Author: webrwanda

Gahunda ya Guverinoma y'imyaka irindwi yo kuva mu 2017-2024 igamije iterambere igaragaramo ingingo ivuga ko mu rwego rw'ubukungu, intego ari ukurushaho kwihutisha iterambere ry'ubukungu bushingiye ku ishoramari ry'abikorera, ku bumenyi no ku mutungo kamere w'igihugu.

Imibare yasohotse mu bihe bitandukanye igaragaza ko ishoramari ryakozwe n'Abanyarwanda rigenda ryiyongera kuko nko mu 2023 gusa ishoramari ry'Abanyarwanda ryari miliyoni 959.5$, bingana na 38% by'ishoramari ryose.

Muri iyi myaka irindwi ariko hari hateganyijwe gahunda yo gutangiza umushinga w'icyitegererezo kuri buri mudugudu ugamije kuzamura iterambere ry'ubukungu ku baturage bose.

Tariki 5 Kamena 2024, Minisitiri w'Ubutegetsi bw'Igihugu Jean Claude Musabyimana yabwiye abagize Inteko Ishinga Amategeko y'u Rwanda ko uyu mushinga n'ubwo watinze gushyirwa mu bikorwa ariko ubu amafaranga ahari ndetse wenda gutangizwa.

Ati 'Ni umwe mu mishinga muri NST1 wari warasigaye inyuma kubera ibibazo binyuranye by'igitekerezo ubwacyo, kukibonera ubushobozi ndetse no gushaka kugishyira mu bikorwa no gushaka kubishyira mu bikorwa ku buryo bikorwa neza ariko na byo byaratunganye gusa byaratinze, ku buryo imidugudu ya mbere ifite imishinga, ubu turi mu ijonjora ry'imishinga kuko ibigenderwaho birahari ndetse n'ubusabe bwaraje, hari amafaranga ari muri LODA ku buryo buri mudugudu ufite umushinga wafashwa.'

Ikigo gishinzwe Guteza Imbere Ibikorwa by'Iterambere mu Nzego z'Ibanze zifite ubuzima gatozi, LODA kimaze iminsi gitangaje ko hari imishinga irenga 416 kiri gusesengura, hakazaterwa inkunga itanga icyizere cyo guteza imbere abaturage benshi.

Minisitiri Musabyimana yagaragaje ko imishinga izahabwa inkunga ari iyateguwe n'abaturage ubwabo cyangwa isanzwe ikora ariko yatanga akazi ku bantu benshi iramutse ihawe inkunga.

Ati 'Abaturage ubwabo bazajya bikorera umushinga cyangwa se ube ari umushinga usanzwe uhari ukora mu mudugudu ariko ukeneye gufashwa kugira ngo ushobore guha akazi abaturage benshi kandi ube ari umushinga koko usubiza ibibazo abaturage bafite, ibyo rero byaratangiye ku buryo muri uyu mwaka w'ingengo y'imari turimo, imishinga ya mbere izabona amafaranga kandi ku bufatanye na minisiteri y'imari n'igenamigambi iyi mishinga izakomeza kubera ko bigaragara ko na yo ishobobra gutuma abaturage babona akazi ku buryo bworoshye.'

Yahamije ko gahunda y'umushinga w'icyitegererezo izakomeza nk'uko abantu benshi babyifuje.

Mu myaka irindwi ishize mu Rwanda hahanzwe imirimo isaga miliyoni 1.3, mu gihe intego yari uguhanga imirimo miliyoni 1.5.

Minisitiri Musabyimana Jean Claude yatangaje ko gahunda y’umushinga w’icyitegererezo igiye gushyirwa mu bikorwa

Urwego rw'ubuvuzi mu Rwanda rugenda rutera rutera imbere ariko hakagaragara icyuho mu buryo bwo gusuzuma no kuvura indwara za kanseri n'izindi bisaba kureba mu mikorere y'umubiri hifashishijwe ikoranabuhanga rigezweho.

Mu nama yahuje ubuyobozi bwa RAEB n'abakora mu rwego rw'ubuzima kuri uyu wa 13 Kamena 2024, Umuyobozi Mukuru w'Ikigo Gishinzwe Ingufu za Atomike mu Rwanda Dr. Fidel Ndahayo yagaragaje ko hari gukorwa inyigo yo kubaka ikigo kizaba kirimo n'uruganda rukora imiti izafasha mu gusuzuma no kuvura nyinshi mu ndwara byasabaga kujya kwivuza hanze y'igihugu.

Ati 'Ingufu za atomike ntabwo zikoreshwa gusa mu mashanyarazi, zikoreshwa no mu bindi bice by'ubukungu bw'igihugu, navuga nko mu buvuzi, mu buhinzi, ndetse no mu bucukuzi bw'amabuye y'agaciro no mu nganda zindi zitandukanye iri koranabuhanga rirakoreshwa.'

Yasobanuye ko muri iki kigo hazaba harimo 'research reactor' umuntu yafata nk'uruganda rukora imiti izajya yifashishwa muri laboratwari hatunganywa ibikenewe mu ngeri zinyuranye z'ubukungu bw'igihugu.

Ati 'Research reactor ikora imiti yifashishwa mu buvuzi bukoresha ikoranabuhanga rya nucléaire irahenda kandi usanga iyo umaze kuyizana hari igihe usanga iyo utarebye neza usanga idakoreshwa cyane nk'uko wabyifuzaga,”

“Kugira ngo tutagwa muri icyo kibazo, iyo turimo kwiga imishinga nk'iyi tureba ibikenewe mu Rwanda cyane cyane ariko tukarenzaho tukareba n'ibishobora gukenerwa mu bihugu duturanye kuko iyo icyo kintu gihari kubera uburyo gihenze usanga nta mpamvu yo kugira ngo n'ikindi gihugu niba mushobora kuba mwabagezaho iyo miti itarata ubuziranenge bwayo nta mpamvu yo kugira ngo na bo bagishoremo amafaranga menshi cyane kandi twashoboraga gusangira icyo gikorwa remezo.'

Yagaragaje ko inyingo y'iki kigo kizubakwa mu bugesera biteganyijwe ko izarangira muri Kanama 2024, imirimo yo kucyubaka ikazatwara ingengo y'imari iri hagati ya miliyoni 800$ na miliyari 1$.

Iki kigo kizaba kirimo laboratwari zirenga eshanu zirimo ahazasuzumirwa ibikorerwa mu nganda, izizakora imiti yo mu buvuzi, mu buhinzi no mu bucukuzi bw'amabuye y'agaciro.

Umukozi muri RAEB, akaba n'inzobere mu bya nucléaire, Alexis Ruhinda yabwiye IGIHE ko imiti izakorerwa muri izo laboratwari izajya yifashishwa mu gusuzuma mu buryo buhanitse indwara za kanseri zimwe zajyaga zivurwa mu buryo butanoze kubera ubushobozi buke bw'ibikoresho igihugu gifite.

Izo laboratwari zizanafasha mu gupima ubuziranenge bw'ibikoresho bitandukanye no kureba niba amabuye y'agaciro acukurwa mu Rwanda nta bindi binyabutabire biba biriho bishobora kwangiza.

Ati 'Iki kigo ntabwo kizaba kigamije gukora umuriro w'amashanyarazi, ni uguteza imbere ibikorwa bishingiye ku zindi ngeri nk'ubuzima, ubuhinzi, ubucukuzi bw'amabuye y'agaciro, n'ibyo gusuzuma ibikoresho hanyuma no kwigisha ibijyanye n'imikoreshereze y'ingufu za nucléaire hagamijwe amahoro.'

Yakigereranyije n'integuza' yo kugera ku ntego yo kubyaza amashanyarazi izi ngufu kuko na mbere yo gutangiza uruganda habanza ubushakashatsi.

Ati 'Ibikoresho bazakoresha muri rwa ruganda ubisuzumira muri ya research reactor, na za laboratwari.'

RAEB igaragaza ko mu gihe iki kigo kizaba cyubatswe bizatuma hakwira ibikorwa remezo bishingiye ku buvuzi bwifashisha ikoranabuhanga rya nucléaire 'kuko uzakenera ziriya serivisi agira uko ategura iwe.'

Umuganga uvura kanseri mu Bitaro bya Butaro, Dr Nicaise Nsabimana yagaragaje ko kuva mu kuboza 2023 kugeza muri Gicurasi 2024, abarwayi bake bakiriye ari 600 ku kwezi mu gihe abenshi bakiriye bari 800, ikigereranyo cy'abashya kikaba muri 80.

Yagaraje ko muri aba barwayi harimo abo basanga gusuzuma cyangwa kubavura bidashoboka barimo n'abarwaye kanseri yo mu bihaha, abafite ubushobozi bakaboheza muri Kenya, abandi bakajya mu Buhinde.

Yagaragaje ko ubuvuzi bukoresha ikoranabuhanga rya nucléaire nibutangira gukoreshwa mu Rwanda bizoroshya cyane ubuvuzi bw'indwara ya kanseri.

Agashami kazaba gashinzwe gukora imiti yo kwa muganga kazakoresha miliyoni 13$ mu byerekeye ibikorwa gusa.

Biteganyijwe ko inzego zifite aho zihurira n'imiti izakorerwa muri iki kigo zizatanga ibitekerezo ku byo babona byahakorerwa inyigo ikabona kwemezwa neza isubiza ibibazo bihari kandi ijyanye n'icyerekezo cy'igihugu.

Ni umwanya wo kunoza inyigo kugira ngo ikigo kizabe gisubiza ibibazo byose by’inzego bireba

Alexis Ruhinda yasobanuye mu buryo burambuye uko ikigo kizafasha gukemura ibibazo by’ubuziranenge bwa serivisi no mu buhinzi

Banyuzwe n’u buryo ikoranabuhanga ry’ingufu atomike rizafasha mu gusuzuma no kuvura

Abakora mu nzego z’ubuvuzi bari kurebera hamwe uko ikoranabuhanga rya nucléaire ryafasha mu kunoza ubuvuzi

Umuyobozi Mukuru w'Ikigo Gishinzwe Ingufu za Atomike mu Rwanda Dr. Fidel Ndahayo yagaragaje ko ikigo bagiye kubaka kizafasha guteza imbere ubuvuzi

Amafoto: Kwizera Herve

Shampiyona y’Icyiciro cya Mbere mu Rwanda (Rwanda Premier League) yateye ipine ibirori byo guhemba abahize abandi muri shampiyona y’umwaka mwaka w’imikino wa 2023-24 bikurwa ku wa Gatandatu bishyirwa muri Kanama 2024.

Byari biteganyijwe tariki ya 15 Kamena muri Kigali Serena Hotel, bikaba byamaze kwimurirwa ku wa 9 Kanama 2024, ni nyuma y’uko bihuriranye n’umukino uzahuza APR FC na Rayon Sports.

Uyu mukino wiswe “Umuhoro mu Mahoro” ugamije gusogongera Stade Amahoro iheruka kuvugururwa, mbere y’uko izatahwa ku mugaragaro tariki ya 4 Nyakanga 2024.

Biteganyijwe ko Rwanda Premier League izahemba ibyiciro 17 birimo abatoza, abakinnyi n’abanyamakuru bahize abandi mu mwaka w’imikino wa 2023-24.

Gutora bikaba bizakorerwa kuri website ya Gorilla Games aho amajwi azaba afite 10%, ku mbuga nkoranyambaga za Rwanda Premier League na Gorilla Games na yo azaba afite 10% ni mu gihe akanama nkemurampaka kazaba gafite 80%.

Abatsinze ibitego byinshi

Aha ho nta matora azaba kuko Ani Elijah wa Bugesera FC na Victor Mbaoma wa APR FC bombi batsinze ibitego 15 muri shampiyona akaba ari bo batsinze ibitego byinshi. Buri umwe azahabwa igikombe ariko ariko igihembo cya miliyoni 3 z’amafaranga y’u Rwanda bazakigabana buri umwe azahabwa miliyoni n’igice.

Umutoza w’umwaka

Thierry Froger (APR FC)
Sosthene Habimana (Musanze FC)
Ahfamia Lofti ( Mukura VS)

Umukinnyi w’umwaka

Jean Bosco Ruboneka (APR FC)
Ani Elijah (Bugesera FC)
Muhire Kevin (Rayon Sports)

Umunyezamu w’umwaka

Pavelh Ndzila (APR FC)
Nicolas Ssebwato (Mukura VS)
Nzeyurwanda Djihad (Kiyovu Sports)

Umukinnyi mwiza ukiri muto (harebwe abari munsi y’imyaka 21)

Elie Iradukunda (2006) – Mukura VS
Pascal Iradukunda (2005) – Rayon Sports
Daniel Muhoza (2006) – Etoile del’Est

Igitego cy’umwaka

Arsene Tuyisenge / Rayon Sports (Muhazi United vs Rayon Sports
Muhoza Daniel / Etoile del’Est (Etoile del’EST vs Marines)
Ishimwe Jean Rene (APR FC vs Marines)

Umukinnyi w’umwaka mu bagore

Umukinnyi w’umugore watsinze ibitego byinshi

Umutoza w’umwaka w’umugore

Umusifuzi w’umwaka w’umugabo

Umusifuzi w’umwaka w’umugore

Umunyamakuru w’umwaka w’umugabo

Sam Karenzi (Fine FM)
Reagan Rugaju (RBA)
Ephrem Kayiranga (Ishusho TV)
Claude Hitimana (Radio10)
Aime Niyibizi (Fine FM)
Thierry Kayishema (RBA)
Jean Luc Imfurayacu (B&B Kigali FM)
Rugangura Axel (RBA)

Umunyamakuru w’umwaka w’umugore

Rigoga Ruth (RBA)
Adelaide Ishimwe (TV10)
Clarisse Uwimana (B&B Kigali FM)

Ikiganiro cya Radio cy’umwaka)

Urubuga rw’Imikino (RBA)
Urukiko (Radio10)
Urukiko rw’Ubujurire (Fine FM)
Sports Plateau (B&B FM)

Ikiganiro cya televiziyo cy’umwaka

Kickoff (RBA)
Bench ya Siporo (Isibo TV)
Zoom Sports (TV10)
I Sports (Ishusho TV)

Ikinyamakuru cyandika cy’umwaka

IGIHE
INYARWANDA
ISIMBI
The New Times
Rwanda Magazine

Amakipe y’igihugu y’u Rwanda mu mukino wa Basketball mu batarengeje imyaka 20 mu bahungu n’abakobwa, yageze ku mukino wa nyuma wa Zone V aho azahura n’aya Uganda.

Ku Cyumweru gishize tariki ya 9 Kamena 2024 nibwo muri Uganda hatangiye imikino ya Zone V akaba ari mu gushaka itike y’igikombe cy’Afurika cy’abatarengeje imyaka 18.

Amakipe y’u Rwanda akaba yageze muri 1/2 aho yombi yahuye na Kenya.

Abakobwa bageze ku mukino wa nyuma, nyuma yo gutsinda Kenya amanota 71-45.

Agace ka mbere u Rwanda rwagatsinze amanota 21-13, aka kabiri bagatsinda amanota 26-7. Amakipe ajya kuruhuka ari 47-20.

Ntabwo abakobwa b’u Rwanda bahiriwe n’agace ka gatatu kuko batsinzemo amanota 2 gusa ni mu gihe Kenya yatsinzemo 12. U Rwanda rwaje kongera gutsinda agace ka nyuma amanota 22-13 umukino urangira ari 71-45.

Hahise hakurikiraho umukino w’abahungu aho u Rwanda rwageze ku mukino wa nyuma rutsinze Kenya amanota 70-52.

U Rwanda rwatsinze agace ka mbere amanota 16-11, agace ka kabiri babifashijwemo n’abarimo Kayijuka rwagatsize 26-18. Bagiye kuruhuka ari 42-29.

Ntabwo u Rwanda rwahiriwe n’agace ka gatatu kuko Kenya yagatsinze amanota 14-10. Abasore b’u Rwanda bakaba batsinze agace ka nyuma amanota 18-9, umukino warangiye ari 70-52.

Umukino wa nyuma ukaba uzaba ejo aho u Rwanda mu byiciro byombi ruzahura na Uganda yasezereye Tanzania.

Abakobwa basezereye Kenya

Abahungu na bo bageze ku mukino wa nyuma

Akarere ka Kayonza kabarizwamo amakoperative akora neza 188 afite imari shingiro ya miliyari imwe na miliyoni 271 Frw avuye kuri miliyoni 210 Frw bari bariho mu myaka irindwi ishize. Ayo maperative abarirwa umutungo utimukanwa wa miliyari 8 Frw.

Menshi muri yo akora ubuhinzi, aho ari 97 naho akora ubworozi akaba 27. Bamwe mu bayabariwamo babwiye IGIHE ko bimwe mu byatumye batera imbere cyane harimo imiyoborere myiza.

Umuyobozi wa Koperative ihinga ikanagemura kawa mu mahanga, TUK, Batamuriza Madeleine, yavuze ko koperative yabo ibarizwamo abanyamuryango 163 biganjemo ab'igitsina gore.

Yavuze ko muri iyi myaka irindwi ishize bishimira ko babashije gucuruza kawa ndetse bakanayinywa mu buryo bugaragara bitandukanye na mbere.

Ati 'Nta munyamuryango ugira umwana utiga, bose turabarihirira kuva mu mashuri y'inshuke kugeza barangije kaminuza. Ikindi kuba muri Koperative byadufashije ni uko umugore yigurira buri kimwe adasabirije ku mugabo, dufitemo amatsinda adufasha mu kwiteza imbere kuburyo buri wese n'ubwo wamutungura utamuburana amafaranga yo gukemuza ibibazo runaka.'

Bagiraneza Josephine ubarizwa muri imwe muri koperative esheshatu zegereye Pariki y'Akagera, yavuze ko kuri ubu bishimira ko nk'abagore batejwe imbere mu gukora ubuvumvu bwahoze bukorwa n'abagabo gusa.

Yavuze ko basigaye bagurisha ubuki kuri ba mukerarugendo n'abandi baturage basanzwe kuburyo mu kwezi buri umwe adashobora kubura ibihumbi 300 Frw ajyana mu rugo bikamufasha gutunga umuryango.

Uwamahoro Vanessa ubarizwa muri koperative y'abagore ikora balo zifashishwa mu gukina umupira w'amaguru. Yavuze ko muri iyi myaka irindwi bishimira ko babashije gukora balo zikomoka mu Rwanda bitandukanye nuko inyinshi zaturukaga hanze y'u Rwanda.

Sumbusho Gratien wahoze ahiga inyamaswa muri Pariki y'Akagera we yavuze ko kuba muri koperative byamubereye umusemburo wo kwigurira moto nshya no kwiyubakira inzu nziza byose akesha kuva mu guhiga inyamaswa akayoboka gucuruza inyama nziza zipimwe ndetse akanafatanya n'abandi muri koperative.

Ati 'Njye njya kubireka bamfatiyeyo baraza bamfunga amezi atandatu, mfunguwe ndabireka. Naje kujya muri koperative y'ababaga inyama mfatanya n'abandi kugurisha inyama nziza zitandukanye n'izishyamba, ubu mbayeho neza kandi na Leta turayishimira ko inyungu ivuye muri Pariki bayiduhaho muri koperative.'

Mutesi Shamimu wohereza hanze ibihingwa bitandukanye birimo urusenda, imbuto n'ibindi bitandukanye, yavuze ko mbere byabagoraga cyane mu kohereza ibihingwa bitandukanye mu mahanga kubera ukuntu umuntu yabihingaga ku giti cye, none ngo ubu byaroroshye kubera Amakoperative.

Ati 'Mbere byari bigoye gukorana n'umuntu ku giti cye kuko wabonaga umusaruro ari muke cyane, aho twagiriye amahirwe yo kubona Amakoperative rero abahinzi bariyegeranya bakabona umusaruro uhagije kuburyo iyo tubatse toni eshanu z'urusenda bazibona ndetse na toni icumi cyangwa zirenga wazibona kubera uko gushyira hamwe.'

Guverineri w'Intara y'Iburasirazuba, Rubingisa Pudence, yavuze ko amakoperative ari politike yashyizweho kugira ngo ifashe Abanyarwanda benshi mu kwiteza imbere bashyize hamwe, avuga ko bishimira ko Koperative nyinshi zahanze imirimo, zigatanga akazi ku rubyiruko ndetse zikanatinyura abagore benshi.

Rubingisa yasabye ababarizwa mu makoperative kongera amahugurwa ku miyoborere myiza kugira ngo abazirimo bumve neza akamaro ko gukora raporo zinoze no gukora igenamigambi rinoze ry'igihe kirekire rishobora kubafasha kunoza ibyo bakora babyohereza hanze y'igihugu.

Amakoperative yahinduye imibereho y’abatuye i Kayonza

Abaturiye Pariki y'Akagera bishimira ko bahurijwe hamwe bagakora koperative zigurisha ubuki

Shumbusho Gratien wahoze ahiga inyamaswa yishimira iterambere amaze kugeraho kubera kuba muri Koperative

I Kayonza hari Koperative y’abagore bakora imipira yo gukina kandi ngo ikundwa na benshi

Mutesi Shamimu yishimira ko umusaruro w'ibyoherezwa mu mahanga basigaye bawubona ku bwinshi kubera Amakoperative

Itangazo iki kigo cyasohoye kuri uyu wa 13 Kamena 2024 rigaragaza ko Thapelo Tsheole afite ubuhanga n'inararibonye bizatuma inshingano nshya yahawe zirushaho kunoga.

Thapelo Tsheole afite uburambe bw'imyaka irenga 24 mu byerekeye isoko ry'imari n'imigabane n'ubukungu muri rusange.

CMA yavuze ko 'inejejwe no gukorana na Tsheole winjiye mu nshingano nshya zo kuyobora urugamba rw'iterambere ry'isoko ry'imari n'imigabane hagendewe kuri gahunda y'imyaka 10 yateguwe.'

Tsheole ufite impamyabumenyi y'icyiciro cya kabiri cya kaminuza mu by'Ubumenyi Rusange, yanize iby'ubukungu muri kaminuza ya Botswana, impamyabumenyi y'icyiciro cya gatatu cya kaminuza mu by'ubucuruzi mu bijyanye n'isoko ry'imari yakuye muri Kaminuza ya Rhodes yo muri Afurika y'Epfo n'indi y'icyo cyiciro y'ibijyanye n'ubushabitsi yakuye muri Kaminuza ya Cape Town na none yo muri Afurika y'Epfo.

Uyu mugabo yari amaze imyaka umunani ari umuyobozi Mukuru w'Isoko ry'Imari n'Imigabane rya Botswana, ndetse yakoze muri imwe mu myanya ikomeye muri Banki Nkuru ya Botswana.

Tsheole ari mu bagize Ikigo cya Afurika y'Epfo giteza imbere ubunyamwuga mu bakora mu by'imari (SAIFM). Yize amasomo atandukanye ajyanye ku isoko ry'imari n'imiyoborere igamije iterambere muri Stellenbosch Business School.

Mu gihe yari ayoboye inzego zifitanye isano n'imari muri Botswana yagaragaje umuhate mu kuziteza imbere kubera uruhare zigira mu kuzamura iterambere no kwihagararaho mu bukungu.

Kuva mu 2016 ubwo yayoboraga Isoko ry'Imari n'Imigabane rya Botswana, hakozwe byinshi byatumye isoko ry'imari rikora cyane.

Kubera ibikorwa bye by'indashyikirwa, mu 2018 Tsheole yahawe umudali w'ishimwe na Perezida wa Botswana.

Tsheole kandi yabaye Perezida wa African Securities Exchanges Association ndetse aba n'Umuyobozi Mukuru w'Ibigi by'Imari n'Imigabane muri SADC.

Yanabaye mu nama z'ubutegetsi z'Ikigo Gishinzwe ibyanya by'Inganda muri Botswana, iya Botswana Accountancy Oversight Authority, iy'Ikigo gishinzwe ubugenzuzi bw'Imiti muri Botswana, no muri African Integrated Reporting Committee.

Tsheole yasimbuye Eric Bundugu wari uri muri uyu mwanya by'agateganyo kuva mu 2018 nyuma y'uko uwari umuyobozi wa CMA, Robert Mathu yari yasezeye kuri uwo mwanya mu 2017.

Thapelo Tsheole yatangiye inshingano nshya nk’umuyobozi mukuru wa Capital Market Authority

Ni na yo mpamvu abantu benshi muri iki gihe iyo bashaka ko ibintu bya bo bimenyekana bifashisha imbuga nkoranyambaga. Muri iyi nkuru tugiye kurebera hamwe ibyamare 7 ku Isi bica agatubutse kugira ngo bibe byakwamamariza umuntu ku rukuta rwa bo rwa Instagaram.

Urubuga rwa Influencer Marketing Hub rwagaragaje ko mu bushakashatsi rwakoze, bwagaragaje ko byibuze muri uru rutonde rw'ibyamamare 7 byishyurwa menshi kuri Instagram, 'Post' imwe iri hagati ya miliyoni 2 z'amadorali na miliyoni 3 z'amadorali.

1. Cristiano Ronaldo – Umukinnyi w'umupira w'amaguru

Cristiano Ronaldo ukomoka muri Portugal ukinira ikipe ya Al Nassr muri Saudi Arabia ni muntu wishyurwa amafaranga menshi mu kwamamaza kuri Instagram, aho 'post' imwe yamamaza ku rukuta rwe rwa Instagram uba ugomba kwishyura amadorali miliyoni 3.324 (4,173,858,612 Frw).

Uyu mukinnyi wakiniye amakipe nka Manchester United mu Bwongereza, Real Madrid muri Espagne na Juventus mu Butaliyani yagiye ashyiraho uduhigo akuraho utundi, akaba umwe mu bakinnyi beza ba ruhago Isi yagize. Kuba ari we wishyurwa menshi si impanuka kuko ni na we ku Isi ukurikirwa n'abantu benshi kuri Instagram aho akurikirwa na miliyoni 628.

2. Lionel Messi – Umukinnyi w'umupira w'amaguru

Lionel Messi ni umukinnyi w'umupira w'amaguru ukomoka muri Argentine wakiniye amakipe nka FC Barcelona yo muri Espagne, PSG yo mu Bufaransa ubu akinira Inter Miami muri Leta Zunze Ubumwe za Amerika.

Uyu rutahizamu ufatwa nk'umwe mu bakinnyi beza Isi yagize, uretse umushahara ahembwa, aninjiza agatubutse kuri Instagram iyo hari umuhaye ikiraka cyo kwamamaza. Post imwe yamamaza ku rukuta rwe rwa Instagram yishyura amadorali miliyoni 2.597 (3,351,734,946 Frw).

3. Selena Gomez – Umuhanzikazi

Selena Gomez ni umunyamerikazi w'umuhanzi, umwanditsi w'indirimbo ndetse akaba n'umukinnyi wa filime w'imyaka 32. Ushaka ko akwamamariza ku rukuta rwe rwa Instagram, ugomba kuba witwaje amadorali miliyoni 2.558 (3,301,400,844 Frw).

4. Kylie Jenner – Umunyamideli

Umunyamideli akaba na rwiyemezamirimo ukomoka muri America, Kylie Kristen Jenner, post imwe ku rukuta rwe rwa Instagram aca amadorali miliyoni 2.386 (3,079,414,548 Frw).

5. The Rock

Dwayne Douglas John wamamaye muri sinema nka The Rock ni umwe mu byamamare byishyurwa amafaranga menshi kuri Instagram. Uyu mugabo usanzwe ari na rwiyemezamirimo, byibuze yishyurwa amadorali miliyoni 2.326 (3,001,977,468 Frw) kuri 'post' imwe.

6. Ariana Grande – Umuhanzikazi

Ariana Grande ni umuhanzikazi w'umunyamerika uzwi mu njyana Pop, uretse ibi ni umukinnyi wa filime akaba n'umwanditsi w'indirimbo. 'Post' imwe yamamaza kuri Instagram aca amadorali miliyoni 2.264 (2,921,959,152 Frw).

7. Kim Kardashian-Umunyamideli

Kim Kardashian ni umunyamideli w'Umunyamerika wanditse izina mu miziki, akaba na rwiyemezamirimo, ni we uru ku mwanya wa 7 kuri uru rutonde. Uyu mugore w'imyaka 43 wahoze ari umugore wa Kanye West batandukanye muri 2022, 'post' imwe yamamaza ku rukuta rwe rwa Instagram aca amadorali miliyoni 2.176 (2,808,384,768 Frw)

Binyuze mu itangazo rigenewe abanyamakuru kuri uyu wa Kane tariki 13 Kamena 2024, Recording Academy yavuze ko yagiranye amasezerano n'abafanyabikorwa batandukanye barimo n'Urwego rw'Igihugu rw'Iterambere (RDB), hagamije kwagura ibikorwa byayo bamaze igihe batangije byo gushyigikira abahanzi ku Isi yose.

Ibi bitangajwe nyuma y'uko muri Kamena 2023, Umuyobozi wa Recording Academy, Harvey Mason Jr yagiriye uruzinduko ku Mugabane wa Afurika mu bihugu birimo Ghana, Nigeria ndetse n'u Rwanda.

Ni uruzinduko rwatumye mu bihembo 'Grammy Awards' hashyirwamo ibyiciro bishya bitatu birimo igihariwe abanyamuziki bo muri Afurika: 'Best African Music Performance'.

Ibi byiciro byashyizwemo nyuma y'isuzuma ryakozwe, abategura Grammy Awards bagasanga umuziki wa Afurika cyane cyane uwubakiye kuri AfroBeats na Amapiano uri kwishimirwa cyane hirya no hino ku Isi. Miriam Makeba niwe muhanzi wa mbere wo muri Afurika wegukanye bwa mbere igihembo cya Grammy mu 1966.

Mu itangazo bashyize hanze, Recording Academy itegura Grammy Awards, yavuze ko yatangiye ku mugaragaro inzira yo kwagura imbago zayo mu rwego rwo gutera inkunga abakora umuziki ku Isi hose.

Bavuze ko basinye amasezerano n'ibigo, Minisiteri n'abafatanyabikorwa bo mu bihugu byo mu Burasirazuba bwa Afurika ndetse no hagati.

Harvey Mason Jr, umuyobozi wa Recording Academy, yavuze ko ibi 'Ibirashimishije kuko umuziki ni umwe mu mutungo kamere w'ikiremwamuntu.”

Ati “Ni ngombwa ko abantu bitangira guhanga umuziki bagira/baterwa inkunga, umutungo n’amahirwe, aho bakomoka hose.”

Bavuze ko bafashe iki cyemezo nyuma y'uko mu myaka ibiri ishize, bageze mu bihugu bitandukanye muri Afurika, mu biganiro bagiranye n'inzego zinyuranye, hagamijwe gushaka icyatuma umuziki utezwa imbere ku Isi hose, binyuze mu bufatanye no guhanga udushya.

Recording Academy yavuze ko yinjiye mu masezerano y'imikoranire na Minisiteri Ishinzwe Umuco muri Kenya, Saudi Arabia, Nigeria, Leta Zunze Ubumwe z'Abarabu, Urwego rw'Igihugu rushinzwe Iterambere (RDB) mu Rwanda ndetse na Minisiteri ya Siporo, Ubuhanzi n'umuco muri Afurika y'Epfo. Banavuga ko hari amasezerano y'imikoranire yasinywe n'Igihugu cya Ghana ndetse na Côte d’Ivoire.

Ibyo bazitaho: Gufasha abantunganya umuziki mu nzego zose, kubona urubuga n'ubuvugizi; gutanga amahugurwa ku bari mu muziki cyangwa se kubongerera ubumenyi binyuze ku murongo wa Internet wa Recording Academy 'Grammy Go'.

Kandi bazifashisha uriya murongo mu gushyiraho ishuri rizatanga ubumenyi n'ibikoresho bizifashishwa mu kugera ku byifuzo by'abashinzwe umuziki mu bihugu byose bagiranye amasezerano.

Abari mu muziki kandi bazafashwa gukora ibihangano by'umwimerere byubakiye ku murage w'umuziki ukungahaye, hamwe n'imbaraga zigaragara muri Afurika no mu Burasirazuba no hagati ya Afurika.

Hari kandi gutera inkunga abanyamuryango ba Recording Academy. Kungurana ibitekerezo ku mico itandukanye mu rwego rwo kugirira akamaro abakora umuziki bose.

Recording Academy ivuga ko guteza imbere umuco mu bihugu byose bagiranye amasezerano 'bizatanga inyungu nyinshi ku banyamuryango bose ndetse n'abazaza'.

Bazanafasha abakora umuziki gushyiraho amategeko agamije kurengera umutungo mu by'ubwenge 'Intellectual Property (IP)' hagamije kubarengera no kurengera ibihangano byabo.

    

Muri aya masezerano yatangajwe ku wa 11 Kamena 2023, bavuga ko bazafasha abakora umuziki kubyaza inyungu ibihangano bakora. Kandi bavuga ko inkingi fatizo muri aya masezerano, harimo ishuri rikuru rizashyirwaho mu rwego rwo gutanga amasomo yubakiye ku muziki ndetse rikora n'ubushakashatsi.

Abayobozi bahagarariye ibihugu byagiranye amasezerano na Recording Academy bagiye bagaragaza ko bishimiye gukorana n'iyi sosiyete.

Umuyobozi w'Urwego rw'Igihugu rw'Iterambere (RDB0), Francis Gatara yavuze ko u Rwanda rwishimiye imikoranire na Recording Academy.

Ati 'U Rwanda rwakiriye neza iki cyerekezo cyo guhuza ibitekerezo by'umuziki w’umugabane, birerekana igihe gikomeye mu mateka yacu aho umuco n'umuhate byizihizwa kandi bigasangirwa n'Isi.'

Yavuze ko 'Mu guteza imbere urubuga ruhuriweho, ntitwabikora twenyine.Gusa twishimire guhanga kwacu ariko tunashyiraho inzira isanzweho iganisha ku bukungu n’imibereho myiza y’abaturage.'

'U Rwanda rwishimiye mu guharanira iyi ntambwe ikomeye. Ubwitange bw’u Rwanda mu bijyanye n’umuco ukomeye kandi ufite imbaraga, bidushyira mu ntangiriro y’ubuzima bushya bwa Afurika.'

Ishuri rya Recording ryihutisha imbaraga zo gukorera abantu umuziki ahantu hose, kandi Afrika yiteguye gufunguka. Turi umugabane w’umuziki n’abasore, bakora umuziki. Nishimiye kubona Ishuri Rikuru rishyiraho ubufatanye na Nigeria, Kenya, u Rwanda, Afurika y’Epfo kandi nta gushidikanya, n’ibindi bizaza! '

Umunyamuziki Angelique Kidjo uri mu banyamuryango ba Recording Academy, yavuze ko yishimiye imikoranire iyi sosiyete yagiranye n'ibihugu bitandukanye.

Yavuze ko Afurika ari umugabane w'umuziki, kandi abawukora barashoboye. Ati 'Nishimiye kubona Ishuri Rikuru rishyiraho ubufatanye na Nigeria, Kenya, u Rwanda, Afurika y’Epfo, kandi nta gushidikanya, n’ibindi bizaza! '

Umunyamuziki Davido wo muri Nigeria, yavuze ko nk'umunyafurika yumva neza inyungu iri mu kuba Recording Academy yaguye ibikorwa byayo mu guteza imbere ibikorwa by'abahanzi ku Isi hose. Avuga ko ari  ubu bufatanye buzafasha cyane abari mu muziki.

Recording Academy itegura “Grammy Awards” yatangiye imikoranire n'ibihugu birimo u Rwanda 

Muri Gashyantare 2024, Taylor Swift yakoze amateka yo kwegukana ibihembo bine muri Grammy Awards ubwo byatangwaga ku nshuro ya 66