Author: webrwanda

Ni ubufatanye bwatangijwe kuri uyu wa 24 Gicurasi 2024, mu masezerano I&M Bank (Rwanda) Plc n'iyo kaminuza basinyiye ku cyicaro gikuru cy'iyo banki mu Mujyi wa Kigali, ibizagira uruhare mu korohereza abashaka kwiga muru Oklahoma Christian University bagahabwa inguzanyo na I&M Bank (Rwanda) Plc.

Iyi porogaramu yatangijwe mu rwego rwo korohereza abanyeshuri kwigira ku nguzanyo badahenzwe, bakabasha kugira ubumenyi buhanitse batagowe n'ikiguzi. Ni porogaramu kandi iri mu murongo mugari wa gahunda y'u Rwanda, yo guteza imbere uburezi bufite ireme himakazwa gushyira ku isoko ry'umurimo abafite ubumenyi burikeneweho.

Umuyobozi Mukuru wa I&M Bank Rwanda Plc, Benjamin Mutimura, yavuze ko iyi porogaramu igamije kugira uruhare mu iterambere ry'u Rwanda binyuze mu guteza imbere uburezi, kuruta uko yafatwa nk'ubucuruzi.

Ati ''Turi muri gahunda yo gushyiraho ibisubizo ku bafite ibibazo by'amafaranga ariko batari abakiliya bacu gusa, ahubwo binagira uruhare mu iterambere rusange muri gahunda yo guteza imbere urwego rw'uburezi mu Rwanda. Binyuze muri iyi gahunda yo guha abanyeshuri inguzanyo ihendutse kandi bakayihabwa ku gihe, turi gushora imari mu gutegura abayobozi beza b'igihugu cyacu b'ejo hazaza.''

Umuyobozi Ushinzwe amasomo muri Oklahoma Christian University, Dr. Jeffery Simmons, yashimiye ubufatanye bwa I&M Bank (Rwanda) Plc n'iyi kaminuza, avuga ko butanga icyizere mu guteza imbere ireme ry'uburezi mu Rwanda.

Ati ''Tunejejwe no kugirana ubu bufatanye na I&M Bank mu gushyiraho iyi gahunda izana impinduka nziza ku banyeshuri bacu. Twizeye ko ibi bizaba umugisha kuri bo ndetse bikagira uruhare mu kwagura ibyo dukora bikagera ku Baturarwanda benshi.''

Binyuze muri 'EduFinance Program', inguzanyo izajya ihabwa abashaka kwiga muri Oklahoma Christian University, izajya yishyurwa ku nyungu ya 14.5%, inyungu nto ugereranyije n'iyakwa ku nguzanyo itangwa na I&M Bank (Rwanda) Plc hagamijwe ibindi nk'ubucuruzi.

Ushaka iyi nguzanyo asanganwe imikoranire na Oklahoma Christian University, mu gihe azaba yujuje ibisabwa azajya yoroherezwa guhita ayihabwa na I&M Bank (Rwanda) Plc mu gihe kitarenze amasaha 24.

I&M Bank na Oklahoma Christian Univerity basinye amasezerano y’ubufatanye mu gutangiza porogaramu yorohereza abashaka kwigira ku nguzanyo

Porogaramu yatangijwe yitezweho guteza imbere uburezi bufite ireme mu Rwanda

Ni amasezerano yasinywe hagati ya I&M Bank na Oklahoma Christian University

Ni amasezerano yasinywe hagati ya I&M Bank na Oklahoma Christian University

Abayobozi n’abakozi b’impande zombi bitabiriye iki gikorwa

Bombi bazaririmba mu gitaramo cy'iserukiramuco cyizwi nka 'Shady Mixtape Beach Party Festival' kizabera ku mucanga wa Berwick.

Ni ku nshuro ya Gatandatu iri serukiramuco ngaruka mwaka rigiye kuba. Abagitegura batangaje ko rizaba mu gihe cy'iminsi ibiri, tariki 25-26 Gicurasi 2024. 

Rigamije guhuriza hamwe cyane cyane abahanzi bo muri Afurika mu rwego kubafasha kugaragaza impano z'abo, guhuza abafana n'abakunzi b'umuziki, kugaragaza umwihariko w'imico wa buri gihugu byose hagamijwe kwidagadura.

Iri serukiramuco ribera mu Mujyi wa London, kandi uretse guhuza abahanzi bakomeye, rinacurangamo aba Dj bakomeye ku Isi, yaba abo mu Burasirazuba, mu Burengerazuba no mu mutima wa Afurika.

Bruce Melodie na Element bahagurutse ku kibuga cy’indege Mpuzamahanga cya Kigali i Kanombe mu ijoro ryo kuri uyu wa Kane tariki 23 Gicurasi 2024, berekeza mu Bwongereza ku nshuro y’abo ya mbere.

Bruce Melodie wamamaye mu ndirimbo zirimo ‘When She’s Around’ ku kibuga cy’indege yaherekejwe n’abo mu muryango.

Ni ubwa mbere aba bahanzi bombi bahuriye mu ndirimbo ‘Fou de Toi’ bagiye gutaramira mu Bwongereza. Ni bamwe mu basanzwe babarizwa mu inzu ifasha abahanzi mu bya muzika ya 1: 55.

Bruce Melodie yavuze ko iki gitaramo bitabiriye kizaba ku wa Gatandatu tariki 25 Gicurasi 2024, avuga ko ashaka kuzaba yagarutse mu Rwanda ‘bitarenze tariki 28 Gicurasi 2024 kuko nabwo hari ibindi tuzaba turimo’.

Uyu munyamuziki yavuze ko yasengeye akazi k’umuziki akora, kandi Imana yagahaye umugisha ari nabyo atabyinubira n’ubwo akenshi aba afite umunaniro. Ati “Simbyinubira, mbikora nishimye, kandi ndabikunda nyine iyo biri gucamo.”

Bruce Melodie yavuze ko iki gitaramo azagihuriramo n’abandi benshi barimo nka Awilo Longomba wo muri Repubulika Iharanira Demokarasi ya Congo (RDC) n’abandi.

 

Yavuze iki gitaramo ari kigari, ariko kandi baritegura no gutaramira mu Bihugu by’u Burayi nka Canada. Ati “Ariko abantu bo mu Burayi n’ubundi turacyari kumwe n’ubundi tuzaba n’ibindi bitaramo cyane cyane ku giti cyanjye, hanyuma Canada namwe mube mutwiteguye, turaje turebere ukuntu intama zambwarwa.”

Aba bombi bagiye mu Bwongereza, mu gihe baherutse guteguza indirimbo nshya. Bruce Melodie aherutse kuvuga ko agiye gushyira hanze indirimbo yise ‘Soweto’, ni mu gihe Element avuga ko azashyira hanze indirimbo yise ‘Milele’.

Bruce Melodie yavuze ko bakoze izi ndirimbo bashingiye ku kuba muri iki gihe ibihangano biri kujya hanze ‘bitameze neza’ ari nayo mpamvu izo bazashyira hanze bazitezeho kuzakura abantu mu bukonje.

Mu bahanzi bashyizwe ku rutonde rw'abazaririmba muri iri serukiramuco harimo Bruce Melodie wakoranye na Shaggy indirimbo bise 'When she's around', Element usanzwe ari Producer wa 1:55 AM;

Hari kandi Awilo Longomba uherutse gukorana indirimbo 'Sekemba' na VjOj, John Blaq, Zex Bilangilangi, official Samantha, Sizza man. Aba bose bazaririmba tariki 25 Gicurasi 2024.

Ni mu gihe abahanzi bazaririmba tariki 26 Gicurasi 2024 ari: Alien Skin, Azawi wo muri Uganda uherutse gukorana indirimbo na Konshens, Spice Diana, Vjoj, Mudra, Don MC, Loca1, Dvn, Guvnor Arace n’abandi. Abategura ibi bitaramo batangaje ko hari abandi bahanzi bazatangaza mu minsi iri imbere ndetse n'aba Dj.

Ibi bitaramo by'iri serukiramuco bitangajwe, mu gihe Bruce Melodie ari no kwitegura kwikorera ibitaramo bikomeye ku mugabane w'u Burayi.

Ari mu bazaririmba mu iserukiramuco 'One Love Africa Music' rizabera muri 'Suède' kuva tariki 5 kugeza 7 Nyakanga 2024, rizabera ahazwi nka Röda Sten, Göteborg mu mujyi wa Göteborg.

Iri serukiramuco rizaririmbamo Ruger wo muri Nigeria, Innoss’B wo muri Congo, Skales, Jzyno, Miss Jobizz, Allone, C-Joe, Davy Scott n’abandi.

Ubwo Bruce Melodie na Element bari ku kibuga cy'indege bitegura kujya mu Bwongereza

Element aherutse guteguza gushyira hanze indirimbo yise 'Milele' yafatiye amashusho muri Kenya

Bruce Melodie avuga ko indirimbo ye yise 'Soweto' iri mu zigize Album ye nshya

 

KANDA HANO UREBE IKIGANIRO ABA BOMBI BATANZE MBERE Y'UKO BAJYA MU BWONGEREZA

“>

Kuri ubu rutahizamu wa Bugesera FC ukomoka muri Nigeria, Ani Elijah ni we urimo kuvugwa cyane ku isoko ry’igura n’igurisha mu Rwanda akaba na we yatumbagije ibiciro.

Uyu rutahizamu uri mu mwiherero w’ikipe y’igihugu izakina na Benin na Lesoto mu ijonjora ryo gushaka itike y’igikombe cy’Isi, biragoye ko yazaguma mu ikipe ya Bugesera FC umwaka utaha.

Ani Elijah yageze muri Bugesera FC umwaka ushize w’imikino asinya imyaka 2 akaba asigaranye umwaka umwe, akaba yaratsinze ibitego 15 muri shampiyona anganya na Victor Mbaoma wa APR FC, akaba ari na bo batsinze ibitego byinshi.

Ubu uyu rutahizamu arifuzwa cyane n’ikipe ya Police FC ariko amakuru ISIMBI yamenye ikesha uhagarariye uyu mukinnyi, Emmy Fire ni uko bananiwe kumvikana.

Ati “Ubu Ani Elijah ari ku isoko nk’abandi. Ntabwo nakubwira icyo twapfuye ariko ni amafaranga ntabwo twahuje, ariko ntawamenya umupira w’amaguru ni ibiganiro.”

Ntabwo yavuze amafaranga bamuha n’ayo bifuza, gusa amakuru avuga ko kuba yarasoje ku mwanya wa mbere mu batsinze ibitego byinshi, bahise bazamura ibiciro, ibi bikiyongera kuba yarahamagawe mu ikipe y’igihugu Amavubi nubwo nta byangombwa arabona ariko bivuze ko hari urundi rwego yagezeho.

Amakuru ISIMBI yamenye ni uko Police FC yari yavuganye na Bugesera FC ikemera kuyishyura miliyoni 30 z’amafaranga y’u Rwanda ubundi ikivuganira n’umukinnyi, Bugesera FC na yo ikaba yumvaga ayo mafaranga ntacyo atwaye.

Bivugwa ko icyo Police FC yananiranyweho n’umukinnyi ari amafaranga igomba kumuha nyuma yo kwiyumvikanira na Bugesera FC.

Police FC ikaba yari yahisemo iyi nzira kuko yabonaga yoroshye kandi n’uruhande rw’umukinnyi rukaba rubona ari byo byabafasha cyane ko ubusanzwe amasezerano y’uyu mukinnyi muri Bugesera FC avuga ko ikipe izamwifuza izumvikana na Bugesera FC maze amafaranga bamuguze ikipe igatwara 70% maze umukinnyi akabona 30%.

Gutumbagiza ibiciro byaba bifite abo bihuriye no kwitinza ngo barebe ko APR FC yamugura?

APR FC ni imwe mu makipe yavuzweho gushaka uyu mukinnyi ndetse bakaba baranamuvugishijeho ariko ntibagaruka, bivuze ko bidafatika.

Amakuru ISIMBI yamenye ni uko kimwe mu bituma abamwegereye badahita bemera ibyo Police FC itanga ari ugutegereza niba APR FC yagaruka kubavugisha kuko bo bumva ari yo yaba amahitamo ya mbere.

Gusa ku ruhande rwa APR FC, Chairman wa yo Col Richard Karasira ubwo basozaga umwaka w’imikino yavuze ko iyi kipe ititeguye gutunga ba rutahizamu babiri b’abanyamahanga.

Icyo gihe yagize ati “Wowe wamuzana Elijah [Ani] ? Njye ndamwemera. Ku giti cyanjye ndamwemera ariko wagira ba rutahizamu babiri b’abanyamahanga ukazabahemba iki? Iyo ni imibare, mushaka tumere nk’abafite abanyamahanga bangahe ku mwanya umwe.”

Kuko arimo gushakirwa ibyangombwa ngo akinira ikipe y’igihugu y’u Rwanda, mu gihe yabibona akaba umunyarwanda, ni nabwo APR FC yashyiramo imbaraga zo kuba yamuzana akaba ari na byo we n’abareberera inyungu ze bategereje ko bikunda, mu gihe bitakunda amahirwe menshi umwaka utaha azakinira Police FC.

Ani Elijah yatumbagije ibiciro cyane

Ibi ni bimwe mu byagarutsweho mu Nama Mpuzamahanga y'Umuryango Mpuzamahanga w'Umurimo (ILO) yateraniye mu Rwanda kuva ku itariki ya 22-23 Gicurasi 2024. Ni inama ibereye bwa mbere ku Mugabane wa Afurika, aho kuri iyi nshuro yigaga ku buryo urubyiruko rwahanga imirimo inoze y'ikoranabuhanga kandi itangiza ibidukikije.

Minisitiri Bayisenge yavuze ko Leta y'u Rwanda yashyize imbaraga mu gufasha urubyiruko kubona akazi, guteza imbere uburezi ndetse no guhanga udushya. Yavuze kandi ko ibyo bijyana no kurushishikariza gutangiza imishinga ndetse no gushyigikira imishinga mito.

Gusa yavuze ko hagikenewe guterwa indi ntambwe mu kongera umubare w'urubyiruko rufite akazi.

Ati 'Tugomba gukuraho imbogamizi zikiri mu guhanga akazi ku rubyiruko, nko kutagera kuri serivisi z'imari uko bikwiye, ndetse n'uburyo budahagije bwo kuborohereza gutangira imishinga bijyanye n'ibyiciro barimo. Tugomba kandi kwita cyane ku gutanga mahirwe angana yo kubona akazi kanoze mu rubyiruko.'

Yongeyeho ko ikoranabuhanga rizibandwaho, ati 'Bigomba kujyana no kwita ku gukoresha amahirwe ari mu ikoranabuhanga no guhanga udushya mu rubyiruko, ari byo turi kuvugaho muri iyi nama.'

Prof. Bayisenge kandi yavuze ko muri iki gihe ubukungu bwubakiye ku ikoranabuhanga buri gutera imbere ku Isi, asaba ko Umugabane wa Afurika utasigara inyuma, cyane ko ufite urubyiruko rwinshi.

Umunyamabanga wa Leta muri Minisiteri y'Urubyiruko n'Iterambere ry'Ubuhanzi, Umutoni Sandrine yavuze ko kuba u Rwanda ari Igihugu kiganjemo urubyiruko, ari yo mpamvu hashyizweho gahunda zinyuranye zo kuruzamura mu guhanga imirimo inoze harimo Arts Rwanda Ubuhanzi, Youth Connect Awards, Aguka n'izindi zitandukanye.

Urubyiruko rwo mu Rwanda rwitabiriye iyi nama rwavuze ko hari amahirwe ashobora kubyazwa umusaruro ariko ko hakiri n'inzitizi zituma bamwe batisanga mu guhanga imirimo inoze.

Niyigena Violette ukora nk'Umunyamabanga mu Kigo cyitwa 'Unguka Agri-Research' gikora ubushakashatsi mu bijyanye n'ubuhinzi bukozwe mu ikoranabuhanga, yavuze ko nk'urubyiruko hari amahirwe ahari mu ihangamurimo rishingiye ku ikoranabuhanga ritangiza ibidukikije.

Yagize ati 'Birashoboka gukora iyo mishinga kuko nka twe twatangiye tukiga muri kaminuza. Ibyo dukora mu kigo cyacu birimo ikoranabuhanga rifasha umuhinzi gukoresha inyongeramusaruro atangije ibidukikije, kubungabunga ubutaka ndetse no kumenya guhinga bakurikije imihindagurikire y'ibihe. Hari uturere ibyo byagaragayemo dushaka ko bakomeza ubuhinzi ariko batangije ibidukikije'.

Muhire James ukora nk'umugenzuzi mu Kigo Rwanda Green Fund yavuze ko mu rubyiruko hakiri imbogamizi ku kugera kuri serivisi z'imari uko bikwiye, asaba ko nabyo byazahabwa umwihariko.

Nibura mu myaka irindwi ishize, Leta imaze guhanga imirimo irenga miliyoni, mu gihe ikigero cy'ubushomeri muri uyu mwaka cyagabanutse kikagera kuri 12.9%, ikigero cyaherukaga mbere ya Covid-19.

Muri iyi Nama hatangiwe ibiganiro bitandukanye

Ni ubwa mbere Inama nk’iyi ibereye ku Mugabane wa Afurika

Umunyamabanga wa Leta muri Minisiteri y'Urubyiruko n'Iterambere ry'Ubuhanzi, Umutoni Sandrine yavuze ko kuba u Rwanda ari Igihugu kiganjemo urubyiruko, ari yo mpamvu hashyizweho gahunda zinyuranye zo kuruzamura mu guhanga imirimo inoze

Minisitiri w'Abakozi ba Leta n'Umurimo, Prof. Bayisenge Jeannette, yagaragaje ko Leta ikomeje gukora ibishoboka byose mu gufasha urubyiruko kwihangira imirimo

Aba bakinnyi ba Muhazi United bavuga ko ubwo bajyaga gukina umukino wa nyuma wa shampiyona bari babwiwe n’ubuyobozi ko bajya mu kibuga bahawe amafaranga y’ibirarane by’amezi abiri bari bababereyemo.

Nk’uko abakinnyi babivuga, ntabwo ibi byabaye, binjiye mu mukino ndetse na nyuma yaho bashatse ubuyobozi barabubura. Bamwe mu bakinnyi b’abanyamahanga bavuga ko babuze amafaranga abasubiza iwabo ndetse bakaba barananiwe no kuva mu nzu bakodesha kuko batarazishyura.

Mu gushaka kumenya ukuri kw’iki kibazo, InyaRwanda yavuganye na Perezida wa Muhazi United, Nkaka Mfizi, avuga ko atigeze atererana abakinnyi, ahubwo ko ari amafaranga ataraboneka.

Yagize ati: “Ntabwo abakinnyi nabatereranye. Nabatererana gute se kandi duhorana? Amafaranga hari igihe aboneka, hari n’igihe ataboneka. Twagiye gukina bazi ko ndibuhite mbahemba gusa sibyakunze. Umushahara wabo babura turi kuvugana n’abaterankunga ndetse mu gihe kidatinze barabona amafaranga yabo.”

Nkaka uyobora Muhazi United avuga ko ibyo abakinnyi bavuga ko yabatereranye banamubuze atari byo, kuko n’ubuzima babayemo muri iyi minsi hari icyo abafasha 

Ikipe ya Muhazi United yakoze amateka yo gukina icyiciro cya mbere imyaka ibiri yikurikiranya, aho uyu mwaka yasoje ku mwanya wa 12 n’amanota 33.

Abakinnyi ba Muhazi United bavuga ko nihatagira igikorwa kuzava i Rwamagana bizagorana

Ni imikino iri butangire gukinwa kuri uyu wa Gatanu taliki ya 24 kuzageza taliki ya 1 Kamena. Amakipe 8 ari buyikine ni ayavuye muri za Conference 3 arizo Kalahari, Nile ndetse na Sahara.

Byinshi kuri aya makipe ari butane imitwe arwanira igikombe cya BAL 2024

Association Sportive des Douanes

Iyi kipe ni iyo mu gihugu cya Senegal, benshi bakaba bayizi nka AS Douanes. Yashinzwe mu 1980, ikaba iyoborwa n’inzego za gisirakare aho Perezida wayo ari Colonel Cheikh Diop.

AS Douanes niyo kipe ikina Basketball ifite ibikombe byinshi muri Senegal bigera kuri 35 . Iyi kipe mu mikino ya BAL kure yageze ni ku mukino wa nyuma mu mwaka ushize, gusa byarangiye itsinzwe mu gihe mu 2021 ari bwo bwa mbere yakinnye imikino ya 1/4 cya BAL. 

Union Sportive Monastirienne Basketball

US US Monastir ni ikipe yo muri Tunisia, yashinzwe mu 1959 ikaba imaze kwegukana ibikombe 8 bya shampiyona.

Iyi kipe itozwa n’umutoza ukomoka mu gihugu cya Misiri wanabayeho umukinnyi witwa Mohamed Kardani, ikaba yakirira kuri Mohamed-Mzali Sports Hall Arena ifite ubushobozi bwo kwakira abantu ibihumbi 5.

US Monastir yatangiye gukina BAL muri 2021 ihita igera ku mukino wa nyuma, gusa birangira itsinzwe ariko mu mwaka wakurikiyeho ihita yegukana igikombe.

Fath Union Sport Basketball

Iyi kipe ni iyo muri Morocco mu gace ka Rabat, ikaba yarashinzwe taliki 10 Mata 10 mu 1946. Yatwaye igikombe cya 1 mu 1968 nyuma y’imyaka 22 ishinzwe gusa kugeza ubu imaze gutwara ibikombe 18 bya shampiyona muri rusange.

FUS Rabat isanzwe yakirira imikino yayo muri Salle Abderrahmane Bouânane Arena ifite ubushobozi bwo kwakira abantu ibihumbi 1,500. Ni ubwa mbere yari yitabiriye imikino ya BAL none yahise inabona itike yo gukina 1/4 ivuye muri Sahara Conference.

Petro De Luanda Basketball Club

Ni ikipe yo mu gihugu cya Angola mu gace ka Luanda ikaba yarashinzwe mu 1980. Petro De Luanda Basketball Club niyo kipe ya kabiri imaze kwegukana ibikombe bya shampiyona byinshi muri iki gihugu bigera kuri 16.

Iyi kipe kandi muri 2005 no muri 2005 na 2015 yakoze akazi gakomeye yegukana FIBA African Champions Cup. Muri BAL ya 2021 yabaye iya 3, naho mu 2022 iba iya 2 mu gihe iyo mu mwaka ushize yabaye iya 4.

Al Ahly Basketball Club

Al Ahly Basketball Club ni iyo mu gihugu cya Misiri mu murwa mukuru i Cairo. Yashinzwe mu 1930, ikaba iri mu makipe akuze mu Misiri ndetse no muri Afurika muri rusange.

Iyi kipe isanzwe yakirira imikino yayo muri Al Ahly Sports Hall Arena ifite ubushobozi bwo kwakira abantu 1,500. Imaze gutwara ibikombe 9 bya shampiyona ndetse ni nayo ifite igikombe cya BAL iheruka ya 2024.

Al-Ahly Sporting Club 

Iyi kipe ni iyo mu gihugu cya Libya ikaba yarashinzwe mu gace ka Benghazi mu 1950. Kuva yashingwa imaze gutwara ibikombe 3 bya shampiyona mu gihe muri uyu mwaka ari ubwa mbere yari yitabiriye imikino ya BAL none yahise inabona itike ya 1/4.

Cape Town Tigers

Iyi kipe ni iyo muri Afurika y’Epfo mu gace ka Cape Town ikaba yarashinzwe muri 2019. Kugeza ubu imaze gutwara ibikombe 3 bya shampiyona mu gihe muri BAL. 

Rivers Hoopers Basketball Club

Rivers Hoopers ni ikipe yo muri Nigeria mu gace ka Port Harcourt, Rivers, ikaba yarashinzwe muri 2005 yitwa Royal Hoopers gusa nyuma muri 2015/6, ihindura izina.

Kuva yashingwa imaze gutwara ibikombe 5 bya shampiyona. Muri 2019 ni bwo yitabiriye imikino ya BAL gusa nyuma yaho ntabwo ibintu byagenze neza kuko ubu ni bwo yongeye kubona itike none yageze no muri 1/4.

Muri aya makipe nta n’imwe yo mu Rwanda irimo nyuma y’uko APR BBC itashoboye kubona itike iyikura muri Sahara Conference ngo igere muri 1/4. 

Biteganyijwe ko imikino ya 1/4 cya BAL 2024 itangira ikipe ya Al Ahly Ly ikina na Cape Town Tigers saa kumi n’imwe mu gihe saa mbili Al Ahly iri bukine na Fath Union Sports de Rabat.

Ku wa 22 Gicurasi 2024 ni bwo Perezida Kagame yayoboye Inama y'Abaminisitiri yashyize mu myanya abayobozi batandukanye.

Muri abo harimo Butera Michael Mgasa uri mu byishimo bisendereye nk’uko yabitangaje abinyujije ku rubuga rwa X [Twitter].

Yagaragaje ishimwe risendereye rimwuzuye umutima ati: 'Uyu munsi nasoje amasomo muri Kaminuza y'Amategeko ya Harvard nanahamagarirwa na Perezida inshingano yo kuba Umujyanama Mukuru mu bya Tekinike [Chief Technical Advisor] muri Minisiteri y'Ubutabera;

Ntewe ishema no gusubira mu rugo kuko kuba Umunyarwanda byatumye ntambukana isheja muri Harvard kandi abantu bamurikira mu rumuri rw'igihugu cyabo.'

Butera Michael Mgasa ugaragaza ko aterwa ishema no kuba umunyarwanda, ni umunyeshuri wasoje amasomo ye muri Kaminuza ya Harvard mu ishuri ry'amategeko mu ishami ryibanda ku mategeko y'ibirebana n'ikoranabuhanga na politiki ijyana naryo.

Yakoranye n'ibigo bitandukanye mu bushakashatsi bujyana n'amategeko no guhanga udushya nko mu Budage aho yagize uruhare mu kigo mpuzamahanga cy'u Burayi gishinzwe Itegeko Nshinga n'uburenganzira bwa muntu.

Yakoze kandi mu kigo cy'umutungo mu by'ubwenge n'ihanahana makuru mu by'amategeko muri Kenya, yagize uruhare mu birebana n'umutekano mu by'amakuru y'ikoranabuhanga hamwe n'ubwenge buremano (AI).

Michael wize muri Kaminuza ya Strathmore mu 2017 no muri Riviera mu 2014, yakoze ku mishinga itandukanye, akorana n'ibigo byigenga n'ibishamikiye kuri Leta nka Banki Nyafurika y'Iterambere.

Akomeje kugira uruhare mu birebana na politiki y'ubwenge buremano mu Rwanda. Hirya y'akazi, Michael akunda gusoma ubuvanganzo nyafurika, amateka yo guharanira ubwigenge. 

Butera Michael aherutse guhamagarirwa inshingano na Perezida Kagame zo kuba Umujyanama Mukuru mu bijyanye n’imikorere muri Minisiteri y’UbutaberaAri mu byishimo byo gusoza amasomo muri Kaminuza y’Ametegeko ya Harvard nyuma yo guhabwa inshingano nshyaMichael ari mu bashyizwe mu myanga mishya nk’uko bikubiye mu byemezo by’Inama y’Abaminisitiri yayobowe na Perezida Kagame 

Ubu Kiyovu Sports iribaza niba yemera ikarekure bamwe mu bakinnyi bari bayifatiye runini kugira ngo ibone amafaranga yo kwishyura umwenda ibereyemo abakinnyi bayireze muri FIFA ikaba yarayibujije kwandikisha abakinnyi bashya.

Ubu Kiyovu Sports irishyuzwa miliyoni 56 z’abakinnyi birukanye binyuranyije n’amategeko, FIFA ikaba yarayimenyesheje ko itemerewe kwandikisha abakinnyi bashya mu gihe itarishyura iri deni ry’aba bakinnyi bayireze.

Aba bakinnyi barimo; Muzamiru Mutyaba wishyuza miliyoni 11 Frw, Jonh Mano afitiwe miliyoni 14 Frw, Ndikumana Codjifa miliyoni 13 Frw ni mu gihe Jéremie Basilua agomba guhabwa miliyoni 18 Frw.

Ubu iyi kipe ifite ikibazo cy’amikoro irimo kureba uburyo bushoboka bwose yabonamo amafaranga yo kwishyura aba bakinnyi kugira ngo umwaka w’imikino wa 2024-25 uzajye gutangira nta deni ifite izabe inemerewe kwandikisha abakinnyi bashya.

Bimwe mu bisubizo Kiyovu Sports ifite ni ukureba niba hari abakinnyi yagurisha barimo n’ab’inkingi za mwamba bifuzwa n’andi makipe.

Muri abo harimo Richard Kilongozi Bazombwa ukomoka mu Burundi wamaze kurambagizwa na Police FC.

Amakuru ISIMBI yamenye ni uko Police FC yakomanze muri Kiyovu Sports yifuza uyu mukinnyi wagize umwaka mwiza cyane akaba ari umwe mu nkingi za mwamba muri iyi kipe y’Urucaca, bamwe mu bayobozi ba Kiyovu barifuza ko yagurishwa ni mu gihe urundi ruhande rutabikozwa.

Undi mukinnyi ni Umunya-Sénégal ukina hagati mu kibuga, Chérif Bayo wari wanditse asaba gusesa amasezerano kubera umwenda yari afitiwe, gusa amakuru avuga yaje kwishyurwa uyu na we ari mu bakinnyi bifuzwa n’andi makipe.

Kiyovu Sports ikaba iri mu ihurizo ryo kubera niba yemera kurekura aba bakinnyi b’inkingi za mwamba ariko bakishyura umwenda bafite cyangwa bazabagumana bagashaka ubundi buryo.

Chérif Bayo ahannzwe amaso n’amakipe atandukanye

Kilongozi arifuzwa na Police FC

Niyirora yavuze ko yatangiye kugerageza kwinjira mu Nteko Ishinga Amategeko y'u Rwanda mu 2013 ntiyahirwa, mu 2018 nabwo biba uko.

Kuri iyi nshuro yavuze ko yizeye gutsindira umwanya akinjira mu Nteko ariko ko nubwo atagira ayo mahirwe bitazamubuza kongera kwiyamamaza mu matora ataha.

Ati 'Ni inshuro ya gatatu mbikoze, ubwa mbere narabikoze ntibyacamo, ubwa kabiri ntibyakunda ariko ndavuga nti nta mpamvu yo gucika intege reka mbikore n'ubwa gatatu ngerageze amahirwe.'

Niyirora yagaragaje nubwo atazi impamvu atatowe ariko bishingira ku kuba abakandida baba ari benshi ariko ko yifuza gukomeza gufatanya n'Abanyarwanda kubaka igihugu ari umudepite.

Yagaragaje ko impamvu akomeje guhatana ari uko udashobora gucibwa intege no kuba atabasha gutsinda mu nshuro zose yagerageje.

Ati 'Ndashaka kuba umudepite kugira ngo mfatanye n'abandi banyarwanda guteza imbere igihugu cyanjye kandi nkomeje gusigasira n'ibyagezweho. Gucika intege ntabwo ari umuco wanjye, rero ntabwo ngomba gucika intege ngomba gukomeza.'

Yagaragaje ko icyizere afite gishingiye ku buryo akorana n'abaturage mu buzima bwa buri munsi nko mu matsinda abarizwamo kuko usanga bamufata nk'intangarugero.

Ati 'Icyizere mfite gishingira uko mbana n'abaturage, banyiyumvamo ndetse bananyise akazina ka mutimawurugo, rero dukorana neza haba mu matsinda y'abagore n'ahandi.'

Niyirora Elizabeth asanzwe ari umwarimu mu mashuri yisumbuye mu kigo cya GS Hanika.

Kuri ubu afite imyaka 57 kandi akaba amaze imyaka 35 mu murimo wo kwigisha yatangiye mu 1989.

Yatanze kandidatire ye ku mwanya w'umudepite ku cyicaro cyihariye cy'abagore aho bagira imyanya igera kuri 24 mu Nteko Ishinga Ametegeko.

Komisiyo y'Igihugu y'Amatora ikomeje kwakira kandidatire z'abifuza kuba abakandida ku mwanya w'Ubudepite n'uw'Umukuru w'Igihugu mu matora ateganyijwe muri Nyakanga 2024.

Nyuma yo kwakira izo kandidatire biteganyijwe ko zigomba gusuzumwa hakazatangazwa abakandida bujuje ibisabwa na Komisiyo y'Igihugu y'Amatora ku wa 14 Kamena 2024.

Niyirora Elizabeth yakiriwe na Visi Perezida wa NEC, Mutimukeye Nicole

Niyirora Elizabeth yagaragaje ko agerageje ku nshuro ya gatatu

Nyuma yo gutanga kandidatire ye yafashe moto

Kwizera Herve