Blog

Umunyamideli w’umutaliyanikazi, Sarah Michelotti akaba n’umugore w’umuhanzi w’icyamamare muri Tanzania, Harmonize yavuze ko yafashe umwanzuro wo gutandukana n’uyu muhanzi bitewe n’imyitwarire idahwitse irimo kumuhisha amabanga ye menshi.

tariki ya 7 Nzeri 2019 ni bwo ubukwe bwa Sarah na Harmonize bwabaye bubera mu mujyi wa Dar es Salaam.

Abinyujije ku rukuta rwe rwa Instagram, Sarah mu mpera z’icyumweru gishize aherutse gushyiraho impapuro zo kwa muganga zigaragaza ibizamini bya DNA(bipimwa kugira hamenyekanye isano umuntu afitanye n’undi) byapimwe abagabo 3 barimo Harmonize kugira ngo barebe niba ari we se w’umwana witwa Zereha Nasra wabyawe na Nasra Muhsin Selemani.

Basanze uyu mwana atari uwa Harmonize n’ubwo akomeje kumwiyitirira ari naho umugore we yahereye avuga ko ari ihungabana yatewe no kutabyara. Basanze umwana ari uwa Rajabu Ibrahim Abdukahali

Ati'Mana yanjye abantu koko baracanganyukiwe, ku nshuro ya kabiri bafashe ibipimo bya DNA ariko n’ubundi basanze atari uwawe, cyangwa kuba warananiwe kubyara wihaye umwana umwana utari uwawe? Komerezaho kwakira umwana utari uwawe ufite umutima mwiza, ntuzi kwita ku mugore kubera ibibi byawe, nizere ko umwana we uzamwitaho.'

Uyu mugore kandi akaba yarahise atangaza ko yahisemo gutandukana na Harmoze kubera ko yananiwe kumwihanganira.

Uyu mugore yavuze ko uko iminsi yagiye ihita yabonye ko babayeho mu buzima butandukanye, anabona ko Harmonize nta muntu n’umwe yubaha.

Ati 'Ntiwigeze umenya n’uko wabungabunga umugore nkanjye cyangwa ngo uterwe ishema n’umuntu waguhaye ubuzima bwiza. Kandi ntuzi kubaha abantu bagukunda ndetse n’abo biteguye ku gushyigikira. Mu bihe bitandukanye nabonye ko ari 'umubeshyi’ kandi 'uri fake (wigaragaza uko utari)’.'

Yavuze ko gukundana kugeza barushinze, ari ubuzima bubi adashaka kugarukaho. Ndetse ko aramutse avuze buri kimwe, abantu batungurwa. Ati 'Ufite indi sura abantu batazi kabisa.'

Sarah yavuze ko Harmonize atigeze amushimira ibyo yamukoreye. Amubwira ko 'ubuzima bumuhishiye amasomo’ kandi ko we agiye gutangira urugendo rushya rw’ubuzima bwe.

Yifurije imigisha myinshi Harmonize, amubwira ko abonye umwanya mwiza wo kuryamana n’abandi bagore ashaka. Asoza agira ati 'Ariko nakugira inama yo kumenya gushima no kuzirikana abantu bakugiriye neza.'

Ibizamini basanze umwana atari uwa Harmonize

Sarah yavuze ko yamaze gutandukana na Harmonize

Kapiteni wungirije wa AS Kigali, Nsabimana Eric Zidane yavuze ko kuba basezereye ikipe ya Orapa United muri Confederations Cup hari ishimwe bari buhabwe n’abayobozi nk’uko basanzwe babikora cyane ko n’iminsi mikuru yegereje bari bakeneye ayo mafaranga.

Ku munsi w’ejo AS Kigali yasezereye Orapa United muri CAF Confederations Cup, ni nyuma yo kuyitsinda 1-0 i Kigali, muri Botswana yari yatsinzwe 2-1, biba 2-2 mu mikino yombi ariko AS Kigali ikomeza kuko yabashije gutsinda igitego hanze.

Nyuma y’uyu mukino, Nsabimana Eric Zidane akaba na kapiteni wungirije wa AS Kigali, yavuze ko bagombaga gukora ibishoboka byose bagatsinda uyu mukino cyane ko hari n’agahimbazamusyi kawuherekeza kandi katari gake.

Ati'iyo dutsinze abayobozi bacu basanzwe badushimira, natwe abakinnyi tugombaga gushaka ayo mafaranga kuko urareba n’iminsi mikuru iregereje kugira ngo agire icyo adufasha, twitanze uko dushoboye Imana ibidufashamo tubona intsinzi.'

Ntabwo yigeze avuga amafaranga bemerewe, ariko amakuru avuga ko gutsinda uyu mukino buri mukinnyi yari yemerewe ibihumbi 300 by’amafaranga ga y’u Rwanda.

Eric Zidane ngo ako gafaranga bari bagakeneye

Byari ibyishimo ku basore ba AS Kigali

Mushikiwabo watangiye inshingano zo kuyobora OIF (Organisation Internationale de la Francophonie), ku wa 03 Mutarama 2019, nyuma y’uko yari yatsize amatora yari yabaye ayahanganyemo n’Umunyacanada Michaëlle Jean washakaga manda ya kabiri.

Mu kiganiro n’Umunyamakuru Francis Van de Woestyne w’ikinyamakuru La Libre cyo mu Bubiligi, yagarutse ku rugendo rwe muri politiki, ubuzima bwe bwite ndetse n’impamvu yatumye afata icyemezo cyo kwiyamamariza kuyobora OIF.

Uyu muryango ubumbatiye ibihugu 84 bikoresha Igifaransa birimo 28 byo ku Mugabane w’Afurika.

Mushikiwabo yavuze ko yafashe kwiyamamaza nk’uburyo bwo gukomeza imirimo ye nka Minisitiri w’Ububanyi n’Amahanga, ariko noneho w’ibihugu byinshi, bikoresha Igifaransa.

Ati 'La Francophonie ni umuryango ufite amateka meza. Ni umuryango mpuzamahanga, uhuza ibihugu byinshi, za guverinoma. Hashize imyaka isaga 50 ushinzwe n’abagabo bareba kure, abanyabwenge, baturukaga ahantu hatandukanye.'

Yakomeje agira ati 'Umunya-Sénégal Léopold Sédar Senghor, umuhanga mu ndimi wanabaye Perezida wa Sénégal ; Perezida wa Niger, Hamani Diori ; Perezida wa Tunisie, Habib Bourguiba n’Umwami wa Cambodge, Norodom Sianouk, bishyize hamwe barema umuryango mpuzamahanga w’abakoresha igifaransa.'

Mushikiwabo yavuze ko bari bahuriye ku kuba barakolonijwe, muri ayo mateka mabi banyuzemo, bakuramo ururimo rw’Igifaransa nk’ikintu cyabahuza bakishyira hamwe hagati y’abaturage babo, bongeramo izindi ndangagaciro.

Yakomeje ati “Ururimi rw’Igifaransa ntabwo ari urw’u Bufaransa gusa. Ni ururimo abo icyo gihugu cyakolonije basigaranye, barugira urwabo ndetse bararukungahaza. Uyu munsi Francophonie ni umuryango mpuzamahanga wa politiki ariko n’ubuhahirane bwafasha inzego zimwe z’ingenzi binyuze mu migabane itanu itandukanye.”

“Intego mfite ni uko Francophonie yagira uruhare mu bintu bibera ku Isi. Umuryango wacu ushobora kuba nk’umuhuza. Turi umuryango wubakiye ku ndangagaciro za kimuntu, ijambo ry’ibanze muri Francophonie ni ubufatanye.”

Magingo aya OIF igizwe n’ibihugu 88, harimo 54 binyamuryango, ibindi ni ibigenda byifatanya n’uyu muryango cyangwa by’indorerezi. Mushikiwabo yavuze ko hari n’ibindi biri gukomanga ku muryango bishaka kuwinjiramo, ku buryo ari umuryango ukura.

Hejuru ya kimwe cya kabiri cy’ibihugu biwugize kandi biri muri Afurika, ndetse Kinshasa niwo mujyi munini ukoresha Igifaransa, imbere ya Paris.

Mu gihe kirekire ariko, OFI yakunze kugaragazwa nk’umuryango udafite ibikorwa byinshi bihuza abantu, ibintu Mushikiwabo avuga ko arimo guhangana nabyo.

Yagize ati “Ntabwo twakomeza kuba umuryango w’abakuru b’ibihugu bahurira mu nama. Tugomba kujya aho ibintu bibera. Iyo uri minisitiri urakurikirana. Naje muri Francophonie mfite ubumenyi mu micungire. Nahise mbona ibinjyanye n’inzego n’imikorere bigomba kuvugururwa.”

“Hagombaga kunozwa imikorere ikajya ku rundi rwego kugira ngo tubashe kugira uruhare mu mibanire mpuzamahanga. Nshyira n’ingufu nyinshi mu gutuma ururimi rw’Igifaransa rugaruka mu mikorere mpuzamahanga.”

Ijambo francophonie ryadutse mu 1880 rikoreshejwe n’Umufaransa Onesisme Reclus, umuhanga mu bumenyi bw’Isi.

Aba bari mu itsinda rimwe na Rwakayiro Cesar uherutse gufatwa na Polisi tariki ya 28 Ugushyingo nyuma y’amakuru yari amaze gutangwa n’umuturage, yandikiye Polisi y’u Rwanda ku kuri twitter avuga ko yitwaza ko ari umukire aho atuye agahohotera abaturage, kuko ku ya 26 Ugushyingo avugwaho kuba yari yatemye mu mutwe uwitwa Ndagijimana Emmanuel akoresheje umuhoro.

Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire avuga ko nyuma yo gufata Rutabayiro, Polisi yakomeje iperere iza gusanga yari afite itsinda ririmo na bariya basore 4 bafashwe tariki ya 04 Ukuboza. Aba bose, abaturage bakaba babavugaho gutega igico abantu bakabambura amafaranga n’ibindi bafite, bitwaje imbwa n’imihoro.

Yagize ati : 'Rwakayiro amaze gufatwa twakomeje iperereza tugendeye ku makuru y’abaturage, dusanga yari afite itsinda ririmo bariya basore bane twafashe. Bategaga abaturage bakabambura ibyo bafite bifashishije imbwa n’imihoro. Bakoreraga urugomo abaturage harimo no kubatemesha imihoro. Ibikorwa byabo babikoreraga mu Midugudu ya Gahungeri, Nyamabuye na Murambi yose yo mu Kagari ka Giheshyi mu Murenge wa Rukoma.'

SP Kanamugire akomeza avuga ko bariya basore bane bafashwe nyuma y’aho tariki ya 28 Ugushyingo, Uwizeyimana Samuel w’imyaka 21 na Tuyishimire Jean de Dieu w’imyaka 21 bari bakubise banakomeretsa mu mutwe umuturage witwa Muragijimana Eric bakoresheje imihoro. Gusa abo batemye bose nta witabye Imana. Usibye ko atari urugomo gusa bakoraga.

Ati : 'Bariya basore bafite itsinda ryategaga abaturage rikabambura amafaranga ndetse bakabatema n’imihoro. Ibyaha byabo babikoreraga mu midugudu twavuze haruguru, ku makuru dufite ni uko ibyo bikorwa babikoreraga abantu baturutse ahandi hantu batari abo muri iriya midugudu.'

Umuvugizi wa Polisi mu Ntara y’Amajyepfo yavuze ko nta muntu wakora ibyaha ngo abure gufatwa, ndetse nta n’umuntu wakwitwaza icyo aricyo ngo ahohotere abandi, kuko nta muntu uri hejuru y’amategeko. Yasabye abaturage kwirinda umuco wo guhishirana ahubwo bakajya bihutira gutanga amakuru hakiri kare.

Yagize ati : 'Hari bamwe twagiye tubona bandika mu binyamakuru bavuga ngo bariya basore ni ibihazi ngo na Leta yarabananiwe ariko siko bimeze. Nta muntu uri hejuru y’amategeko. Hakozwe iperereza ryimbitse ndetse bamwe muri bariya basore barafashwe bashyikirizwa ubutabera kandi n’abasigaye nabo bazafatwa. Amakuru dufite ni uko ryari itsinda rinini.'

Yakomeje avuga ko Rwakayiro we yamaze gushyikirizwa ubutabera arimo kuburanishwa, ni mu gihe na bariya 4 bafashwe tariki ya 4 Ukuboza bamaze gushyikirizwa Urwego rw’Igihugu rushinzwe Ubugenzacyaha (RIB) kugira ngo bakorerwe idosiye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 168 ivuga ko Kwiba hakoreshejwe kiboko cyangwa ibikangisho bihanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miriyoni eshatu (3.000.000 FRW) ariko atarenze miriyoni eshanu (5.000.000 FRW).

Ingingo ya 121 y’iri tegeko ivuga ko umuntu wese, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

Iyo icyaha cyakorewe umwana, umubyeyi, uwo bashyingiranywe cyangwa umuntu udashoboye kwitabara kubera imiterere ye ku mubiri cyangwa mu bwenge, ahanishwa igifungo kirenze imyaka itanu (5) ariko kitarenze imyaka umunani (8) n’ihazabu y’amafaranga y’u Rwanda atari munsi ya miriyoni imwe (1.000.000 FRW) ariko atarenga miriyoni ebyiri (2.000.000 FRW).

Iyo gukubita cyangwa gukomeretsa byagambiriwe, byategewe igico, uwakoze icyaha ahanishwa igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miriyoni eshatu (3.000.000 FRW) ariko atarenze miriyoni eshanu (5.000.000 FRW).

Ni mu muhango wabaye mu ijoro ry’uyu wa Gatandatu tariki 05 Ukuboza 2020, ubera mu nyubako ya Julius Nyerere International Convention Centre [NICC] iherereye mu Mujyi wa Dar Es Salaam muri Tanzania.

Rose Manfere yegukanye ikamba avuye muri batanu bageranye mu cyiciro cya nyuma aribo Juliana Rugumisa, Prisca Lyimo, Hoyce Bakanoba na Yvonne Paul.

Rosey Manfere [Rosette] wambitswe ikamba rya Miss Tanzania 2020 ; asanzwe akora ibijyanye n’ubucuruzi muri Tanzania, umunyamideli unafite ikamba rya Miss Ardhi Talent 2020.

Uyu mukobwa anakorana n’inzu y’imideli yitwa Blackfox Models Africa yamwifurije ishya n’ihirwe mu rugendo rushya yatangiye rwo guhagararira Tanzania muri Miss World n’andi marushanwa y’ubwiza. Bati 'Dutewe ishema, kandi twizeye ko uzahagararira neza Tanzania.'

Mu ijambo rye, Miss Rosey yashimye buri wese wamushyigikiye kuva atangiye kwiyamamariza kuba Miss Tanzania, ashima byimazeyo Imana. Uyu mukobwa yavuze ko yari ahatanye n’abandi b’abahanga ku buryo atari yizeye ko ari we wegukana ikamba ry’agaciro kaninini.