Author: webrwanda

Ku Banyarwanda ubu ubutumwa nti bukiri kubuza abantu kubika mu mahembe ibifurumba by'amafaranga ngo bakangukire kugana amabanki.

Uyu munsi ahubwo ikigezweho ni ukubasaba na bo kubyaza umusaruro ayo bafite, bagashora no mu mirimo yitirirwaga iy'abanyamahanga.

Ubwo Umukandida wa FPR-Inkotanyi mu mwanya w'Umukuru w'Igihugu mu matora ateganyijwe ku wa 15 Nyakanga 2024, Paul Kagame yimamarizaga i Kirehe, umuturage wo mu Murenge wa Nasho mu Karere ka Kirehe, Uwingabire Emertha yarabihamije.

Iterambere ryo kuva ku bilo 500 by'ibigori akagera kuri toni umunani zabyo ryamugejeje kure, aho uyu munsi atakibitsa mu mabanki gusa ahubwo 'dusigaye natwe tugura impapuro mpeshwamwenda muri Banki Nkuru y'Igihugu.'

Imibare irivugira. Kuri ubu Minisiteri y'Imari n'Igenamigambi igaragaza ko Abanyarwanda bitabira serivisi z'imari biyongereye bagera kuri 95% mu 2023 bavuye kuri 93% mu 2022.

Ni umubare munini kuko Raporo ya FinScope Rwanda mu 2008, yagaragaje ko Abanyarwanda 14% bari bagejeje ku myaka y'ubukure ari bo bagerwagaho na serivisi z'imari binyuze mu bigo biciriritse na za banki.

Uko kugerwaho n'izo serivisi ni na byo bikomeje gutuma n'ibigo bitandukanye bishora imari nini mu Rwanda ndetse bikagukira muri Afurika.

Igicumbi Mpuzamahanga cya Serivisi z'Imari n'Amabanki cya Kigali (KIFC) kigira uruhare mu kuzana ibyo bigo kigaragaza ko mu myaka itatu ishize kugera mu 2023 ibirenga 100 byinjiye ku isoko ry'u Rwanda

Biteganyijwe ko no muri iyi myaka iri imbere kugeza mu 2029 na bwo urwo rugendo ruzakomeza kunozwa. Mu migabo n'imigambi ya FPR-Inkotanyi ubona ko uru rwego rwitaweho cyane.

Nk'ubu gahunda yo guhuza Imirenge SACCO ha handi umuturage wo mu Burengerazuba ashobora kugera mu Burasirazuba akabikuza amafaranga kuri SACCO imwegereye ku rugero rwa 100%, ntibizasaba kugera mu 2029 kuko uyu munsi byarenze 94%.

Icy'ingenzi ndetse kirenze kurusha ibindi ubu ni uko muri iyo myaka biteganywa ko hazashyirwaho SACCO ku rwego rw'Akarere.

Ni igikorwa cyatekererejwe rimwe no guteza imbere amakoperative, mu kunoza imikorere yayo no gutanga serivisi byisumbuye.

Biteganywa ko 2029 izasiga hashinzwe banki y'amakoperative.

Ni ikintu gikomeye cyane mu kongera ubushobozi no kunoza serivisi zitangwa ku muturage, kuko uru rwego mu myaka nka 18 ishize uvuye mu 2005 rwakomeje gutera imbere.

Icyo gihe amakoperative yavuye kuri 919 agera ku 10.681 mu 2023, akaba agizwe n'abanyamuryango 5.234.049.

Imari shingiro y'amakoperative yose yavuye kuri 7.153.335.000 Frw mu 2005 igera kuri 73.500.775.627 Frw mu 2023, ibigaragaza uburyo iyo banki ikenewe mu kubungababunga byuzuye uwo mutungo.

Kwegereza abaturage serivisi z'imari ni byo bizatuma umuhigo wo kuvana Abanyarwanda bafite imyaka y'ubukure bafite konti mu bigo by'imari bava kuri miliyoni 2.5 bakagera kuri miliyoni eshanu.

Kuko muri serivisi banki zitanga kwizigama biza ku mwanya w'imbere, biteganywa ko mu myaka itanu iri imbere ubwo bwizigame buzaba bwihariye hafi 28% by'umusaruro mbumbe w'igihugu (GDP).

Ni amafaranga menshi cyane kuko ugereranyije nka miliyari 16.355 Frw by'umusaruro mbumbe wabarurwaga ko u Rwanda rugezeho mu 2023, wabona ko ubwo bwizigame bwaba ari miliyari zirenga 4580 Frw, icyo gihe kandi umusaruro mbumbe w'u Rwanda uzaba wariyongereye cyane.

Ni imishinga izanafasha kongera umubare w'Abanyarwanda basobanukiwe neza kandi bazi imikoreshereze ya servisi z'imari bagere kuri 90% bavuye kuri 71.4%, imibare yo mu 2020.

Ingingo yo kongera imbaraga muri gahunda yo kwishyurana no kohererezanya amafaranga bishingiye ku ikoranabuhanga mu gihugu no hanze yacyo na yo iri mu zizitabwaho.

Icyakora hari aho u Rwanda rugeze kuko umubare w'abakoresha servisi za banki hakoreshejwe telefone wiyongereyeho 18% uvuye ku bantu 2.444.652 muri Kamena 2022 ugera ku bantu 2.529.108 muri Kamena 2023.

Mu bijyanye n'ikoreshwa ry'inzira y'amabanki, amafaranga yoherejwe yiyongereyeho 191%, ava kuri miliyari 1.264 Frw agera kuri miliyari 3.680 Frw.

Amafaranga yoherejwe binyuze mu mabanki hakoreshejwe inzira ya murandasi (internet banking) yiyongereyeho 67% ava kuri miliyari 4.351 Frw agera kuri miliyari 7.272 Frw.

Mu myaka itanu igiye kuza biteganywa ko umubare w'Abanyarwanda bafite imyaka y'ubukure kandi bakoresha serivisi z'imari mu buryo bwanditse uzagezwa kuri 95% uvuye kuri 77% bariho muri 2020.

Hazanozwa uburyo bwo guhanga serivisi z'imari n'iz'ubwishingizi bunogeye Umunyarwanda winjiza amafaranga make kandi bujyanye n'umurimo akora, ubuhinzi budasigaye.

Kuri ubu imibare igaragaza ko nk'abahinzi 568.563 n'aborozi 85.398 bishingiwe, imibare byitezwe ko izakomeza kongerwa.

Guteza imbere isoko ry'imari n'imigabane, kongerera ubushobozi abagore n'abakobwa ku bijyanye no gutegura imishinga ibyara inyungu no gukorana n'ibigo by'imari, ni indi mishinga igamije kugira u Rwanda igicumbi cy'imari izibandwaho.

Ibyo byose kandi bizashingira ku kureshya imari ikoreshwa mu kubungabunga ibidukikije no guhangana n'imihindagurikire y'ibihe, muri gahunda y'u Rwanda y'uko mu 2030 ruzaba rwagabanyije 38% by'imyuka rwohereza.

Banki Nkuru y’u Rwanda ni rumwe mu rwego rugenzura serivisi nyinshi zijyanye n’imari

Muri Handball bigeze hamwe umwana arira nyina ntiyumve, ikosa rimwe gusa Police HC yakora, uyu munsi APR HC yahita yegukana igikombe cya shampiyona ya 2024.

Uyu munsi nibwo hakinwa umukino wa kabiri wa kamarampaka “Playoffs” muri Handball, umukino Police HC isabwa gutsinda APR HC kugira ngo hazabe undi mukino wa 3 ugena utwara igikombe.

Aya makipe yombi yahuriye ku mukino wa nyuma wa kamarampaka aho asabwa gutanguranwa imikino 2 muri 3 igomba gukinwa.

Umukino wa mbere wabaye, Police yaje kwikura mu kibuga nyuma yo kutishimira imisifurire, yatewe mpaga kuri uyu mukino.

Bivuze ko bagiye gukina APR iri imbere n’intsinzi y’umukino umwe, irasabwa gutsinda uyu munsi ubundi igahita yegukana igikombe cya shampiyona ya 2024.

Ni umukino uteganyijwe uyu munsi saa 15:30′ kuri Kigali Pelé Stadium. Uyu mukino urabanzirizwa n’uw’umwanya wa 3 uhuza Gicumbi HT na ES Kigoma saa 14h00′.

Police HC na APR HC ziratana mu mitwe

Ubuyobozi bwa Rayon Sports buvuga ko umutoza mukuru azatangazwa mu cyumweru gitaha, ari na bwo azatangira akazi.

Ejo hashize ku wa Gatanu tariki ya 5 Nyakanga 2024 ni bwo Rayon Sports yatangiye imyitozo yitegura umwaka w’imikino wa 2024-25 aho imyitozo yagaragayemo abakinnyi bashya yaguze.

Ni imyitozo yakoreshejwe n’umutoza w’ikipe ya Rayon Sports y’abagore, Rwaka Claude na Mazimpaka André uherutse gutangazwa nk’umutoza w’abanyezamu muri iyi kipe ni mu gihe iyi kipe itarabona umutoza mukuru.

Umuvugizi wa Rayon Sports, Ngabo Roben yavuze ko umutoza mushya w’ikipe azatangazwa mu cyumweru gitaha akaba ari nabwo azatangira akazi.

Ati 'Ntabwo byakunze ko dutangirana na 'staff technique’ tuzakorana mu mwaka utaha w’imikino yuzuye kuko murabizi ko hari byinshi byagiye bihinduka.'

“Murabizi ko kugeza ku itariki 15 z’ukwezi turangije hari undi mutoza twari dufite twaratandukanye ku mpamvu twagiye dusobanura. Umutoza wacu mushya n’abo bazakorana, byitezwe ko mu cyumweru gitaha ari bwo bazatangazwa ku mugaragaro, bakanatangira akazi'.

Agaruka kuri Omborenga Fitina utaratangiranye n’abandi imyitozo ari uko yahawe uruhushya rwo kugira ibyo ajya gukemura.

Ati “Omborenga Fitina ni umukinnyi wacu utakoze imyitozo kubera ko yasabye ubuyobozi uruhushya bitewe n’uko hari ibyo yagombaga kubanza gutunganya mu buzima bwe bwite kugira ngo atangirane na bagenzi be imyitozo ariko guhera ku munsi w’ejo azaba ahari'.

Ni imyitozo yakozwe n’abakinnyi 20 harimo amasura mashya y’abakinnyi baherutse kugurwa, barimo Ndayishimiye Richard, Niyonzima Olivier 'Seif’, Nshimiyimana Emmanuel 'Kabange’, Rukundo Abdul Rahman na Ndikuriyo Patient.

Omborenga Fitina ntabwo yatangiranye n’abandi imyitozo

Ngabo Roben yavuze ko umutoza azamenyekana mu cyumweru gitaha

Aya ni amahirwe ari gutangwa na Global Arcus hirya no hino ku Isi, mu Rwanda iki kigo kikaba kiri gukorana na Mega Global Link, mu kuyegereza Abanyarwanda.

Kuba umwe muri aba banyamahirwe bisaba kunyura kuri uru rubuga ugakora isuzuma ku ikoranabuhanga rikwemerera kubona buruse ikwerekeza mu Buhinde. Iri suzuma riteganyijwe ku Cyumweru tariki ya 07 Nyakanga kugeza tariki ya 20 Nyakanga 2024.

Aya mahirwe areba abashaka kwiga amasomo y'icyiciro cya mbere cya kaminuza, icya kabiri n'icya gatatu cya kaminuza, ndetse n'abashaka gukomeza PhD, mu masomo atandukanye arimo ajyanye n'ikoranabuhanga, ubucuruzi, amategeko, ubuzima, n'ayandi muri za kaminuza za Leta zinyuranye mu Buhinde zitanga impamyabumenyi zo ku rwego mpuzamahanga zemerwa hose ku Isi.

Nyuma yo gutsinda iri gerageza ry'ibanze, uwarikoze ahita ahabwa icyemezo gihamya ko yatsinze. Igikurikira ni ukugana ibiro bya Mega Global Link, mu rwego rwo gukomeza ibikorwa byo kwiyandikisha, gushaka VISA n'ibindi.

Abazaba batsinze ku Cyumweru tariki ya 14 Nyakanga 2024 saa 14:00, n'abandi bose bashaka ibisobanuro yaba abanyeshyuri cyangwa ababyeyi bazahura n'Umuyobozi Mukuru wa Global Arcus wo mu Buhinde Sachin Skekhar, uzabafasha gusobanukirwa neza no gusubiza bihari.

Ikindi ni uko abazatsinda bazahabwa itike y'indege y'ubuntu iberekeza ku kibuga cy'indege cya Mumbai cyangwa icya Delhi mu Buhinde bakahava berekeza ku mashuri yabo. Amasomo azatangira tariki ya 16 Kanama 2024, kandi hakaba hari itsinda rya Global Arcus, ryiteguye kujya ribakurikirana umunsi ku wundi.

Mega Global Link ni ikigo kimaze iminsi gikora serivisi zitandukanye mu gufasha abashaka kujya kwiga hanze yaba Canada, Amerika yaba n'u Burayi ndetse bakaba bafasha abagiye kwiga, abagiye mu kazi n'abajya gutembera aho mu gihe bamaze bakora benshi bamaze kugenda babikesha bo.

Abashaka gukomereza amasomo yabo mu Buhinde muri Kanama 2024, boroherejwe binyuze mu bufatanye bwa Mega Global Link na Global Arcus

Kanda hano udukurikire kuri WhatsApp Channel

Yabitangarije mu isantere ya Congo Nil mu murenge wa Gihango, mu karere ka Rutsiro aho yiyamamarije ku gicamunsi cyo ku wa 05 Nyakanga 2024 nyuma yo kwiyamamariza mu karere ka Karongi mu gitondo cy'uwo munsi.

Uyu mukandida wemerewe na Komisiyo y'Igihugu y'amatora kwiyamamaza nk'umukandida wigenga yabwiye abaturage ba Rutsiro ko kuba Umuyobozi Mukuru w'Umudugudu akora nta gihembo bituma hari serivisi zipfa zirimo nk'itorero ry'umudugudu.

Ati 'Umuyobozi w'Umudugudu azakora ubukorerabushake busanzwe nk'uko na Minisitiri akora ubukorerabushake iyo yagiye mu muganda rusange, ariko amasaha y'akazi ayahemberwe'.

Isantere ya Congo-Nil, Mpayimana yiyamamarijemo ni itaba ry'Umusozi muremure witiriwe uruhererekane rw'imisozi iva mu majyaruguru y'u Rwanda ugahingukiranya mu majyepfo y'Iburengerazuba.

Iyo misozi igabanyamo kabiri amazi y'u Rwanda amwe agatemba yerekeza Iburasirazuba anyuze mu migezi nka Mukugwa na Mwogo ikomeza ikabyara Akanyaru kinjira mu Kiyaga cya Victoria kagasohokamo kabaye Nil.

Ubwo ni nako amazi yatembye yerekeza Iburengerazuba bw'u Rwanda, anyuze mu migezi nka Sebeya na Musogoro, Karundura n'indi yinjira mu Kivu agasohokamo yabaye umugezi wa Rusizi winjira mu kiyaga cya Tanganyika wasohokamo ugahura n'umugezi wa Lualaba bikabyara uruzi rwa Congo rwahoze rwitwa Zaire

Mpayimana yavuze ko Rutsiro nk'ahantu hafite uyu mwihariko wo kuba urugabano rw'inzuzi ebyiri nini muri Afurika natorwa azahubaka ikimenyetso kihamenyekanisha nk'Umugongo w'Afurika cyangwa Agasongero k'Afurika hakajya hasurwa na ba mukerarugendo.

Mvukanyumwete Yohana wari mu baturage bateze amatwi imigabo n'imigambi ya Mpayimana Philippe yavuze ko icyo bumvisemo ari uko agamije kubakira ku byagezweho bityo ko nta cyatuma batamushyigikira kuko atavuga ibisenya ibyagezweho.

Ati 'Icyo dukeneye ku mukandida uwo ariwe wese uzatorerwa kuyobora u Rwanda ni uko yatwubakira kaminuza hano i Rutsiro, akatwubakira gare na sitasiyo ya lisansi'.

Mvukanyumwete yashimye igitekerezo cyo gushyiraho umushahara wa mudugudu avuga ko bizafasha ba mudugudu kwiteza imbere kandi bikaziba icyuho cya ruswa.

Ati 'Mudugudu wajyaga kumubwira ikibazo akavuga ngo ngo banza umpereze ariko ahembwa wamubaza uti nguhereze iki ko uhembwa?'.

Mu bijyanye n'ubukungu Mpayimana Philippe yavuze ko azashyira imbaraga mu kwinjiza amazi mu nzu bigatanga akazi ndetse bikanafasha kongera isuku mu bikoni no mu bwiherero kuko isuku y'umukoropesho iruta iy'umweyo.

Uyu mukandida yavuze ko azaharanira ko uburenganzira bw'abakozi bwubahirizwa, umukozi wese agahemberwa ku gihe kandi umukozi ukoze amasaha y'ikirenga akayahemberwa kuko ubukungu bw'igihugu bushingira ku bakozi budashyigikira ku ishoramari.

Mpayimana Philippe nyuma yo kwiyamamariza mu karere ka Karongi na Rutsiro, arakomereza mu karere ka Rubavu na Nyabihu ku wa 06 Nyakanga 2024.

Mpayimana Philippe yatanze isezerano ryo gushyiraho umushahara w’abayobozi b’imidugudu

Abaturage ba Rutsiro bashimiye Mpayimana ko imigabo n’imigambi ye itavuguruza ibyagezweho

Umukandida Perezida Mpayimana Philippe yijeje Abanya-Rutsiro kumenyekanisha umusozi wa Congo-Nil

Kanda hano udukurikire kuri WhatsApp Channel

Umuyobozi Mukuru w'Uruganda rutunganya imyenda rwa Janiya Investment Ltd, Mukarwema Yvette, yagaragaje ko mu bihe byo kwiyamamaza bakoze ibishoboka kugira ngo imyenda yifashishwa mu kwiyamamaza ikorerwe mu Rwanda ku kigero cyo hejuru aho kuyirangura i mahaga.

Yagaragaje ko nk'Abanyarwanda ari ishema ku gihugu kubona inganda zabo zaragize uruhare mu gukora imyenda yifashishwa mu bihe byo kwamamaza nibura ku kigero cya 95%.

Ati 'Ni ubunararibonye bwiza ku bantu bari muri uru rwego kubona ahantu ushobora gucuruza nibura imyenda ibihumbi 300 mu mezi abiri gusa, byerekana ko ushoboye. Ni igerageza ryiza wigiraho kandi bigatuma urushaho kumenyekana. Ni muri urwo rwego twiteguye gucuruza imyenda yacu mu gihugu hose.'

Yagaragaje ko mu rwego rwo guharanira ko abaturarwanda babona imyenda yakozwe n'uruganda rwe biyemeje kujya gukorera muri buri Karere kandi bishimira ko ibyo bakora bikomeje gukoreshwa n'abatari bake.

Umwihariko wa Janiya kandi ni uko rukora imyenda y'ubwoko bwose ku buryo buri wese ashobora kwisangamo bigendanye n'ubushobozi bwe.

Ati 'Dufite imyenda yo kugiciro gito, buri muturage wese ashobora kugura, dufite imyenda iringaniye ndetse n'imyenda yo hejuru. Buri wese mu bushobozi bwe ashobora kutugana kandi akabona imyambaro.'

Imyenda ya VIP ikorwa n'uru ruganda yiganje cyane mu bice by'Umujyi wa Kigali nko kuri Kigali Height, CHIC, Silverback no mu turere dutandukanye.

Ni imyenda ifite umwihariko kuko hakozwe iy'ubwoko bwose irimo, amapantaro, amakanzu, ingofero, imipira y'amaboko magufi ndetse n'amakoti y'imbeho n'ibindi bitandukanye.

Yagaragaje ko kuri ubu bamaze gucuruza nibura ibigera kuri 80% by'imyenda bari bakoze ibintu bishimira kuba baragize uruhare mu bikorwa byo kwiyamamaza binyuze mu gukora imyenda ikoreshwa.

Ati 'Mbere wasangaga nibura hejuru ya 80% by'imyenda ikoreshwa iva mu mahanga ariko kuri ubu nibura ushobora gusanga hejuru ya 95% by'ibiri gukoreshwa byakorewe mu Rwanda n'inganda zitandukanye. Ibyo bitanga n'akazi kuko nk'ubu turi gukoresha abakozi bagera mu 1000 muri iki gihe cyo kwiyamamaza. Ni ikintu cyiza iyo bikorewe mu Rwanda kuko bitanga akazi.'

Imyenda yo kwifashisha muri ibi bihe ibikorwa byo kwiyamamaza bigikomeje iracyaboneka aho uru ruganda rukorera mu bice bitandukanye by'igihugu.

Uwifuza kuyigura yahamagara cyangwa akanyura aha hakurikira; muri Kigali Height wayisanga muri Janiya Tent muri parikingi, ushobora no guhamagara kuri 0787 774 317, CHIC bakorera muri muryango wa BEO8 ariko wanahamagara kuri, 0798979202 muri Kicukiro naho ushobora kubasanga muri Silverback Mall ndetse wananyura kuri ⁠Instagram: @janiyashops.

Amashati y’abagabo yakozwe n’uru ruganda ari ku isoko

Hari aho bagabanyije n’ibiciro ku kigero cya 45%

Ababyeyi batekerejweho bashyirwa igorora.

Abanyarwanda bishimira ko bari kugira uruhare mu gukorera imyenda mu Rwanda

Abambaye imyenda ya Janiya baba bagaragara neza

Hari n’imyenda y’imbeho iri mu birango bya FPR Inkotanyi

Hari imyenda y’ubwoko bwose

Imipira y’amaboko magufi nayo iraboneka

Hari n’ibikapu bashyiriramo uguze imyambaro mu maduka yabo

Imishanana yambarwa mu gihe cyo kwamamaza yaratekerejwe

Imishanana iri mu mabara atandukanye

Imyenda inyuranye y’ibirori nayo yarebweho

Imyenda y’imbeho nayo barayikoze

Ingofero nazo ntabwo zibagiranye

Janiya yatekereje no ku bagore bakunze kwambara amakanzu

Ku gicamunsi cyo kuri uyu wa Gatanu tariki 5 Nyakanga 2024 nibwo Rayon Sports yatangiye imyitozo yitegura umwaka w’imikino 2024-25. Ni imyitozo nk’ibisanzwe yabereye ku kibuga cyo mu Nzove ari naho iyi kipe ikorera imyitozo mu buzima busanzwe.

Rayon Sports yatangiye imyitozo nyuma ya Police FC yabimburiye izindi, APR FC yakurikiyeho Musanze FC na Mukura Victory Sports nk’ikipe zo mu ntara nazo zatangiye. Ni imyitozo yatangiye ku isaha ya saa 15:20 PM, abafana bakaba bari bemerewe kuyireba ariko buri mufana akishyura ibihumbi 2 by’Amanyarwanda.

Abakinnyi 20 nibo bitabiriye imyitozo ya mbere ya Rayon Sports itegura umwaka w’imikino 2024-25 

Abakinnyi bashya barimo Abarundi batatu aribo: Rukundo AbdulRahman, Ndikuriyo Patient na Richard bakaba bagaragaye mu myitozo, Nshimiyimana Emmanuel bakunze kwita Kabange nawe akaba yari ahari aho yaguzwe avuye muri Gorilla FC ndetse na Olivier Saif wagarutse mu rugo avuye muri Kiyovu Sports.

Abakinnyi basanzwe barimo Khadime Ndiaye, Serumogo Ali, Bugingo Hackim, Ganijuru Elie, Iradukunda Pascal, Iraguha Hadji Aruna Moussa Madjaliwa, ndetse n’abandi bakinnyi bo mu ikipe nto bari baje gufasha abandi. Umukinnyi Ombolenga Fitina ntabwo yagaragaye kuri iyi myitozo n’ubwo abafana ariwe bashakaga, gusa bikaba byitezweko atagaragara ku myitozo itaha.

Abakinnyi barimo Mutima Isaac, Nsabimana Aimable, Rudasingwa Prince, Bbaale ntabwo bagaragaye mu byitozo gusa nabo bikaba byitezwe ko bazagaragara mu myitozo ikurikira. 

Umukinnyi ukina nka Nimero 10 Ishimwe Fiston wahoze ari umukinnyi wa APR FC nawe yagaragaye mu myitozo ya Rayon Sports n’ubwo ataramara kumvikana n’iyi kipe.

Biteganyijwe ko Rayon Sports izakora imyitozo y’umunsi wa kabiri kuri uyu wa Gatandatu saa 10:00 am nabwo imyitozo ikazabera mu Nzove. 

Aruna Madjaliwa abafana bamweretse urukundo ndetse bishimira ko yagarutse 

Iraguha Hadji umwe mu bakinnyi basanzwe muri Rayon Sports yari yabukereye 

Rukundo bakunze kwita Paplay wavuye mu Amagaju FC yari mu bakinnyi bashya batangiye imyitozo

Niyonzima Olivier Saif yari yagarutse mu ikipe n’ibyishimo byinshi 

Ndikuriyo Patient umunyezamu mushya wa Rayon Sports wavuye mu Amagajur FC, yari yabukereye

Abafana basaga 100 bari baje kwihera amaso ikipe yabo itangira umwaka w’imikino 

Ganijuru aherutse kongera amasezerano muri Rayon Sports n’ubwo yari yashatse kuyivamo

AMAFOTO: Serge Ngabo – InyaRwanda 

VIDEO: Eric Munyantore