Author: webrwanda

Umwaka wa 1885 wasize ibihugu byari biteraniye i Berlin mu Budage byigabanyije Afurika kandi bigena imipaka y'ibihugu n'ubu igikurikizwa.

Ku wa 14 Gucurasi 1910, ibihugu by'u Bubiligi, u Bwongereza n'u Budage byemeje imipaka bifata icyemezo cyo kwambura u Rwanda intara zarwo zishyirwa kuri Congo [RDC] izindi zijya kuri Uganda.

Ibice nka Masisi, Rutshuru, Fizi, Itombwe, na Uvira byari iby'u Rwanda ariko byomekwa kuri Congo na ho Bufumbira na Mpororo bihabwa Uganda. Mu Majyaruguru, banzuye ko Ikirunga cya Sabyinyo ari cyo kigabanya ibihugu uko ari bitatu, mu gihe mu Kiyaga cya Kivu Abadage n'Ababiligi bigabanyije ibirwa.

Minisitiri Dr Bizimana ati 'Izo ntara zahawe Congo [RDC] kandi zari zituwe n'Abanyarwanda. Abaturage bari batuye muri izo ntara barakomeje bavuga Ikinyarwanda kuko rwari ururimi rwabo. Ingaruka rero bitera, ubu murabona ko nko mu Burasirazuba bwa Congo, Congo ifata bamwe muri abo baturage nk'aho atari abayo ikabita Abanyarwanda nyamara ari Abanye-Congo.'

Yagaragaje ko iki cyemezo cyo gufata ibice bimwe by'u Rwanda bigahabwa ibindi bihugu ari byo ntandaro y'ubwicanyi bukorerwa abavuga Ikinyarwanda muri ibyo bice.

Abakurikira ibibera mu Burasirazuba bwa Repubulika Iharanira Demokarasi ya Congo bazi neza ko hashize imyaka hafi hakwirakwizwa ingengabitekerezo y'urwango ku bavuga Ikinyarwanda bakicwa, bagakorerwa urugomo ndetse hari abagiye bakwitwa bumva.

Minisitiri Dr Bizimana yahamije ko 'Icyo ni cyo cyemezo cya mbere kibi cyafashwe n'abazungu kuko iyo intara zitamburwa u Rwanda ubu ruba rufite intara zarwo ndetse n'ibibazo by'akarengane, byo kwicwa, by'ingengabitekerezo y'urwango biri mu Burasirazuba bwa Congo iki gihe ntabwo byagombye kuba bihari.'

Ambasaderi Vincent Karega wahoze ahagarariye u Rwanda i Kinshasa mu bihe bishize yatangaje ko ikibazo RDC ifite ari uko iyobowe nabi nk'uko mu Rwanda byari bimeze hagati ya 1959 na 1994.

Ati 'Ikibazo ni uko Congo iyobowe nabi, hari ibibazo by'amacakuri nk'ibyo twagize mu gihe cya 1959 no mu 1994, by'ivangura ku buryo nk'abashaka gutorwa muri ibyo bice by'abantu bavuga Ikinyarwanda bagerageza gusunika abo baturage kugira ngo badahatana na bo.'

Amateka agaragaza ko mu Banye-Congo bavuga Ikinyarwanda harimo abahagiye mbere y'ubukoloni n'abajyanyweyo n'u Bubiligi mu gihe cyabwo ndetse n'abahungiyeyo uhereye mu 1959 kubera umutekano muke wari mu Rwanda.

Mu bahunze harimo abari barize bituma bahita babona akazi dore ko porogaramu z'amasomo yigishwaga na dipolome zatangwaga byari bimwe mu Rwanda, u Burundi na Congo, ibi bihugu bikaba byari mu maboko y'Ababiligi.

Impunzi z'Abanyarwanda zatangiye guhungira muri Congo mu 1959 kugeza mu 1962 hanyuma mu 1971 hajyaho itegeko ribaha ubwenegihugu bwa Congo.

Minisitiri Dr Bizimana yabwiye urubyiruko ruri mu Itorero Indangamirwa icyiciro cya 14 ko ubwicanyi bukorerwa abavuga Ikinyarwanda muri RDC bukomoka ku bazungu batandukanyije Abanyarwanda igihe bakata imipaka

Ni mu mukino wa nyuma wakinwe kuri uyu wa Gatanu Saa Mbili n’iminota 30 kuri Lycée de Kigali. 

Mbere yuko hakinwa uyu mukino wa nyuma ariko habanje gukinirwa umwanya wa 3 aho ikipe ya Patriots BBC yakuwemo na APR BBC ku manota 91-70 muri 1/2 yacakiranaga na Espoir BBC yakuwemo na REG BBC muri 1/2 ku munota 98-72.

Uyu mukino wo waje kurangira ikipe ya Patriots BBC ariyo yegukanye umwanya wa gatatu itsinze Espoir BBC amanota 77-59.

Nyuma y’uyu mukino rwahise rwambikana hagati ya APR BBC na REG BBC imbere y’abakunzi b’umukino wa Basketball dore ko bari banabukereye.

Ikipe ya APR BBC itari ifite umukinnyi wayo Aliou Diarra yatangiye ubona iri hejuru ibifashijwemo na bamwe mu bakinnyi bayo bakomeye nka Axel Mpoyo n’abandi.

Ikipe ya REG BBC nayo yaje kugenda hafi ya APR BBC ubona harimo ikintu cyo guhangana cyane maze igice cya mbere kirangira iyi kipe y’Ingabo z’igihugu iyoboye n’amanota 54-50.

Mu gace ka gatatu ikipe ya APR BBC yaje noneho ubona irusha cyane REG BBC itari ifite abakinnyi bayo bakomeye nka Cleveland Thomas Jr, Antino Jackson, Victor Mukama na Pichou Manga. 

Agace ka Kane kaje kurangira REG BBC ikoze amanota 10 gusa mu gihe APR BBC yo yari yakoze amanota 33, ubwo bivuze ko yari iyoboye n’amanota 87 kuri 60.

Agace ka Kane ari nako ka nyuma n’ubundi ntacyahindutse cyane gusa wabonaga REG BBC yashyizemo imbaraga. APR BBC yahise yegukana igikombe itsinze amanota 110-92.

Aya makipe n’ubundi yaherukaga guhurira muri shampiyona mu mukino w'ishiraniro warangiye APR BBC iwegukanye n'amanota 77-75.

Iri rushanwa ryakinwaga ku nshuro ya mbere ryatangiye muri Mata 2024 mu rwego rwo kongerera amakipe amarushanwa. 

APR BBC yegukanye igikombe yahise ibona itike kwitabira Imikino ya Zone 5 itanga itike yo kwitabira Igikombe cya Afurika.

APR BBC yegukanye igikombe yihanangirije REG BBC 

Iryo rushanwa ryatangiye kuri uyu wa 9 Kanama 2024, rikazakomeza no ku wa 10 Kanama. Ryahuje abakinnyi ba Golf barenga 200 bazishakamo abazakina umukino wa nyuma ku wa 21 Nzeri 2024.

Ni irushanwa rigamije gushimangira imikoranire hagati ya NCBA Group n'Umuryango w'Abakinnyi ba Golf mu Rwanda ndetse rikagaragaza n'umuhate wa banki mu guteza imbere uwo mukino.

Umuyobozi ushinzwe abakiliya banini muri NCBA Rwanda, Diana Mukunde, yagaragaje ko bifuza ko iri rushanwa ryaba ikimenyetso cyo guteza imbere siporo muri rusange.

Ati 'Gutangiza iri rushanwa rya NCBA Golf Series ni ikimenyetso cy'umuhate wacu mu iterambere rya siporo mu Rwanda.'

Perezida wa Kigali Golf Club, Byusa Marcel, yagaragaje ko umukino wa Golf urenze kuba siporo ahubwo ari urubuga ruhuza abantu mu ngeri zitandukanye z'iterambere.

Ati 'Golf irenze kuba siporo gusa, ni urubuga rwo kumenyana n'abandi, kubaka ubumwe no kungurana ibitekerezo ku iterambere ry'ubukungu. Twishimiye kuba turi kumwe na NCBA aha ngaha mu gushyigikira uyu mukino no kuba itangazamakuru ribasha gusakaza amakuru ku bandi batarawumenya.'

Captaine wa Kigali Golf Club, Kulayije Andrew yagaragaje ko bishimiye imikoranire na NCBA kuko izatuma uwo mukino ugera ku rundi rwego haba mu Rwanda no mu Karere.

NCBA Group yatekereje gutangiza ayo marushanwa mu Rwanda nyuma yo kubona ko bigenda neza muri Kenya, Uganda na Tanzania.

Aba basenateri bamaze iminsi mu Rwanda aho bahuye n'abayobozi mu nzego zitandukanye zirimo Urwego rw'Igihugu rw'Iterambere, RDB, n'Urugaga rw'Abikorera, PSF, ku wa 08 Kanama 2024, bahuye n'Umuyobozi Mukuru w'Igicumbi Mpuzamahanga cya Serivisi z'Imari n'Amabanki cya Kigali (KIFC), Nick Barigye, baganira ku ngingo zinyuranye zirimo no kubyaza umusaruro amahirwe ari mu Rwanda mu bijyanye no gushora imari.

Iri tsinda ryaje riherekejwe na Ambasaderi w'u Rwanda muri Jordanie, Urujeni Bakuramutsa.

Ku munsi wo ku wa Kabiri, abagize iri tsinda bagiranye ibiganiro na Minisitiri w'Ububanyi n'Amahanga n'Ubutwererane, Amb. Olivier Nduhungirehe, aho bari babanje gusura Sena y'u Rwanda, bakakirwa mu biro bya Perezida wa Sena y'u Rwanda, Kalinda Francois Xavier.

Aba Basenateri bagiriye uruzinduko mu Rwanda nyuma y'uko mu mpera za Kamena 2024, Itsinda ry'Abanyarwanda 40 ryagiriye uruzinduko muri Jordanie, mu rwego rwo kwigira kuri icyo gihugu no gushyiraho uburyo bw'imikoranire hagati y'impande zombi, mu nzego z'ubuzima, ubukerarugendo n'izin.

Icyo gihe iryo itsinda ryari riyobowe n'Umuyobozi w'Ishami ry'Ubukerarugendo mu Rwego rw'Igihugu rw'Iterambere, RDB, Rugwizangoga Michaella, ririmo abo mu rwego rw'ubukerarugendo mu Rwanda, abo mu rwego rw'ubuzima ndetse n'abo mu miryango ishingiye ku myemerere irimo amadini n'amatorero mu Rwanda.

Ibyo byose byabaye bishimangira uruzinduko rwa mbere Umwami Abdullah II wa Jordan, yagiriye mu Rwanda mu ntangiriro z'uyu mwaka wa 2024, rwari rugamije gushimangira umubano ukomeje gushinga imizi hagati y'ibihugu byombi.

Icyo gihe hanashyizwe umukono ku masezerano y'ubutwererane mu nzego zitandukanye zirimo ubuhinzi, ubukungu n'ubucuruzi ndetse n'ajyanye n'ubuzima n'ubuvuzi.

Uru ruzinduko kandi rwakurikiwe n'urwa Minisitiri w'Ubukerarugendo muri Jordan, Makram Mustafa A. Queisi, wasize atangaje ko Igihugu cye n'u Rwanda bigiye gushyiraho gahunda zihuriweho zo guteza imbere ubukerarugendo bushingiye ku muco, ubuvuzi n'imyemerere.

Jordanie n'u Rwanda ni ibihugu bifitanye umubano ukomeye ushingiye ku masezerano impande zombi zagiye zisinyana mu bihe byashize, arimo n'ayakuyeho ikiguzi cya Visa ku Banyarwanda bifuza kujya muri iki gihugu cyamamaye cyane kubera ubukerarugendo bwaho bushingiye ku duce nyaburaga n'amateka y'iki gihugu.

Iri tsinda ryaje riherekejwe na Ambasaderi w'u Rwanda muri Jordanie, Urujeni Bakuramutsa

Mu ruzinduko rwabo basuye n’Igicumbi Mpuzamahanga cya Serivisi z'Imari n'Amabanki cya Kigali (KIFC)

Yabitangarije I Nyamasheke ku wa 9 Kanama 2024, ubwo yatangizaga umwiherero w'iminsi itatu wahuje abapasiteri bose b'iri torero mu Rwanda.

Ni umwiherero umaze igihe utegurwa ariko ukaba wahuriranye n'uko Urwego rw'Igihugu Rushinzwe Imiyoborere RGB rufatanyije n'inzego z'ibanze bamaze igihe mu bugenzuzi bw'insengero, hakaba hamaze gufungwa izirenga 8600.

Mu nsengero zafunzwe mu zitujuje ibisabwa harimo n'iza Eglise Methodiste Libre mu Rwanda (EMLR).

Musenyeri Kayinamura yavuze ko mu ngamba bihaye mu 2017 harimo no kuvugurura insengero zikajyanishwa n'igihe kugira ngo abakirisito basengere ahantu heza. N'ubwo bimeze gutya ariko igenzura rya RGB n'inzego z'ibanze ryabaye mu gihe bari bagifite ibyo bagomba kunoza ari nabyo byatumye zimwe mu nsengero z'iri torero zifungwa.

Ati 'Mu cyerekezo twihaye harimo ko aho dukorera hose hagomba kuba hasa neza. Turakomeza kubikora kandi nta gushidikanya kuko inzego za Leta dukorana neza, aho bizajya bitungana tuzajya dukorana n'inzego za Leta tubabwire ngo twabitunganyije mudukingurire'.

Itorero Eglise Methodiste Libre mu Rwanda ryatangiriye I Kibogora mu 1942. Aho ryatangiriye ubu ni mu karere ka Nyamasheke mu Ntara y'Iburengerazuba.

Umuyobozi w'Akarere ka Nyamasheke, Mupenzi Narcisse waganirije abitabiriye uyu mwiherero yavuze ko itorero n'ubuyobozi bwa Leta bahuriye ku gukorera abaturage, kandi ko bombi icyo bifuriza umuturage ari imibereho myiza, iterambere no kuyoborwa neza.

Ati 'Ibyo dukora buriya ntabwo bitandukanye. Hari byinshi twagezeho nk'ubuyobozi bw'akarere tubikoranye n'iri torero hari n'ibyo ryagezeho tutabikoranye ariko byose biri mu cyerekezo kimwe'.

Meya Mupenzi yashimye uruhare rw'iri torero mu guteza imbere imibereho myiza y'abaturage binyuze mu bikorwa birimo kubishyurira ubwisungane mu kwivuza, ubuvuzi bahererwa ku bitaro bya Kibogora n'ibigo nderabuzima by'iri torero n'uburezi bufite ireme abana bakura mu mashuri y'iri torero.

Mu bindi akarere ka Nyamasheke gashimira iri torero harimo kuba karabashije kugabanya igwingira ry'abana rikava kuri 33% rikagera kuri 17%. Meya Mupenzi avuga ko bitari gushoboka iyo hatabamo uruhare rwa EMLR.

Itorero Eglise Methodiste Libre mu Rwanda rifite abakirisito barenga ibihumbi 520 babarizwa mu conference (diyoseze) 10 ziganje mu ntara y'Iburengerazuba.

Musenyeri Kayinamura wa EMRL yagaragaje ko kuba hari insengero zafungiwe ko zitujuje ibisabwa atari byacitse

Meya Mupenzi yashimye uruhare rwa EMLR mu iterambere ry’akarere ka Nyamasheke

Abapasiteri ba EMRL bafite insengero zafunzwe mu zitujuje ibisabwa basabwe gukora cyane bakuzuza ibisabwa bagafungurirwa, butyo abakirisito bagasengera ahantu heza

Perezida Kagame yabakiriye kuri uyu wa 09 Kanama 2024, nk'uko Ibiro by'Umukuru w'Igihugu, Village Urugwiro byabitangaje.

Perezida Kagame na Dr Kim baganiriye ku ngingo zitandukanye zishingiye ku gukomeza guteza imbere ubuvuzi bw'u Rwanda, iyo kaminuza ibigizemo uruhare runini.

Mu itangazo ryanyujijwe kuri X, Ibiro by'Umukuru w'Igihugu byakomeje biti 'Perezida Kagame na Dr Kim n'itsinda yari ayoboye baganiriye ku ngamba zo gukomeza gushimangira ubufatanye mu bijyanye na serivisi z'ubuvuzi n'ubushakashatsi.'

UGHE ni imwe muri Kaminuza zikomeye u Rwanda rufite kuko zitanga ubumenyi bugezweho bwo ku rwego bwa Kaminuza ya Harvard yo muri Leta Zunze Ubumwe za Amerika.

Impamvu ni uko gahunda y'imyigishirize n'uburyo amasomo atangwa muri izo kaminuza zombi ari bumwe ndetse n'abarimu bamwe ni abo muri iyo kaminuza yo hakurya y'amazi magari.

UGHE yafunguye imiryango mu Rwanda mu 2015 bigizwemo uruhare na Partners in Health, PIH, Umuryango wita ku buzima bikozwe na Dr Paul Farmer witabye Imana mu 2022.

PIH na yo yari yafashijwe n'imiryango nterankunga ya Cummings Foundation na Bill & Melinda Gates Foundation (y'umuherwe w'Umunyamerika, Bill Gates n'uwahoze ari umugore we Melinda Gates), na Leta y'u Rwanda by'umwihariko.

UGHE ifite ishami ry'i Kigali n'irya Butaro. By'umwihariko i Kigali hatangirwa amasomo y'icyiciro cya gatatu mu mitangire y'Ubuvuzi rusange (Global Health delivery).

Ishami rya Butaro ryatashywe na Perezida Kagame muri Mutarama 2019. Iyo Kaminuza ikaba inafite aho ihuriye bya hafi n'Ibitaro bya Butaro bizobereye mu bijyanye no kuvura kanseri.

Mu bihe bishize Ikigo kizobereye mu bijyanye n'uburezi cya Times Higher Education cyashyize UGHE ku mwanya wa munani muri Kaminuza zikomeye muri Afurika yo munsi y'Ubutayu bwa Sahara.

Hashize amezi atandatu UGHE iragijwe Prof. Philip Cotton wayoboye Kaminuza y'u Rwanda nk'umuyobozi wayo mushya, aho yatangiye inshingano ku wa 08 Mata 2024.

Ni umwanya Prof. Cotton yasimbuyemo Dr. Joel M. Mubiligi wagizwe Umuyobozi Mukuru ushinzwe ibijyanye no guhanga udushya n'igenamigambi muri Partners in Health.

Ubwo ku wa 04 Kanama 2024 UGHE yashyikirizaga impamyabushobozi abanyeshuri 54 baturuka mu bihugu 16 basoje amasomo y'icyiciro cya gatatu cya Kaminuza Dr Kim yashimangiye intego z'iyo kaminuza ku Isi.

Yatangaje ko igihe Dr Paul Farmer yamugezagaho igitekerezo cyo kubaka kaminuza yo ku rwego rw'Isi i Butaro mu gace k'icyaro, yabanje kumva bidashoboka ariko nyuma aza kwibuka ko intego yatumye iyi kaminuza ishingwa ari uguha serivisi z'ubuvuzi nziza ku bakene n'abababaye kurusha abandi.

Perezida Kagame asuhuzanya n’Umuyobozi w'Icyubahiro wa UGHE Dr. Jim Yong Kim

Perezida Kagame yakiriye Umuyobozi w'Icyubahiro wa UGHE Dr. Jim Yong Kim n’itsinda bari kumwe baganira ku iterambere ry’ubuvuzi mu Rwanda

Roots Rwanda, ikigo kimaze imyaka imyaka isaga umunani ku isoko ry'u Rwanda, aho cyatangiye gukorera ubucuruzi bw'ibikoresho by'ikoranabuhanga binyuze kuri interineti mu myaka ine ishize (Online Store).

Muri iri duka ni ho honyine ushobora kubona telefoni nziza, zigezweho kandi zihendutse, za mudasobwa zijyanye n’igihe kandi zizewe, ibikoresho byifashishwa mu gukina imikino ikinirwa kuri ikoranabuhanga, ibikoresho byo mu rugo, amasaha utabona ahandi ku giciro gito n’ibikoresho by’imodoka byizewe.

Si ibyo gusa, kuko muri Roots Rwanda banagufitiye imibavu ihumura neza ku giciro cyiza, imyambaro myiza kandi ku bantu bose, ibikoresho byifashishwa muri siporo mu rwego kugira ubuzima bwiza, ibikinisho by’abana, bagufasha kandi gutungura uwo ukunda mu buryo bwo kumugenera impano yihariye, n’ibindi byinshi byiza.

Akarusho ni uko ibyo uhashye ubigezwaho ku buntu kandi ukabibona ku munsi wabihahiyeho. Bafite uburyo bwo kwishyura kandi bwizewe, aho ushobora kwishyura amafaranga mu ntoki ukimara kwakira icyo watumije, ushobora kwihyura ukoresheje ikarita ya Banki, n’ubundi buryo ubwo ari bwo bwose wifuza wakwishyura aho waba uri hose ku isi ukoresheje Banki ya I&M, MOMO cyangwa ukishyura wifashishije Airtel.

Muri Roots Rwanda, buri gicuruzwa cyose gihabwa garanti mu rwego rwo kongerera icyizere abakiliya babo. Bakira neza ababagana kuko bafite abakozi babitojwe.

Iki kigo cyashinzwe na Muhammad Ali, Umuhinde umaze imyaka umunani mu bucuruzi bw'ibintu bitandukanye mu Rwanda, nyuma yo gushima isoko ryaho.

Avuga ko icyamusunikiye gukorera ku isoko ry'u Rwanda ari uko ari igihugu giha amahirwe abashoramari batandukanye kandi bagakora batekanye.

Ikindi cyamunyuze ni uburyo imyumvire y'Abanyarwanda igenda ihinduka ku bijyanye n'ubucuruzi bukorerwa kuri Internet.

Yigeze kuvuga ati: 'Twaje mu Rwanda mu myaka isaga umunani ishize, twahakoreye ibikorwa by'ubushabitsi bitandukanye. U Rwanda ni ahantu twabonye habereye ubucuruzi, abanyamahanga baba batekanye, uburyo igihugu kiyobowe ni byiza ndetse n'imyumvire iri kugenda ihinduka si nkambere.'

'Mbere wabonaga batizera ibintu bijyanye no kugura ibicuruzwa online ariko ubona ko byiyongereye cyane. Ibicuruzwa byacu tubikura ku ruganda rubikora tuba dufitanye amasezerano, niyo kigize ikibazo.'

Ibicuruza bya Roots Rwanda bitumizwa hanze y'u Rwanda ku nganda zikora ibyo bacuraza nka Apple n'izindi.

Ukeneye kwigerera ku iduka abasanga mu nyubako ya UTC imbere ya Simba Supermarket cyangwa ku rubuga rwabo www.rootsrwanda.rw.

Mu mafoto, ihere ijisho ubwiza bw’ibicuruzwa bya Roots Rwanda bihendutse kandi bijyanye n’igihe:

Umuyobozi wa Roots Rwanda, Miohammad Ali

Ubu ni uburyo bworoshye wakwishyuramo igicuruzwa cyose washimye muri Roots Rwanda

Rutahizamu wanditse izina mu Rwanda, Sugira Ernest yamaze gusinyira Kiyovu Sports yakiranwa urugwiro.

Ni mu muhango wo kwerekana abakinnyi Kiyovu Sports izakoresha mu mwaka w’imikino wa 2024-25 wabaye kuri uyu Gatanu tariki ya 9 Kanama 2024.

Mu bakinnyi berekanywe, Kiyovu Sports yatunguranye yerekana rutahizamu wabiciye mu makipe atandukanye yaba mu Rwanda ndetse no hanze ya rwo Sugira Ernest.

Ubwo uyu rutahizamu ukunze gutazirwa ‘Rutahizamu w’Abanyarwanda’ yahamagarwaga ngo yerekwe abakunzi ba Kiyovu Sports, yakiranywe amashyi menshi cyane bamwereka ko bamwishimiye.

Mu ijambo rye rito yababwiye abakunzi b’iyi kipe ko agiye kubaha ibyo afite.

Ati “Njyewe n’umutima wanjye ntabwo nari nzi igihe nzazira muri Kiyovu Sports, ndabashimira uko mwanyakiriye igihe ni iki ngo mbahe ibyo mfite byose.”

Uyu rutahizamu abajijwe niba yiteguye gutanga ibyo afite cyane ko ataherukaga mu kibuga, yagize ati “bizagaragarira mu kibuga.”

Sugira Ernest akaba yaherukaga mu kibuga muri 2022 ubwo yatandukanaga na Al Wahda yo Syria. Yakiniye amakipe atandukanye nka AS Muhanga, APR FC, AS Kigali, Rayon Sports na AS Vita Club yo muri DR Congo.

Iyi kipe kandi yemeje ko muri iri joro iri bwakire rutahizamu w’umugande Emmanuel Okwi uyiherikamo mu mwaka w’imikino wa 2021-22 akaba aje mu biganiro n’iyi kipe nibikunda arahita ayisinyira.

Sugira Ernest ni umukinnyi mushya wa Kiyovu Sports

Muhire Kevin wa Rayon Sports yahigitse Ruboneka Bosco wa APR FC na Ani Elijah wa Police FC maze yegukana igihembo cy’umukinnyi witwaye neza muri 2023-24.

Ni ibihembo byatanzwe kuri uyu wa Gatanu tariki ya 9 Kanama 2024 ku bufatanye na Gorilla Games na Shampiyona y’icyiciro cya mbere mu Rwanda (Rwanda Premier League).

Ibi bihembo bikaba byatanzwe hahembwe intoranywa muri zahize abandi muri shampiyona ya 2023-24 mu byiciro bitandukanye.

Muri rusange Shampiyona y’icyiciro cya mbere mu Rwanda na Gorilla Games bazahemba ibyiciro 17, birimo abatoza, abakinnyi n’abanyamakuru bahize abandi mu mwaka w’imikino wa 2023-24.

Gutora byakorewe kuri website ya Gorilla Games aho amajwi yari afite 10%, ku mbuga nkoranyambaga za Rwanda Premier League na Gorilla Games na yo yari afite 10% ni mu gihe akanama nkemurampaka kari gafite 80%.

Abatsinze ibitego byinshi

Aha ho nta matora yabaye kuko Ani Elijah wa kiniraga Bugesera FC ubu akaba ari muri Police FC na Victor Mbaoma wa APR FC bombi batsinze ibitego 15 muri shampiyona akaba ari bo batsinze ibitego byinshi. Buri umwe yahawe igikombe ariko ariko igihembo cya miliyoni 3 z’amafaranga y’u Rwanda bakiganye buri umwe ahabwa miliyoni n’igice.

Umutoza w’umwaka

Thierry Froger wa APR FC wegukanye shampiyona adatsinzwe, ni we wagitwaye ahigitse Sosthene Habimana wa Musanze FC na Ahfamia Lofti wa Mukura VS

Umukinnyi w’umwaka

Jean Bosco Ruboneka wa APR FC na Ani Elijah wa Bugesera FC batsinzwe na Muhire Kevin wa Rayon Sports wabaye umukinnyi w’umwaka.

Umunyezamu w’umwaka

Pavelh Ndzila wa APR FC ni we wegukanye iki gihembo ahigitse Nicolas Ssebwato wa Mukura VS na Nzeyurwanda Djihad wa Kiyovu Sports.

Umukinnyi mwiza ukiri muto (harebwe abari munsi y’imyaka 21)

Iki gihembo cyegukanywe na Elie Iradukunda (2006) wa Mukura VS, yari ahanganye na Pascal Iradukunda (2005) wa Rayon Sports na Daniel Muhoza (2006) wa Etoile del’Est.

Igitego cy’umwaka

Igitego Arsene Tuyisenge wa APR FC wakiniraga Rayon Sports yatsinze Muhazi United ni cyo cyegukanye igihembo. Yahigitse icya Muhoza Daniel / Etoile del’Est (Etoile del’EST vs Marines) n’icya Ishimwe Jean Rene (APR FC vs Marines)

Umunyamakuru w’umwaka w’umugabo, uri mu ibara ry’umukara ni we watsinze, abandi ni abo bari bahanganye

Sam Karenzi (Fine FM)
Reagan Rugaju (RBA)
Ephrem Kayiranga (Ishusho TV)
Claude Hitimana (Radio10)
Aime Niyibizi (Fine FM)
Thierry Kayishema (RBA)
Jean Luc Imfurayacu (B&B Kigali FM)
Rugangura Axel (RBA)

Umunyamakuru w’umwaka w’umugore, uri mu ibara ry’umukara ni we watsinze, abandi ni abo bari bahanganye

Rigoga Ruth (RBA)
Adelaide Ishimwe (TV10)

Ikiganiro cya Radio cy’umwaka, icyanditse mu ibara ry’umukara ni cyo cyatsinze, ibindi ni ibyo bari bahanganye

Urubuga rw’Imikino (RBA)
Urukiko (Radio10)
Urukiko rw’Ubujurire (Fine FM)
Sports Plateau (B&B FM)

Ikiganiro cya televiziyo cy’umwaka

Kickoff (RBA)
Bench ya Siporo (Isibo TV)
Zoom Sports (TV10)
I Sports (Ishusho TV)

Ikinyamakuru cyandika cy’umwaka

IGIHE
INYARWANDA
ISIMBI
The New Times
Rwanda Magazine

Muhire Kevin ni we wabaye umukinnyi wahize abandi

Muhadjiri na Clement baje mu ikipe y’umwaka

Ani Elijah na Victor Mbaoma ni bo batsinze ibitego byinshi

Abakinnyi bahawe ibihembo