Author: webrwanda

Yabibwiye Senderi nyuma y'uko ataramiye ibihumbi 45 bari bakoraniye muri Sitade Amahoro mu muhango wo kwizihiza Kwibohora wabaye ku nshuro ya 30, wabaye ku wa Kane tariki 4 Nyakanga 2024. Ni umuhango witabiriwe n'abantu banyuranye cyane cyane urubyiruko.

Senderi niwe muhanzi wa mbere wataramiye muri Sitade Amahoro, kuri we ni amateka adasanzwe azakomeza gusangiza abakunzi be ibihe n'ibihe. Ariko kandi hari abandi bahanzi baririmbye barimo Butera Knowless, Ruti Joel, Alyn Sano n'abandi.

Mu kiganiro na InyaRwanda, Senderi yavuze ko The Ben yamushimiye kuba arambye mu muziki mu gihe hari abandi batangiranye babivuyemo.

The Ben yabwiye Senderi ati 'Ndagushimira uburyo uri ikitegererezo cyo kudacika intege mu muziki Nyarwanda, ati nishimiye uyu munsi mu myaka irenga 20 kuba tugiye guhurira muri Sitade Amahoro uri Senderi wawundi nzi cyera.'

Yavuze ko yajyaga ahurira na The Ben muri Studio 'One way Production'.  Ati 'Bwa mbere na mbere The Ben twahuriraga muri studio ya 'One Way Production' aho nakoreraga indirimbo zanjye, ariko hari cyera cyane akajya ansanga mu muziki, akajya angira inama, kandi yari akiri muto, nyamara akanyereka uko ibintu byakorwa.'

Yavuze ko nko ku ndirimbo 'Jealous' The Ben yamugiriye inama y'uko hari ibyahinduka muri iyi ndirimbo, ndetse ni nako byagenze ku ndirimbo 'Cash'.

Senderi avuga ko nawe yishimira impano ya The Ben, kandi anyuzwe n'ubushuti bombi bafitanye. Ati 'Nanjye ndamushimira ko ari umuhanzi w'ikitegererezo ufite ubudasa, urubyiruko n'abakuru n'abakunda umuziki Nyarwanda bareberaho.'

Yavuze ko ashingiye ku miterere ya The Ben, yiyemeje gutangira guterura ibyuma nkawe 'ku buryo uyu mwaka uzasoza mfite 'fresheur' nk'ize'. Ati 'Ndashimira uburyo abafana banyakiriye muri Sitade Amahoro mu kwizihiza Kwibohora ku nshuro ya 30.'  

Ni amateka!

Senderi yavuze ko gutamira muri Sitade Amahoro byatumye asigarana ishusho idasanzwe cyane cyane mu bijyanye no kumenya aho guhagarara, kugeza ubwo buri umufana wese aba yitegereza neza umuhanzi. Yavuze ko Sitade Amahoro ari nini cyane 'bityo ntibyakorohera buri wese kuyiririmbiramo atari inararibonye'.

Uyu muhanzi yataramiye inshuro nyinshi muri iyi sitade mbere y'uko ivugururwa, cyane cyane mu bikorwa bijyanye no Kwibuka Jenoside yakorewe Abatutsi n'ibindi.

Avuga ko yabaye umuhanzi wa mbere wataramiye muri Sitade Amahoro kubera ubuyobozi bwiza. Ati 'Icya mbere ni ugushimira abayobozi bacu bampaye ayo mahirwe yo kuririmbiramo, nkanashimira Nyakubahwa Perezida wa Repubulika, Paul Kagame uburyo tumwigiraho kudacika intege, kandi impanuro ageze ku Banyarwanda buri wese zimugeraho. Buri gihe mpora mfatira urugero rwo guhatana, kuko amahirwe ahora mu biganza byacu, ikiba gisigaye ni ukuyakoresha.'

The Ben yashimye Senderi ku bwo kudacika intege mu muziki mu myaka irenga 20 atangiye kuwukora
Senderi yahishuye ko The Ben yagize uruhare ku ndirimbo ye yise ‘Jealous’ yamamaye mu buryo bukomeye
Senderi Hit yabaye umuhanzi wa mbere wataramiye muri Sitade Amahoro binyuze mu kwizihiza Kwibohora ku nshuro ya 30

Senderi Hit yashimye The Ben ku bw’ubushuti bubatse bw’igihe kirekire 

Ni amateka- Senderi avuga kuba yataramiye ibihumbi by’abantu muri Sitade Amahoro

Senderi yamamaye cyane mu ndirimbo zigaruka ku burere mboneragihugu

KANDA HANO UREBE WUMVE INDIRIMBO ‘TWARIBOHOYE’ YA SENDERI HIT

“>

Yabigarutseho kuri uyu wa Gatandatu tariki 6 Nyakanga 2024, ubwo yiyamamarizaga kuri Sitade ya Kindama mu Murenge wa Ruhuha mu Karere ka Bugesera.

Ibikorwa byo kwiyamamaza kwe byitabiriwe n’abantu barenga ibihumbi 260 nk’uko byatangajwe n’umuryango FPR-Inkotanyi mu butumwa wanyujije ku rubuga rwa X.

Paul Kagame asanzwe afite urugo mu Bugesera ndetse n'urwuri ruherereye ruri i Kibugabuga mu karere ka Bugesera. Yavuze ko gutura muri aka Karere, yagira ngo ashimangire ko nta hantu na hamwe mu Rwanda ko gucira abantu.

Ati “Icyatumye ntura mu Bugesera ngaturana namwe, byari ugusubiza ikintu numvise kuva cyera gituruka ahantu habiri, hano mu Rwanda ubwaho ariko no mu baturanyi. Iyo bavuze ngo ni umugesera baba bavuze iki?  […] 

Kuko aha mu Bugesera mu mateka yavuzwe, uko hari hateye, bahaciraga abantu ngo bajye kugwayo. Ntabwo hari ahantu ho kuba, ubanza ngo harabaye na Tsetse, zikarya abantu bagapfa. Hari abantu bari bagenewe kuba mu Bugesera ngo bicwe na Tsetse.”

Yabwiye abanya-Bugesera ko ibikorwaremezo bimaze kubakwa bizongerwaho ibindi, ati 'biracyaza'. Ati 'Impamvu (yo gutura mu Bugesera) yari ukuvuga ngo mu Rwanda hose nta hantu ho gucira abantu ngo bajye gushirirayo.'

Akomeza ati “[…] Njye naravuze nti hariya hantu hagomba kurimbura abantu, reka ngende mpabe nk’ikimenyetso cyo kubihakana, cyo kubihakanya, cyo kubirwanya.”

Kandida-Perezida, Paul Kagame, yavuze ko Politiki ya FPR Inkotanyi, ishingiye ku gutuma buri munyarwanda yiyumvamo ubushobozi nk'ubw'undi uwo ari we wese ku Isi.

Ati “Ariko mujye mwibaza, umuntu ni nk’undi. Haba hano mu Rwanda n’ahandi. Buriya bageze kuri byinshi, ntabwo baragera ku kurema umuntu kuko ntibyakunda, ntibabishobora.”

“Ni yo mpamvu twebwe tubababwira, kandi ni ko mukwiye kumera, urubyiruko rwa FPR n’Abanyarwanda b’ubu mukwiye gutinyuka, mukareba abantu mu maso, mukababwira ko atari bo Mana. Ntabwo ari bo Mana rwose.”

Yasubije icyifuzo cya Knowless

Umuhanzikazi Butera Knowless yatanze ubuhamya bwumvikanisha uburyo ubuyobozi bwiza burangajwe imbere na Paul Kagame bwatumye yiteza imbere, kandi amwizeza ko bazakomeza kumushyigikira.

Knowless yasabye Paul Kagame kuzatumira abanya-Bugesera bakaganira, bakishimira ibyiza byagezweho. Mu gusubiza, Paul Kagame yavuze ko yiteguye kuzabatumira, kandi azabagabira.

Ati “Twebwe kubera imyaka yacu n’aho tugeze n’ibyo twagize, buri gihe kigira ibyacyo, akantu twatangira kukabona cyera mbere y’abo bana. Hanyuma ibyo iyo abantu bataramye, barishima, ndetse kubera ko katugezeho cyera, twe dushobora no kugaba. Ubwo tuzabagira rero.”

Paul Kagame, yavuze ko gutura mu Bugesera yagiraga ngo yerekane ko mu Rwanda hose nta hantu ho gucira abantu ngo bajye kugwayo

Kagame yabwiye abanya-Bugesera ko ibikorwaremezo bizakomeza kwiyongera

Ibi yabitangarije ku rubuga rwa X mu kiganiro n'umunyamakuru Osama Otero, aho yavuze ko abarashe uwo mwana ari abasivile bibye imbunda mu biro bya polisi ya Kenya mu myaka yashize.

Yagize ati 'Umwana bivugwa ko yarashwe amasasu umunani n'abashinzwe umutekano, ibyo si ukuri. Twabonye ko ibyo byabaye mu myaka myinshi yashize mu gace ka Buru Buru.'

Ruto yakomeje avuga ko nyuma y'isuzuma ryakozwe byagaragaye ko uwo mwana bivugwa ko yarasiwe mu myigaragambyo, we yarashwe isasu rimwe.

Ati “Umwana yarashwe n'umugizi wa nabi wibye imbunda umupolisi mu gihe cy'imyigaragambyo.”

Kennedy Onyango, w'imyaka 12 y'amavuko byatangajwe n'umubyeyi we ko yarashwe amasasu umunani mu cyumweru cya mbere ubwo imyigaragambyo yatangiraga muri Kenya, Ruto we avuga ko ari ibinyoma.

---

Basezeranyije Perezida Kagame kuzamutora 100% kugira ngo iterambere rikomeze ribagereho.

Ibi babigarutseho kuri uyu wa Gatanu tariki 5 Nyakanga 2024 ubwo Abakandida Depite b'umuryango FPR-Inkotanyi biyamamarizaga mu Murenge wa Kabare. Hanamamajwe kandi Paul Kagame, Umukandida wa FPR-Inkotanyi ku mwanya w'Umukuru w'Igihugu.

Ukuriye ibikorwa byo kwamamaza mu Murenge wa Kabare, Munyaneza Joseph, yavuze ko muri uyu Murenge bafite byinshi bishimira bagejejweho na FPR-Inkotanyi birimo kuba barakuwe mu icuraburindi, kuba baregerejwe amashuri hafi n'amasoko byose bakaba babishingiraho bizeza Paul Kagame na FPR kuzabatora.

Ati 'Igihe Jenoside yakorerwaga Abatutsi yabaga, hano habaga ikigo kimwe ariko nyuma y'aho FPR ibohoreye igihugu igahagarika Jenoside, hagiye hubakwa amashuri meza agezweho. Ubu uyu munsi dufite ibigo by'amashuri 11 kongeraho ishuri ry'imyuga n'ubumenyingiro. Ubuhinzi dukora ni bwiza, mbere wavuga hano ukarema isoko rya Kabarondo none twubakiwe amasoko mato n'agakiriro bifasha abaturage.'

Hakizimana Protais yavuze ko kuri ubu bishimira ko begerejwe ibigo by'amashuri hafi byabafashije kugabanya ingendo ndende abana bakoraga.

Ati 'Ubu metero 500 nizo umwana akora ajya ku ishuri ni ibyo kwishimira rero. Kera twaremaga isoko rya Kabarondo tugakora urugendo rw'amaguru rw'amasaha atanu kugenda no kugaruka, ubu rero batwubakiye amasoko hafi ku buryo kugezayo ibicuruzwa byoroshye.'

Dusabimana Elizabeth utuye mu Kagari ka Rubumba mu Murenge wa Kabare yavuze ko abana be mbere bakoraga urugendo rw'amasaha abiri bagiye kwiga, ni ibintu ngo byabaruhuye cyane kuko ngo kugira ngo badakererwa bazindukaga cyane.

Ati 'Ubu bajya ku ishuri bukeye batarwana n'ijoro kandi noneho banarira ku ishuri ntabwo tukigorwa no gutekereza ko tureka imirimo kugira ngo tuze gutekera abanyeshuri. Isezerano twamwizeza rero ni uko tuzatora Paul Kagame 100%.'

Ntabareshya Didas we yavuze ko yishimira ko FPR-Inkotanyi yatumye yorora inka mu gihe atabitekerezaga. Yavuze ko inka yahawe yatumye abana be banywa amata, abona ifumbire bifasha urugo rwe gutera imbere mu buryo bugaragara.

Ati 'Ndizeza Paul Kagame ko nzamutora mwiture ko yampaye inka akanatuma mbasha kwikura mu bukene, ikindi namwizeza ni uko iterambere maze kugeraho ntazasubira inyuma.'

Muri aka Karere ka Kayonza abakandida depite bari kuhiyamamariza ba FPR-Inkotanyi barimo Uwamariya Odette, Basiime Doreen na Kanamugire James bakaba bari kugenda bageza imigabo n'imigamb yabo ku baturage.

---

Ubu butaka bwatangiye kwika mu gitondo cyo ku wa Gatanu tariki 5 Nyakanga 2024, ubwo abo baturage babyukaga bagiye mu mirimo yabo y'ubuhinzi bagasanga umuhanda wiyashije igice kimwe kigatangira kurigita.

Umwe muri abo baturage witwa Nyirangaruye Domina yagize ati “Ibi twabibonye ejo mu gitondo kandi ejo bundi nta kibazo cyari gihari, twumiwe aya ni amayobera kuko ubundi bikwiye kubaho mu gihe cy'imvura habaye inkangu, ariko ubu byatuyobeye dufite ubwoba ko uyu musozi wose ushobora kurimbuka.”

Habineza Jules nawe yagize ati “Aha hantu dusanzwe tuhahinga ariko nta kibazo cyari cyakahabaye nk'iki, ntabwo tuzi uko biraza kugenda ariko namwe murabona ko biteye ubwoba kuko turi no gutinya kuhegera.”

Ubuyobozi bw'Akarere ka Musanze bwo bwihutiye gushaka itsinda ry'abahanga mu by'ubumenyi bw'Isi ngo bubafashe kumenya icyaba kiri gutera iki kibazo, ariko busaba n'abaturage kwitondera gukomeza imirimo bakoreraga kuri uwo musozi kugira ngo utabateza impanuka zikomeye bakaba bategereje igisubizo.

Visi Meya ushinzwe imari ubukungu n'Iterambere, Clarisse Uwanyirigira, yagize ati “Natwe twabibonye kuriya duhita dushaka itsinda ryo kudufasha kumenya impamvu zishobora kuba zarabiteye ariko twasabye n'abaturage kwitondera kuhakoresha mu gihe tutaramenya icyabiteye kugira ngo twirinde ko bishobora guteza impanuka.”

Kubera ko uku kwiyasa no kurigita byatangiriye mu muhanda w'umugenderano, ubu wamaze gufungwa, mu kwirinda ko hari umuturage wahagirira ibyago.

---

Ni igikorwa kibera kuri Site ya Kindama mu Murenge wa Ruhuha mu Bugesera kuri uyu wa Gatandatu tariki 6 Nyakanga 2024, ni nyuma yo kwiyamamaza mu tundi turere turimo nka Musanze, Rubavu, Ngororero, Kirehe, Huye, Nyamasheke, Nyarugenge n’ahandi.

Akarere ka Bugesera kabaye Site ya 12, Umukandida Paul Kagame agiye kwiyamamarizaho. Kuri Site zinyuranye yagiye ashyigikirwa n’ibihumbi by’abanyamuryango ba FPR Inkotanyi.

Kuri iyi nshuro ibihumbi n’ibihumbi barimo n’ibyamamare nka Muyoboke Alex, King James na Knowless, Mutesi Jolly wabaye Miss Rwanda 2016, umunyamideli Kate Bashabe n’abandi bifatanyije n’abanya-Bugesera mu kwakira umukandida Paul Kagame.

Mutesi Jolly yari aherutse kwandika ku mbuga nkoranyambaga agaragaza ko azitabira igikorwa cyo kwiyamamaza ku mukandida wa FPR, Paul Kagame mu Bugesera. Mu bandi yari kumwe n’abo harimo n’abanyamakuru b’ikigo cy’igihugu cy’itangazamakuru (RBA), Evelyne Umurerwa ndetse na Nadia Mutoni.

Mutesi Jolly yavuze ko biteye ishema ‘kuba umunyarwanda’. Yavuze ko mu bihe bitandukanye yabonye uburyo ibihumbi by’urubyiruko bashyigikiye Kandida Perezida, Paul Kagame kandi ‘ni ibintu byishimira’.

Uyu mukobwa yavuze ko ibi ari igisobanuro cy’uko umuryango FPR Inkotanyi ndetse na Paul Kagame ‘bahagarariye ibyo abanyarwanda bakeneye, bizera ko ubuzima bwabo butekanye kandi bakiteza imbere’.

Yavuze amateka yo kwibohora yumvikanisha neza Demokarasi. Yavuze ko kujya mu Bugesera gushyigikira Paul Kagame, biri mu murongo wo gushyigikira iterambere n’umurongo u Rwanda rwifuza. Ati “Tariki 17 Nyakanga 2024 turi kumwe nawe.

Paul Kagame agiye kwiyamamariza muri Bugesera, mu gihe abaturage bamushimira ibikorwa binyuranye yabagejejeho. Kimwe mu byitezwe muri aka karere, harimo n’ikibuga cy’Indege Mpuzamahanga cya Bugesera, kiri kubakwa mu Murenge wa Rilima.

Muri aka Karere muri Gashora mu murenge wa Kagasa hubatse inganda zitandukanye, nka Imana Steel Rwanda, Uruganda rukora ibyuma by’ubwubatsi, ndetse no mu mirenge yindi itandukanye nka Ntarama ahari uruganda rukora amasabune, ndetse n’impapuro z’isuku Clear Products Rwanda, ndetse n’ububiko butandukanye.

Akarere ka Bugesera kamaze gutera intambere mu buryo bushimishije mu bijyanye n’amahotere ndetse n’ubukerarugendo aho hagaragara aho abantu batandukanye bashobora kwiyakirira bitewe n’ubushobozi bwabo, ndetse n’aho bakunda ahagaragara amahoteri Manini.

Abatuye akarere ka Bugesera abenshi batuyemu midugudu aho ibikorwa remezo bibageraho mu buryo bworoshye, igice kini cy’abaturage batuzwe no gukora ibikorwa by’ubuhinzi ndetse n’ubworozi.

Akarere ka Bugesera ni akarere karimo gutera imbere cyane kuko utagatandukanye n’uturere tw’imigi cyane ko kari mu birometero 15 by’umujyi wa Kigali, imishinga minini ikorerwa muri ako karere yaba iyabikorera cyangwa iya Leta igafasha gutera imbere twavugamo.

Akarere ka Bugesera kagizwe n’Imirenge cumi n’itanu (15), Utugari mirongo irindwi na tubiri (72), ndetse n’imidugudu magana atanu na mirongo inani n’umwe (581).

Miss Mutesi Jolly yari aherutse gutangaza ko azaba ari mu Karere ka Bugesera mu gushyigikira Kandia-Perezida, Paul Kagame

Muyoboke Alex yageze mu Bugesera, nyuma yo gushyigikira Paul Kagame mu turere tunyuranye amaze kwiyamamarizamo

Uhereye ibumoso: Mutoni Nadia, Evelyne Umurerwa ndetse na Mutesi Jolly

Umuhanzi King James ndetse na Butera Knowless ubwo yari bageze i Kadama mu Murenge wa Ruhuha

Umunyamideli Kate Bashabe ubwo yari yifatanyije n'abaturage mu Karere ka Bugesera

Isimbi Model ari kumwe n’umugabo we bageze mu Karere ka Bugesera gushyigikira Paul Kagame

Umuhanzi Tom Close n’umugore we Ingabire Ange Tricia-Basanzwe ari abaturage mu Karere ka Bugesera
 

Abarimo Kathia na Brenda babarizwa mu itsinda rya Mackenzies bageze mu Murenge wa Ruhuha mu Bugesera 

Rev Alain Numa, usanzwe ari Umukozi wa Sosiyete y’Itumanaho ya MTN

Umuyobozi Mukuru wa MTN Mobile Money, Chantal Mutoni Kagame

Ngabo Karegeye wamamaye nka ‘Ibere rya Bigogwe’ ndetse na Masafi, umufasha w’umushyushyarugamba, Eric Shaba

 

Mu Karere ka Bugesera niho havuye indirimbo zamamaye cyane mu bikorwa byo kwiyamamaza nka ‘Akabando’, ‘Mwungeri’, ‘Hitamo’ n’izindi 

Uyu mubyeyi wamamaye mu ndirimbo zitandukanye, yabigarutseho kuri uyu wa Gatandatu tariki 6 Nyakanga 2024, ubwo yari kuri Site ya Kindama mu Murenge wa Ruhuha mu Karere ka Bugesera, aho Paul Kagame yiyamamarije.

Mu buhamya yatanze, Knowless uzwi mu ndirimbo nka ‘Komeza’, ‘Nyigisha’ n’izindi yavuze ko inzira y’ubuzima bwe ari ndende, ashingiye ku byo yanyuzemo ndetse n’aho ageze.

Yavuze ko nyuma y’uko Ingabo zari iza RPA zihagaritse Jenoside yakorerwaga Abatutsi, yaba ku muryango wa Se ndetse n’uwa Nyina, yasigaranye abantu batatu gusa.

Ariko nta gihe cyashize, kuko babiri nabo bitabye Imana (barimo Nyina)- Bivuze ko yasigaranye umuntu umwe nawe wari muto wari ukeneye kurerwa, ariko yafashe inshingano zo kurera Knowless.

Uyu muhanzikazi avuga ko icyo gihe babaye mu ‘kazu gato cyane’ ubuzima butangira kurura. Yavuze ko uwo basigaranye yabonye akazi ko kwigisha ahantu kure, bigatuma azinduka saa cyenda z’urukerera akagaruka mu rugo bitinze.

Knwoless avuga ko kariya kazu gato bakitaga ‘ikibahima’ kubera ko nyine katurutiraga kuba hanze. Yavuze ko yabaye igihe kinini muri kariya kazu gato, kandi icyo gihe yagiraga ubwoba bwinshi, kandi agatinya ijoro.

Muri icyo gihe, yize amayeri ahitamo kujya arara aririmbira hejuru asakuza kugirango umugizi wa nabi cyangwa se undi wese atamusanga mu nzu mu buryo butunguranye. Yavuze ko aya mayeri yamuhiriye kandi ‘nta kintu nabaye’.  

Avuga ko icyo gihe yahise atangira kwiga amashuri abanza, asoje akomeza kwiga ayisumbuye kandi yigiye ku buntu kubera ubuyobozi bwa Paul Kagame. Anavuga ko aho ariho yatangiriye umwuga w’ubuhanzi, ndetse anakomeza Kaminuza, atangira kubona ku mafaranga.

Ibi byatumye ahitamo no kwiga ‘Masters’ muri Oklahoma Christian University, ishuri ry’abanyamerika. Yavuze ko yatanze kimwe cya kabiri cy’amafaranga yasabwaga, andi yishyurwa na Guverinoma y’u Rwanda.

Yavuye mu nzu nto, none yiyubakiye inzu ngari

Knwowless yavuze ko yakuze atekereza kuzagira inzu ngari ku buryo icyumba azajya aba yarayemo atari cyo azajya aruhukiramo.

Ibi ni byo byatumye ashakisha ikibanza mu Karere ka Bugesera ahitwa mu Karumuna. Yavuze ko we afatanyije n’umugabo we Ishimwe Clement bemeje kubaka muri kariya gace, kandi bashishikarije n’abandi barimo abahanzi, inshuti z’umuryango kujya gutura hamwe n’abo.

Ariko kandi ngo bahuye n’ibicantenge bya bamwe mu bantu bo muri Kigali bababwiraga ko bitari bikwiriye kujya gutura muri kariya gace.

Ati “Ikintu cyadukomeje tukaguma muri ubu Bugesera ni icyerekezo cyawe ni uko twizerera muri mwebwe […]”

Butera yavuze ko kuba Paul Kagame yarateje imbere akarere ka Bugesera, akahageza ikibuga cy’indege, imihanda myiza ndetse nawe agatura muri aka karere, byatumye bahaguma. Ati “Twagiye kubona tubona mwebwe na Madamu noneho mutubereye abaturanyi i Bugesera. Ibintu mwabishyize ku rundi rwego.”

Mwaratureze turakura, natwe turashima!

Knowless yavuze ko yuzuye amashimwe ku mutima we bitewe n’urugendo rwiza rw’ubuzima amaze kugeraho abicyesha imiyoborere myiza ya Paul Kagame.

Yavuze ko Umukuru w’Igihugu yareze abakura. Ati “Ntabwo twabona uko tugushimira Nyakubahwa Chairman, kubera ko twa twana twari mu tuzu duto, tw’udupfubyi, tudafite icyerekezo, tudafite uwo tubwira, tutazi ngo ejo buzacya bimeze gute, mwaratureze turakura…”

Butera yavuze ko bariya bana, barakuze, kandi bavuyemo abantu bazima ‘ari bo batwebwe’, ndetse hari amashami yabashibutseho.

Mu ijambo rye, yumvikana nk’umuntu wafashwe n’amarangamutima y’ibyishimo, ndetse yashimye Paul Kagame, ko amashami yabashibutseho uyu munsi abaye mu gihugu gitekanye, kandi intero y’abo ni ukubaka u Rwanda mu nguni zose z’ubuzima.

Yavuze ko iyo asubije inyuma amaso akareba aho yavuye, ntiyari yarigeze atekereza ko umunsi umwe azaba ahagaze imbere y’ibihumbi by’abantu barimo na Paul Kagame agaruka ku nkuru y’ubuzima bwe.

Knowless yijeje Paul Kagame ko ‘turi bato batari gito’. Ati “Icyo twabizeza ni uko ahantu aho ari ho hose, muzashingura ibirenge muzizere y’uko twahateje intambwe, niho intambwe zacu zishingiye, muradifite, kuri ubu n’ejo n’igihugu kizaza.”

Yasabye Paul Kagame ko ubwo azaba abonye umwanya, yazatumira abanya-Bugesera mu rwuri rwe hafi y’umupaka wa Ntemba bakaganira.

Ibyo yagezeho ni imbuto zabibwe za FPR-Inkotanyi

Umuyobozi wa PL, Mukabalisa Donathile yavuze ko ubuhamya bwa Knowless Butera ari imbuto zabibwe n’umuryango FPR- Inkotanyi. Ati “Ibi ng’ibi yagezeho Nyakubahwa Perezida wa Repubulika ni imbuto zeze ku miyoborere yanyu myiza ariko cyane cyane ku mutima w’ubumuntu mugira.” 

Butera Knowless yatangaje ko nyuma ya Jenoside yakorewe Abatutsi, yabayeho ubuziam burura, ariko bitewe n'ubuyobozi bwa Paul Kagame yiteje imbere

Knowless yavuze ko urugendo rw'amasomo ye mu mashuri atandukanye yarushyigikiwemo na Guverinoma

Knowless yijeje Paul Kagame ko bazakomeza kumushyigikira ibihe n'ibihe

Kandida-Perezida, Paul Kagame yiyamamarije mu Karere ka Bugesera kuri Site ya Kindama

Abakunzi b'umuziki by'umwihariko muri Kigali no hanze yayo barabizi ko uryoshywa cyane n'aba-Djs batandukanye baryohereza aho baba basohokeye. Uko iminsi igenda indi ikaza ni ko haza abavanga imiziki batandukanye nk'uko no mu bindi byiciro nta gahora gahanze!

Benshi mu mpera z'icyumweru mu bihe bisanzwe usanga basiganwa bashaka aho kwidagadurira, bafata kamwe kaba gaherekejwe n'ibindi bintu birimo umuziki uryoha cyane iyo uhuye n'abamaze kwizihirwa.

Aba-DJ ni abantu b'ingenzi cyane bafasha benshi kuryoherwa no gukomeza gusunika amasaha bumva ari ukwihuta cyane mu buryo bukomeye.

Utubyiniro n'utubari dutandukanye muri Kigali no hanze yayo dukunda kugira ubushyuhe usanga tubifashisha mu kongera icyanga no kutarambirwa ku baba badusohokeyemo.

Umwuga wo kuvanga imiziki ntabwo ukiri uw'abagabo gusa kuko ku Isi yose n'ab'igitsinagore bawuhagurukiye ndetse no mu Rwanda ntibatangwa cyane ko umubare munini usigaye wiganje mu bawukora.

Muri uyu mwaka wa 2024 rero ugeze muri kimwe cya kabiri, hari aba-Djs bagezweho bitewe n'ibikorwa runaka bagaragaramo haba mu bitaramo, mu mikino ikomeye, mu tubari tugezweho n'ahandi henshi.

By'umwihariko muri uru rutonde, InyaRwanda yaguteguriye aba-Djs bagezweho barimo n'abamaze igihe gito muri uyu mwuga ariko bafite ubuhanga budasanzwe.

1.     DJ Brianne

Gateka Esther Brianne uzwi mu kuvanga imiziki nka DJ Brianne, ari mu bagezweho muri iki gihe muri uyu mwuga. Usibye kuba ari guca impaka mu gususurutsa abari kwitabira ibikorwa byo kwiyamamaza k'Umukandida wa FPR-Inkoranyi, Paul Kagame, DJ Brianne ari mu barambye mu mwuga wo kuvanga imiziki. 

Mu minsi ishize, aherutse gutungura benshi abatirizwa mu itorero rya Elayono Pentecoste Blessing Church riyoborwa na Rev. Prophet Ernest Nyirindekwe.

2.     DJ Sonia

Sonia Kayitesi umaze kwamamara nka DJ Sonia uri mu bakobwa bagezweho i Kigali mu bijyanye no kuvanga imiziki, akomeje kwigaragaza neza mu bitaramo, mu bikorwa byo kwiyamamaza no kuri Televiziyo Rwanda. 

Uretse kuba umuhanga mu kuvanga imiziki mu tubyiniro, DJ Sonia ni umwe mu bakora aka kazi mu kigo cy'igihugu cy'itangazamakuru, akaba akunze gutumirwa mu bitaramo bitandukanye hanze y'u Rwanda.

Dj Sonia afite imyaka 25 y'amavuko. Yavutse ku wa 11 Nzeri 1998. Yacuranze ahantu harimo nk'igitaramo cyabaye umwaka ushize cyo gusoza Giants of Africa Festival n'ibindi. Ubu ni umwe mu bavanga imiziki kuri RBA.

3.     DJ Toxxyk

DJ Toxxyk ari uri mu bafite izina rikomeye mu muziki w'u Rwanda, ni umwe mu bagezweho mu kuvanga imiziki muri uyu mwaka. Mu minsi ishize, aherutse gutanga ibyishimo i Rubavu mu gitaramo yise 'Toxxyk Xperience.' 

4.     DJ Ira

Iradukunda Grace Divine [DJ Ira], umwe mu bakobwa bamaze kubaka izina rikomeye mu mwuga wo kuvanga imiziki, ni umwe mu bahanga muri uyu mwuga yatangiye mu 2016 abifashijwemo na mubyara we Dj Bissosso wamufashije kuzamuka no kumenyekana mu Rwanda.

DJ Ira ngo yatangiye kwifuza gukora nk'ibya mubyara we akiri muto gusa abo mu muryango baramwangira bamusaba ko yazabyinjiramo arangije kwiga.

Nyuma yo kurangiza amashuri yisumbuye nibwo yatangiye kwihugura kuri uyu mwuga akunda, ubu akaba ari umwe mu ba DJs bacuranga mu bitaramo bikomeye mu Rwanda.

5.     DJ Marnaud

Mugisha Gatera Arnaud [DJ Marnaud] uri mu bakunzwe mu Rwanda mu mwuga wo kuvanga unmuziki afatanya n'ubuhanzi, ni umwe mu bagezweho muri iki gihe ahanini abikesha indirimbo aherutse gushyira hanze yise 'Tuliwawelu (We Outside) iri mu njyana y'Amapiano, ndetse n'indi ijyanye n'amatora yahuriyemo na Massamba Intore na Ruti Joel bise 'Ntimugire Ubwoba.'

Uyu musore wamamaye mu kuvanga umuziki, amaze imyaka itanu ari mu muziki. Yatangiriye ku ndirimbo yise ‘Bape’ yakoranye n’itsinda rya Active, akomereza ku ndirimbo ‘Ribuyu’ yahuriyemo na Dj Pius, ‘Boku’ yakoranye na King James, ‘Reka turye’ yakoranye na Malaika, ‘Mundemere’, ‘Ibihe byose’ na Uncle Austin, ‘Bahabe’ yakoranye na Bushali n’izindi.

6.     DJ Higa & DJ Rusam

DJ Higa na Rusam ni itsinda ry'abavanga imiziki rya mbere ry'abakobwa bakora uyu mwuga wo kuvanga imiziki ribayeho mu Rwanda. Bamaze kubaka izina i Kigali kubera kuvanga imiziki ku buryo basigaye bacuranga mu tubari dukomeye kandi bagatumirwa no mu bitaramo bitandukanye i mahanga.

Iri tsinda rigizwe na Higa Sharon ndetse na mugenzi we Rusamaza Nadege, buri wese afite ubwoko bw'umuziki yiyumvamo ari nabyo byatumye bahitamo guhuza imbaraga. Aba bakobwa bamenyekanye mu mwuga wo kubyina, batangiye kwimariramo ibyo kuvanga umuziki mu minsi ishize.

Bahuriye mu ndirimbo 'Aye' na Juno Kizigenza ndetse mu minsi ishize bahuriye mu yitwa 'Shumaka' n'umuhanzi Seyn.

7.     DJ Crush

Tuyambaze Liliane [DJ Crush] w'imyaka 22 winjiye mu mwuga wo kuvanga umuziki by'umwuga akiyongera ku barimo DJ Ira na DJ Sonia, ari mu bakomeje kugaragarizwa urukundo rwinshi n'abanyabirori kimwe n'abakunzi b'imyidagaduro muri rusange kubera impano ye.

Niba ukoresha imbuga nkoranyambaga muri izi ntangiriro z'umwaka wakomeje kubona amashusho n'amafoto ya DJ Crush acicikana ku mbuga nkoranyambaga abantu bagaragaza ko bishimiye ubuhanga bw'uyu mwari mu kuvanga umuziki.

Ubusanzwe DJ Crush yitwa Tuyambaze Liliane, yavukiye mu Ntara y'Amajyepfo mu Karere ka Huye, avukana n'abana 7 akaba ari uwa 6, yize amashuri abanza muri Morning Star Primary School akomereza icyiciro rusange muri Ecole Secondaire de Gikondo asoreza muri College Sainte Bernard.

8.     DJ Flixx

Ishimwe Cyomoro Fanny ni umwe mu ba-Djs b’abakobwa bakomeje kugarukwaho cyane ku mbuga nkoranyambaga. Nibwo ari gutangira kwigaragaza muri uyu mwuga, ariko akomeje kugaragaza umuhate, urukundo ndetse n’ubuhanga.

Kugeza ubu, acuranga mu bukwe, mu birori bitandukanye ndetse no mu tubari. Mu minsi ishize, yagiye anagaragara kuri televiziyo zitandukanye zirimo na RTV. 

9.     DJ Clara

Uyu mukobwa ubusanzwe yitwa Uwimpuhwe Clara. Avuga ko yahisemo kwinjira mu mwuga wo kuvanga imiziki cyane ko ari ikintu akunda gukora yishimisha ariko nyuma bikaba byaravuyemo akazi. 

Yatangiye kuvanga imiziki muri Kamena 2022. Amaze gucuranga mu bitaramo bitandukanye mu Mujyi wa Kigali, Uganda,i Bukavu muri RDC na Dubai.

Mu minsi ishize, DJ Clara uri mu bakobwa bagezweho mu kuvanga imiziki niwe wasusurukije abitabiriye igitaramo cya 'La caravane du rire'; cyahurije hamwe abakunda guseka n'abakunzi babo.

Uyu mukobwa yize kuvanga imiziki muri Scratch Music Academy. Avuga ko mu micurangire ye akunda 'Amapiano' cyane ariko akaba anakunda gucuranga ibintu byose bitewe n'abanu ari gucurangira.

10.  DJ Fabulous

Shimwa Olivier Fabrice uzwi ku izina rya ‘DJ Fabulous’ mu myuga y’itangazamakuru no kuvanga imiziki, kuri ubu ari mu bagezweho i Kigali mu kuvanga imiziki mu tubari dukomeye turimo The B Lounge, Wakanda Villa n'ahandi.

Myugariro wa AS Kigali, Ahoyikuye Jean Paul [Mukonya] yitabye Imana nyuma yo kugwa mu kibuga agonganye n’umunyezamu akamira ururimi ubwo bari mu myitozo.

Iyi nkuru mbi mu muryango mugari wa siporo mu Rwanda yamenyekanye kuri uyu wa Gatandatu, tariki 6 Nyakanga 2024.

Mukonya bivugwa ko yari mu myitozo Mageragere, yaje kugongana n’umunyezamu amira ururimi bagerageza kurugarura biranga ari bwo bahitaga bamutwara kwa muganga.

Uyu mukinnyi wakiniye amakipe arimo Kiyovu Sports, yajyanywe ku bitaro bya CHUK kugira ngo yitabweho n’abaganga ariko ntibyakunda kuko yaje guhita yitaba Imana.