Author: webrwanda

Ibi babitagurutse ku wa 06 Nyakanga 2024, ubwo Abakandida-Depite ba RPF-Inkotanyi basuraga abaturage b'uyu murenge muri gahunda yo kubagezaho imigabo n'imigambi y'uyu Muryango mu matora y'Abadepite ateganyijwe mu minsi iri imbere.

Ni igikorwa cyitabiriwe n'Umuyobozi w'Akarere ka Rusizi, Dr. Anicet Kibiliga n'Umuyobozi wungirije w'aka Karere ushinzwe Imibereho myiza y'Abaturage, Dukuzumuremyi Anne Marie.

Umurenge wa Nkanka kimwe n'ibindi bice byinshi by'igihugu wamaze kugezwamo amazi meza n'amashanyarazi, ibyagize uruhare rufatika mu kwihutisha iterambere no guhindura ubuzima bw'abaturage.

Musabeyezu Francine yahawe umwanya ngo atange ubuhamya bw'aho uyu muryango wakuye abaturage b'uyu murenge, dore ko ubu bafite ubuzima bwiza kurusha mbere.

Musabeyezu yashimiye Paul Kagame wahawe abagore ijambo, amwizeza ko abaturage bo ku Nkanka bazamutora agakomeza kubayobora kuko ko isura abagore bo ku Nkanka bafite uyu munsi atari yo bahoranye.

Ati 'Twirirwaga mu mashyirahamwe n'amatsinda yo gutorana inda mu mutwe, none uyu munsi turi mu mabanki n'amatsinda yo kubitsa no kugurizanya.”

Abaturage bo ku Nkanka bishimira harimo kuba Igishanga cya Cyunyu cyaratunganyijwe kikaba gihingwamo umuceri. Hambere ngo ngo baryaga ibijumba byitwaga Kanyoma babisomeza urwagwa nono ubu barasirimutse, banywa amata bakarya n'umuceri.

Karemera Emmanuel wari Umudepite muri manda icyuye igihe na Nsengiyumva Dieu Donne bari ku rutonde rw'abakandida depite batanzwe na RPF-Inkotanyi biyamamarije muri uyu murenge.

Karemera yagize ati “Turishima kubera ko tuyobowe neza na Paul Kagame. Turishima kubera ko turi Inkotanyi. Ku munsi w'amatora muzazinduke mutore kare mwisubirire mu mirimo muzagaruka nimugoroba muje kubyina intsinzi.”

Abagore bo mu Murenge wa Nkaka bashimye iterambere bamaze kugeraho

Abakandida Depite ba FPR Inkotanyi biyamamarije mu Murenge wa Nkaka mu Karere ka Rusizi

Ubwo yiyamarizaga mu turere twa Gakenke na Rulindo two mu Ntara y'Amajyaruguru, Dr Frank Habineza, yakomeje kuri politiki igenga ubwisungane mu kwivuza, (Mutuelle de sante), kongera imirimo cyane cyane mu rubyiruko no kugabanya umusoro ku nyongeragaciro, TVA, avuga ko hakenewe impunduka.

Ku ngingo ijyanye n'ubwisungane mu kwivuza, yagize ati “Icyo twifuza kiri muri gahunda yacu ni uko umuntu ufite mituweli azajya ava kwivuza bakamwandikira umuti agahita ajya kuwugura muri farumasi akoresheje ikarita ya mituweli ndetse no kwa muganga n'ahandi, ku buryo uzajya ahabwa imiti umurwayi agakira kandi vuba kubera ko iyo miti irahari.”

Yavuze ko ibi bizagerwaho binyuze muri gahunda zitandukanye zigamije kuvugurura urwego rw'ubuzima, zirimo kongera umushahara wa muganga, ati “Ibyo byo tuzabikora twongere amafaranga mu kigega cya mituweli, imiti iboneke n'abaganga bacu nabo tubongerere umushahara nabo batuvure bishimye kuko iyo ugezeyo usanga bakuvura batishimye kubera ko hari igihe aba atekereza ko umwana yaburaye kubera ko afite agashahara gake.”

Dr Frank Habineza, yavuze ku ngingo yo kubura akazi nayo yerekana ko hari ikigomba gukorwaho kugira ngo umubare y'abatagira akazi ugabanyuke.

Yagize ati “Ndabizi ko abantu benshi bakeneye akazi; dufite gahunda nziza yo kurwanya ubushomeri mu Banyarwanda cyane cyane mu rubyiruko, abana bacu bakeneye gukora, bafite imbaraga zo gukora babuze akazi ubu twebwe dufite ingamba twatekereje kugira ngo abantu babone akazi.”

“Muri zo ni uko muri buri murenge mu Rwanda tuzashyiraho ishuri ryigisha imyuga ijyanye n'icyo mukeneye muri uwo murenge. Niba hano muri guhinga inanasi, ni urugero tubashyirireho ishuri ryigisha gutunganya inanasi barebe ikintu buri murenge ukeneye, noneho niturangiza ibyo abantu bagire ubwo bumenyi bujyanye n'ibyo bifuza, dushake noneho uruganda rutunganya ibikomoka ku byo dufite aho hafi iwacu, ba bana bize muri ayo mashuri babonemo akazi.”

Dr Frank Habineza kandi yagarutse no ku musoro nyongeragaciro, TVA, avuga ko ukiri mwinshi ukabangamira abaguzi nyamara ugabanyijwe Leta yakunguka kuko abaguzi baba benshi kandi bagahaha bishimye.

Yagize ati “Ubu uwo musoro uri kuri 18%, niwo utera ibiciro byacu kuzamuka ugasanga ikintu cyagombaga kugura 1500 Frw kiri ku bihumbi 2 Frw, twebwe muri gahunda yacu dushaka kuwugabanya byibura tuwugeze kuri 14% kugira ngo ibiciro biri ku isoko bigabanuke, umuntu wavuye ku isukari abe yayisubiraho n'umuntu ushaka kugura n'akanyama abe yakagura kubera ko ibiciro byagabanyutse.”

Akomeza agira ati “Ibyo ni uguteza imbere Abanyarwanda bose kuko turifuza ko Abanyarwanda bashobora kuba bahaha, nibahaha ari benshi leta izabona amafaranga menshi kubera ko abaguzi bazaba biyongereye ariko umusoro nuzamuka abahaha bazahaha ari bake leta ibure amafaranga.”

Dr. Frank Habineza yavuze ko azongera umushahara wa muganga

Hubatswe kandi umuhanda wa Rukomo-Nyagatare ufite uburebure bwa kilometero 73 ku ngengo y'imari ingana na miliyoni 73,5 z'amadorali ya Amerika.

Imihanda ishamikiye ku minini na yo mu Karere ka Nyagatare ntiyasigaye kuko mu myaka irindwi ishize hubatswe iyatwaye ingengo y'imari irenga miliyari 5,4 Frw.

Mu mushinga wo guteza imbere imijyi (Rwanda Urban Development project RUDP) mu Karere ka Nyagatare, hakozwe icyiciro cya mbere cyo kubaka imihanda ifite kilometero 3,91 ku ngengo y'imari irenga miliyari 3,4 Frw mu gihe icya kabiri gifite kilometero 14,12 ku ngengo y'imari irenga miliyari 7,3 Frw naho icya gatatu gifite kilometero 6,705 cyagendeyeho ingengo y'imari irenga miliyari 5,6 Frw.

Mu rwego rw'ingufu hakozwe ku mushinga wo kongerera ubushobozi imiyoboro y'amashanyarazi, igikorwa cyatwaye ingengo y'imari irenga miliyoni 4,5 z'ama-Euro.

Muri uyu mushinga hubatswe umuyoboro wa MV ufite kilometero 192,222, hashyirwaho transformateur 123 mu gihe umuyoboro wa LV wubatswe wo ufite burebure bwa km 4,899.

Ibikorwa bigamije kongera ingufu no gukwirakwiza amashanyarazi, byatumye ingo zayahawe zikuba inshuro eshatu ziva ku 35 564 mu 2017 zigera ku 119 988 mu 2023.

Ibikorwaremezo by'amazi byitaweho hubakwa imiyoboro yayo mu Mujyi wa Nyagatare ku burebure bwa km 131,205 hashyirwaho ibigega by'amazi bigera kuri 38 ku ngengo y'imari irenga miliyari 6,3 Frw kandi byatumye abaturage bagera ku 132.000 bagerwaho n'amazi meza.

Mu bijyanye n'imiturire hubatswe imidugudu itandatu y'icyitegerezo ari yo Rwabiharamba I, Rwabiharamba II, Kinihira, Akayange, Shimwa Paul na Gishuro ku buryo byatumye imiryango 424 ituzwa neza, indi 1112 igakurwa mu manegeka.

Hakozwe ku mushinga wo guteza imbere urwego rw'ubuhinzi n'ubworozi hatunganywa ibishanga, kurwanya isuri hakorwa amaterasi, gutanga inguzanyo z'ubuhinzi ku nyungu nto ya 8%, gutera inkunga imishinga y'ubuhinzi n'ubworozi binyuze mu nkunga nyunganizi. Ibi byatwaye ingengo y'imari ingana na 835.947.450 Frw.

Muri uyu mushinga hakozwe amaterasi kuri hegitari 469, 8 bituma abaturage bagera ku 6716 babonamo akazi.

Mu mushinga ugamije guteza imbere ubworozi bw'inka zitanga umukamo, kuzamura imyumvire y'aborozi mu korora kinyamwuga, kuzamura imyumvire y'aborozi mu guhunika ubwatsi bw'inka ndetse n'ibindi bituma amatungo arushaho kubaho neza, hashowe ingengo y'imari irenga miliyari 1,2 Frw.

Hubatswe inzu zo guhunikamo ubwatsi bw'amatungo (Hangar) ku borozi 70, hanubakwa ubwogero bw'inka (Spray races) bugera kuri 13.

Uyu mushinga kandi wasannye amakusanyirizo 16 y'amata mu Karere ka Nyagatare ari yo Rwempasha, Muvumba, Karama, Katabagemu, Karushuga, Kamate, Rwabiharamba, Bwera, Musheri, Kirebe, Nyagatare, Isangano, Mbare, Matimba, Musenyi, Abashumbabeza.

Hubatswe kandi amakusanyirizo mato ane y'amata ari yo Mimuri, Rwimiyaga, Rukomo na Katabage ndetse RDDP yacukuye amavomero 12 y'amazi mu gihe imishinga y'abaturage 470 yatewe inkunga y'arenga miliyari 1,2 Frw.

Mu rwego rw'ubucuruzi n'ubuhahirane, hubatswe isoko rya Kagitumba ku ngengo y'imari irenga miliyari 1,7 Frw.

Hubatswe icyanya cy'inganda cya Nyagatare kirimo uruganda rutunganya granite (East Africa Granite Industries) n'urutunganya ibiribwa (Nyagatare Maize Processing Plant).

Mu kwita ku mibereho myiza y'abatuye i Nyagatare, hubatswe Ibitaro bya Gatunda, ikigonderabuzima cya Tabagwe, hanubakwa amavuriro y'ibanze 70.

Mu guteza imbere uburezi, hubatswe ibyumba by'amashuri 1453 bitwara ingengo y'imari irenga miliyari 3,3 Frw. Hubatswe kandi amashuri icyenda y'imyuga n'ubumenyingiro ku ngengo y'imari ingana na 425.979.644 Frw.

Hari kandi Shonga TVET na Ntoma TVET, amashuri abiri y'imyuga n'ubumenyingiro akora ku mipaka yuzuye atwaye ingengo y'imari irenga miliyari 1,9 Frw.

Mu kurwanya ubukene ho hatanzwe inka 4555 muri gahunda ya Girinka, abaturage bagera ku 57 387 bahabwa akazi muri gahunda ya VUP, mu gihe hubatswe hakanasanwa amazu 4216 kugira ngo abaturage bature neza kandi bature ahantu heza.

Stade ya Nyagatare yuzuye mu 2020 ni igikorwaremezo cy’ingenzi cyagezweho mu myaka irindwi ishize

Umujyi wa Nyagatare uri mu yunganira Kigali, wubatswemo imihanda itandukanye ifasha mu rujya n’uruza

Imihanda yagiye yubakwa i Nyagatare yaranacaniwe mu rwego rw’umutekano

Isoko Mpuzamipaka rya Nyagatare ryitezweho koroshya ubucuruzi hagati y’u Rwanda na Uganda

Uruganda rutunganya amata y’ifu rwa Nyagatare rwitezweho guteza imbere ubukungu bushingiye ku bworozi

Umudugudu w’Akayange wafashije abari batuye nabi kubona aho barambika umusaya hatekanye

Ibitaro bya Gatunda byatumye imitangire ya serivisi z’ubuzima mu karere ka Nyagatare yihuta

Kenshi uzumva hari ibinyamakuru mu Rwanda bigoranye kuba wakumvaho indirimbo z'abaraperi, ibihembo bitegurwa bitajya bishyiramo ibyiciro byihariye by'iyi njyana cyangwa ngo batekereze ku bayikora.

Hari kandi n'abanyamafaranga bayashora mu muziki ariko byagera kuri Hip Hop ugasanga bagenda gake, ibi bijyanirana n'abareberera inyungu z’abahanzi usanga badakozwa ibyo gukorana n'abakora iyi njyana.

Umwe muri abo ni Coach Gael muri Mutarama 2024 wumvikanye avuga ko adashobora gukorana n'abaraperi agaragaza ko icyerekezo bafite atari icyo afite kuko yagerageje ariko agasanga bitakunda.

Mu kiganiro cyihariye na InyaRwanda, Bruce The 1^st yasobanuye impamvu nyamukuru yatumye agaruka kuri iyi ngingo mu ndirimbo 'Twabagarukiye' iri mu zigize Mixtapre y'uyu muraperi.

Muri iyi ndirimbo yumvikana agira ati'Tugaruke kuba Manager bashaka kuba ibyamamare kurusha abasani babo, nabonye banatwika kubarusha banasigaye bakora utu 'beef'.'

Akomeza yumvikana agira ati'Abakire bacu ku mikorere y'ubufu ngo njye sinakorana n'umuraperi nuko ubizi neza ushatse kumurya yakwemeza we nta mikino agira nta muraperi ugira imikino nta muraperi wishyura gukinwa reka reka mufite abo mwifatira.'

Uyu musore asobanura iby'iki gitero n'iyi ngingo yagize ati'Nagiye kubivuga kuriya byarankoze ku mutima, muvandimwe birakubabaza ukavuga kubera iki kuko nigeze kubona ikiganiro cya Manager umwe wigeze kuvuga ibyo bintu aravuga ngo ntabwo yafasha umuraperi.'

Asobanura avuga ko umuhanga mu byo akora atagakwiye guhingutsa iyo ngingo kuko aba afungira amayira abaraperi ngo kuko bitabashije gukunda ku ruhande rwe.

Ati'N'abantu bareba ibyo biganiro ntihabura abantu batanu bari bafite gahunda yo gufasha abaraperi bahita bavuga ngo uzi ko aribyo uyu muntu ni umujyanama w'abahanzi arabimenyereye wasanga hari umuraperi umwe wamwangirije akazi urumva hari icyizere aba adutakarije.'

Akomeza agira ati'Hari n'ahantu aba adukuye n’aho adushyize kandi aho adushyize niho habi kuko natwe dukeneye amatsinda adufasha abareberera inyungu zacu rero kuza ugahita wifata ukabivugira mu ruhame ngo ntiwafasha abaraperi nkaho batakunguka wabiceceka basi.'

Bruce The 1^st ari mu baraperi bamaze imyaka itaragera kuri 5 batangiye umuziki nk'umwuga gusa amaze gukora Mixtape 3 na EP imwe hakiyongeraho n'indirimbo yasohoye imwe imwe akanakorana n'abandi bahanzi zakunzwe cyane.

Aritegura gushyira hanze Album ya mbere mu gihe kigiye kuza ndetse indirimbo aheruka gukorana na Ish Kevin, Bull Dogg na Kenny K Shot yarakunzwe cyane ndetse ubu ari kuyisubiranamo n'abandi baraperi ikaba igomba kujya hanze bidatinze.

KANDA HANO UREBE IKIGANIRO CYOSE NA BRUCE THE 1ST

“>

REBA UNUMVE EP YA BRUCE THE 1ST YISE THE 1ST STYLE

“>

Bruce The 1st yasabye udafite icyo yafasha Hip Hop kubyigumanira akareka guca imbaraga abandi Nyuma ya Bwe Bwe Bwe igiye no kujya hanze mu buryo busubiwemo yamaze gukora EP yise ‘The 1st Style’Ari mu baraperi bato mu myaka ariko bamaze kugwiza ibigwi mu muziki by’umwihariko injyana ya Hip Hop

Tariki ya 22 Nyakanga 2024  nk’uko bitagenywa n'ingengabihe ya Komisiyo y'Amatora nibwo hatangiye ibikorwa byo kwiyamamaza bikazashyirwaho akadomo ku wa 13 Nyakanga 2024.

Mu gihe amatora ateganijwe ku wa 14 Nyakanga 2024 ku banyarwanda baba hanze na 15 Nyakanga 2024 ku bari imbere mu gihugu.

Mu gihe habura iminsi 8 amatora akaba, Perezida Kagame yagiye kwiyamamariza mu Ntara y'Iburasirazuba mu Karere ka Nyagatare, bamwe mu byamamare bitabiriye ibikorwa byo kwiyamamaza kwe.

Bagarutse ku mpamvu ari we bahisemo gushyigikira.

 Uwicyeza Pamella rwiyemezamirimo mu mideli wamamaye mu marushanwa y'ubwiza ya 2019 akanaba umugore w'icyamamare mu muziki The Ben, yumvikanye agira ati'Twe nk'urubyiruko yatugejeje ku bintu byinshi tutabona uko dusobanura. Tuzahure ku itariki 15 Nyakanga.'

Uwicyeza Pamella yitabiriye ibikorwa byo kwamamaza bya FPR-Inkotanyi mu Karere ka Nyagatare

Ku rundi ruhande Miss Rwanda 2012, Kayibanda Aurore na we yagize ati'Paul Kagame, hari byinshi yagejeje ku banyarwanda. Icya mbere, yaduhaye igihugu kuko Abanyarwanda benshi bari mu buhunzi kandi batabyishimiye. Ni umubyeyi w'igihugu.'

Ku ruhande rwa Christopher Muneza unaheruka gukora indirimbo yise 'Nzakomeza Ntsinde' ivuga ibigwi bya Perezida Kagame, yavuze akamuri ku mutima, ati'Nk'umuhanzi yatugejeje kuri byinshi, twirirwa tuzenguruka Isi, twateye imbere, tuva mu bukene dusigaye dufasha n'abandi.'

Aurore Kayibanda yibukije ko abanyarwanda bongeye kugira igihugu kubera  Kagame mu gihe benshi bari barabaye impunzi Ibikorwa byo kwiyamamaza ku muryango FPR-Inkotanyi byakomereje i Nyagatare

 

Uyu muhuro wateguwe na Equity Bridges Initiative ugiye kuba ku nshuro ya kabiri uzatangira tariki 19 Nyakanga kugeza 27 Nyakanga 2024, uzakira abana 100 bari hagati y'imyaka 12 na 16 bazamara icyumweru bahugurirwa i Bugesera mu kigo Gasore Serge Foundation.

Rev. Pst Alain Numa yatangarije IGIHE ko mbere yo guhugura abandi bana hazabanza kubaho umwanya wo guhuriza hamwe abanyuze mu cyiciro cya mbere mu rwego rwo gusuzuma umusaruro w'ibyo bakoze mbere, ni igikorwa kizamara iminsi ibiri guhera tariki 19 -21 Nyakanga 2024

Ati 'Mbere y'uko twakira abana tuzabanza guhura n'abo twahuguye ku nshuro ya mbere, tuganire ture umusaruro wavuye mubyo twakoze, turebe bize iki?, ibyo twabigishije bari kubishyira mu bikorwa?, ubu babayeho bate ? n'ibindi.'

'Gusa muri rusange nkurikije ubutumwa nakira , ababyeyi bambwira ko banyuzwe cyane, hari n'abasaba kongera ko bagaruka, hari uwambwiye ko umwana we yari acecetse cyane ariko yagarutse asigaye yisanzura akavuga, n'ibyinshi, ibi rero biri mu byaduteye imbaraga zo kongera gutegura iyi gahunda.'

Uyu mubyeyi w'abana bane yakomeje avuga ko nta mubyeyi baka amafaranga yo kwita kuri aba bana dore ko bafite abaterankunga babafasha muri ibi bikorwa barimo Gasore Serge Foundation izita kuri aba bana mu cyumweru cyose , Kigali Universe izakira ibirori bisoza uyu muhuro, n'abandi.

Bimwe mu byo umwana yitwaza ni ibikoresho by'isuku, amashuka, n'imyenda ya siporo gusa.

Kuri iyi nshuro bimwe mu bizagarukwaho harimo kwigisha abana indagagaciro za Kinyarwanda n'izishingiye ku kwemera, imikoreshereze y'imbuga nkoranyambaga, ibirebana n'amahame y'uburinganire n'ubwuzuzanye, gukunda igihugu, isomo ry'ikinyarwanda, kwihangira imirimo no kumenya gutangira kwizigamira hakiri kare.

Nk'uko Rev. Alain Numa yabigarutseho uretse abarimu bazigisha aba bana hari n'abandi bazatanga ibiganiro barimo Coach Gael Karomba, ndetse n'abazaturuka muri Bank of Kigali, RNP [Rwanda National Police], MOD [Ministry Of Defense], MINUBUMWE, n'abandi.

Uyu mwiherero 'Boys To Men' ubwo wabaga ku nshuro ya mbere muri Kanama 2023, hakiriwe abana 55 baganirijwe n'abarimo Rev Dr Antoine Rutayisire, Umuyobozi w'Akarere ka Bugesera, Mutabazi Richard, n'abandi.

Rev. Pst Alain Numa yemeza ko ababyeyi bashimye iyi gahunda kuko yatumye abana babo bunguka ubundi bumenyi batari bafite, ndetse bakura mu mitekerereze

Mugisha Ian Numa wanyuze mu cyiciro cya mbere cya Boyz to Men avuga ko yavuyeyo yize byinshi birimo kumenya kwishakamo ibisubizo no kuganirira mu ruhame