Author: webrwanda

Mu rwego rwo guherekeza neza ukwezi kwa Mata ari na ko abantu bitegura kwinjira muri Gicurasi, abahanzi nyarwanda bagiye bakora mu nganzo bagashyira hanze ibihangano byiza kandi binogeye amatwi.

Mu ndirimbo nshya zagiye hanze muri iki cyumweru harimo:

1.Inkomoko – Chryso Ndasingwa

Kuri uyu wa Gatandatu, umuhanzi mu muziki wo kuramya no guhimbaza Imana, Chryso Ndasingwa, yashyize hanze indirimbo nshya “Inkomoko” yakoreye i Nyamirambo. Uyu musore wamamaye mu ndirimbo “Wahozeho”, asohoye iyi ndirimbo mu gihe yitegura gukora igitaramo gikomeye “Wahozeho Live Concert” kizabera muri BK Arena tariki 5 Gicurasi 2024.

2. 2 in 1 — Kenny Sol

Rusanganwa Norbert [Kenny Sol] yamaze gushyira hanze indirimbo y’amashusho ‘2 in 1’ yifashishijemo umugore we unamutwitiye imfura , Kunda Alliance Yvette, ikaba ari iya mbere akoze kuva yakwinjira muri 1:55AM.

3. Dans Le Bon — Gabiro Guitar

Nyuma yo gukora ku muzingo yise 'Gishyaka' n'uruhurirane rw'indirimbo yise 'Criminal Love', Gabiro Guitar uri gukora ku giti cye kuva yakwemera guhara imigabane yari afite muri Evolve Music, yagarukanye indirimbo nshya.

Ni indirimbo ifite amashusho yakorewe mu Burundi yayise 'Dans Le Bon'. Mu kiganiro yagiranye na inyaRwanda, Gabiro yavuze ko aya ari amagambo akoreshwa n'abakundana mu gihe baryohewe n'umunyenga w'urukundo barimo.

4. Isengesho — Cyusa Ibrahim

Umuhanzi mu njyana gakondo, Cyusa Ibrahim, yashyize hanze amashusho y’indirimbo ye nshya yise ‘Isengesho’ yakoze nyuma y’imijugujugu yatewe n’abantu mu bihe bitandukanye, cyane cyane binyuze mu bikorwa bye bishamikiye mu myidagaduro.

5. Ambutiyaje — Riderman

Umuraperi Riderman aherutse gutangariza InyaRwanda ko yitegura gushyira hanze Extended Play (EP) iriho indirimbo esheshatu yakoranye n’umuraperi mugenzi we Bull Dogg. Imwe muri izi ni iyo yise ‘Ambutiyaje’ yamaze no gushyira hanze mu buryo bw’amajwi.

6. Rwamakombe – Dr Nganji ft Zeo Trap

Ngabonziza Dominique wamamaye nka Dr Nganji muri muzika yamaze gushyira hanze indirimbo yise “Rwamakombe” yakoranye n’umuraperi uri mu bagezweho muri iyi minsi, Zeo Trap.

7. Idage – QD

Nyuma y’amezi abiri ashyize hanze iyo yise “Teta” igakundwa n’abatari bacye, umuhanzi QD yashyize hanze indi ndirimbo yise ‘Idage.’

8. Respect & Usifiwe za Tonzi

Umuramyi Tonzi yamaze gushyira hanze amashusho y’indirimbo ‘Repect’ yitiriye album ye ya cyenda aherutse kumurika, akaba ari amashusho yafatiwe mu gitaramo aherutse gukora. Mu ijoro ryacyeye nabwo yashyize hanze andi mashusho y’indirimbo “Asifiwe”.

9. Kiganjani – Ben & Chance

Bamwe mu baramyi bakunzwe hano mu Rwanda, Ben na Chance, bahaye abakunzi b’ibihangano byabo indi ndirimbo bise “Kiganjani.” Ni indirimbo bashyize hanze mu gihe bari kubarizwa muri Canada mu ivugabutumwa batumiwemo na Ev. Willy Gakunzi.

10. Zikana — Yampano ft Fireman

Umuhanzi Yampano nyuma ya za ‘Bucura’ n’izindi ndirimbo yakoze zikamuzanira igikundiro, yisunze Fireman bakora “Zikana.”

11. Suku – Kenny Edwin ft Fireman

Umuhanzi Kenny Edwin yahuje imbaraga n’umuraperi Fireman bakora indirimbo bise “Suku.”

12. Ifoto – Yee Fanta ft Teco

Producer ukiri muto ukomeje kuzamuka neza mu muziki nyarwanda no kuzamura igikundiro, Fanta yahuriye mu ndirimbo ‘Ifoto’ na Teco.

13. Muzehe Wacu — Mark The Chris

Umuhanzi w’umunyarwanda Mark The Chris ukorera umuziki mu Bufaransa, yashyize ahagaragara indirimbo “Muzehe Wacu” yanditswe na Producer Iyso mu rwego rwo kugaragaza ibyiza Perezida Kagame amaze kugeza ku Rwanda n’abanyarwanda mu myaka 30 ishize arubereye ku isonga.

14. Together – Kellia

Nyuma y’uko ahuriye na Alyn Sano mu ndirimbo bise “Ndabizi,” umuhanzikazi Tuyizere Kellia [Kellia] yashyize hanze indi nshya yise “Together” yanditswe na Niyo Bosco.

15. Calvary – David Kega

Umuramyi David Kega uri gukorana imbaraga muri iyi minsi, yazirikanye ibyo Kristo yakoze ku musaraba, ashyira hanze indirimbo yise ‘Calvary.’

Misiri yihariye imidali muri shampiyona ya Afurika ya ‘Gymnastique rythmique’ imaze iminsi ibera i Kigali, ni mu gihe u Rwanda bitagenze neza.

Ejo hashize ku wa Gatanu tariki ya 26 Mata 2024 ni bwo iyi shampiyona ya ‘Gymnastique rythmique’ yaberaga mu Rwanda muri Kigali Arena yasojwe.

Iyi shampiyona yahurije hamwe ibihugu 13 birimo u Rwanda aho intego ari ugushaka itike y’imikino Olimpike izabera i Paris mu Bufaransa mu mpeshyi y’uyu mwaka wa 2024.

Hakinwe ibyiciro bine mu bakiri bato n’abakuru birimo 'Ribbon, Hoop, Clubs na Balls' aho abakinnyi bakinaga ku giti cya bo ndetse bakanakinira mu makipe.

Ni irushanwa ikipe y’igihugu y’u Rwanda itahiriwe aho nubwo intego yari umudali ariko yaje kuvamo ku ikubitiro nta mudali ibonye.

Muri rusange Misiri ni yo yakusanyije imidali myinshi, aho yegukanye imidali 16, harimo 9 ya Zahabu, 4 y’Ifeza ndetse 3 y’Umuringa.

Angola yegukanye imidali 6, harimo umwe wa Zahabu, 2 y’Ifezi n’itatu y’Umuringa.

Afurika y’Epfo yegukanye imidali 5, 4 y’Ifeza n’umwe w’Umuringa. Tunisia yegukanye imidali 3 y’Umuringa.

Mu cyiciro cy’abakuru, mu gukina hakoreshejwe agapira 'ball', umunya-Misiri, Aliaa Saleh ni we wabaye uwa mbere yegukana umudali wa Zahabu, yakurikiwe na mugenzi we wo mu Misiri, Habiba Marzouk wabaye uwa kabiri ahabwa umudali w’ifeza, ni mu gihe uw’umurunga wegukanywe na Luana Gomez ukomoka muri Angola.

Mu gukoresha uruziga cyangwa 'Hoop', umudali wa Zahabu watashye mu Misiri aho wegukanywe na Aliaa Saleh, umudali w’Ifeza utaha muri Angola wegukanywe na Luana Gomez ni mu gihe Habiba Marzouk ukomoka mu Misiri ari we wegukanye umudali w’Umuringa.

Mu gukina hakoreshejwe umugozi 'Ribbon', Mariem Seliem ukomoka mu Misiri ni we wahize abandi yegukana umudali wa Zahabu, mugezi we Aliaa Saleh yegukana uw’Ifezi ni mu gihe Luana Gomez ukomoka muri Angola yabaye uwa 3 yegukana umudali w’Umuringa.

Mu cyiciro cya 'Clubs’ umunya-Angola, Luana Gomez yahigitse abanya-Misiri bari bamuzengereje aba ari we wegukana umudali wa Zahabu, Habiba Zarmouk ukomoka mu Misiri yegukanye umudali w’Ifeza ni mu gihe Aliaa Saleh yegukanye umudali w’Umuringa.

Buri umwe wese yerekanaga icyo ashoboye

Muri Hoop, Aliaa Saleh yabaye uwa mbere, Luana Gomez aba uwa kabiri, Habiba Marzouk aba uwa 3, bahembwe na perezida wa Gymnastic ku Isi, Morinari Watanabe na Rwemarika

Muri Ball, Aliaa Saleh yabaye uwa mbere, Habiba Marzouk aba uwa kabiri, Luana Gomez aba uwa 3

Muri Clubs, Luana Gomez yabaye uwa mbere, Habiba Marzouk aba uwa kabiri ni mu gihe Aliaa Saleh yabaye uwa gatatu

Muri Ribbon, Mariem Seliem yabaye uwa mbere, Aliaa Saleh aba uwa kabiri, Luana Gomez aba uwa gatatu

Buri kwezi ku isi hapfa abantu ibihumbi n'ibihumbi hirya no hino ku isi, biturutse ku mpamvu zitandukanye zirimo uburwayi, impanuka n'ibindi. Muri uku kwezi kuri kugana ku musozo rero, hari abantu b'ibyamamare mu byiciro binyuranye bitabye Imana bisiga igihombo gikomeye mu ruganda rw'imyidagaduro.

Mu bantu benshi cyane b'ibyamamare byitabye Imana muri uku kwezi, InyaRwanda yahisemo kukubwira kuri bamwe muri bo bagera ku 25 gusa.

1.     Dr Adel Zrangusa

Ku gicamunsi cyo kuwa Kabiri tariki 02 Mata 2024, nibwo hasakaye inkuru y'icamugongo ivuga ko Dr Adel Zrane wakomokaga muri Tunisia, akaba yari umutoza ushinzwe kongerera imbaraga abakinnyi b’ikipe ya APR FC, yitabye Imana aguye iwe mu rugo gusa icyo yazize nticyabashije kumenyekana.

Mbere yo kuza gutoza muri APR FC yanyuze mu makipe arimo Etoile Sportif du Sahel y’iwabo muri Tunisia, Al Ain yo muri Arabie Saudite, Al-Wehdat Sportif Club yo muri Jordanie, ikipe y'Igihugu ya Mauritania ndetse na Simba SC yo muri Tanzania.

2.     Rugujiro Tribert

Tribert Rujugiro Ayabatwa wari mu baherwe ba mbere muri Afurika bakuye agatubutse mu Nganda z'Itabi, ndetse akaza kuba ikimenyabose kugera aho hari abifashisha izina rye mu kuranga tumwe mu duce tugize Kigali kubera ibikorwa yahubatse, yapfuye ku ya 17 Mata afite imyaka 82.

Imyaka yaribaye 14 atagera mu Rwanda aho yavuye akajya hanze ahunze bimwe mu birego yari akurikiranweho birimo gushyigikira abashaka guhungabanya umudendezo w'u Rwanda no kunyereza imisoro.

3.     Chris King

Ku wa 20 Mata nibwo humvikanye inkuru y'incamugongo y'uko umuraperi Christopher Cheeks wamenyekanye nka Chris King yitabye Imana arashwe ku myaka 32 y'amavuko.

Justin Beiber wari inshuti y'akadasohoka y'uyu muraperi bamaze n'umwaka wose baba mu nzu imwe, yashenguwe cyane n'urupfu rwe. Igihe Chris King yaraswaga, yari ari kumwe n'umusore w'imyaka 29 wabashije kurokoka ariko agakomereka. Polisi yo muri Nashville yatangaje ko igikora iperereza ku cyaba cyihishe inyuma y'iraswa ry'uyu muraperi.

4.     Dhiveja Smith

Dhiveja Smith waserukiye Afurika y'Epfo mu irushanwa rya Miss World mu 2005, yitabye Imana nyuma y’igihe ahanganye n’uburwayi.

Mu butumwa bwabo, abategura irushanwa rya Miss World baragize bati “Twashenguwe cyane n’urupfu rwa Dhiveja Smith wabaye Miss World South Africa 2005, akaza no kugera muri kimwe cya kabiri cy’irangiza muri Miss World. Dhiveja tuzahora tumwibukira ku bugwaneza bwe, impano ye ndetse n’umutima we mwiza. Yari n’umugore w’intwali cyane kandi wihangana. 

Twihanganishije cyane umugabo we, umukobwa we, ababyeyi, abandi bavandimwe be ndetse n’inshuti, twifatanyije nabo mu bitekerezo no mu masengesho.”

5.     Mandisa

Umuhanzikazi w’indirimbo zihimbaza Imana Mandisa Lynn Hundley [Mandisa], uri mu baramyi bakomeye muri Amerika wakunzwe mu ndirimbo nka ‘Stronger’, ‘Overcomer’, n’izindi, yitabye Imana afite imyaka 47 y’amavuko.

Amakuru y’urupfu rwa Mandisa yababaje benshi bakundaga ibihangano bye, yatangajwe n’umujyana we wabwiye CNN ko kuwa Kane w’icyumweru gishize tariki 18 Mata 2024 ari bwo Mandisa yitabye Imana. Yapfiriye mu rugo rwe mu mujyi wa Nashville aho yazize urupfu rusanzwe.

6.     Eva Evans

Eva Evans wari icyamamare cyane ku rubuga rwa TikTok, akaba n'umukinnyi w'amafilime yapfuye yiyahuye ku myaka 30.

7.     C.J. Snare

Carl Jeffrey Snare wamamaye nka C.J. Snare yari umuririmbyi w'itsinda ry'abanyamuziki b'abanyamerika rya FireHouse. Yitabye Imana ku ya 5 Mata afite imyaka 64 y'amavuko mu buryo butunguranye nyuma yo gufatwa n’umutima.

8.     Meg Bennett

Umukinnyi akaba n'umwanditsi w'amafilime Meg Bennett wamenyekanye muri filime 'Young and the Restless' yitabye Imana ku ya 21 Mata nyuma y'igihe ahanganye na kanseri.

9.     Roman Gabriel

Roman Ildonzo Gabriel Jr. yari umukinnyi w'umupira w'amaguru w'umunyamerika wabigize umwuga, wageze muri kimwe cya kane cya shampiyona y'igihugu ya NFL.

10. O.J. Simpson

Icyamamare mu mupira w’amaguru muri Amerika, O.J Simpson, uri mu birabura banditse amateka muri NFL, yitabye Imana 10 Mata 2024 azize indwara ya Kanseri. Yari afite imyaka 76 y’amavuko.

Orenthal James (O.J) Simpson wahawe akabyiniriro ka ‘The Juice’, yari umunyabigwi mu mupira w’amaguru w’abanyamerika (American Football), ndetse ishyirahamwe ry’umupira w’amaguru muri Amerika rya NFL ryamushyize mu bakinnyi batanu b’ibihe byose bitewe n’uduhigo yaciye mbere y’uko ahagarika gukina.

O.J Simpson uzwi cyane ku mubare wa 32 yambaraga mu kibuga, yaciye uduhigo ubwo yakiniraga ikipe ya Buffalo Bills hamwe na San Francisco 49ers arizo zamugize icyamamare mpuzamahanga. Uretse kuba yarakinaga umupira, O.J Simpson yanakinaga filime.

Mu bindi byamamare byitabye Imana harimo Mister Cee, Cole Brings Plenty, Joe Flaherty, Christopher Durang, Adrian Schiller, Clarence 'Frogman' Henry Richard Leibner, Park-Bo-ram, Eleanor Coppola, Roberto Cavalli, Rico Wade, Terry Carter, Mike Pinder, Laurent Cantet na Dickey Betts.

  

Mu rwego rwo gukomeza guhuza ibyishimo n’ikoranabuhanga ku banyarwanda, kompanyi ya Infinix yazanye telefone nshya zihuta mu bijyanye no kwinjiza umuriro hifashishijwe inziramugozi cyangwa umugozi ikanarambisha umuriro.

Izi telefone za Note 40 na Note 40 Pro zahawe imbaraga na Cheetah X1, zifite ubushobozi buremereye bwo kwinjiza umuriro vuba ku kigero cy’ikoranabuhanga cya 2.0 ndetse zifite camera 3 za Megapixel 108 zituma iba umwami w’amafoto.

Umuhanzi w’icyamamare mu ndirimbo zo kuramya no gushimisha Imana, Israel Mbonyi, ni we wagizwe Brand Ambassador wa Infinix by’umwihariko izi telefone zashyizwe ku isoko. Israel Mbonyi yishimiye kumva amarangamutima y’abakiriya kuri izi telefone nshya zashyizwe ahagaragara no kubona bazigura.

Uyu muramyi ufatwa nka nimero ya mbere mu Rwanda, yavuze ko bimwe mu bintu yakundiye izi telefone harimo ibikoresho ifite bya ‘Magcharge’, charger zihuta zitagira umugozi, Halo AI zoom, amajwi yazo (JBL Sounds) ndetse n’uburyo Screen yayo imeze.

Yakomeje agira ati: “Buri gihe nifata amajwi iyo ndirimba, rero iyi telefone ifite ibi bintu bitangaje bizamfasha kujya mfata ibintu byanjye byose ndetse no kubisesengura no gukosora amakosa. Izi telefone zimfasha cyane mu bintu nkora.'

Israel Mbonyi uherutse kuzuza Miliyoni y’abakurikira ibihangano bye kuri Youtube (1,000,000 Subscribers), yongeyeho ko yiteguye gusangiza telefone nshya za Note 40 Series ku bakorana na Infinix mu Rwanda.

Israel Mbonyi agaragaza ko telefone za Note 40 Series zizatuma ibikorwa bye bya buri munsi bimworohera kandi bigakorwa neza ndetse akaba agiye no gutunga telefone igezweho bijyanye n’aho ikoranabuhanga rigeze.

Yagaragaje ko kuba izi telefone ziri ku muvuduko wa 70W mu kwinjiza umuriro, zigiye gutuma asezera ku gucika intege yaterwaga no gukoresha imigozi mu gusharija, ashimira cyane Infinix yzanye izi telefone z’agatangaza.  

Yanavuze ko kuba ifite Screen nziza bizajya bimworohereza kuyikoresha ayikoramo amajwi atagereranywa ya JBL na kamera nziza bizajya bimufasha kubika ibikorwa bye byose. Yasabye abakunda ibikoresho by’ikoranabuhanga kugura Note 40 Series, bakishimira ibiyigize.

Ubwoko bwa telefone ya Infinix Note 40 Series ni ikimenyetso cy’iterambere rihambaye mu buryo bwo kwinjiza umuriro aho ryemerera umuntu wese uyifite kuyikoresha mu bihe ibyo ari byo byose.

Telefone za Note 40 Series kuri ubu ziraboneka mu maduka yose ya Infinix mu Rwanda aho Note 40 iri kugura 308, 000 Frw naho Note 40 Pro yo ikaba iri kugura 380,000 Frw.

Infinix yafatanije na Airtel kugira ngo ishimishe abakiriya bayo, bityo abaguze Note 40 Series bose bahabwa interineti y’ubuntu ingana na 15GB mu gihe kingana n’ukwezi.

Telefone nshya za Infinix Note 40 Series ziri mu maduka yose ya Infinix mu Rwanda

Israel Mbonyi yahamije ubwiza bwa telefone za Note 40 na Note 40 Pro

Israel Mbonyi yagizwe Brand Ambassador wa Infinix izwiho kugira telefone z’agatangaza

Abantu bamaze igihe bishimiye uru rukomatane rw'injyana zo muri Nigeria zahinduwe mu buryo bugezweho na Fela Kuti bikabyara Afrobeat iri gutigisa isi.

Gusa injyana za Afro zamamaye cyane mu 1940 na 1950 muri Amerika y'Amajyepfo igizwe n'ibihugu bituwe n'abaturage biganjemo abakomoka ku bacakara bajyanwe bunyago kujya gukorayo mu mirima y'ibyayi n'isukari.

Mu busanzwe, Afurika ifite injyana yihariye zamaze kunyura benshi mu ruhando mpuzamahanga nka Amapiano, Juju, Fuji, Rumba, Bongo Flava, Ndombolo, Makosa, Kizomba na Afrobeat.

Kubera kwamamara k'uyu mudiho wa Afrobeat, nyinshi mu njyana zirimo n’izabazungu zagiye zongerwaho Afro nka Afro Pop, Afro R&B n'izindi bagerageza kuzihuza n'isi ya Afrobeat.

Afro-Gako y'i Rwanda, Producer Pakkage amaze iminsi asa n’ukoramo indirimbo zinyuranye, nayo umuntu yavuga ko iri muri uwo mujyo wo guhuza injyana zihariye nyarwanda nk'Ikinimba, Umushayayo n'izindi n'umurishyo wa Afrobeat.

Uyu munsi tugiye kugaruka kuri iyi njyana ikomeje gutigisa isi, uburyo Fela Kuti yagiye kwiga mu Bwongereza akavayo akunda Jazz bikaza kurangira atangije Afrobeat bitewe n'amateka yakuye muri Amerika ubwo yajyagayo. Afrobeat yakoreshwaga mu kuvuganira abaturage mu buryo bwa politike.

Afrobeat yavukiye muri Nigeria mu myaka ya za 1960, izanywe na Fela Anikulapo Kuti ndetse n'umuhanga mu kuvuza ingoma Tony Allen, bayijyanishije n'ibihe bigezweho.

Iyi njyana ikaba ari uruhurirane rw'indi midiho gakondo ya Highlife, Fuji na Juju hamwe n'ijwi ryo mu kirimi cy’iki Yoruba, injyana n'ibicurangisho byo muri iyi mico.

Muri za 1950, ni bwo Kuti yavuye muri Lagos ajya kwiga mu ishuri ry'umuziki rya London mu Bwongereza aho yigiye ibicurangisho by'umuziki nka piano anatangira gukunda Jazz. Yaje gusubira muri Lagos atangira kuvanga injyana ya Jazz n’iza gakondo zabo. 

Muri 1969 yajyanye n'itsinda ry'abacuranzi be n'abaririmbyi muri Leta Zunze Ubumwe z'Amerika, bahura n'umugore w'umuririmbyi n'impirimbanyi y'abirabura, Sandra Smith [Sandra Izsadore] waje guhuza Kuti n'abanditsi bakomeje nka Martin Luther Jr, Angela Davis, Jesse Jackson kimwe na Malcolm X.

Kuko Kuti yari afite inyota ikomeye yo kumenya amateka ya politike y'Abanyamerika bafite inkomoko muri Afurika, Smith yabimufashijemo kuko bamaranye iminsi itari micye.

Aha ni ho Kuti yahereye atangira kunozamo umuziki we atangira no kwibanda ku buryo bwo gukoramo umuziki nyafurika n'ubutumwa yatangaga burahinduka.

Kuti ubwo yasubiraga muri Nigeria yari yaramaze guhindura izina ry'itsinda bakoranaga umuziki, arigira Africa 70, ryabaye igishyitsi cya Afrobeat mu buryo bukomeye.

Iyi njyana yatangiye kubona amaboko ya Ray Stephen Oche wo muri Nigeria wakoze ibitaramo bizenguruka Paris mu Bufaransa afatanije n'itsinda ry'abacuranzi n'ababyinnyi be.

Izina rya Afrobeat ryazamutse gutyo bashaka kugira ngo bahe umwihariko umuziki Fela Kuti bawutandukanye n'ibikorwa ahandi hose ku yindi migabane.

Imvano ya Afrobeat kandi ifitanye isano yimbitse na politike y'impinduramatwa aho Kuti yayifashishaga atanga ubutumwa ku bikwiriye guhinduka.

Ubwo iyi njyana yavukaga, ibihugu byinshi byo muri Afurika byarimo binyura mu bihe bitoroshye bya ruswa itari yoroshye binava mu mu bukolini byinjira mu kubaho byigenga.

Amatsinda menshi y'umuziki yatangiye kwifashisha injyana ya Afrobeat bituma itangira no kwiganwa mu bihugu binyuranye by'isi.

Abakora injyana ya Jazz batangiye kumva cyane Afrobeat, ibintu byanatumye abakora izi njyana batangira guhuza amaboko mu mishinga itandukanye yanagiye ivamo n'imizingo.

Abatunganya umuziki batangiye kwinjira byimbitse mu gukora ibihangano byinshi by'iyi njyana nka Brian Eno na David Byrne bavuze ko mu byo bakora bafatira urugero kuri Fela Kuti baje gutunganya umuzingo Talking Heads watigishije imyaka ya 1980.

Ubwo abantu binjiraga muri 2000, ibihangano byinshi bya Kuti byatangiye gusubirwamo umusubirizo kuko injyana ya Afrobeat yari imaze gufata imitima ya benshi cyane abo mu kiragano cy’iyo myaka.'

Afrobeat yatangiye kugemurwa mu bindi bihugu, havuka injyana zihujwe nka Afropop. Muri New York muri Leta Zunze Ubumwe z'Amerika na ho iyi njyana yari itangiye gufata, havuka amatsina ayikora.

Muri 2008 mu Bwongereza naho iyi njyana yafashe imitima ya benshi bigizwemo uruhare runini n'itsinda ry'umuziki ryaho ryitwaga Foals na Antibalas.

Muri 2020 mu bihembo bya Grammy, iri tsinda rya Antibalas ryanaje no guhatana. Abahanzi bakora iyi njyana batangiye kuboneka ku bwinshi, bakaba barabonaga Fela Kuti nk'umwami, bamwe bakamwiyitirira nka Femi Kuti na Seun Kuti.

Guhera mu myaka ya 2009 ni bwo iyi njyana yatangiye gutigisa bikomeye isi, hanakorwa ibyegeranyo bitandukanye kuri Fela Kuti harimo n’ibyagiye bitunganywa bigizwemo uruhare n'ibyamamare nka Jay Z, Will Smith, Jada Pinkett.

Ibyamamare bikomeye byagiye byitabira umuhango wo guha icyubahiro Fela Kuti nka Koffi Annan, Michelle Obama binyuze muri ibyo byegeranyo biri ku rwego mpuzamahanga byagiye bikorwa kuri uyu mugabo.

Umuziki wa Fela Kuti kandi wagiye witabazwa n'abarimo Missy Elliott, J.Cole, Kaney West na Beyonce.

Hatangijwe n'amaserukiramuco akomeye agamije kurushaho guha umurindi Afrobeat nka 'Festival de Afrobeat Independiente' ribera muri Buenos Aires.

Ibigwi bya Fela Kuti witabye Imana muri 1997 afite imyaka 58 n’ubu biracyavugwa binakoraPakkage amaze igihe ashyira hanze ibihangano avuga ko bikoze mu njyana ya Afro-GakoElement Eleeeh avuga ko hari ibyo agikora ku njyana ya Afro Gako yifuje gusangiza abanyarwanda nubwo Country Records ivuga ko ari iyayo

Umunyamideli Moïse Turahirwa wanashinze inzu y’imideli ya Moshions, yongeye kurikoroza avuga ko ari umukobwa.

Ni mu butumwa yanyujije ku rukuta rwa Twitter, aho yagaragaje ko agiye muri Kenya asaba abatuye iki gihugu kuza kugura ibicuruzwa bye kuko ari mushiki wa bo (mushiki w’umuntu aba ari umukobwa ubundi).

Ati 'Nairobi, umwenda w’umukiro Imandwa yawubazaniye. Muze muri benshi, mubwire n’abarwayi baze mbakize. Munzanire ayo mafaranga nka mushiki wanyu nimanukire!”

Ubu butumwa bwatumye benshi bamwibazaho, bamwe bagenda bagaragaza ko ashobora kuba afite ikibazo cy’uburwayi.

Uyu munyamideli ukunda kugaruka mu mitwe ya benshi, yashyize hanze ubu butumwa nyuma y’ubundi yari yashyize kuri Twitter ejo hashize ku wa gatanu tariki ya 26 Mata 2024 agaragaza ko yasohowe mu ndege kubera ko imbwa zarimo zihumuriza igikapu cye kikamoka.

icyo gihe yagize ati “Ngo imbwa igeze ku gikapu cyanjye iramoka iramoka baza kunkura ku ndege, ngereyo nsanga ikibuga cyose cyuzuye inzego zumutekano.”

Yakomeje asaba RwandAir ko igikapu cye kitagomba gusigara i Kigali, ati 'Ndabasabye icyo gikapu ntigisigare, nigisigara turisiba'.

RwandAir yasubije Turahirwa, imumenyesha ko igikapu cye nta kibazo gifite. Turahirwa na we yasubije ubu butumwa agaragaza ko yanyuzwe n’uburyo RwandAir yakemuye ikibazo cye, ati “Muri aba mbere, igikapu cyangezeho.”

Ibo byose byaje bikurikira amafoto ye yambaye ubusa buri buri yashyize hanze mu kwezi gushize kwa Werurwe 2024 na bwo agateza impagarara ku mbuga nkoranyambaga.

Dear @FlyRwandAir Ndabasabye iyo bag ntisigare, wallah nisigara turisibaaaa… https://t.co/0bcbr01bVp

— Moïse Turahirwa (@MosesTurahirwa) April 26, 2024

Nairobi,🇰🇪 umwenda wumukiro Imandwa yawubaziniye,… muze muri benshi, mubwire nabarwayi baze mbakize. Munkozemo Izo Mpesa Nka mushiki wanyu nimanukire! pic.twitter.com/ZzRKX6j7f0

— Moïse Turahirwa (@MosesTurahirwa) April 27, 2024

Moses yavuze ko ari umukobwa

Ishyirahamwe ry’umukino wa Basketball mu Rwanda, FERWABA, rigiye gutangiza irushanwa rya Rwanda Cup aho ikipe izajya iryegukana izajya ihagararira u Rwanda muri Zone 5.

Ni irushanwa ryateguwe mu rwego rwo gufasha abakinnyi kongera umubare w’imikino, kongera ihangana muri uyu mukino no kuzamura impano z’abakinnyi bakiri bato hirya no hino mu gihugu cyane ko rizahuza amakipe yo mu cyiciro cya mbere n’icya kabiri.

Rwanda Cup ikaba izajya iba mu byiciro byombi, abagabo n’abagore, gusa mu cyiciro cy’abagabo amakipe 4 yasoje shampiyona ari imbere azajya yinjiramo irushanwa rigeze muri 1/4, nk’uko visi perezida wa FERWABA, Nyirishema Richard yabisobanuye.

Ati “niba irushanwa rizazamo amakipe yo mu cyiciro cya kabiri, urebye urwego rwa yo n’ayo makipe akomeye biratandukanye cyane, ni yo mpamvu twafashe umwanzuro ko amakipe 4 ya mbere muri shampiyona azajya yinjiramo irushanwa rigeze muri 1/4.”

“Mu bakobwa ho kubera ko amakipe yiyandikishije ari make twasanze byagorana dufata APR WBBC yabaye iya mbere iyobora itsinda na REG yabaye iya kabiri iyobora irindi tsinda.”

Yakomeje avuga ko mu rwego rwo kuriha imbaraga, amakipe akajya aryitabira yumva ko hari icyo arwanira, ikipe izajya iritwara izajya ihagarararira u Rwanda muri Zone 5.

Ati “kuryitabira ni ubushake, ariko twaricaye turareba mu rwego rwo kuriha imbaraga kugira ngo n’amakipe ajye aryitabira yumva hari icyo arwanira, tuvuga ko ikipe izajya iryegukana izajya ihagararira u Rwanda mu mikino y’amakipe y’akarere ka 5 (Zone V).”

“Mu bakobwa ho izajya iritwara izajya ihabwa amahirwe yo gukina ijonjora rya Africa Women Basketball League.”

Mu gihe ikipe yabyegukana byombi (shampiyona na Rwanda Cup), iyo byahuye ku mukino wa nyuma, ni ukuvuga iya kabiri muri Rwanda Cup ni yo izajya ikina amarushanwa yavuzwe haruguru.

Mu bagabo uretse amakipe 4 ari yo; APR BBC, REG BBC, Patriots BBC na Espoir BBBC azajyamo irushanwa rigeze muri 1/4, amakipe 17 ni yo yiyandikishije akaba agabanyije mu matsinda 4, itsinda A ririmo K Titans, Kepler, Flame, RP IPRC Musanze na EAUR BBC, itsinda B ririmo Tigers BBC, The Hoops, Rebero Academy na Greater Virunga.

Itsinda C ririmo UGB, Intare, Black Thunders na Igihozo Ste Peter. Itsinda D ririmo Inspired Generation, Azomo, UR Kigali na Its Kigali.

Mu bagore amakipe ni 7 ari mu matsinda 2, itsinda A ririmo APR WBBC, RP IPRC Huye na EAUR. Itsinda B ririmo REG WBBC, The Hoops, UR Kigali na Kepler.

Iri rushanwa rizaba ku bufatanye na Forrzza, biteganyijwe ko umukino wa nyuma uzakinwa tariki ya 9 Kanama 2024.

Nyirishema Richard, visi perezida wa FERWABA yavuze kuri gahunda zose zijyanye n’irushanwa rya Rwanda Cup

Thierry Shema wa Forzza na we yari mu kiganiro n’itangazamakuru cyasobanuriwemo byinshi bijyanye n’iri rushanwa

N’abayobozi b’amakipe bishimiye iri rushanwa

Aya mateka yasobanuriwe mu gikorwa cyo kwibuka ku nshuro ya 30 Jenoside yakorewe Abatutsi mu 1994, cyahuje abanyeshuri n'abarimu bo muri iri shuri kuri uyu wa 26 Mata 2024, bakurikizaho urugendo rwo kwibuka kuva kuri iri shuri kugera ahahoze icyicaro cy'urwego rw'igihugu rw'iterambere (RDB) ku Gishushu.

Umunyeshuri wiga mu mwaka wa gatanu w'amashuri yisumbuye, Manzi Kazubwenge David, w'imyaka 16 y'amavuko yatangaje ko yumvaga ko mu Rwanda habaye jenoside ariko ntamenye abishwe, kugeza ubwo yabisobanuriwe n'umubyeyi we.

Ati 'Nkiri umwana muto, numvaga abantu batubwira jenoside, ariko sinari nzi ko yakorewe Abatutsi. Umunsi umwe, mbaza Mama wanjye, ambwira ibyabaye. Ishuri na ryo ryatangiye gutegura ibiganiro, tukicara, abarokotse jenoside bakatubwira ibyabaye.'

Sia Jobanputra w'imyaka 16 yavuze ko kwibuka amateka ya jenoside yakorewe Abatutsi ari igikorwa cy'ingenzi gifasha abantu kumva uburemere bwayo, bagaharanira ko itazasubira.

Ati 'Kwibuka amateka ni ngombwa kuko bitwibutsa ko bitagomba gusubira kandi ko bidakwiye ko twongera kubura abantu.'

Ibi byashimangiwe n'umuyobozi w'abakobwa biga muri Green Hills Academy, Keza Deborah, wagize ati 'Tugenda twumva amakuru y'abantu bahohotewe, bababaye, twumva ubuhamya bw'abantu. Ibyo byose bikatwigisha amateka yacu, kugira ngo tugire ubumenyi, dukorere igihugu cyacu kugira ngo ibyabaye ntibizongere kuba.'

Umusesenguzi Mukuru muri SouthBridge Group, Musana Norbert, wize muri iri shuri kugeza mu 2010 yasobanuriye abanyeshuri ko jenoside yakorewe Abatutsi ifite imizi mu bikorwa by'urugomo rushingiye ku moko byatangiye mu 1959, mu gihe cy'icyiswe impinduramatwara y'Abahutu.

Yasobanuye ko uru rugomo rwagiye rurandaranda mu myaka yakurikiyeho rwatumye Abanyarwanda benshi bahungira mu mahanga, kugeza ubwo jenoside yabaye, abo mu muryango we baricwa. Icyo gihe yari afite imyaka ibiri y'amavuko.

Yagize ati 'Umuntu wenyine warokotse ni marume; musaza wa Mama mutoya. Bose barishwe, ni cyo tuzi. Ku bavandimwe banjye, ntabwo tuzi ibyababayeho. Ntabwo tuzi niba baragiye muri Congo, niba barapfiriyeyo cyangwa niba bakiriho.'

Umuyobozi w'Ingoro y'Amateka y'Urugamba rwo Guhagarika Jenoside, Bashana Médard, yasobanuye impamvu zatumye Inkotanyi zitangiza uru rugamba zirimo guhagarika politiki y'amacakubiri yari yaramunze u Rwanda no gucyura Abanyarwanda bari mu buhungiro bari barangiwe gutaha.

Ati 'Mpora mbwira abantu ko nta jenoside itegurwa n'injiji, ahubwo itegurwa n'abahanga, igashyigikirwa na Leta, igaterwa inkunga yose na Leta, ubundi igashyirwa mu bikorwa. Nta jenoside yahagaritswe n'amagambo nk'aho abantu bicara, bakaganirira ku meza; ntabwo byabaye. Ahubwo ni ugufata intwaro, ukarwanya abayiteguye kugeza ubatsinze.'

Bashana yasobanuriye aba banyeshuri ko hari abagerageza guhakana no gupfobya jenoside yakorewe Abatutsi, badashaka kwemera ko Abatutsi barenga miliyoni imwe bishwe, abandi bakavuga ko indege ya Habyarimana yahanuwe tariki ya 6 Mata 1994 ari yo yarakaje abantu, bakora jenoside.

Yavuze ko ibyo bavuga nta shingiro bifite, amenyesha aba banyeshuri ko muri jenoside yakorewe Abatutsi, hari abashakanye bicanye, ndetse n'ababyeyi bishe abana babo; babita Abatutsi.

Ati 'Ariko mwibaze; niba umugore yarishe umugore we, umugore akica umugabo we, umugabo akica abana be, ubwo ni uburakari bw'ihanuka ry'indege? Oya, si ko biri. Ahubwo ni ukubera ko iyi ngengabitekerezo ya jenoside, mu itegurwa ryayo, yari yarigishijwe Abanyarwanda. Ni umugambi wateguwe, ushyirwa mu bikorwa.'

Green Hills Academy ni ishuri rifite icyiciro cy'incuke, ishuri ribanza ndetse n'iryisumbuye. Yigamo abanyeshuri barenga 2000.

Abanyeshuri ba Green Hills Academy basobanuriwe amateka ya jenoside

Abanyeshuri batambukije ubutumwa bwo kwibuka jenoside yakorewe Abatutsi

Bifashishije ibikoresho by’umuziki mu gutambutsa ubutumwa bwo kwibuka jenoside

Nyuma yo gukina umukino ushushanya amateka ya jenoside, bacanye urumuri rw’icyizere

Bakinnye imikino igaragaza amateka ashaririye u Rwanda rwanyuzemo

Abanyeshuri ba Green Hills Academy bibutse ku nshuro ya 30 jenoside yakorewe Abatutsi

Bakoze urugendo rwo kwibuka, bava ku ishuri, berekeza ku Gishushu ahahoze icyicaro cya RDB

Musana na Bashana basobanuriye abanyeshuri amateka ya jenoside n’uko yahagaritswe

Kayigamba Théophane wamenyekanye mu bitangazamakuru bitandukanye nk’umunyamakuru w’imikino, yambitse impeta ya fiançailles umukunzi we Hirwa Divine.

Uyu musore usigaye wibera muri Australia kuva 2018, yamwambitse impeta tariki ya 19 Mata 2024.

Ni umuhango wabereye mu Mujyi wa Melbourne aho umukobwa atuye ni mu gihe Kayigamba we asanzwe atuye Sydney.

Kayigamba Théophane yakoreye ibitangazamakuru bitandukanye nka City Radio, Contact FM, Radio1 na TV1.

Kayigamba yambitse umukunzi we impeta ya fiançailles

Inshuti n’abavandimwe bari baje kubashyigikira