Blog

Source : https://fr.igihe.com/Nyanza-Trois-blesses-a-la-grenade.html

Source : https://en.igihe.com/news/article/covid-19-rwanda-records-2-deaths-153-new-cases

 

 

Meya w'akarere ka Huye, Sebutege Ange, mu kiganiro yagiranye n'abanyamakuru kuwa 23 ukuboza 2020, yongeye gukebura abibwira ko gahunda y'isuku mu mujyi, hacibwa ibihingwa birebire birimo n'urutoki yahagaze, ko bibeshya.

'Igice cy'umujyi kizakomeza kuba koko igice cy'umujyi. Ntabwo twigeze tubuza umuntu guhinga, ahubwo turamugira inama ngo azakorere ubuhinzi ahagenewe ubuhinzi.' Meya Sebutege Ange, aha yasubizaga umwe mu banyamakuru, wari umubajije niba gahunda yari yatangijwe muri Mutarama 2020, yo gutema insina no guca ibihingwa birebire, niba yarasubiwemo, igahagarikwa.  

Yibukije ko gahunda yo kunoza isuku mu batuye mujyi wa Huye no gukurikiza igishushanyo mbonera cyawo, bitagikeneye kubihatirizwa no kubikoreshwa ku ngufu, ahubwo abaturage bakwiye kubigira ibyabo. Ati ' icyo natangaza ni uko iyi gahunda yo gusukura umujyi, yo gutuma umujyi ukorerwamo ibyakabaye biwukorerwamo, yo izakomeza kandi hari abantu twagiye tubijyamo inama, abenshi bakabyikorera. Kandi nubundi igishushanyo mbonera kivuguruye nicyemezwa kizagira ibyo gitegeka.'

Mu kwezi kwa 9 mu 2019, nibwo akarere kafashe icyemezo cyo gusaba abatuye umugi wa Huye, guhagarika ubuhinzi bw'ibimera birebire birimo: insina, ibigori, amasaka n'ibindi byose bituma isura y'umugi itagaragara neza. Muri icyo kemezo kandi abaturage basabwaga gukuraho inzitiro n'ingo z'imiyenzi, imbingo, imihati, n'ibindi byose bitajyanye n'ikerekezo cy'umujyi, mu gihe kitarenze amezi 6, ndetse n'abacuruza amayinite mu mitaka ku mihanda bakahava bakajya mu isoko.

Ibi byemezo bigitangira gushyirwa mu bikorwa cyanecyane muri Mutarama 2020, abaturage, barabyijujutiye, ntibabyakira neza, bavuga ko bigiye kubateza inzara. Nyuma y'amezi make bishyirwa mu bikorwa, imbaraga byatangiranye zaje kugabanuka abaturage batangira gukeka ko iyo gahunda yahagaritswe. Aha meya  yabibukije ko akarere kagizwe n'igice cy'ubutaka kigenewe umujyi kingana na 14% ndetse na 86% by'icyaro, ko abashaka gukora ubwo buhinzi bagana aho habigenewe.

Igishushanyombonera cy' umujyi wa Huye kivuguruye

Igishushanyo mbonera kivuguruye, kigaragaza ko umujyi uzaba ugizwe n'ibice byo mu mirenge itanu kuri 14 igize Akarere ka Huye, ari yo Mbazi, Huye, Ngoma, Tumba na Mukura.

Mu Murenge wa Mbazi, umujyi uzaba uri mu midugudu imwe n'imwe yo mu Tugari twa Mwulire, Gatobotobo na Kabuga. Muri Huye, ni mu tugari twa Rukira na Sovu, naho muri Ngoma uzagera mu tugari twa Kaburemera, Butare, Ngoma na Matyazo.

Mu Murenge wa Tumba, imbago z'umujyi zizagera mu Tugari twa Mpare, Cyarwa, Cyimana, Gitwa, na Rango B, naho mu Murenge wa Mukura, uzagera muri Rango A na Cyeru.

Umuyobozi w'akarere kandi, yibutsa abafite ibibanza mu mujyi bitabyazwa umusaruro nkuko biteganyijwe n'igishushanyo mbonera bazabyamburwa bigahabwa ababyibyaza umusaruro. Avuga ko icyo cyemezo cyafashwe n'inama njyanama y'akarere.

Source : https://impanuro.rw/2020/12/27/huye-umuyobozi-wakarere-ka-huye-yongeye-kuburira-abibwira-ko-igishushanyo-mbonera-cyumujyi-wa-huye-kitagikurikizwa/

Festus Bandeba umuyobozi wungirije w'akarere utuye Kabarole yavuze ko yahamagawe n'abantu bamwe bari bahanyuze bagasanga abantu abiyerekana bakora imibonano mpuzabitsina ku mugaragaro.

Nk'uko Bandeba abitangaza ngo bakiriye amakuru yerekeyenye n'icyo kirori cy'imibonano mpuzabitsina bahita bajyana n'abapolisi aho byabereye.

Bandeba yavuze ko batunguwe ubwo binjiraga mu kabari bagasanga abarimo bari bahugiye mu birori by'ubusambanyi.

Bandeba yagize ati: 'Nahamagaye umuyobozi wa polisi mu karere tugezeyo dusanga abantu barenga 80, kandi barimo kwishora mu mibonano mpuzabitsina, twafashe bamwe muri bo ubu bakaba bafungiye kuri sitasiyo ya Polisi nkuru ya Fort Port.'

Yavuze ko umuyobozi w'akabari na bamwe mu bakozi nabo bafungiye kuri sitasiyo ya polisi nkuru ya Fort Portal.

Yavuze ko abakekwa bakurikiranyweho kutumvira amategeko yemewe no gukora ibikorwa bishobora gutera no gukwirakwiza indwara yandura.

Bandeba yagize ati: 'Twasabye ubuyobozi bw'akabari n'abayobozi b'Inama Njyanama y'Umujyi wa Fort Portal gufunga akabari ku mugaragaro.'

Bandeba yavuze ko mu bafashwe harimo abana bato na bo bari bitabiriye ibirori by'imibonano mpuzabitsina.

Thomas Rwabwoni umwe mu bayobozi bo muri uyu umujyi yavuze ko batigeze bemera ko akabari ka Giraffe gakora kuva utubari twarafunzwe.

Yavuze ko biteye isoni kubona ibikorwa bibi nk'ibi bikorerwa no ku cyambu cya Fort kandi anakangurira abaturage kutazishora mu bikorwa nk'ibi biteye isoni.

Rwabwoni yagize ati: 'Ntabwo twigeze twemerera ubuyobozi bw'aka kabari gukora, twatunguwe no kumenya ibyabaye ku cyumweru kandi duhita tugafunga ako kanya.'

Justine Kemigisa utuye Kisenyi yavuze ko ibirori by'imibonano mpuzabitsina byateguwe mu bwiru bukomeye, byari bizwi gusa n'ababiteguye.

Kemigisa yagize ati: 'Kuva utubari twarafunzwe aho hantu hakoraga abantu banywa mu masaha ya nimugoroba ariko ku cyumweru amarembo yarakinguwe guhera saa munani z'igicamunsi, tubona imodoka zinjiramo'.

Yakomeje avuga ko 'kugeza saa kumi n'ebyiri z'umugoroba umuziki wari urimo ucurangwa cyane abarimo bakomeje kwishimira umuziki ariko abaturage bo muri ako gace ntibari bemerewe kwinjira kugeza igihe abapolisi n'ingabo bahageraga'.

Mu gihe cyo gutangaza aya amakuru, umuyobozi na bamwe mu bakozi b'aka kabari bari bagifungiye kuri sitasiyo ya Polisi ya Fort Portal.

Source : http://umuryango.rw/amakuru/mu-mahanga/article/abantu-barenga-80-baguwe-gitumo-bari-mu-kirori-cy-ubusambanyi-mu-kabari

Source : http://umuryango.rw/amakuru/urukundo/article/reba-inama-zizagufasha-cyane-mugihe-uwo-ukunda-usanze-yikundira-abandi-cyangwa

Aba bombi bagaragaye mu myenda yo kogana, Michelle Obama yambaye akenda k'umuhondo, isura ye igaragara ko yakoze siporo nta birungo yisize mu maso, yafungiye umusatsi inyuma.

Obama we yafotowe yicaye inyuma ya Michelle muri Kayak, ubona yishimye ku maso, yambaye ikabutura y'umukara yo kogana na lunette z'izuba n'ingofero ya baseball. Mu mazi kandi hagaragaramo n'abasaga n'ababacungiye umutekano.

Abana babo Sacha na Maria Obama ntibigeze bagaragara, bikekwa ko baba bari ahandi mu minsi mikuru bonyine.

Uyu mwaka 2020 wabaye mwiza kuri iyi 'couple' aho basinye amasezerano menshi yabazaniye inyungu.

Nka Michelle yasinyanye na Netflix amasezerano yo kujya akora inkuru mbarankuru ku gitabo yanditse cyitwa 'Becoming' kivuga ku buzima bwe.

Yanatangiye umushinga wo kujya akora ibiganiro bigaca kuri Netflix ndetse mu gihe abantu bari muri guma mu rugo, umutumirwa we wa mbere yabaye umugabo we Barack Obama.

Barack Obama nawe uyu mwaka yasohoye igitabo cyitwa 'The Promised Land' kivuga ku buzima bwe igihe yari akiri Perezida wa Amerika.

Source : http://umuryango.rw/amakuru/mu-mahanga/article/michelle-obama-mu-mwambaro-wa-bikini-ari-kumwe-na-barack-obama-bagaragaye-bari

Ibi byabereye mu karere ka Kicukiro mu murenge wa Busanza, ubwo umusore w'imyaka 35 yari yahuye na bagenzi be bari kwica kurya amafunguro bateguye arimo n'inyama.

Amakuru avuga ko ubwo bari barimo gufata ifunguro, uyu musore yaje gutamira inyama, ariko yagera mu muhogo ikanga kumanuka ndete ikamuniga. Nyuma y'uko bagenzi babonye ko ikibazo gikomeye, bahisemo kumwihutana kwa muganga.

Aha mbere babanje ni ku kigo nderabuzima cya Nyarugunga ariko bahasanga abantu benshi, bahitamo kumwihutana bamujyana ku kindi kigo nderabuzima cya Busanza, dore ko utu tugari twombi duturanye.

Mu nzira bagenda, uyu mugabo ni ko yarushagaho kuremba, maze baza kumugeza ku kigo nderabuzima cya Busanza asa nk'uwamaze gushiramo umwuka.

Umuyobozi w'umurenge yaguyemo wa Kanombe, Mapambano Festo, mu kiganiro na yagiranye na IGIHE dukesha iyi nkuru, yavuze ko atakwemeza ko uyu musore yishwe n'inyama, gusa avuga ko hakenewe gutegereza ibisubizo biza kuvanwa mu iperereza riri gukorwa kugira ngo hamenyekane intandaro y'urupfu rwe.

Yagize ati 'iperereza rirakomeje aho ngaho Nyarugunga, ntituramenya niba ari inyama.'

Si ubwa mbere umuntu mu Rwanda yishwe n'inyama yamunize, kuko tariki ya 8 Nzeri 2019, umusaza witwa Nitirehe Innocent w'imyaka hafi 70 wo mu Kagari ka Gasarenda mu Murenge wa Tare mu Karere ka Nyamagabe yanizwe n'inyama bimuviramo gupfa.

Abaturanyi ba Ntirehe bavuze ko yapfuye anizwe n'inyama yariye mu birori by'umunsi mukuru wo kubatirisha umwana.

Amakuru yemeje ko umugabo wari wabatirishije umwana muri kariya gace,yatumiye abaturanyi be n'inshuti zirimo na Nitirehe birangira inyama yariye imuguye nabi bimuviramo urupfu.

Bivugwa ko uyu mugabo wari wabatirishije yaje kwakiriza abashyitsi be amafunguro n'ibyo kunywa birimo ikigage n'inzoga zitandukanye.

Ngo ubwo abantu barimo kurya nibwo uyu musaza Nitirehe yariye inyama ikamuniga ahita ajyanwa ku Kigo Nderabuzima cya Mbuga ariko ku bw'amahirwe make ahita apfa.

Umunyamabanga Nshingwabikorwa w'Akagari ka Gasarenda, Mbarubucyeye Dominique, yemereye IGIHE dukesha iyi nkuru ko uyu musaza koko yishwe n'inyama yamunize.

IGIHE

Source : http://umuryango.rw/amakuru/mu-rwanda/ubuzima/article/kicukiro-umusore-yapfuye-bikekwa-ko-yanizwe-n-inyama

Kuri iki cyumweru tariki 27 Ukuboza 2020, Minisiter y'Ubuzima yatangaje abantu babiri bishwe na Covid_19, bituma umubare w'abamaze kwicwa n'icyo cyorezo ugera kuri  74 mu Rwanda.

Minisiteri y'Ubuzima yavuze ko abitabye Imana ari abagabo 2 barimo uw'imyaka 96 n'uwa 61 bose bo muri Kigali mu gihe abanduye kuri iyi tariki ari abantu 153 babonetse mu bipimo 2502 byafashwe.

Dore aho abo barwayi bagaragaye ni mibare yabo

Abanduye iki cyorezo babonetse I Kigali: 39, Huye: 103 bapimwe muri gereza ya Huye, Musanze: 4, Kayonza: 2, Rubavu: 2, Gicumbi: 1, Burera: 1, Nyagatare: 1.

Muri rusange, abamaze gutahurwaho icyo cyorezo kuva muri Werurwe ubwo umurwayi wa mbere yabonekaga mu Rwanda ni 7,817 barimo 1,607 bakirimo kwitabwaho n'abaganga.

Source : https://impanuro.rw/2020/12/28/amakuru-mashya-mu-rwanda-babiri-bishwe-na-covid_19-abandi-153-barayandura/

Arsenal yagiye muri uyu mukino iri ku mwanya wa 15 ndetse irusha amanota 4 gusa ikipe iri mu zimanuka,yatunguye isi yose itsinda Chelsea yari ku mwanya wa 06 ibitego 3-1 mu mukino yari hejuru ku buryo bugaragara.

Arsenal itahabwaga amahirwe,yatangiye umukino iri ku rwego rwo hejuru kuko mu minota 10 ya mbere yabonye uburyo bwo kubona igitego ariko Gabriel Martinelli ntiyabubyaza umusaruro.

Abakinnyi ba Arsenal barimo Bukayo Saka, Kieran Tierney na Gabriel Martinelli bakomeje guha akazi gakomeye ubwugarizi bwa Chelsea kugeza ubwo ku munota wa 34 w'umukino,myugariro Reece James yetegeraga Kierney Tierney wari umaze kumucenga,umusifuzi Micheal Oliver atanga penaliti.

Iyi penaliti yinjijwe neza na rutahizamu Alexandre Lacazette wari wabanje ku busatirizi na Martinelli na Emile Smith Rowe cyane ko Aubameyang aribwo yari akiva mu mvune na Willian utahawe umwanya.

Ku munota wa 44,Bukayo Saka wari ku rwego rwo hejuru muri uyu mukino,yategewe hafi y'urubuga rw'abakinnyi ba Chelsea umusifuzi yemeza ko ari coup Franc.

Uyu mupira wahariwe Granit Xhaka nawe awutera ishoti rikomeye cyane ryaganye mu izamu rya Chelsea,umunyezamu wayo Edouard Mendy ntiyabasha kuwukuramo kiba igitego cya 2 cya Arsenal.Igice cya mbere cyarangiye Arsenal iyoboye n'ibitego 2-0.

Frank Lampard yatangiye igice cya kabiri yinjiza mu kibuga amaraso mashya aho Callum Hudson-Odoi na Jorginho binjiye mu kibuga basimbuye Mateo Kovacic na Timo Werner.

Ku munota wa 56 ibintu byabaye bibi cyane ku ruhande rwa Chelsea kuko Bukayo Saka wayizonze yazamukanye umupira wenyine,abeshya ko agiye gutanga umupira ariko ahita awukata ukubita ku giti cy'izamu winjira mu izamu.Iki cyabaye igitego cya 3 cya Arsenal.

Chelsea yari imaze gutsindwa yagerageje gushaka igitego cyo kugaruka mu mukino ariko ikomeza kugorwa n'abakinnyi ba Arsenal bari ku rwego rwo hejuru kuri uyu wa Gatandatu.

Umunyezamu Edouard Mendy yakoze ikosa rikomeye ryashoboraga guhesha Arsenal igitego cya 4 ubwo yaherezaga umupira Lacazette wari wenyine ariko amuteye ishoti arikuramo.

Ku munota wa 83 Arsenal yabonye amahirwe akomeye mu rubuga rw'amahina ubwo ku munota wa 84 Mohamed Elneny yateraga umupira ugarirwa n'igiti cy'izamu.

Ku munota wa 85 Chelsea yagarutse mu mukino ubwo yabonaga igitego cya mbere ibifashijwemo na Tammy Abraham gusa cyabanje kwangwa n'umusifuzi wo ku ruhande ariko VAR iracyemeza.

Iminota yahise iba mibi kuri Arsenal kuko ku munota wa 89,Thiago Silva yahawe umupira mwiza mu rubuga rw'amahina rwa Arsenal,awuteye umutwe ujya hanze.

Ubwo umusifuzi yari amaze kongera iminota 5 kuri 90 y'umukino, Mason Mount yategewe mu rubuga rw'amahina na Pablo Mari,umusifuzi yemeza penaliti ya Chelsea.

Iyi penaliti yahawe Jorginho usanzwe azwiho ubuhanga mu kuzitera ariko ayiteye umunyezamu wa Arsenal,Bernd Leno ayikuramo.

Aya niyo mahirwe ya nyuma Chelsea yabonye kuko umukino warangiye itsinzwe ibitego 3-1 ku kibuga cya Emirates.

Mu yindi mikino yabaye uyu munsi,Manchester United yari yasuye Leicester City banganya ibitego 2-2 byatsinzwe na Marcus Rashford na Bruno Fernandes mu gihe Leicester yatsindiwe na Barnes na Jamie Vardy.

Aston Villa yatsinze Crystal Palace ibitego 3-0 mu gihe Fulham yanganyije na Southampton 0-0.Liverpool iracyari ku mwanya wa mbere n'amanota 31 mu gihe Arsenal yagiye ku mwanya wa 14 n'amanota 17.

ABAKINNYI BABANJE MU KIBUGA KU MPANDE ZOMBI:

Arsenal XI: Leno, Bellerin, Holding, Pablo Mari, Tierney, Elneny, Xhaka, Saka, Smith Rowe, Martinelli, Lacazette

Chelsea XI: Mendy, James, Zouma, Thiago Silva, Chilwell, Kovacic, Kante, Mount, Pulisic, Abraham, Werner

Ibyishimo byari byose ku bakinnyi ba Arsenal bataherukaga intsinzi

Source : http://umuryango.rw/imyidagaduro/imikino/article/arsenal-yongeye-gushimisha-abafana-bayo-nyuma-y-igihe-kinini-bari-mu-gahinda

Minisiteri y'Ubuzima yatangaje ko abapfuye ari abagabo 3 barimo 2 bo mu mujyi wa Kigali aho umwe afite imyaka 89,undi akagira 71,mu gihe undi ari uw'imyaka 61 wo mu karere ka Rusizi.

Abanduye iki cyorezo babonetse I Kigali: 37, Gakenke: 14, Rubavu: 9, Gicumbi: 7, Muhanga: 2, Huye: 2, Musanze: 1, Rusizi: 1, Gisagara: 1

Minisiteri y'Ubuzima yatangaje kandi ko abantu 24 bakize Covid-19 bituma abamaze kuyikira baba 6,227.Abakirwaye ni 1,518.

Kugeza ubu nta muti n'urukingo bya Coronavirus biragera mu Rwanda, hakoreshwa uburyo bwo kuvura ibimenyetso by'iki cyorezo gusa, kugeza umubiri w'umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune, kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.

Nyuma y'uko leta y'u Bwongereza itangaje ko hari ubwoko bushya bwa Coronavirus bwandura vuba inshuro 70% ugereranyije n'ubusanzwe, ibihugu bitandukanye, birimo n'iby'i Burayi byafashe ingamba zo gukumira ubu bwoko bushya bwa Coronavirus, gusa izo ngamba zisa nk'aho ntacyo zatanze kuko iki cyorezo cyamaze gukwirakwira mu bindi bihugu by'i Burayi.

Ibihugu birimo u Burafansa na Espanye byamaze kwiyongera ku bihugu byamaze kugeramo ubwoko bushya bwa Coronavirus, n'ubwo byari byashyizeho ingamba zo guhagarika ingendo zabyo n'u Bwongereza.

Mu bindi bihugu ubu bwoko bushya bwa Coronavirus bwagezemo harimo Australia, u Butaliyani, Denmark u Buholande na Suede.

Hagati aho, iki cyorezo cyageze no mu bihugu bya Afurika birimo Afurika y'Epfo na Nigeria, ibyatumye hazamuka impungenge z'uko mu gihe nta gikozwe, ubu bwandu bushya bwandura vuba bushobora gutuma umugabane wa Afurika uzahazwa cyane na Coronavirus nyamara wasaga nk'uwihagazeho, kuko kugeza ubu wari umaze kugira ubwandu bungana na 3,3% by'ubwandu bwose buri ku Isi hose.

Indi mpamvu ituma habaho izi mpungenge kandi ni uko umugabane wa Afurika usa nk'utangiye kudohoka ku ngamba zo kwirinda Coronavirus, ndetse ibikorwa birimo amatora n'ibindi bihuza abantu bikaba byarasubukuwe mu gihe kwambara agapfukamunwa bisa nk'ibitagihabwa agaciro.

Ku rundi ruhande, abashakashatsi bavuga ko ubu bwoko bushya nta zindi ngaruka bugira, bakamara abantu impungenge z'uko butica vuba cyangwa se kuba bwaba bufite ubushobozi bwo kwanga inkingo ziri gukorwa.

Source : http://umuryango.rw/amakuru/mu-rwanda/ubuzima/article/abantu-3-bahitanwe-na-covid-19-mu-gihe-abandi-74-bayanduye