Blog

Mu bihe byo kwigunga, hahandi biba bigoye gusabana na buri wese, mu gihe imikorere iba itameze neza birashoboka ko umuntu atabona amahoro. Nyamara Bibiliya itubwira ko hari amahoro twateguriwe azarinda imitima yacu n’intekerezo zacu muri Kristo Yesu. Ese ni gute dushobora kubona ayo mahoro?

Mujye mwishimira mu Mwami wacu iminsi yose. Yewe, nongeye kubivuga nti ' Mwishime' Ineza yanyu imenywe n’abantu bose , Umwami wacu ari bugufi. Ntimukagire icyo mwiganyira ahubwo ibyo mushaka byose bimenywe n’Imana mubisabiye mu byingingiye, mushima. Nuko amahoro y’Imana ahebuje rwose ayo umuntu yamenya , azarindire imitima yanyu n’ibyo mwibwira muri Kristo Yesu. Abafiripi 4:4-7

Nezerwa

Hari ubwo umutnu agira ibibazo n’imihangayiko bikamutera umubabaro n’agahinda ko mu mutima, agatakaza ibyiringiro. Birahoboka ko uyu munsi waba uri mu mwanya w’uwo muntu, ariko burya nubwo ushobora kuba ubabaye wari ukwiye kugira ikizere cy’ubuzima bw’ejo hazaza, kubera ko Imana igufiteho umugambi mwiza. Hari imirimo itangaje Imana yagukoreye mu bihe byashize, (urabyibuka?) nk’uko wabonye ukuboko kw’Imana kirya gihe ninako izakwiyereka muri izo ntambara urimo kunyuramo.

Ntabwo ukwiye kwirengagiza ko ugoswe n’abatangabuhamya benshi bavuga imirimo n’ibitangaza Imana yabakoreye. Rero wari ukwiye kunezezwa n’ibyo bikagutera ibyiringiro ko Imana izakurengera. Hari ibyiza Imana yaremye bigukikije, kandi muri ibyo nta nakimwe kibayeho atariyo ikibeshejeho, ukwiye kumenya ko uruta cyane ibindi biremwa, ko Nyagasani Imana yawe igukunda kandi ikwitayeho amanywa n’ijoro.

Horana umunezero wo mu mutima ushimishwe n’ibyo Imana yaremesheje imbaraga n’ubwenge bitarondoreka. Ibyo biragusubizamo imbaraga n’ibyiringiro, bikuzanira amahoro ava ku Mwami Yesu.

Senga

Mbese muri mwe hariho ubabaye ? Nasenge. Hariho unezerewe? Naririmbire Imana Yakobo 5: 13

Nubwo mu bihe by’umubabaro biba bigoye gusenga nta n’amagambo umuntu aba afite yo kuvugamo, kwegera Imana ukayiganyira ni ngombwa. Iyo umuntu amaze kwakira Yesu nk’Umwami n’Umukiza w’Ubugingo bwe atangira kugenda yakira Imigisha yo mu gakiza k’Imana yewe hari n’ ubwo ashobora guhita abona byinshi atari yakabonye ubwo yari atarakizwa. Nyuma ariko uko iminsi igenda itambuka hari ubwo ashobora guhura n’intambara n’ibigeragezo ibintu bigahinduka.

Ashobora guhura n’ibibazo by’ibihombo mu bucuruzi bwe, ibibazo mu rushako , ibibazo mu itorero n’ahandi. Ibi rero bikamura umunezero n’ ibyishimo uwo muntu yari asanganywe bikaba byamutera gutakaza ibyiringiro.

Umuti w’ibyo byose rero umuntu aba akeneye gusenga no kwishingikirizaku Mana cyane kubera ko yiteguye kumva amarira n’agahinda by’uwo muntu. Zaburi 6: 9-10 havuga ngo ' Mwa nkozi z’ibibi mwe, nimuve aho ndi, kuko Uwiteka yumvise kurira kwanjye. Uwiteka yumvise Kwinginga kwanjye. Uwiteka azemera gusenga kwanjye'

Shimira Imana

Nubwo mu buryo bufatika( Physical) ntacyo waba wabonye gishya, ukwiye kumenya ko ibyo Imana igukorera mu rwihisho bitabarika ndetse birenze n’ubwenge bwa muntu ku bisobanukirwa. Ntabwo gushimira Imana bizanwa n’ibintu bifatika gusa tuba twaronse mu buzima bwacu, ahubwo dukwiye gusobanukirwa ko hari imigisha itagaragara Imana ihora itugenera buri munsi kandi mu buryo tutazi.

Nta kintu gihesha amahoro nko guhora ushimira Imana buri munsi, gerageza ujye ukora urutonde rwa buri munsi wandikeho amashimwe ushima Imana kubyo igukorera buri munsi. Biroroshye hera ku magara mazima ufite none, uzirikane ko hari abashizemo umwuka , ha agaciro ko kuba uri muzima utarwaye iryo in ishimwe rikomeye. Ushimire Nyagasani Imana kubwo agakiza yakugabiye ku buntu akaguha Yesu. Muby’ukuri nubwo ubuzima bw’iyi minsi bugaragara nk’aho butoroshye dukwiye guhora dushimira Imana.

Umuntu wese akishimira urwego agezemo ndetse akananyurwa n’ibyo afite, ngo 'inyuma y’umuntu hari undi’ hari umuntu udafite amahirwe yo kuba aho wowe uri. Iyo rero duhoranye uyu mutima uhora ushimira Kristo, tubasha no kubona amahoro avuye ku Mana.

Uru ni urugero rwiza rwo gusenga isengesho rigufi rishimira Imana:

'Mwami Yesu urakoze ko wanshunguye ukampa agakiza kubw’ubuntu. Urakoze Yesu ko uhora umbabarira gukiranirwa kwanjye . Mana urakoze ko umpa ibyiringiro mu gihe nabuze kwizera. Urakoze gushimangira kwizera kwanjye mu gihe nuzuwemo n’ubwoba. Urakoze kumfasha kumenya intego yanjye no mu bubabare bwanjye, Amena

[email protected]

Munyentwari Eugene niwe ufite uburwayi bukabije ugereranyije na murumuna we Karekezi Bernard. Bombi ntabwo babashije kubona ubuvuzi kandi byabateye ubukene bukabije kuko n’imyuga bize ntawayibahera akazi kuko aho batuye usanga babanena bakanabitaza cyane.

Uburwayi bwa Eugene bwazahaje ubuzima bwe bwose

Karekezi Bernard nawe afite uburwayi nk’ubwa mukuru we

N’ubwo Eugene yakuze azi ko atazabona umufasha, yaje kumenyana na Mukandayisenga Claudine wamubereye inshuti nziza bakajya bahuzwa n’amasengesho, ubucuti bwabo buza kuvamo urukundo rutangaje kuko uyu mukunzi we yagiye abuzwa kenshi n’abantu batandukanye barimo n’abayobozi b’inzego z’ibanze batifuzaga ko yashakana na Munyentwari, bavuga ko batifuza kubona uwo muntu urwaye ibyo bita ibibembe.

REBA VIDEO IBIGARAGAZA BYOSE HANO :

Kuwa Gatatu tariki 23 Nzeri 2020 ariko, intego y’urukundo rwabo bayigezeho kuko barahiye imbere y’amategeko mu murenge wa Gatore, basezerana kwibanira ubudatana. Munyentwari yageze aho asobanura iby’ubuzima bwe n’urukundo akundwa na Claudine wamwakiriye uko ari, kwihangana biranga amarira arashoka, bizamura amarangamutima y’ikiniga ku batashye ubu bukwe.

Munyentwari Eugene na Mukandayisenga Claudine basezeranye kuzibanira akaramata

REBA VIDEO IBIGARAGAZA BYOSE HANO :

Ubu Eugene afite umugore umukunda, gusobanura urwo amukunda biramurenga akarira

Nyuma y’uko abantu batandukanye bakozwe ku mutima n’ubuzima aba bantu babayemo, abatari bacye bakomeje gushaka ko hashyirwaho umuyoboro wakusanyirizwamo inkunga yo kubafasha mu by’ibanze, hanyuma hagakomeza n’ubuvugizi ngo bazabone ubufasha mu by’ubuvuzi.

Ni muri urwo rwego hashyizweho urubuga rwa Whatsapp rwagiyemo buri wese ushaka kugira icyo afasha uko cyaba kingana kose, kugirango n’uburyo iyo nkunga izakusanywa bube buri mu mucyo usesuye kuri buri wese kuzageza ishyikirijwe abayigenewe. Mu bitekerezo bahuje ari nako bakusanya amafaranga, icyambere cyakozwe ni ukuzana Eugene na Bernard i Kigali aho bakiriwe n’umuryango wemeye kubitaho mu gihe bategereje kwivuza hanyuma bakazasubira i Kirehe aho Eugene we azajya kwitegura umuhango wo gusezerana mu rusengero n’umugore we Claudine.

Bakigera i Kigali, bishimiye cyane uko bakiriwe ndetse n’uburyo abantu batandukanye biyemeje kubaba hafi mu burwayi n’ubuzima bubi babayemo. Bashimiye buri wese witanze banamusabira umugisha ku bw’ineza n’urukundo yatumye bongera kugira icyizere cy’ubuzima.

REBA VIDEO IBYISHIMO BAGARAGAJE HANO :

Uburyo aya masomo atangwamo hifashishwa ibiganiro by’amajwi bishyirwa kuri uru rubuga rwa 'MURANDASI TV’.

Amasomo atangirwa kuri uru rubuga ni asanzwe yigishwa mu mashuri yigisha amategeko y’umuhanda by’umwihariko ku bantu baba bashaka gukora ibizamini bya Provisoire.

Mwarimu Iraguha Clement utanga aya masomo yabwiye UKWEZI ko afite intego yo kwegereza abanyarwanda aya masomo cyane ko yari asanzwe afite ishuri ryigisha amategeko y’umuhanda no gutwara ibinyabiziga.

Yagize ati 'Nari nsanzwe nkora akazi ko kwigisha abantu amategeko y’umuhanda ndetse no gutwara ibinyabiziga, urumva rero nashatse gukora ikintu cyafasha abanyarwanda gukomeza kubona aya masomo kandi ni ibintu bizakomeza no mu gihe amashuri azaba yaratangiye.'

Kanda hano ubone andi masomo yagiye atangwa kuri MURANDASI TV

Iraguha avuga ko amasomo azajya atangirwa kuri uru rubuga azajya yibanda ku matageko y’umuhanda ariko hakazamo n’utuntu n’utundi aho abakurikira uru rubuga bazajya bamenyeshwa ibintu bitandukanye.

Yakomeje agira ati 'Nk’urugero, umuntu ashobora kuba akunda gutwara imodoka atazi amateka y’imodoka, uwayivumvuye cyangwa se akaba abona hari imodoka zizwi nka 'Automatic cyangwa Manuel ariko atazi aho zitandukaniye. Ibyo byose tuzajya tubibagezaho.'

Abategura kandi bakanatanga aya masomo bavuga ko kugira ngo umuntu ayakurikire bisaba kwiyandikisha kuri uru rubuga [Subscribe] ku rubuga rwa 'MURANDASI TV’ ari narwo runyuzwaho aya masomo umunsi ku munsi.

Kanda hano utangire amasomo y’amategeko y’umuhanda

Menya itandukaniro ry’imodoka za Automatic na Manuel

Kanda hano ubone andi masomo yagiye atangwa kuri MURANDASI TV

Samai n’umugabo we bagize umugisha wo kubyara abahungu batatu n’abakobwa babiri. Abakobwa babo barashatse kandi bagira ingo zimeze neza, mubyukuri Samai yari mu buzima bwiza kuko ibyo yakeneraga byose yabibonaga, ariko igihe cyaje kugera abahungu be n’umugabo we barapfa maze afatwa n’agahinda gakabije, ariko nyuma yahuye na Yesu amuha amahoro atarondoreka.

Umugoroba umwe, umuryango wakiriye amakuru ateye ubwoba avuga ko umuhungu mukuru wa Samai yakoze impanuka ahita apfa. Iki gihombo cyasize umubabaro mwinshi mu muryango.

Nyuma y’imyaka mike, amakimbirane yariyongereye mu muryango mugihe umuntu yaroze ibiryo by’umuhungu wa kabiri wa Samai, ahita apfa. Icyo gihe umuryango wongeye gutungurwa n’umuborogo ukomeye. Imibereho yabo ntiyaboroheye kuko na mbere bari bakiri mu gahinda k’umuhungu wabo wri uherutse gupfa, bakimara gupfusha uwa kabiri, bahise bananirwa kwihangana.

Ku mugabo wa Samai, igihombo cyari kinini cyane. Ntiyashobora kwihanganira akaga kari kabagwiririye . Asanze nta gisubizo cy’akababaro ko mu muryango kandi nta byiringiro by’amahoro bihari, yahisemo kwiyahura.

Samai, umupfakazi w’imyaka 65 yasigaye wenyine ndetse atangira guhangana n’agahinda gakabije. We yibazaga amaherezo yabyo bikamuyobera.

Samai yari asigaranye umuhungu umwe gusa, ariko nyuma y’amezi make urupfu rwaramujyanye. Kubura umwana umwe byari bigoye; kubura abahungu batatu n’umugabo we byo ntibyari byoroshye.

Samai yagize ubwoba bisa nk’aho ubuzima bwe buzimiye ku buryo bwihuse, bitewe n’uko yari afite umubabaro urenze ubwenge bwe.

Abakobwa ba Samai n’abaturanyi bagerageje kumuhoza, ndetse abakobwa be bamwakiriye mu ngo zabo. Ariko Samai ntiyashoboraga kwakira ihumure. Amaze igihe runaka abana n’abakobwa be, Samai yasubiye mu rugo rwe nk’umupfakazi ndetse aba mu buzima bwo gutakaza ibyiringiro, bitewe n’uburemere bw’ikibazo cye cyo gukomereka umutima incuro enye.

Yitegereje ukuntu abayeho, umutaranyi wa Samai yamugiriye inama yo gutangira urugendo rw’umwuka kuko yabonga aribyo byamugabanyiriza kwigunga. Samai yatangiye kwitabira inama n’ibikorwa byo kuramya, ariko ibi byose ntibyamuhaye amahoro yashakaga, ahubwo agahinda karushagaho kwiyongera.

Umunsi umwe, inshuti yatumiye Samai mu gikorwa cyo kuramya cyayobowe na Pasiteri Ibraheem. Nuko iyo nshuti yasabye Pasiteri gusengera Samai, maze Pasiteri Ibraheem abasezeranya ko azamusengera kugira ngo Imana imwuzuze amahoro. Mubyukuri Samai yahisemo kujya yitabira amateraniro kuko yifuzaga cyane ikintu cyose gishobora koroshya ububabare bwo mu mutima we n’impungengezose yari afite.

Nyuma y’amateraniro, Pasiteri Ibraheem yasabye Imana gusimbuza amaganya ya Samai, inzozi mbi n’ubwoba ikamuha amahoro.

Bidatinze, Pasiteri n’umugore we bahoraga basura Samai buri gihe kugira ngo bamusengere kandi bamutere inkunga mu Ijambo ry’Imana. Samai yatangiye kwishimira gusinzira neza no kuruhuka kurota inzozi ziteye ubwoba.

Samai yaravuze ati: “Nyuma y’urupfu rw’abahungu banjye batatu n’umugabo wanjye, naravunitse rwose kandi nta mahoro nari mfite. Nanjye sinifuzaga kubaho, ariko nyuma yo kumenya Yesu Kristo, nize kubaho.'

Samai yahisemo gukurikira iyi Mana ishobora rwose kumuha ibyo akeneye no kumuha amahoro yo mu mutima.

Source:gospelforasia-report.org

[email protected]

Imyaka 6 ayitegura: Migambi agiye gusohora Album y’indirimbo 50 y’urugendo rwagutse rw’umugenzi ugana mu Ijuru

Umuhanzi akaba n’umunyamakuru , umuhungu wa Mukeshabatware Dismas umunyabigwi mu bakinnyi b’ikinamico , Migambi Gilbert uzwi kandi nka Migambi Nyawe, agiye gupfundura agaseke k’umuzingo (Album) y’indirimbo 50 zishushanya urugendo ruvuguruye rw’umugenzi ugana mu Ijuru.

Migambi amaze iminsi yifashisha imbuga nkoranyambaga ze, agaragaza amashusho y’integuza ya Album ifite umwihariko yise 'Inyanja’ mu rwego rwo kugaragaza ivugabutumwa ryagutse afitiye abatuye Isi.

Ku wa 01 Ukwakira 2014, ni bwo Migambi umunyamakuru wa Magic Fm, yatangiye gutegura iyi Album. Azizihiza imyaka itandatu ayitegura ku wa 01 Ukwakira 2020 ari nabwo azasohora indirimbo ya mbere iriho.

Ni Album yahaye umwanya! Yayikozeho mu buryo bw’amajwi, yiyandikira buri ndirimbo iyigize, ayungurura amajwi n’ibindi byakomeje iyi Album y’indirimbo zihimbaza Imana.

'Inyanja’ izumvikanaho indirimbo ze bwite, n’izo yakoranye n’abandi bahanzi bakomeye bazamenyekana mu minsi iri imbere.

Migambi yabwiye INYARWANDA, ko indirimbo ziri kuri iyi Album, ari ubutumwa Imana yanyujije muri we bureba abagenzi bagana ijuru. Avuga ko igizwe n’ibihangano by’umwuka bikumbuza abazabyumva ijuru ndetse no kureka ibyaha 'bagahindukirira Uwiteka’.

Uyu muhanzi avuga ko imyaka itandatu ishize ategura iyi Album, imuha icyizere ko abanyarwanda bazakira neza ubutumwa bukubiyemo kandi bukagira umumaro uhambaye muri bo mu gihe cyabwo 'buhindure benshi kandi bukangure n’abaguye.

Migambi ati 'Imyaka 6 nkora iyi Album bisobanuye byinshi kuri njye ariko ikigenzi n’uko ari igisobanuro cy’umukozi ugandukiye Sebuja. Kandi ikaba urugero rwiza rwo kumvira Nyir’umurimo, ukagenda uko imbaraga zawe zingana kuko atari ku bwacu gushobora n’ubwo ari twe tugambirira.'

Akomeza ati 'Naho icyo nyitezeho, icyo cyo ni umurimo wa Data kuko ari we ureba ahazaza, gusa njye nakifuje ko uzayitega ugutwi atakinangira umutima we kuko ni njye na we Imana ishaka. Mbega byiza twese duhuriye mu ijuru! Isobanuye umubano wanjye udakuka n’Imana, isobanuye kwihangana no kumvira, buri kimwe cyose mu gihe cyacyo.'

Iyi Album 'Inyanja’ izaba igizwe na Mini-Album eshanu, iya mbere yayise 'Inyanja I (Uwiteka Abyemeye), 'Inyanja II’, Inyanja III’, 'Inyanja IV’ na 'Inyanja V’. Ikubiyeho indirimbo ziri mu njyana nyinshi Pop, Afro beat, R&B, Slow, Soul, Hip Hop, Gakondo, Zouk, Kizomba n’izindi.

Migambi avuka mu muryango w’abanyamuziki, kuri Se Mukeshabatware Dismas, umunyabigwi mu bakinnyi b’ikinamico. Migambi yabaye Producer by’umwuga kuva mu 2013, ari naryo pfundo ry’umuziki we. Muri iyo myaka yasohoye indirimbo yitwa 'Njya ntekereza’ atashyize ku rubuga rwa Youtube, ariko zimwe muri Radio za Gikirisitu zirayicuranga.

Source: Inyarwanda.com

[email protected]