Author: webrwanda

Amakuru y'ubu butumwa bwa Sheikh Tamim bin Hamad Al Thani yatangajwe n'Ibiro Ntaramakuru bya Qatar. Byatangaje ko ubu butumwa bwohererejwe Perezida Kagame kuri uyu wa Mbere tariki 1 Nyakanga mu 2024.

Uretse Sheikh Tamim bin Hamad Al Thani, Minisitiri w'Intebe wa Qatar akaba na Minisitiri w'Ububanyi n'Amahanga, Sheikh Mohammed bin Abdulrahman bin Jassim Al-Thani, nawe yoherereje mugenzi we, Dr Edouard Ngirente ubutumwa bwo kwifatanya n'u Rwanda kuri uyu munsi w'ubwigenge.

Imyaka 62 irashize u Rwanda rubonye ubwigenge. Rwahawe ubwigenge tariki 1 Nyakanga 1962, rumaze indi myaka isaga 40 mu maboko y'u Bubiligi, byitwa ko ari indagizo. Ni ukuvuga ko u Rwanda rwagengwaga na Loni (byatangiye yitwa SDN) ariko ikaruha u Bubuligi ngo buyireberere.

Umwami Mutara III Rudahigwa yatanze mu 1959 yaratangiye kuvuganira u Rwanda hirya no hino ngo rubone ubwigenge ariko uburyo yashakagamo ubwigenge, ntabwo bwashimishaga Ababiligi ari nabyo bikekwa ko byamuhitanye. Itariki ntarengwa yo guha u Rwanda n'u Burundi ubwigenge yagizwe iya 1 Nyakanga 1962

Muri Gashyantare 1962 muri Loni habereye Inteko rusange yigaga ku kibazo cy'ubwigenge bw'u Rwanda n'u Burundi. Itariki ntarengwa yo guha u Rwanda n'u Burundi ubwigenge yagizwe iya 1 Nyakanga 1962, aba ariko binagenda.

Sheikh Tamim bin Hamad Al Thani wifatanyije n'u Rwanda asanzwe ari inshuti yarwo y'akadasohoka.

Kugeza ubu u Rwanda rufitanye umubano na Qatar ushingiye ku bintu bitandukanye, aho indege za Qatar Airways zikora ingendo zihuza imijyi ya Doha na Kigali.

Qatar Airways kandi yasinyanye amasezerano y'ubufatanye na Leta y'u Rwanda, ajyanye no kugira imigabane ingana na 60% mu Kibuga Mpuzamahanga kiri kubakwa mu Karere ka Bugesera kizaba gifite agaciro ka miliyari 1,3$, kikazaba cyakira abantu miliyoni zirindwi ku mwaka mu cyiciro cya mbere na miliyoni 14 mu cyiciro cya kabiri.

Umubano w'ibihugu byombi watangiye gutera imbere cyane mu 2015, aho Ku wa 26 Gicurasi muri uwo mwaka, ibihugu byombi byashyize umukono ku masezerano y'ubufatanye mu birebana no kurwanya ibiyobyabwenge. Aya masezerano yari yahujwe n'inama yigaga ku bibazo biterwa n'ikwirakwizwa ry'ibiyobyabwenge (Qatar International Anti-Drug Forum) yaberaga i Doha muri icyo gihugu.

Kuva mu 2017, ibihugu byombi byarushijeho kugana mu cyerekezo kizima. Muri Gicurasi uwo mwaka, byasinye amasezerano yo gushyiraho imikoranire mu bya dipolomasi.

Mu 2018, Abakuru b'Ibihugu batangiye gukora ingendo zigamije kunoza umubano uhuriweho.

Perezida Paul Kagame yagiriye uruzinduko i Doha muri Qatar inshuro ebyiri mu myaka ibiri mu gihe mugenzi we, Umuyobozi w'Ikirenga, Emir wa Qatar, Sheikh Tamim Bin Hamad Al Thani na we yasuye u Rwanda inshuro ebyiri mu 2019.

Muri uru ruzinduko rwamaze iminsi itatu hasinywe amasezerano y'ubufatanye mu ngeri enye zirimo imikoranire mu rwego rw'umuco, muri siporo, mu bukerarugendo n'ibikorwa by'ubucuruzi ndetse n'ingendo zo mu kirere.

Uyu muyobozi ari kumwe na Perezida Kagame kandi basuye Pariki y'Igihugu y'Akagera ubu irimo inyamaswa eshanu zikomeye kurusha izindi ari zo Intare, Inzovu, Ingwe, Inkura n'Imbogo.

Muri Nyakanga 2021, hatashywe ku mugaragaro inyubako nshya ya Ambasade ya Qatar mu Rwanda.

Muri Gashyantare mu 2024 Perezida Kagame yagiranye ibiganiro na Sheikh Tamim bin Hamad Al Thani, byagarutse ku mubano w'ibihugu byombi no ku bibazo by'akarere na mpuzamahanga. Emir wa Qatar yakiriye Perezida Kagame mu biro bye, Lusail Palace.

Sheikh Tamim bin Hamad Al Thani asanzwe ari inshuti y'u Rwanda

Sheikh Tamim bin Hamad wa Qatar yifatanyije n'u Rwanda mu kwizihiza ubwigenge

Perezida wa Repubulika y’u Rwanda, Paul Kagame yatashye Stade Amahoro yari imaze igihe ivugururwa maze avuga ko ari amahirwe ku bakinnyi b’abanyarwanda ubu nta rwitwazo u Rwanda rugomba kumenyekana mu bihugu bya ruhago muri Afurika.

Uyu munsi ku wa Mbere tariki ya 1 Nyakanga 2024 ku munsi w’Ubwigenge nibwo Stade Amahoro yari imaze imyaka irenga ibiri ivugururwa yatashywe kumugaragaro. Iyi Stade yavuye ku bihumbi 23 yakiraga ubu isigaye yakira ibihumbi birenga 45.

Stade ikaba yatashywe kumugaragaro na Perezida Kagame aho yafatanyije na Perezida w’Impuzamashyirahamwe y’umupira w’amaguru muri Afurika (CAF), Patrice Motespe.

Motespe yavuze ko iyi Stade ari nziza muri Afurika no ku Isi, nk’abanyafurika bakwiye guterwa ishema na yo.

Ati 'Iyi ni Stade ya mbere nziza muri Afurika no ku Isi, twe nk’abanyarwanda ndetse n’Abanyafurika dukwiye guterwa ishema. Turashmira Perezida Kagame.'

Yakomeje kandi avuga ko yifuza kuzarebera kuri Stade Amahoro umukino w’u Rwanda rukina n’ikipe ikomeye ku mugabane.

Ati 'Ubutaha ninza hano ndashaka kureba ikipe y’u Rwanda ikina n’ikipe nziza yo ku Mugabane wa Afurika. Reka nsoze mvuga ko ukurikije impano zihari n’uburyo bwo kuzamura impano rwose u Rwanda ruzatsinda, u Rwanda ruzatsinda, u Rwanda ruzaba imwe mu makipe meza ku Mugabane wa Afurika.”

Perezida Kagame akaba yashimiye Perezida wa CAF ndetse n’uwa FIFA kuko ari bo batumye u Rwanda rugira inyota yo kubaka Stade nk’iyi.

Ati 'Ndashimira Perezida wa CAF, Patrice Motespe n’inshuti akaba n’umuvandimwe, Perezida wa FIFA, Gianni Infantino batumye tugira inyota yo kubaka igikorwaremezo cya siporo nk’iki.'

Perezida Kagame kandi yavuze ko nta rundi rwitwazo ubu u Rwanda narwo rugomba gukora cyane rukaza mu bihugu bizwi mu mu mupira w’Amaguru muri Afurika.

Ati 'Ubu nta rwitwazwo ku bakinnyi bakiri bato bafite impano yo gukina umupira w’amaguru. Mugomba gukora cyane, mugomba gukorana ubushishozi, mureke tubarwe mu beza bari ku mugabane wacu.'

Nyuma yo gufungura iyi Stade kumugaragaro, hahise hakurikiraho umukino wo guhatanira igikombe cyo kuyitaha 'Stade Amahoro Anauguration Trophy', urimo guhuza APR FC na Police FC.

Perezida Kagame na Perezida wa CAF, Patrice Motespe bafunguye Stade Amahoro kumugaragaro

Perezida Kagame yashimiye Perezida wa CAF kuba yarateye inyota u Rwanda rwo kubaka Stade nk’iyi, ubu ngo nta rwitwazo ku Rwanda

Hahise hakurikiraho umukino wahuje Police FC na APR FC

Perezida wa CAF avuga ko Stade Amahirio ari yo nziza muri Afurika

Ni igitaramo cyitabiriwe ku bwinshi, abato n'abakuru bari babukereye bashishikajwe no gufatanya na Eric Pisco kuririmbira Imana.

Ku masaha yari agenwe iki gitaramo cyatangiye, Umuririmbyi Eric Gatashya umenyerewe muri Chorale de Kigali yinjiza abitabiriye mu gikorwa nyirizina aririmba Ave Maria yazanye akamwenyu ku maso y'abari muri iki cyumba.

Eric Pisco hamwe n'itsinda ryamufashaga kuririmba bageze ku rubyiniro mu myambaro ibereye ijisho baririmba igice cya mbere cy'indirimbo za mbere zagomaga kumurikwa. Indirimbo ''Mpindura'' yanogeye abitabiriye iki gitaramo mu buryo bugaragara.

Nyuma y'iki gice cya 1 habayeho umwanya wo gusenga nyuma Eric n'itsinda bafatanyaga bagarukana isura nshya mu ndirimbo 3 zakurikiyeho zaje zifite umwihariko wo kuba zari mu ndimi zitandukanye ndetse zinacurangitse mu buryo butandukanye n'izabanje. Bageze ku yitwa Sifu Mungu abitabiriye bose bahagurutse bacinya akadiho ari nako yanyuzagamo akaganiriza abitabiriye mu butumwa bw'ihumure ku bafite imitima iremerewe .

Uwahageze wese yabashije kubona ubuhanga iki gitaramo cyari giteguranye, Umuhanzi ndetse akaba asanzwe ari umuyobozi wa Chorale t Paul Kicukiro, Denys Nyituriki yahawe urubyiniro aririrmba Ndakugarukiye na Mpindura mushya yahembuye imbamutima z'abitabiriye.

Eric Pisco yagarukanye imbaraga zidasanzwe yerekana ko ubuhanga bwe budashingiye gusa ku ndirimbo zo mu rurimi rw'ikinyarwanda, aririmba ebyiri ziri mu Giswahili ''Tumezariwa Upya na 'Asante Mungu' nazo zazamuye imbamutima z'abari baryohewe n'ibi birori.

Hagati aho umuhanzi umaze kugwiza ibigwi Oreste Niyonzima n'itsinda bafatanyaga bahawe umwanya baririmba indirimbo 2 'Duhe Kunyurwa' na 'Imana ni Umubyeyi' yasururukije abakunzi b'uyu muhanzi umaze kwigarurira abatari bake.

Mu myambaro ya Kinyarwanda Eric Pisco n'itsinda bafatanya bagarukanye imbaduko n'akamwenyu ku maso baririmba indirimbo 3 ziganjemo umudiho gakondo ari nako banyuzagamo bagatega amaboko bagafatanya n'abitabiriye kubyina, yahereye ku yitwa 'Kundwa' ari nayo yitiriwe iki gitaramo yitsa cyane ku ndirimbo 'Shimirwa '' avuga ko ariyo ndirimbo yahimbye bwa kabiri yinjira mu muziki ku tariki 2062011, asoreza kuri 'Kira' yerekanye ubuhanga budasanzwe mu buryo bw'amajwi n'imicurangire.

Itsinda Catholic All Stars ryari riyobowe n'umunyamuziki Emmy Pro ryahawe umwanya mu majwi yabo azira amakaraza bakomeza gufasha abantu guhimbaza Imana biciye mu ndirimbo zabo ari nako abitabiriye bafashwaga n'ibinyobwa bya Blarirwa ndetse Skol.

Eric Pisco yanyuzagamo agashimira bamwe mu bo mu muryango we baje kwifatanya na we, abo biganye muri eminari nto ya St Aloys i Cyangungu yanahamagaraga mu mazina, ndetse na bamwe mu baririmbyi bamenyerewe muri Kiliziya Gatolika baje kumutera ingabo mu bitugu, yashimiye byumwihariko Chorale de Kigali yamufashije mu buryo bufatika kuva yagira igitekerezo cyo kumurika uyu muzingo.

Hodari Jean Claude, Umuyobozi wa Chorale de Kigali yashimye imyitwarire iranga Eric Pisco kuva yagera muri iyi Chorale, atangaza ko kuva mu ntangiriro z'iki gikorwa nka Chorale de Kigali bari babizi ndetse banafatanyije muri byinshi, yamumenyesheje kandi ko nka Chorale bazamutera inkunga yo kugura uyu muzingo mu rwego rwo gukomeza kumuba hafi.

Yagize ati' Abitegura twari tubizi hari n'ibyo twafatanyijemo mu kubitegura ariko tuzakomeza kugura iriya mizingo kugeza irangiye, ntabwo tuza kubara iyo tumaze kugura ariko tuzayimara'.

Yakomeje ashima iyi mpano ndetse anamwizeza gukomeza kumusabira kuri Nyagasani agakomeza akaguka.

Niyitegeka Charles, yavuze ko atewe ishema n'impano y'uyu musore mu izina rya Ishusho Tv abereye umuyobozi amwerera kuzamukorera indirimbo 5 ndetse amwizeza ko ibihangano bye bizajya bitambutswa kuri iyi televiziyo buri munsi kandi ku buntu.

Ikindi nk'Umuyobozi uhagarariye itsinda 'Inyange za Mariya' mu izina ry'iri tsinda na none yatangaje ko bemeye kugura indirimbo zifite agaciro k'amafaranga 100.000 Frw nk'inguga bateye ubutumwa bwiza buri guca mu mpano y'uyu musore.

Igitaramo nk'uko byari biteganyijwe ko gisozwa saa yine z'ijoro, cyasojwe hatangwa urubuga ku bashaka kugura no gutera ingabo mu bitugu uyu musore dore ko mu bubiko bwe harimo indirimbo zirenga 400 zitarasohoka agikeneye gushyira ahagaragara.

Eric Pisco yagaragaje ko ashoboye

Umuyobozi wa Chorale de Kigali, Hodari  yashimiye Eric Pisco anamugenera  impano mu izina rya bagenzi be 

Yemerewe impano

Akanyamuneza kari kose ku bitabiriye

KANDA HANO UREBE ANDI MAFOTO

Umwanditsi: Jean Nshimiyimana (Dox Visual)

Amafoto: Jean Nshimiyimana(Dox Visual)

Mu gihe hishimirwa ibyagezweho muri uyu mwaka ugeze mu cya kabiri ndetse no mu myaka 30 ishize igihugu cyongeye kwiyubaka muri rusange, abahanzi nyarwanda bakomeje gufasha abanyarwanda kurushaho kwishimira iryo terambere, ari nako batekereza kuri ejo hazaza h'igihugu cyabo.

Kugeza ubu nta yindi nkuru iri kuvugwa mu Rwanda usibye ibikorwa byo kwiyamamaza kw'Abakandida mu matora y'Umukuru w'Igihugu n'ay'Abadepite azaba ku ya 14-15 Nyakanga uyu mwaka. Ni muri urwo rwego rero, n'abahanzi bagiye bakora indirimbo ahanini zijyanye n'ayo matora, ku buryo ari nazo zakunzwe ndetse zigacurangwa cyane muri Kamena.

Nubwo bimeze bityo ariko, hari n'indirimbo zisanzwe ndetse n'izo kuramya no guhimbaza Imana zafashije abakristo kwegerana n'Imana no kuyishimira ibyo yabakoreye zagiye ahagaragara muri uku kwezi gushize.

Mu ndirimbo zitabarika zagiye hanze muri Kamena, InyaRwanda yaguhitiyemo 15 gusa zafashije abakunzi b'umuziki n'abanyarwanda muri rusange kuryoherwa n'uku kwezi zikabarinda irungu.

1. Ogera — Bwiza ft Bruce Melodie

“>

Iyi ndirimbo aba bahanzi bombi bahuriyemo bise 'Ogera' ivuga ibigwi Perezida Kagame, Umukandida wa FPR-Inkotanyi wemerewe kwiyamamariza kuyobora u Rwanda mu matora y'Umukuru w'Igihugu n'ay'Abadepite ateganyijwe muri Nyakanga uyu mwaka.

Ikorwa ry'iyi ndirimbo 'Ogera' ni igitekerezo cyashibutse kuri Bwiza wifuzaga gukora indirimbo igaruka kuri Perezida Paul Kagame mu rwego rwo kugaragaza bimwe mu bikorwa yakoreye u Rwanda n'Abanyarwanda mu myaka 30 ishize.

2. Milele — Element Eleeeh

“>

Mugisha Robinson wamamaye nka Producer Element yahaye abanyarwanda indirimbo y'urukundo iryoheye amatwi mu kwezi gushize. Mu minsi itatu gusa iyari imaze igiye ahagaragara, 'Milele' yari imaze kurebwa n'abarenga ibihumbi 500.

Iyi ndirimbo yafatiwe amashusho mu gihugu cya Kenya, ndetse ikagaragaramo umwihariko w’imbyino z’aba-Masai, iri mu njyana ya 'Afro Gako,' ikaba yaratanzweho arenga Miliyoni 30 Frw kugira ngo ikorwe nk’uko yabishakaga.

3. Tumutore Niwe — Kivumbi King ft Ariel Wayz, Chriss Eazy, King James

“>

Umuhanzikazi Ariel Wayz wishimiye kuba agiye gutora ku nshuro ya mbere, aherutse guhurira mu ndirimbo na basaza be Kivumbi King, King James ndetse na Chriss Eazy bakorana indirimbo bise ‘Tumutore niwe’.

Iyi ndirimbo y’iminota 3 n’amasegonda 23′ yashyizwe kuri shene ya Youtube ya Kivumbi King, baririmba bagira ati “Ni byo koko biryoha bisubiwemo, tubihamye, tubisubiremo, umunyarwanda aho ari hose, atewe ishema n’uwo ari we, nta wundi tubicyeha ni Paul Kagame.”

4. Nywe PK24 — Nel Ngabo

“>

Umuhanzi wo muri Kina Music, Nel Ngabo yavuguruye indirimbo ye 'Nywe' afata nk'iy'ibihe byose kuri we, agaruka ku bikorwa Perezida Kagame yakoreye Abanyarwanda mu myaka 30 ishize, kandi ko bakimukeneye muri urwo rugendo.

Nel Ngabo yabwiye InyaRwanda ko kuvugurura iyi ndirimbo akayihuza no kwamamaza Perezida Kagame mu matora ateganyijwe y'Umukuru w'Igihugu, kubera ko yakozwe ku mutima n'ibikorwa Umukuru w'Igihugu amaze kugeza ku Banyarwanda.

5. Byari Byabananiye — Alyn Sano ft Deejay Pius & Bushali

“>

Umuhanzikazi Alyn Sano yasohoye nawe amashusho y’indirimbo yise ‘Byari byabananiye’ yakoranye na Bushali na Dj Pius- Basanzwe bafitanye indirimbo bise ‘Turawusoza’ yakunzwe mu buryo bukomeye.  

Amashusho y’iyi ndirimbo yafatiwe mu bice bitandukanye by’umujyi wa Kigali nko muri Kigali Universe n’ahandi. Aba bahanzi bagaruka ku bikorwa birimo nk’imihanda yubatswe, amashuri, ibikorwaremezo n’ibindi Abayarwanda bagezeho mu myaka 30 ishize. Baririmba bakangurira buri wese kuzatora Perezida Kagame. Aba bahanzi banagaruka kuri gahunda y’Ubumwe n’Ubwiyunge, guha ijambo umugore n’ibindi.

6. Injyana — Ariel Wayz ft Juno Kizigenza

“>

Kwizera Bosco [Juno Kizigenza] na Uwayezu Arielle [Ariel Wayz] bari mu bahanzi bamaze imyaka itari micye batigisa imihanda ya Kigali n’imyidagaduro muri rusange binyuze mu buhanga bagaragaza mu byo bakora, ariko na none izina ry'umwe iyo rivuzwe ryumvikanamo iry'undi biturutse ku nkuru z'urukundo rwabo.

Nyuma y'igihe ibyabo bicecetse, aba bombi bongeye guhurira mu ndirimbo bise 'Injyana' yakozwe nk'ishimwe kuri Perezida Kagame nk’uko Ariel Wayz yabivuze ati: 'Twayikoreye umugabo wakuye igihugu cyacu mu ivu.'

7. Afande — Danny Vumbi

“>

Danny Vumbi yashyize hanze indirimbo nshya yahimbiye Perezida Kagame agaragaza ko ari umuhigo yahiguye mu rwego rwo kugaragaza ibikorwa yakoreye Abanyarwanda n'impamvu zo kumutora mu matora ateganyijwe muri Nyakanga uyu mwaka. Danny Vumbi agaragaza ko yari kuyikora mu 2017 ariko ntibimukundire.

Iyi ndirimbo yagiye hanze ku wa Kane tariki 13 Kamena 2024, mu gihe Umukuru w'Igihugu yari ari kwitegura gutangira ibikorwa byo kwiyamamaza, byatangiriye ku kibuga cya Busogo mu Karere ka Musanze mu Majyaruguru y'u Rwanda, ku wa Gatandatu tariki 22 Kamena 2024. Mu buryo bw'amajwi iyi ndirimbo yakozwe na Loader naho amashusho akorwa na Fayzo.

8. Sekoma — Chriss Eazy

“>

Christian Rukundo Nsengimana [Chriss Eazy] nawe muri Kamena yashyize hanze indirimbo yari amaze iminsi ateguza, ikoze mu buryo bwihariye burimo udushya twinshi.

Uyu muhanzi ubihuza no gutunganya amashusho amenyereweho, igaragaramo kandi umukobwa mushya mu birebana n'amashusho y'indirimbo, Kayumba Darina. Mu kiganiro na InyaRwanda, Chriss Eazy yasobanuye impamvu yo guhitamo uyu mukobwa harimo kuba barabonye ari we uhura n'inkuru ikindi n'izina afite bumvise rizarushaho kuyizamura.

9. Amanota — Dany Nanone

“>

Ku mugoroba wo ku wa Kane tariki 13 Kamena 2024, nibwo umuraperi Ntakirutimana Danny wamenye nka Danny Nanone yashyize hanze iyi ndirimbo yari amaze igihe ararikiye abantu. Ayiteguza, yavuze ko ari indirimbo izaba ikirango cy'impeshyi ya 2024, ashingiye ku gihe yamaze ayikoraho.

Mu kiganiro na InyaRwanda, Danny Nanone yavuze ko uretse Niyo Bosco na Fox Makare yagaragaje mu bafamufashije ariko na Producer Kiiiz wayikoze yamubahaye hafi cyane mu bijyanye no kunononsora amagambo meza yari akeneye.

10. Besto — Okkama ft Kenny Sol

“>

Muri Kamena, nibwo Ossama Masut Khalid [Okkama] yasohoye indirimbo yakoranye na Kenny Sol yanatunganijwe na Element nk'impano y'umukobwa we wizihiza isabukuru y'amavuko.

Mu kwizihiza isabukuru y'amavuko y'uyu mwana, yahise ashyira hanze indirimbo yise 'Besto' ikaba ibaye iya Kabiri akoranye na Kenny Sol baherukaga gukorana 'Lotto' yakiriwe neza.

11. Gasununu — Hollix

“>

Umuraperi Hollix yamaze gushyira hanze indirimbo nshya yise ‘Gasununu’ ikubiyemo amagambo asubiza umuraperi Zeo Trap wari uherutse gusohora ‘Freestyle’ yise ‘Sinabyaye’ yari ikubiyemo amagambo yiganjemo ibitutsi yamaze no gusibwa ku rubuga rwa YouTube.

12. Yeriko — Israel Mbonyi

“>

Umuhanzi ufatwa nka nimero ya mbere mu muziki mu bakora indirimbo zubakiye ku ivugabutumwa ry'Imana, yashyize ahagaragara amashusho y'indirimbo yo gushima Imana iri mu rurimi rw'Igisawahili n’Ikinyarwanda yise 'Yeriko.'

Hari aho agira ati: 'Muze murebe Yeriko, inkike ziraguye ngizo ziraguye, mutere hejuru, muririmbe ngizo ziraguye, twinjiranye amashimwe mu masezerano.'

13. Hembura Mwami — Prosper Nkomezi ft Gentil Misigaro

“>

Umuramyi mpuzamahanga Gentil Misigaro utuye muri Canada, yongeye gukorana indirimbo na Prosper Nkomezi nyuma y’imyaka itatu baririmbanye iyo bise “Ndaje” yakunzwe cyane.

Igitekerezo cy’indirimbo ya kabiri bakoranye, “Nyemerera”, cyazanywe na Prosper Nkomezi. Ni indirimbo irimo ubutumwa bw’isengesho ryo gusaba Imana ngo ihembure ibyumagaye kandi itange ubuzima ku bitabufite. Misigaro ati “Nyituye umuntu wese uri kunyura mu bihe bigoye yifuza ko Imana yazura ibyapfuye cyangwa guhembura ibyumagaye”.

14.  Abagenzi — Ben & Chance

“>

Abaramyi Mpuzamahanga Ben na Chance nabo bakoze mu nganzo bashyira hanze indirimbo bise ‘Abagenzi,’ ikaba ari indirimbo ishimangira ko uwizera igitambo Imana yatanze (Yesu Kristo) azabona ijuru nubwo yaba ari umwana muto.

15. Ni wowe Rutare rwanjye — Josh Ishimwe

“>

Umuhanzi mu ndirimbo zo kuramya no guhimbaza Imana Joshua Ishimwe uzwi nka Josh Ishimwe, nawe yashyize hanze amashusho y'indirimbo yasubiyemo mu njyana ya gakondo 'Niwowe Rutare Rwanjye.'

Iyi ndirimbo yayishyize hanze tariki 12 Kamena 2024, nyuma y'imyaka igera muri ine umwimerere wayo ushyizwe hanze n'abahanzi bo mu idini rya Gatolika mu Rwanda, ni ukuvuga Emmy Pro afatanyije n'abandi basitari bo muri Gatolika.

Mu zindi ndirimbo zasusurukije abanyarwanda muri Kamena harimo ‘Ndandambara’ yasubiwemo n’abarimo Ikoospeed, Alyn Sano, Mani Martin, Ish Kevin, Ariel Wayz, na Muyango, ‘Azabatsinda Kagame’ y’Indashyikirwa z’Umurenge wa Nyamiyaga – Kamonyi, ‘Intsinzi’ yasubiwemo na Yvan Muziki,  Mariya Yohana, The Ben na Marina, Patina [Partner] yahuje Karigombe na Mico The Best n’izindi.

Ibyo wamenya kuri sitade Amahoro

Sitade Amahoro ni sitade yagenewe kuberaho ibikorwa bitandukanye byumwihariko umupira w’amaguru. Ni sitade yakira ibihumbi 4570 ikaba ariyo sitade nini mu Rwanda.

Sitade Amahoro niho ubusanzwe ikipe y’igihugu Amavubi yakirira imikino yayo. Iyi sitade yafunguwe bwa mbere mu 1986 mu 2011, 2016 yaravuguruwe, mu 2022 irongera iravugurwa ariko ishyirwa ku rwego mpuzamahanga kuri uyu wa mbere akaba aribwo igiye gutahwa ku mugaragaro.

Mu gihe kigera ku myaka ibiri sitade Amahoro ivugururwa, yuzuye itwaye miliyoni 165 z’amadorari, ikaba igizwe n’ubwatsi bw’imvage irimo karemano n’ubukorano.

Uyu mukino wahawe izina rya Amahoro Stadium Inauguration, ugiye guhuza ikipe ya Police FC na APR FC nk’ikipe zatangiye imyitozo zitegura umwaka w’imikino 2024-25.Aya makipe kandi asigaye afite ihangana ridasanzwe, agiye guhura APR FC ariyo ibitse igikombe cya shampiyona mu gihe Police FC ariyo ibitse igikombe cy’Amahoro.

Uyu mukino ni uwa kabiri ugiye kubera muri iyi sitade kuva yavugururwa, nyuma y’umukino Rayon Sports yanganyijemo na APR FC ubusa ku busa, ubwo iyi sitade yasuzumwaga.

Sitade abafana batangiye kugeramo byumwihariko mu gice cyo hejuru

Ikijyanye no kwinjira kuri iyi nshuro cyari cyitaweho kuko abantu bageraga hafi ya sitade umuvundo ntawo

Bamwe mu bafana ba APR FC bari babukereye

Icyitwa umuvundo cyabaye amateka ubwo abafana binjiraga dore ko na sitade yafunguwe hakiri kare

Ishyiraamwe ry’Umukino wa Handball mu Rwanda (FERWAHAND), ryamaze gufata umwanzuro wo gutera mpaga ikipe ya Police HC kubera kwikura mu kibuga ikanga kurangiza umukino wa mbere mu ya nyuma ya Kamarampaka (Playoffs 2024) yahuragamo na APR HC.

APR HC na Police HC ni zo zageze ku mukino wa nyuma wa Kamarampaka muri Handball zikaba zigomba gutanguranwa imikino 2 muri 3 zigomba gukina.

Umukino wa mbere wabaye ku wa Gatandatu tariki ya 29 Kamena 2024 ubera Kimisagara.

Gusa uyu mukino ntabwo warangiye kubera ko Police HC yikuye mu kibuga nyuma yo kwinubira imisifurire.

Ubwo umukino wari ugeze ku munota wa 19 n’amasegonda 20, APR HC yari imbere n’ibitego 9-8, yaje guhabwa penaliti Police itemeye ihita inasohoka mu kibuga, abasifuzi bagumye ku cyemezo cya bo APR irayitera irinjira biba 10-8 ariko abakinnyi ba Police HC banga kugaruka mu kibuga, umukino wahise usubikwa.

Ishyirahamwe ry’Umukino wa Handball mu Rwanda rikaba ryasohoye itangazo rivuga ko nyuma yo gusesengura ibyabaye kuri uyu mukino bigatuma usozwa mu buryo butagenwe, bafashe umwanzuro wo gutera mpaga ikipe ya Police HC.

Iti “Umukino wa mbere wa Playoffs mu bagabo wahuje Police Handball na APR Handball Club ku wa 29/06/2024 ikipe ya Police itewe mpaga bitewe no kwikura mu kibuga umukino utarangiye. Umukino wa kabiri wa playoffs uzakinwa tariki ya 6/07/2024 aho umukino uzabera n’amasaha bizatangazwa bitarenze tariki ya 4/07/2024.”

Yasoje ivuga ko ibindi bijyanye n’imyitwarire inzego zibishinzwe zirimo kubisesengura mu gihe cya vuba FERWAHAND ikazamenyesha imyanzuro.

Mu gihe APR yatsinda umukino wo ku wa 6 Nyakanga yahita yegukana igikombe ni mu gihe Police yawutsinda hazakinwa undi ugena utwara igikombe.

Police HC yatewe mpaga kubera kwikura mu kibuga umukino utarangiye

Akarere ka Rubavu gafite abaturage benshi bajya gushakishiriza amaramuko muri Repubulika Iharanira Demokarasi ya Congo, ibituma indwara z'ibyorezo zishobora kuba zahakwirakwira mu buryo bworoshye, mu gihe bagiye mu bice birimo ibyorezo mu bindi bihugu.

Umuyobozi w'Akarere ka Rubavu wungirije ushinzwe Imibereho Myiza y'Abaturage, Ishimwe Pacifique, avuga ko kuri ubu bahagaze neza mu kwirirnda indwara z'ibyorezo, yaba ibituruka mu bindi bihugu cyangwa se ibikwirakwira imbere mu gihugu, birimo nka Virusi itera Sida na Ebola.

Yavuze ko mu myaka mike ishize bakingiye abaturage benshi biganjemo abaturiye imipaka ndetse n'abakora ubucuruzi bwambukiranya imipaka.

Ati 'Ubu hano tugira abakangurambaga b'urungano hanyuma bakadufasha gukurikirana bagenzi babo kandi babyiyumvamo, dukorana mu tugari twose. Nk'abantu baturiye imipaka twari twakoze ubukangurambaga tunakingira abantu benshi (51,459) ibyo byatumye ubwirinzi bujya ku gipimo cyo hejuru ku buryo mu myaka igera nko muri itatu aho Ebola yari yagaragaye ntabwo yigeze yambuka ngo igere mu gihugu cyacu.'

Visi Meya yakomeje avuga ko muri aka Karere abajyanama b'ubuzima baturiye imipaka bahuguwe ku kuvura abaturage iby'ibanze ndetse banahabwa udukingirizo kugira ngo bajye baduha abadukeneye mu kwirinda Virusi itera Sida.

Yavuze ko uretse kuba udukingirizo twarahawe abajyanama b'ubuzima hari na Kioske dushyirwamo mu rwego rwo gufasha abaturage kutubona hafi. Mu bindi byakozwe harimo gahunda yo gupima abakora ubucuruzi bwambukiranya imipaka ndetse n'abakora umwuga w'uburaya nibura inshuro ebyiri mu mwaka mu rwego rwo kureba niba nta bwandu bushya cyangwa ikindi cyorezo gishya bafite.

Abajyanama b'ubuzima biteguye kurwanya indwara z'ibyorezo

Akarere ka Rubavu gafite abajyanama b'ubuzima barenga 1900 kuri ubu bavuga ko bahuguwe ku gufasha abafite indwara z'ibyorezo ku buryo biteguye neza gufasha abaturage.

Umwe mu bajyanama b'ubuzima, Nirere Laurence yagize ati 'Twe duhugurwa uko twakwakira abantu wenda bavuye hakurya muri Congo, batweretse uko tubapima, ubujyanama twahaba ku buryo uwo muturage yisanga mu Muryango Nyarwanda nta kibazo afite. Iyo rero umusanganye ibimenyetso bike uhita umwohereza kwa muganga.'

Nirere yavuze ko mu gihe Ebola yari iri muri Repubulika Iharanira Demokarasi ya Congo nabwo bari barigishijwe uko bafasha umuntu wagaragaweho ibimenyetso ku buryo nta kibazo cyari kuhaboneka.

Sifa Seraphine we yavuze ko abajyanama b'ubuzima babona amahugurwa ku ndwara runaka iba yiganje mu gice bakoreramo, ayo mahugurwa bahabwa na Minisiteri y'Ubuzima ngo usanga abumbatiye ubumenyi ku ndwara runaka iba yiganje aho bakorera.

Ati 'Nka hano ku mupaka ho baduhugura kenshi cyane cyane ku kwita ku bantu bafite ubwandu bwa virusi itera Sida, malaria, igwingira, Ebola n'izindi ndwara zinyuranye, abantu nababwira ngo ntibagire ikibazo hano haje icyorezo twiteguye kugikumira.'

Umuyobozi w'Ibitaro bya Rubavu, CSP Dr. Tuganeyezu Oreste, yavuze ko hari gukorwa ibintu byinshi birimo kongerera ubushobozi abajyanama b'ubuzima baturiye imipaka ku kuntu batanga amakuru ku ndwara z'ibyorezo ndetse no kurushaho kwegereza serivisi abayituriye.

Ati 'Dukora ubukangurambaga buhoraho cyane cyane ku mipaka, icya kabiri turi kwegereza serivisi abazikeneye kuko iyo umuntu amenye uko ahagaze binamufasha kwirinda mu bihe biri imbere. Turashyira imbaraga mu kwegereza izo serivisi abaturage aho tunishimira ko Akarere kacu kahereweho mu kwigisha abajyanama b'ubuzima ku kuntu batanga amakuru kuri izi serivisi.'

Ibitaro bya Rubavu biha serivisi abaturage barenga ibihumbi 550 bakorana n'ibigo nderabuzima 14. Akarere ka Rubavu kandi gafite imirenge itandatu ihana imbibi na RDC birimo umurenge wa Bugeshi, Busasamana, Cyanzarwe, Gisenyi, Rubavu na Nyamyumba.

Abajyanama b'ubuzima bo mu Karere ka Rubavu bavuga ko biteguye kurwanya indwara z'ibyorezo

Abajyanama b'ubuzima benshi bahawe amahugurwa yabafasha kurwanya indwara zitandukanye

Umuyobozi w'Akarere ka Rubavu wungirije ushinzwe imibereho myiza y'abaturage, Ishimwe Pacifique avuga ko biteguye kurwanya indwara iyo ariyo yose y'icyorezo

Umuyobozi w'ibitaro bya Rubavu, CSP, Dr. Tuganeyezu yavuze ko bahuguye abajyanama b'ubuzima ku kuntu bafasha abaturage

Mu rwego rwo gusesengura iby'ibi bikorwa byo kwiyamamaza, IGIHE yabateguriye ikiganiro na BTN TV, kigamije kurushaho gusobanukirwa neza ibirimo kuba n'impamvu yabyo.

Reba ikiganiro hano.

Mu itangazo Rwanda FDA yashyize hanze ku wa 30 Kamena 2023, iki kigo cyagaragaje ko uyu muti ukorwa n'Uruganda rwo mu Buhinde rwitwa Curis Lifescience Pvt Ltd.

Rwanda FDA yamenyesheje abafite ububiko bw'imiti n'amashami yabo, abinjiza imiti mu Rwanda, farumasi ziranguza n'izicuruza imiti, amavuriro ya Leta n'ayigenga guhagarika, gukwirakwiza no gukoresha uwo muti.

Byamenyeshejwe kandi n'abaganga n'abahanga mu by'imiti n'abakoresha imiti bose.

Ni icyemezo cyafashwe nyuma ya raporo zitandukanye Rwanda FDA yakiriye zikemanga ubuziranenge bw'uyu muti, aho wagaragaje ibimenyetso binyuranyije n'ubuziranenge bwawo ku bijyanye n'amabara.

Rwanda FDA yagaragaje ko uyu muti wakozwe muri Gicurasi 2023, ukazarangira muri Mata 2026, yakoze ubusesenguzi isanga nimero y'uwo muti yarahinduye ibara.

Mu itangazo ryasinyweho n'Umuyobozi Mukuru wa Rwanda FDA, Dr. Emile Bienvenu, iki kigo cyakomeje kiti 'Aho kuba ikigina, ibara ry'iyi nimero y'umuti ryahindutse umukara, binyuranye n'ibipimo byawo by'ubuziranenge.'

Iki kigo ku bw'ibyo cyavuze ko abantu bose bagomba guhagarika gutanga no gukoresha nimero yavuzwe haruguru, bakayisubiza aho bayiranguye, abaturage bakifite bagahagarika kuyikoresha.

Ikindi ni uko abari bafite iyo miti bagomba gushyikiriza Rwanda FDA mu gihe cy'iminsi 10 y'akazi uhereye ku wa 30 Kamena 2024, raporo igizwe n'imibare y'ingano yayo baranguye, iyo bagurishije, iyagaruwe n'ingano yose bazaba bafite igomba kwangizwa.

Rwanda FDA yahagaritse uyu muti