko igikombe yegukanye cya kabiri yegukanye hanze y'u Rwanda ari umusaruro w'ibyo yaharaniye mu myaka 18 ishize ari mu muziki

Ubwo Muyoboke Alex yakiraga igikombe yahereye muri Kenya nk'umujyanama wahize abandi

Muyoboke yavuze ko umuziki w'u Rwanda umaze kurenga imbibi, ku buryo ibihangano bya Israel Mbonyi na The Ben bicurangwa cyane muri Kenya
Rayvanny yegukanye ibikombe bitanu mu byatanzwe muri 'East Africa Entertainment Awards