Author: webrwanda

King James ari ku rutonde rw’abahanzi bafite Album nyinshi n’indirimbo nyinshi nyuma y’abarimo Massamba Intore, Uwitonze Clementine [Tonzi], Butera Knowless n’abandi.

Mu myaka irenga 15 ishize ari mu muziki yahohojejeho ku buryo na n’uyu munsi umubare w’abakunzi b’ibihangano bye ugenda wiyongera. Ni umwe mu baririmbye mu bikorwa byo kwamamaza Perezida Paul Kagame byageze mu Ntara zitandukanye, ndetse yishimirwaga mu buryo bukomeye.

Yabwiye InyaRwanda ko mu gihe ari kwitegura gushyira hanze imbumbe y’indirimbo zigize Album ye nshya yahisemo kuba ashyize hanze iyi ndirimbo ‘Ride or Die’ mu rwego rwo kuticisha irungu abakunzi be.

Ati “Navuga ko muri iyi ndirimbo naririmbye ku nkuru isanzwe, kandi nayo iri kuri Album yanjye. Ni ubuzima busanzwe ariko bwiganjemo urukundo nk’ibisanzwe nk’uko nkunda kuririmba n’ubundi kuri iyi ngingo.”

King James yavuze ko hari ibyo akiri kunoza kuri iyi Album bituma bituma atahita atangaza mu buryo bweruye isohoka ry’iyi Album. Ati “Ndacyakoraho ibya nyuma, reka mbanze mbibone neza, nibwo nzatangaza igihe.”

Yavuze ko hari abahanzi bakoranye indirimbo kuri iyi Album ye n’abandi bakiri mu biganiro bagomba kuzajyaho. Ati “Abahanzi bariho, hari n’abo tukiri kubinoza sinahita mbatangaza aka kanya.”

Muri iyi ndirimbo ye nshya hari aho King James agira ati 'Niba hari amahirwe nagize mu buzima ni umunsi nkubona. Niba hari umunsi uzagera nkakubura uwo ndawuvumye. Kuko naranyuzwe.”

King James avuga ko Album ye ari kuyikoraho abifashijwemo na ba Producer bamaze igihe kinini mu muziki ndetse na ba Producer bo muri iki gihe. Ati 'Ni album izafata ibisekuru byombi, kandi ndizera abantu bazanogerwa.' 

Uyu muhanzi atangaje ko ageze kuri 80% ategura album ya munani, mu gihe aherutse kugaragara kuri album ya Juno Kizigenza aho bakoranye indirimbo yitwa 'You'.

King James yatangaje umushinga wa album ye ya munani, nyuma y'uko ashyize ku isoko album ya karindwi yise 'Ubushobozi' iriho indirimbo yakoranye n'abahanzi banyuranye ndetse n'ize bwite.

Ni album yacuruje ku rubuga rwa Zana Talent yashinze, kandi yamwinjirije arenga Miliyoni 60 Frw.

King James yasohoye indirimbo yise 'Ride or Die' iri mu zigize Album ye ya munani

King James yavuze ko yifashishije abahanzi banyuranye kuri iyi Album ye nshya 

King James avuga ko Album ye iriho indirimbo zigaruka ku ngingo zinyuranye

KANDA HANO UBASHE KUMVA INDIRIMBO 'RIDEO R DIE' YA KING JAMES

“>

Ni mu mikino yakinwe kuri uyu wa Kabiri taliki ya 22 Ukwakira 2024.Umukino wari utegerejwe n’abenshi ni uwo ikipe ya Real Madrid yari yakiriyemo Borussia Dortmund kuri Santiago Bernabeu Saa tatu z’ijoro.

Uyu mukino watangiye ikipe ya Real Madrid ihererekanya umupira neza gusa abakinnyi bayo nka Kylian Mbappé na Vinicius Junior bagashaka uko bagerageza uburyo imbere y’izamu nti bibakundire.

Mu minota 18 ikipe ya Borussia Dortmund nayo yatangiye kwinjira mu mukino ihererekanya neza umupira gusa kubana aho yamenera ngo igere imbere y’izamu bikaba ikibazo.

Ku munota wa 30 iyi kipe yo mu gihugu cy’u Budage yafunguye amazamu ku gitego cyari gitsinzwe na Donyell Malen ahawe umupira na Serhou Guirassy.

Ba myugariro b’ikipe ya Real Madrid bakomeje gukina barangaye maze bidatinze ku munota wa 34 Borussia Dortmund yongera kubakosora itsinda igitego cya 2 gitsinzwe na Jamie Gittens ku mupira yarahawe na Donyell Malen.

Nyuma yo gutsindwa Real Madrid yasatiriye cyane ishaka uko nayo yanyeganyeza inshundura ndetse binashoboka nkaho Jude Bellingham yarekuye ishoti riremereye gusa kubw’amahirwe macye rigakubita igiti cy’izamu.

Amakipe yombi yagiye kuruhuka Borussia Dortmund ikiyoboye n’ibitego 2-0. Mu gice cya kabiri abasore ba Real Madrid bari barangajwe mbere na Vinicius Junior, Bellingham na Kylian Mbappé bari bayoboye abandi mu gice cy’ubusatirizi baje bashaka uko bakwishyura gusa bigakomeza kugorana.

Ku munota wa 60 Antonio Rudiger yaje kukibona akoresheje umutwe ku mupira waruzamuwe neza na Kylian Mbappé. Bidatinze ku munota s 63 Real Madrid yahise ibona igitego cya 2 gitsinzwe na Vinicius Junior .

Ku munota wa 83 Lucas Vasquez yatsinze igitego cya gatatu naho kuwa 86 Vinicius Junior yatsinze igitego cya 3 ku mupira yari akuye inyuma acenga aragenda ageze imbere y’izamu arekura ishoti riremereye riruhukira mu nshundura. 

Mbere yuko umukino urangira Umunya-Brazil, Vinicius Junior yongeye gutsinda igitego kuba icya gatatu cye muri uyu mukino naho kiba icya 5 cya Real Madrid kuri 2 bya Borussia Dortmund.

Indi mikino yari yabaye Saa kumi nebyiri kipe ya AC Milan yo mu Butaliyani yari yakiriye Club Brugge yo mu Bubiligi kuri San Siro yayitsinze ibitego 3-1 naho AS Monaco yo mu Bufaransa yari yakiriye ikipe ya FK Crevena Zvezda yo muri Serbian kuri Stade Louis II,Monaco yayitsinze ibitego 5-1.

Saa tatu z’ijoro ikipe ya Arsenal yo mu gihugu cy’u Bwongereza yari yakiriye ikipe ya Shakhtar Donetsk yo muri Ukraine kuri Emirates Stadium ikaba yayitsinze 1-0 ,Aston Villa yo mu Bwongereza yari yakiriye Bologna yo mu Butaliyani kuri Villa Park yayitsinze ibitego 2-9 , VFB Stuttgart yo mu Budage yari yakiriwe na Juventus yo mu Butaliyani kuri Allianz Stadium yayitsinze igitego 1-0 naho ikipe ya Paris Saint-Germain yo mu Bufaransa yari yakiriye PSV Eindhoven yo mu Buhorandi kuri Parc des Princes banganya igitego 1-1.

Ku munsi wejo kuwa Gatatu imikino ya UEFA Champions League izakomeza aho Saa kumi nebyiri n’iminota 45 ikipe ya Atlanta yo mu Butaliyani izakira Celtic yo muri Scotland kuri Gewiss Stadium naho Brest yo mu Bufaransa izakire Bayer Leverkusen yo mu Budage kuri Stade du Roudourou.

Saa tatu z’ijoro ikipe ya Atletico Madrid yo mu Bufaransa izakira Lille yo mu Bufaransa kuri Civitas Metropolitano naho ikipe ya FC Barcelona yakire umwanzi wayo FC Bayern Munich kuri Estadio Olimpico Lluis Companys. 

Ikipe ya FC Bayern Munich isanzwe ari umwanzi as FC Barcelona bijyanye nuko buri gihe aho bahuriye iyitsinda ndetse abantu bakaba batibagirwa igihe yayinyagiraga ibitego 8 -2 muri 1/4 cya UEFA Champions League ya 2020.

Kuri izi Saha kandi ikipe ya Benfica yo muri Portugal izakira Feyenoord yo mu Buhorandi kuri Estádio do Sport Lisboa e Benfica, Manchester City yo mu Bwongereza izakire Sparta Prague yo muri Czech Republic kuri Etihad Stadium naho RB Leipzig yo mu Budage izakire Liverpool yo mu Bwongereza kuri Red Bull Arena Leipzig.

Ikipe ya RB Salzburg yo muri Australia kandi izakira Dinamo Zagreb yo muri Croatia kuri Red Bull Arena Salzburg naho Young Boys yo mu Busuwisi izakire Inter Milan yo mu Budage kuri Wankdorf Stadium.

Vinicius Junior wafashije Real Madrid gusubirana inyuma Borussia Dortmund 

Iki Kigo giherereye mu Karere ka Musanze mu Murenge wa Cyuve kizita ku gutanga ubumenyi ku bayobozi, abagore n'urubyiruko hagamijwe kubafasha mu kwiteza imbere mu bukungu no kububakira ubushobozi mu byo bakora muri rusange.

Ni igitekerezo cyaturutse ku Munyarwanda Dr. Faustin Ntamushobora wabaye muri Leta Zunze Ubumwe za Amerika akaba n'Umuyobozi Mukuru wa 'Transformation Leadership in Africa' ifite Icyicaro Gikuru muri Leta ya California ariko ikaba ikorera mu bihugu bya Repubulika Iharanira Demokarasi ya Congo, Kenya n'u Rwanda.

Ni igitekerezo cyaje nyuma yo kubona ko amatorero ashyira imbaraga mu nyigisho zigaruka ku kujya mu Ijuru ariko ntashyire imbaraga mu kwigisha abantu ibijyanye no guteza imbere aho batuye. Iki kigo kizagira uruhare mu gutegura abayobozi b'amatorero ku buryo bashobora kwigisha inyigisho za gikirisitu ariko zikajyana no kwiteza imbere mu buzima busanzwe.

Mu kiganiro yagiranye na IGIHE, Dr. Faustin Ntamushobora yagize ati “Tugiye gukomeza ibyo dusanzwe dukora mu guhugura abayobozi no kubashoboza mu buryo bw'ubukungu, kandi dufite za gahunda zo gufasha abagore kugira ngo babashe kugera ku mishinga ibateza imbere, bafashe imiryango yabo.”

Yongeyeho ati “Dufite umushinga wo gufasha urubyiruko n'abana. Hano niho tuzajya tubahugurira mbere y'uko bahabwa ubushobozi bw'amafaranga kugira ngo abashe kwiteza imbere.”

Yagaragaje ko hari na gahunda yo gutangiza kaminuza, ati “Dufite na gahunda yo gutangiza kaminuza kugira ngo Abanyarwanda n'abandi muri Afurika babashe kwiga ubumenyi n'ikoranabuhanga ariko bakunda Imana kuko dukeneye abantu batekereza neza, ariko bafite n'umutima ukunda abantu.”

Dr. Ntamushobora yakomeje ashimira ubuyobozi bwa Leta y'u Rwanda kuko bwabafashije ndetse bubagira inama mu kunoza ibyo bakora.

Ati “Turashimira ubuyobozi ko bwakomeje kutuba hafi mu bujyanama, turashimira n'abafatanyabikorwa bacu. Icyo dusaba abaturage ni ukutugana tugafatanya kandi natwe tuzakomeza kubashyira imbere mu bikorwa bibateza imbere.”

Umuyobozi w'Intara y'Amajyaruguru, Mugabowagahunde Maurice, yashimiye abagize igitekerezo cyo gushinga iki Kigo kuko kigamije guhindura ubuzima n'imibereho by'abaturage, abizeza ubufatanye aho buzakenerwa hose kugira ngo ibyo byose bizagerweho.

Ati “Iki ni igikorwa twishimira cyane kuko kigamije guhindura ubuzima n'imibereho by'abaturage muri rusange. Turashishikariza abaturage bacu kudacikwa n'aya mahirwe kandi natwe nk'ubuyobozi, tuzakomeza gufatanya n'aba bagishinze kugira ngo icyo cyubakiwe kigerweho.”

Mu ibarura rusange ry'abaturage ryabaye mu 2022, ryerekanye ko Abanyarwanda bari 13,246,394. Muri aba baturage bose, 48,5% ni abagabo, naho 51,5% ni abagore mu gihe urubyiruko rurenga 65% ari ho Leta ihera ishyira imbaraga muri gahunda ziteza imbere abagore n'urubyiruko.

Iki kigo cyitezweho kuzatanga umusaruro mwiza mu guteza imbere abayobozi, urubyiruko n’abagore

Ikigo cya TL Rwanda Conference Center kitezweho kugira uruhare mu guhugura abayobozi, abagore n’urubyiruko mu rwego rwo kwiteza imbere

Urukiko rwa gisirikare rwabaciriye urubanza ruvuga ko ibyaha bashinjwa babikoze hagati y'ukwezi kwa cumi na kumwe ko mu 2020 no mu kwa gatanu ko mu 2021, igihe Uganda yari mu matora.

Muri uru rubanza urukiko rwavuze ko hari n'abandi bari muri ino dosiye ubuahinjacyaha bugishakisha kuko batorotse igihugu.

Uko ari 16 bose bemeye ibyaha bashinjwa. Me Shamim Malende ubaburanira yabwiye ibiro ntaramakuru ry'Abafaransa, AFP, ati: 'Ntibyumvikana uburyo bakwemera ibyaha bari barahakanye urubanza rugitangira.'

Bobi Wine uyobora iri shyka rya NUP, utavuga rumwe n'ubugetsi bwa Uganda nawe yemeza ko abarwanashyaka be batewe ubwoba n'ubutegetsi bwabategetse kwemera ibyaha bashinjwa no kwandika basaba imbabazi umukuru w'igihugu.

Nta munyamakuru n'umwe wigeze yemererwa kwinjira aho baburaniye. Biteganijwe ko ejo ku wa gatatu bajya imbere y'ubutbera kugira babwirwe urubanza baciriwe. Uko ari 16, baburanye nyuma y'imyaka ine bari bamaze muri kasho.

Iri shuri ryafunguwe kuri uyu wa Kabiri tariki 22 Ukwakira 2024, rifungurwa mu karere ka Nyarugenge mu mujyi wa Kigali.

Iri shuri ryafunguwe nyuma y'ishyirwaho ry'Itegeko rishya rigenga gutwara abantu n'ibintu ku butaka no mu mazi, aho ingingo yaryo ya 32 ivuga ko umuyobozi w'ikinyabiziga wifuza gukora umurimo wo gutwara abantu cyangwa ibintu, agomba kuba abifitiye impamyabushobozi y'umwuga.

Ingingo ya 163 ivuga ko ukora uwo murimo nta mpamyabushobozi y'umwuga afite, ahanishwa ihazabu yo mu rwego rw'ubutegetsi ya 50.000 Frw.

Umuyobozi wa ATPR, Mwunguzi Théoneste, yavuze ko bahisemo gufungura iryo shuri kugira ngo bubahirize ibyo iryo tegeko risaba, no kurushaho guteza imbere serivisi batanga mu bijyanye no gutwara abagenzi.

Ati 'Iyo turebye dusanga 70% y'abashoferi dufite bose barengeje imyaka 50, bisobanuye ko mu gihe kiri imbere bazajya muri pansiyo. Tugomba gutegura abazabasimbura.'

'Ubushize ubwo hazaga bisi nshya 200, twararebye dusanga ntabwo hari haratekerejwe ko hakenewe abashoferi b'inyongera. Ubundi mu mwuga wacu, imodoka ebyiri ziba zigomba kugira abashoferi batatu. Hari hakenewe abashoferi 300 muri za modoka 200. Twaragerageje dushaka abashoferi hirya no hino ariko byaratugoye.'

Mwunguzi kandi yavuze ko imyitwarire y'abashoferi bamwe na bamwe na yo yakunze kuvugwa ko itari myiza, ahanini bigaterwa n'uko nta mahugurwa bahawe ahagije.

Ati 'Iyo urebye isuku y'umushoferi dufite uyu munsi, iyo urebye amakosa agenda akora, iyo urebye ubujura bubamo natwe bukaduhombya, ibyo twari twaragiye twibagirwa nibyo bije gukemurwa.'

Umuyobozi Ushinzwe imfashanyigisho z'amasomo y'ubumenyingiro mu Kigo cy'Igihugu gishinzwe Imyuga n'Ubumenyingiro (RTB), Rwamasirabo Aimable, yavuze ko iri shuri ryafunguwe baryitezeho byinshi.

Ati 'Iri shuri rigiye guhugura umushoferi ujyanye n'igihe mu bijyanye n'imyifatire. Ubumenyi basanzwe babufite ariko icyaburaga ni imyifatire. Bahura n'abantu benshi, ku buryo imyitwarire yabo ikwiriye kuba myiza kurushaho'.

Muvara Valens, Umushoferi wa City Express uri mu batangiranye n'iri shuri, yavuze ko yishimiye ko mu nteganyanyigisho bazahabwa harimo n'indimi, bikazaborohereza mu kazi.

Mukarugwiza Eugenie, umushoferi umazemo imyaka itanu na we yavuze ko iri shuri aryitezeho kubafasha mu bijyanye n'ubumenyi mu by'ibinyabiziga batwara.

Ati 'Hari nk'umuntu watwaraga nk'ibinyabiziga ugasanga ageze mu nzira imodoka imuzimiyeho ariko ntabashe kwirwanaho, agahamagara umukanishi. Hari byinshi aha tuzabasha kwigiramo nko kuba wabasha gukanika utuntu tworoheje no gutanga serivisi nziza.'

Kugeza ubu mu Rwanda habarizwa abashoferi batwara abagenzi mu buryo bwa rusange basaga igihumbi. Iri shuri ritangiranye abanyeshuri 120 ariko ATPR ivuga ko bazagenda biyongera, dore ko icyiciro kimwe kizajya kimara amezi atatu.

Aha abayobozi basobanurirwaga uko kwigisha bizajya bikorwa

Iri shuri rizaba rifite ubushobozi bwo kwigisha abasanzwe ari abashoferi b’imodoka zitwara abagenzi

Abayobozi bo mu nzego zitandukanye bari bitabiriye

Umuyobozi wa ATPR, Mwunguzi yavuze ko iri shuri baryitezeho gukemura ibibazo byakundaga kugaragara mu byo gutwara abagenzi

Iri shuri ryafunguwe rizatangirana n’abanyeshuri 120

Bamwe mu bashoferi bagiye gutangirana n’iri shuri

ATPR ivuga ko ishaka guhugura umushoferi ujyanye n’igihe

Raporo Umuvunyi Mukuru yagejeje ku Nteko Ishinga Amategeko imitwe yombi kuri uyu wa 22 Ukwakira 2024, igaragaza ibikorwa byakozwe mu mwaka wa 2023/2024 n'ibiteganyijwe mu 2024/2025 aho igaragaza ko ibibazo bakiriye birimo 8% birebana n'imitungo itari ubutaka mu gihe 7% ari ibibazo bijyanye no kwimura abantu mu nyungu rusange.

Umuvunyi Mukuru, Nirere Madeliene, yatangaje ko hari amadosiye 165.769 ajyanye n'ibibazo byo kwimura abantu ku nyungu rusange yabaruwe, mu gihe ayakorewe igenagaciro arenga ibihumbi 163, na ho iyishyuwe ari ibihumbi 121 afite imitungo ifite agaciro ka miliyari zisaga 76,3 Frw.

Ati 'Iyo turebye uyu mwaka dusanga hari intambwe yatewe nubwo ibibazo bigihari kuko mu myaka yashize byarengaga miliyari 100 frw zitarishyurwa, tukaba tunasaba ko n'izi zakwishyurwa kuko umuturage aba akeneye amafaranga ku bikorwa byangijwe.'

Muri rusange ibibazo urwego rw'Umuvunyi rwakiriye byiganjemo iby'ubutaka byihariye 29%, ibyerekeye imibereho myiza bingana na 16% mu gihe ibirebana n'imanza zitararangizwa bingana na 10%.

Kugeza ubu hari arenga miliyoni 806 Frw y'ingurane ku mitungo y'abaturage yangijwe hubakwa ibikorwaremezo bitandukanye, birimo amashuri, imihanda, amashanyarazi, amazi n'ibindi abaturage bakaba batarishyurwa.

Uturere tw'imijyi ni two dufite ibibazo byinshi muri rusange kuko akarere ka Gasabo kihariye 25% by'ibibazo byose, Rubavu ikagira 16% mu gihe Kicukiro ifite ibingana na 13%.

Umuvunyi Mukuru Nirere Madeleine yagaragaje ko abaturage baberewemo amafaranga y’ingurane y’ibyangijwe bakwiye kwishyurwa vuba

Yagejeje raporo ku Nteko Ishinga Amategeko imitwe yombi

Amafoto: Ingabire Nicole

Kuri uyu wa Mbere umukino wahuzaga AS Kigali na Vision FC wageze ku munota wa 90 As Kigali iri imbere n'ibitego bibiri kuri kimwe cya Vision. 

Ku munota wa 90 ubwo Vision yatakaga bikomeye izamu rya AS Kigali, rutahizamu wayo Onesme yarekuye ishoti mu izamu rya AS Kigali, ubwo ryari ryamaze kurenga umuzamu, myugariro Akayezu Jean Bosco akaba yawugaruje intoki.

Nyuma y'uko Akayezu jean Bosco akujemo umupira intoki, umusifuzi Uwikunda Samuel yamweretse ikarita itukura, anatanga penaliti ku ruhande rwa Vision. Penaliti ya Vision ntabwo yabyaye igitego kuko yakuwemo n'umuzamu wa AS Kigali, Cyuzuzo Aime Gael.

Gukuramo Penaliti kwa Cyuzuzo byatumye AS Kigali isoza umukino ifite ibitego bibiri kuri kimwe cya Vision nuko ibona amanota atatu ityo. 

Kubona amanota atatu ku ruhande rwa AS Kigali byatuye Akayezu Jean Bosco afatwa nk’intwari kuko nubwo yabonye ikarita itukura ariko umupira yakujemo intoki wari kubyara igitego cya kuba ikabiri cya Vision.

Nyuma yo gukora igikorwa cyatumye AS Kigali ifata umwanya wa mbere, Akayezu Jean Bosco yagize ati 'Umukino wabanje kutworohera mu gice cya mbere. Mu gice cya kabiri byahindutse kuko Vision yakinnye neza ishaka kutwishyura ariko ntibyashoboka.

Baje mu gice cya kabiri bafite gahunda yo kwataka natwe twongera imbaraga mu kugarira cyane, baje kuduca mu rihumye batubonamo igitego cya mbere cyanabahaye imbaraga zo gushakisha icya kabiri ariko kubera Imana ibyawe ntaho bijya.

Baje kuzamukana uriya mupira ubaviramo kubona penaliti, nanjye wari ukoze ikosa mbona ikarita itukura. Nta kundi nari kubigenza kuko nafashe umwanzuro wo kuvuga ngo reka nkuremo umupira, kuko yari andi mahirwe mpaye ikipe yanjye ariko kubera Imana umuzamu nawe aradufasha penaliti arayifata. 

Akayezu Jean Bosco yanavuze ko igikorwa yakoze cyashimishije bagezi be cyane ko cyatumye AS Kigali ifata umwanya wa mbere n’amanota 13 mu mikino itandatu imaze gukina.

“>

Akayezu Jean Bosco mu bakinnyi bafashije AS Kigali kwikura mu nzara za Vision 

‘Atome’ ari mu bakinnyi Mpuzamahanga ba filime u Rwanda rufite. Hari zimwe mu zo yagaragayemo ziri ku mbuga zirimo nka Netflix n’ahandi. Yandika kandi ikinamico, filime n’ibindi.

Ubwo yari mu biganiro bishamikiye ku ivugabutumwa bizwi nka ‘Identity’ byabereye muri Women Foundation Ministries, ‘Atome’ yumvikanishije ko ari umuhamya w’uko ‘Yesu avuga’.

Ashingira ku kuba umukino we wa mbere witwa 'Carte d’identité' yakoze ubwo yari avuye mu mashuri mu Bubiligi, wakozwe mu buryo atatekerezaga, abona abantu benshi bamushyigikiye abasha kugera ku nzozi ze.

Uyu mukino amaze kuwugeza mu bihugu byinshi, ndetse umaze gushyirwa mu ndimi nyinshi. Wumvikana kandi cyane muri Radio zo mu Budage. Ati “Simbivugiye kwirata, ariko ni ukugira ngo mwumve aho Yesu ageza uwo yagize aho ashyira kandi akabisobanukirwa.”

Mbere y’uko akora uyu mukino, yasanze ari byiza kuzifashisha umwalimu wamwigishije mu Bubiligi. Yamenye ko uriya mwarimu azajya kwigisha ahandi, hanyuma ahitamo gushaka amafaranga angana n’amayero 1500 kugirango azabashe kwinjira muri iryo shuri.

Ntabwo yari agiye kwiga nk’umunyeshuri, ahubwo yashakaga ko azabona umwanya wo guhura n’uriya mwalimu hanyuma akamubwira iby’umushinga we.

Ati “Igihe rero twahuye namaze kwishyura amadorali 1500, yarambwiye ngo uwo mushinga ndawushaka nzawutera inkunga. Mba mbonye icyo nashakaga, iyo ni inzira Yesu aguha kuko uri ahantu agushaka.”   

Ariko kandi anibuka ko ikorwa ry'undi mukino yakiniye mu Rwanda, habaye ah'Imana, kuko yari amaze igihe abitekerezaho ariko atarabasha kubona neza inzira ikwiye.

Ubwo yari ku i Rebero mu Mujyi wa Kigali yumvise ijwi ry’Imana rimubwira kudafatira ikawa kuri Sawa City i Rebero, ahubwo akajya kuri Bourbon Coffee- Nyarutarama. 

Avuga ko akimara kwinjira yahuye n’umuntu wamubajije ku mushinga we yatekerezaga kuzana mu Rwanda aho ugeze, maze amusobanurira ko atarabasha kubona uzamufasha kubaka studio.

Ati “Namubwiye ko twahuye n’ikibazo cya Studio dukiniramo. Uwo muntu ni we wampaye izina rya Kompanyi yaje gukora iyo studio.”

Yavuze ko kumvira Imana ari byo byatumye abasha kujya Nyarutarama ahura n’uriya muntu wamurangiye kompanyi yamufashije kubaka studio yakiniyemo umukino yashakaga. Avuga ati “Yesu dukorera aravuga ntaho atakugeza.”

Itegurwa ry'umukino we ‘Carte d’Identite’

Atome ni umwe mu banyeshuri bize imyaka ine ku Conservatoire royal de Liège mu Mujyi wa Bruxelles mu Bubilgi, ari naho yabatirijwe ku wa 28 Gicurasi 2005.

Mu kiganiro cyihariye na InyaRwanda, Atome yasobanuye ko imyaka ine yamaze yiga muri ririya shuri yabihuje no kwandika umukino we 'Carte d'identite' kandi muri we yumvaga ijwi rimubwira ko uriya mwalimu ariwe uzamufasha kuwutuganya

Bitewe n'uko atabashije kubona umwanya wo kuganira byihariye n'umwalimu we, yahisemo kumukurikira aho yari agiye kwigisha mu wundi Mujyi. 

Ati 'Naragiye ndiyandikisha muri iryo shuri yari agiye kwigishamo amasomo ya Production, ariko urebye njyewe nari mbizi ko ntagiye kwiga 'Production' ngo mbisozemo, kuko numvaga ngiye guhura n'umuntu uzambera Producer, nabyiyumvagamo ko ariwe.'

Yasobanuye ko yize mu gihe cy'ibyumweru bibiri. Kandi avuga ko uriya mukino yajyaga awukia ku ishuri ukamara iminota 35', abwira mwalimu ko akeneye ko amufasha nibura umukino ugakorwa ukagera ku gihe cyo gukinwa mu gihe cy'isaha 1 n'iminota 30'.

Ati 'Ibyo nabivugiye mu ishuri, ahita anjyana hanze ku ruhande turaganira ambwira ko yishimiye uyu mukino kandi ko ari Producer ati uzaze tubiganireho ahubwo nzaguhuze n'abandi ba Producer.'

Atome yauze ko bitewe n'uko atakomeje amasomo ye muri ririya shuri, yabandikiye abasaba ko bamusubiza amafaranga kubera ko 'nagaragaje ko ntabashije gukomeza amasomo ariko njye nari mbizi ko n'ubundi ntazasoza'.

Uyu munyarwenya yavuze ko uriya mukino ari wo wamufunguriye amarembo no mu Rwanda. Ati 'Kuko naje mu Rwanda ndawukina, hanyuma abawubonye aba aribo bansaba kuza gukina birimo bya 'Gasumuni Gasuzuguro', bati niba udusetsa mu bisharira, wadusetsa no mu bindi. Niko byaje kugenda.'

Atome yatangaje ko kumvira ijwi ry'Imana byamufashije kugera kuri Producer wamufashije gukora umukino 'Carte d’Identite’
Atome yavuze ko n'umukino yakiniye i Kigali ari Imana yamuhuje n'umuntu wamufashije kubona umwubakira 'Studio' 

Atome yagaragaje ko Imana ikora igihe cyose uyizeye, kandi ukayumvira mu nziza zose

Umukino 'Carte d'Identite' wa Atome ugaruka ku mateka ya Jenoside yakorewe Abatutsi mu Rwanda

Apôtre Mignonne usanzwe ari Umushumba Mukuru wa ‘Noble Family Church’ akaba n’Umuyobozi wa ‘Women Foundation Ministries’ yahuje abantu banyuranye bafite ibyo bakora barimo Atome mu biganiro ku ivugabutumwa byiswe 'My Identity'

Ikibazo cy'ingendo mu Mujyi wa Kigali ni kimwe mu bimaze igihe bihangayikishije Abaturarwanda. Rimwe na rimwe, ahategerwa imodoka haba hari imirongo miremire isumba iyinjira mu nsengero ariko nta modoka n'imwe yo kubatwara ihari.

Ni ikibazo gikomeye, aho usanga rimwe na rimwe mu masaha y'umugoroba abagenzi bashoboraga kumara hagati y'iminota 30 n'amasaha abiri bahagaze muri gare babuze imodoka. 

Nk'umuntu ukorera mu Mujyi wa Kigali rwagati utaha i Kanombe, hari ubwo usanga ashobora kuva mu kazi saa Kumi n'Imwe z'umugoroba, akagera iwe mu rugo Saa Tatu z’ijoro, kubera umwanya munini yategereje imodoka bigakubitana n'umuvundo uri mu muhanda.

Umuyobozi Mukuru ushinzwe Itumanaho n’Uburezi mu Mujyi wa Kigali, Emma Claudine Ntirenganya mu kiganiro na Televiziyo y’u Rwanda, yakomoje ku ngamba zitezweho gukemura ikibazo cy’umuvundo uterwa n’imodoka nyinshi muri Kigali.

Yatangaje ko gutwara abantu mu buryo bwa rusange mu Mujyi wa Kigali bihagaze neza ugereranije no mu gihe cyashize, kubera ko muri iki gihe umubare wa bisi zitwara abagenzi na wo ukomeje kwiyongera.

Yavuze ko kuri ubu ikibazo bahanganye na cyo atari ubuke bw’izi modoka, ahubwo ari ukureba uko zabasha kwihuta mu masaha yose, yaba mu masaha abantu bajya ku kazi ndetse no mu masaha asanzwe. 

Akomoza ku muti urambye bari kuvugutira ikibazo cy’umuvundo w’imodoka ukunze kugaragara mu masaha ya mu gitondo abantu bajya ku kazi, Claudine yagize ati: “Mu masaha rero abantu bajya ku kazi cyangwa se amasaha y’umuvundo, turimo turateganya ko nibura twatangira gukora igerageza ryo gushakira bisi inzira yayo yonyine ku buryo kuvuga ngo hari umuvundo cyangwa ntawuhari, ibyo ngibyo bitazigera biyikora mu nkokora. Ikazajya ihora igenda, noneho abantu bakabasha kugenda neza uko bisabwa.”

Umuvugizi wa Polisi y’u Rwanda, ACP Boniface Rutikanga yasabye abantu kunoza imyitwarire yabo birinda imico yo kwimana inzira mu rwego rwo guhangana n’ikibazo cy’umubyigano w’imodoka mu muhanda.

Yagize ati: 'Ku kibazo cya 'Traffic jam' icyo nasaba, n'abantu ubwabo imyitwarire yabo irongera. Aha ngaha mu gihe abantu tutazemera ngo dusirimuke, twumve ko mu bikorwaremezo dufite tugomba kwihanganirana twese tukagenda kimwe, bakumva ko hari ugomba kugenda mbere y’undi, ni ikibazo gikomeye.”

Umujyi wa Kigali uri gushaka igisubizo kirambye ku kibazo cy’umuvundo w’imodoka ukunze kugaragara mu masaha y’akazi

Uyu muhanzi ubu arizihiza imyaka 10 ishize ari mu muziki. Ariko yabanjirijwe n’indirimbo zirenga esheshatu yashyize hanze zitakunzwe ku kigero yashakaga, byatumye arushaho gushora imari ifatika mu bikorwa bye.

Muri iki gihe ari kwitegura kwizihiza imyaka 10 ishize ari mu muziki mu gitaramo azakora tariki 29 Ugushyingo 2024 muri Kigali Conference and Exhibition Village ahazwi nka Camp Kigali.

Yabwiye InyaRwanda ko atangira umuziki yabwiye Se aho ashaka kuganisha ubuzima bwe n’ibyo ashaka gukora, ariko umubyeyi we amusaba kubanza gusoza amasomo ye.

Nubwo yamubwiraga ibi ariko, uyu muhanzi yasabwaga kwiga byinshi bijyanye n’umuziki, birimo nko kumara igihe kinini muri studio, kumenyerana n’abandi bahanzi ndetse na ba Producer byatumye rimwe na rimwe Se atekereza ko ‘umwana we azava mu ishuri’.

Ati “Rimwe na rimwe iyo muzehe yamburaga yahitaga ahamagara Producer T-Brown wankoreraga, akamubwira ati Davis ari gufata umwanya munini mu muziki kandi nshaka ko yiga. Kuko njyewe ntabwo nanze kumushyigikira, kuko ibi ari gukora niyiga azabikora neza.”

Uyu musore asobanura ko muri kiriya gihe, Se yashakaga ko yiga amasomo ya ‘Biologie’ mu mashuri yisumbuye ariko ‘njye nashakaga kwiga ibijyanye n’ubwubatsi’.    

Avuga ko yiyumvaga gushushanya no guhanga ibintu bishya binyuze mu kubigaragaza ku rupapuro yifashishije akaboko. Ikirenze kuri ibyo kandi yatekerezaga gutera ikirenge mu cya Se kuko nawe yakoze imirimo nk’iyo.

Ati “Nabazaga Papa nti kuki udashaka ko njya mu byo wakoze kandi narabonye byaratanze umusaruro.”

Yavuze ko kiriya gihe Se yamusabaga kwiga amasomo ajyanye n’ubuganga ahanini bitewe nuuko ‘byari ibintu bigezweho muri kiriya gihe’. Ati “Yagerageje kubinyumvisha biranga.”

Davis D avuga ko muri kiriya yemeranyije na Se kwiga ibijyanye n’ubwubatsi mu gihe cy’imyaka itatu. Ndetse avuga ko muri biriya bihe byose yakurikiranaga amasomo ye ari nako akora umuziki.

Yavuze ko atigeze acikiriza amasomo ye, ariko kandi yagiye ahindura ibigo ‘bitewe n’umuziki’. Avuga ko atigeze akomeza kwiga Kaminuza ‘kubera ko yaje isanga maze gukora ku mafaranga’. Ati “Twiga kugira ngo dukore ku mafaranga.”

Uyu muhanzi yasobanuye gukora umuziki ari impano akura mu muryango we uhereye kuri Sekuru kugeza ku babyeyi be. Asobanura ko umuziki kenshi ukunze kugendana n’itorero ababyeyi basengeramo, aho usanga umwana akurira muri korali, rimwe na rimwe bikarangira akoze umuziki mu buryo bw’umwuga.

Davis D yatangaje ko yahisemo kwiga ibijyanye n'ubwubatsi kubera ko yashakaga gutera ikirenge mu cya Se

Davis D yavuze ko Se yashakaga ko yiga ibijyanye na 'Biologie' ariwe akiyumvamo umuziki cyane

Davis D yavuze ko kwizihiza imyaka 10 ishize ari mu muziki ari kimwe mu byo yifuzaga mu rugendo rwe rw'umuziki 

Davis D yahishuye ko yahisemo kwiga ubwubatsi atera ikirenge mu cya Se

Davis D aherutse gutangaza Nasty C wo muri Afurika y’Epfo nk’umuhanzi mukuru mu gitaramo cye

KANDA HANO UREBE IKIGANIRO KIRAMBUYE TWAGIRANYE NA DAVIS D

“>