Author: webrwanda

Uyu muyobozi yahawe izi nshingano mu muhango wabaye mu ijoro ryo ku wa Gatanu, tariki 21 Kamena 2024 muri Kigali Serena Hotel.

Rotary International ni Umuryango Mpuzamahanga utari uwa Leta ukora ibikorwa by'ubugiraneza birimo gufasha abatishoboye, gushyigikira serivisi ziteza imbere imibereho myiza y'abaturage nk'amazi meza, kurwanya indwara z'ibyorezo no gutanga umusanzu mu bikorwa bigamije guteza imbere abaturage.

Nyuma y'uyu muhango, Perezida ucyuye igihe, Nkusi Livingstone yavuze ko umwaka yayoboye wagenze neza cyane kuko yabashije kwagura umuryango.

Ati 'Ni umwaka wagenze neza kandi twishimiye cyane kuko nibwo twagize abanyamuryango benshi, aho twavuye kuri 62 bagera kuri 103. Twashinze indi Club ya Kigali Golf rero twishimira ko twaguye umuryango.'

Yakomoje no kubikorwa babashije gukora.

Ati 'Twakoze n'ibindi bikorwa byinshi birimo umubyeyi twubakiye, ikindi twakomeje gufasha abarwayi ba kanseri aho buri munsi bakira abarwayi barenga 20 kandi nta wurapfirayo kubera uko babitaho mu buryo bwiza.'

Nkusi yakomeje asaba mugenzi we yahaye inkoni kuzakomereza muri iyo nzira.

Ati 'Ndasaba mugenzi wanjye maze guha ubuyobozi ko yakomereza muri iyo nzira, akagura umuryango akanawumenyekanisha biruseho mu Rwanda ari nako dukomeza gufasha Leta yacu kuko natwe turi Abaturarwanda.'

Umuyobozi mushya wa Rotary Club Kigali Virunga, Duniah Jacqueline yatangaje ko muri manda ye azibanda ku mushinga wo gufasha abana bavukanye ubumuga ariko batitabwaho n'ababyeyi babo kubera kumva ko ntacyo bashoboye.

Ati 'Uyu mwaka dufite intego yihariye twise ibitangaza bya Rotary. Uyu mwaka ndashaka gufatanya n'umushinga witwa 'Shenge' w'abana bavukanye ubumuga ariko bahishwa n'ababyeyi babo ntibabajyane mu ishuri, ntibabiteho neza muri make babafata nk'aho ntacyo bamaze.'

Yakomeje agira ati 'Tuzakomeza kandi indi mishinga dusanzwe dukora yo gufasha abarwayi ba kanseri dufatanyamo n'ibitaro bya gisirikare biherereye i Kanombe n'indi mishinga myinshi.'

Rotary Club Kigali Virunga ni imwe muri clubs 12 zigize Rotary Rwanda nayo ibarizwa muri Rotary Club District 9150. Iyi yashinzwe mu 1982, igizwe n'ibihugu birimo u Rwanda, u Burundi, Cameroun, Congo, Gabon, Guinée Equatoriale, Repubulika Iharanira Demokarasi ya Congo, Repubulika ya Centrafrique, Tchad na Sao Tomé-et-Principe.

Rotary Club ni umuryango udaharanira inyungu ukora ibikorwa by'ubugiraneza birimo gufasha abatishoboye, gutanga amazi meza ku baturage, kurwanya indwara z'ibyorezo zirimo nk'imbasa no gutanga umusanzu mu bikorwa byose bigamije guteza imbere sosiyete.

Ubwo Duniah Jacqueline yimikagwa ku buyobozi bwa Rotary Club Kigali Virunga

Perezida ucyuye igihe, Nkusi Livingstone yishimiye ibyo yagezeho muri manda ye

Umuyobozi mushya wa Rotary Club Kigali Virunga, Duniah Jacqueline yatangaje ko muri manda ye azibanda ku mushinga wo gufasha abana bavukanye ubumuga ariko batitabwaho n'ababyeyi babo

Birungi Paul ni umwe mu bashimiwe

Umuhango wo kwimika umuyobozi mushya wa Rotary Club Kigali Virunga witabiriwe n’abanyamuryango benshi

Ibi byagarutsweho ubwo iri shyaka ryatangizaga ibikorwa byo kwiyamamaza byatangiriye mu Karere ka Bugesera, aho abarwanashyaka ba PSD bagaragarijwe ibitekerezo byifuzwa kuzashyirwa imbere mu gihe abayihagarariye bazaba binjiye mu Nteko.

Ni ibitekerezo 60 bikubiyemo mu nkingi eshatu z'ingenzi.

Umwe mu bashinze Ishyaka PSD, Senateri Nkusi Juvenal, yagaragaje ko mu rwego rw'ibikorwaremezo, PSD izakora ubuvugizi ku buryo haboneka ikigega gishobora gutanga inguzanyo mu buhinzi kandi ku nyungu ntoya.

Hazashyirwa imbaraga mu kubahiriza ibishushanyo mbonera byashyizweho, gukomeza kubaka imihanda ihuza ibice bitandukanye by'igihugu ndetse no gukora ubuvugizi ku buryo umusoro ku nyongeragaciro ugabanywa ukava kuri 18% ukagera kuri 14%.

Yakomeje ati 'TVA, ni umusoro ku nyongeragaciro, biravuze ngo umuntu uguze ikintu yongeraho ya 18%. Bisobanuye ko uzagura agomba gutanga menshi kugira ngo icyo gicuruzwa akeneye akibone.'

Yakomeje ati 'Dutekereza ko kugabanya umusoro kugeza kuri 14%, ni ukugira ngo Abanyarwanda bashobore kugira ubushobozi bwo kugura ibintu byinshi, ikindi ni uko uwo musoro muri aka karere turimo u Rwanda nirwo ruri hejuru ngira ngo abandi bari munsi.'

Yavuze ko kuba u Rwanda rushaka kuba igihugu gihangana ku Isoko ryo mu Karere no muri Afurika muri rusange hari ibigomba kugabanywa kugira ngo rugendere ku bipimo bimwe n'ibindi bihugu.

Yagaragaje ko kandi kuwugabanya byatuma abantu bishimira itangwa ryawo ntibibonwe nk'igihano.

Ati 'Iyo umusoro ubaye mwinshi mu by'ukuri uca umusoro, rero ni ibintu bishoboka twakicara tukabyiga bigasubirwamo. Byasaba guhindura itegeko no guhindura intekerezo ku buryo abantu batabona umusoro nk'igihano ahubwo bakawubona nko kubaka.'

Ishyaka PSD ryagaragaje ko mu byo rizaharanira nirigera mu Nteko Ishinga Amategeko harimo kongera umubare w'Abadepite ukuva kuri 80 ukagera ku 120 no kongera umubare w'abasenateri ukava kuri 26 ukaba 40.

Hari kandi guharanira ko mu Nteko Ishinga Amategeko no mu zindi nzego zifatirwamo ibyemezo habamo 50% by'abogore na 50% by'abagabo.

Visi Perezida wa Mbere wa PSD, Muhakwa Valens wari ukuriye ibikorwa byo kwiyamamaza mu Karere ka Bugesera yagaragarije abarwanashyaka ko ibyo bari babagaragarije mu 2018 byagezweho bityo abasaba kubahundagazaho amajwi.

Yagaragaje ko hari ibindi bitekerezo bishya bafite bifuza ko byazashyirwamo imbaraga mu gihe bazaba bamaze kugera mu Nteko Ishinga Amategeko.

Muri ibyo bitekerezo harimo ibirebana n'imibereho myiza birimo gushyiraho umushahara fatizo bikazafasha Abanyarwanda mu kwiteza imbere.

Yagaragaje ko kandi izakora ubuvugizi ku kuba abinjiza umushahara muto bashobora gusonerwa umusoro ku mushahara ku buryo uhembwa hasi y'ibihumbi 100 frw yawusonerwa.

Muhakwa yagaragaje ko bazakomeza gukora ubuvugizi ku buryo ibirebana n'umushahara fatizo bishyirwamo imbaraga ariko kandi hanitabwa ku mikoro y'Igihugu.

Ishyaka PSD kandi ryasabye abayoboke baryo kuzitabira amatora ateganyijwe muri Nyakanga 2024 batora Paul Kagame ku mwanya w'Umukuru w'Igihugu ndetse no gutora PSD ku mwanya w'Abadepite.

PSD ni rimwe mu mashyaka yiyemeje gushyigikira umukandida watanzwe n'Umuryango FPR Inkotanyi ari we Paul Kagame ku mwanya w'Umukuru w'Igihugu nk'uko ryari ryanabikoze mu 2017.

Abarwanashyaka ba PSD bari babukereye

Muhakwa Valens wahoze mu Nteko Ishinga Amategeko yari yitabiriye iki gikrowa

Mu gihe imitwe ya politiki n'abantu ku giti cyabo batangiye ibikorwa byo kwiyamamaza mu matora y'Umukuru w'Igihugu n'ay'Abadepite ateganyijwe hagati ya tariki 14-16 Nyakanga 2024, RMC yatanze ubutumwa bwihariye ku banyamakuru, bukubiyemo imwe mu myitwarire igomba kubaranga muri ibi bihe by'amatora.

Abanyamakuru basabwe kurushaho kwita ku bunyamwuga no kutabogama mu nkuru zabo, bakirinda gukoresha imvugo zishobora kubangamira umudendezo cyangwa zikaba intandaro y’imvururu, kubahiriza amahame y’umwuga w’itangazamakuru harimo no gutangaza inkuru zifite isoko, zizewe kandi zifite gihamya.

Mu bindi basabwe, harimo kwitondera amagambo bakoresha mu nkuru zabo, bakoresha imvugo inoze kugira ngo hatagira uwumva nabi cyangwa ubifata nk’ibimutera ipfunwe. 

Abanyamakuru kandi, basabwe kubahiriza amabwiriza yatanzwe na Komisiyo y’Igihugu y’Amatora no kwirinda kwandika inkuru ziri mu murongo wo kugoreka ukuri cyangwa gukwirakwiza ibihuha.

Umunyamakuru wese uzaba ari mu kazi kuri site y’itora, agomba kuba afite ikarita y’itangazamakuru imuranga itararengeje igihe kandi ayambaye mu ijosi kugira ngo abahagarariye amatora kuri za site biborohere kumumenya nk’uwaje gutara amakuru.

RMC, yaboneyeho kwibutsa abanyamakuru ko ikarita y’itangazamakuru yarengeje igihe itemewe, iburira abantu bose ko guhimba cyangwa kwigana iyi karita bihanwa n’amategeko kuko bifatwa nko gukoresha impapuro mpimbano. Basabye abo ikarita zabo zataye agaciro kuzongeresha hakiri kare kugira ngo bibafashe gukurikirana amatora nta mbogamizi.

Abanyamakuru kandi bibukijwe ko nta munyamakuru uri mu kazi wemerewe kwambara ibirango by’umutwe wa Politiki uwo ari wo wose haba mu gihe cyo kwiyamamaza cyangwa mu gihe cy’itora.

Abanyamakuru bahawe amabwiriza bagomba kugenderaho mu bihe byo kwiyamamaza ndetse n’iby’amatora y’Umukuru w’Igihugu n’ay’Abadepite azaba muri Nyakanga uyu mwaka

Icyo gihe Perezida Kagame yari ahatanye n'abarimo Dr Ntawukuliryayo wagize amajwi angana na 5.15%, Prosper Higiro yabonye amajwi 1.3% naho Dr Alvera Mukabaramba wa PPC abona 0,40%.

Kitoko yari mu bahanzi bari bitezwe muri uyu mwanya kuzaririmba mu bikorwa byo kwamamaza Perezida Kagame, byatangiye kuri uyu wa Gatandatu tariki 22 Kamena 2024, bihereye ku kibuga cya Busogo mu Karere ka Musanze mu Majyaruguru y'u Rwanda.

Ariko kandi kuri konti ye ya Instagram, agaragaza ko atabashije kwitabira ibi bikorwa bihuza ibihumbi by'abantu kubera akazi.

Uyu muhanzi wamamaye mu ndirimbo zirimo 'Urukundo', yavuze ko n'ubwo bimeze gutya, ku mutima we azirikana ibihe bidasanzwe yagize ubwo mu mwaka wa 2010 yaririmbaga mu bikorwa byageze mu Ntara zitandukanye n'Umujyi wa Kigali mu kwamamaza Perezida Kagame.

Kitoko ubarizwa muri Leta Zunze Ubumwe za Amerika muri iki gihe, yumvikanishije ko yashyizwe ku rutonde rw'abahanzi baririmbye kiriya mu gihe, mu gihe hashize amezi macye asoje amashuri ye yisumbuye. Yavuze ko 'rwari urugendo rwiza cyane'.

Yumvikanishije ko yishimira kuba ibihangano bye yahanze nka 'Thank you Kagame' na n'ubu bigikomeje kwifashishwa mu bikorwa byo kwamamaza Paul Kagame.

Uyu musore ubarizwa muri Amerika afite indirimbo yise 'Thank you Kagame' yamamaye cyane mu matora y'Umukuru w'Igihugu mu 2017. Kuva icyo gihe, yabaye ibendera ry'umuziki we, ahanini biturutse mu kuba igaruka kuri Perezida Kagame.

Ni indirimbo yacengeye mu gihe gito, kandi agaruka ku bikorwa binyuranye Perezida Kagame yagejeje ku banyarwanda n'amashimwe Abanyarwanda bafite kuri we.

Iyi ndirimbo yayishyize hanze muri Nyakanga 2017. Birashoboka ko ariwe muhanzi wa mbere wafatiye amashusho ku gasongero ka Kigali Convention Centre (KCC). Amajwi y'iyi ndirimbo yakozwe na Pastor P.

Muri iyi ndirimbo hari aho aririmba agira ati 'Uri impano Imana yaduhaye, amahirwe nk'aya si aya bose, humura abanyarwanda turabizi, Paul Kagame turi kumwe nawe…Thank you Kagame, warakoze, urashoboye, tuyobore. Abanyarwanda ni twebwe tukuzi, (…)

Akomeza agira ati 'Abanyarwanda ni twebwe tukuzi, abandi bose bakumenye bucyeye, wakuye u Rwanda mu icuraburindi none ubu rwabaye ubukombe, imvugo yawe ni yo ngiro, kirogoya ni umuziro. '

 

Kitoko yatangaje ko mu 2010 aririmba mu bikorwa byo kwamamaza Perezida Kagame yari asoje amashuri yisumbuye

Kitoko yavuze ko atabashije kwitabira ibikorwa byo kwiyamamaza kubera akazi

Mu 2017, Kitoko Bibarwa yongeye kuririmba mu bikorwa byo kwamamaza Paul Kagame 

Mu 2024 Perezida Kagame yongeye kwiyamamariza kuyobora u Rwanda, akaba yatangiriye i Musanze kuri uyu wa 22 Kamena. Perezida Kagame ni umukandida watanzwe na FPR Inkotanyi mu matora ya Perezida azaba tariki 14-15 Nyakanga 2024

KANDA HANO UREBE AMASHUSHO Y'INDIRIMBO 'THANK YOU KAGAME' YA KITOKO

Yabigarutseho kuri uyu wa Gatandatu tariki 22 Kamena 2024, ubwo yatangizaga ibikorwa byo kwiyamamaza ku mwanya w’Umukuru w’Igihugu byabereye ku kibuga cya Busogo mu Karere ka Musanze mu Majyaruguru y’u Rwanda.

Ibikorwa byo kwiyamamaza kwe bizagera mu turere 19. Ku munsi wa mbere, ibihumbi by’abantu bari bacyereye kumwakira, ndetse mu buhamya bwagiye butangwa bamwe bagarutse ku kumvikanisha ko imyaka 30 ishize ayoboye u Rwanda babafashije kwivana mu bukene, biteza imbere ndetse n’imiryango yabo.

Umwe mu bagabo batanze ubuhamya, yumvikanishije ko yari abayeho mu nzu mbi, ariko bitewe n’ubuyobozi bwiza, yahagurutse yiteza imbere, ndetse abana be basubiye mu ishuri n’ubwo we atigeze agira amhirwe yo kwiga.

Paul Kagame uri kwiyamamaza ku nshuro ya Kane, ijambo rye ryibanze ku kugaragaza cyane imyaka 30 ishize y’u Rwanda, kandi yumvikanisha ko ibyagezweho byose byagizwemo uruhare na buri munyarwanda.

Ariko kandi yagaragaje ko hari abasobanura Demokarasi mu buryo bishakiye bitewe n’inyungu babifitemo. Ati “Demokarasi ivuze guhitamo ikikubereye, icyo ushaka ukagira n'ubwisanzure muri uko guhitamo. Ntabwo demokarasi uhitirwamo, nta we uguhitiramo ni wowe wihitiramo. Niko bikwiriye kumvikana hano n'ahandi, n'aho byitwa ko bikomoka.

'Aho bikomoka ntawe ubahitiramo, niyo mpamvu badafite uburenganzira bwo guhitiramo abandi. Uko guhitamo, kuva kuri bwa budasa bw'igihugu, bw'abantu, bw'u Rwanda.'

Atangira ijambo, yabwiye abanya-Musanze ko mu gihe nk’iki nabwo yabasuye kandi ibyo bemeranyije icyo babishyize mu bikorwa.

Ati “Mbanze mbashimire rero n’ubwo duherukana cyera, aho duherukanira umugambi wari nk’uyu nguyu. Twarahuye, dukora akazi, turakanoza, ubu twongeye kuza hano ngo dusuzume aho tuvuye n’aho tugeze. Ariko reka mpera ku mateka abantu bakwiye guheraho.'

Kagame yavuze ko ibyagezweho mu myaka 30 ishize u Rwanda ruvuye habi, byumvikana mu buhamya bwa bamwe ndetse no mu ndirimbo.

Ati “U Rwanda rwacu, amateka yarwo, aho tuvuye, amagana n’ibihumbi ejo bundi u Rwanda ntabwo rwari heza, ndetse mu byavuzwe cyangwa no mu ndirimbo zimwe birabivuga. Ariko, nk’u Rwanda ndetse cyangwa n’ibindi bihugu ntabwo ari ko abantu babaho cyane cyane mu myaka itari kera nka 60 n'indi, u Rwanda rwabayeho nabi.'

Akomeza ati 'Mbere y'aho ho birumvikana twari aho isi nayo yari iri ntabwo twari kuba turenze kuri byinshi ariko kandi ejo bundi urebye imyaka 30 tumaze, aho u Rwanda rwavuye rwari ruri mu myaka 30 usubiye inyuma, byasobanuraga amateka mabi igihugu cyacu cyabayemo. Ari mu bukoloni, nyuma y'ubukoloni […] byagaragaje byose bikubiye hamwe ubuzima bubi.'

Bamwe mu bahanzi bagiye bakora ibihangano byumvikanisha ko imyaka yabanjirije 30 ishize yatumye Abanyarwanda babana mu macakubiri, ariko ko nyuma y'uko RPA ibohoye u Rwanda igahagarika Jenoside, igihugu cyongeye kubona ubuzima.

Paul Kagame yumvikanishije ko ibikorwa byo kwiyamamaza, biri mu murongo wo guhindura amateka y'u Rwanda rushya buri wese yifuza. Ati 'Ati “Politike rero y’uyu munsi ndetse uyu munsi turi hano twatangiye igikorwa cyo kwiyamamaza, cyo kuzatorwa, kuzatora, iyo ubikora, iyo bikorwa mu mitwe y’abantu, mu mutima y’abantu haba harimo politike yo gushaka guhindura u Rwanda ubuzima bwarwo, ubuzima bw’abarutuye, kugirango birusheho kuba byiza, bibe nk’iby’ahandi cyangwa binarenge.”

Iki gikorwa rero ntabwo ari icy'uyu munsi, icy'ejo cyangwa tariki 15 Nyakanga, ni igikorwa gikubiyemo ayo mateka n'ubushake bwo kuyahindura. N'iyo Politike ya FPR. FPR tuvuga ni ayo mateka n'ubushake bwo kuyahindura, niyo politike, niyo FPR. FPR mu magambo make ni ubudasa. Ni ubudasa muri aya mateka navuze, ni ubudasa mu buryo bw'ibigomba guhinduka. Ikibazo gihari ni ukuvuga ngo ariko bihindurwa na nde? Bihinduka bite? Bihindurwa namwe.'

 

Paul Kagame yavuze ko u Rwanda rwari habi mbere y'imyaka 30 ishize

 

Paul Kagame yavuze ko amahitamo n'ubudasa bw'Abanyarwanda ari byo byateje imbere u Rwanda

Paul Kagame yavuze ko Demokarasi ari uguhitamo ikikubereye n'icyo ushaka ukagira n'ubwisanzure

Abakinnyi babiri bahoze bakinira Rayon Sports, rutahizamu w’Umurundi, Jules Ulimwengu n’Umunye-Congo, Héritier Nzinga Luvumbu usoje ibihano bya FERWAFA basinyiye ikipe ya Vita Club.

AS Vita Club yakinnyemo umunyarwanda Sugira Ernest, ibinyujije ku mbuga nkoranyambaga za yo kuri uyu wa Gatandatu tariki ya 22 Kamena, yemeje ko rutahizamu ukomoka i Burundi wakiniye Rayon Sports, Jules Ulimwengu yamaze gusinyira iyi kipe amasezerano y’imyaka 3.

Yanemeje kandi isinya rya Hertier Nzinga Luvumbu w’imyaka 31 aho yasinyiye iyi kipe amasezerano y’imyaka 2.

Ku wa 13 Gashyantare ni bwo Héritier Nzinga Luvumbu yahagaritswe amezi atandatu na FERWAFA mu bikorwa by’umupira w’amaguru mu Rwanda kubera kuvanga siporo na politiki.

Hari nyuma y’uko mu mukino w’Umunsi wa 20 wa Shampiyona wabereye kuri Stade ya Kigali i Nyamirambo, Héritier Luvumbu yatsinze igitego ku munota wa 52 w’umukino, acyishimira apfutse ku munwa ajya kwifotoza imbere y’abanyamakuru bari ku kibuga.

Iki ni ikimenyetso cya politiki kimaze iminsi gikorwa n’Abanye-Congo hirya no hino mu rwego rwo kuyobya uburari ku bw’ubwicanyi nyakuri buri gukorerwa abavuga Ikinyarwanda mu Burasirazuba bwa Congo nk’uko byemejwe n’Umuryango w’Abibumbye.

Luvumbu yasinye imyaka 2 muri Vita Club

Jules Ulimwengu yasinyiye AS Vita Club

Ni amahugurwa yatanzwe ku bufatanye bw'Ikigo cy'Igihugu cy'Imisoro n'Amahoro n'Ihuriro ry'abafasha abacuruzi kwishyura za gasutamo mu Rwanda (RWAFFA). Agamije kurushaho kunoza imikorere mu kwishyura imisoro kuri gasutamo ku binjiza ibicuruzwa mu gihugu.

Muri aba banyeshuri basoje, 87 ni ab'igitsina gore, 104 ni ab'igitsina gabo, baje biyongera ku bandi 1,481 bagiye bahabwa impamyabushobozi mu myaka 16 ishize hatangiye gahunda yo guhugura abakora izi serivise.

Abasoje bavuga ko banenejwe n'umusanzu bagiye gutanga ku gihugu kandi ko ibyo bize bazabikoresha neza mu gukomeza gufasha i gihugu gutera imbere ndetse no mu bucuruzi bwabo bari basanzwe bakora.

Kayitaramirwa Ruth ati 'naje kwiga aya masomo nifuza gukora ubucurizi bwanjye neza nkamenya uko nzajya ntanga imisoro ndetse nkaba nanafasha bagenzi banjye bakamenya uburyo bwo gusora kandi biciye mu mucyo.'

Ni ibuntu ahurizaho na mugenzi we, Rutazihana Justin, nawe wasoje aya mahugurwa ariko akaba yari asanzwe atanga izi serivise.

Ati 'Nka njye wari usanzwe nkora ibijyanye no gutanga izi serivise nyuma yo guhugurwa hari icyo ngiye kongera mu mikorere yanjye harimo gutanga serivise zinoze ku batugana ndetse no kubafasha gusobanukirwa uburyo bwo gutanga imisoro binyuze mu mucyo.'

Abarangije amasomo yabo bari bamaze umwaka bari guhugurwa ku bintu bitandukanye birimo gutanga serivise zinoze ku babagana, ibijyane n'ibiciro ndetse n'igenagaciro.

Komiseri Wungirije ushinzwe kunganira mu bikorwa bya gasutamo, mu Kigo cy'Igihugu cy'Imisoro n'Amahoro, Gatera Yvonne, yavuze ko kuva aya mahugurwa yatangizwa mu Rwanda imikorere yo gutanga serivise ku bacuruzi bakora ubucuruzi bwambukiranya imipaka byahindutse kandi ku kigero cyiza.

Yagize ati 'mbere y'uko dutanga aya mahugurwa hagiye hagaragara amakosa atandukanye aho wasangaga abunganira abacuruzi muri gasutamo hari ibyo badasobanukiwe. Bakoraga amakosa kandi ayo makosa yatumagaga habaho gutinda gutanga serivise ku bacuruzi bikaba byateza n'igihombo, aya mahugurwa rero azafasha gutanga serivise yihuse kandi itarimo amakosa.'

Ni ku nshuro ya 8 hatanzwe impamyabushobozi ku banyeshuri bahabwa amahugurwa yo kunganira abakora ubucuruzi bwambukiranya imipaka, mu bamaze guhambwa izi mpamyabushobozi 715 ni igitsina gore naho 957 ni igitsina gabo.

Abagera kuri 191 basoje amahugurwa yo kunganira abakora ubucuruzi bwambukiranya imipaka

Abayobozi barimo Komiseri Wungirije ushinzwe kunganira mu bikorwa bya gasutamo, mu Kigo cy'Igihugu cy'Imisoro n'Amahoro, Gatera Yvonne, bitabiriye uyu muhango

Komiseri Wungirije ushinzwe kunganira mu bikorwa bya gasutamo, mu Kigo cy'Igihugu cy'Imisoro n'Amahoro, Gatera Yvonne, yavuze ko kuva aya mahugurwa yatangizwa mu Rwanda gutanga serivise ku bacuruzi bakora ubucuruzi bwambukiranya imipaka byahindutse kandi ku kigero cyiza

Abatsinze kurusha abandi bahawe ishimwe

Ibi byagaragajwe n'ubushakashatsi bwakozwe n'Ihuriro ry'Imiryango Nyarwanda ishyigikira ibikorwa by'amajyambere y'ibanze, CCOAIB bukorerwa mu turere twa Kamonyi na Kirehe.

Hagaragajwe ko imashini zimwe zafunzwe, ipfuye na bwo bigasaba amafaranga menshi abaturage batapfa kubona ahandi amashanyarazi akoreshwa akaba arenze ubushobozi bw'abaturage.

Gahunda ya guverinoma y'imyaka rindwi yo kwihutisha ubukungu, NST1, yateganyaga ko ubuso bwuhirwa buzagera kuri hegitari 102,284 mu mwaka wa 2024, gusa iyi ntego yagezweho ku kigero cya 70%, aho bigeze ku buso 71.585 bivuye ku zirenga ibihumbi 48 mu 2017.

Byagizwemo uruhare n'ibikorwaremezo bitandukanye bifasha muri ibyo bikorwa, birimo nk'imashini zifasha kuvana amazi mu bishanga n'imibande akifashishwa mu kuhira imyaka.

Ni imashini ziba zikeneye kwitabwaho umunsi ku munsi, ariko mu bushakashatsi bwakozwe na CCAIB habonywe ko harimo ibibazo byinshi by'ibikorwaremezo bihenze kubisana bikaba ingorabahizi.

Umuyobozi Ushinzwe Igenamigambi muri CCOAIB, Senyabatera Jean Bosco ati 'Nko ku Kiyaga cya Mpanga i Nasho hari koperative ihari ndetse n'itsinda ry'umuryango w'abakoresha amazi (ushinzwe guha amazi abahinzi) bagize ikibazo cy'imashini yubatswe mu gishanga, ikiyaga kiruzura, imashini ntizaba zigikora.'

Kuva ubwo imashini zahise zifungwa kuko zitashoboraga gukomeza gukora, abantu basigara bakamura amazi ari kuyinjiramo gusa ukabona ko 'iyo imashini yubakwa i musozi byari gufasha. Ibyo bikeneye amikoro yisumbuye'.

Nubwo Ikigo cy'Igihugu Gishinzwe Iterambere ry'Ubuhinzi n'Ubworozi (RAB) kigerageza ibijyanye no gusana izo mashini, hananzuwe ko abaturage buri wese yajya atanga 200 Frw, 300 Frw na 500 Frw kuri are imwe bijyanye n'ubushobozi bwabo.

Ayo mafaranga atangwa avuye mu murasuro abahinzi baba bakuye kuri ubwo butaka bw'uhirwa, Senyabatera akavuga ko nubwo adatangwa uko bikwiriye n'iyo yatangwa yose atafasha kuko 'ni make cyane.'

Ati 'Kuko iyo mashini iba ikora umunsi ku wundi, amanywa n'ijoro bisaba ko yitabwaho umunsi ku wundi, bigasaba amafaranga n'ubumenyi badafite.'

Zimwe mu mashini zibarizwa mu byanya byuhirwa zikoreshwa n'amashanyarazi yishyurwa n'abaturage, izuba ryava igihe kirekire, ya mafaranga akaba iyanga.

Umwe mu bakorera ubuhinzi bw'umuceri mu Gishanga cya Rurambi cyo mu Karere ka Bugesera, witwa Kwihangana Joel yavuze ko igihembwe cy'ihinga gishobora gusiga hatanzwe arenga miliyoni 30 Frw, bitewe n'uko izuba riba ryavuye cyane.

Kwihangana ubarizwa mu muryango w'abakoresha amazi ati 'Kuko dukoresha amafaranga y'abaturage, izuba riva igihe kirekire ya mafaranga akaba make. Turasaba ko badufasha kugabanya ikiguzi cy'umuriro kuko imashini ebyiri dukoresha zitwara umuriro mwinshi.'

Mu byasabwe ni uko hashyirwaho ikigega cyihariye cyakunganira aba bahinzi, leta igashaka uburyo igabanya igiciro cy'umuriro, hagashakwa n'uburyo ababungabunga ibyo bikorwaremezo babifitiye ubumenyi.

Umukozi muri RAB, Mporana Jules yavuze ko ibibazo byinshi bisanzwe bizwi icyakora agaragaza ko bari kugerageza guhugura abahinzi ku bijyanye n'uko ibikorwaremezo bubakiwe byakwitabwaho.

Ku bijyanye n'amashanyarazi Mporana yavuze ko leta igerageza kubafasha kugira ngo icyo kibazo kigabanyuke ariko yerekana ko kuri iyi nshuro bari gukora ubuvugizi, bikaba byakorwa nk'uko ku nganda bimeze kuko inganda zisonerwa.

Ku bijyanye n'ikigega cyasabwe, Mporana yavuze ko na byo biro gutekerezwa hagashyirwaho icyo kigega abaturage bagatanga 15% na leta igatanga andi, ' izo gahunda zikazafasha mu kwita kuri ubu bushobozi.'

Kugeza uyu munsi mu gihugu hose abahinzi barenga ibihumbi 36 bamaze kubona ibikoresho byo kuhira ku buso buto binyuze muri nkunganire ya Leta (Subsidy Program) ndetse n'inkunga nyunganizi (Matching Grants) binyuze mu mishinga itandukanye.

Hagaragajwe ko mu gihe ibikorwaremezo byo kuhira bitakwitabwaho, imbaraga u Rwanda ruri gushyira muri ibi bikorwa zishobora gukomwa mu nkokora