Author: webrwanda

Perezida Emmerson Mnangagwa ari mu Rwanda aho yitabiriye ibirori by'Irahira rya Perezida wa Repubulika Paul Kagame watorewe kuyobora igihugu mu myaka itanu iri imbere.

Ibiro by'Umukuru w'Igihugu Village Urugwiro byagize biti 'Abakuru b'ibihugu bagaragaje umuhate uri mu kwagura imikoranire myiza hagati y'u Rwanda na Zimbabwe.'

Perezida wa Zibwabwe Emmerson Munangagwa yageze i Kigali ku mugoroba wo kuri uyu wa Gatandatu tariki ya 10 Kanama 2024 aho yitabiriye irahira rya mugenzi we Paul Kagame watorewe indi manda.

Perezida Munangagwa yakiriwe n'Umuyobozi w'Urwego rw'Igihugu rw'Iterambere RDB, Francis Gatare.

Umubano w'ibihugu byombi ku buyobozi bwa Paul Kagame na Munangagwa ntiwaranzwe n'inzinduko zo ku rwego rwo hejuru gusa, ahubwo habayemo n'isinywa ry'amasezerano y'ubufatanye arenga 26 afitiye inyungu abantu bacu mu nzego zitandukanye zirimo uburezi, ingufu, ubutabera, ubukungu, imibereho y'abaturage n'umuco.

Paul Kagame yagiranye ibiganiro na mugenzi we wa Zimbabwe Emmerson Mnangagwa

Perezida Emmerson Mnangagwa yitabiriye ibirori by’irahira rya Perezida Kagame

All Women Together (AWT) ni igiterane mpuzamahanga gitegurwa n’Umuryango Women Foundaton Ministries washinzwe ndetse ukaba uyoborwa na Apostle Mignonne Kabera. Ni igiterane gikomeye gihuriza hamwe Abagore bo mu bihugu bitandukanye ku Isi, mu nsanganyamatsiko ivuga ngo “Kuva mu gutsikamirwa tujya mu butsinzi” Zaburi 68:11.

All Women Together 2024 yabereye muri BK Arena, yitabirwa n’Abagore barenga ibihumbi icumi barimo Abadiyasipora 1,286 ubariyemo n'abagabo, baturutse mu bihugu hafi 50 birimo nka Leta Zunze Ubumwe za Amerika (USA), u Bwongereza, Poland, Kenya, Uganda, Cameroon, Leta Zunze Ubumwe z'Abarabu, DRC, Burundi, Canada, Ethiopia, u Bubiligi;

Suwede, u Budage, u Bushinwa, u Butaliyani, Mozambike, Australia, Congo Brazaville, Malawi, Mali, Senegal, Zambia, Austria, Misiri, Gabon, Ghana, u Buyapani. Nigeria, u Burusiya, Togo n'ibindi bihugu bitandukanye. Kandi bose bacumbikiwe na Women Foundation Ministries [WFM] muri Hoteli enye zikomeye muri Kigali.

All Women Together ku nshuro ya 12 yabaye tariki 06-09 Kanama 2024, ibera muri BK Arena, buri munsi kuva saa Kumi z’umugoroba kugeza saa Tatu z’ijoro. Ni bwo bwa mbere yabereye mu nyubako nini cyane yakira abarenga ibihumbi 10, kuko mu 2023 yabereye muri Kigali Convention Centre yitabirwa n’Abagore barenga ibihumbi bitanu.

Umushumba Mukuru wa Women Foundation Ministries ku Isi, Apotre Mignonne Kabera, Pastor Jessica Kayanja wo muri Uganda, Pastor Matthew Ashimolowo wo mu Bwongereza na Dr. Ipyana Kibona wo muri Tanzania bagabuye Ijambo ry’Imana, imitima ya benshi irahembuka. Ni igiterane cyaranzwe n’ubwitabire buhambaye kinatangirwamo ubuhamya bw’Ababyeyi babonye ukuboko kw’Imana.

Umuramyi Egbu Osinach Joseph [Sinach], nawe yahesheje umugisha abitabiriye, yerekwa urukundo rwinshi biramurenga dore ko yaririmbanye nabo umunota ku wundi mu gihe cy’isaha n’igice yamaze ku ruhimbi. Nyuma y’igiterane, yanyarukiye ku rukuta rwa Instagram akurikirwa n’abarenga Miliyoni 1.7, avuga ko yagiriye ibihe by’agahebuzo muri All Women Together. Yanditse ati “Mbega ijoro ryiza i Kigali, Yesu yahawe icyubahiro”.

Iki giterane cyatigishije Kigali!. Kuva gitangiye kuwa Kabiri, kugera gisojwe kuwa Gatanu, niyo nkuru yavugwaga cyane mu Isi y’Iyobokamana no ku mbuga nkoranyambaga kabone nubwo hari hari ibindi biterane binyuranye mu gihugu. Byonyine kumva ko abagore 1,286 bavuye i mahanga bakitabira igiterane mu Rwanda ni ibintu bidasanzwe. 

Si ibyo gusa ahubwo BK Arena yari yarimbishijwe bikomeye dore ko Uruhimbi [stage] rwari rwateguwemo ubusitani budasanzwe wagira ngo bwatemberagamo amahumezi y’Ikiyaga. Ibi byatumye bamwe mu babonye amafoto y’iki giterane batangara, ariko banashimira Women Foundation ‘ku bw’umuteguro w’akataraboneka’. Ibintu byose byari biri ku murongo, hari za Bus zitwara abitabiriye, Protocol yo ku rwego rwo hejuru n’ibindi.

Urubyiruko rwabonye ‘Ligne’ y’ahantu heza cyane ho kumvira amagambo y’Imana uri kumwe n’inshuti zawe, rubona impamba n’intwaro yo kunesha imihangayiko y’isi. Ni igiterane cyitabiriwe n’ingeri zose harimo n’ibyamamare nka Miss Nishimwe Naomie [Miss Rwanda 2020 na Miss Queen Kalimpinya wanagiwe umugisha wo kuyobora umunsi wa mbere wacyo wahuriranye n’Isabukuru ye y’amavuko.

Apostle Mignonne Kabera yashimiye buri wese witabiriye All Women Together 2024

Apostle Mignonne Kabera yashimiye ubuyobozi bw'u Rwanda by'umwihariko Perezida Paul Kagame ku bwo kuba yarubatse BK Arena yakirirwamo abashyitsi benshi, kandi akaba atuma Igihugu kirangwamo amahoro n'umutekano ku buryo cyaberamo ibikorwa bitandukanye nk'ibyo gusenga. Yamwise Nehemiya w’u Rwanda [Nehemiya avugwa muri Bibiliya]. 

Ati: 'Sinabura gushimira ubuyobozi bw'Igihugu cyacu, mumfashe tubyongere. Bibiliya iravuga ngo mwubahe Imana, mwubahe n'Umwami. Iyo bavuga Umwami baba bavuga umuyobozi w'igihugu. 'Mwubahe Imana n'Umwami', sinzi impamvu Bibiliya yabifashe ikabishyira hamwe, sinzi impamvu Ijambo ry'Imana ribyubaha rikabiha agaciro. Ngo mwubahe Imana mwubahe n'Umwami.'

Arakomeza ati: 'Nagize umugisha wo kujya muri Rwanda Day uyu mwaka, si bwo bwa mbere ariko nagiyeyo. Ni bwo numvise uriya mugabo Massai ari kuvuga icyerecyezo cya Nyakubahwa Paul Kagame ku bw'iyi nyubako ya Kigali BK Arena, avuga uburyo Nyakubahwa Perezida yicaye ahantu, agakora mu mutwe;

Baramubaza ngo kubaka ibintu nka biriya byose bifata iki? Arababwira ngo mujye kubinyigira ndabishaka, kuko yubatse BK Arena. Ntituri ahantu gusa, ahubwo turi ahantu hafite umuntu w'icyerekezo”. Uku ni ko yagereranyije Perezida Kagame na Nehemiya wongeye gusana inkuta (inkike) za Yerusalemu zari zarasenyutse. Ati: 'Ukuboko kw'Imana kwagiye kuri Nehemiya wacu [Perezida Kagame] abasha gusana Igihugu.

Apotre Mignonne yanashimiye Madamu Jeannette Kagame wanitabiriye iki giterane umwaka ushize, amusabira umugisha mwinshi ku Mana. Yabwiye Minisitiri wa Siporo Aurore Mimosa Munyangaju witabiriye iki giterane kubwira Madamu Jeannette Kagame ko bamukunda cyane, bakaba banamuhaye ikaze n’ubutaha kandi bizeye ko azagaruka kuko “turi abana be”.

Ku munsi wa nyuma w’iki giterane, Apostle Mignnone yavuze ko Imana yamuhishuriye ko hagiye kuba ubumwe bw’amatorero aho Abanyamadini bagiye gushyigikirana cyane, uteguye igikorwa runaka agashyigikirwa na bagenzi be. Yavuze ko yabonye mu iyerekwa amatorero atandukanye ashyiraho ingengabihe ya gahunda yo guhuriza hamwe amaboko. 

Yanakoze igikorwa gikomeye cy’ubuhanuzi, aho yasabye abagabo bitabiriye iki giterane guhaguruka bakaturwaho umugisha w’Imana. Yavuze ko abagabo nibakomera mu Mana, bizaba ibisubizo ku bagore na cyane ko mu masengesho yabo bahora basaba Imana kugirira neza abagabo babo. Pastor Gedeon Rudahunga ni we wayoboye iri sengesho.

Apotre Mignonne aherutse kubwira inyaRwanda ko Ijambo ry’Imana rikize ku bintu byose kuko rizana amahoro, gukira kw’imitima ndetse rikazana n’amafaranga. Avuga ko umugore umwe ashobora gutsikamirwa, ariko iyo ari hamwe na bagenzi be bahinduka abatsinzi. Ati “Igiterane All Women Together ni igiterane buri mugore ushaka kuba umutsinzi akeneye”.

Kuwa 11 Kanama 2023 ku munsi wa nyuma wa All Women Together AWT 2023, byari umunezero udasanzwe ubwo Madamu Jeannette Kagame yitabiraga iki giterane kimaze kubera umugisha abagore benshi cyane. Icyo gihe yashimiye uruhare rwa Women Foundation Ministries mu kuzamura ubushobozi bw'umugore. 

Yagize ati 'Ubwo u Rwanda rufite ba Nyampinga bangana namwe turahirwa. Ibikorwa bya Women Foundation Ministries, bifite uruhare rukomeye mu mibereho myiza n'iterambere ry'Umuryango nyarwanda. Iyo wubatse ubushobozi bw'Umugore uba wubatse umuryango bityo ukaba uteje imbere igihugu.'

Ati 'Ubutumwa mutanga busubiza imwe mu mirongo ngenderwaho y'igihugu. Ntako bisa gusoreza umunsi mu iteraniro nk'iri ry'abategarugori babereye Imana, bareye u Rwanda. Intego nyamukuru y'ubuzima bwacu ikwiye kuba urukundo. 

Urukundo ruturanga muri byose twange ikibi, duharanire kubaka aho gusenya maze tube rya tabaza rimurikira bose rikanirukana umwijima. Yohana 4:16 Haravuga ngo 'Imana ni urukundo, urukundo niryo shingiro rya byose, bityo tugomba kubiharanira nk’uko Bibiliya ibidutoza.'

“Nk'abakiristo bumva neza ijambo ry'Imana nta na hamwe Bibiliya ivuga ko ikinyuranyo cy'urukundo ari uwango ahubwo ahatari urukundo harangwa kenshi n'umwiryane, kwikuza, kutubaha kudaca bugufi no kutabasha kwishyira mu mwanya wa mugenzi wawe kandi ibi byose binyuranye n'icyo urukundo rw'Imana rusobanuye.''

Umushumba wa Women Foundation Ministries [WFM], Apostle Mignonne Kabera yahise aha impano umufasha w'umukuru w'igihugu, ku bw'isabukuru yagize ku wa 10 Kanama, anamushimira ko yemeye kwakira ubutumire bwa Women Foundation Ministries.

BK Arena yari yarimbishijwe bikomeye mu gihe cya All Women Together 2024

Apostle Mignonne Kabera akunze kuvuga ko ari ”umwa ADEPR udefirije”

TWINJIRE MU MUNSI WA KABIRI WA ALL WOMEN TOGETHER 2024

TUBANE KU MUNSI WA 3 W’IGITERANE ALL WOMEN TOGETHER 2024

Abo baturage basagariye Umunyamaba Nshingwabikorwa w'Umurenge wa Nyakiliba, Uwimana Vedaste, ubwo yari amaze gusenya inzu y'umuturage, bivugwa ko yubatswe mu buryo bunyuranyije n'amategeko.

Mu mashusho yashyizwe ku mbuga nkoranyambaga zitandukanye agaragaza Uwimana Vedaste ari gusenya iyo nzu y'umuturage, nyuma abaturage bakamwuka inabi harimo n'abari bagiye kumukupita.

Muri abo baturage kandi harimo abakoreshaga amagambo yuje uburakari arimo n'ibitutsi.

Umuyobozi w'Akarere ka Rubavu Mulindwa yabwiye IGIHE ko nyuma yo kubona ayo makuru baticaye ahubwo ku bufatanye n'izindi nzego batangiye gukurikirana ababigizemo uruhare.

Ati 'Icyemezo cyo gukuraho iyo nyubako ni wo murongo twari twatanze, nanjye naboye amashusho y'uko abaturage bashatse kwigumura ariko dusanga ikosa ryabaye ari uko gitifu yagiye atateguye izindi nzego kugira ngo zimufashe.'

Mulindwa yagaragaje ko hari abaturage batangiye gukurikiranwa kubera iyo myitwarire idakwiriye nubwo ngo hari abatarafatwa.

Ati 'Hari abari gukurikiranwa kuko ntabwo biriya twabibona ngo bigarukire aho, hari ababigizemo uruhare bari gukurikiranwa n'abandi batabonetse ariko ni igikorwa gikomeza.'

Yongeyeho ati 'Ntabwo aka kanya nzi abamaze gufatwa abo ari bo ariko mperuka ejo nimugoroba hamaze gufatwa babiri ariko sinzi uko uyu munsi bihagaze kuko iyo byagenze kuriya ntabwo biba bikiri ibyacu twenyine.'

Uyu muyobozi yasabye abandi bayobozi bo mu nzego z'ibanze gushyira imbaraga mu kugenzura ko abaturage bubaka bikurikije igishushanyombonera cy'Akarere ndetse no kubahiriza amategeko agenga imyubakire.

Yasabye abaturage b'Akarere ka Rubavu muri rusange kwitwararika no kubaka bikurikije amabwiriza birinda guca mu nzira za bugufi kuko ibihombo bitazabura ku bagarukaho.

Uyu mukobwa mu kiganiro yagiranye na IGIHE, yavuze ko yishimiye kuba yagize iyi myaka ndetse akaba ari gukabya inzozi z'ibyo yahoze abona bidashoboka.

Ati 'Uyu munsi ndishimye kuko nagize isabukuru ya kimwe cya kane cy'ikinyejana, hari icyo maze kugeraho mu buzima busanzwe no mu muziki. Ni ibintu narebaga nkabibona nk'ibibambye ariko uyu munsi biri kuba. Ni inzozi zabaye impamo ntabeshye.'

Bwiza avuga ko kubera ukuntu yagiye abona ibitangaza mu gihe yatangiriye umuziki mu buryo bw'umwuga, kuri we ibihe byagiye byihuta cyane mu buryo atakekaga mu buzima bwe. Ati 'Urebye uko natangiye umuziki nta cyizere ntabwo numvaga uyu munsi naba ndi aho ndi. Gusa, Imana nimfasha hari byinshi bizashoboka mu minsi iri imbere.'

Uyu mukobwa avuga ko hari byinshi yizera ko bigiye kuba, kubera ibyo yagezeho abifashijwemo n'Imana. Ati 'Imiziki myinsi iraje, kandi tugiye kurenga imbibi z'u Rwanda ni nayo mpamvu natangiye kuririmba mu ndimi zitari Ikinyarwanda mu ndirimbo zimwe.

Ubwo yizihizaga isabukuru, Bwiza yahawe impano na Onomo Hotel, MTN Rwanda, Visit Rwanda, Akagera Rhino Lodge na Savy Tour. Ibi bigo byamushimiye kuba ari umwe mu bahanzikazi bakora bahozaho kandi bikaba byifuza ko aba umufatanyabikorwa wabyo uhoraho.

Bwiza Emerance ukoresha izina rya 'Bwiza' mu muziki, yabaye uwa mbere watsinze irushanwa rya 'The Next Diva' rizajya ritegurwa buri myaka ibiri na KIKAC Music mu rwego rwo gushakisha impano z'abakobwa mu muziki.

Uyu mukobwa wujuje imyaka 25 yamuritswe na KIKAC Music Label ahuriyemo na Mico The Best ku wa 17 Nzeri 2021. Bivuze ko ari kwizihiza isabukuru ndetse n'imyaka ine amaze muri iyi nzu ifasha abahanzi.

Reba Ahazaza, indirimbo Bwiza aheruka gushyira hanze

Amashimwe Bwiza wizihije isabukuru

Ni ibirori bizabera muri Stade Amahoro ivuguruye, byitezwe ko bizitabirwa n'ibihumbi by'Abanyarwanda b'ingeri zose n'inshuti z'u Rwanda zizaba zavuye hirya no hino.

Umujyi wa Kigali watangaje ko umuhanda uva ku Kibuga cy'indege Mpuzamahanga cya Kigali – Giporoso – Chez Lando – BK Arena – RDB – KCC – Sopetrade – Peyaje -Serena Hotel uzaba uri gukoreshwa n'abashyitsi.

Hatangajwe ko kandi umuhanda wa University of Kigali- MINAGRI na wo uzaba wahariwe abashyitsi bazaba baje kwifatanya n'u Rwanda.

Umujyi wa Kigali watangaje ko abatwara ibinyabiziga bazakoresha imihanda itandukanye mu buryo bukurikira, kandi ko abashinzwe umutekano wo mu muhanda bazaba bahari ngo bayobore abaturage.

Kanombe Military – Mu itunda – Kabeza – Niboye – Sonatube – Rwandex -Kanogo – Kinamba – Nyabugogo / Mu Mujyi.

Kuri 12 – Kigali Parents school – BK Kimironko – Kibagabaga – Akabuga ka Nyarutarama – Kinamba – Nyabugogo/Mu Mujyi.

Gahanga – Kicukiro – Gatenga – Rwandex – Kanogo – Kinamba – Nyabugogo/Mu Mujyi.

Guhera mu 2003 ubwo habaga amatora ya mbere nyuma ya Jenoside yakorewe Abatutsi, Perezida Kagame amaze kurahira inshuro eshatu, bikabera muri Stade Amahoro. Inshuro zose Stade Amahoro yabaga yuzuye ku kigero gishoboka.

Mu 2003 Perezida Kagame yarahijwe na Siméon Rwagasore wari Perezida w'Urukiko rw'Ikirenga, hitabira abakuru b'ibihugu na za Guverinoma icyenda.

Mu 2010, Perezida Kagame yarahijwe na Aloysia Cyanzaire wari Perezida w'Urukiko rw'Ikirenga, hitabira abakuru b'ibihugu na za Guverinoma 16.

Ubwo Perezida Kagame yarahiraga mu 2017 hitabiriye abakuru b'ibihugu barenga 20, icyo gihe arahizwa na Prof. Sam Rugege wari Perezida w'Urukiko rw'Ikirenga.

Kuri iyi nshuro Perezida Kagame azarahizwa na Perezida w'Urukiko rw'Ikirenga, Dr. Ntezilyayo Faustin.

Kuri iki Cyumweru, hitezwe akarasisi ka gisirikare n'indi myiyereko izakorwa n'Ingabo z'igihugu. Hashize iminsi mu kirere cya Kigali hagaragara kajugujugu z'Ingabo z'u Rwanda ziri mu myiteguro y'uyu muhango ukomeye cyane.

Hatangajwe uko imihanda muri Kigali izakoreshwa ku munsi w'irahira rya Perezida Kagame

Iri rushanwa ryakinwe mu cyumweru gishize ryahuje abakinnyi bari hagati y'imyaka 17 na 19 tariki ya 1-3 Kanama, aho iyi sosiyete yari umuterankunga mukuru.

Muri iri rushanwa ry'iminsi itatu, Winner yahembaga umukinnyi unyaruka kurusha abandi ahatambika.

Umuyobozi Ushinzwe Iyamamazabikorwa muri Winner Rwanda, Gakwandi Aime Chris avuga ko bahisemo gutera ikunga imikino mu rwego rwo gusubiza ibyo babonye muri Sosiyete Nyarwanda.

Yagize ati 'Nubwo turi mu mikino y'amahirwe ariko intego zacu ni ukwifashisha amafaranga tuba twabonye mu bucuruzi tukongera kuyasubiza muri Sosiyete Nyarwanda mu bikorwa bitandukanye by'iterambere harimo nko gushyigikira imikino n'urubyiruko cyane cyane urwo mukino w'amagare kugira ngo urusheho gutera imbere.'

Winner ikomeje kwagura ibikorwa byayo birimo gufungura amashami atandukanye ndetse no kwagura uburyo bwinshi bwo gutega.

Gakwandi akomeza agira ati ' Mu mpera z'uyu mwaka turi muri gahunda yo gufungura andi mashami mashya. Turi muri gahunda kandi yo kuzana uburyo aho n'udafite internet ashobora kugera kuri serivisi za Winner Rwanda akaba yatega aho yaba ari hose, kuri telefoni yaba afite iyo ariyo yose”.

Kugeza ubu Winner Rwanda yisangije kwishyurira umusoro ungana na 15% uba watsinze nk'uko bisabwa n'amategeko.

Uretse imikino isanzwe abantu bakunze gutegaho, iyi sosiyete ifite indi ikunzwe cyane y'ibikubo byiza nka Aviator uzwi nk'akadege, Jet X n'indi myinshi.

Kuva muri Nyakanga 2023, Winner Rwanda yafungura imiryango yayo mu Rwanda imaze kugira amashami nka Nyabugogo, Kimironko, Kagugu, Giporoso na Kinamba. Si aho gusa kuko ushobora no gutega unyuze ku rubuga rwayo www.winner.rw

Nizeyimana Fiacre wa Benediction Club wahize abandi mu kunyonga igare ahatambika yahembwe na Winner Rwanda

Winner Rwanda yatangiye gushyigikira Siporo y’u Rwanda ihereye mu Mukino w’Amagare

Perezida Ramkalawan yasuye uru rwibutso kuri uyu wa Gatandatu tariki ya 10 Kanama 2024, aherekejwe na Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascene.

Umubano w'u Rwanda na Seychelles watangiye mu 2010 ugenda utera intambwe aho nko mu 2013 ibihugu byombi byasinyanye amasezerano y'ubutwererane mu nzego zirimo ukerarugendo, ikoranabuhanga uburezi, ubuhinzi, ishoramari, itumanaho n'ibindi ndetse hanashyirwaho komisiyo ihuriweho yo gukurikirana ishyirwa mu bikorwa ryayo.

Mu 2018 na bwo, ibihugu byombi byasinyanye andi amasezerano mu bijyanye n'ubwikorezi bwo mu kirere.

Uyu mubano warushijeho gutera intambwe mu 2023 ubwo Perezida Kagame na Madamu Jeanette Kagame bagiriraga uruzinduko muri Seychelles.

Ni uruzinduko rwanasinyiwemo andi maserano y'u bifatanye mu nzego zirimo ubuzima, igisirikare n'umutekano, iyubahirizwa ry'amategeko, ubuhinzi, ubukerarugendo ndetse n'ibijyanye no gukuraho visa.

Perezida wa Seychelles, Wavel Ramkalawan yunamiye abazize Jenoside Yakorewe Abatutsi baruhukiye mu Rwibutso rwa Jenoside rwa Kigali

Perezida wa Seychelles, Wavel Ramkalawan yasobanuriwe amateka yagejeje kuri Jenoside yakorewe Abatutsi mu 1994

Perezida wa Seychelles, Wavel Ramkalawan yaherekejwe na Minisitiri wa MINUBUMWE Dr. Bizimana

Uyu mukino uhuza ikipe yatwaye igikombe cya shampiyona n’iyatwaye igikombe cy’Amahoro, wakinwe kuri uyu wa Gatandatu Saa Cyenda kuri Kigali Pelé Stadium. 

Abakinnyi 11 ba APR FC babanje mu kibuga;

Pavelh Ndzila

Niyomugabo Claude

Niyigena Clement

Nshimiyimana Yunussu

Byiringiro Gilbert

Dushimimana Olivier

Ruboneka Bosco

Dauda Yussif

Niyibizi Ramadhan

Mugisha Gilbert

Mbaoma Victor

Abakinnyi 11 ba Police FC babanje mu kibuga;

Niyongira Patience (mu izamu)

Ashraf Mandela 

Nsabimana Eric

Ndizeye Samuel

Issah Yakubu 

Ngabonziza Pacifique 

Bigirimana Abedi 

Hakizimana Muhadjiri 

Akuki Jibrin 

Kilongozi Richard 

Ani Elijah 

Umukino watangiye ikipe ya Police FC ariyo iri hejuru ndetse ku munota wa 3 gusa yari ibonye uburyo buremereye ku mupira winjiranywe na Akuki, gusa bikarangira umucitse.

APR FC yakomeje gukina ubona ihuzagurika bigatuma Police FC ibona uburyo bwinshi imbere y’izamu nk’aho yabonye kufura nziza ku ikosa Dauda Yussif yakoreye Ani Elijah maze iterwa na Hakizimana Muhadjiri ariko birangira Pavelh Ndzira ashyize umupira muri koroneri.

Bigeze mu minota 25 ikipe y’Ingabo z’igihugu nayo yatangiye gukina neza binyuze ku bakinnyi ba Police FC batakazaga imipira.

Ku munota wa 31 yabonye kufura nziza yari iteretse inyuma y’urubuga rw’amahina ku ikosa Ndizeye Samuel yakoreye Victor Mbaoma maze iterwa na Niyibizi Ramadhan birangira ba myugariro ba Police FC bashyize umupira muri koroneri.

Mbere yuko igice cya mbere kirangira, Police FC yongeye gusatira cyane ariko gufungura amazamu birananirana, bituma amakipe yombi ajya mu karuhuko bikiri 0-0.

Mu gice cya kabiri, APR FC yaje isatira cyane nk’aho ku munota wa 51 Dushimimana Olivier yahinduye umupira mwiza imbere y’izamu, gusa Victor Mbaoma agerageje kuwukina uramucika.

Ikipe y’Ingabo z’igihugu yakomeje gukina isatira ariko kuba yatereka umupira mu nshundura bikaba ari byo biba ibibazo. Ku munota wa 67 umutoza wayo yakoze impinduka mu kibuga havamo Victor Mbaoma na Mugisha Gilbert hajyamo Mahamadou Sy na Richmond Lamptey.

Ku munota wa 73 Police FC yasaga nk’aho yabuze mu gice cya kabiri, yabonye uburyo imbere y’izamu ku ishoti ryari rirekuwe na Iradukunda Semeon gusa rifatwa n’umunyezamu wa APR FC.

Mashamami Vincent wa Police FC na Darko Novic wa APR FC bakoze impinduka mu kibuga bagira ngo barebe ko igitego cyaboneka ariko bikomeza kugorana.

Iminota 90 y’umukino yarangiye amakipe yombi akinganya 0-0 bituma hitabazwa penariti.

Kuri penariti ikipe ya Police FC yinjije penariti 6 kuri 5 za APR FC ihita yegukana igikombe cya Super Cup ya 2024.

Iki ni igikombe cya 2 ikipe ya APR FC irase yageze ku mukino wa nyuma itsindiwe kuri penariti nyuma yuko no muri  CECAFA Kagame Cup byagenze gutya.

Uko penariti zatewe 

Police FC ishyikirizwa igikombe cya Super Cup yegukanye 

Umunyezamu wa Police FC,Niyongira Patience yateruwe nyuma yuko akuyemo penariti 2

Niyongira Patience yafashije Police FC akuramo penariti 2 z’abakinnyi ba APR FC 

Abakinnyi 11 ba APR FC babanje mu kibuga 

Abakinnyi 11 ba Police FC babanje mu kibuga 

Dushimimana Olivier ‘Muzungu’ ahanganye na Nsabimana Eric Zidane 

Mbere yuko umukino utangira ba kapiteni bo kumpande zombi babanje kugira ibyo bavugaho n’abasifuzi

Akuki wa Police FC agerageza gucenga Dushimimana Olivier 

Ubwo igikombe cya Super Cup cyazanwaga muri Kigali Pelé Stadium mbere yuko umukino utangira 

Abafana ba APR FC bari babukereye, gusa byarangiye badatwaye igikombe bari bizeye

AMAFOTO: Ngabo Serge-InyaRwanda 

Si ubwa mbere uyu mukobwa asuye ibyiza nyaburuganga bitatse u Rwanda, kuko muri Werurwe 2023 ari kumwe n'abarimo Junior Giti, Chriss Eazy, Salma Mukansanga bitabiriye irushanwa Nyungwe Marathon.

Yizihije isabukuru y'amavuko y'imyaka 25 kuri uyu wa Gatanu tariki 10 Kamena 2024. Ni isabukuru idasanzwe mu rugendo rwe rw'ubuzima n'umuziki, kuko yahuriranye n'iminsi micye ishize agizwe 'Brand Ambassadors' wa Sosiyete ya MTN.

Ni amasezerano bazakorana mu gihe cy'umwaka umwe. Mu butumwa bwo kuri X, ubuyobozi bwa MTN bwifurije Bwiza kunogerwa n'umunsi we w'amavuko.

Amashusho uyu mukobwa yashyize hanze, amugaragaza ari kumwe n'inshuti ze ndetse na Hoteli yacumbikiwemo n'abo mu muryango be bakata umutsima.

Parike y'Akagera ni agace kari mu burasirazuba bw’u Rwanda gafite kilometero 1,122 (433 sq metre) ku mupaka mpuzamahanga na Tanzaniya.

Umubare munini w'inyamaswa z'inyamabere ziri muri iyi Pariki wiyongereye kuva mu 2010, uva ku nyamaswa 4000 mu 2010 ugera ku 13.500 muri 2018.

Bwiza ni imfura mu muryango w'abana bane, mu bakobwa babiri n'abahungu babiri. Abana na Nyina na Se mu Mujyi wa Nyamata mu Karere ka Bugesera mu Ntara y'Uburasirazuba.

Yavukiye i Gitarama, mu Karere ka Muhanga mu Ntara y'Amajyepfo, umuryango uza kwimukira i Kigali nyuma bajya gutura i Nyamata.

Amashuri abanza yize kuri Kigali Harvest ku Kimihurura. Igihimba rusange (O Level, Tronc Commun), yize kuri Saint Joseph amaze gufata ishami ryo kwiga (A Level) yize kuri Saint Bernadette mu Karere ka Gisagara, asoreza ayisumbuye kuri Saint Aloys mu Karere ka Rwamagana mu Burasirazuba bw'u Rwanda.

Yakuze akunda umuziki ahanini biturutse ku kuba yarajyanaga n'ababyeyi be mu rusengero akishimira uko baririmba. Uko yigiraga hejuru mu myaka ni nako yajyaga kuririmba muri korali zitandukanye zirimo iz'abana arabikomeza kugeza n'ubu.

Uyu mukobwa yaririmbye muri korali kuva ku myaka 8 y'amavuko, ku buryo atazibuka neza amazina. 

Yakuranye inzozi zo gukora umuziki mu buryo bw'umwuga, ku buryo mu bihe bitandukanye yagiye agerageza kwinjira mu muziki ntibikunde. Yajyaga aririmba mu birori byo ku ishuri ari kumwe n'inshuti ze, mu birori bye 'akabikunda cyane ku buryo numvaga igihe nikigera nkabona aho kwerekanira ikindimo nzagerageza'.

 

 

Bwiza ari mu byishimo bikomeye nyuma y’uko ‘Visit Rwanda’ imufashije kwizihiza isabukuru y’amavuko 

Bwiza yizihije isabukuru mu gihe aherutse kugirwa ‘Brand Ambassador’ wa MTN 

Bwiza ari muri Parike y’Akagera n’abo mu muryango we 

KANDA HANO UREBE AMASHUSHO Y’INDIRIMBO ‘AHAZAZA’ Y’UMUHANZIKAZI BWIZA

“>