Author: webrwanda

Perezida Paul Kagame yitabiriye imikino ifungura irushanwa rya Basketball Africa League 2024 (BAL 2024) ryatangiye kubera mu Rwanda uyu munsi.

Uyu munsi ku wa Gatanu tariki ya 24 Gicurasi ni bwo amakipe 8 yitwaye neza muri Conferences yatangiye urugendo rwo guhatanira igikombe BAL 2024 kirimo kubera mu Rwanda muri Kigali Arena.

Umukino wabimburiye indi ni uwo Al Ahly Benghazi yo muri Libya yatsinzemo Cape Town Tigers BBC yo muri Afurika y’Epfo amanota 87-76.

Hahise hakurikiraho umukino karundura wahuje Al Ahly yo mu Misiri na FUD Rabat yo muri Maroc.

FUS Rabat ikaba nta kosa na rimwe yakoze yaje gutsinda uyu mukino ku manota 89-78 ya Al Ahly.

Nubwo nta kipe yo mu Rwanda yari irimo, Perezida Kagame yari yaje kureba iyi mikino yabaga ku nshuro ya kane.

Abari muri Kigali Arena bakaba basusurukijwe n’abahanzi nka Juno Kizigenza mu ndirimbo Peace of Mind yasubiranyemo na Shemi bari kumwe ku rubyiniro, Kurura yakoranye na Bushali, Igitangaza yafatanyije na Bruce Melodie na Kenny Sol ndetse na Yaraje yitiriye Album aheruka gushyira hanze.

Umuhanzi kandi w’icyamamare ukomoka muri Nigeria, Adekunle Gold yakoreye amateka muri Kigali Arena aho yashimishije abari bitabiriye iyi mikino mu ndirimbo ze nka ‘Party No Dey Stop’, ‘Do You Mind?’ ‘5 Star’ n’izindi.

Al Ahly yatsinze Cape Town Tigers

Juno Kizigenza yashimishije abitabiriye iyi mikino

FUS Rabat yatsinze Al Ahly

Perezida Kagame yari yitabiriye ibirori bifungura iri rushanwa

Umuhanzi Adekunle Gold yakoreye amateka muri Kigali Arena

Nk’uko bigaragara ku mbuga nkoranyambaga za BAL, Adekunle Gold yasuye Rivers Hoopers ihagarariye Nigeria mu mikino itangira kubera muri BK Arena guhera ku mugoroba wa tariki 24 Gicurasi ikazashyirwaho akadomo kuwa 01 Kamena 2024.

Muri aya mashusho, abakinnyi ba Rivers bagaragaza ibyishimo byinshi bakira Adekunle bakanamusaba ko yabereka ubuhanga afite muri Basketball, maze atazuyaje umupira akawunaga mu nkangara.

Wakibaza iyi kipe ya Rivers Hoopers ihagaze gute?

Rivers Hoopers ni ikipe yo muri Nigeria ifite icyicaro muri Port Harcourt mu Ntara ya Rivers. Iri mu zikomeye muri Shampiyona ya Nigeria ndetse ikaza imbere muri Afurika dore ko yanabashije kubona itike yo kwitabira imikino y'irushanwa rya BAL.

Muri 2005 ni bwo yashinzwe ihabwa izina rya Royal Hoopers, gusa nyuma y’uko igiye mu biganza bya Guverinoma by'umwihariko Intara ya Rivers muri 2019, yahinduriwe izina yitirirwa aka gace.

Yibitseho ibikombe bya shampiyona y'igihugu bigera kuri 5, mu mwaka wa 2011, 2012, 2019, 2021 na 2023.

Ku rwego rw'umugabane, Rivers yakinnye muri shampiyona ya FIBA Africa inshuro zigera kuri 3, ubu akaba ari ubugira Kabiri yitabira BAL kuko yaherukaga kwitabira mu mwaka wa 2021.

Yatangijwe na rurangiranwa muri Basketball muri Nigeria, Ogoh Odaudu, guhera muri 2009 bakaba ari bwo binjiye mu cyiciro cya mbere.

Ibyo wamenya ku mutoza mukuru w'iyi kipe usanzwe anungirije mu ikipe y'igihugu ya Nigeria

Ogoh Odaudu umutoza wayo mukuru, yabonye izuba kuwa 03 Kanama 1981, akaba yarakiniye ikipe y'igihugu ya Basketball ya Nigeria, ubu akaba ari umutoza.

Uyu mugabo yavukiye mu gace ka Jos, atangira akinira ikipe y'igihugu y'ingimbi ya Nigeria. Ari mu bakinnyi bitabiriye igikombe cy'isi cy’abatarengeje imyaka 19 hari mu 1999.

Yaje kuzamuka ajya mu ikipe nkuru, akinana n'iyi kipe mu mikino itandukanye irimo shampiyona ya FIBA Africa 2001 na 2003 ndetse muri 2006 yafashishije iyi kipe mu mikino ya Commonwealth.

Guhera muri 2009 ni bwo yabaye umutoza mukuru wa Rivers Hoopers, muri 2019 atangira kuba umutoza wungirije w'ikipe y'igihugu ya Nigeria.

Muri 2020 yari i Tokyo mu mikino Olempike na 2019 AfroCan, aho hose akaba yari ahari nk'umutoza wungirije w'ikipe y'igihugu.

KANDA HANO UREBE AMASHUSHO YA ADEKUNLE NA RIVERSAdekunle yasuye mu myitozo ikipe ya Rivers Hoopers yo mu gihugu cye ayifuriza amahirwe mu mikino ya nyuma ya BAL 

Rafiki yagiye afasha uyu muhanzi mu bihe bitandukanye, kugeza ubwo banemeranyije gukorana indirimbo iri mu zizaba zigize Album ye yitsa cyane ku rurimi rw’Icyongereza ndetse n’Ikinyarwanda, mu rwego rwo kugeza kure ubutumwa bwe.

Ni ubwa mbere aba bombi bahuriye mu ndirimbo, kandi izaba igaruka cyane ku rukundo. Rafiki atangaje ibi mu gihe Alain Intwali yasohoye amashusho y’indirimbo ye nshya yise ‘Crazy Sexy’ iri mu zigize iyi Album ye.

Mu kiganiro yagiranye na InyaRwanda, Rafiki yavuze ko gukorana na Alain Intwali byaturutse ku bushuti bafitanye n'uburyo buri umwe ahabibikanira iterambere ry'umuziki we.

Ati “Dusanzwe turi inshuti cyane biri mu mpamvu zaganishije ku kuba twanakorana indirimbo, kandi iri mu zigize Album ye, ntekereza ko abantu bakwiye kuyitega mu minsi iri imbere.”

Akomeza ati: 'Numvise indirimbo zigize Album ya Alain Intwali numva nifuje gukorana cyane, ku buryo nzaba mu bagize uruhare kuri Album ye. Rero, iyi ndirimbo twakoranye n'iyo izakurikira iyi yise 'Crazy Sexy' yashyize hanze.'

Iyi ndirimbo ‘Crazy Sexy’ yasohotse iherekejwe n’irushanwa, aho abahanzi banyuranye n'abandi bakangurirwa kuyiririmba, aho uzahiga abandi mu kuyiririmba azahembwa ibihumbi 500 Frw no kuyikorana na Alain Intwali.

Alain Intwali yabwiye InyaRwanda ko yahisemo gushyiraho iri rushanwa 'mu rwego rwo kumenyekanisha indirimbo no kugirango nzabone uko nyisubiramo (Remix)'.

Alain Intwali avuga ko kumenya kwikorera indirimbo byamufashije kudatinzwa na ba Producer bamukorera indirimbo, ariko kandi hari abo yifashishije mu kuyinonsora.

Ati 'Ntekereza ko imyaka 10 ishize menye gutunganya indirimbo, kandi byamfashije kudatinzwe na ba Producer mu gihe cyo gukora indirimbo. Ni njye wikorera indirimbo kugeza irangiye n'ubwo hari abo nifashishaho.'

Yavuze ko iyi Album ye ateganya ko izajya hanze muri Kanama 2024, kandi izaba iriho indirimbo yakoranyeho n'abandi bahanzi barimo Rafiki. Ati 'Imana imfashije iyi album yajya hanze muri Kanama 2024. Nteganya ko izaba iriho indirimbo n'abahanzi barimo Rafiki.'

Mu 2022, uyu musore yashyize hanze Album ye ya mbere yise 'Dream Chaser' iri ku mbuga zitandukanye nka Spotify, Apple Music, iTunes, amazon n'izindi.

Ni Album iriho indirimbo 10 zirimo 'Get It', 'Dreamer' yakoranye na Karimah, 'Black when' yakoranye an Oozeela K-Riz, 'Lights on me' yakoranye na Selassie Drah, 'Small Minds Call it Ego' yakoranye na Selassie Drah, 'Clap' yakoranye na Selassie Drah, 'Platinum Pussy' yahuriyemo na K-Field na Miss Benzo; 'Show me', 'Counterfeit' ndetse na Pablo' yakoranye na Selassie Drah.

Yabwiye InyaRwanda ko imyaka ine ishize ari umwe mu basirikare ba Canada ukorera mu gace ka Alberta. Uyu musore avuga ko guhuza inshingano zo gucunga umutekano w'igihugu no gukora umuziki ari ibintu bimworohera, kuko byombi abikunda, kandi yakuze yumva ashaka kubikora.

Ati 'Yego! Maze hafi imyaka ine ndi umusirikare mu Ngabo za Canada. Ubu nkorera ahitwa Alberta. Numva ari umugisha ukomeye kuba mbasha gukora ibintu bibiri byombi nakuze nkunda. 

Nakuze numva nshaka kuzaba umunyamuziki ndetse n'umusirikare. Ariko ntabwo ntatekerezaga ko nzabikora byombi. Ubu rero kuba narabonye amahirwe yo kubikora, nzabikora kugeza igihe nzumva ndushye.'

Rafiki yatangaje ko mu ndirimbo zizaba zigize Album ya Alain Intwali harimo iyo bakoranye

Alain Intwali yavuze ko Album ye yihariye, kandi izaba iriho indirimbo zirenga 10

Alain Intwali asanzwe ari umusirikare muri Canada ariko unabihuza n'umuziki

 

Mu byumweru bibiri bishize, Alain Intwali yagiranye ikiganiro n’ikinyamakuru CBC aho yavuze birambuye ku ndirimbo ye ‘Crazy Sexy Cool’

  

Umunyamakuru Jessica wa CBC wagiranye ikiganiro cyihariye na Alain Intwali

KANDA HANOUREBE AMASHUSHO Y'INDIRIMBO 'CRAZY SEXY' YA ALAIN INTWALI

Imikino ya nyuma ya Volleyball yagombaga kubera muri Gymnase ya Ecole Belge kubera ko Umujyi wa Kigali wanze gutanga uburenganzira.

Kuri uyu wa Gatanu tariki ya 24 Gicurasi 2024 ni bwo imikino ya nyuma muri Volleyball mu bagabo n’abagore yagombaga gutangira ikabera muri Gymnase ya Ecole Belge ahabereye imikino ya 1/2.

Uyu munsi hagombaga kubera umukino wa REG na Police VC mu bagabo mu mwanya wa 3, umwanya wa nyuma mu bagore uhuza APR na Police ndetse n’umwanya wa nyuma mu bagabo ugomba guhuza APR VC na Police VC ni mu gihe umwanya wa 3 mu bagore wa RRA na Ruhango wari uteganyijwe kubera muri Des Anges.

Gusa aya makipe yagombaga gukinira kuri Gymnase ya Ecole Belge guhera saa 2h00′ ari na bwo REG na Police zagombaga gukina umwanya wa 3, ntibyakunze.

Banze ko iyi mikino ihabera bitewe n’uko Umujyi wa Kigali wanze gutanga uburenganzira bw’uko itangira gukinirwaho.

Gusa iki kibazo na mbere y’uko imikino ya 1/2 itangira cyari cyabeyeho banze ko bakina maze Umujyi wa Kigali uraza wemera ko ihabera.

Kuri iyi nshuro bikaba byatunguye benshi ubwo nabwo wangaga ko imikino ihabera kandi yaremeye ko 1/2 kihabera.

Amakuru ISIMBI yamenye ni uko nubwo Ishyirahamwe ry’Umukino wa Volleyball mu Rwanda (FRVB) rifite ibaruwa ibemerera gukinira muri iyi Gymnase, Umujyi wa Kigali nyuma yo kongera gukora isuzuma wasanze hari ibyo iyi nyubako ibura harimo kuba amazi ya Kizimya-Moto nta mbaraga afite (pressure), bituma batabemerera kuhakinira.

Ikindi ni uko ni yo Ecole Belge bari guhindura amapambo y’amazi bitari gukunda kuko ku wa Mbere ni bwo Umujyi wa Kigali ari bwo wari kongera kuboneka ngo uze gukora isuzuma.

Saa 17h52′ ni bwo FRVB yafashe umwanzuro ko umwanya wa 3 mu bagabo uhuza na REG na Police na wo ujya muri Des Anges mu gihe bari bagitegereje ko hari impinduka zabo.

Saa 18h47′ ni bwo umwanzuro wafashwe ko n’imikino ya nyuma igomba kujya kubera muri Des Anges.

APR yagombaga gukina na Kepler umukino wimuriwe Des Anges

Mu gikorwa cyo Kwibuka ku nshuro ya 30 Jenoside yakorewe Abatutsi mu Rwanda by'umwihariko abiciwe mu nzu yakorerwagamo n'Urukiko rw'Ubujurire rwa Ruhengeri (Cour d'Appel) n'abikorera bo mu Karere ka Musanze, bemeje ko bagiye gufatanya na Ibuka n'ubuyobozi bw'Akarere mu gukusanya no kubungabunga ibimenyetso by'abiciwe muri urwo rukiko muri Jenoside yakorewe Abatutsi.

Abatutsi biciwe muri Cour d'Appel Ruhengeri, ni abaturukaga mu cyahoze ari Superefegitura ya Busengo (ubu ni mu Karere ka Gakenke) n'abari batuye muri Musanze y'ubu no mu nkengero zayo, bazanywe kuri iyo Ngoro y'Ubutabera babeshywe ko bahahungishirijwe ngo barindwe ahubwo bakahatikirizwa n'Interahamwe, abajandarume n'abasirikare babaga mu cyahoze ari Ruhengeri.

Umuyobozi w'Urugaga rw'Abikorera mu Karere ka Musanze, Habiyambere Jean, yavuze ko kubungabunga ibi bimenyetso ari akazi katoroshye kadakwiye guharirwa Ibuka gusa n'Akarere kandi ko bizatanga umusaruro wo gushyiraho ahantu higirwa amateka nyayo, by'umwihariko ku bana bato, kugira ngo nabo bazagire ubumenyi kuri aya mateka.

Ati “Ni akazi gakomeye kugira ngo aya mateka abungabungwe ku buryo azagirira akamaro buri wese ndetse n'abana bato bajye bamenya uko Jenoside yakozwe. Twe nk'abikorera turi kuganira na Ibuka n'Akarere ku buryo twafatanya noneho buri mucuruzi ku bushake bwe agire icyo yakora tugihurize hamwe noneho ibyari kuzakorwa mu myaka myinshi tubikore mu mwaka umwe cyangwa ibiri.”

Yakomeje avuga ko “Turizera ko tuzabigeraho kuko iyo abantu bakoze ari benshi ntabwo bavunika. Bizatuma aya mateka abikwa mu buryo by'ikoranabuhanga, yigishwe abana kugira ngo batazabeshywa nyuma, bityo bamenye neza uburyo bwo kurwanya abakigoreka n'abapfobya Jenoside yakorewe Abatutsi, ndetse n'abandi bazajya baza bayige, bayasome, bayabone.”

Perezida w'Umuryango Uharanira inyungu z'Abarokotse Jenoside yakorewe Abatutsi mu Karere ka Musanze, Twizere Rusisiro Festus, yashimye Urugaga rw'Abikorera mu Karere ka Musanze uburyo rubafasha mu kwita ku mibereho y'abarokotse Jenoside yakorewe Abatutsi no kubungabunga amateka.

Ati “Turi gutegura uburyo umuntu yaza gusura hano noneho akabona amateka y'icyahoze ari Ruhengeri, ubu turi kubikora mu gihe kirambye, ubu tugiye kwicarana n'abikorera noneho turebe uburyo byakorwa neza ku buryo bunoze bw'ikoranabuhanga rizerekana gutsindwa k'ubutabera bw'icyo gihe ndetse amateka ajye aboneka ku buryo bworoshye ndetse abikwe n'imyaka 1000.”

Umuyobozi w'Ihuriro ry'abashoramari mu bijyanye n'amahoteli, Harelimana Jean Léonard, yavuze ko urebye aho urwego bakorera rwavuye mu myaka 30 ishize, nta muntu ukwiye kurebera abifuza kurusubiza inyuma, yemeza ko bazakomeza gushyigikira ibikorwa byo kwibuka no gusigasira amateka kugira ngo abakiri bato bayigireho.

Ati “Iyo urebye urwego rwacu rwariyubatse nyuma ya Jenoside yakorewe Abatutsi kuko mbere twari dufite hoteli eshatu gusa, ubu dufite izirenga 45.”

“Turanenga rero abijanditse muri Jenoside bakica abacuruzi n'abakiliya babo, ubu rero iri ni isomo rikomeye tugomba gusigasira kugira ngo dufate ingamba zo guhangana n'uwo ari we wese wifuza gusubiza u Rwanda inyuma mu mateka mabi yabaye.”

Ubuyobozi bw'Akarere ka Musanze nabwo bwashimiye Abikorera uruhare bagira mu guteza imbere imibereho myiza y'abarokotse Jenoside yakorewe Abatutsi.

Urwibutso rwa Jenoside rwa Musanze, rwubatse ahahoze Ingoro y'ubutabera (Cour d'Appel de Ruhengeri), ni hamwe mu Rwanda mu hazwi amateka yihariye ya Jenoside yakorewe Abatutsi kuko Abatutsi basaga 800 biciwe kuri urwo rukiko mu gihe bari bazi ko bizeye ubutabera.

Usibye ubufasha bwo gukusanya no kubungabunga ibimenyetso by'abiciwe muri urwo rukiko, abikorera bashaka gufatanya na Ibuka n'Akarere, banatanze inkunga yo gufasha imirimo ya buri munsi kuri uru rwibutso, abarokotse 14 bahawe ibihumbi 500 Frw kuri buri umwe yo kubafasha mu kuzahura imirimo y'ubucuruzi.

Hanatanzwe kandi inka ku wundi muryango w'uwarokotse Jenoside yakorewe Abatutsi utishoboye, indi miryango 11 ihabwa abiribwa.

Abikorera b'i Musanze binjiye muri gahunda yo kubungabunga ibimenyetso by’abiciwe muri 'Cour d’Appel' muri Jenoside yakorewe Abatutsi mu 1994

Mu mafaranga ateganyijwe mu ngengo y'imari ya 2024/2025, agera kuri miliyari 3,414.4 Frw azava mu misoro n'amahoro, miliyari 2,970.4 Frw akomoka ku misoro na miliyari 444 Frw ava mu bindi bitari imisoro.

Impano z'amahanga ziteganyijwe kugera kuri miliyari 725.3 Frw mu gihe inguzanyo z'amahanga zizagera kuri miliyari 1,318.1 Frw, naho inguzanyo z'imbere mu gihugu hamwe n'umutungo faranga bizagera kuri miliyari 232.3 Frw.

Muri rusange, mu ngengo y'imari ya Leta ingana na miliyari 5,690.1 Frw izakoreshwa mu mwaka wa 2024/2025, agera kuri 60% akomoka imbere mu gihugu bikaba ari ubwa mbere bigeze kuri icyo kigero, nk'uko Minisitiri Ndagijimana yabitangaje.

Ati 'Bigaragara ko ubukungu bwakomeje kuzamuka kandi ku kigero cyo ku rwego rwo hejuru muri iyi myaka 30 ishize[…] Inzego nk'inganda na serivisi zigenda zitera imbere cyane, ariko ni nacyo cyerekezo cy'igihugu.'

Uburyo ingengo y'imari ya Leta ya 2024/2025 izakoreshwa harimo agera kuri miliyari 3,466.3 Frw bingana na 60.9% azakoreshwa mu ngengo y'imari isanzwe na miliyari 1,992.3 Frw bingana na 35% azakoreshwa mu ngengo y'imari y'iterambere.

Andi mafaranga ateganyijwe gukoreshwa harimo, miliyari 39.8 Frw azakoreshwa mu migabane ya Leta itandukanye mu ishoramari, miliyari 60.7 Frw azakoreshwa mu ishoramari rya Leta, miliyari 80 Frw azakoreshwa mu kwishyura ibirarane ndetse na miliyari 51 Frw azakoreshwa mu bwizigame bwa Leta.

Ibikorwa by'ingenzi byagenewe ingengo y'Imari mu nkingi yo kwihutisha iterambere ry'ubukungu birimo kongera umusaruro w'ubuhinzi n'ubworozi, bizagerwaho binyuze mu kongera ikoreshwa ry'inyongeramusaruro, kongera ubushobozi bw'ububiko bw'ibinyampeke, inguzanyo ku bahinzi, guteza imbere umusaruro wa kawa n'icyayi no kongera umusaruro w'ibikomoka ku matungo.

Minisitiri Ndagijimana kandi yavuze ko Hazibandwa no guteza imbere inganda, serivisi ndetse n'ishoramari, ubucukuzi bw'amabuye y'agaciro no kubyongerera agaciro ndetse no gukomeza guhanga imirimo binyuze mu kunoza gahunda yo gutanga ubujyanama mu ipiganwa ku nganda nto n'iziciriritse.

Yagaragaje kandi ko hazibandwa no ku bikorwa bijyanye no kubungabunga ibidukikije n'umutungo kamere, ingufu, amazi isuku n'isukura, guteza imbere imijyi n'imiturire y'icyaro, gutwara abantu n'ibintu n'ibindi.

Ku byerekeye ingengo y'Imari isanzwe, inzego za Leta zahawe ingengo y'Imari ituma zishobora gukomeza gukora inshingano zazo bigendanye n'ingamba zo gukoresha amafaranga mu buryo bukwiye (rationalization strategy).

Ingengo y'imari yagabanyijwe mu nkingi eshatu ari zo inkingi yo kwihutisha iterambere ry'ubukungu, inkingi yo guteza imbere imibereho myiza y'abaturage ndetse n'inkingi y'imiyoborere myiza.

Mu nkingi igamije kwihutisha iterambere ry'ubukungu budaheza, bushingiye ku rwego rw'abikorera, ubumenyi n'umutungo kamere w'igihugu. Ibikorwa bikubiye muri iki cyiciro byagenewe amafaranga y'u Rwanda angana na Miliyari 3,393.6 bingana na 59.6%.

Ibikorwa bikubiye mu nkingi y'imibereho myiza byagenewe amafaranga y'u Rwanda angana na Miliyari 1,511.7.0 bingana na 26.6% by'Ingengo y'Imari yose y'umwaka wa 2024/2025.

Naho Ibikorwa bikubiye mu nkingi y'imiyoborere myiza byagenewe amafaranga y'u Rwanda angana na Miliyari 784.7 bingana na 13.8% by'Ingengo y'Imari yose y'umwaka wa 2024/2025.

Umushinga w'itegeko rigena ingengo y'Imari ya Leta ya 2024/2025 wemejwe n'Inteko Rusange y'Umutwe w'Abadepite, uhita woherezwa muri komisiyo kugira ngo iwusuzume.

Abanyarwanda baba mu Rwanda bazatora Perezida wa Repubulika n'Abadepite tariki ya 15 Nyakanga 2024, naho aba hanze y’u Rwanda bazatora tariki 14 Nyakanga 2024.

Abanyarwanda basaga 9,500,000 bafite kuva ku myaka 18 kuzamura, ni bo bazitabira amatora ya Perezida wa Repubulika ndetse n'ay'Abadepite. Muri bo abagera ku bihumbi 53 baba hanze y’u Rwanda nibo bamaze kujya ku ilisiti y’itora.

Komisiyo y’lgihugu y’Amatora, NEC, ikomeje kwakira dosiye z’abifuza kuba abakandida Perezida n’Abadepite guhera tariki 17 – 30/052024. Kandidatire zakirirwa ku cyicaro cya Komisiyo mu minsi n’amasaha y’akazi. Umukandida amenyesha Komisiyo amasaha 24 mbere y’uko azana kandidatire ye.

Kwireba no kwiyimura kuri lisiti y'itora na byo birakomeje. Kureba niba uri ku Ilisiti y’itora, ukanda *169# ukoresheje telefoni ikubaruyeho, ugakurikize amabwiriza. Kanda HANO umenye byinshi kuri aya matora.

NEC yatangaje ko abakeneye ubundi bufasha, bagana abakorerabushake ba Komisiyo y’Igihugu y’Amatora bari ku rwego rw’akagari. Yashimiye kandi inzego z'ibanze ivuga ko ari abafatanyabikorwa bakomeye.

Amatora ya Perezida y’ay’Abadepite azakorerwa kuri site z'itora 2,441 zifite ibyumba by'itora 17,400. Biteganyijwe ko icyumba cy'itora kitazarenza nibura abantu 500 bazagitoreramo.

Perezida wa Komisiyo y'Igihugu y'Amatora, Oda Gasinzigwa, aherutse kubwira RBA ko umubare w'abatanga kandidature urimo kwiyongera umunsi ku wundi, akabibonamo intambwe nziza muri demokarasi.

Madamu Oda Gasinzigwa avuga ko kuba abashaka kuba Abakandida bakomeje kwiyongera ari ikimemenyetso cya Demokarasi

Kwireba no kwiyimura kuri lisite y’itora birakomeje

Urukiko rwatangaje ko impamvu y'iri subikwa ari uko abagize inteko iburanisha bagize akazi kenshi bituma rwimurirwa ku wa 31 Gicurasi 2024.

Ubushinjacyaha bwasabye Urukiko ko Dubai yafungwa imyaka irindwi, akanatanga ihazabu ya miliyoni 3 Frw ndetse n'imitungo ye yafatiriwe, ikazavamo ubwishyu nk'uko bamwe mu baguze inzu babisabye mu mabazwa yabo.

Ubushinjacyaha kandi bwasabye ko Nkulikiyimfura Theopiste wari enjeniyeri wagiranye amasezerano na Dubai afungwa imyaka irindwi kubera gukoresha inyandiko mpimbano.

Bwasabye ko Rwamulangwa Stephan wari Meya w'Akarere ka Gasabo, Mberabahizi Raymond Chrestien na Nyirabihogo Jean d'Arc bahamwa n'icyaha cyo kuba icyitso mu cyaha cyo kwihesha ikintu cy'undi hakoreshejwe uburiganya bagahanishwa igihano cy'igifungo cy'imyaka itatu n'ihazabu ya miliyoni eshanu z'amafaranga y'u Rwanda.

Ubwo Urukiko rwari rugiye gutangaza icyemezo cyarwo kuri urwo rubanza ubushinjacyaha bwasabye ko rwongera gupfundurwa kuko hari imitungo y'abaregwa yafatiriwe igomba kubanza gufatwaho icyemezo.

Ubushinjacyaha bwagaragaje ko iyo mitungo yose yafatiriwe ari iya Nsabimana Jean kandi yakomotse ku cyaha bityo ko ikwiye gufatirwa.

Mu Iburanisha, Nsabimana Jean yavuze ko imitungo ye yafatiriwe yayitunze mbere y'uko atangira kubaka Umudugudu w'Urukumbuzi bivugwa ko yakoreyeho ibyaha akurikiranyweho.

Ku rundi ruhande ariko, umugore wa Nsabimana Jean nawe yagobokesheje muri urwo rubanza agaragaza ko imitungo yafatiriwe hariho umugabane we, bityo ko idakwiye gufatirwa kuko we nta cyaha yakoze.

Isomwa ry'urubanza rwa Dubai ryasubitswe

Ibyo bikorwa birimo guteza imbere imishinga ya ba rwiyemezamirimo mu gihe cy'imyaka 20 uwo muryango umaze ukorera mu Rwanda.

Ni raporo yagarutsweho kuwa 23 Gicurasi 2024, mu nama mpuzamahanga y'iminsi ine iri kubera muri Kigali Convention Centre, yiga ku gutegurira urubyiruko kuzavamo abayobozi beza b'ejo hazaza. Yitabiriwe n'abasaga 500 baturutse mu bihugu 40 mu 115 uwo muryango ukoreramo.

Iri kwiga kandi ku guteza imbere urubyiruko rukagira uruhare mu iterambere rya Afurika no mu Burasirazuba bwo Hagati ndetse no guteza imbere ishoramari ryarwo, binyuze muri JCI.

Umuyobozi mukuru wa JCI Rwanda wa 2024, Umuhoza Amina, yavuze ko bimwe mu bihugu bya Afurika no mu Burasirazuba bwo Hagati usanga bidindira kubera ubuyobozi bubi, akaba ari yo mpamu iyi nama u Rwanda rwakiriye iri kwiga uburyo urubyiruko rwahangwa amaso mu gutegura abayobozi beza b'ejo hazaza, mu nzego zitandukanye z'ibyo bihugu.

Mu myaka 20 JCI imaze mu Rwanda urubyiruko rufite imishinga itanga icyizere rwarafashijwe runafashwa kuyinoza, urwiga mu mashuri ruhugurirwa kuvugira mu ruhame no kuba abayobozi b'indashyikirwa.

Abakobwa 700 batewe inda bakiri bato bahuguriwe kugira ubumenyi bubafasha kwiteza imbere bo n'imiryango yabo, banahabwa amahugurwa ku birimo ubuzima bw'imyororokere.

Senateri muri JCI Rwanda akaba n'Umuyobozi Mukuru w'itsinda ryateguye inama ya JCI iri kubera mu Rwanda, Nishimwe Luce Gloria, yavuze ko bimwe mu bizaganirwaho muri iyi nama ari uburyo urubyiruko rwakwihangira imirimo, ndetse abato bafite impano bagatangira gukurikiranwa hakiri kare kugira ngo bafashwe kuzibyaza umusaruro zibe zanabatunga.

Umukozi muri Minisiteri y'Ubuhinzi n'Ubworozi mu Ishami rishinzwe gukurikirana uruhererekane nyongeragaciro n'ubucuruzi bw'ibikomoka ku buhinzi n'ubworozi, Sabine Abewe Hategekimana, yavuze ko leta yatangiye gukora ibishoboka kugira ngo hatezwe imbere abakora ubuhinzi barimo abagore n'urubyiruko.

Ati ''Icyo Guverinoma ikora ni ukureba uko twakemura icyo kibazo cy'abatoroherwa no gukorana n'ibigo by'imari […] dufatanyije n'abafite mu nshingano gutegura gahunda z'uko bikorwa, turi kureba uburyo hatezwa imbere ibyo kuborohereza kubona amafaranga bashoramo bakoranye n'ibigo by'imari.''

Abewe yavuze ko hari kurebwa uko abakora ubuhinzi bafashwa mu birimo kubona inguzanyo muri banki ku nyungu nto, ariko bakanubakirwa ubushobozi bahabwa ubumenyi bubafasha gukora ubuhinzi buteye imbere ndetse no gutunganya umusaruro w'ibibukomokaho.

Kaveen Kumar Kumaravel uyobora JCI ku rwego rw'Isi yavuze ko mu gutuma ibyo JCI yiyemeje bigerwaho, yahisemo guhanga amaso urubyiruko rwavutse nyuma ya 2000 rwubakirwa ubushobozi.

Umuyobozi Mukuru wa JCI Rwanda yagaragaje ko urubyiruko rukwiye gufashwa kubona igishoro cyo gutangira imishinga, rukanahugurirwa kuyihangira

Tunisia na yo yahagarariwe muri iyi nama

Muri iyi nama hanaganiriwe ku buryo ibihugu JCI ikoreramo byakora ubuhinzi buteye imbere

Kaveen Kumar Kumaravel uyobora JCI ku rwego rw'Isi yavuze ko hari kubakirwa ubushobozi urubyiruko rwavutse nyuma ya 2000 ngo rugire uruhare rugaragara mu iterambere

JCI Academy yo mu Buyapani yasusurukije abitabiriye iki gikorwa

Habayeho kungurana ibitekerezo ku cyakorwa mu kubaka urubyiruko ruzavamo abayobozi beza b’ejo hazaza

Ibihugu 40 JCI ikoreramo byahagarariwe muri iyi nama