Nyuma y'igihe kitari gito Sitade Amahoro irimo kuvugururwa kuri ubu Impuzamashyirahamwe y'Umupira w'Amaguru muri Afurika, CAF, yahaye umugisha Amahoro Stadium.
CAF ihamya ko iyi sitade yujuje ibisabwa ikaba yakwakira imikino yo ku rwego rwa CAF na FIFA.
Iyi stade yakira abafana ibihumbi 45 bicaye neza yaherukaga kwakira umukino mpuzamahanga ubwo u Rwanda rwakinaga na Guinea Conakry mu mukino wa gicuti wabaye mu mwaka wa 2022.
Source : https://yegob.rw/sitade-amahoro-yahawe-umugisha-nabakuru/
Rutanga Eric yavuze ko kuva muri APR FC ajya muri Rayon Sports cyari icyemezo kitoroshye kugeza aho yanatinye kubibwira ubuyobozi bw’Ikipe y’Ingabo z’Igihugu yamureze n’aho abibwiriye umuyobozi bw’icyubahiro wa APR FC, Gen (Rtd) James Kabarebe yanze kugira icyo amusubiza.
Rutanga Eric ni umwana wa 3 mu muryango w’abana 6 aho bavuka ari abahungu 5 n’umukobwa umwe. Yagize amahirwe yo kwiga, amashuri abanza yayize muri Remera Protestant, amashuri yisumbuye yayatangiriye muri EFOTEC Kanombe ariko kuko yahise ajya mu irerero rya APR FC yahise ajya kwiga muri La Colombiere imyaka yo mu irerero irangiye agiye mu Isonga yahise ahindura ajya kwiga mu APE Rugunga ari na ho yarangirije, akaba yarize HEG (History, Economics and Geography).
Yahereye mu ikipe y’abato ba Esperance FC, gusa urugendo rwe nyirizina mu mupira w’amaguru rwatangiye 2009 ubwo yatsindiraga kujya mu irerero rya APR FC, bakaba baratangiye 2010, yaje kuva mu irerero ajya mu Isonga ayivamo 2013 agaruka muri APR FC.
Muri 2013 ubwo APR FC yari isubiye kuri gahunda yo gukinisha abakinnyi b’abanyarwanda gusa, ni bwo na Rutanga Eric yasubiye muri APR FC ariko noneho mu ikipe nkuru, yayikiniye kugeza 2017 ubwo yerekezaga muri Rayon Sports.
Mu gihe yamaze muri APR FC avuga ko atazibagirwa kufura (Coup Franc) yatsinze Espoir FC ku munsi wa nyuma wa shampiyona ya 2014-15 ikabahesha igikombe kuko iyo batsindwa uwo mukino cyangwa bakanganya Rayon Sports yagombaga guhita itwara igikombe.
Ati 'Ibihe ntazibagirwa muri APR FC ndibuka ni igikombe twatwaye mbigizemo uruhare, twagiye gukina i Rusizi na Espoir FC dusabwa kuyitsinda tugatwara igikombe, kunganya cyangwa gutsindwa Rayon yari kugitwara. Twatsinze igitego hakiri kare ndumva ari Migi nko ku munota wa 10, bigera ku munota wa 87 baracyishyura, bashyizeho iminota y’inyongera igikombe cyagiye, twabonye kufura mpita nyitsinda tuba dutwaye igikombe.'
Agaruka ku bihe byamugoye, yagize ati 'ni umwaka wa nyuma mbere y’uko mva muri APR FC, bari bazanye Mangwende hari na Ngabo Albert mbura umwanya wo gukina, ndavuga ngo reka njye gushaka aho njya gukina kuko sinakunze kwicara ku ntebe, nibwo nagiye muri Rayon Sports.'
Yasinyiye Rayon Sports shampiyona ya 2016-17 itararangira
Rutanga Eric yinjiye muri Rayon Sports 2017, gusa icyo gihe bigizwemo uruhare n’uwari perezida w’iyi kipe, Gacinya Chance Denis yasinye umwaka w’imikino utararangira ariko babigira ibanga kuko byari guteza ikibazo.
Ati 'Navuganye na Gacinya anyizeza umwanya wo gukina, yambwiye ko yabonye mfite impano azampa amahirwe, nanjye mfata icyemezo, kandi icyo gihe ntabwo byari byoroshye kuva muri APR FC noneho uri umwana wo mu irerero.'
'Nsinya nta muntu nabibwiye kuko nasinye tukirimo gukina, twari tukirimo gukina icy’Amahoro, ndavuga ngo ningira umuntu mbwiraho gato bizahita bimenyekana, gusa umuntu wabimenye ni Yannick [Mukunzi] kuko twabanaga, undi ni mukuru wanjye ariko na bo nabibabwiye namaze gusinya, mbabitsa ibanga kuko na Rayon yabitse ibanga, urumva APR iyo ibimenya ntibyari koroha kuko nasinye tukirimo gukina.'
Yakomeje avuga ko nta muntu yigeze asezera mu bayobozi ba APR FC kuko yari yatinye yabuze aho abihera, gusa Afande James Kabarebe akaba umuyobozi w’icyubahiro wa APR FC ni we wabyumvise aramwandikira amubaza koko niba yagiye, undi aramwemerera ariko ngo ntabwo yigeze asubiza ubutumwa bwe yamuhaye.
Ati 'Afande James [Kabarebe] ni we wanyandikiye ambaza niba nagiye, nari naragize ubwoba bwo kubivuga twari abana, numva ari ugufunga umwuka, icyo gihe ntabwo byari byoroshye kuva muri APR FC, ndamusobanurira nti afande rwose ngiye gushakira muri Rayon nanjye ngaragaze impano byazanakunda nkaba nanagaruka, ni uko namubwiye mbere y’uko ngenda, na we yari umusiporutifu arabyumva.'
'Nta nubwo yansubije ahubwo, Afande ubwo butumwa ntabwo yabusubije, urumva ntabwo byari byoroshye byasaga nk’aho mutengushye, kurera umwana imyaka yose akagenda mu buryo mutemera urumva na we ntibyagushimisha.'
Kugira ngo akine byasabye ibiganiro hagati ya Rayon Sports na APR FC kuko yari yarakuriye muri APR FC, hari amafaranga yagombaga kwishyurwa.
Yakomeje avuga ko ibyo bakoze we na Yannick na Rwatubyaye bajya muri Rayon Sports babereye nk’igitambo barumuna ba bo kuko bo batangiye kujya bahabwa amasezerano.
Ati 'Muri APR FC amasezerano yacu ntabwo yagiraga igihe runaka, twebwe nta n’amasezerano twagira icyo gihe, wenda aba badukurikiye bo mu irerero kubera ibyacu na bo bafatiyeho basigaye babaha amasezerano ariko twebwe umwaka warashiraga waba wakinnye waba utakinnye nta na 'recruitment’ ntaki.'
Yagize ibihe byiza muri Rayon Sportsâ¦
Ntabwo byamusabye umwanya munini kugira ngo yirereke abakunzi b’iyi kipe, ikintu avuga ko yafashijwe n’uko n’ubundi yasanze yubakitse cyane rero na bo bakomerezaho.
Yavuze ko ari ikipe adashobora kwibagirwa kuko yayigiriyemo ibihe byiza ndetse n’izina yanditse ari ukubera Gikundiro.
Ati 'Rayon Sports ni ikipe ntakwibagirwa kuko nayigiriyemo ibihe byiza cyane, no kugira ngo ngire izina n’ahantu hose, ni Rayon Sports.'
Agaruka ku bihe atazibagirwa muri iyi kipe, yavuze ko ari igihe cyo kujya mu matsinda ya CAF Confederation Cup muri 2018 aho baje no gukomeza bakagera muri ¼.
Ati 'Rayon Sports ntabwo nakwibagirwa ibihe byinshi byiza twagiranye, twagiranye ibihe byiza byinshi ariko uriya mwaka twageze mu matsinda ya Confederation wari umwaka mwiza cyane kuko ni na wo mwaka twatwayemo igikombe cya shampiyona, no kuba izina mfite uyu munsi ni Rayon Sports yanshyize ku itara.'
Yavuze ko ibihe bibi atazayikumburamo ari ibihe bya Covid kuko ari nabyo byatumye ayivamo kuko atateganyaga kuyivamo ajya mu ikipe yo mu Rwanda.
Yanavuze ko ikintu yicuza mu buzima bwe ari uko yafashe umwanzuro wo kuva muri Rayon Sports, ngo ni cyo kintu yicuza kuko abona atari kubikora.
Ati 'ikintu nicuza ni ukuba naravuye muri Rayon Sports. Kuba naravuye muri Rayon Sports sinjye gukina hanze kandi hari amakipe yo hanze kiriya gihe yanshakaga, ndabyicuza ariko nyine nabibonye nyuma ko bitari bikwiye.'
Ubu Rutanga Eric nyuma yo gusoza amasezerano muri Police FC, nta kipe afite ariko ari mu biganiro n’amakipe atandukanye mu minsi ya vuba akaba azamenya aho azerekeza.
Uru ruganda rw'Ikigo gitunganya ibikomoka ku matungo, Kime Ltd, ruri kubakwa mu Karere ka Rusizi mu Murenge wa Giheke, ruzuzura rutwaye arenga miliyari 6 Frw.
Ruri ku buso bwa hegitari 3,5 rukaba ruri kubakwa mu bice bitatu bigizwe n'ahazabagirwa amatungo yuza, ahazabagirwa ingurube n'igice cyo kongerera inyama agaciro hakorwamo sosiso.
Impamvu z'ibyo bice ni uko ubusanzwe amatungo yuza aba agomba kubagirwa ahatandukanye n'atuza nk'ingurube; mu kubaha abarya inyama zimwe bakaziririza izindi.
Nubwo ayuza abagirwa hamwe, hateguwe ibisa n'inzira y'ibyuma binyuzwaho amatungo amanitse (ligne d'abattage) zitandukanye.
Ku ihene n'intama hateguwe izo nzira ebyiri mu gihe ku nka yo ari imwe.
Uru ruganda rufite ubushobozi bwo kubaga ingurube 200, inka 200, intama n'ihene 300 bivuze ko hazajya habagwa amatungo 700 ku munsi.
Ubwo hasurwaga aho ibikorwa by'umushinga wiswe 'Partnership for Resilient and Inclusive Smallstock Market, PRISM' u Rwanda rwafatanyijemo n'Ikigo cy'u Bubiligi gishinzwe Iterambere, Enabel, Kime Ltd na yo iri mu nganda zasuwe kuko zafashijwe.
PRISM yatangijwe mu 2019 igomba kumara imyaka itanu, yashowemo na Enabel arenga miliyari 15,5 z'Amayero ishyirwa mu bikorwa mu turere 10 hagamijwe gufasha imishinga iri muri ubwo bworozi gutera imbere.
Muri Kime Ltd Enabel yafashije mu kubaka igice kizabagirwamo ingurube cyuzuye gitwaye arenga miliyari 1,8 Frw, iki kigo cy'u Bubiligi gitangamo arenga miliyoni 345 Frw.
Ni amafaranga yatanzwe mu gice cyo gufasha ba rwiyemezamirimo gukoresha ikoranabuhanga, akishyura 50% by'amafaranga yahawe nta nyungu.
Amatungo uru ruganda ruzakenera yose naboneka, uruganda ruzaha akazi abakozi barenga 250.
Umuyobozi wa Kime Ltd, Mugambira Jean Baptiste, yavuze ko kuri iyi nshuro bazajya babaga toni 30 z'inyama z'inka.
Kimwe mu bibazo bahanganye na byo ni iby'umuhanda utaraboneka ndetse n'amazi, icyakora akagaragaza ko ubuyobozi bwabemereye ko mu mezi abiri ari imbere bizaba byakemutse.
Ambasaderi w'u Bubiligi mu Rwanda, Bert Versmessen, yavuze ko uru ruganda ruzatanga akazi ku bantu benshi ndetse runateze imbere gahunda yo kongerera agaciro ibikomoka ku matungo.
Yavuze ko bawuteye inkunga ku bwo guteza imbere ibikorerwa mu Rwanda, yerekana ko igihugu cye kizakomeza guteza imbere iyi mishinga.
Byose byakozwe muri gahunda ngarukamwaka ya MTN Rwanda yiswe 'Y'ello Care Initiative' yo gukora ibikorwa biteza imbere abaturage.
Ni igikorwa cyabaye kuri uyu wa 13 Kamena 2024, MTN Rwanda igikora ku bufatanye n' Ikigo cya Bboxx gikwirakwiza umuriro ukomoka ku mirasire y'Izuba, dore ko ari na cyo cyashyize uwo muriro mu byumba byose by'Urwunge rw'Amashuri rwa Agateko.
Umuyobozi w'Urwunge rw'Amashuri rwa Agateko, Salongo Muyoboke, yashimiye MTN Rwanda yabakuye mu kizima, avuga ko kuva iki kigo cyatangira gukora mu 2021 kitari gifite amashanyarazi, bikadindiza imyigire y'abanyeshuri cyane cyane abasoza umwaka wa Gatatu n'uwa Gatandatu w'Amashuri yisumbuyeâ¦
Ati ''Nta muriro w'amashanyarazi twari dufite bikaba byari ibibazo bikomeye cyane, cyane byabangamiraga imyigire n'imyigishirize. [â¦] Imwe mu mbogamizi twakundaga kugira kubera kubura umuriro, hari igihe dutegura nk'inama y'abarimu nyuma y'amasomo amasaha akadufata, ugasanga inama irasubitswe ingingo zimwe tutazizeho, ugasanga dukoresha amatoroshi ya telefoni kugira ngo turebe ko twasoza igikorwa.''
Yakomeje agira ati 'Abarimu nyuma y'amasomo bakenera gutegura umunsi w'ejo, ugasanga batashye kare kubera ubwire bubafashe. Uretse n'ibyo indi mbogamizi twari dufite, murabona dufite abana bo mu Mwaka wa Gatatu n'uwa Gatandatu w'Amashuri yisumbuye, ni abana bategura gukora ikizamini cya leta [â¦] nyuma y'uko biga bariya bana baragaruka kugira ngo tubigishe tubategurire gukora icyo kizamini, akenshi twahuraga n'ikibazo cy'ubwire umwijima ukadufata tutari twarangiza.''
Umuyobozi ushinzwe Imikoranire n'izindi Nzego muri MTN Rwanda, Alain Numa, yasobanuye ko iki gikorwa MTN Rwanda yakoreye mu rw'Amashuri rwa Agateko, kiri muri gahunda ya MTN yo guteza imbere uburezi bw'abana bo mu cyaro, mu kubategurira na bo kuzavamo abayobozi beza b'ejo hazaza.
Ati ''Uyu mwaka rero insanganyamatsiko yari iyo kuzamura uburezi mu cyaro [â¦], nibwo twavuze tuti 'Reka duhere mu rugo muri Gasabo aho dukorera', dusanga koko hari ahantu hari ikibazo nk'aha mu Gateko, nta mashanyarazi bagiraga.''
Ubuyobozi bw'Umurenge wa Jali bwashimiye MTN Rwanda n'Ikigo cya Bboxx ku bw'iki gikorwa cyitezweho kuzamura ireme ry'uburezi muri ako gake, busezeranya ibyo bigo kuzabungabunga ibikorwa byashyizwe mu Rwunge rw'Amashuri rwa Agateko.
MTN Rwanda isanzwe igira uruhare muri gahunda zitandukanye z'iterambere ry'u Rwanda binyuze mu nkingi y'uburezi, ubuvuzi, kuzamura imibereho y'abaturage, ndetse na gahunda za leta.
Nko mu rwego rw'uburezi, hari abana 100 MTN Rwanda yishyurira amashuri ku bufatanye na Imbuto Foundation, n'abana 40 bo mu miryango y'abamugariye ku rugamba rwo kubohora igihugu, bishyurirwa mu mashuri y'imyuga n'ubumenyi ngiro.
Hari kandi n'abandi batatu biga muri Kaminuza y'u Rwanda (UR) bishyurirwa na MTN Rwanda, hakaba na gahunda yo gutanga mudasobwa na internet ku mashuri cyane cyane yiganjemo abana b'abakobwa mu kuzamura uburezi bwabo, n'ibindi.
Shumbusho Djasiri
Babitangaje ku wa 13 Kamena 2024, ubwo hatangizwaga ku mugaragaro imirimo yo kubaka ingo Mbonezamikurire 12 zigiye kubakwa mu karere ka Rusizi, zirimo esheshatu zizubakwa ku Nkombo n'izindi zizubakwa mu Murenge wa Butare.
Ingo Mbonezamikurire z'icyitegererezo ni ibigo abana bato bigishirizwamo amasomo yo gukangura ubwonko bwabo bakanahahererwa indyo yuzuye, mu rwego rwo kubarinda igwingira.
Nyiranzeyimana Olive uhagarariye rimwe mu marerero yo mu murenge wa Nkombo, yavuze ko mu mpamvu zateraga abana kwirirwa mu mihanda no ku mazi y'Ikiyaga cya Kivu harimo no kuba batari bafite ingo mbonezamikurire z'icyitegererezo.
Ati 'Mu cyumba usanga dufitemo abana 50, icyumba kandi kitagomba kurenza abana 25. Bazaga tukabura aho tubicaza kubera ubwinshi bwabo. Uru rugo mbonezamikurire ruzadufasha kuri bariya abana basigaraga'.
Nyirandikumukiza Dorcas yavuze ko nk'ababyeyi bahoranaga impungenge ko abana babo bashobora kurohama mu Kiyaga cya Kivu, cyane ko hari umwana wigeze kurohamamo akurikiye abageni.
Ati 'Kubera ko dutuye mu Kirwa hagati, twajyaga tugenda, tukaba dufite ubwoba ko umwana ashobora kuba yadukurikiye akarohama mu Kivu, ariko izi mpungenge ntabwo tuzongera kuzigira kubera abana bose tuzajya tubasiga ahantu hatekanye'.
Izi ngo mbonezamikurire z'icyitegererezo zizubakwa n'umushinga 'Natwe' wa Help a Child, uzashyirwa mu bikorwa na AEE ku bufatanye n'akarere ka Rusizi.
Kabagamba Wilson, Umuyobozi wa porogaramu mu muryango AEE yashimiye ubuyobozi bw'u Rwanda buha ubwisanzure imiryango itari iya Leta igakorana n'abanyamahanga hakaboneka abaterankunga.
Ati 'Umwana ni umutware kandi uwitaye ku mwana aba yitaye kuri ejo hazaza. Niyo mpamvu twahisemo gukora ibikorwa byo kwita ku mwana'.
Rachel Nyiracumi, ushinzwe porogamu mbonezamirire y'abana bato mu muryango Help a Child, yavuze ko izi ngo mbonezamikure uko ari 12 zizubakirwa rimwe.
Ati 'Imirimo yatangiye. Izi ngo mbonezamikurire z'Ikitegererezo zigamije ko abana babona ibyumba bigiramo, zizaba zifite ubwiherero buboneye kandi bubarinda indwara izo ari zose by'umwihariko iz'inzoka zikomoka ku mwanda. Zifite igikoni, uruzitiro, n'ibiro by'abita ku bana'.
Umuyobozi w'Akarere ka Rusizi ushinzwe imibereho myiza y'Abaturage, Dukuzumuremyi Anne Marie, yashimiye aba bafatanyabikorwa bemeye kubaka ibi bikorwaremezo mu karere ka Rusizi.
Visi Meya Dukuzumuremyi yasabye ababyeyi bo mu karere ka Rusizi kwitabira gahunda yo kuboneza urubyaro.
Abanyamategeko bunganira abasaba ubuhungiro bari bafunzwe mu Bwongereza kugira ngo boherezwe mu Rwanda, bavuga ko 79 ubu barekuwe by'agateganyo.
Abasaba ubuhungiro benshi barafunzwe kuva mu mpera ya Mata (4) uyu mwaka, nyuma yuko Minisitiri w'intebe w'Ubwongereza Rishi Sunak avuze ko indege zizabajyana mu Rwanda mu byumweru bya mbere bya Nyakanga (7) uyu mwaka.
Kwemeza ko abo barekuwe bibaye nyuma y'uko abanyamategeko bunganira Leta babwiye urukiko rukuru rw'Ubwongereza ko nta ndege izahaguruka ibajyanye mu Rwanda mbere y'itariki ya 24 Nyakanga, bibaye hafi cyane.
Minisiteri y'ubutegetsi bw'igihugu y'Ubwongereza ntiyigeze na rimwe yemeza umubare w'abafunzwe, ndetse yavuze ko itazatanga amakuru yuko gahunda yo kubohereza mu Rwanda izaba irimo kugenda intambwe ku yindi.
Minisitiri w'intebe Sunak avuga ko nasubira ku butegetsi indege zizabajyana mu Rwanda mu buryo buhoraho, guhera muri Nyakanga.
Ishyaka rya Labour, rya mbere rikomeye mu mashyaka atavuga rumwe n'ubutegetsi mu Bwongereza, ryavuze ko rizakuraho iyo gahunda niriramuka ritsinze amatora rusange yo ku itariki ya 4 Nyakanga.
Amashyaka Liberal Democrats na SNP na yo avuga ko iyo gahunda ikwiye kuvanwaho kuko ihonyora amategeko mpuzamahanga.
Amatora rusange yegereje ntabwo ari igipimo cyo mu rwego rw'amategeko cyatumye abo barekurwa, ariko abacamanza basuzuma muri buri dosiye niba bashyize mu gaciro urugendo rw'indege rwitezwe kubaho.
Mu itangazo cyasohoye ku rubuga nkoranyambaga X, ikigo cy'ubwunganizi mu mategeko, Duncan Lewis Solicitors, cyagize kiti:' Twunganira 50 mu bafunze ndetse dushobora kwemeza ko ubu bose barekuwe by'agateganyo'.
Iryo tangazo rikomeza rigira riti' Abakiliya benshi ni abarokotse iyicarubozo no gucuruzwa [kw'abantu]. Urukiko, mu kubarekura by'agateganyo, rwasuzumye mu kuri ko nta byago bateje byuko bahita babura, rugera ku myumvire yumvikana ko kuvanwa [kwabo mu Bwongereza bajyanwa mu Rwanda] kutegereje'.
Abo bunganizi mu mategeko bavuze ko ingaruka yo gufungwa 'kutari ngombwa ndetse kw'igihe kirekire' yabaye ku bakiliya babo, 'ntirasuzumwa byuzuye'.
Icyo kigo cy'ubwunganizi cyongeyeho kiti:' Ikigero cy'ukuntu amafaranga yo mu misoro ya rubanda yapfushijwe ubusa mu gufunga abantu muri ubu buryo, mu gihe cy'amatora yo mu nzego z'ibanze kubera ikigaragara ko ari inyungu za politiki, mu gihe kuvanwa [mu Bwongereza] kutari kwegereje, gicyeneye kubarwa'.
Ikindi kigo cy'ubwunganizi mu mategeko, Wilsons, cyabwiye BBC dukesha iyi nkuru ko abakiliya bacyo bose 15 bari bafunzwe muri gahunda minisiteri y'ubutegetsi bw'igihugu yise 'Operation Vector' yo gutegura abazajyanwa mu Rwanda n'indege na bo barekuwe.
Umuryango w'ubugiraneza witwa Bail for Immigration Detainees, utanga ubujyanama n'ubwunganizi mu mategeko ku buntu, uvuga ko abakiliya bawo 14 harimo abarekuwe by'agateganyo n'inkiko, cyangwa abarekuwe na minisiteri y'ubutegetsi bw'igihugu bagasubira mu macumbi.
Amategeko ajyanye no kwinjira mu gihugu no kuhavanwa avuga ko abaminisitiri bashobora gusa gufungira abantu mu bigo bategererezamo kuvanwa mu gihugu, iyo 'bishoboka mu by'ukuri' ko bazashyirwa mu ndege mu gihe runaka kirimo gushyira mu gaciro.
Igihe inkiko zitegetse irekurwa ry'abantu bashobora kuba bazavanwa mu Bwongereza ku itariki iri imbere, ubusanzwe basabwa kujya bajya kwitaba abategetsi mu buryo buhoraho.
Ubu, abacamanza barimo gukurikirana ibirego bikomeye birenga icumi byatanzwe kuri gahunda ya Minisitiri w'intebe Sunak yo kohereza mu Rwanda abasaba ubuhungiro bavuye mu Bwongereza.
Urukiko rukuru rwanzuye ko ishami ry'Umuryango w'Abibumbye ryita ku mpunzi (UNHCR) rikwiye gutanga ibimenyetso by'inzobere ku ihohotera rivugwa ko rikomeje gukorerwa mu Rwanda.
Ku wa kabiri, Leta y'u Rwanda yavuze ko UNHCR 'ibeshya' kandi ko isa n'ishaka kugeza ibirego bihimbano mu nkiko z'Ubwongereza ku buryo u Rwanda rufatamo abasaba ubuhungiro.
Nubwo hari urujijo kuri ejo hazaza h'iyi gahunda, inkiko zo zigomba gukora zigafata ko indege zijyanye mu Rwanda abasaba ubuhungiro zishobora guhaguruka, kugeza ubwo minisitiri yazibwira ko bitagishobotse.
intyoza
Davido yakozwe ku mutima no kuba Recording Academy yarafashe umwanzuro wo kwagurira ibikorwa byayo muri Afurika no mu Burasirazuba bwo hagati bw'Isi.
Nk’uko Davido yabitangaje, yavuze ko bigaragaza uburemere umuziki wa Afurika ku Isi.
Recording Academy yamamaye mu bikorwa itegura birimo Grammy Awards, yamaze gutangaza ko ikomeje kwagurira ibikorwa byayo muri Afurika no Burasirazuba bw'Isi mu rwego rwo gukomeza gufasha abakora umuziki.
Davido yagize ati'Nk'umuhanzi w'umunyafurika nishimiye iyagurabikorwa rya Recording Academy muri Afurika no Burasirazuba bwo hagati, bishimangira imbaraga impano zacu zifite.'
Recording Academy ifatwa nk'igipimo cy'umuziki ushinze imizi aho uwegukanye Grammy Awards iri mu bikorwa byayo afatwa nk'igihangange ku Isi akagira igitinyiro akanerekezwaho amaso biruseho.
Kugeza ubu ni abanyafurika bake bamaze kwegukana cyangwa guhatanira Grammy muri abo harimo Davido aho mu biheruka yari ahatanye mu byiciro bigera kuri bitatu guhera kuri Best African Music Performance, Best Global Music Performance na Best Global Album Performance.
Joh Legend na we yagaragaje ko ari iby'agaciro ati'Ntewe ibyishimo no kuba iyi ntambwe yatewe y'ingirakamaro, umuziki ntugira imipaka n'impuzamahanga urenze imico, politike n'ururimi.'
Angelique Kidjo umuhanzikazi wagwije ibigwi ukomoka muri Benin yagize icyo avuga ku kuba Recording Academy ikomeje kwagurira ibikorwa byayo muri Afurika ati'Bari kongera umuvuduko w'imikorere mu rwego rwo kurushaho guteza imbere abantu, Afurika yiteguye kuyakirana amaboko yombi.'
Yongeraho ati'Turi umugabane w'umuziki kandi ugizwe n'abahanzi bakiri bato bawufitiye urukundo, ntewe ishema n'imikoranire ya Academy na Nigeria, Kenya, Rwanda na Afurika y’Epfo , nizera ko ibihugu bizakomeza kwiyongera.”
Akosua Denta Amoateng, umushabitsi ufite inkomoko mu Bwongereza na Ghana wamamaye mu gutegura GUBA Awards, yagarutse ku ruhare yagize mu kugira ngo ibi bigerweho.
Ati'Bwa nyuma na nyuma amakuru yageze hanze-Grammy Africa nk'umugenzuzi mukuru wa Perezida na Nyiri Recording Academy [Grammy] twakomeje gukorana mu ibanga kuri uyu mushinga w'amateka.'
Agaragaza ko amaze igihe kingana n'umwaka akorana n'abategura Grammy ku ishyirwa mu bikorwa ry'iki gitekerezo no guha icyerekezo kikavamo igikorwa kibereye kandi gifite igisobanuro.
Asoza agaruka ku buryo ibyishimo byatashye abahanzi n'abakunzi b'umuziki muri Afurika, anabasaba gukomeza gutanga ibitekerezo ku buryo bakiriyemo iki gikorwa.
Mu gitondo cy’ejo hashize ku wa Kane inkuru yabaye kimomo ko Hakizima Muhadjiri usoje amasezerano muri Police FC yamaze gusinyira Rayon Sports.
Ni inkuru yakiriwe neza n’abakunzi b’iyi kipe kuko benshi bari bafite amatsiko yo kumubona yambaye umwambaro w’ubururu n’umweru.
Nubwo inkuru yari yabaye kimomo, hari abanze guhita babyezera kuko no muri 2020 nabwo byatangajwe ko yasinye ariko ntiyakinira iyi kipe. No kuri iyi nshuro byagaragaye ko atarasinya.
Byagenze bite?
Nta nduru ivugira ubusa ku musozi, ibya Muhadjiri muri Rayon Sports byabayeho ndetse n’ibiganiro bigera kure bipfa ku munota wa nyuma aho babuze amafaranga yo kumwishyura.
Ku wa Gatatu yariki ya 12 Kamena 2024, Hakizimana Muhadjiri yabonanye n’ubuyobozi bwa Rayon Sports bumvikana buri kimwe ku ruhande rwe aremera.
Yahise ababwira ko agiye kubanza kuvugana n’abavandimwe be, ari bwo bahamagaye Haruna Niyonzima akiri kumwe na perezida wa Rayon Sports Uwayezu Jean Fidele, amubwira ko Rayon Sports ari ikipe nziza niba imuha ibyo ishaka yayisinyira.
Batandukanye gahunda ari ugusinya mu gitondo cyo ku wa Kane, gusa Muhadjiri akaba yaragiye hari icyo batumvikanyeho cyo kumwishyura mu bice 2.
Abegereye uyu mukinnyi yababwiye ko atakwemera kwishyurwa mu byiciro bibiri kuko Rayon Sports ayizi bishobora kumara n’imyaka 2 atarayabona.
Iki ni cyo cyatumye mu gitondo cyo ku wa Kane bamuhamagara ngo aze asinye bakamubura, bakajya iwe kumureba nabwo bakamubura bagasanga atari yo.
Uyu mukinnyi ukina inyuma ya ba rutahizamu, nubwo yasinye imbanziriza masezerano na Police FC, we mu gihe Rayon Sports yamuha amafaranga bumvikanye yiteguye guhita asinya.
Uyu mwana w'Interahamwe ngo ni Patrick Rugaba , afata Urwango we n'Interahamwe ngenzi ze banga u Rwanda n'Umuyobozi warwo Paul Kagame, bakarutwerera Miliyoni 14 z'Abanyarwanda, bavuga ko Perezida Kagame adakunzwe n'abaturage.
Icya mbere, Reka nibutse uyu mwana w'Interahamwe ko mu Mwaka wa 2016, Abaturage basabye Inteko ishinga amategeko y'u Rwanda ko ihindura Itegeko nshinga ryakozwe mu 2003, kugira ngo ingingo ya 101 yakumiraga Perezida Kagame imubuza kongera kwiyamamaza ihindurwe, kuko bari bamukunze, kandi bakimukeneye nk'umuyobozi wabo.
Niko byagenze itegeko Nshinga ryaravuguruwe, Abaturage basaba Perezida Kagame kongera kwiyamamaza arabibemerera, mu 2017 bamutora ku ijanisha rya 98.8%.
Nyuma y'indi myaka 7 akorera Abaturage, akabageza ku iterambere, Perezida Kagame Abaturage bongeye kumusaba gukomeza kubayobora ndetse bishimangirwa n'abarwanashyaka bo mu yandi mashyaka yemewe mu #Rwanda, bagaragaza ko Perezida Kagame akwiye gukomeza kuyobora Abanyarwanda kuko akomeje kubaganisha aheza ho kwifuzwa na buri wese, ndetse akaba yarahesheje agaciro Umunyarwanda ndetse n'umunyafurika, mu Ruhando rw'isi.
Kuri  Rugaba uyu rero:
'Perezida Kagame, arakunzwe kandi ahangayikishijwe n'Iterambere ridaheza rya Buri Munyarwanda. Bitandukanye cyane na bimwe bya ba So bumvaga, bakanabishyira mu ndirimbo ko, u Rwanda n'ibirurimo byose ari iby'Abahutu, igikwiye Umututsi ari umuhoro ku gikanu.
Urwo rwango rwagusaritse wanga Inkotanyi zunamuye icumu rya ba So, ubwo butindi bwakuzuye umutima butuma uhora ukumbura amacakubiri n'ivanguramoko, ugatera umugongo ubumwe bw'Abanyarwanda, bizaguta ku gasi. Uzagwa ishyanga inyuma y'ishyamba nk'utagira gakondo, kuko wahisemo kuba umuragwa w'Inkoramaraso'.
Ubutabera ku nterahamwe nkawe yanze kwicuza, ukirota u Rwanda rwa 1994 ugashaka kurugarura 2024, bubwirwa Ababukwiye nkawe na bagenzi bawe batindahaye mu bwonko no mu mitima. Kandi nutitekerezaho ngo ucire ibirura , ubwo butabera uzabubonesha yombi.
#Mwarasenye #Inkotanyi #zirubaka. Nimugende Rwiza.
The post Umwana w'Interahamwe witwa Patrick Rugaba, yongeye kwinyuraguramo abiba urwango bifata ubusa appeared first on KASUKUMEDIA.COM.
Umunsi wa tariki 1 Kanama 2022 waje udasa n'indi ubwo Guverinoma yatangazaga ko yongereye imishahara y'abarimu.
Abarimu bafite Impamyabumenyi ya A2 babonye inyongera ku mushahara ingana na 88% by'umushahara basanzwe bahabwa naho abafite iya A1 na A0 bahabwa 40% by'umushahara umwarimu wo muri urwo rwego atangiriraho.
Kuri ubu umwarimu atangiye akazi afite impamyabumenyi y'amashuri yisumbuye (A2), atahana 108.488 Frw avuye kuri 50.849 Frw.
Uhemberwa impamyabumenyi y'icyiciro cya kabiri cya kaminuza (A0) yavuye ku 176.189 Frw, aba 246.384 Frw.
Ntabwo ari abarimu gusa bazamuriwe imishahara kuko n'abayobozi b'amashuri n'abandi bakoze mu burezi bongererewe umushahara.
Bamwe mu barimu bigisha mu mashuri atandukanye hirya no hino mu gihugu bagaragaza ko imyaka irindwi ishize yabasigiye byinshi byabakundishije kurushaho umurimo w'ubwarimu.
Tuyishimire Jean de Dieu wo mu Karere ka Rubavu wigisha muri GS Amahoro mu mashuri abanza, yabwiye IGIHE ko byahinduye ubuzima kandi ko kuri ubu umwarimu yishimira uwo mwuga kandi bigatanga umusaruro no ku banyeshuri.
Ati 'Impinduka zarabaye ndetse cyane. Kera akiri ibihumbi 40 Frw hari ubwo wasangaga nyiri inzu na we ayikodesha ibihumbi 30 Frw cyangwa ibihumbi 40 Frw kandi ufite umuryango ugasanga biragoye.'
Yongeyeho ati 'Hari ubwo rimwe na rimwe washoboraga kuba ufite n'inguzanyo ugasanga ku kuri konti yawe bashyizeho ibihumbi 10 Frw. Ubwo rero kubona umwarimu uri gukorera muri ubwo buzima, aho hantu kuhajya buri munsi byabaga bigoranye cyane.'
Umwarimu usanzwe wigisha mu Rwunge rw'Amashuri rwa Butete ruherereye mu Karere ka Burera mu Ntara y'Amajyaruguru, Nyiramahirwe Jeanne d'Arc yagaragaje ko kuzamurirwa umushahara kwa mwarimu byatumye yibona ku isoko.
Yagize ati 'Byatumye mwarimu agaragara nk'undi mukozi wese wa Leta, ikindi ni uko umwarimu yibonye ku isoko. Icya gatatu ni uko umwana wa mwarimu na we uyu munsi yajya mu ishuri ryiza.'
Umuyobozi w'Ikigo cy'amashuri cya TSS Ntoma giherere mu Karere ka Nyagatare, Renzaho Alphonse, yashimangiye ko kuzamurirwa umushahara byateye imbaraga umwarimu.
Yagize ati 'Byagaragaraga ko umushahara mwarimu yahembwaga wari mutoya, nyuma y'uko wiyongereye byateye abarimu imbaraga no kumva ko akazi akora hari abagaha agaciro.'
Inguzanyo yariyongereye , ubuzima burahinduka
Guverinoma y'u Rwanda yanongereye miliyari 5 Frw mu Kigega Umwalimu SACCO nk'inkunga igamije gufasha mwarimu kurushaho kubaho neza no gutanga uburezi bufite ireme binyuze mu mibereho myiza.
Ibyo byazamuye inguzanyo abarimu bahabwaga binajyanye no kuba umushahara wabo wariyongereye.
Dufatiye ku mwarimu wahembwaga 57,000 Frw by'ifatizo, inguzanyo y'ubwubatsi yashoboraga kubona yishyurwa mu myaka 12 ku nyungu ya 11% yari 2,300,000 Frw ariko uyu munsi ashobora kubona 4,500,000 Frw, ni ukuvuga ko yiyongereyeho 2,200,000 Frw.
Nyiramahirwe yagaragaje ko uko umushahara wa mwarimu wiyongereyeho ari na ko amahirwe yo kubona inguzanyo yiyongereye.
Ku rundi ruhande Renzaho Alphonse, yagaragaje ko ubusanzwe inguzanyo itangwa muri Umwalimu Sacco ishingira ku mushahara abantu babona bityo ko byatumye wiyongera.
Ati 'Haje kwiyongeraho n'uburyo bwo kwaka inguzanyo. Kubera ko umushahara wiyongereye umwarimu ashobora kwaka inguzanyo yisumbuye kuyo yari yemerewe ndetse no kwiteza imbere mu buryo bw'imibereho bwa buri munsi bigerwaho.'
Kuzamura umushahara wa mwarimu kandi byatumye bamwe bahitamo gukora akazi kabo kinyamwuga bigabaganya umubare w'abagata bakajya gushakira amaramuko mu bindi.
Uretse kongera umushahara no kwita ku mibereho ya mwarimu hanakozwe byinshi mu bijyanye no kuzamura urwego rw'uburezi binyuze mu kugeza amashuri hirya no hino mu gihugu.
Magingo aya, mu Rwanda habarizwa ibyumba by'amashuri bigera ku bihumbi 76, mu gihe ibirenga kimwe cya gatatu cyabyo, ni ukuvuga 27,412, byubatswe mu myaka irindwi ishize.
Mu mirenge 416 igize u Rwanda, 392 ibarizwamo amashuri y'imyuga, ivuye kuri 200 gusa yari iyafite mu 2017.
Ibyo byatumye n'umubare w'abarimu wiyongera kuko kuri ubu habarurwa abarimu 110.523.
