Author: webrwanda

Ibi ni bimwe mu byagarutsweho mu muhango wo kwibuka ku nshuro ya 30 abakoraga muri uyu muryango bishwe muri Jenoside yakorewe abatutsi mu 1994, mu gikorwa cyabaye ku wa Gatanu, tariki 24 Gicurasi 2024 ku rwibutso rwa Jenoside rwa Kigali.

Nyuma yo gusura ibice by'Urwibutso rwa Kigali ruri ku Gisozi no kuganirizwa amateka, Komiseri Rutagengwa Jean Bosco wari uhagarariye ibuka muri iki gikorwa yasabye abakitabiriye kugira ishyaka ryo guhangana n'abagoreka ayo mateka.

Yagize ati “Jenoside ireba buri wese ari nayo mpamvu mu guharanira ko itazasubira urwo ruhare rukwiye kugirwa na bose. Nitwe bo gukomeza urugendo turimo kugira ngo abakiri bato baturebereho hato ibyabaye bitazasubira.”

Yakomeje agira ati “Turasabwa kubaka igihugu cyacu ku rwego rukomeye, dukwiye kugira ishyaka kuko ubu Jenoside igeze mu cyiciro cya gatatu ari cyo kuyipfobya. Dufite amahirwe y'uko ukuri gushyitse n'ibimenyetso bihari bityo rero dukwiye kugira iryo shyaka ryo guhangana n'abapfobya Jenoside yakorewe Abatutsi mu 1994.'

Umuyobozi w'Inteko Rusange ya ActionAid Rwanda, Dr Nyiringabo Jean Marie Vianney yagarutse ku ruhare rw'abakozi ba ActionAid mu kubaka u Rwanda aho buri wese akwiriye kuzirikana icyo yakora mu kurwanya ko amateka mabi yazasubira ukundi.

Umuyobozi Mukuru wa ActionAid Rwanda, Mwangavu Ines yavuze ko iki gikorwa gitegurwa mu rwego rwo guha icyubahiro abazize Jenoside banaboneraho umwanya mwiza wo kwiga uko bahangana n'abayipfobya.

Ati 'Twibuka kugira ngo duhe icyubahiro abahoze ari abakozi ba ActionAid. Ikindi ni ukugira ngo tuganire ku cyo Jenoside yakoze mu basigaye, turebera hamwe ibyo yangije, tunareba kandi impamvu yabiteye bityo twige ko tutazongera gusubira mu bihe nka biriya.'

Uwayirage Emma Maria Theresa wakoraga muri uyu muryango mbere no mu gihe cya Jenoside yatanze ubuhamya bwa bagenzi be bishwe n'ubwe bwite.

Yagize ati “Buriya ni ubwo twarokotse Jenoside ariko twasigaye tutuzuye njye niko mbyiyumvamo. Gusa ndashima ubuyobozi bwiza bwadusubije ubuzima kuko ubu nibwo numva ntagiye kwishimira ubuzima, ntakigunze nka mbere.”

Uwayirage yakomeje avuga ko abo bakoranaga barangwaga n'urukundo ndetse n'ishyaka ku murimo.

ActionAid ni Umuryango Mpuzamahanga uharanira ubutabera, uburinganire no kurandura ubukene watangiye gukorera mu Rwanda mu 1982, ubu ukorera mu turere dutanu ari two Nyanza, Gisagara, Nyaruguru, Musanze na Karongi.

Abakozi ba ActionAid bunamiye inzirakarengane ziruhukiye mu Urwibutso rwa Jenoside rwa Kigali

Umuyobozi Mukuru wa ActionAid Rwanda, Mwangavu Ines yavuze ko iki gikorwa kigamije guha icyubahiro abahoze bakora muri uyu muryango bazize Jenoside yakorewe Abatutsi mu 1994

Umuyobozi Mukuru wa ActionAid Rwanda, Mwangavu Ines n’Umuyobozi w'Inteko Rusange Dr Nyiringabo Jean Marie Vianney bashyira indabo ku mva

Umuyobozi w'Inteko Rusange ya ActionAid Rwanda, Dr Nyiringabo Jean Marie Vianney n’Umuyobozi Mukuru Mwangavu Ines bacana urumuri rw’icyizere

Abakozi ba ActionAid Rwanda basabwe kubera abakiri bato urugero mu guhangana n'abagoreka amateka

Umuyobozi w'Inteko Rusange ya ActionAid Rwanda, Dr Nyiringabo Jean Marie Vianney yasabye abakozi b’uyu muryango kuzirikana icyo bakora mu kubaka igihugu no kurwanya abapfobya Jenoside

Uwayirage Emma Maria Theresa wakoraga muri uyu muryango mbere no mu gihe cya Jenoside yatanze ubuhamya bwa bagenzi be bishwe

Ku wa 05 Nyakanga 2023, Inteko rusange y'Inteko Ishinga Amategeko Umutwe w'Abadepite yatoye Itegeko Nshinga rya Repubulika y'u Rwanda. Iri Tegeko Nshinga ririmo ingingo ikomatanya amatora ya Perezida n'ay'Abadepite, ibizatuma Igihugu kizigama agera kuri Miliyari 7Frw, zari kuzakoreshwa iyo akorwa ukubiri nk'uko byari bisanzwe.

Mu kwezi kwa Nyakanga uyu mwaka, nibwo hateganyijwe amatora yakomatanyijwe (Ay'Abadepite n'amatora ya Perezida wa Repeburika) ndetse imyiteguro ikaba igeze ku musozo aho NEC iri kwakira kandidatire ku bashaka kwiyamamariza kujya muri iyi myanya y'ubuyobozi.

Kuva ku wa 15 Gicurasi kugeza ku wa 30 Gicurasi 2024, Komisiyo y'Igihugu y'Amatora iri kwakira kandidatire ku bashaka kwiyamamaza muri iyi myanya yose.

Ku wa 14 Kamena 2024; nyuma yo gusuzuma ibyangombwa ni bwo Komisiyo yamatora izatangaza ku mugaragaro abemerewe kwiyamamariza gutorerwa iyi myanya yose.

Kuva ku wa 22 Kamena, Abakandida bemewe bazatangira kwiyamamaza ibikorwa bizagera ku wa 13 Nyaknga 2024.5.24. Hagati aho, ku wa 29 Kamena nibwo hazatangazwa lisiti y'itora ntakuka.

Ku wa 14 Nyakanga, AbanyaRwanda batuye mu mahanga ni bwo bazatora mu gihe abari mu Rwanda bazatora ku wa 15 Nyakanga ku mwanya wa Perezida wa Repebulika n'Abadepite 53 baturuka mu mitwe ya Politiki cyangwa mu bakandida bigenga mu gihugu.

Ku wa 16 Nyakanga, ni bwo hazatorwa Abadepite 24 b'Abagore, babiri bahagarariye Urubyiruko ndetse n'undi Mudepite umwe uhagarariye abafite ubumuga.

Bitarenze ku wa 20 Nyakanga 2024, hazaba hatangajwe ibyavuye mu matora by'agateganyo mu gihe ibyavuye mu matora bya burundu bizamenyekana ku wa 27 Nyakanga.

Muri uyu mwaka, AbanyaRwanda bangana na 9,500,000 nibo bemerewe gutora mu gihe muri abo 2,000,000 ari bwo bwa mbere bagiye gutora. Abarenga ibihimbi 53 baba hanze y’u Rwanda bamaze kwiyandikisha ku ilisiti y’itora.

Hashize amasaha macye Tonzi ashyize ahagaragara amashusho y'indirimbo yakoranye na Liliane Kabaganza bise 'Anzi mu Izina.' Tonzi yavuze ko yahisemo Kabaganza kugira ngo abe ari we bakorana indirimbo kuko ari bwo igihe cy'Imana cyari kigeze, kandi iyo cyageze abantu bakaba babyiyumvamo byose biroroha.

Mu kiganiro cyihariye yagiranye na InyaRwanda, umuhanzikazi Tonzi yavuze ko ubutumwa bukubiye muri iyi ndirimbo bwabanje kuba ubwabo.

Yagize ati: 'Liliane twagize umwanya wo kuganira iri jambo riraganza cyane muri twe ko Imana ituzi buri wese ari umwihariko nuko indirimbo ndayandika birihuta cyane no kuyikora ntibyatugoye.

Iyi ndirimbo imara iminota 4 n'amasengonda 38, ikubiyemo ubutumwa bwiza kandi bugenewe buri wese buvuga ko Imana izi abantu bayo mu mazina nk'uko izina ryayo ribivuga, kandi ikaba izi buri wese nk'umwihariko nk'uko ijambo ry'Imana ribivuga muri Yeremiya: 1:5 ko Imana yamenye buri muntu ataranavuka”.

Ati: 'Ni indirimbo yongera kukwibutsa ko Imana ikuzi mu izina kandi izina ikwita riruta andi mazina yose, rero mu buzima hari ibigeragezo tunyuramo bitandukanye bitwita amazina atariyo, ugasanga umwanzi we ashaka ko witwa uwashobewe, uwatsinzwe, uwanzwe, nandi menshi. 

Rero ntukwiye kwemerera umwanzi ko akwita izina Imana itakwise, kuko izina ni impano ikomeye kuko n’izina rya Yesu niryo tunesherezamo. Rero iyi ndirimbo ni ukongera ugashimangira ko Imana ikuzi mu izina kandi nk’ umwana wayo wihariye.'

Yashimangiye ko ubutumwa buri muri iyi ndirimbo bugenewe buri wese kuko uriho wese yaremwe n'Imana, ikaba ari indirimbo y'insinzi mu buzima bwa buri muntu.

Akomoza ku mpamvu bahisemo kuyita 'Anzi mu Izina' yagize ati: 'Kuyita iri zina ni uko kwatura ibyiza ku buzima bwacu bitugiraho ingaruka nziza. Byonyine kuvuga uyu mutwe wayo gusa uba ushimangiye ko Imana ikuzi mu izina, uko ubivuga kenshi ubyumva kenshi niko bikomeza kukubera ubuzima.'

Tonzi yashimangiye ko Liliane Kabaganza ari umuntu udasanzwe mu buzima bwe, kuko bamaze imyaka myinshi baziranye nyuma yo guhurira mu ivugabutumwa rishingiye ku kuririmbira Imana.

Mu magambo ye yagize ati: 'Yambereye mukuru wanjye mu murimo, ni umubyeyi Imana yakoresheje cyane n'ubu igikoresha mu kwamamamaza inkuru nziza binyuze mu kuririmba. Imana yamuhaye impano idasanze, ndamukunda kandi ndamwubaha ni impano nziza kuri njye, umuryango wanjye ndetse n’ isi yose.'

Mu butumwa bwihariye, Tonzi yibukije buri wese ko ari umwihariko ku Mana, avuga ko mu isi abantu bose usanga bihugiyeho bashaka imibereho ariko bidakwiye ko bibagirwa ko bihariye ku Mana kandi imigisha ari bo yayigeneye.

Ati: 'Ibyo urimo byose n'ibyo ukora, ujye ubibamo uziko uri uw'agaciro mu maso y’Imana, kandi ntukemerere umwanzi ariwe Satani kukwita amazina Imana itakwise.'

Tonzi yashimiye byimazeyo Liliane bakoranye iyi ndirimbo igamije gukomeza kwamamaza inkuru nziza, amushimira ko yemeye ko bayikorana. Yashimiye kandi by'umwihariko abagize uruhare mu gutunganya iyi ndirimbo ikajya hanze mu gihe gito, barimo Alpha Entertainment, Producer Camarade, itsinda rigari ry'Umucyo Production, Producer Mok Vybz, Joshua Manishimwe na Eliel Sando wakoze Video yayo 'Imana imuhe imigisha myinshi ni umwizerwa mu kazi nkabimukundira cyane.'

Tonzi ukunzwe cyane mu ndirimbo zifasha benshi kwegerana n’Imana yashimiye Kabaganza wemeye gukorana nawe indirimbo

Umuhanzikazi Liliane Kabaganza arubashywe cyane mu muziki wo kuramya no guhimbaza Imana kuko awumazemo igihe kandi ni umuhanga cyane

Kanda hano urebe indirimbo nshya yahuje Tonzi na Liliane Kabaganza bise ‘Anzi mu Izina’

Mu rwego rwo guherekeza neza Gicurasi no kwinjira neza muri 'weekend' ya nyuma y'uku kwezi, abahanzi nyarwanda baba abo mu muziki wo kuramya no gihimbaza Imana n'abakora umuziki usanzwe bakoze mu nganzo biyemeza kumara irungu abakunzi b'umuziki nyarwanda

Mu ndirimbo nyinshi zagiye hanze muri iki cyumweru no mu mpera z'icyumweru gishize, InyaRwanda yaguhitiyemo 10 gusa zagufasha kuryoherwa n'impera z'icyumweru ndetse n'iz'ukwezi muri rusange.

1.     Ni Danger Remix — Bwiza ft Danny Vumbi

“>

Muri iki cyumweru, nibwo Umuhanzikazi Bwiza yisunze Danny Vumbi basubiranamo indirimbo 'Ni Danger' yaciye ibintu mu myaka ya za 2015 kugeza mu 2018 biturutse ku magambo ayigize yari agezweho muri icyo gihe.

Mu kiganiro na InyaRwanda, Danny Vumbi yavuze ko iyi ndirimbo igaragaza ishusho ye iyo uyivuze'. Ati 'Umuntu wese ukurikiranira hafi umuziki Nyarwanda abona isura ya Danny Vumbi. Ni indirimbo yabaye ikimenyabose imfungurira amayira mu ruhando rwa muzika.'

Yavuze ko yahisemo kuyisubiramo ayikoranye na Bwiza, kubera ko ari 'umuhanzi uri kubyitwaramo neza'. Avuga ko mu gusubiramo iyi ndirimbo bakoresheje amagambo 'twita 'slingue' akoreshwa n'urubyiruko'. Ati 'Kandi Bwiza ni urubyiruko aracyari muto.”

2.     Siba — Papa Cyangwe

“>

Mu mpera z'icyumweru gishize, nibwo umuraperi Abijuru King Lewis wamamaye nka Papa Cyangwe yashyize hanze indirimbo yise 'Siba' ikubiyemo ubutumwa bwo kwikuraho inshuti mbi n'izidafite umumaro mu buzima bw'umuntu agasigarana nke z'umumaro.

3.  Ishene – Bill Ruzima ft Bushali

“>

Umuhanzi Bill Ruzima yiyambaje umuraperi Bill Ruzima bashyira hanze indirimbo bise ‘Ishene’ ikubiyemo ubutumwa bw’uko mu buzima nta kidashoboka, uyu munsi bishobora kuba bimeze nabi ejo bikagenda neza.

4.     Uzaze — Nirere Shanel

“>

Nyuma y'amezi arenga ane ashyize hanze indirimbo zigize Extended Play (EP) ye yise 'Uzaze,' umuhanzikazi Nirere Shanel yashyize ahagaragara amashusho y'indirimbo yitiriye iyi EP.

5.     Yampano — Hawayu

“>

Uworizagwira Florien wamenyekanye nka Yampano mu muziki nyarwanda, yashyize hanze indirimbo icurangitse neza yise 'Hawayu' nyuma yo kuzamura igikundiro cye mu zirimo 'Bucura,' 'Ndi Kwikubita,' 'Zikana,' n'izindi.

6.     Happy — Oda Paccy

“>

Umuraperikazi Uzamberumwana Oda Pacifique wamamaye nka Oda Pacy nawe yakoze mu nganzo muri iki cyumweru, ashyira hanze indirimbo yise 'Happy' ikubiyemo ubutumwa bw'urukundo.

7.     Last Time — Memo ft Bwiza

“>

Umuhanzi Memo yiyambaje umuhanzikazi Bwiza uri mu bagezweho mu Rwanda, maze bakora indirimbo yengetse bise 'Last Time.'

8.     Tumutore — Mitsutsu

“>

Kazungu Emmanuel [Mitsutsu] usanzwe umenyerewe nk'umunyarwenya, yatunguye benshi muri iki cyumweru ashyira ahagaragara amashusho y'indirimbo y'amatora yise 'Tumutore,' ishishikariza abanyarwanda kuzatora Paul Kagame ku bw'ibigwi bye bihambaye, mu matora y'Umukuru bw'Igihugu n'ay'Abadepite azaba muri Nyakanga uyu mwaka.

9.     Anzi mu Izina

“>

Hashize amasaha macye Tonzi ashyize ahagaragara amashusho y'indirimbo yakoranye na Liliane Kabaganza bise 'Anzi mu Izina.' Tonzi yavuze ko yahisemo Kabaganza kugira ngo abe ari we bakorana indirimbo kuko ari bwo igihe cy'Imana cyari kigeze, kandi iyo cyageze abantu bakaba babyiyumvamo byose biroroha.

Iyi ndirimbo imara iminota 4 n'amasengonda 38, ikubiyemo ubutumwa bwiza kandi bugenewe buri wese buvuga ko Imana izi abantu bayo mu mazina nk'uko izina ryayo ribivuga, kandi ikaba izi buri wese nk'umwihariko nk'uko ijambo ry'Imana ribivuga muri Yeremiya: 1:5 ko Imana yamenye buri muntu ataranavuka”.

10. Nkomeza — Thacien Titus

“>

Umuhanzi w'indirimbo zo kuramya no guhimbaza Imana Thacien Titus wakunzwe cyane mu ndirimbo 'Aho ugejeje ukora,' yashyize hanze indirimbo nshya muri iki cyumweru yise 'Nkomeza' ikubiyemo ubutumwa bwo gusaba Imana gukomeza abayo mu rugendo rwuzuye ibigeragezo.

Mu zindi ndirimbo zagiye hanze muri iki cyumweru harimo 'Nzajya Ngusingiza' yahuje Tonzi na Maranatha Family, 'People Talk' ya Yee Fanta na Teco, 'Tona' ya Khire, Ndagaswi ya Juni Quickly, Blueboy, Cocept na Hollix n’izindi nyinshi.

Byagarutsweho kuri uyu wa Gatanu tariki ya 24 Gicurasi 2024 ubwo hibukwagwa ku nshuro ya 30 Abatutsi bishwe muri Jenoside bakajugunywa mu birombe bicukurwamo amabuye y'agaciro n'abayahacukuraga aho kuri ubu hasigaye hakorera Trinity Metals.

Trinity Metals ivuga ko imaze kubarura abantu 124 bakoraga mu birombe by'amabuye y'agaciro muri Musha bishwe muri Jenoside yakorewe abatutsi.

Uwizeye Domithila warokokeye muri ibi birombe by'amabuye y'agaciro yatanze ubuhamya bw'uburyo umugabo we yishwe areba n'uburyo hari benshi bishwe bakajugunywa muri ibi birombe by'amabuye y'agaciro.

Ati 'Batugejeje ku kirombe abana bose banyirambikaho bambaza bati Mama turazira iki? Umwana umwe yabasabye kumureka akabanza agasenga, abisoje bamukubita impiri bamujunya mu kirombe, bafata abandi bana babiri nabo barabatema babajugunyamo. Nyuma bansabye imfunguzo z'umugabo wanjye kuko yakoraga mu birombe ndazibima niko gukomeza gutema n'abandi bana banjye bose.'

Uwizeye yavuze ko hari abandi bantu benshi bijugunyaga mu byobo byacukurwagamo amabuye y'agaciro kubera gutinya gutemeshwa imihoro. Yavuze ko yakomeje kwihisha kugeza ubwo Inkotanyi zimugezeho ziramukiza.

Umuyobozi Mukuru wungirije w'Ikigo gishinzwe Mine Peteroli na Gaz mu Rwanda, Narcisse Dushimimana, yihanganishije abafite ababo biciwe mu birombe, asaba buri wese kugira ubumuntu n'urukundo. Yasabye abakiri bato kubakira ku byiza bimaze kugerwaho bakirinda ingengabitekerezo ya Jenoside.

Umuyobozi wa Ibuka mu Karere ka Rwamagana, Musabyeyezu Dativa, yahaye umukoro abacukura amabuye y'agaciro wo gushyira hamwe bakunga ubumwe ndetse no gusigasira ibyagezweho.

Ati 'Umwanya nk'uyu nguyu ube umwanya wo kwiga twese. Ubu turibuka abari abakozi b'ibigo byacukuraga amabuye y'agaciro ariko kandi tujye tunazirikana ko hari n'ababikoragamo bagize uruhare mu kwica abatutsi, tujye tuzirikana ko rero hari aho umunyarwanda atabaye mwiza twirinde ingengabitekerezo bidufashe no kutwubaka tunubake abandi bashaka kugarura ikibi.'

Umuyobozi wa Trinity Metals, Peter Geleta, yavuze ko kwibuka Jenoside yakorewe Abatutsi ari uburyo bwiza bwo kumenyesha Isi yose ibyabaye mu Rwanda, no kwirinda ibyatuma hagaruka ibihe bibi nk'ibyabaye muri Jenoside yakorewe abatutsi.

Peter Geleta yashimiye ubuyobozi bwahisemo kwihutisha umuvuduko w'u Rwanda nyuma ya Jenoside yakorewe Abatutsi kuburyo kuri ubu rufite umutekano n'iterambere rigaragarira buri wese kandi mu gihe gito.

Muri uyu muhango hatanzwe inka enye ku barokotse Jenoside batishoboye bo mu mirenge ya Munyiginya, Musha na Mwulire isanzwe icukurwamo amabuye y'agaciro. Hanatashywe kandi inzu yubakiwe umusaza utishoboye nawe warokotse Jenoside yakorewe abatutsi.

Abatutsi bajugunywe mu birombe bya Rwamagana bunamiwe

Umuyobozi w'Akarere ka Rwamagana wungirije ushinzwe iterambere ry'ubukungu, Kagabo Richard, yasabye urubyiruko kwirinda ingengabitekerezo ya Jenoside

Umuyobozi wa Ibuka mu Karere ka Rwamagana, Musabyeyezu Dativa, yasabye abacukura amabuye y'agaciro kunga ubumwe

Inzu yubakiwe umusaza warokotse Jenoside yakorewe abatutsi utagiraga aho kuba

Ku mugoroba wo kuri uyu wa 24 Gicurasi 2024, nibwo Manirareba Herman, yatanze kandidatire ye yakirwa na Perezida wa Komisiyo y'Igihugu y'Amatora, Oda Gasinzingwa.

Mu byangombwa byose bisabwa ushaka kuba umukandida Perezida yabuze urutonde ruriho imikono y'abantu 600 bemeye gushyigikira kandidatire ye, ashimangira ko kuyibona ari urugendo rutoroshye.

Ati 'Ntibyoshye, ariko nyine ibyo nabonye nabitanze, ibindi nabyo ndateganya kubitanga nkurikije ibyo amategeko agenga Komisiyo y'Igihugu y'amatora ivuga.'

Yakomeje ati 'Gushaka iriya mikono ya bariya bantu 600 ntabwo byoroshye, aho twagiye tugera twagiye duhura n'imbogamizi, inyinshi zishingiye ku kuba Abanyarwanda batazi neza ibintu byerekeranye n'amatora. Ubundi amatora y'Umukuru w'Igihugu n'ay'Abadepite ni amatora y'Abanyarwanda.'

Manirareba Herman yamenyekanye cyane ubwo yajyanaga Kiliziya Gatolika mu nkiko avuga ko yagize uruhare mu guca umuco gakondo mu Rwanda.

Manirareba ni umuturage wo mu Mudugudu wa Nyabitare, Akagari ka Gitare, Umurenge wa Nyarubaka mu Karere ka Kamonyi ariko siho aba, ahubwo atuye i Kigali.

Ubwo hasuzumwaga ibyangombwa Manirareba ari gutanga

Manirareba Herman yashyikirije Komisiyo y'Igihugu y'Amatora kandidatire ituzuye

Manirareba yakiriwe na Perezida wa Komisiyo y’Igihugu y’Amatora, Oda Gasinzigwa

Amafoto: Kwizera Herve

Mu gihe hakiri umubare munini w'urubyiruko uhangayikishijwe no kubona akazi kandi kabasaba uburambe 'Experience', hashyizweho urubuga rw'ikoranabuhanga 'Ingazi' ruzabafasha kubona ubumenyi no kumenyera umwuga bityo bikaborohereza kubona akazi.

Urubuga 'Ingazi.rw' rwahoze rwita ''Passport To Earning' cyangwa se urupapuro rw'inzira rubageza ku bumenyi n'umurimo, rwakozwe ku bufatanye bwa Minisiteri y'Urubyiruko n'Iterambere ry'Ubuhanzi [MoYA], Minisiteri y’Abakozi ba Leta n’Umurimo [MIFOTRA], Ishami ry’Umuryango w’Abibumbye ryita ku bana [UNICEF] n'abafatanya bikorwa barimo Generation Limited.

Kuri uru rubuga urubyiruko ruzabasha kwigiraho amasomo atandukanye yaba ikoranabuhanga, ubucuruzi, kwihangira imirimo, icungamari n'ibindi. Ruzafasha benshi kumenyerezwa umwuga ku buryo uwafashe aya masomo azaba yifuzwa ku isoko ry'umurimo.

Uru rubuga rwamurikiwe mu mujyi wa Kigali muri Serena Hotel kuri uyu wa Gatanu tariki 24 Gicurasi, aho iki gikorwa cyitabiriwe n'urubyiruko rwaturutse mu ntara z'itandukanye n'i Kigali, aho berekanye ko bishimiye itangizwa ry'uru rubuga ruje ari igisubizo cyari gikenewe.

Minisitiri w'Urubyiruko n'Iterambere ry''Ubuhanzi, Dr. Utumatwishima Abdallah, wari witabiriye iki gikorwa, aganira na InyaRwanda yashimiye abagize uruhare mu gutunganya 'Ingazi.rw', aboneraho guha umukoro urubyiruko ruhora rutaka ibura ry'akazi.

Yagize ati: “Urubyiruko rwinshi rufite telefoni zigezweho za smart phones, ndarusaba ko mbere yo kujya gukoresha izindi mbuga, babanza bagasura Ingazi, bayigireho kuko niho bazakura ubumenyi bwunganira ubwo bakuye mu ishuri harimo nko kumenya uko ubana n'abo mukorana, abakoresha bawe, gutsinda ibizamini bibahesha akazi n'ibindi byinshi. Babyaze umusaruro uru rubuga ni urwabo”.

Frederick Munyaneza w'imyaka 24 wari uri mu rubyiruko rwitabiriye iki gikorwa, yatangaje ko yishimiye Ingazi. Yagize ati: “Twajyaga dusoza amashuri twajya gusaba akazi bakadusaba 'Experience' rimwe na rimwe tukaniga n'ibintu bidakenewe ku isoko ry'umurimo ariko Ingazi ije ari igisubizo kuri twese'.

Iki gikorwa kandi cyitabiriwe n'abarimo Miss Naomie Nishimwe, Mukansanga Salima, Uwimana Jeanette n'abandi. Ni mu gihe abahanzi nka Niyo Bosco na Ariel Wayz basusurukije abitabiriye imurikwa ry'urubuga rw'ikoranabuhanga 'Ingazi.rw'.

Minisitiri Dr. Utumatwishima Abdallah yitabiriye imirikwa ry’urubuga ‘Ingazi.rw’

Habayeho ibiganiro nyugurana bitekerezo ku bijyanye no gushaka imirimo ku rubyiruko

Umusifuzi Mukansanga Salima yitabiriye iki gikorwa

Ngabo uzwi nka ‘Ibere rya Bigogwe’ kuri X [Twitter] hamwe na Miss Nishimwe Naomie

Urubyiruko rwaturutse ahantu hatandukanye rwitabiriye iki gikorwa

Miss Nishimwe Naomie yunguranye ibitekerezo n’urundi rubyiruko

Hafashwe ifoto y’urwibutso ku bitabiriye imurikwa ry’urubuga ‘Ingazi’ ruzafasha urubyiruko ku isoko ry’umurimo

Umuhanzi Niyo Bosco yasusurukije abitabiriye iki gikorwa

Ariel Ways yatanze ibyishimo ku rubyiruko rwamurikiwe bwa mbere urubuga ‘Ingazi’

AMAFOTO: Jean Nshimiyimana – InyaRwanda.com

Uyu munsi wa mbere wa BAL wabaye kuri uyu wa Gatanu tariki 24 Gicurasi 2024, ukaba witabiriwe na Perezida Kagame na Madame Jeannette Kagame, Ange Ingabire Ndengeyingoma Kagame n'umugabo we Bertrand Ndengeyingoma bari banazanye n'abana babo, Minisitiri wa Siporo, Aurore Mimosa Munyangaju n’abandi banyacyubahiro.

Juno Kizigenza

Habaye imikino ibiri uwa AL Ahly LY na Cape Town Tigers ubwo wari ugeze hagati mu karuhuko Juno Kizigenza yakiranwe urugwiro ku rubyiniro aho yafatanije na Shemi bafitanye indirimbo kurushaho kuzamura ibyishimo byabitabiriye imikino ya nyuma y'iri rushanwa.

Shemi uri mu bahanzi bakiri bato yinjiye mu murishyo wa Peace Of Mind yatumye yamamara mu gihe Juno Kizigenza yaririmbye indirimbo zirimo iyo yakoranye na Bushali, Yaraje n'izindi.

Inganzo Ngali

Mbere gato y'umukino wa Kabiri itorero riri mwakomeye ry'Inganzo Ngari ryabanje guseruka mu mudiho udanzwe n'imyambarire bari bisanishije n'ibihugu byinshi bya Afurika.

Ubona ko bari bamaze iminsi bategura yaba abakobwa n'abahungu bagiye babyina bakavanga n'indirimbo zo mu idini ya Isilamu, ubundi mu mbyino zimenyerewe mu bihugu byo mu Burengerazuba no mu majyepfo ya Afurika byari agatangaza

Adekunle Gold

Ubwo igice cya mbere cya Al Ahly na Fus De Rabat zacakiranye mu mukiro cyari kirangiye Zuba Mutesi yasabye abantu kwereka urukundo Adekunle anamwakira ku rubyiniro.

Uyu mugabo wageze mu Rwanda kuwa 22 Gicurasi 2024 yinjiriye muri Okay indirimbo yatigishije BK Arena akurikizaho Party No Dey Stop yahuriyemo na Zinoleesky asoza na High iri muzigezweho ku isi yakoranye na Davido.