Author: webrwanda

Muri aya matora ateganyijwe tariki 05 Ugushyingo 2024, ibipimo bya politiki biragaragaza ko ku baturagege bagera kuri miliyoni 244 bagejeje igihe cyo gutora, 3% (ni ukuvuga abaturage byibura 7,320,000) ntabwo barafata icyemezo ku mukandia bazahitamo hagati ya Donald Trump na Kamala Harris.

Umushakashatsi John Johnson wo muri Kaminuza yigenga y'Abayezuwiti yitwa Marquette, mu Mujyi wa Milwaukee, muri leta ya Wisconsin, yavuze ko abo bantu bari mu byiciro bibiri.

Ati:” Abenshi mu bashobora gutora ntibarabyitaho. Iyo rero ubabajije uwo bazaha ijwi ryabo, bashobora gusubiza ko batarafata icyemezo. Ikindi, abaturage bo mu burengerazuba bwo hagati bw'Igihugu, bo bashobora kuba bafite ingingimira zo kwerura uwo bazatora”.

Abashakashatsi batandukanye, basobanura ko ariko atari izo mpamvu zonyine. Abaturage bamwe bafite impungenge ko Umurepubulikani, Trump aramutse atowe yazahonyora amategeko agateza n'akaduruvayo, mu gihe abandi basanga Kamala Harris adafite ubunararibonye buhagije.

Ikigo cy'ubushakashatsi ku matora cya Kaminuza ya Leta ya Florida kivuga ko kugeza ku wa Gatatu w’iki cyumweru, abaturage barenga miliyoni 22 bamaze gutora. Aba ni abo muri Leta 34 kuri 50 zigize Igihugu zashyizeho uburyo bwo gutora hakiri kare (Early voting).

Guhera kuri uyu wa Kane tariki 24 Ukwakira 2024, izindi Leta zirindwi (7) n'Umurwa Mukuru w'Igihugu, Washington District of Columbia, zizakurukiraho kugera ku wa gatatu w'icyumweru gitaha, tariki ya 30.

Mu gihe habura ibyumweru 2 gusa ngo habe amatora ya Perezida wa USA, Abanyamerika barenga miliyoni 7 ntibarahitamo uwo bazatora hagati ya Trump na Kamala Harris

Abenshi mu biga baba bahanze amaso akazi ka Leta, uretse ko uburezi bugezweho bugenda bwongeramo amasomo ngiro afasha umunyeshuri kwihangira imirimo.

Muri raporo ya 2023/2024 Komisiyo Ishinzwe Abakozi ba Leta yagejeje ku Nteko Ishinga Amategeko imitwe yombi kuri uyu wa 23 Ukwakira 2024, hagaragaramo abarenga ibihumbi 577 bashatse gupiganira imyanya y'akazi 2970 yashyizwe ku isoko, ariko abo basanze bujuje ibisabwa ni ibihumbi 382, bangana na 62%.

Imibare igaragaza ko abantu ibihumbi 91.820 ari bo bitabiriye guhatanira imirimo ya Leta yashyizwe ku isoko mu bice bitandukanye, bangana na 24% by'abari bujuje ibyangombwa ariko abatsindiye imyanya bari bahataniye ni 5781 gusa, bangana na 6.3%.

Muri aba batsindiye imyanya 40% bahise binjira mu mirimo na ho 52% bashyirwa ku rutonde rw'abategereje, mu gihe 5.6% bo baratsinze ariko ntibemera akazi.

Depite Uwababyeyi Jeannette yagaragaje impungenge z'umubare munini w'abajya gupiganirwa imyanya y'akazi mu bigo bya Leta ariko bikarangira hatsinze mbarwa.

Ati 'Biragaraga ko abatsinda ibizamini ari bake cyane mu bantu barenga ibihumbi 91, abatsinze ni 5700 gusa. Twibajije ese ni ubumenyi bucye bw'ababa bitabiriye ibi bizamini, ni ibizamini biba bikomeye niba mwarabisesenguye, nabonye n'ibibazo biba byabajijwe mubisesengura ndetse n'ibiganiro buyakozwe, mwasanze ikibazo giherereye he?'

Perezida w'Agateganyo w'inama y'abakomiseri muri Komisiyo y'Igihugu Ishinzwe Abakozi ba Leta Barnabé Muhire Sebagabo yagaragaje ko abantu bose badafite baba bujuje ibyangombwa n'abatabyujuje bose iyo babonye umwanya washyizwe ku isoko bagerageza amahirwe.

Ati 'Hari abaza badafite dipolome bagashyiramo ibyangombwa biba byaratanzwe na kaminuza bigaragaza ko yarangije ariko atarasoza igitabo cyangwa yarangije amasomo, akenshi usanga hari abantu baba batujuje ibyangombwa.'

Yagaragaje ko abantu bagaragara nk'abatatsindiye akazi badakwiye gufatwa nk'abatsinzwe kuko amanota afatirwaho ari 70% bitandukanye n'uko mu bizamini bisanzwe gutsinda ari 50%.

Ati 'Hariya dufatira kuri 70%, ntabwo twavuga ngo bariya tutafashe ntibatsinze ni uko ibigenderwaho biba biri hejuru. Ntabwo rero ikizamini cy'akazitwagifata nk'ibindi bizamini aho gutsinda ari 50%, ni uko biba byazamutse bishobora no kuzagera kuri 80% bijyanye n'ibyifuzo cy'abantu.'

Yahamije ko nubwo hari abanga kujya gukora ibizamini bavuga ko aho byakorewe ari kure cyangwa izindi mpamvu ariko 'Abo tubona bo gushyira mu myanya bo baraboneka bakarenga, ntabwo twavuga ko twari twagira icyuho cyo kubura abakozi.'

Sebagabo yagaragaje ko mu bihe byashize abantu bari ku rutonde bategereje guhabwa imirimo havagaho bake cyane kuko nko mu mwaka 2021/2022 babarirwaga muri 200 ariko mu 2022/2023 abahawe imirimo bavuye kuri uru rutonde bageze kuri 625.

Komisiyo Ishinzwe Abakozi ba Leta ivuga ko hakenewe ko inzego za Leta zitegekwa kubanza kureba kuri urwo rutonde, babura umukozi ujyanye n'ibyo bifuza bakabona kujya gukoresha ipiganwa.

Abarenga ibihumb 577 basabye guhatanira imyanya y’akazi mu mwaka umwe

Mu kubyumva neza, ibishanga bifatwa nk'ibihaha cyangwa umutima w'igihugu kuko binyungurura amazi, bigafata ashobora guteza imyuzure, bikaba indaro y'urusobe rw'ibinyabuzima n'ibindi. Nawe tekereza umubiri nta bihaha cyangwa umutima ufite.

Impamvu y'ibi ni uko hari igihe u Rwanda rwigeze kujya rutakaza hafi ibihumbi 65$ (miliyoni 87,8 Frw) ku munsi yo kugura mazutu yagombaga kuziba icyuho cyari cyaratejwe n'iyangirika ry'Igishanga cya Rugezi mu gutunganya amashanyarazi.

Ntabwo ushobora kubyemera ariko reka tunyuze amaso muri raporo zitandukanye turebe uko byagenze.

Mu myaka ya 2003-2004 u Rwanda rwahuye n'ibibazo by'igabanyuka ry'amashanyarazi akomoka ku mazi, ubukungu, burazahara bitewe n'igabanyuka ry'ubushobozi bw'Urugomero rwa Ntaruka ruherereye mu Majyaruguru y'u Rwanda.

Byatewe n'uruhererekane rw'ibibazo, aho amazi yabarizwaga mu biyaga bya Burera na Ruhondo yagabanyutse cyane, bituma imashini eshatu zifasha mu gukora amashanyarazi (turbine) mu Rugomero rwa Ntaruka zitabasha gukora neza, hasigara imwe.

Uko kugabanyuka kw'amazi kwaterwaga n'iyangirika rikomeye ry'Igishanga cya Rugezi ubu kiri ku buso bwa hegitari zirenga 7000, gifata ku turere rwa Gicumbi na Burera kuko ari cyo cyagaburiraga ibyo biyaga.

Ni ikibazo cyakomeje kugaragara imyaka myinshi bijyanye n'ibikorwa bya muntu byototeraga icyo cyogogo cya Rugezi-Burera-Ruhondo.

Raporo Ikigo cy'Igihugu cyo kurengera Ibidukikije, REMA, igaragagaza ko icyo kibazo cy'ibura ry'amashanyarazi cyatijwe umurindi n'ibindi bitandukanye nko gudashora imari mu bikorwa byo kuvugurura ingomero z'ingenzi nk'urwa Mukungwa rwari rwarubatswe mu 1982.

Byarimo kwiyongera kw'abaturage, ubushobozi buke bwa leta, ibikorwa by'ubuhinzi bwo ku misozi ihanamye, gutema ibiti bya hato na hato n'ibindi.

Ikindi ni uko kuva mu myaka 1991 kugeza mu 2000 byari ibihe bya mbere byaranzwe n'ubushyuhe bwinshi, na byo bikaba mu byatumye amazi yo mu migezi yagaburiraga ibyo biyaga agabanyuka.

Kugabanyuka kw'amazi yo muri Burera na Ruhondo yaragabanyutse uko imyaka yashiraga kuva mu myaka ya 1990, ikibazo gikomera hagati ya 1998 kugeza 2000.

Igishanga cya Rugezi cyamaze gusanwa ubu urusobe rw’ibinyabuzima biri gusugira bigasagamba

Byageze mu 2000 Electrogaz (REG y'ubu) yagerageje gushyira imbaraga mu kuvugurura Igishanga cya Rugezi, icyakora ibyari ibisubizo bikamura amazi muri icyo gishanga bumwe mu buso cyariho buhingwaho ubwatsi bwo kuboha no kugaburira amatungo, ibintu biradogera.

Byatumye amazi ajya mu Kiyaga cya Burera agabanyuka uko imyaka yagendaga ihita indi igataha, ku buryo mu 2004 byageze amazi yaragabanyutse ku rugero rwa 50%, bituma Electrogaz igabanya mu buryo bugaragara ikorwa ry'amashanyarazi muri Ntaruka.

Icyo gihe u Rwanda rwari rukeneye amashanyarazi menshi kurusha ayo rwari rwatunganyaga, bituma rutangira rushyiraho 'générateurs' z'amashanyarazi mu kuziba icyo cyuho cy'ingufu zaburaga.

Kuva mu 2004 izo mashini zigishyirwaho, amashanyarazi akomoka kuri mazutu yariyongeye, nyuma y'umwaka yari yamaze kwiharira 30% by'amashanyarazi yose yo mu gihugu, agera kuri 56% mu 2006.

Raporo y'Ishami rya Loni ryita ku Bidukikije, UNEP yo mu 2006 yagaragaje ko gukoresha izo izo 'générateurs' byatwaraga u Rwanda arenga ibihumbi 65$ (miliyoni 87 Frw y'ubu), ibyatumye igihugu kizahara mu bukungu n'abaturage bakabona umuriro uhenze.

Kugira ngo Igishanga cya Rugezi cyongere gusubirana byasabye imbaraga nyinshi zashyizwemo na Guverinoma y'u Rwanda nk'uko Umuyobozi Mukuru Wungirije w' Ikigo cy'Igihugu gishinzwe kubungabunga Ibidukikije, REMA aherutse kubishimangira.

Icyo gihe hari mu muhango wo kwishimira igikorwa cy'abashakashatsi ku bidukikije bo mu Rwanda no mu bindi bihugu bya Afurika y'Iburasirazuba, aho bari bavumbuye amoko 638 atandukanye y'urusobe rw'ibinyabuzima mu Rugezi arimo 433 atari azwi ko akibarizwamo.

Icyo gihe Munyazikwiye yagize ati 'Mu busesenguzi twakoze twasanze Igishanga cya Rugezi cyarangiritse burundu. Ni cyo gishanga cyonyine cyatangaga amazi kuri ruriya rugomero.'

Yavuze ko u Rwanda rwakoze ubutaruhuka kugira ngo rurebe icyaba igisubizo, icyakora rufata ibyemezo mu buryo butatu.

Ku ikubitiro mu 2006 Rugezi yagizwe kimwe mu bishanga bibungabunzwe ku rwego rw'Isi binyuze mu masezerano yasinyiwe i Ramsar muri Iran.

Byatumye kiba igishanga kirinzwe ku rwego mpuzamahanga aho abaturage batabashaga kucyinjiramo ngo bacyangirize uko biboneye.

Mu Gishanga cya Rugezi avumbuwe amoko y'inyoni 127 zirimo amoko 28 atari asanzwe azwi ko ahaba

Ikindi cyemezo cyari ikijyanye no gushaka amikoro kugira ngo icyo gishanga kivugururwe cyongerwe n'umwanya w'ubuhumekero, ibyatwaye imyaka ine kugera mu 2010, ibikorwa byajyanye no kurinda utugezi turimo.

Byatanze umusaruro kandi icyari ikibazo kirakemurwa bituma muri Nyakanga 2024, u Rwanda rufunga inganda zarwo zose za mazutu, bijyanye n'uko u Rwanda rwari rumaze kunguka ingomero z'amashanyarazi.

Zirimo urwa Rusumo u Rwanda rusangiye n'u Burundi na Uganda, aho byitezwe ko ruzajya rufite ubushobozi bwo gutunganya amashanyarazi angana na megawati 80 buri gihugu kigatwara megawati 26,6, n'urwa Shema Power Lake Kivu Ltd, rutunganya gaz methane zingana na megawati 56.

Ubu u Rwanda rugeze ku rugero rwo gukora amashanyarazi angana na megawati 406,4 avuye kuri megawatt 276 yatunganywaga mu mwaka ushize, akaba menshi ugereranyije n'ibitwara umurimo mu gihugu.

Raporo y'Umugenzuzi w'Imari ya Leta yo mu 2022 yagaragaje ko inganda za mazutu ari zo zahendaga mu gutunganya ingufu kuko kilowati imwe yatunganywaga ku kiguzi cya 375,5 Frw mu gihe mu rugomero rusanzwe bisaba 136,9 Frw.

Muri uwo mwaka iyo raporo yagaragaje ko izo nganda zitunganya amashanyarazi gifashishijwe mazutu, zakoresheje miliyari 38,8 Frw mu gutanga amashanyarazi ya kilowati 103.416.460 mu 2022.

Icyo gihe hagaragajwe ko umuriro wanganaga na 14% by'uwatunganyijwe wose muri uwo mwaka, watwaye ikiguzi kingana na 31% by'icy'uwatunganyijwe wose.

Imibare igaragaza ko izo kilowati z'amashanyarazi yakozwe hifashishijwe mazutu icyo gihe, iyo zitunganywa hifashishijwe amazi byari gutwara miliyari 14,1 Frw, bivuze ko uwo mwaka rwari kuramira miliyari 24,6 Frw, mu gihe iyo atunganywa n'uruganda rwa gaz methane byari gutwara miliyari 17,9 Frw, igihugu kikaba cyararamiye miliyari 20 Frw buri mwaka.

Mu 2022 inganda zitunganya amashanyarazi zifashishije mazutu, zatwaye miliyari 38,8 Frw mu gutanga amashanyarazi ya kilowati 103.416.460

Kugeza ubu nta ndanda zitunganya amashanyarazi zifashishije mazutu zikiba mu Rwanda

Imisambi ubu muri Rugezi yaragarutse

Mu Gishaga cya Rugezi habonetse amoko y’imitubu 14 arimo umunani bitari bizwi ko ahaba

Ku rundi ruhande ariko, uyu mwambaro hari bamwe mu bagore cyangwa abakobwa cyane cyane abo mu cyaro bawukoresha nk'uburyo bwo guhisha umwanda uri mu mitwe yabo ikunze kuba ifite n'umusatsi mwinshi bigoye kwitaho.

Bamwe mu bagore bo muri Nyamagabe baganiriye na IGIHE, bemera ko koko icyo kibazo gihari kuri bamwe mu bagore bo mu byaro bya Nyamagabe, uretse ko bishobora kuba biri n'ahandi mu gihugu.

Mukankundiye Juliette wo mu Mudugudu wa Mwishogwe, Akagari ka Rugogwe, Umurenge wa Uwinkingi, yavuze ko ikintu cyo gutega ibitambaro cyakoreshwaga mu kwinyakura ugiye nk'ahantu, wabona utari bubone akanya ko gutunganya umusatsi vuba, ugahita utega ukagenda.

Gusa ngo hamwe n'ubukangurambaa ku itorero rye rya EAR aho asengera, ibi byarahindutse kuko babasabye ko nta wemerewe kuza gusenga ateze igitambaro.

Ati 'Biri guhinduka, hambere aha n'insengero batarazifunga, twasabwaga kuza gusenga twasokoje, ndetse n'ufite urugori yaruteze yameshe mu mutwe, mu rwego rwo gushimangira isuku ku mubiri.''

Mugenzi we utarashatse kwivuga izina yavuze ko hari abo bigaragara ko baba bafite umwanda mu mutwe kubera imirimo baba barimo, bakawuhisha bifashishije ibitambaro gusa hakabaho kubahwitura bibaye ngombwa.

Ati 'Hari ukuntu umuntu ava nko gutwara ibishingwe cyangwa gutwara ibiti byo gushingirira ibishyimbo, agahita akubitamo igitambaro. Buriya uramureba ukamumenya nko ku misatsi iba itunguka inyuma.'

'Ushobora kumwegera ukamubwira uti 'ariko ugize gutya ukabona nk'igitambaro kiraguye uri mu bantu, wabigenza ute? Ukamusaba kutazasubira.''

Aba babyeyi bombi bakomeza bavuga ko ubu abagore bari guhindura imyumvire, aho basigaye bahugurana mu midugudu iwabo kugira ngo babicikeho. Uvuye mu akihutira gukora isuku yo mu mutwe adahungiye mu bitambaro.

Umwepisikopi wa EAR Kigeme, Musenyeri Musabyimana Assiel, yabwiye IGIHE ko itorero ryabo ryahisemo guherekeza abayoboke babo mu muco w'isuku muri byose kugira ngo bagire ubuzima bwiza. Iyo ni yo mpamvu basabye abagore kujya baza gusenga batambaye ibitambaro.

Ati 'Abagore b'ino hari uburyo bategaga ibitambaro ariko bahisha imisatsi irimo ivumbi n'undi mwanda, ariko ubu batojwe isuku ku buryo nta kibazo cyo kongera kuyihisha noneho, ahubwo bakaza bayisokoje, bityo bakanagira ubuzima bwiza kubera isuku.'

Umuyobozi w'Akarere ka Nyamagabe wungirije ushinzwe imibereho myiza y'abaturage, Uwamariya Agnes, yavuze ko kwambara igitambaro na byo biri mu buryo bw'imyambarire umuntu ahitamo ndetse bikaba n'uburenganzira bwe, igihe yahakoze isuku gusa mu gihe byateza ikibazo kubifatira imyanzuro ntacyo bitwaye.

Ati 'Igihe baba barabonye ko hari ababyuririraho bakagira umwanda mu mutwe bakabikuraho, cyaba ari ikintu cyiza twashima.''

Nubwo bimeze bityo, kwambara igitambaro ku bagore n'abakobwa hari n'aho bisa nk'itegeko cyane cyane binajyanye n'imyemerere nko mu idini ya Islam cyangwa ADEPR.

Igikuru muri byose rero, kikaba ari ukumenya kwita ku isuku yo mu mutwe, kugira ngo icyo gitambaro kitazaba ubwihisho bw'umwanda aho kuba umurimbo.

Abasengera muri EAR muri Nyamagabe bahisemo kujya bajya gusenga nta gitambaro bateze

Hari abagore batega ibitambaro bahisha umwanda wo mu mutwe

Mgr Musabyimana Assiel wa EAR Kigeme, yavuze ko hashyizweho uburyo bwo gusokoza ku bagore n’abakobwa

Abasezerewe kuri uyu munsi, ni 39 barimo 34 bari abasirikare, babiri bari mu gisirikare ari abana na batanu bakoranaga bya hafi n'abasirikare bahoze mu mitwe ikorera mu mashyamba ya Repubulika iharanira Demokarasi ya Congo bagize icyiciro cya 72 mu bamaze gusezererwa muri rusange.

Umuyobozi w'Intara y'Amajyaruguru, Mugabowagahunde Maurice, yasabye abasezerewe kumenya igihango bafitanye n'igihugu bakirinda kwijandika mu bikorwa bihungabanya umutekano, gufatanya n'abandi basanze bagaharanira iterambere.

Yagize ati “Turabasaba kuzaharanira kutigera muhungabanya umutekano na rimwe, ahubwo mugafatanya n'abo musanze kuwubungabunga. Turabasaba kandi gufatanya n'abandi Banyarwanda aho mugiye kujya muri gahunda z'igihugu zo kwivana mu bukene.”

Yasabye kandi Umuryango Nyarwanda kubanira neza abatahutse no kubafasha mu bikorwa bibateza imbere kugira ngo hatabaho gusigana mu iterambere.

Ati “Umuryango Nyarwanda ndawusaba kwemera kwakira no kubana neza n'abanyarwanda bahoze mu mitwe yitwaje intwaro basezerewe na Komisiyo no kubafasha gukemura ibibazo mwazahura nabyo.'

Yakomeje agira ati 'Abasezerewe kandi turabasaba gukomeza kubumbatira ubumwe n'ubudaheranwa bw'Abanyarwanda, kwibumbira mu ma koperative, gushishikariza bagenzi banyu mwasize mu mashyamba gutaha kuko igihugu cyanyu kiteguye kubakira.

Perezida wa Komisiyo y'Igihugu yo gusezerera no gusubiza mu buzima busanzwe abari abasirikare (RDRC), Valerie Nyirahabineza, avuga ko abasezererwa bategurwa neza kugira ngo bahinduke ndetse bahindure imyumvire n'imyitwarire bityo basubire mu buzima busanzwe bafite intego nshya itandukanye n'iyo bari bafite bakiri mu mashyamba.

Yagize ati “Twashyizeho uburyo bwo kubakurikirana iyo bamaze kuva muri iki Kigo bageze mu buzima busanzwe kuko abenshi baza ubuzima butameze neza. Uyu munsi rero turashimira byimazeyo aba 39 tugiye gusezerera bahisemo kwitandukanya n'intekerezo mbi zo kuba ishyanga no gutera igihugu cyababyaye bagahitamo gutaha ku bushake.”

Bamwe mu basezerewe bakajya mu buzima busanzwe, bagaruka ku mateka n'ubuzima bubi babayemo mu mashyamba, uruhare n'ubufatanye bwa FARDC mu gutuma ababaswe n'ingengabitekerezo ya Jenoside badataha mu Rwababyaye.

Sergent Major Muhire Emmanuel ni umwe mu bahunze mu 1994 yinjira igisirikare nyuma y'uko ababyeyi be baguye mu mashyamba ya Congo mu 2004 afite imyaka icumi gusa asanzemo uwari usigaye mu muryango ngo amufashe.

Yagize ati “Hari amahirwe nabuze harimo ayo kwiga, gukora imirimo itagenewe umwana, kujya mu ntambara ukaba wakwica n'abantu.Twigishijwe ko Abanyarwanda bose bari mu Rwanda ari Abatutsi ko tugomba kuzagaruka tugafata ubutegetsi bw'u Rwanda.”

Uyu mugabo wasize umugore n'umwana muri Congo, avuga ko yicuza igihe yatakaje arwanira ubusa.

Ati “Maze amezi atandatu mu Rwanda ntahutse kandi nasobanukiwe neza ndi Umunyarwanda n'isano dufitanye.Icyo nicuza ni igihe nataye kuko abo twiganye abenshi ni aba dogiteri bafite ubuzima bwiza ariko urabona ko nsa nk'aho ngiye gutangirira ku busa.'

Irakoze Elie Martin w'imyaka 20 wavukiye i Masisi muri Nyakaruba umaze imyaka itanu mu mutwe wa FDLR, we avuga ko yagiye agiye gusura ababyeyi be mu cyaro agafatwa na FDLR muri 2009 agahita yinjizwa muri mu gisirikare.

Agaruka ku buzima bubi aho yafashwe ari ku rugamba ntavurwe ndetse akabura n'uko atoroka, bikamutera intimba kuko yibazaga ukuntu azapfa atabonye u Rwanda.

Ati “Mu 2022 twahuye na M23 turarwana baradukubita noneho njye bandasa mu kaguru mara iminsi ine kuko bagenzi banjye bari birukanse baransiga, aho ni croix rouge yahankuye amaraso yenda kunshiramo ntakiri kumva banjyana mu Bitaro ndavurwa.”

“Maze gukira nasubiye mu gisirikare tugiye kwiba inka z'abaturage ndongera hahandi narashwe harangaruka, nsaba FDLR ko bamvuza barabyanga kugeza ubwo natorotse ndataha.'

Yakomeje agira ati 'Mu Rwanda banyakiriye neza nsanga ibyo batubwiraga ko Abatutsi bafashe ubutegetsi bari kwica abahutu ntabyo nabonye. Ku rugamba twambaraga imyambaro ya FARDC tugakora tugaragara nkabo ariko dufite ibyo twigishijwe bibi byo gutera u Rwanda.”

Iki cyiciro cya 72 cy'abasubijwe mu buzima busanzwe, kigizwe n'abasirikare 34, abana babiri n'abakoraga igisirikare n'abasivile batanu bakoranaga bya hafi ndetse n'abandi bantu 22 bagize imiryango y'abo bahoze ari abasirikare basezerewe kuko batahanye nabo.

Abasoje ingando kandi bahawe ibikoresho bizabafasha mu buzima busanzwe kuko abenshi bigishijwe imyuga itandukanye irimo ububaji, gukora no kubakira amazi, ubwubatsi n'ibindi bitandukanye.

Abasubijwe mu buzima busanzwe bahoze mu mitwe yitwaje intwaro bahawe indangamuntu n’amakarita

Abasezerewe bahabwa ibikoresho byo gutangirana ubuzima

Abize imyuga bashyikirijwe ibikoresho bizabafasha mu buzima busanzwe

Perezida wa Komisiyo y'Igihugu yo gusezerera no gusubiza mu buzima busanzwe abari abasirikare (RDRC), Valerie Nyirahabineza, avuga ko abasezererwa bategurwa neza

Iri torero rigamije guhuza uru rubyiruko no kurutoza uburyo bwiza bw'imibereho, kurutoza amateka y'igihugu, indangagaciro na kirazira by'umuco Nyarwanda n'imyifatire ikwiye kubaranga.

Hari kandi kubagaragariza icyerekezo cy'igihugu n'uruhare rwabo mu kukigeraho n 'ibindi byose bigamije kubaka urubyiruko rw'ingirakamaro.

Iri torero ryatangiye ku wa 23 Ukwakira, ryitabiriwe n'intore 279 zasoje amashuri yisumbuye, rikaba riri kubera mu Kigo cy'Ubutore cya Nkumba, aho rizarangira ku wa 30 Ukwakira 2024. Iri torero rifite insanganyamatsiko igira iti 'Imbuto zitoshye'.

Mu ntego zaryo harimo gufasha abagenerwabikorwa ba Imbuto Foundation kwigirira akamaro no kukagirira abandi mu muryango Nyarwanda, no kubongerera ubumenyi bwunganira ubwo mu ishuri.

Iri torero kandi rizaha umwanya Umuryango Imbuto Foundation n'abafatanyabikorwa bawo wo gusuzumira hamwe no gufata ingamba ku imbogamizi urubyiruko rwa none ruhura nazo, zishobora kugira ingaruka ku buzima no ku myigire yabo muri rusange.

Hashingiwe ku nsanganyamatsiko 'Imbuto zitoshye', abazitabira itorero bazatozwa binyuze mu biganiro, imikoro ishingiye ku mateka, imikorongiro yuzuzanya n'ibiganiro bizahatangirwa.

Hazabaho kandi imyitozo ngororamubiri, akarasisi ka gisirikare n'ibindi.

Hazatangwa ibiganiro binyuranye

Muri iri torero hazatangwa ibiganiro binyuranye nk'ikizagaruka ku bumwe bw'Abanyarwanda mu mateka y'igihugu, isenyuka ryabwo, icengezamatwara ry'urwango mu Banyarwanda, itegurwa n'ishyirwa mu bikorwa rya Jenoside yakorewe Abatutsi n'imiterere y'ipfobya n'ihakana ryayo, kikazatangwa na Minisitiri Dr. Bizimana Jean Damascène.

Hari ikiganiro kizagaruka ku mateka y'ltorero mu Rwanda n'uruhare rwaryo mu kubaka Umunyarwanda n'iterambere ry'igihugu, kikazatanga n'Umuyobozi ushinzwe Itorero no guteza imbere umuco muri Minisiteri y'Ubumwe bw'Abanyarwanda n'Inshingano Mboneragihugu [MINUBUMWE], Uwacu Julienne.

Ikiganiro kigaruka ku muco, indangagaciro, ubuzima bwiza n'imyitwarire bikwiye kuranga 'Imbuto Zitoshye' hagamijwe kubaka u Rwanda rwifuzwa kizatangwa na Gakuba Jeanne D'Arc.

Hari kandi ikiganiro kizagaruka ku ntekerezoshingiro z'imiyoborere y'u Rwanda kuva mu 1994 n'uruhare rw'urubyiruko mu kubaka igihugu, kizatangwa n'Umuyobozi w'Urwego Ngishwanama rw'Inararibonye z'u Rwanda, Tito Rutaremera.

Icya ndi umunyarwanda, icyomoro n'igihango cy'urungano, kizatangwa na Havugimana Emmanuel, Mudacumura Fiston na Akariza Laurette, kikazahuzwa na Sewase Karangwa.

Hari kandi ikizatangwa na Kayiranga Eric ndetse na Rutagarama Alex kizagaruka ku buzima bw'umu-jeune.

Hateganyijwe no kuganira ku ruhare rw'imikino ngororamubiri mu kugira ubuzima buzira umuze, kizatangwa na Rurangayire Guy, w'Ishyirahamwe ry'umukino njyarugamba wa Karate mu Rwanda [Ferwaka].

Hazaganirwa no ku Cyerekezo cy'lgihugu 2050, uburyo bwo kwihangira imirimo n'uruhare rw'urubyiruko mu guharanira inyungu z'u Rwanda mu ruhando rw'amahanga, Kajangwe Tony, Munyabugingo Albert ndetse na Tetero Solange akaba ari bo bazaba bari muri iki kiganiro kizayoborwa na Umuhoza Denyse.

Imikoreshereze y'imbuga nkoranyambaga n'ingaruka zazo, nayo ni ingingo izaganirwaho, mu kiganiro kizaba kiyobowe n'Umuvugizi w'Umujyi wa Kigali, Ntirenganya Emma Claudie, ndetse n'Umuvugizi w'Urwego rw'Igihugu rw'Ubugenzacyaha, Murangira Thierry.

Hari kandi ikiganiro cya 'umurage tuvoma mu rugamba rwo kubohora u Rwanda, guhagarika Jenoside no kubaka u Rwanda twifuza' kizatangwa na Maj Gen Nzabamwita Joseph ndetse na Gen (Rtd) Ibingira Fred, haheruke icya 'ubumenyi ku micungire y'umutungo n'amafaranga' kizatangwa n'umukozi wa Banki ya Kigali.

Iri torero ryatangiye ku wa 23 Ukwakira, ryitabiriwe n’intore 279 zasoje amashuri yisumbuye, rikaba riri kubera mu Kigo cy’Ubutore cya Nkumba

Yasobanuye ko yageze ku kwandika iyi ndirimbo biturutse ku nganzo yashibutse ku ijambo Perezida Paul Kagame yabwiye Abanyarwanda ubwo yari mu bikorwa byo kwiyamamariza kongera kuyobora u Rwanda mu myaka itanu iri imbere.

Mu kiganiro na InyaRwanda, Justin yagize ati 'Iyi nganzo yashibutse ku ijambo Perezida Paul Kagame yabwiye Abanyarwanda ubwo yiyamamarizaga kongera kuyobora u Rwanda mu matora ya Perezida wa Repubulika, ryakunzwe n'abakiri bato kuko ribatera imbaraga zo gukomeza gukotana. Nifuje gukora iyi ndirimbo kugirano mpore mbibutsa igihango twagiranye nawe.'

Arakomeza ati 'Ndifuza ko Abanyarwanda bakomeza kuryoherwa n'intsinzi y'Umukuru w'Igihugu twibukiranye mu bidasanzwe byaranze kwiyamamaza kwe, nkifuza ko iyi ndirimbo yazakoreshwa no mu bihe biri imbere, kuko ivuga ibigwi bya Leta y'Ubumwe bw'Abanyarwanda.' 

Uyu muhanzi yaherukaga gusohora indirimbo 'Tukuri inyuma Paul Kagame' yumvikanisha bimwe mu byo Perezida Kagame amaze kugeza ku banyarwanda, kandi ko Abanyarwanda biteguye kumushyigikira mu matora ateganyijwe mu 2024.

Yanditse iyi ndirimbo mu rwego rwo kugaragaza uburyo Abanyarwanda bishimira imiyoborere myiza ya Perezida Kagame.

Ati 'Usanga abaturage benshi nyuma y'uko Perezida Kagame yemeye ko 2024 ari umukandida, intero n’inyikirizo ni imwe bati 'tukuri inyuma Paul Kagame mu muvuduko n’icyerekezo cy’iterambere mwaduhaye.'

'2024 ni 100% kubera ibikorwa mwasezeranyije abanyarwanda byagezweho hakaba hari n’ibyikubye. Kuri mwe, imvugo ni yo ngiro mu Rwanda nta kidashoboka. Umuturage yivuriza kuri 3000 Frw umwaka wose.'

Uyu mugabo avuga ko yanditse iyi ndirimbo nyuma yo gukusanya ibitekerezo mu banyarwanda batuye imbere mu gihugu n'abatuye hanze y'u Rwanda. 

Yanashingiye ku bitekerezo asangiye n'urubyiruko rukoresha imbuga nkoranyambaga binyuze mu intsinda bashinze bise 'Muze turwubake'.

Justin yasohoye indirimbo ye nshya yise “Turi Intare” yahimbye kubera ijambo ryavuzwe na Perezida Paul Kagame

Justin yavuze ko yakoze iyi ndirimbo mu rwego rwo kwibutsa buri wese uruhare mu guharanira kubaka u Rwanda

Justin ni umwe mu bahanzi baririmbye mu bikorwa byo kwamamaza Perezida Paul Kagame

KANDA HANO UREBE AMASHUSHO Y'INDIRIMBO 'TURI INTARE' YA JUSTIN