Tag: Trending

Umuhanzikazi w'umunyempano Tyla ukomoka muri Afurika y'Epfo yamaze gusinya amasezerano akomeye n'uruganda rukomeye rw'imyenda ndeste na siporo, Nike, rukomoka muri Leta Zunze Ubumwe za Amerika. Aya masezerano yemeza ko Tyla azajya yamamaza imyambaro n'inkweto bya Nike, bikaba bigaragaza ko uyu muhanzikazi akomeje gutera imbere mu buryo butandukanye, haba mu muziki no mu rwego rw'ubucuruzi.

Nike ni kimwe mu bigo bikomeye ku Isi mu bijyanye no gukora imyambaro ya siporo n'inkweto za siporo, kikaba kimenyereweho gukorana n'ibyamamare bitandukanye mu muziki, sinema, n'imikino.

Kuba Tyla yasinye aya masezerano bifite igisobanuro gikomeye kuko bimushyira ku rwego rumwe n'abahanzi n'abakinnyi b'ibyamamare Nike ikorana na bo.

Tyla, wamenyekanye cyane binyuze mu ndirimbo ye yise Water yaciye agahigo ku rwego mpuzamahanga, yagiye agaragaza ko ari umwe mu bahanzi bashya bafite impano idasanzwe ku mugabane wa Afurika.

Kuba Nike yamuhisemo nk'umwe mu bamamaza ibicuruzwa byayo byerekana ko ubwamamare bwe burimo gukura byihuse ndetse n'ingaruka nziza umuziki we ukora ku bakunzi be ku Isi yose.

Uyu muhanzikazi si ubwa mbere yinjira mu bijyanye n'imideli n'imyambaro, kuko amaze igihe agaragara mu bitaramo n'ibirori bikomeye yambaye imyambaro y'abazwi cyane ku rwego rw'Isi.

Amasezerano ye na Nike azamufasha gukomeza kwagura izina rye ndetse bikazamufungurira andi mahirwe mu mwuga we.

Kwamamaza imyambaro ya Nike ni intambwe ikomeye kuri Tyla, kuko bimuha ishusho nshya nk'umuhanzi ushobora no kwinjira mu bucuruzi bw'imideli. Mu gihe ategurira ibihangano bishya, abafana be bazakomeza kumubona nk'umwe mu bagize uruhare mu guhindura ishusho y'abahanzi ba Afurika ku ruhando mpuzamahanga.

Source : https://kasukumedia.com/umuhanzikazi-tyla-wo-muri-afurika-yepfo-yasinye-amasezerano-na-nike/

Umuvugizi Wungirije wa Guverinoma y’u Rwanda yavuze ku mvano y’igisubizo cya ’Ntabwo mbizi’ Perezida Kagame yahaye CNN, agaragaza ko gusubiza kuriya ntaho bihuriye no kuba Perezida atazi amakuru y’Ingabo z’igihugu.

Kimwe mu byagarutsweho cyane ni igisubizo Perezida Kagame yahaye uyu munyamakuru ubwo yamubazaga niba Ingabo z’u Rwanda ziri muri RDC, aho yamusubije agira ati “ntabwo mbizi”.

Mu mashusho y’iminota 3:55 yagiye hanze, CNN yashatse kugaragaza ko iki gisubizo cya Perezida Kagame gishimangira ko atazi niba Ingabo z’u Rwanda ziri muri RDC cyangwa zitariyo, kandi ari Umugaba w’Ikirenga wazo.

Leta y’u Rwanda imaze iminsi igaragaza ko ibyakozwe na CNN byabaye ku bushake hagamijwe kuyobya abantu, cyangwa kubakurura.

Mu kiganiro Umuvugizi Wungirije wa Guverinoma y’u Rwanda, Alain Mukuralinda yagiranye na Kigali Today, yagaragaje ko abantu babasha gusobanukirwa neza ibyavuzwe na Perezida Kagame ari uko bahawe ikiganiro cyose.

Ati “Wibwira ko Perezida wa Repubulika y’u Rwanda yagiranye n’uriya munyamakuru ikiganiro cy’umunota umwe? Bagiranye ikiganiro cy’iminota 46.”

Mukuralinda yakomeje avuga ko muri iki Kiganiro cy’iminota 46, uyu munyamakuru yabajije inshuro zitabarika Perezida Kagame niba Ingabo z’u Rwanda ziri muri Congo, biza kurangira Umukuru w’Igihugu amuhaye kiriya gisubizo kuko yumvaga yabisobanuye bihagije.

Ati “Uriya rero wabazaga Perezida ati ’Ingabo z’u Rwanda ziri muri Congo?’ Perezida akamusubiza, ubwo ni mu kiganiro muzabyibonera, mu kanya akaba aciye mu idirishya ati ‘Ingabo z’u Rwanda ziri muri Congo?’, Perezida akamusubiza, mu kanya agaca munsi y’urugi ati ‘Ingabo z’u Rwanda ziri muri Congo?’ bimaze kuba inshuro nyinshi Perezida aramubwira ati ‘Simbizi’ aramubwira ati ’igihe wahereye ubimbaza se, nibagiwe ibyo nagusubije?’”

Mukuralinda yakomeje avuga ko “Muri ibyo biganiro bagiranye byamaze iminota 40 hafi 46 yabanje kumusobanurira ibirebana n’umutekano kandi arabanza aramubwira ati ‘ntabwo ari bishya, birasanzwe’, amusobanurira cya kibazo nanjye nigeze kuvugaho cy’Abanye-Congo babaza Guverinoma yabo, bazira uko bavutse abigarukaho, bajya mu bya Luanda, bajya mu bya Nairobi byose aramusobanurira, ariko akajya acishamo akongera akamubaza, ni bwo yongeye akamubwira ati ’reka nongere’. Kuri iyi saha no kuri uyu munota uravuga iki? ati ‘Ntabwo mbizi’”.

Umuvugizi Wungirije wa Guverinoma y’u Rwanda yavuze ko gusubiza kuriya ntaho bihuriye no kuba Perezida Kagame atazi amakuru y’Ingabo z’igihugu.

Ati “None se ko tuzi Perezida wacu, hari icyo atamenya ko biri no mu nshingano ze? Ariko Umunyarwanda we arumva nyine ntekereza ko n’Abanyarwanda bumvishe kiriya gisubizo, bumvise ko Perezida yamusubije kuriya kubera impamvu. Ntabwo bumvise ko amusubije kubera ko atabizi.”

Yongeyeho ati “Noneho rero kugira ngo abantu bashire impungenge batagira ngo wenda Perezida yarananiwe cyangwa se yararangaye cyangwa se yaracitswe, bazumve ikiganiro cyose iminota 46, nibacyumva, bazumva impamvu.”

Mukuralinda yashimangiye ko gukata ikiganiro kuriya, CNN yabikoze ku bushake igamije gukurura abantu.

Ati “Uzanasanga kiriya kibazo cyaraje nko mu minota 10 cyangwa se 15 ya nyuma bivuze ngo bari bamaze iminota 30 baganira, ntabwo ari byo bahereyeho ariko iyo ubyumvise kuriya babikata nkana kugira ngo bagashyireho, nugashyiraho gakurure abantu ariko sinzi niba no kuri CNN barafashe umwanya wo kuzashyiraho ikiganiro cyose kuko baragifite, ariko twebwe turagifite twaracyumvise ni na yo mpamvu mvuga ibi, nta banga ririmo.”

Mu bihe bitandukanye, Perezida Kagame yakunze kugaragaza ko nta Ngabo z’u Rwanda ziri muri RDC, ahubwo asaba ababivuga kwibaza impamvu zajyayo.

Yagiye agaragaza ko muri iyi minsi ari imvugo ikunze kwifashishwa na Leta ya RDC mu kwihunza inshingano zayo zo kugarura amahoro n’ituze mu burasirazuba bw’iki gihugu.

Mu minsi mike ishize Perezida Paul Kagame yagiranye ikiganiro n’umunyamakuru, Larry Madowo, cyagarutse ku ngingo zitandukanye

source :  https://igihe.com/amakuru/u-rwanda/article/imvano-y-igisubizo-cya-ntabwo-mbizi-perezida-kagame-yahaye-cnn

Muri Kigali haravugwa inkuru y’umugore wagiye muri telephone y’umugabo we, afungura app ya Instagram, ajya mu ishakiro y’iyo app asanga mo amashusho yabakobwa babanyamideri abasanzwe biyita aba slay queen. Bituma atuka umugabo we ngo niwe wabashize kuri instagram, amwita indaya (perver) Imbere y’abana be, Ibyo byababaje cyane uwo mugabo. 

Umugabo agerageza kumusobanurira ko atari we uba wabishize muri iyo app yanga kubyumva; Amubwira ko ibiri murushakiro rwa Instagram nibyo asanzwe areba. 

Igisekeje ni uko urebye muri telephone y’uwo mugore usangamo amavidewo aba areba ngo nigute waba “Inzobe  Amavuta wakwisiga, udakoresheje mukorogo” Bigargara ko ari we uyareba cyane kuri Youtube kurusha nuwo ari gushinja. 

Ikibazo uwo mugore afite, yirirwa yigereranya n’abo bakobwa abona ku mbuga nkoranya mbaga akabona ko ari bo beza kumurusha bikamutera complex akumva ashaka gusa nabo. Yabona atari kubigeraho uko abyifuza akibasira umugabo we

Muri ubwo bushyamirane bwabaye hagati y’aba bombi, Ikibazo cyaje gukomeza kiriyongera abwira umugabo we amagambo akomeye ati ; “Imyaku yose uhura nayo nikubera ibyo byiso byawe wirirwa ujandika kuri izo ndaya”

Umugabo wari umaze iminsi yifitiye ibibazo byinshi mu kazi yumva , umutima umuriye cyane kubera ayo magambo yari amaze kubwirwa. Usibye n’ibibazo byo mu kazi yari afite, iwabo w’umugabo bari bamaze amasaha macye bamubwiye ko bapfushije umuntu. Aho kumwihanganisha nk’uko bisanzwe bigenda mu bihe bikomeye; Habe na “Condoleances” yigeze amubwira. Ahubwo akomeza kumwumvisha ko ibyago byose ari guhura nabyo ari kubera ibyiso byiwe yirirwa arebaguzwa hirya no hino yaba kuri internet no mu muhanda amabuno y’abakobwa.

Amaze kumva ibyo birego byose, nakindi uwo mugabo yahise akora, afata inzira ajya gutabara iwabo bari bagize ibyago, asiga uwo mugore aho kuko yumvaga bimurenze. Atashye arasenga ajya kwiryamira na rindi jambo amubwiye.

Inkuru ya :  Murekatete

Iyi nkuru igamije kugaragariza abashakanye ubusobanuro bwa bimwe mu bintu bishobora kubaho mu rushako rwabo nibasobanukirwe icyo bishatse kuvuga kandi akenshi haba hari ikintu cyihishe inyuma yabyo gishobora kugira ingaruka zikomeye. 

Hajya habaho ko umugabo ashobora kubona imihindagurikire mu mico runaka ku mufasha we nasobanukirwe icyo ishatse kuvuga. Uyu munsi turavuga kumugore witwa Beata. Beata ni umugore ukorana n’umugabo we bamarye imyaka irindwi bubatse urugo. Babyaranye Gatatu. Muri icyo gihe cyose, Beata n’mugabo we bafite company, ibahemba bombi bitewe n’akazi buri umwe aba yakoze. 

Gusa nyuma y’igihe runaka Beata atangira kugaragaza kutita no kutishimira gukorana n’umugabo we muri iyo company yabo. Akaba akomeje kugaragaza ko ashaka kugira company yiwe wenyine ayoboye akagira abakozi be akoresha , muri macye umushinga akaba ari uwe wihariye. 

Ibyo nta kibazo ahanini kirimo, wenda akazi umugabo we akora ni kamunezeza, nikajyanye n’ibyifuzo by’ubuzima afite. Icyo nta mpungenge na nkeya biteye. Gusa iyaba ari uko bimeze kuko mu mateka yabo Umugabo wa Beata na wundi mukozi umufasha mu kazi kiwe usibye umugore we yigeze akorana nawe kuburyo inshingano zose zo kwamaza gukurikirana aba kiriya n’ibindi Beata niwe yari azihariye. Amaze gutangira gukora kuri uwo mushinga we, na wundi mwanya yongeye guha company Y’umugabo we. 

Ahubwo atangira gushaka abandi bantu yiyegereza ashaka gukorana nabo. Bimaze kumera uko rero Umugabo wa Beata nawe yahise atangira gutekereza undi muntu yakorana nawe akamufasha inshingano zahoze ari iza Beata, ahura n’uwitwa Mireille, ufite ubushake bwo gukorana n’umugabo wa Beata.

Beata akubise amaso Mireille, umujinya urazamuka. Abifata nabi kubona umugabo we nyuma y’imyaka n’imyaniko bakorana ari bombi gusa agiye kumusimbuza umukobwa atazi n’uko bamenyanye n’umugabo we. Ibyari
imishinga y’akazi bikaba bitangiye guhinduka amakimbirane yo murugo.Buri Uko  Umugabo wa Beata agiye guhura na Mireille umugore atangira gufuha bikabije asaba ko umugabo yirukana “Ako gakobwa”.

Ibibazo bikomeza kwiyongera kuburyo yaba ari umushinga wa Beata, yaba ari akazi k’umugabo we byose bigenda bisubira hasi kuberako Beata atizera umugabo we kuri Mireille.

Abonye bikomeje kumuzonga Beata ahitamo gusubira muri company y’umugabo ngo bakorane aho kubona yamusimbuje inkumi imufasha imirimo.

Ikigaraga ni uko n’ubwo yitwazaga gukora indi company yiwe Beata mu byukuri ikibazo yari afite ni uko atizera habe namba umugabo we, amucyekera ubusambanyi, niyo mpamvu yashakaga gutandukana nawe.

Inkuru yanditswe na : Giriteka Shumbusho Etienne

Mu Minsi ishize umufasha wanjye yangejejeho umushinga wa business ashaka gukora. Mu byukuri numva ari igitekerezo cyiza , maze mbura nicyo ngicyemanga. Mwemerera rwose kumushigikira muri uwo mushinga we.

Gusa nyuma yamasaha macye angejejeho icyo gitekerezo, naje kwibuka ko hari aho yambwiye ko afite abo ashaka gufatanya nabo bazamufasha mu kwamamaza ibikorwa bye. Njya kuri Google gushakisha amakuru kuri aba bombi, nsanga ni aba sista babiri bubatse umwe muri bo akaba amaze iminsi avugwaho ibikorwa by’ubusambanyi yakoranye n’umu Youtubeur nawe w’ubatse uzwi cyane mu Rwanda. NGIRA UBWOBA.

Nyarukira kugeza izo mpumgenge kumufasha wanjye, nawe yemera ko izo nkuru yazumvise zabo bombi ko bavuzweho ubusambanyi bwa adultere. Tubiganiraho twungurana ibitekerezo gusa nkumva akomeje gutsembarara ko ashaka , agomba gukorana n’uwo mudamu w’umusambanyi. 

Mubwira ko ashobora kumwanduza imico mibi, aranga ngo wapi kuri we nibya mufata. Ikibazo ni uko muri ino minsi hari ho gahunda ya shegabo yiswe B2 (Bala ya 2 mu giswahili cg Ishyano rya 2 mu Kinyarwanda) Igamije gutuma abagore bubatse bisenyera ingo, no kubashyamiranisha n’abagabo babo, iyo gahunda ya B2 , nayo naje gusanga abo ba sista b’abasambanyi nabo bakorana nayo. Nkaba mfite ikibazo nibaza ati? Ese iki gitero cya sekibi ndagikizwa n’iki; Ko nari kubyumva kimwe n’umufasha wanjye. Ubu tuvugana ndi kumasengesho akomeye ndabizi neza ko Yesu ari bunyambutse amahoro. Murakoze.

Iyi kipe y’ahuye n’uruva gusenya ubwo yashakaga ikipe y’abagabo itakigikina (amateur) igatsindwa ibitego 12 k’ubusa. Ibi ni ibintu byarakaje cyane aba feministes kw’isi yose aho bari biteze ko abagore babigize umwuga badashobora gutsindwa n’ikipe y’abagabo y’abataribigize umwuga (amateur). Inkuru irambuye murayisanga muri iyi videwo :