Minisitire Nduhungirahe yagiranye ibiganiro na H.E Kenyata uri mu Rwanda #rwanda #RwOT

Minisitiri w'Ububanyi n'Amahanga n'Ubutwererane  w'u Rwanda, Amb. Olivier Nduhungirehe, kuri uyu wa kabiri tariki 06 Ukwakira, ari kumwe n'abandi bayobozi bakuru muri Guverinoma, yakiriye H.E. Uhuru Kenyatta, wahoze ari Perezida wa Repubulika ya Kenya, akaba n'umwe mu bagize akanama k'umuryango w'ubumwe bw'Africa gashinzwe gufasha mu nzira y'amahoro mu burasirazuba bwa Repubulika Iharanira Demokarasi ya Congo (RDC).

Uru ruzinduko rwabaye mu gihe hakomeje ibikorwa bigamije gushakira umuti w'amahoro amakimbirane amaze igihe mu burasirazuba bwa RDC, aho Umuryango wa Afurika Yunze Ubumwe (AU) ukomeje kugira uruhare mu guteza imbere ibiganiro no guhuza impande bireba.

Mu biganiro byahuje Uhuru Kenyatta n'abayobozi b'u Rwanda, hibanzwe ku bikorwa bya aknama ko gushakira amahoro ibibazo biri mu burasirazuba bwa Kongo, uburyo gakomeje gusohoza inshingano zako, ndetse n'ingamba zo gukomeza guteza imbere inzira y'amahoro iyobowe na AU.

Abitabiriye ibiganiro baganiriye kandi ku kamaro ko gukomeza ibiganiro bya politiki, kubaka icyizere hagati y'impande zirebwa n'amakimbirane, no gushaka ibisubizo birambye ku bibazo by'umutekano n'amahoro mu karere.

Ako kanama ka AU gafite inshingano zo gufasha mu nzira y'ibiganiro no gushyigikira imbaraga z'Afurika mu gushaka umuti w'amakimbirane yo mu burasirazuba bwa RDC. Uruhare rw'abahoze ari abayobozi bakuru b'Afurika muri iyi gahunda rugamije gukoresha ubunararibonye bwabo mu gukomeza ibiganiro no gushimangira inzira za dipolomasi.

Kuba Uhuru Kenyatta ari mu Rwanda bifatwa nk'igice cy'imbaraga zikomeje gushyirwa mu bikorwa mu rwego rwo guteza imbere ibiganiro by'amahoro no gushaka uburyo bwo kurangiza amakimbirane mu buryo burambye.

U Rwanda rukomeje gushimangira ko umuti w'ibibazo by'umutekano mu karere ukwiye gushakirwa cyane cyane binyuze mu biganiro bya politiki, mu kubahiriza amasezerano n'inzira zashyizweho n'imiryango y'Afurika.

Ibiganiro byahuje Uhuru Kenyatta n'abayobozi b'u Rwanda rero byibanze ku kureba aho ibikorwa by'amahoro bigeze, ibikenewe gukorwa kugira ngo inzira iyobowe na AU irusheho gutanga umusaruro, ndetse no gukomeza gushaka amahirwe yo kugarura amahoro n'umutekano mu burasirazuba bwa RDC no mu karere k'Ibiyaga Bigari muri rusange.

Source : https://flash.rw/2026/10/07/minisitire-nduhungirahe-yagiranye-ibiganiro-na-h-e-kenyata-uri-mu-rwanda/