Blog

Rutahizamu w’umurundi wahoze akinira Rayon Sports avuye muri Sunrise FC, Jules Ulimwengu yagarutse muri iyi kipe nyuma yo kudahirwa muri Guinea Bissau.

Uyu rutahizamu yahoze akinira Sunrise aza gutandukana na yo mu ntangiriro za 2019 aho yerekeje muri Rayon Sports ayisinyira umwaka n’igice.

Ntibyakunze ko arangiza amasezerano yari yayisinyiye kuko nyuma yo usoza amezi 6, uyu mukinnyi mu mpeshyi ya 2019 yagaragaye ku rutonde rw’abakinnyi bakinaga nk’abanyarwanda ariko babonye indangamuntu mu buryo bunyuranyije n’amategeko, yaje kuyisubiza ahita yisubirira iwabo mu Burundi.

Uyu rutahizamu yahise ajya kugerageza amahirwe mu Bushinwa icyorezo cya COVID-19 kimukurayo, ubu akaba yari muri Guinea Bissau nabyo byaranze.

Amakuru ISIMBI yamenye ni uko uyu musore yamaze kumvikana na Sunrise FC yagiriyemo ibihe byiza kuba yayigarukamo, ndetse bivugwa ko yanamaze gusinya amasezerano y’imyaka 2.

Ubuyobozi bwa Sunrise nta bintu byinshi bwifuza gutangaza ku igaruka ry’uyu mukinnyi cyane ko bo bemeza ko bitararangira.

Amakuru avuga ko Jules Ulimwengu yarangije no gushyira umukono ku masezerano y’iyi kipe ndetse na avance kuri recruitment yayihawe, igisigaye ni uko agera mu Rwanda aho yitezwe mu cyumweru gitaha.

Jules Ulimwengu akaba yaba yiyongereye ku bakinnyi nka Ndayishimiye Celestin basinyiye iyi kipe, rutahizamu w’umugande Yefesi na we umutoza aherutse kwemeza ko bamusinyishije.

Mwizerwa Rafiki, Umunyamabanga Nshingwabikorwa w’Umurenge wa Runda, yabwiye ikinyamakuru Ukwezi ko mu masaha y’igicuku ahagana saa sita, abaturage bahuruje ubuyobozi nyuma yo kumva urusakuru mu rugo rw’umugabo witwa Bwanakeye Alexis w’imyaka 34 n’umugore we Isezerano Sarah w’imyaka 26 y’amavuko, bahagera bagasanga uwo mugabo yishwe bigaragara ko haba hakoreshejwe umuhini ndetse hagakekwa umugore we.

Mwizerwa Rafiki yatangarije ikinyamakuru Ukwezi ko uwo mugore ubusanzwe avuka mu karere ka Karongi naho umugabo bikagaragara ko akomoka mu karere ka Huye hashingiwe ku byangombwa byabo, bakaba bari bamaze amezi 8 bageze muri aka gace ariko muri icyo gihe ngo nta makuru y’imibanire mibi yabo ubuyobozi bwigeze bumenyeshwa.

Kugeza ubu uwo mugore yatawe muri yombi akaba afungiwe kuri sitasiyo ya RIB ya Runda mu gihe iperereza rimukorwaho rikomeje, naho umurambo wa nyakwigendera ukaba wajyanywe ku bitaro bya Kacyiru kugirango ukorerwe isuzuma rizifashishwa mu iperereza ryisumbuyeho.

Uyu mugore niwe bikekwa ko yaba yipfakaje akica umugabo we

Ishyirahamwe ry’umupira w’amaguru mu Rwanda ‘FERWAFA’, rivuga ko bitarenze icyumweru kimwe bari bushyire hanze gahunda yose ijyanye n’amarushanwa arimo na shampiyona umwaka w’imikino wa 2020-2021.

Shampiyona umwaka w’imikino 2019-2020 yahagaritswe tariki ya 14 Werurwe 2020 kubera icyorezo cya COVID-19 cyari cyageze mu Rwanda.

Muri Gicurasi 2020, MINISPORTS yatangaje ibikorwa by’imikino nka football bishobora gutangira muri Nzeri hakinwa shampiyona mu gihe imyitozo yo yatangira muri Kanama 2020.

Ukwezi kwa Kanama kwarageze ariko nta kimenyetso na kimwe kigaragaza ko ibi bikorwa bishobora gusubukurwa vuba.

Mu kiganiro umunyamabanga wa FERWAFA yagiranye n’ikinyamakuru ISIMBI.RW, Uwayezu Francois Regis yavuze ko mu gihe kitarenze icyumweru kimwe bari buze gutangaza gahunda yose uko iteye.

Yagize ati“Igihari ni uko mu gihe kitarenze icyumweru kimwe abantu bari buze kubona gahunda yose. Wenda hashobora kubamo impinduka ariko rwose vuba aha baramenya uko gahunda iteye.”

Yakomeje avuga ko kuba shampiyona yatangira ku kwezi kwa 9 nta byinshi abivugaho kuko ngo ntabwo FERWAFA yigeze ibitangaza.

Yagize ati“nta rimwe FERWAFA yigeze itangaza ko shampiyona izagaruka muri Nzeri, FERWAFA ntiyigeze ivuga ko umwaka w’imikino 2020-2021 uzatangira muri Nzeri, nibategereze gato byose biramenyekana vuba.”

Amakuru ISIMBI yamenye ni uko nta gihindutse shampiyona izatangira mu mpera za Nzeri 2020. Biteganyijwe ko gahunda FERWAFA izatangaza izaba ikubiyemo igihe shampiyona izatangirira, imyitozo, imikino ya play offs(mu cyiciro cya kabiri) n’ibindi.

Abantu bashobora kongera kubona APR FC na Rayon Sports zesurana vuba